رنيم___يا ريحة خُبز مبيوگ
من عمال متعوبين
يا طاري العِشگ وانجاب
بين جنود مشتاگين .
رانيا__فزّة طيور الصبح
فزّيت امس..
چن درابينك جزتني
و ألف باب انفتح بيها
وظلمه ضمّتني بديهة
ومدري وين اسمع شمس..
وداد__حِبني إعلى گد گلبي ..
يا أول بشر أتعب بدرّبة هوآي ،
بَس أتونس بتعّبي .
ماهر__ أنتهينا وأنتهى
الماينتهي وخلص حَچينا .
تنغصت بوجع حسيت بلكانونه من جريت ايدي ضليت مركزه بوجوده هذا شعنده حست عليه سمر برفعت راسهه اجت تقدمت تتفقدني شلون صرتي
راسي ثكيل
...اي هبوط عندج
شصار
...مصار شي غير وكعتي حيلي وانتي فاقده شويه ويطلعوج خابرت امج كالت جايين اني وعمها
هزيت راسي دايخه وعيوني تلزك اريد اغمض
الصوت راح الولد ماشفته متحرك من مكانه ضلت سمر تسولف وياي هي سكرها هابط وعالجو الهه بس احسن مني ادكلي تخبلت ضغطج ٢ كلت ماتت لوما يضربوج
ابره وعلكولج مغذي
التفتنه على الصوت عرفتها امي وجدي طبو امي اجت لزمت راسي سوده عليه يمه شجاج
هاا جدي شبيج
مابيه شي شويه دخت وهبوط طلع
هز راسه يتلفت ثواني وكال يابه اكو مجال سمر يمي واكفه وتسولفلهم موقف التفتت
طلعت تحاجي شويه وطبت وهوه وراهه اني على كعدت بس رفعت نفسي انتجيت
طب منصي شاف جدي سلم عليه هااا عمي الله يساعدهم
كله هله يابه هله
اخذه جدي مسافه وسد البرده كالت ابنيتي انت ماخذها مشكور عمي
صوتهم ابتعد امي تتفحص وجهي دارته منا ومنا
..يمه خوما مكسوره صايرلج شي
وخرت ايده يمه مابيه جني حصان مايضربني عرج
... التفتت السمر شوفي شوفي السانهه غير اعرف شبيج مابيج لو انتي حتى من مريضه لسانج رشاش
سمر تضحك وتهمس خاله انتي مشايفه حاگه انتي لو تگي معانهه للجامعه ترگي مصدعه من لسان الوليه دي
انكلبت مصري بت لفته وتحرك بصابعه الاربعه من كل ايد وتعوج حلكهه
امي كالت شنو خاله
يمه مالج خص بيه تمسلت .....
طلعوني بعد ماخلص المغذي تمشيت على كيف الدوخه تجي وتروح وصلنه باب الخروج طلعت منه رفعت راسي واكف منتجي لابس نضاراته
دنكت امشي وسمر بصفي وامي كدامنه بعد خطوات المشي حسيت على جدي رفعت راسي واكف يمه تلكانه ها بويا
امي كالت ها هيه مابيه شي مجرد هبوط
ماسولهه تحالي شي
لا والله عمي كالو مايحتاج مجرد هبوط يحتاجله تغذيه وملح ولبن وصير احسب
..عنده العافيه يله بويا استاذ نهاد تكفل يوصلنه صعدتني امي وهي وسمر صعدن جدي بلصدر بصفه
بدوه يسولفون عن احداث متنوعه جدي مبين نوعن ما مرتاحله ومنطلق بلحديث هوه واضح عليه متمكن ولبق بلكلام ورزن بحيث سمر شويه وندستني صايره بلنص همست يم أذني دباعي شلون اخذ جدج بلسانه وخلا يحجي عن اصله وفصله
اي دااسمع هذا شنو سالفته اليوم معاجبني وضعه مره يدفع فلوس الملزمه اليوم هوه تكفل اخذني للمستشفى وهسه يوصلنه للبيت ولازم جدي ودك سوالف
...سمر كالت يمكن هذا واكع ومحد مسمي عليه مشوفي مهتم
لا مااعتقد مبين من كلامه ماعنده هاي السوالف المهم عوفج منه بحث شلون بي حيرتي يمه
... اني احاجي الاستاذ واخذ ورقة الطبيب بلكت يعذرج وينطيج وقت تسوي
ماشي احتمال مااداوم باجر احتمال مو اكيد
...دصير زينه والله كريم
وصلنه بعد ماجدي دلا وكف مقابيل بيتنه نزلت كوه دوخه متروح مني اسمع جدي مجلب بيه ينزل وهوه يتعذر ويتحمدلي يم جدي عده العافيه مشوف شر جدي طالسه اني دخلت وراي امي وسمر
سمر ماضلت اجه اخوهه رجعهه واني صعدت انام
يومين صخونه لازمتني واون ماهر وامي فوك راسي
كل شويه افتح عيوني لكاهه سوي كمادات الراسي
لو الرجليه وايديه وداد كل ساعه مكعدتني شربني
علاج
صحيت ثالث يوم الفجريه شبعانه نوم وكفت رجليه طكطن اخخخخ جسمي مكسر الغرفه ضلمه مشيت اجيت اعثر بشي فزيت مبتعده وصلت للباب فتحت الضوه الخفيف على كيف خليت ايدي على كلبي
خرب يومج وداد شجابج ماده فراش و نايمه اخذت ملابس طبيت سبحت جسمي رخه ونتعش من برودة المي طلعت جففت شعري وسرحته ولميته
نزلت جوعانه شفت فتحت الثلاجه ماكو شي بس مخضر فتحت الفرن ايي لكيت ربع دجاجه حميته طلعت خبز يحر ثرمت زلاطه
شون ماعون يخبل وهجمت ماكمت لحد ماسكت الماعون وبيه طاقه اكل نومت الايام الكضيته طلعته
غسلت وغسلت ماعون وصعدت تمددت بفراشي
افتقدت جهازي دورت ماكو يم راسي تلمست الميز اي
هذا اخذته مغلق فتحته
وكمزت من الاشعارات بسرعه سديته لكيت سمر ونغم وصديقات القاعه كلهن يسألن عني باوعت اكو رقم موديلي رساله
فتحتها الحمدالله على السلامه لاشيلين هم البحث اعتبري تم وبلموضوع التريدي
بسرعه كعدت حفظت الرقم ودورت بلبرامج واتساب وماكو فيس ماكو ماعندي فايبر حملته وانتضرت اثبته
يربي منو هذا حمل الفايبر ثبت الرقم فتح دورت بلاسماء طلع عنده فايبر دخلت على الصوره طلعت صورة طفله حليوه واخر ضهور قبل ٤ ساعات
حيرني هذا الرقم منو وشنوموضوع بحثج اعتبري تم
ياهو معقوله حازم طالب وياي يعرف بموضع البحث والربكه الصارت بي سديت التلفون وبالي الرقم
رانيا ___ واكفه اغسل اماعين والصونده جارتها وخالتها بنص الهول متانيه اخلص واغسل البيت وفضل يلعب بنص الهول
هوست البيت كابه بين التنضيف والشغل طب نصير دايخ اول مشافني كال سويلي كلاص جاي وجيبي فوك
شبخ اول بايتين وصعد عفت البيدي سويتله جاي وصعدت ورا كاعد على الجربايه ركبه ونص وعيونه على التلفزيون يدخن شافني اخذ الجاي
بده يشرب ويدخن مو طبيعي وضعه درت من الجهه الاخ كعدت بصفه مركز ويه التلفزيون دنك على الصينيه فر الستكان ونضرت عينه بلفراغ هدوء تام
نفسنه ينسمع
نصير حاسته مهموم الايام الفاتت وهوه يطلع النهار يرجعه اليل يذب روحه من التعب شبي وشنو صاير ويا
مااعرف الله هادي ترك الشرب ذاب بروحه بلشغل
عيوني تتنقل مكسوره ملامحه ماكدرت اسكت اكثر قربت روحي همست ابو فضل
ملامحه فزت كأنو كان غايب عني حس بوجودي عصر عيونه التفتت هااا
جوعان
هز راسه لا
نصير
دار عليه كولي
شبيك موعلى بعضك
تنهد يفرك بوجهه شرب الجاي كمعه وحده من يمي نعصرت بعده حار كام وكف قريب التعلاكه نزع بنطرون الشغل والقميص رجع فتح الكنتور سحب تراك
وطلع كدامي
خطواته بتوتر سكتت وعفته يسبح نزلت مااعرف شلون كملت شغلي التفتت للعشه سويت شلون ماكان هوه فوك لف راسه ونام
صحت نسرين صبي واني صاعده النصير كالت
شنو متاكلون ويانه
لا اخوج مدري شي قالقني
شبي
ماادري مديسولف موتني
عادي هسه تلكي مطلوب وحاير شلون يسدد دينه
صفنت يمكن مثل مدكول طفرت اخذت صينيته وصعدت لكيته مدد ويباوع للسكف وضهره متجي على الحايط بصف السرير
حطيته بلكاع شافني ذب الكطف سحب الدوركه شرب مي واني صافنه عليه دنيته تربع وعدل الزوليه تخربطت من سحبت رجله
كمت وفضل صاحه ياكل رفع راسه وين
اصلي اذا اكل اثكل ومابيه اكوم اقضيهه ضل بركبتي
دنك يحط بحلك فضل لكم عفتهم رحت توضيت وكفت اصلي بعدني بلاول حسيته شال الصينيه على صفحه حطهه واخذ فضل وطلع
كملت كعدت اسبح طب وفضل وجهه مبلل عرفته مغسله كمت اكمل صلاتي وكعدت قريت كم سوره من السور القصير سديت الكتاب الكريم
طويت السجاده التفتت كايمه شفته كاعد يشرب جاي
تقربت يمه يكلب بجهازه باوعت يتصفح الفيس باوعت
يبارك الواحد من جماعته مناسبة زواجه
همست نصير
...اممم وعينه بلجهاز
شويه انتبهلي
...كولي شنو ومستر يصفح
سحبت الجهاز
...باوعلي مخنزر نتر شبيج
داتحجي وياك عوف الجهاز
...احجي فضيهه
شبيك موعلى بعضك صارلك كم يوم سولفلي صاير وياك نصير اني زوجتك وام اطفالك ومن ازوجنه اشاركنه كلشي ليش ماسرني وتحجيلي المضايقك
... ماكو شي مجرد ابو المحل يريد ايجار مال ٤ اشهر واني ماعندي وحاير منين اجيبله
صدك يعني شغلة فلوس دحجي كول
...شكو رانيا اكلج على شنو
ابيع ذهبي وانطي
...تنهد لايابه شنو السالفه
لزمت ايده فدوه نصير خليني اساعدك كافي عليك متحمل مصاريف البيت واخوك كاعد على منين نعيش اذا سديته واني على ابواب ولاده منو يكول اجيب طبيعي اذا موعمليه مثل فضل
سكت مدنك وعيونه مركزه بلحصير حاير
احجي عيوني انت تذكر شكد حاولت تخطبني من جدي وكتلي بس خل نصير وكلشي يدبر بعده وصرنا وعشنه سوه واجانه ولد ورا بنيه هانت الاكبر منهه هاي متهون وشسوي بلذهب نصير جهالي اعيشهم واكلهم والبسهم تسوى عندي الكون كله
هاا شكلت هز راسه على سكوته حسيته خجلان بعدني بمحرم الصلا تقربت مديت ايده وكاعد نص كعده منتجي وماد رجليه وايده جوه راسه وعكسه على المخده حضنته ومددت راسي صار على صدره
دفو جسمه وانفاسه الهادئه خلني أمن واحس روحي السويته صح عوزت الرجال تكسر واشوفه حاير بيجار
الذهب للعازه واجه وكته
ضل على كعدته حتى ماحضني رفعت راسي مغمض عيونه وايده الاخ يفرك براسه ساكت فتحهن شافني
عقج وجهه راد يكوم جريته شبيك
وخر ايدي وكام طلع صفني بلعتها وكلبي يمه تصرفه مال واحد حسبه باله عيوني على الباب كمت شلت فضل نايم يم ملاعيبه حطيته بفراشه غطيته
كعدت على السرير ايدي على بطني بيه وماتكبر طبيت بلسابع ساعه ساعه تمر وهوه ماكو دكيت على نسرين كالت طلع
نمت وجرت الايام سكوت تام يطلع للشغل يرجع يتغده ينام ساعتين ويرجع يطلع يجي اليل يلف راسه ويتنهد
نزلت كدام عمتي وهوه كاعده كتله عمه بيعي وشكد يجيب مومشكله ضلت صافنه تباوعلي وتباوعله عبالهه الي
هوه ساكت ويدخن يصرف بهل جكاير ويرجع اليوره هز راسه يباوعلهه سكتت للعصر رجعت بايعته صح كسرو بقيمته كلبي وعقلي مقتنعين ماريد اخليله اهميه
ميسوه عمتي بوستني من عرفت ساكته خليتله الفلوس بخانته رغم عصبيته وعربدته قبل بس اليوم اشوفه نصير الي شايل جبال على ضهره
وسكوته ذابحني مااريد احرجه واعرف طبعه اذبحو ولا تنزلون راسه يوم الزامط ويه ابن خالته عليه كله انت مهتلف و بهل بيت ضال من ينطيك مره ولا شغل ولا عمل يخابرني يكمز اني عدي يعيرني اني مهتلف الله يرحم ايام كبل يجي ياكل ويشرب يمنه
بطنه خايسه من الجوع وابويه محل الكصابه يجي محمل فلوس بتنكات غير امي خربك ومالمته
وخلال شهر اشتغل عامل بلدراجات واجه طلبني وهم جدي رفض ورجع اشتعل نار كنت اول وحده تلزم مبايل سري بدون علم اهلي بعت تراجيي ب٢٠٠ وره زمن النضام وطبن التلفونات غاليات كوه حصلته وحصلت رقم احير وين اضمه رنيم تدري بس اخزرهه تخاف وتسكت تختل جوه البطانيه اضحك عليه جبانه
بس كانت علتي الجبيره ماهر فاضحني بنضراته وشكه
بس يباوعلي بنضره تمعن اعرف بي كاشفني اشرد منه
وهوه لوتي يعرف مره لزمني من معصم ايدي نتر بوجهي وكال ليش تشردين شعندج تتختلين بيومه
نزل نص وزني من الهبطه
باوعلي كوه كتله ماعندي شي
والماعده شي هيج تخاف وترجف
كتله وخر لااصيح ابويه والله
ضحك شو صيحي اريد اكله على احم هذا شيسمو ال
شو ذكريني
خلاني ابلعم ومااعرف احجي قرب وجهه بهدوء عينه صارت بعيني تتنقل بيهن يشوف خوفي ورجفتي على شفايفه شبه ابتسامه همس هاا شتكولي
نصيت عيوني حجه شوداج لهل درب بت عمي الحبابه
التمشي بي يضيع حيائها وتكبر على البرائه وتدنه شويه شويه
نزل ايده رجع استعدل ويباوعلي بنضرات مافهمتهه
عوفي سوالف البنات وارجعي رانيا الدبدوبه ام خدود كرصني من خدي هاا
هزيت راسي بس اريد اشرد كال ديله كعدي أمين
كل ذني اذكرتهن بلحضه استعاديت ذاكرتي خطبته
الرنيم كلبي مقبوض ماريده صير من قسمته ماهر
ميتعاشر عشرته مر جربته وعرفته شسوه بيه
لعب لعب خلاني اعيش برعب لازم احاجي رنيم
ترفض هاي تموت يمه متتحمل
افتريت الملم وافكر فضل ينعوص عليه يريد يطلع يشتري لزمته خالتي اشترتله ورجعت صعدت وهوه بيدي صعدت الدرج شطوله صير من ثكل الحمل
طبيت للغرفه بس بدلت وهذا يفتر لزمت غصبته ينام
مددت النعاس بعيوني نمت مر الوقت حسيت على نصير طب اخذ ملابس وطلع عرفته يسبح
يرجع مدهن وريحت بانزين غفيت سرحت بلنومم فزيت على نغمته تلفون غافيه اريد ادير اسده
سمعت صوت نصير كال وكتك بصوت ناصي
صوت النوكا عالي اسمعه كله ابو فضل الاتفاق يضل اتفاق هذا موجود بسنتكم شيكول الرسول بعد الاتفاق نور لاتخلي الحجي يصير غير حجي
نصير... منين احصلك كتلك عفت الشغل يمك عدي واسأله وهوه اصلاً جماعته يحصلولك
...اريد كميا جبيره وبس تخلص نجيب اكبر وتتوزع عليكم شخسران انت مو جنت تجرجر بينه وعلمتنه
على سوكه
نصير ...غير كلنه ياالله وراي جهال ابو صيبع اعفيني ولا تطلب بضاعه كلهم عفتهم شوف عدي وكتلك الجماعه جماعته وشغلتهم هاي يدبرولك من جوه الكاع
واذا مالكيت روح السيد هاشم تلكه هواي
هوه عشهم هناك تضيعهم تلكاهم يمه بس كول من طرف ابو جمعه كله تستقبلك صاحبهم من زمن الغزاليه
وشلتهم وشلت ابو يوسف
كفيت وفيت ابوفضل
اغاتي اغاتي وسده هذا شيحجي
ماهر__احنه ماعدنا العشگ صَفنه وخيال
احنه من نحب نطگ وننفجر .
رنيم __شَمني حتى تعيّش
كِل وردّه بوطِنها .
بين فزت عشك وبين شمت هوا ارد اضوي درب العشك
وهيم بروحك الماتنطفي اشمر روحي علروحك ضمني
بينك وبين شوكي المشتعل صفني على صفت ورد
تزهر برض بستانك
هايمه وطايره مامصدكه اطفر وارجع احضن روحي واكعد معقوله السمعته اضحك وروحي اطير واضم وجهي بلمخده ابتسم فرحانه
امي اصيح واني مغلسه وقافله باب الغرفه بس انزل وشوفني اجيب الحجايه واضحه الفرحه بعيوني طفرت وكفت كدام المرايه دنيت راسي امسح بخدودي
دك الباب فتحته ايسر عصبي مسمعين امي تصيحج طرشه
غير على اخويا الچبير
ركض وراي نزلت ركض اضحك عليه
الزمج
عيبت عليه من دبش
يسويلي بسيطه
كملت نزلتي اريد افوت للمطبخ بوجهي ماهر واكف يم امي يسولف شافني دنكت ردت ارجع امي كالت تعالي يمه
رحت يمهم كالت شوفي هذا ابن عمج يريدج بكم حجايه تفاهمو عليهه والله يسهل امركم
كلهه عمه اطمأني مااتاخر
امي حجت لا يمه قابل مااعرفك
امي دارت وجهه وطبت باوعلي كلي تعالي بلحديقه
مشه كدامي طلعت ورا جر كرسيين جانن مطبكات كرسي فوك كرسي خلالي واحد وهوه كعد
كعدت كال بعد ما رجع رجليه جوه الكرسي وشابك اصابعه بعض تدرين خطبتج من جدي
هزيت راسي واني مدنكه
...وتدرين شرط عليه
رفعت راسي شنو ياشرط
...ابتسم حاضر وغايب ٢٥ مليون
ليش
...ضمان الج
اجتاحني خوف شرط جدي هواي منيله هلكد فلوس تنهد كال اعرف الباله ميخالف يمون وانتي عندي بوزن الذهب واغله مايغلن عليج الفلوس
رنيم صحتج عندي حجي لازم تكونين بلصوره ابني وياج حياتي على واحد ثنين ثلاثه تمشين عليهن افرشلج الدرب ورد تخالفيني انتي تعبين واني اتعب وحبنه يضيع بينهن
اول حجايه مطلعين عن شوري الاكوله الكه جواب تم بدون نقاش مااكلج صيري خرسه بس اكو امور مااريدج تدخلين بيهه اولهه شغلي مالج بي لزوم
طبتي طلعتي ماتكعديلي على الدجه مثل بيبيتج واكفتلي عضم بزردوم اركض اريد أمن مستقبلكم
منين اجيت وين طلعت مااريدهه
حجابج مااريده يطيح حتى كدام مهدي اعرف رابين سوا ومثل اخوج بس يحل عليج كلشي ضمي الي
والحمدالله خالصين من فقرة وديني لهلي هياتهم بصفج بس طلعين الطرمه بيت بطن بيت
دار وجهه على الشجره الشغله الأهم التفتلي دراستج
دنك اذا الله سهل شرطي تلبسين عباية راس وادرسي
ماامنعج داومي واسويلج خط واذا صار زواجنه ورا
امتحاناتج مااطول شهر ونزوج
يعني داومين وياي اخذج وارجعج بيدي
ابتسمت هوه ضحك اخخخ صدك رنيم هههههه هيج بيه بخت والكاج يمي مثل ذاك اليوم
يبوو دوروني ضعت من الخجل مردت اصابعي دنه راسه يم اذني همس احضنج بواهس وبدون خوف
وحلالي الحالي
كافي فدوه
...اني اروحلج فدوه سويتي بيه ضيعتيني وضعت بيج وين مااروح انتي بوجهي شايفه جدي من كال الك
غير حضنته ابوس بي ضربني بلعوجيه يكلي انه جدك يلأغبر
ضميت وجهي اضحك وهوه يضحك يباوعلي وعينه مره على الباب لايجي احد يكدر يشوف الشباك اذا احد يباوع
كومي يله كافي سولفنه كومه عيب من امج واني مسلمتهه اله طوع امره كمت طبيت وجهي مورد امي واكف دكلب بلتمن باوعتلي
كالت صلاوات متفحه لو ادري سوالف ماهر تخليج هيج جان من زمان وديته عليج ولا كعدت يمي مبوزه
ههههه شبيج ماما
اني لو انتي سدي حلكج لايشوفج جدج يكول مستخفه على العرس
ياا ماما صدك شمسويه هسه اني
...امي جدج فطن لو يريد شورج جان كلج جدي ماهر يريدج تردي يطلع من خطيتج انطاج بون ميسألج ليش
لان فاضحه روحجي من شوفي تتخردلين اني من يمي كمت اخاف عليج لا تتهورين وسويلج سوالف العشاك همزين الولد خطبج وريحني هسه كليلي شكلج
هاا شوفي ماما اشو هذا يكلي لبسي عبايه بلجامعه عود صدك يحجي
...اي وشكلتيله
ماكتله شي بس اني مامقتنعه
...وليش ماحجيتي يمه
ماادري لهاني
...اذا انتي هيج ثوله ومسلمته الصندوك ومفتاحه عليمن تكولين مامقتنعه حاجي من هسه التردي والماتردي خليهن كدامه من البدايه امشيه ويا
على بر على كولتهم ذبحيه على القبله
مانريد بعد يومين مشاكل عناد ومامقتنعه وجبرني
وهوه يصيح اني كتلهه
يمه خصميه ويا مدام اجه وكلي عمه اترخص منج احجي وياهه كم حجايه انتي هم صيري فطنه وكعدي
بينج وبين نفسج وشوفي شنو التردي وشنو المتردي
نكتت الجبجير ورجعت فتحت قبق جدر المرك
اي وبعد شحجه
عرفته تريد تعرف تفاصيل الحوار سولفتلهه وهي تتنقل سحبت روحي صعدت الغرفتي
الايام مشت بيه واني لاهيه بلدراسه ايام مراجعه الموضوع نسد وماهر ماعاد شفته من اخر لقاء مرات ورد تمر وتصعدلي اسألهه جاوب اني شايفتج ماشايفته هذا يكعد من غير عركات وداد وبيبي يوميه حاجيه وياهه وذيج صلفه تعاند
وترد الكلمه بعشره وشوفت عينج اني صاير حازوز
هههههه يجي يوم بيبي تكفش وداد
ماضل شي شهر ونص تبد امتحاناتج
اهز راسي ديله اعوفج تقرين
نزلت وكملت قرايه
لحد ما فديوم نزلت ضايجه بليل بحدود ال ١٢ اشتم هوه واقره بلطرمه رغم حر وبك بس اخذلي فره واصعد
البيت صنطه الكل نايم طلعت وبيدي ملزمه والدفتر بطنهن القلم جريت بساط ومددت عليه وفرشت املزمه اوراق مسويته شلعت الكلبس
مندمجه واقره سمعت صوت بره يروح ويرجع رجعت اكمل مره وقت مدنكه احل طفت الكهرباء المنطقه كله هدئة المبردات سكتت
عله الصوت هذا يم سياجنه كمت مشيت هذا منو
واكف يم بابنا عبرت الحديقه على باب الشارع
صوتهم مواضح مبين ثنين اشخاص كانو بعيدين من تقربو وضح الحجي عرفت كانو يمشون
هذا مهداوي وماهر رجعت الوكفتني زمخت ماهر
انت شجابك شدلاك مهدي احجي لاطلعني من ملت محمد
مهدي...وانت موجود شبيك عصبي
ماهر...شلعيك بيه اني انت شوداك متحجي لتخليني هسه امردك وحق ربك
مهدي...شبيك ماهر لاتكفرنه شكو صيح منا العالم امشي جوه نتفاهم
دنكت اباوع اجت المولده زرف بلباب مال خيط السركي شفت جره من ياخته وين جوه وين تريد
تبليني جدك اله بدل العين عشر عيون وذني فوك وامي جوه خابرتني كاعده
مهدي...اني مثلك اريد الم اريد مااحتاج جدي وعمي ماجد والله استحي يدفعولي فلوس الخط وامك الايجارات تكضيهن اكل ومشاوي نص الشهر وكالت وشلت
ماهر ...شوراك جهال عائله كمل الجامعه وتعينك مركزي شسوي راكض وراي عوفني بشغلي التريد
اجيبه الك
مهدي ...ماهر رحمه الربك مقتنع بعد ٦سنوات شيكضيه وملازم ومصاريف الدراسه اضل اباوع على ايد جدي
عيب والله عيب اموت الف موته لو ابويا اكول عادي
كبرت يااخي هم بنفسي اسافر مثل جماعتي اطلع اتونس اشتري سياره اطلع تركيا اوربا تعال وشوف اليمي يوميه بدوله شكل عطلهم كلهه هناك
ماهر.. وانت شنو تقلدهم هاي رجولتك تقيسهه بلسفر والسياحه هاي كل البالك تطلع نسيت شون عشنه
تذكر ابويا وركضه يجيب علاكة المسواك وكضاهه
حروب شبيك مهدي وين تباوع انت
نتر بي مهدي اي باوع من حقي شناقصني غير الشغل
شتريد اباوع عليهم واضل ساكت وحاط ايدي على خدي
بابا اني وراي زواج شهادتي انكع مايهه واشربه مجرد شكليات على ابو عنده شهاده انت وضيفتك كدامك طبيب وتمارس مهنتك اني اتخرج اسفط واكعد
..واني ماوراي زواج هم احبلي وحده مااريد اطلعه اونسه اشتريله هديه اجمع ومن سنه السنه عود اشتريله سوار لو كلاده بربك هاي عيشه
ضحك وجره من ركبته هناا الحجي ابو درب بالك وحده
دنك اي
جره حضنه عوفهه عليه وانت اطلع منهه
وخره يباوعله يحجي باصرار مااكدر مشروع مربح ومخسران شي وشغلتهه سهله
ماهر فرك وجهه خله ايده على جوانبه مدنك وينفخ رفع راسه تدري لو الزمت تروح بلحمره وتضيع شبابك
لا تخاف شيلزمني مو ابو حسن صارله سنين بيه ماراح
..لك ذاكه حوت بضهره الوكيل شيلزمو مشي اموه واذا لزم ياخذله شهر ويطلع منهه برائه
سكت وكله مهدي وحق ربك اذا ماطلعت لا ادميك دمايه اطلع حيف الايام بيك
نتر شعليك مني
خررررب ...... مهدي لا تفور اعصابي واجنزك كتلك شتريد ركبتي سداده ومصاريفك اني اتكفلهه من خرب
بيك وبيوم الجابتك بيهه
مهدي سكت وعيونه تحجي تحجي اصرار شغلتي مويمك خلوني على البصمه محد يمي
لك يا هوه مويمك بابا حاط روحي بشيشيه على ساعه يداهمونه اخباريات ذاك اليوم رصدنه واحده وغيرنه الموقع لتكفرني مهدييييي
يحجي ودمه فاير صوت المبردات والمكيفات محد يسمعهم بس القريب يم الباب
انطي باص لأيهم يطردك واذا فكيت حلكك اترسه دم دفعه كدامه ومشا جاي طفرت ركض لحكت ويه فتحت الباب طبيت بلحمام الخارجي يم الباب
مسطور ماهر بحيث طب من باب بيت جدي لزمت كلبي ماشافني
يومين واني مدوهنه ماهر ومهدي شغلهم شنو وليش هلكد خايف على مهدي
ثالث يوم محسينه غير ماهر ساحل وداد بنص الهول اني فوك اقره وراهه امهه تعيط طلعت ركض شفته موجهه السلاح على راسه وهي ترجف وتبجي نزلت بسرعه صاح جدي هااي الساقطه اذا ماقبلت بلولد احط طلقه براسهه
عمتي عاطت ولك اختك مااااهر يمه اختك
صاح ماشفتيه وهي وتلفوناتهه وين جنتي عنهه تريد صخم وجهنه وتشرد
........يتبع
السلام عليكم
كل الحب والتقدير والشكر الكم على تفهمك لضرفي وعلى سلامة والدتي كانت امنيتي امشي بلقصه بكل سهوله وبدون انقطاع
لكن مرض والدتي المفاجئ خربط كل خططي وضيع عليه الوقت
الحمدالله على كلشي ان شاء الله يكون النشر بين يوم يوم تعرفون امي ماصارله اكثر من اسبوع من سوت العمليه ويرادله وقت يله طيب مشاغل البيت هوايه
والبارت مايقل عن ٤٠٠٠ كلمه كلش كافي واعتبره روحي مقصره بحقكم
القصه لابد يكون الهه تمهيد للاحداث القويه البعض راسلني مابيه احداث لا حبايبي القصه قويه وتتحدث على اكثر من شخص واغلب الابطال متواصلين وياي
الاحداث جايه بلتسلسل مااكدر اعبر مواضيع لازم امهد للحدث والبارتات الجايه مشوقه وشوفون انتو واحكمو
اتمنالكم اوقات طيبه وقرائه ممتعه