بارت ٣٥
#منطقة_13
#مريم_السعدي
لبست حجابي ومحبطه. حيل بنته للموذن. تباوعلي مقهوره عليه واني ميته قهر مدري شبيه
قهرتني روحته هيج وامنني بيد غيره سهله عده. حيل دالبس بالشحاطه الجابتها بنت الموذن ونطتني العبايه باوعتلها
شكرا الكم
الموذن كال
يابا لتخافين اوصلج بديه لاهلج واتطمن يله ارد
هزيت راسي واباوع لانحاء المكان حتى ذكرى مبقالي
متوقعت هيج حيترك فراغ بكلبي احس روحي ضايعه ممامنه. طلعت وره الموذن واكف عالشارع ينتضر ويسبح جتي سياره بيكب صعدت بيهاوالبنيه تطلع ب٣٠ عمرها حلوه مملوحه زينه يعني كالت تعاي صعدي وابوها صعد ليكدام
صعدت وسديت الباب
واباوع البطانيه تتحرك يمنه ويسره بفعل الهوا
البطانيه اللي دكها باديه. ورجعت اشهك وابجي
والموذن نطه العنوان للسايق وضل يحجي ويا قبل ليطلع.
تونا طلعنا ببعد مترين ٣ وعيوني ليوره على الجامع وموكفت بجي حقدت عليه ضت حيل منه. هناك . وشفت سياره وكفت السايق مالتنا جان يمشي ببطيء ديخلي الاوراق ببطن الجكمجه من اباوع نزل من السياره الوكفت يم الجامع منها ولد ثنين وساندين واحد مجبره رجله من صفحته عرفته
بله وعي صحت
عمو عمو هذا ابو قبضه رجع. هياته رجعع
والموذن اندار صاح
وكف يابه ارجع ارجع
رجعنا ليوره ونزلت قبل لتوكف السياره. والموذن نزل
من صوت السياره التفت ابو قبضه وشافني
غمض وجر نفس
واني اباوعله بعتب جمدت وكفت بمكاني وخازرته وهوو يباوعلي ميل راسه وعبس حلكه وغمض
فززني صوت الموذن
هاا ابو قبضه شصارلك
والولد
ردو
اشرلي بعينه فوتي طبيت وضلو بره كعدو عالحجاره يم الجامع حتى فلوس نطو وهو ساعه يحجي عدل ساعه ينتر بيهم والموذن واكف هناك انتبه صوت نفس بصفي
حادث والله ستره
التفتت بنت الموذن
بقيت اباوع بعينها نضراتها مفصلته تفصال مجاوبتها
كالت
الوليد هذا هو اللي نقذج
بس ردته يطب واساله ليش عفتني ليش كذبت
وطببه الموذن
يعرج ويشيل جسمه ويكمز
وكعد عالجودليه وغمض ويتنفس بسرعه
فك عينه وباوعلي
وحجه
وين وصلتو
والموذن رد
تونا هنا وشافتك مليكه
هز راسه ويباوعلي جنت خازرته بغضب والموذن ساله
ادري شلون صار الحادث
والله عمي داامشي بالماطور وهمه ديحجون وطخوني وانشمرت
بس ماكصرو رحت مستشفى
لا همه ولد ولايا المنطقه الوصلت الها يعرفونً مضمد كلولي بعيد المستشفى رجليك تتاذا عاد ودوني وجبرها ودفعو فلوس حتى الماطور
هاذ هو حتى ينتبهون
شمعرفني محمل كوم طليان وجواميس يكلي ماشفتا للماطور
بقيت اباوعله وهو يححي ويتهرب من نضراتي ويرد يباوعلي
كام الموذن كال
عمي هاذي امانتك ردت لك
عمي لو واصله جان العشيرا اذوها متوقعت متحضرين عد اخوها
الله ستر وليدي ويبريك ويوفقك لنك حفضت هاليتيمه
هز راسه
واني صافنه شديحجي
اخليك ترتاح وليدي شوي واطرشلك. اكل شوي تلزم عضمك
لاعمي ممنون الولد كالو يجيبون ووصيتهم كم غرض هم
براحتك
طلع الموذن بقيت اباوعله والبنيه تباوعله وتدير وجهه وترد تباوعله
وهو عيونه منيل راسه ويباوعلي
ذبيت حجابي والعبايه. وكمت من مكاني
كال
اخذتي حبوبج
باوعتله بعتب وحقد نصه راسه ودرت وجهي عفته وطبيت للحمام بقيت كاعده على الحجاره واهز برجلي بعصبيه.
صاح ولد
يا الله
فوت فوت وهمس
لتطلعين
مجاوبته
وسمعتهم طببو غراض وكلوله
هذا الباقي واحنا نعتذر كلهم هاذ هو روحو الله وياكم
وراحو
بقيت كاعده
كال
تعاي اكلي
طلعت وباوعتله بشك
شون صدكوك ذوله شكتلهم
ابتسم ونصه كتلهم اني ضابط لان شافو سلاح عدي والدرع تعاي يمي
تقدمت ودرت وجهي
ضايجاً لن ماوصلتي تدرين ربج التدعيله سترج
التفتت باوعتله معاجبني همس ويتامل ملامحي بشوق وارتجى عالحايط تنهد
طبيت اخذ ماي من اسواق بالمدينه قبل لاانضرب
تالي شفته مشغل اخبار ولو تدرين شطلع
شنو
منطقتنا كايلين لكينا وكر ارهابي وقبضنا على كل المجرمين والباقي مستمر البحث
صدك ومتسطررالاسلحه مال اخر نوبا وراها طلعو عزو وجماعته. ديحققون وياهم بلبس اصفر
فكيت عيني شون لكفوهم
ماعرف بعد
واني ليش تكول الله سترني
يلي. موكلو يسال عن اخوج كال لاتصل هاليومين نوبتين اجو يسالون عن الخاله وان كانت البنيه ردت او لا
فكيت عيني واباوعله نزل جفنه بتعب
وشون هسه
ارتجى وباوع للسكف طيني عطوا خل اشوفن شون تدبر واردج
اي واكعد الصبح الكاك مموجود مو هم تكذب عليه وتامني بيد واحد معرفنا الا قبل ثلث ايام كلتها بعصبيه. وبرطمت فك حلكه صافن
وعفته داكوم من يمه
لزمني من ساعدي
اوكفي خل اتفاهم وياج بس خل اكولج
ماريد
هدني وعبس حلكه دار وجهه وتالم رجه راسه عالحايط تلفتت شفت جايبين طباخ عين وحده
شنوهاي
هاي طباخ لن كعدتنا مطوله هنا لازم طباخ.
همم باوعتله وجريت عيني جريت الصندوك مال مخضر جانو جايبين كباب وخبز الولد
خليته كدامه كال
شيلي ماكدر اكلي انتي
اني هم ماريد نترت ودرت وجهي
باوعلي عكد حاجبه وجهه تعبان كلش
سويت لفه وقدمتها اله
اخذها ويباوعلي عاكد حاجبه. كوه. فاك عينه متالم. واني احسه جبل ميصير بي شي
اكلت زين وشلت الغراض بلع حبايتين
هاي شدعوه
باوعلي وبلعها وجر بطل كامل وميل راسه نام
غمض
واني كمت انضف وادورخاف حشرات اكو بقيت كاعده شفت نازع درعه بصفه
تقربت بهدوء توني الزمه اجره وخله ايده على ايدي يباوعلي بغضب
شجاي تسوين ولج
بلعت ريك
رفع تك حاجب
شجاي تسوين شناويا
ااخذ سلاحك
رفع حواجبه ثنينهن وكعد من نومته
همس
وليش
ححتى وسكتت اباوعله. وجهه زنبر عفته وكمت طلعت بره للمغرب ضليت. اسبح اجه الموذن اذن وطب كال
وينه ابو قبضه
جوه عمو
وطبله
بده حجي
شونك شون صرت
والله عمي احسن
بويه جيت ابشرك وصيتلك على ابوحسينيه. عدنا بين البساتين جريب حوشي هم انه ااذن بيها. وكتلا عليكم كال خلهم يجون بيها لون ماتفك ازمتهم. وهمات عده غرفه بيها وحمام وبيها منور بي الطباخ يعني ارحم اقلا كهرباء اقلا مو عالشارع والترابه والسيارات ومفلشه
ياريت عمي ماانسى جميلك واداريك متقصر ياله. كال يطلع منها غراضه. ويدز خبر عودك اني اجيب البيكب وانت تحاسب وياه
عاشت اديك
مليكه- كلبي انترس فرح وبالي يروح ويجي وبعدين شون لشوكت. واخويه شون
شيكول من يسالون عني المكافحه سوده عليه شيصير بي من يجي اسمي ويسمع عد خالتي اني
الله يرحمها ويغفر الها وتذكرت كل موقف وعيوني نشفت نار تحرك بكلبي حرك
درت وجهي شفت كاف البطانيه يباوعلي واني ناطيه ضهري للغرفه وصافنه بالشمس من انداريت وخر ايده ونزلت البطانيه طبيت محجه ويايه. بعد
كمت الملم عرف سمعت كال
بس العلاكه السوده.
مجاوبته شلتها ادري بيها الفلوس خليتها يمه رفع عينه على كعدته يباوعلي واني ماباوعله
كملت تلملم وجابو السياره وطلعنا والموذن ويانا ليكدام كاعد وهو ليوره يمي باوعلي ودرت وجهي عالشباك
جر نفس السايق ابد ميسال خوش ولد والموذن الضاهر مامن بي
طبينا بباب بستان والكع كلها عكر عبالك دتطب بالطين وصوت خرفان وريحه ونسوان تروح وتجي مو مكطوعه مثل الجامع ومكانه
وكف بباب مكان حيطانه خضره. مصبوغه واسماء الائمه الاثني عشر مسطره
بله وعي بجيت وغطيت وجهي والولد السايق كام ينزل الغراض القليله ويانا
طبينا مصلى جبير وبي دنك وبي مكان عالي يكعد عليه الموذن
شي بسيط بس كامل
بي حمام وبراد مي ستيل
وبي حديقه. بس حشيش بيها
وممر طويل ينتهي بغرفه بيها طلاكه شباك واحد
خلو ابو قبضه بيها واني اتمشى وصافنه الموذن ابتسملي
مرتاحه علويه
بجيت بقهر شمدريك عمو اني علويه
عمي احنا التصلي زايد نصيحها علويه
نصيت راسي عمي كون الله يوفقك ويستر على بناتك ويرزقك ماعرف شكول
والله يابويه ماسوي بلاش وابن عمتج ادمي حيل وابن اصل وكرم
هزيت راسي عرفت ناطي فلوس
طبيت للغرفه هوسه بيها زوالي وبطانيات ومخاد هواي كمت افر براسي
صفح بيها باب تطلع منها عالمنور كصير متره ونص بي طباخ. صغيروني وقنينه
واكو ثلاجه صغيرونه ومبرده. رايحه خايسه
بس اكو باب تنقفل هاهي الحمد لله
طبت بنت الموذن باوعتله
وباوعتلي
كالت
ابوي طرشني اعاونج اني وخواتي
خاف اتعبكم
لا ماكو تعب
وهو كوه اتسند عالحايط وطلع بالحديقه بالفي
اباوع بنته ختام يسموها كلسا وتمد راسها تباوعله مدري شصار بيه
ونضفنا الغرفه صارت تخبل حتى الحمام جلفو وخلو بي صابون ورتبو المخضر خطيه وحده منهم صغيره. كالت
عادي اخذ هاي التفاحه
اخذيها بالعافيه. كملو وطلعو
ختام طلعت وتباوعله متمدد بالحديقه. وصافن وراسه بيده كالت
لاتسوين اكل الغده علينا شون خبز خابزه الا يفتح نفسكم للاكل
جاوبها
عاشت اديج
واني صافنه عليها
اللي عشته هناك من غربه وحبسه صار عدي. مثل التوحش اي احد يريد ياخذ غرض مني اريد اذبحه واحس عدي قوه. بكل موقف عشته هناك شربني سم العدوانيه
نضراتها شعوطتني وهوًيباوع بممنونيه وهي تضحك صرت نار
احسه شي راجع الي بس عليه يخاف اريد بس اني يباوعلي بقلق وخوف. ماريد غيري هم
كال
اريد افوت للحمام
كسر صفنتي على ممشاها دتروح لبيتهم
نترت
متروح ششسويلك
وعفته وطبيت كام وتسند بالحايط وطب شوي وطلع. سابح
تمدد بالغرفه. عالمنادر ولازم راسه.
اروح واجي اروح واجي
نتر شبيج
مابيييه شي شبييه
سكت صافن على لهجتي
كعدت بالكع بالزوايه شفته مد ايده جوه مخدته وفتح تلفونه بقه يباوع للشاشه تقريب ربع ساعه ورد غلقه لزم راسه بقلق احس يلوب
واني محجيت . ساكته
طبت البنيه. وبيدها الصينيه فاكه الكشره بقيت اباوعلها خلتها كدامه كالت
الف عافيه كون يعجبك. طباخنا
نصه راسه همس تعيشين
همست الف عافيه كون وعيونها تريد تاكله طلعت وسدت الباب
اندار عليه
كال بهدوء ودفع الصينيه
تعاي اكلي
نترت بقسوه
مااريد
جر نفس وفرك وجهه
نتر
شبيج اليووم كتلج لو موديج جان ماهدوج سين وجييييم لان لاكين حثه خالتج بالمنطقااا
صيح واني نصيت راسي وبجيت
سكت
ويتنفس بسرعه
ليش هي ليش
اي ماريد عوفني مو عفتني ورحت عوفني مالك دخل بيه اكل لو مااكل وصيحت
اي هاذ هواا ودفع الصينيه
باوعتله
حرام نعمه الله
لمن تعرفيها ماتاكليها لعد
مااريد هسه اكوم اكل فواكه جريت عيني وكمت طلعت من الثلاجه فاكهه وكعدت اكل على صفحت ممد ايده عالصينيه بس يباوعلي بعصبيه بطرف عينه
واني اسوي روحي مادري
كال
ابلعي حبوبج انا تكرمت لاتعلين كلبي
ولزم راسه
كمت وطكيت الحبايه وكدامه فكيت البطل وشربت مي
نصه راسه
عالاكل وجر الصينيه
كام ياكل وماد رجلها المدعومه ياكل بايده مو بالخاشوكه ياكل بالخبزه التمن ومن يقسم الخبز مكسب واني اتفركس لان عجبه خبزها
باوعلي ونصه ورد باوعلي راسن متفاجا صافنه علي
تاكلين
ماريد ودرت وجهي
رجع كمل وكام غسل وطلع يدخن بالحديقه. يتفرج عالسما وصافن وكلسا يفك التلفون شوي ويسدهً يغلقه ويفرك وجهه
اباوعله من الشباك
غسلت مواعينهم وشفتها فاتت وكانه ماعدها غيرنا
بيدها دولكه حليب تبتسم
طلعت راسن قبل لتحاجي اخذته منها بنتره
لتتعبين روحج بعد اني اكول ابوج ميرضى رايحه راده عيب هذا غريب
صفنت عليه وراحت كلسا وتلتفت انداريت على ابو قبضه صافن فك عينه عبس حلكه
جيت يمه خليت السراحيه بيده باوعلي درت عيني كال
عليش هيج رزلتيها شسوتلج فوك زينهم
باوعتله خوانت مكييف. مرتاح
عفته وطبيت
الملم الهي روحي طكت روحي تالي كمت تذكرت الحسينيه والمصلى افتريت صاح وين
طبيت واتفرج القبله ماشرين مكانها نزلت دموعي تذكرت بالغرفه شون جنت اصلي وكفت اصلي سجدت ورفعت راسي لمحت مكتبه جبيره كلبي انتفض كملت صلاه وركضت عليها
كانت مسكه القران اول مره بعد ثمن سنين شوق اشبه بمسك معصم امي. حضنته وكعدت بالكع وبجيت هواي
لاول مره احس روحي ماعرف شريد احس حضيع اكثر من ماجنت. بالمنطقه
فتحته وكل ايه بيها الف اشتياق وذكرى لصوت امي وابويه واحمد وبيبي مليكه
كومه اغلاط جانت عدي عالحفظ القديم بقيت اقره ساعات وصوتي يرجف ساعه اتذكر ايه من اقراها واتذكر تلحينها بصوت بابا انصي عالقران ابجي وارجع اكمل وامسح وجهي
نسيت روحي
نسيت قهري
وتذكرت اني منو ومنو اهلي ومنين تكونت عجينتي اخذتني الحروف لذيج الزوايه جوه الدرج بيت اهلي القديم وصوت ابويه وشبكته لمن يقص القصص
وي كل سوره اتذكر تفسيرها بصوت ابويه.
الف رحمه على روحك يابه سديته ضهري عالباب والمصلى فارغ كمت رجعته وادور بالمكتب والكه كتاب مكتوب بي قصص الانبياء طارت روحي مثل الكت كنز
راسن كعدت مكيفه كبال المكتبه
متعلمه من صغري صوتي عالي من اقره
كعدت عالزوليه دااقره وبس صوت بروانه البنكه حتى متصير بوخه عالكيها عالخفيف
وبديت اقره قصه النبي ادم عليه السلام
واقره وابتسم
هاا. منهاي صارت خمس صلوات شون حلو سبحان الله
وسمعت صوته ورايه متمدد ومرتجي بالحايط
اممم ليش بلا
فزيت وباوعتله بغضب
شنو ميعجبك لتسمع
كاعدين شعدنا دنعرف عليش خمس صلوات خو يخليها وحده
واشر عالسما
عزه بعينك انت بالحسينيه بيت الله
انا الحجيت موانتي
باوعلي ودار وجهه
جاوبته
لانه يافهيم النبي اددم من اذنب
نبببي واذنب مايكولون علساس انهم مايغلطون
صفنت عليه هو الشيطان وزه دار وجهه دردم
نبي وشيطان وزا احنا شيساوي النا
بذاك الوكت النبي ادم. مجان متوقع انه واحد من خلق رب العالمين. يكدر يحلف كذب
يهييي جيهههي يا الله تعاي شوفي هسا
هسه داكولك ذاك الوكت
ايي وباوعلي جر نفس جكارته مميل راسه
اي مو اذنب الله نزله للسما وبي شامه سوده من فوووك ليجوه يعني من راسه لرجله
اها هذا عبد
استغفر الله نبي هذا
يابه هسا شكايل جاي اكول عبد اقصد سوداني
لاع هو مو هيج بس لان اذنب الله سواله شامه عقاب اله اثر يذكره بذنبه
اممم وجر اخر نفس بالجكاره حار وين يذبها اخذتها منه وذبيتها بره ورديت رجعت كباله كعدت كلش
ماكو عاد شنو هو ضل يبجي
يبجي شنو هههههه. يبجي نبي الله يبجي فشله بعرضي
ابو قبضه لتضحك حباب الله يكلبها بينا
ها ليش اهيا عدلا دكملي كملي خلداشوف شسوا للشامه
ضجت بقيت اباوعله ابتسم كملي
اي ف ضل يبجي لتضحك اشرتله احذر ضم ضحكته واني ضحكت بله صوت اول مره اشوفه يضحك وكملت
ضل يبجي ويندعي نزله جبرائيل عليه السلام
نبي هذا
لا عزه هذا ملك
مثلج يعني همس
وعيونه رخت
بقت اباوعله وارمش كلبي دك سريع ارتبكت
ااا لا هو ملك يعني وحي استغفر الله شنو مثلي
تنهد همس بعدين شسوا
اي نصيت صوتي. فساله جبريل عليه السلام. ليش تبجي وتندعي
كله باوع الاثر الصارلي منذنبي خجلان من ربي كله حذرك هواي ومنعك من هالشجره
يا شجرا
ها باوع هو اذنب لان الله كله الك الجنه كلها بس لتاكل منوهاي الشجره
واخينا بالله عاف الجنه وكلاها
عفيه لتحجي هيج بعد مااحجي
لالا كملي النوب اضل ساكت
اي فالشيطان وزه وحلف اله هو صدك لان متوقع كتلك شي الله خاقه ويحلف بي جذب
امم
فكله جبريل متروح الا تصلي الصلوات الخمس وهسه صار وكت الصلاه الاولى كوم صليتا صلاه الصبح
بلي
اي صلاها مو كمل جان يشوف الشامه نزلت من راسه لصدره
ياسبحان الله
كالها وابتسم
دااحجي صدوك اني
جنتي وي ادم شنو
لاع بس روايات عن الائمه والانبياء
خوش وبعديها
بعدين اجه وكت الصلاه الثانيه. كله كوم صلي صلاتك الثانيه
وكام صلاها نزلت من صدره لبطنه الشامه
رفع حواجبه ساكت
والثالثه والرايعه والخامسه لحد ما راحت الشامه والسواد كله
هممم وصارت خمس صلوات من وره النبي ادم
هذا فضل الله علينا ابو قبضه
هز رااسه يباوع ملامحي وعيونه تروح وترجع على شفتي من احجي
وكله جبريل اللي يصلي كل يوم هذي الصلاه يرجع مثل ماولدته ام بله ذنوب
حتى لو قاتل كالها بوجه يريد يعرف من صدك
همست
اذا تاب طبعا وندم ويستغفر الله وبعد ميعيدها اكيد الله يغفر اله
رمش ونصه راسه
رجعت القصص وباوعتله
نعست
هز راسه صافن وكام
باوعتله
شوكت تشيلها
لمن يلحم الفطر
هواي يعني
مد شفته ميدري ومشه كدامي
طب الغرفه نام عالجودليه سديت الباب واباوعله خاف يطلع ويروح لا هو لابس التجبيره اسمعه من يمشي
نمت راسه عكس راسي طفيت اللاله. لان ماكو ضوه بالغرفه بس بنكه
مكدرت انام بيومها. خايفه من كلشي للفجر طب الموذن اذن فز ابو قبضه واني كمت دااطلع للمصلى
صاح ليوين رايحه
داصلي بالمسجد
لابربج. تلكينا انترس زلم اكعدي هنا صلي
صدك نسيت
صليت وكعدت اقره قران وهو رجع نام دااقره وطبت ادك الباب ختام وكفت
كالت
نايمين كاعدين جبت خبز
هو كعد كال،تفضلي
واني كمزت من سجادتي كعدت بصفه. وصارا كعدتي راسن على رجله المتجبره. عاط بعيطه مكتومه. بين سنوه
مللليكه
ووجهه غده دم
اي مادري مادري شبيك مادري
وانداريت عليها خليت ايدي على رجله اللخ افركها بقه صافن على ايدي وباوع لختام ختام صفنت على رجله وعلى ايدي
كالت
هاذ خبز همست
جاوبتها بصغر عقل
شبيج مستغربه تره رجلي مرته اني
التفتت راسن وباوعتله وباوعتلي
بس ابوي كال امانه مومرته
لا مرته وباوعت لبو قبضه بخزره مرتك لو لاا
هزراسه ااي همس ويباوع بوجهي همست اترخص وطلعت
وكمت راسن من يمه سديت الباب
ادبسز
بقه يباوعلي صافن
عليش ضايجه وعليش كتيلها هيج
ضايجه لان عفتتني ورحت وكتلي ماعوووفج كذبت عليه.
شسوي اوديج بيدي وانه مطلوووب. صيح
بجيت انت لو صدك تخاف عليه جان مرحت جان بقيت. وودزيت الموذن.
وشنو الفرق الفرق وين اريد. افهم
ماعرف بجيت ماعرف هاي هاي ادبسز ماتت بس تريد تاخذك
بقه صافن همس
تعاي تقربي دشوف
ماريد كمت اشهك
تعاي داكوووولج
تقربت واشهك كعدت بصفه وامسح بوجهي
ليش هالبجي ويباوعلي بحيره
ليش هلكد تاذيتي لمن مشيت
لان. ونصيت رفع راسي بطرف اصبعه من حنكي بحركه هاديه
لان صاير متخاف عليه
انا ماخاف عليج انا عفت ربعي لخاطر عيونج
وعفتني هم
رجف حنكي وعفتني وانهزمت حتى مودعتني. رجعت ابجي
كال
لتبجين بس ويمسح بوجهي
واني زدت كمت اشهك ضايعه احس روحي ضايعه وممامنه بي خاف هم يعوفني ويروح
ليش هالكثر ليش وجر راسي بهدوء جر نفس
خلاه على صدره ويمس على راسي
ردت افرحج بشوفه اخوج
بقيت ساكته
وخرت من جوه ايده
ماتردين اخوج بعد شنو
لاموهيج بس خفت وحدي من عفتني بلعت ريك
ابتسم هاي رديت بس شفت التصوير رديت ودعمتي كلها من وراج لامالحك عليج وياذونج بالتحقيق واتخيلج هيج تبجين وترجفين
ويوميه دازين عليج للمركز
سمعتج وسمعه اخوج تتاذه هاي اذا صدك اخوج حيل خفت ورديت لخاطرج
صفنت التفتت على كعدته يباوعلي بقلق
هو انت وسكتت
هز راسه وجرنفس
هووانت ليش تخاف عليه هلكد
يتبع
هاي هديه لام ضرغام الدباس ولكل. المتابعات الحلوات
#مريم_السعدي