جان اشوف كدامي بزونه واني عندي فوبيا منهم طفرت جوة للهول
وليد||ليش تبجين
تبارك||مباجيه
بيبي||وشبيج هيج جايه ركض
تبارك||مو شفت بزونه
ثاني يوم كعدتني رقيه
رقيه||تبارك كومي خاله تريدج
تبارك||شتريدون مني
رقيه||نروح للسوك اني وياج وخاله وامي
تبارك|| ما ماريد اروح
رقيه||دكومي عاد
تبارك|| كمت كمتت شعدنه رايحين
رقيه||يكولون نجيب غراض الخطبه
تبارك||استغفر الله ذوله ميفتهمون روحي كليلهم متريد تتزوج
رقيه||دكومي كبر
كمت نزلت جوة
تبارك||هاا شكوو
حياة||يلا يمه نروح نحضر غراض الخطوبه
تبارك||انتو شنوو شبيكم بابه ماتزوج
منذر||غصبآ عنج تتزوجين خوش لو لا
تبارك||ما احبك اكرهك اموت منك وماريد اتزوجك شنو هيه لزكه
منذر||يلا علساس اني ميت عليج لو ما بنتي اجي اريد ازوجج
تبارك||اووي صاير حنين على بنته مو قبل كم يوم يكول براء ماتت من وراهه
اباوعله عيونه صارن حمر
منذر||براء متجيبيهه على لسانج خووش
تبارك||وقابل اني هسه شكايله
ايات||ايي صدك قابل شكايله هيه لوو ستت براء هم من ماتت ماخلصت منهه
كام طفر على ايات كسرهه تكسر ومحد موجود كلهم طالعين للدوام عمامي وو ولد عمامي نايمين كلهم لان ميكعدون من وكت همه
بس زوجات عمامي يريدون يجروهه من عنده ميكدرن
منذر||بتت الكلب تروحين فدوة للتراب النامت عليه
ايات||كلب حقير مدري شلون قبلت بيك عساهه ايدك بلكسر
منذر||انعل ابوجن لابو ساعه السودة الفكرت بيهه ازوجن بس اطلع كو.... ابن كو... اذا ماكرهتجن بنفسجن
اباوع الايات مدمايه شعرهه كفشه وضاربهه على خشمهه يجري دم ولازم ايدهه وتصرخ عوجهه الهه
دخل جدو من برة بيده علاكه حايب ريوك شاف ايات
راح يمهه
جدو||شبيج بويه منو وياج
ايات||جدو شوف منذر شسوه بيه
جدو||هاي ليش هيج مسوي بيهه
منذر||لان كح... وتستاهل
جدو||كومنهه غسلن الهه
اجني البنات اخذنهه
ام منذر||يلا يمه كومي بدلي خلي نروح
تبارك||جدو حبيبي اني ماريد اتزوج ليش تجبروني بس فهموني
جدو||بويه مايصير بعد نهه عليج ابن عمج ارضي يابويه
منذر||حجي شني تتوسل بيهه ختولي
جدو||يلا بويه كومي بدلي حته تروحين تختارين بدلتج والصالون
منذر||شني بدله شني صالون بس لا ناوين تسوون حفله
ام منذر||جاا شلون
منذر||ماكو حفله
بيبي||شني ماكو حفله ليش
منذر||حجيه اني ماريد حفله بعرسي وهاهيه
بيبي||شوف انه ذيج المره قبلت ماتسوي حفله ال ايات كلت خطيه مرته هستوه ميته بس مو هسه جايني متريد تسوي حفله لحفيدتي الثانيه غير عرسهه تريد تفرح هم غاصبهه وهم ماكو حفله
منذر||حجيه ماكو حفله يعني ماكو حفله
بيبي||اكو حفله ومو بكيفك هيه خوش انته حزين على مرتك بس هيه ماحزنانه ليش مو من حقهه هسه تروح تبدل وتروح تشتري كلشي تريده واكو حفله
منذر||سون حفله بيناتجن بس كفني شرجن
كعدت مامه تتوسل بيه اروح للسوك ماقبلت راحت هيه وام منذر ورقيه جهزن كلشي حجزن صالون واختارن بدله وجايبات سوالف مال مهر ومختارات الذهب
اجه اتعس يوم بحياتي
كعدتني امي
نزلت بقيت اتوسل بجدو وب بابه بس يكلولي ميصير
بقيت ابجي واكلهم ماريد
رحت حتة لمنذر اتوسل بي يكلي ماطول عاندتي اني هم اعاند
سحلوني للصالون سحل
حفتلي وبدت تحط مكياج
حطتلي مكياج لون ماروني وشعري بس برمته ورفعته من كدام
فستاني جان لونه ذهبي كلش حلو باوعت بنفسي بلمرايه طالعه كلش حلوة
حياة||ابتسمي شويه كالبه وجهج
رجعت للبيت
جايين هواي ناس شغلن ديجي وكعدن يركصن ونوب اجه الشيخ يعقدلنه
دخل يلبسني حلقه اجه وكف بصفي جر ايدي ولبسنياهه واني هم لبسته وهم كامن يركصن اباوعله ماكو اي ردة فعل على وجهه بس كاعد واني مبينه عليه ضايجه
كام طلع واني هم كمت نزعت الفستان وفتحت التسريحه قفلت الباب وكعدت ابجي
خرب حضي اي والله
3 ساعات اني بس ابجي حته دموعي نشفن رحت نمت تعبت من البجي
اسبوع واحد مو اكثر وكال يلا عرس نسوي
اني بقيت ساكته كمت مااحجي اي شي شيريدون يسون اقبل لان مليت شكد مااتوسل بيهم ومحد معبرني
بليله الحنه اجني البنات رادن يسونلي شيرة
بس اني بطبعي خجوله ما اقبل
كلت بس تقى تدخل
عاد كلهن طلعن بقت بس تقى وياي هيه سوتلي وكلسع تضحكني
تقى||كافي يعمري بس صافنه
تبارك||تقى والله ماحبه ماريد اتزوجه
تقى||شتسوين بعد يعمري هاهيه قبلي بحياتج وحمدي الله وشكريهه
تبارك||تقى تدرين حموت من الخوف
تقى||من شنو خايفه
تبارك||ايات لجج متدرين شدتسوي بيه
تقى||شدتسوي لجج
تبارك||لجج تقى ادزلي رسايل تكلي صبريلي شوفي شراح اسوي كلت الهه ايات ترة اني مجبورة تكلي والله لو ما مجبورة انه وياج وبيت واحد ومحد موجود بس منذر يوميه اسويلج شغله
تقى||شحدج وحق القران اطيح حضهه بس تسويلج شي تعالب كولي الابويه لتضلين ساكته شو انطيني تلفونج
انطيته الهه كملتلي جسمي
وكالت يلا دخلي سبحي وتعاي
دخلت اسبح وطلعت كالت تعاي وياي
اخذت التلفون وشوفته البابه والجدو وتكله شوف ايات شتريد تسوي
صاحلهه جدو رزلهه
جدو||سمعي لج مثل ما انتي زوجته هيه هم واذا سمعت مسويتلهه شي بوكتهه انه اعرف شسويلج وانتي تبارك نفس الحجي الج محد توصل يم الثانيه خوش
تبارك||ايي جدو
وليد||تعاي بويه كعدي يمي
رحت كعدت بصفه وهوه حضني
دخل منذر من برة مطنكر
منذر||تره ميصير هيج حجيه هيه شنو عناد
بيبي||شكو النوب جاينه هايج
منذر||اكلج سون حفله بيناتجن تروحين تجيبين ملالي وعازمه امه محمد كلهه
بيبي||جاا وانه شعليه بيك عرس حفيدتي واريد افرح بيهه
منذر||اللهي الصبر حجي احجي وياهه
جدو|| جا غير عرسك شتريده سكته
منذر||ايي سكته اني ماماخذهه حبآ بيهه اخذتهه بس علمود بنتي
جدو||اسمع لك اذا سمعتك بعد تكلي ماخذهه علمود بنتي اطيح حضك خووش
منذر||جاا شنو قابل مجذب
ثاني يوم
رحت للصالون لبست بدله لون ازرك طبعآ يقين اختارتهه الي كلشش حلوة
سوتلي مكياج وردي
وشعري رفعته الي بس كم خصله نازله وكلش لاكلي
رجعت للبيت وجانن عماتي وجوارين وكرايبنه وبناتهم و بنات خالات منذر وخالته وكلهن جايات صايرة هوسه
وبيبي حبيبتي سوتهه عناد بمنذر جابت ملالي😂
بحيث بوكتهه نسيت نفسي ونسيت منذر وندمجت ويه البنات
ماخلينه اغنيه ما غنيناهه وماركصنه عليهه
بحيث كل ماريد اكعد الملالي تغني شي احله تجبرني اكوم اركص
كالو العريس حيدخل
كلبت وجهي وكعدت🙂
اجه دخل وكلهه كامت تهلهل عبالك مدري منو دخل
باوعلي واجه كعد يمي لبسني الذهب
ديلبسني الكلاده كلي رفعي شعرج رفعته وهوه لبسنياهه وانفاسه تضرب على ركبتي جسمي كزبر
رقيه واكفه وبس تصور بينه والضحكه شاكه حلكهه
حناني وباوع عليه اخذله صفنه ودار وجهه
طلع
خلصت الحفله رسن كمت صعدت فوك
وصعدن البنات ويايه نزعت البدله وسبحت
بقن كاعدات شويه وكامن
لزمت تلفوني لكيت رقم دازلي رساله
...حلوة طالعه اليوم زوجتي
يا هذا رقم منذر عفته مجاوبت شكد لوكي
رحت بسابع نومه وكعدت على دفرات رقيه ويقين يريدن يكومني حته نروح للصالون
كمت غسلت وبدلت سوتلي تسريحه ولبست فستان احله فستان جان بلنسبه الي منفوش والضهر مفتوح
رجعنه للبيت دخل عود ياخذني وراهه كل تهلهل لزمني من ايدي وكومني
مامه باستني اباوعلهه عيونهه مدمعه حبيبتي رحت بستهه وبابه يحجي ويه منذر
وليد||انطيتك وردتي دير بالك عليك تحافظ عليهه وتداريهه وادريك كفو وراح تحافظ عليهه
منذر||ان شاء الله عمي
دنصعد بلسيارة جان نسمع صوت مزيقه اباوعله صار عصبي كبر
نزل
منذر||هاي منو جايبهه
علي||انه
منذر||هسه من انزل اطيح حضك احد يكلي ليش
علي||ايي انه اكلك ليش شعليك انته ابن عمي تزوج واني فرحان بعرسه
منذر||منو كلك افرح بعرسي
علي||عمي مفرحان بعرسك يلا فرحان بعرس بت عمي الزقجه
تبارك||😒😒
صعدنه السيارة والمزيقة ورانه رحنه اخذنه صور ونوب رحنه للبيت ايات والطفله بقو بيت جدي
نزلنه للبيت نزلو ويانه دخلت للغرفه مالتي وخواتي ويايه
تقى||ها حبيبي تبارك
تبارك||خايفه
يقين||لتخافين عمري ماكو شي يخوف
تقى||حبيبي لتخافين
زفو للغرفه طلعن خواتي هوه دخل سد الباب وهمه كلهم راحو
تبارك||اطلع اريد ابدل
منذر||اوك
طلع هوه وامي لبست الروب الابيض حلوو ومستور الحمدلله
فتحت التسريحه مسحت المكياج
دخل هوه بدل
منذر||امشي ننزل ناكل
نزلنه اكلنه ونوب اني صعدت وهوه لحكني
اباوعله بدة يتقرب مني اني عيوني رسن دمعن
لزمني من خصري
صار ضهري على صدره واني كوة حابسه الدمعه
حط راسه بركبتي
بدون ماحس نزلت دمعتي
اباوعله ممهتم لدموعي اصلآ بقه يبوس بيه نزعني الروب وجرني لحضنه
_______________________________________
كعدت ثاني يوم ساعه ب 8 لكيته صافن بوجهي من شافني كعدت رسن دار وجهه
كمت غسلت وبدلت لبست بنطرون كابوي وقميص بيجي
كملت وكعدت انتضره يبدل
كاعده اباوع بلتلفون لكيت رساله من رقم غريب
دازلي فديو باوعته هذا منو دازه
ضفت الرقم دخلت على صورته شفته يبوو هذا كرار حته هنانه لحكني منين جاب رقمي هذا
صافنه جان ينجر التلفون من ايدي
عزة بعيني اباوعله كلب وجهه ودخل للفديو سمعه وكال ......... يتبع