الحك ابو قبضه عكروط متصوبب
فزيت من نوني وركضت عالشباك
الشباب متجمهره. داير مداير الهودج والتلفون بيده يصيح
لك بس كولي. وين. انتتت
وياشر اسكتو خل افهم. معودين. شفت ابو قبضه طلع يركض. من بيت من البيوت ويلبس بفانيلته.
وصل للهودج وجر التلفون
نتر
انتتت ويين
وصفن
همس وكعد بالكع
عكروط. طيني ملامح
المكان.
شبابب شبابب صوتكم خل افهههههم
وكفر كلها خرست واني من يمي ارتعش
البارحه جان هنا كاعد يم الهودج
ماشوف الا ابو قبضه كمز وصاح
هودج افتح الباب. جايك عكروط لتتعب روحك
وذب التلفون
مشه للباب. لحكو نص الشباب صيح
لحددددد يلحكنيييي
ابو النار كال
ابو قبضه وياك.
اببد وحدي وحدي داكولكم عينكم عالقطاع. ورفع راسه ليفوك باوعلي وتصه نضراته تخوف قلقه حيل شفت خاله طلعت ركض وتصيح وينه وينه العكروط
هدأوها وكعدوها بكلام هسه راح يجيبه
وطلع ابو قبضه
ابو النار ضل يلوب
يروح منا ويجي منا
كان اكبر واحد بيهم. خمسيني وعده كرش ولابس بجامه اكراء سوده ولاف يشماغ على راسه وسلاحه بخصره. شغله بالخبز والتنور بس. من انتبه عليه بتصليح الاسلحه حيل شاطر جان يتداهر وياهم من يصلح بسرعه ويكلهم بابا كد ابو النار انتو
الوضع يخوف واني عيوني شبحت من شفت خاله لبست وطلعت بله وعي لبست هدوم مستره وحجاب وكعدت بالشبااك اقره قرار هالحافضته وصوتي يرجف
حيصير شي
خيصير شي ادري حيصير شي
ساعه اكثر
وطب ابو قبضه بسياره البيكب سريع ونزل فك الباب مال وره. صاح بتعب
يولد لحد يلتم جرحه صعب ونصه راسه
نزلو وخلو عالقنفه
بس لمحته مدمه كعدت بالكع مكدرت اشوف بعد مكدرت اعاين ضميتراسي بحضني
مشاهد كل يوم تنعاد بس بعده الخوف يحري بيه والرهبه من اشوفها وشي بيه يقسى اكثر على مرت عمي
وعلى ولد عمي
وعلى خالتي وعليه هو
رجعت كمت على صياح خالتي كلها جرتها وهو عيونه عليها تخربطت وطببوها بيت ابو كزله
كعد يم راسه ابو قبضه ويسمع كلامه.
الهودج يداوي بجروحه ووجهه مغيم حيل جنت اقره الارتباك. والقلق ميعرف شيسوي
والنزف مستمر
وابو قبضه يتشاور وياه
اباوع عيون العكروط شبحت على ابوقبضه
فجاءه وفك حلكه
ارتعبت من شفت ابو قبضه رع راسن ليوره زحف هو وكاعد وانحصر بالزاويه وضرب براسه.
الهودج الوحيد بجه
ابو قبضه انهار
شالو الولد من الهودج صاح
مات
لفو وابو قبضه راسه ببطن حضنه بزاويه الفرع كاعد يم المصطبات ولازم راسه نفس كعدتي
طلعو ولفو بجادر واني كانما فلم دباوع
ابو النار وكف كبال ابو قبضه همس بس صوته مسموع
ابو قبضه كوي روحك
وانفجرر
مااااكدر بعد ماااكدررر مااكدر خللللص تعببت
الو قبضه شكالك عكروط
ولك عزو القاااتله عزززو يكول كول لاستاذك خلص وكتك هاذ وكتنا. وباي وقت. نطبلكم القطاع. بكل سهوله. ولك يكولي اطططلع لتبقى يكولي عصابته. جبيره حتى جيش وياااه
جر نفس ابو النار والتفت عالهودج
ورد باوعله
يولدد تعالو شوي يمي
التمو الولد داير مداير ابو اقبضه
وحجه ابو النار
استاذي كفيت ووفيت جنت باي لحضه تكدر تسافر وتخلص وتنهزم حتى من المنذر
جوازك محضر وصفحتك بيضه
واحنا جلبنا بذيالك لخاطر اهلنا. ولليوم خلص انت هم عدك عزاز تخاف عليهم اخذهم واطلع
لزم راسه ابو قبضه والهودج كعد بصفه
استاذي اطلع بس بالخوه احلفك ان صار علينا لاتنسى اهلنا
غمض ونصه ويضرب براسه. ابو كزله. خله ايده على جتفه
ابو قبضه روح واحنا هم ماراح نضل القطاع من يوم التصوير ممامن
اخذها وروح اطلع. انفذ بجلدك بس خلي اهلنا على بالك خاف مانكدر نطلع. والله بموتون جوع
وكف ابو قبضه بصعوبه افتر شوي بالفرع وكعد لزم راسه ورد وكف
طلع ابو خبزه يركض من البيت
الحكولي العمه تخربطت فد نوب
هنا مكدرت بعد نزلت نزلت ركض. وصلت باب البيت ابجي والشباب كلها طبت ببيت ابو خبزه
الفرع صففر بس الهودج
يفتر ويباوع عالسطوح وسلاحه بيده ولمحني وره الباب جمد ونصه راسه
فكيت الباب اخاف اطلع شفته رفع راسه يباوعلي ونصه
رديت سديتها
اخاف اطلع
اخاف ابقى
خالتي حتموت ووكعدت بالكع. ارجف حيل مضل بيه محسيت بجسمي. والا واني بالخديقه
واباوع من السياج بس اريد واحد يطلع. تالي مكدرت
كلت
عفيهه هودج
رفع راسه راسن فك عينه
عفيه خالتي
سوه روحه مسمع وعافني وراح بعيد
كمت الطم وابجي
شوي وطلع ابو قبضه ايده على راسه مصدكت شفته
الهودج اجه بصفه همس
وابتعد
هو راسن رفع راسه يدورني
واني ميته بجي راسن اجاني فك الباب شفته
وكنفدت بالكع اشهك
تقرب مني ووكف
جان خايف اكثر مني واني. ادور الامان بعينه
تقرب مني نصه عليه توه يحجي
وكمزه بحضنه ارتعش
حضنني ولمني بحضنه بقوه
لتخافين. لتخافين
خاله خاله وين
سكت
ماتت مثل عكروط كلتها وشهكت
بقه ساكت وكفني همس وبقه لامني بحضنه
يمج ماعوفج.
لتعوفني واشهك لتعوفني
لا ماعوفج شون اعوفج اهدي حتى متتخربطين. اهدي حتى اطلعج من تردين ترحين لاخوج
صفنت ابتعدت عنه بلعت ريك
باوعتله وجهه تعبان كلش
توديني عليه
هز راسه
شوكت
ماعرف بس اوديج روحي ارتاحي وبلعي حبابه كامله لتفكرين باي احد اللي هنا محد يفيدج اللي يفيدج ويخصج اخوج حتى خالتج متفيدج
يححي بتفهم وعيونه دم
هزيت راسي اي
وصعدت فوك رغم رجفتي وخوفي بس انولد بيه امل بدلت واكلت بله نفسيه. وبلعت الحبايه واراقب
داباوع من الشباك طلعو خاله ملفلفه.
مكدرت
مكدرت
متت بجي ولطم ملخت رووحي عرفتها ماتت
واكفين ديخلوهم بالبدي مال سياره وصعد ابو كزله. بالبدي على طوله
فجاءه ابو كزله وكع
كلها صاحت
ابو كزله قنااص شبباب قناااص
وكلها دنجت والهودج طشرهم بالبيوت ابو قبضه توه يطلع من بيت. ابو النار صاحو
قناااص استاذي دننج
ووكع ولد هم من بعيد جان واكف. بروان يسمو
وابو قبضه عيونه شبحت
باوعلهم
اشر باشارات وهمه ركض تفهمو البلاجكتر ضرب عليه طلقه الهودج طفه. وانسدت السقيفه ضبط بحيث حتى اني انحجبت الرويه عدي
اسمع المراكض والتدبج عالسطوح.
وارتعش
شون شون شون شسوي
يارب يارب اني مالي دخل
ياربي خاف ماموت وياخذون شرفي.
ياربي ساعدني
وانفتحت الباب مال غرفتي
التفتت ابو قبضه
اشرلي بسكوت ووجهه ميت قلق
امشي ويباوع للبسي
همس
بجامه بجامه ماعدج
ععدي البس
لبسي بسرعه
ركض البس جر خبربي خلاها بجيبه ويباوع للشباك بغضب. نار صاير
والتفت عليه لزم ايدي قوي باوع بعيني.
اندعي لربج يرحمج. وبعدها هل ياخذ روحي. مو تكولين. الله يستحاب الدعاء ويسمعني خلي يسمعج هسه اهر براسي وارتعش عيوني شبحت
وجرني واني حافيه.
باوع لرجلي وغمض تلفت ونزل ركض ويتلفت بانحاء البيت احس ممامن لاي شي
كمت اسمع مراسك رصاص بره يخوف صعد وبيده بوتين قديم
هنس
لبسي
مالمنو
البسييييي
كال من بين سنونه
لبسته جبيره عليه بس شديت قيطانه قوي وصعدنا بالسطح وهو عيونه تترقب
عبر عالسطح الورانا بسهوله اشرلي تعاي
صعدت وجرني برهاوه ايده
ضلينا نعبر
حسبت سبع بيوت بس بالعرض بيت وره بيت
حدما وصلنا جول
همس
راح نكمز لتخافين اني حكمز واني ورايه. الرمج لتخافين
منين منين احجي وارتعش من الخوف
ضلمه وتخوف وبيوت بيها ناس مبين واكو بيها ضلمه وفارغه مهجوره عبالك
اشرلي منا باوعي
اباوع المكان بعيد بجيت
ماه ماه ماه اخاف
لتخافين اني وياج مليكه عبر راسن منطاني مجال افكر
واني جلبت اخاف اعبر وابجيي لتعوفني
اشرلي بيده الزمج باعي ويحاول يهدي توتري و
واني ازيد بالبجي
بسرعه مليكه فدوه
اخاف والله
كفر ورد صعد اخذني حضني همس باعيلي
باوعتله
ضمي راسج بصدري ورخي تاخرنا
ضميت راسي متردده وكمز روحي حسيتها هبطت وارتعبت رعب وكفني
همس اوكفي اوكفي عدل
وكفت
بيج شي
االا لا لا
امشي ولزمني قوي يركض منصي واني وراه. يجر بيه.
المكان اضللم فناء مفتوح صوت جلاب بس وضل يمشي ومدنج حدما سكعنا صوت سيارات جمد
صوت سلاح. يضرب بس قوي
كعد وجرني يتنفس غمض عينه وهمس
وصلنا لتخافين
ورجعنا كملنا ركض وصلنا لبيت قديم تشلبه. عالحايط وجرني جنت خفيفه. كلش صعدنا عالسطح وتلفت باوع التانكي جبير كلش وخر الغطا. همس فوتي
ببي مي
ميخالف فوتي
فتت بي ديروح بحيت
وياك لتعوفني لتعوفني
ماعوفج جاي
لالالا اخاف اخاف
غمض وطب وسد القبغ مال تانكي باحكام
كان تانكي مربع جبير يمكن مخلي للزكي لان طبينا بستان نخل
المي جان بي لنصه واني مشلجه الدنيا. جان شهر الثاني نهايته. بس حسيت ببرد مو طبيعي
الني ثلج كمت ارتعش ضلمه حيل بس صوت قطرات المي من الطوافه. ينسمع قطره قطره
حسيت تحرك فك سحابه سترته وعض شي بين سنونه ضوه خفيف صار باوعلي وبينت ملامحه
مليكه اهدي
بباردتلي باوعتله. ميته خوف
حاوطني بيدي ولفني قوي ويردد
اهدي
اهدي ماكو شي
انقذج واوصلج دار الامان
واني ارتعش واهز راسي مرت ساعات واني غفيت. من الرجفه. فزيت
سمعنا على غفله. صوت ركض وطلق انكلبت الدنيا
اشرلي اشش فك سحابته وضم بيها الصونده التضوي من عضها ضوت ضمها حوه هدومه من اباوع جوه سترته فوك تيشرته لبس درع مال سلاح بس مو بس طلقات بي مسطر حتى فد شي اسود بقاروره مال ابره. مخلي هاي النزرف راسها وناخذ منها المحلول مال ابره
طلعه واشرلي اششش همس
تعرفين تغرصين مليكه
يباوعلي بنضرات مطمنه ويشتغل
ها
تعرفين تغوصين
هزيت راسي اي اعرف
هز راسه ماشي باعي حنطب اني وياج. جوه المي حتى منبين زين لتخافين ورخي جسمج حتى محد يحس
هزيت راسي بالرفض بجيت من الخوف
مليكه صيري سبعه حتى اوصلج لدار الامان فدوه لعينج
فك القاروره وذبها بالمي المي انصبغ اسسود وباوعلي سدالسحاب الضوه اختفه همس
يله مليكه
هزيت راسي موافقه طبيت للمي وهوًهم جرني والاصوات مال اقدام تتقرب منا ويصيحون. كمت اسمع صدى واني جوه المي
بابا مواصلين لهنا بعيد
كل مكان دوررو منطلع اذا مناخذ راس الجبيره
حسيت انفتح القبغ ورد انسد راسن
باع حتى المي جايف اسود صاير هذا البيت متروك لك بابا عايف القطاع وجاي لهنااا كتلك اول متدور الانفاق يالغبي
واختفى الصوت وركضه صارت طلعت واسي خلص نفسي وهووهم بهدوء همس
مليكه
هم
ضلمه حيل
اختنكت كلش هوا انكطع وعلى غفله انفتح بوري الطوافه. ونزل مي سمعت سحابته انفتحت وطلع الضوه الخفيف
رفعه باوعلي
واتنفس سريع
سبعه سبعه اباوعله وجهه اسود بخوف عبالك ملطخ
خله وجهي جوه المي مال طوافه ومسحه ويتنفس سريع
ميته برد
ميخالف هسه بس رخي
عطشانه
اي اي هسه
غسل ايده من المي الجاي من الطوافه وكام يمليها ويقربها من شفتي اشرب وارتوي وعيوني بعيني لحد مااكتفيت لمني بحضنه راسن وويمسح على راسي
لتخافين
ماخاف انت لتعوفني واني ماخاف
بقينا هواي وهو كلسا يباوع لساعته
اختنكت اريد اتنفس مداكدر
شال القبغ شوي
وطب الهوا كمت اتنفس وكفني واجر النفس لحد ماتعبت وكعدت
ورد قبغه
وعيونه عالساعه
توني اغفه
هزني
مليكه يله صار الوكت
فزيت حنطلع
اي اي يله
كمت وراه اول شي طلع هو مدنج يتلفت بعدين اشرلي طلعت منكعين. بقينا نركض مدنجين ونكعد لحددد ماا عبرنا مكان جبير. طبينا لبيت. صغير جانت اكو مره عجوز بي عبالك متشوف همس واشرلي
اش متسمع ومتشوف
بقيت صافنه عليها
طبينا لداخل بيتهم
جان كلش قديم
بس بي صناديق مال فواكه مثل مالتنا عرفت جان يجيب الها
بقه يباوعلها ونصه راسه جرني للغرفه همس
لبسي اي شي دنطلع بجامه وواي شي بدلي هدومج
اي اي
كمت ادور اكو سله مكسره بيها هدوم لكيت دشداشه مشكوك جوه ابطها سوده لبستها
ولبست فوكاها وحده لخ
دورت بجاه ملكيت
لميت حواريب مال جيش ثخينه لبستها جانت مزرفه لبستها بس دفيت شلت شعري وعصرته واباوع للفراش وصخ وقديم شلت شعري ولبست فوطه من السله وطلعت باوعلي ونصه
كصيره هاي تبردين
ماعدها بجامه
وولابسه جواريب
وين حذاءج
ايلبسته مبلل
ميهم تلفت وجاب جياسه نايلون لبسها برجلي ولبسني الحذاء
ويردد
يله يله
طلعنا وباوعت للمره
خطيه شون عايشه
عدها قوت مال شهر حدماشو شون تصير امشي
ويسحل بيه
واني وفوطتي جني عجوز
بقينا نمشي وهوًعيونه عالساعه ومنكعه هدومه اربع ساعات نمشي هلكت ونفسي انكطع وحسي مطلع كلسا يندار عليه. ويباوعلي ويكمل
وصلنا شارع عام —-
احمد- فقدان عمي شل احوالي بس تعايشت
فتره صار احلم بمليكه بنص بير وايد تجرها
لو احلم بيها احضنها واكعد فاز
لو احلم وجهه محروك واتخبل
مرتين رحت زرت للامام اريد بس ارتاح ماكو روحي تلوب. لوب نار بصدري تسعر عبالكً توني راجع ولاكيها ماكو
لحد ما مره. دابيع. بعت هواي شغلات وداسري حساب للرجال وطبت نور
جان مار عليه شهر مشايفها
راسن وجهي ابتسم وارتبكت صوتي بين عليه الرجال التفت عليها ورجع باوعلي
حسب مرتين واني صافن عليه نور ساكته تباوع عالمحل وتباوعلنا
كمل حساب كال ها موهيج
عمي دتسوي انت اكيف اني تره زادت عالحساب ٧ الاف
لا شون
احسب ويايه
كمت اخسبها بالنسبه وتناسب ضل صافن الرجال مفهم كال
عليك
اي هاهي طيته غراضه وطاني فلوسي وراح
باوعت لست نور صافنه عليه
هله ست شونج
محاوبت فاكه عيونها كلها وتباوعلي
شبيج ههه معوده
انت شون حسبت
شنو ها غير عالنسبه هو ماخذ ربع القوطيه والقوطيه كلها بفلان سعر
احمد
نعم
باوعت بعينها
ماما ليش متكمل دراستك
فكيت حلكي صافن نصيت ارتب الغراض
شون اكدر ست محل ومسواك ووكفه
امي عسى ما اربع ساعات باليومً من تعزل
ست اني ناسي كلشي
مالك دخل اني اجهزلك كتب
موزين بالانكليزي ولا العربي
اني ادرسك لتشيل هم وي طلابي
باوعتلها فاك حلكي
فرصه اكعد وياها
بقيت اباوع بعينها
شكلت
شوكت
هسه مبقالك شي قدم عالخارجي
خاف اتعبج
معليك. انت المهم تنجح وتوصل لك امي حرام انت مدفون بهالمحل وانت شاطر لازم تاخذ فرصتك
ابتسمت واني ارجع الغراض
يعني شسوي علميني واني اخذ حجي واسوي
ماشي اول شي تروح للتربيه. وهاي اني اجي وياك لان عدي معارف يكضوها بسرعه
خوش والله خاف اتعبج
ماكو تعب باوعت بعيني
وبعدها نقدم وتكعد تقره
كتب ملازم
مالك دخل اجيبلك من المدرسه
نصيت راسي
وباوعتلها والله يعني من عرفتج والله العضيم تنورت دنيتي
دارت وجهه كالت
انت ابن حلال اعتبرني امك اختك وحبت تساعدك المهم جيتك بشغله لخ
نعم
البارحه من جبت المسواك خليته بالطرمه القائمه فوكاها ١٠ ليش مكلت
اخذتها من الاجار لتشيلين هم
عاشت اديك زين باوع امي انت شدتاكل
والله هه تكلته بيض الصبح. وبيتنجان والشجر والبتيه والطماطا بليل نوبات اجيب كبب من الاسواق
وهكذا كاضيه
زين عدي الك اقتراح امي هنا تعرف بيها عدي
اي اعرف
ززين هطيه هي تركب ومتعلمه تركب هواي
ماشي
فشنوً رايك وكت الغده اجيبلك لان والله دينذب نصه
لعد ماكيف بس بشرط اشارك بالمصرف ولو شي بسيط
سهله هاي بس انطيكيا من الفتحه لان خاف العالم
اعرف اعرف هاهي ست متفقين بس ماريد اتعبج والله ولو عاحبني تمن ومرك
لا يمه تعبيش هي خطيه تكعد وتركب عالجوله من الفجر متعلمه وهالعمر اذا متسري شي تحسها روحها عاله بيت اخويه مربطه ميخلوها تكيس شي ومياكلونًاكلها تنقهر هطيه
لا عليمن تنقهر احنا اكاله هههه
مو بله زين هسه شوكت نروح
كيفج
الاحد عدي اجازه اني ونروح ها شتكول مبقه وكت تره
خوش ست
يله مع السلامه اني عليمن جيت نسيت اكولك صونده السننك دتعبر مي عود من تعزل تعال سويها فدوه
بعيني ست اجيج
الف رحمه على روح اهلك
نصيت راسي وطلعت
وانشغل فكري بالدراسه وانفتحت افاق براسي كومه اي ليش لعد وادخل كليه مثل الشباب وشنو يعني اذا تاخرت مو بيدي ضروفي عكست والله يدري الحرام مطخيته
—
اسينات- بقيت بيت خالهم شهر مرت ابويه جتي وي رقيه. وكامت تحجي
ام سلام شون يصير مبقيتها عدج مو عدج ولد
ام قاسم تعاونني وخطيه حمزه يروح ويجي لهنا وي خليل. وقاسم كال خليها عدج وتدرين سلام ومرته سافرو علمود علاج مرته وهي يمه ضل مميفه عليها
وتباوعلي بغضب
واني سويت روحي مداشوفها بس سلمت وكمت وي مرت خالهم.
كانت لازمه بيوت اهلها بكربلا عشر بيوت مخليتها وقف وعدها حسينيات اربعه
كانت تحجيلي من اشتغل واني اسكت واشتغل واسمع كلامها ديني ووجهه نوراني
كل سيرتها باهل البيت والفواطم
ويخابروها دوم معتازين وتساعدهم
كالت
وكت الزياره مينقطع التركيب يوميا للزوار بس من صارت احداث الموصل فتحنا الحسينيات للنازحين خطيه
كانت كل اسبوع تروح كربلا تبات وتجي اختها تبات يمي اختها حبابه كلش وبس تقره قران وزيارات
واني جنت من اشوفها اكمل شغل شتقره اطلع واقره مثلها
ضل تعلمت عليه رغم طفله بس حبتني ناكل سوه اسبحها والعب بشعرها وامشطه ودوم تسال عن امها توجع كلبي
نوبات يخابرون كامره يحجون وياها وتفهمهم بلغه الاطفال باسمي انه اني وياها العب
رقيه من جتي اخذت راحتي خاله حسنه مرت خالهم مو بالبيت بكربلا بس اختها وهاي متتدخل
وبدت رقيه
كلسا تامر
سويلي ريوك
واني اخاف اناقش خاف يرجعوني لذاك البيت
حمزه خلالي خط هو وخليل وقاسم ونقلوني غير مدرسه جانت تختلف حيل وكلهم بنات حبابات وراقيات واني حبيت الدراسه اكثر
مجنت اخلي خاله تسوي شي حتى الطبخ
وهي متقبل
روحي اقري
نضيف ميحتاج
الخدامه راح تجي
واني اسمع كلامها
خطيه وكل متحي من كربلا تطب للغرفه
تعاي شوفي هاي على كدج
لو جبه
لو عبايه عالراس
لو دشداسه لو شي مستر واني اموت خجل
وترد
يمه انتي دتساعديني شبيج تخجلين هاي ضله جان وين كدرتلها والله اذا بجت ابجي وياها
وبدت رقيه تستغل من خاله تروح لكربلا
تعاي صعدي نضفي غرفتي عزليها
واصعد اخاف اناقش وتصير مشكله
رجلها يسافر بالشهر سبوعين وهي تبقى الشهر كله بالبيت
تامر بيه وتتعارك لان اداوم لو لان اقره
ودوم تصيح واني حسي ميطلع
ومن يجي حمزه متحجي ابد
وبيوم طب خليل مصوب والدنيا انكلبت خالهم تخبل وناس طابه ناس طالعه واني كارصه بالغرفه اخجل ماعرفهم
وجتني ضله طايره
بابا اجه
كيفتلها من يمي اهذت غراضها وراحت لبيتهم
عرفت صار لازم اروح لبيتنا وسلمت امري لله
وطب حمزه ركضت عليه حضنته
جانت اول مره يحضني بدون ميضحك
همس
شونج حبيبه
ضل بالي عليك تاخرت كلش
شسوي اني وجماعتنا تطوعنا شونج
زينه الحمد لله كلش زينه بس حمزه وباوعت بعينه هذا سلام اجه
اي ريعني
اخاف حيرجعوني
لا والله ههه ولج مرت خالي مجلبه بيج تكولي مانطيكياها صارت بتي
صدك عليك القران
وداعت عيونج الجقل
عيوني موجقل
تخبل شيشه عسل يله معوده حضريلي لكمه هذا خليل تصوب
يممه صدك
مبي شي برجله حيشبع نوم حدما يطيب
ولليل سكن البيت حمزه نايم جفي من التعب وسمعت صوت سلام كان صوته يختلف عنهم مليان هيبه
كان يحجي وي خليل اللي صوته جان يبجي فزيت ووكفت وره الباب مال صاله الكاعدين بيها وحدهم
وسمعته
سلام دمار تدمروا
البيت مفخخ ومليان جهال وكبار
وبجه بقهر ولك يحركون الكللللب
وسلا م يستغفر
تالي الولد طلعو الجهال يعبروهم الفرع.
ونهايه الفرع بيت بي قناص يقنص عاللي يطلع
وبجه بقهر
صدك ويوكع صاحبي روحي فرفحت نصينه وسحلناه لك نسبت شي اسمه موت وروخي تطلع
الولد طلعوًمن الانقاض اهلهم وعبروهم. كوه يمشون. بقت بنيه متصوبه برجلها
ناشرلها تعاي
ونكول ماكدر رجلي متاذايه واكعه عليها الشبابيك وكت الانفجار
تبجي وتصيح نقذوني
متحملت
قائد السريه ميقبل احد يتقدم يكول بالخسائر نروح
امها تنوح عليها
تالي مكدرت زحفت والقائد يصيح مهتميت جماعتي شجعوني وصلتلها
ولو تشوفها من طبيت يمها جلبت بزندي وتتوسل
عيونها تخبل سلام تكول مي تكول شط وشعرها مليان تراب ومدمايه رجلها عضم الكاحل طالع منها
تالي شلتها على ضهري وهي تبجي
نص الطريق ضربوني برجلي كملت ماعرف شون ووكعت بس وصلتها
وجماعتي تلكوها
عيونها عليه وتصيح
لايموت
لا يموت
امها حضنتها ولفو رجلها
لليل طلعو الطلقه مني
وسالت عنها
كالو نذوها نسكن لان الالم ميحتمل وثاني يوم صعدنا الهمرات وصارت عي بهمرنا
عيونها عليه ودموعها تجري
تبسمتلها
وهاي ماتت بجي
كالو خيذبوهم مخيمات
امهم جانت شايله بيدها بقجه وجه مخده والله مادري ومخليته على كلبها
من داانزل وصلت لامجمع الطبي اللي على طريق— جلبت بهدومي وتبجي
صفنت عليها فهمتها كوه لان كلامهم بختلف
حيودوكم مخيمات امني ماكو شي هناك
نزعت سوارها خرز اسود مسطرات بلاستيك وخلت بيدي
وطلعت السياره
ضلت بفكري لك سلام حموت
يول حبتك هههه شحبت منك هاي
اسكت كلبي احترك بس اريد اطيب داروحلهم. والله اروح للمخيم كلت لمرت خالي عليها كالت ندزهم للحسينيه اقلها بس نسوان
اي شكو منها
دنام نام ارتاح ابو الحب
شخبار مرتك
والله وحر نفس والله ياخويه مزينه ابد مزينه. اختنكت حيل هناك كالت رجعني ماكو امل
ولاهي المدارسه وفاهمه امدر اضحك عليها واكولها دتطيبين ولااني الاكدر اعيش دونها مسلم امري بيد الله
الله يعينك ويباوع حالك
نام ارتاح رايح يمها اني وكت علاجها
سلم عليها والله لو مبيه شي اروحلها تدري بيه شكد اعزها
والله تخبلت من سمعت بيك هسه باجر تجي تشوفك
هله بيها
اسينات- جنت اتصنت ودموعي وي خليل تنزل وانفتحت الباب فزيت ورجعت ليوره
متت خجل رفعت راسي
سلام صافن عليه عبس حلكه ودار وجهه وراح
—-
يتبع
مريم السعدي
عذروني شوي تعبانه وبس كعدت مرتاحه كتبت
متابعه شيقه