Bachpan ke yadon mein
Muskurane hi lagi thi...
Uss gali mein uski paon ruk gaya..
Ehsas hua ki ab toh isse
Alvida kehne ki samaya agaya.
Kabhi jo khud ruth jaati thi
Yun chhoti si baaton per
Ab woh kisi ko mana ne lagi hai..
Kabhi jo jidd karti rehti thi
Ab kisi ke jidd ke age jhukne lagi hai.
Mehmaan thi woh uss ghar ki
Janha uski bachpan biti thi..
Jaana usne tab yeh..
Jab uski haathon se wakt chhutne lagi thi.
Chali jaati hai chhod ke apni pehchan tak ko..
Jis pe kal tak thi usse naaz..
Aapna leti hai woh har kisi ko muskura ke
Jisko samjhte hein weh uski farz..
Kabhi jaldi uthane per nakhre dikhane wali
Kabhi gusse se ghar ko sar per uthane wali
Aaj sabki sunn ke yun muskura leti hai..
Jaise kuch farak hi nehi padti..
Sirf rakhne ke liye sab ka mann..
Bhai se ladhke papa ke pichhe chhup jaane wali woh..
Maa ko bhai se jyada pyaar karti ho, aisa sikayat karne wali woh..
Aaj khud uss uljhan mein hai..
Kaise bataye dono aankho se ek samaan hi pyaar karti hai.
Kabhi beti, kabhi patni, kabhi bahu aur kabhi maa...
Inn sab mein aapne aap ko
KANHI BHUL SI GAYI HAI.