❤ چنت أگلچ
عوفي كلشي وياي ظَلّي
جيبي روحچ
اتوضي بية، بروحي صلّي🖤 ..
كعدت صبح واني نايمه بحضن غضب بقيت اباوع بوجه ومشيت اصابيعي عل خده ولعبت بشواربه خليت ايدي عله صدرة ومديتهه عل ضهرهه هوة رجف ردت اكوم كال كملي اليش تردين ترحين كتله عزااااا كاعد
غضب..لا نااايم
اماني...شون كعدت وشفتك رجفت
غضب...ههههه اني عل حركه بسيطه كعدت
اماني. هههههه صباح الخير
غضب ،،بعد وكت
اماني، ،،يله كوووم
غضب،،لحضه لحضه وين كايمه انتي
اماني،،،شنووو اريد اسبح
غضب،،،سوه😉
اماني،،،،مااا وردت اكوم لزمني م̷ـــِن ايدي كتله غضبي حباب خل اكوم والله ضهري يوجعني حباب حبيبي كال اووف ماحسيت اله شالني كتله ياا غضب نزلني شبيك كال كال للحمام كتله بطابق ثاني عيب لايشوفنه احد كال طز بالعيب اريد اسبح بنيتي ضحكت ودفنت راسي بصدره وصل باب كال فتحي ولج مدي ايدج فتحته وطلع لان حمام موبل غرفه قريب عل غرفه بطابق ثاني سبحنه سوا بعد ماتوكححح حضرت غضب وطلعت اسب بي هوو يضحك نزلت اسوي ريوك وشفت ابو كاعد بالصاله كلت صباحوو محد رد ضحكت ورحت للمطبخ سويت ريوك هوة نزل كعد بصاله وابو بس يخزر اكلنه وكال بويه محتاج شي ڱڵـه. لٱ شنو احنه اول شي ست حسن نوب تجي دكول محتاج شي غضب ضحك بقهر باوع عليه اشيل صينيه واروح للمطبخ رحت اجه ورايه كال كملي شغلج وبسرعه فوك كتله بس. ضرب ايده بالكاونتر كال شكلت كتله اوكي عل گـّيَفك بس انته وين رايح كال عدي شغل كتله الله وياك حبيبي طلع كملت شغلي وعمتي سوي غده كتلهه اساعدج كالت لٱ وعوجت حلكهه كلت شبيهه هاي ناس صعدت نضفت غرفتي وعطرتهه وغسلت الهدوم وكملت كعدت عل جهاز اجه غضب ضايج كتله هَا حبيبي ماحجه شي غير بس نزع ملابسه ونام طفيت ضوء وبقه نايم عرفته ضاج م̷ـــِْن اهله وبقه نايم كمت عل كيف فتحت باب اريد اطلع غرفه فاطمه
وصاح ويننننن كمزت وخليت ايدي عل حلكي كتله شبيك كال وين طالعه كتله يم فاطمه كال قفلي باب ورجعي بساع
اماني...ليش حته يم فاطمه ممنوع
غضب..لاتعاندين ورجعي يلةةةةةة كم مره اعيد كلام اني حته تتفتهمين كم مره احجي وكم مره اكول بلااا عناد ومشاكل يعني شون بيج
غضب...عل كيفك ولاصيح وتخلي حركت كلبك بيه شنو ذنبي اني كافي عاد ميصير هيج خانكني هنا لاطلعه ولاطبه شنو هااي شفته كام هوه عصبي كام لزم وجهي بيده كال اشش عليمن جاي صيحين بويه
عليمن جاي صيحين بويه
اماني...عوفني وخر ايدك
غضب...موجاي احجي وياج عليمن جاي صيحين
اماني..مصيحت وخر ايدك غضب
غضب..خوش خوش بس اذا مابطلتي عناد ومال طبه وطلعه انسيهه
اماني..هههه طبعن اذا بس مونس روحك عاد والله خنكتني انته
غضب... خنكتج مو سهله اماني سهله
غضب ميصير هيج والله يعني حته من تطلع تسد باب وراك ختنكت كلش مقيدني بكلشي غضب تفهمني الولا وبسرعه صيح بوجهي
غضب...اششش كافي خليني انام لاتخليني امد ايدي عليج اماني مال مال اخليج تنزلين وهمه جوه ويسمعوج حجي وانتي مكستين وتعال ياغضب ابتلي بواحد بيهم ليش تخليني اكتلي واحد بعلي تره مليت من مشاكل
اخذ سويج سياره وطلع اختنكت نمت عل جربايه تغطيت راسي ونمت بقيت وحسيت عل حركه يمي وشمر سويج عل ميز كعدت لميت شعري وعدلت جربايه جاي امشي كال لزمني من ايدي كال بويه الف مره اكلج من اصير عصبي لاتصير كبالي ومن اني عصبي لاجاوبيني تدرين بيه احجي ومادري بروحي يعني اعلم منا يطب ويطلع منا اماني تره اني اخاف عليج من هوة الله ومن اهلي ومن روحي جرني لحضنه وحضنته كتله ميصير هيج والله يعني انته عصبي واني شنو ذنبي
غضب..ذنبج تتحملين
رفعت راسي وباوعت علي
غضب ..بويه شهل عيون لج لاتباوعين هيج بعلي اضيع
رجعت رفعت راسي وفتحت عيوني كتله شنو خله ايده عل عيوني كال بويه عل كيفج وي عيونج شنو سالفه
اماني..دوخر خل انزل اسوي اكل
غضب...يله ننزل
نزلنه وهوة كعد بصاله
كعد بصاله وبقيت اسوي اكل وي بنات ونسولف تعبت اني رحت بصاله كعدت يم غضب عل تخم ويباوع عل جهاز
اماني...اكولك حبيبي
غضب...كولي
اماني...مبقه شي عل خطوبت حسن
غضب..وشتردين
اماني.. شنو شريد غير اريد اتحضر حته نروح هوة ضحك وكام كال خل اصلي بويه كتله غضب شبيك يعني شنو
غضب..شش ماكو شي بس خل اصلي ومنا للخطوبه الله كريم عود حبيبي
رحت رتب سفره واحجي وي بنات ويحجن عل خطبه حسن كلمت ومديت سفره وكعدنه وكل ساكت بعدين ابو غضب حجه وكال لغضب اكلك بويه شلونك بدوام غضب بقه يباوع علي وضحك كله زين
غضب..اشعجب بويه سئلت
ابوغضب...ليش ماتحب نسال لوبس لذولاك ناس
حجيت اني ورفعت حاجبي 🤨وكتله شقصدك عمي وباوعت لغضب خنزلي بعيونه وضغط عله ايده بسرعه كمت يمه شبي هذا رحت للمطبخ وماحس اله اجه ورايه
غضب...رتاحيتي من حجيتي لوهيه دوده ( اي خويه دووووده وتكرص هم ) تكرص له تحجين هوة سئوال لج لو ليه
اماني..الك سوال اعرف بس شنو ذولاك الناس
غضب..بويه هسه انتي شعليج ليش تخليني اوج نار
اماني..عل كيفك عيني شكلنه عل كولتك بويه شصار ياجلمه وردي مجانج ستاذ غضب سوري عمي شصار
غضب..السان لو تفكه خاطر ربج ( اااااخ جيبولي ذياب كولوله لكينه تفكة ثالثه)
اماني..تفكه😂😂😂بس شحجيت اني كلشي محجيت عيني
غضب..شون راح افكس عينج مشي صعدي يله
اماني..لاعيني اريد انضف وياهن وتره مبقه شي عل رمضان خميس جاي وشعليك بيه اصعد فوك🤨🤨
ماحس اله جرني من ايدي ويريد يصعدني كتله اوكف خل احجي سد حلكي بيده وخلي ايده عل ركبتي وره وصعدني هوة مخلي ايده عله حلكي واني احجي وصلنه للغرفه
غضب..خرب اهلج كافي
يريد يطلع ويسد باب
اماني.. وين رايح
غضب ..طالع عدي شغله
اماني..اشو يوميه هل شغله كول شنو هل شغله بالله
غضب..لج بويه شغله يم صديقي
اماني..شنو هل شغله بله توخصرت وكفت يما يله كول عيني خاف عدك شي من ورايه شنو هل شغله هاا
غضب..خلصتي لوبعد
اماني..خلصت بس منتضره جواب
غضب..تردين جواب جان نطيته الج بس حامل خاف عليج بعلي
اماني..شنوو🤨🤨 ( غباااااء يالحمزه الحكني )
طلع بدون ميحجي شي وسد باب بقيت اغلط علي وعل اهله😂
كعدت احجي وي عشققق سروش ( لج انتي عشق وكلب وعمر سروش ) ولحد مااجه وفتح باب
غضب...ها بويه
اماني..هاا😒
غضب..شبيك شو كالب وجهك عليه
اماني..انته شنو سد باب وتقفله مدكول هاي خاف تروح للحمام تطفه كهرباء ايصير شي بيهه عايفني وقافل باب شنو معناها هاا
غضب....هههههههه والله ياحبيت كلبي معناهه بكيفي وهيج ارتاح وجبتلج حلويات هاا
اماني...وخر وخر خل اسبح جنت متانيتك واحجي وي سروش عليك اهيه تعلمك اني معليه ( ههههههههه خررب حجينه اشياء )
اغضب..جنتي متانيتي 😉وغمز عينه
اماني...ههههه قصدي اريد اسبح وين راح بالك🤨
غضب..لاترفعين حاجبج بويه ولاسوين هيج بعيونج
اماني....كيفي كيفي
رحت اسبح ولبست دشداشه صلوخ وقصيره وطلعت من حمام ركض فتحت باب كال شكو ولج
اماني. اجيت ركض خاف احد يشوفني
غضب...يله سدي باب خبال حته خبال
اماني..هههه خوش خبال وكفت يم ميز خليت كحل ومشطت شعري وعفته مفتوح ورشيت عطر وعدلت غراض وكعدت بالكاع نطيني لحلويات حبيبي
غضب ...لا والله
اماني..شبيك نطينياهن
غضب...تعاي اخذيهن
اماني..برطمت شفتي وكتله نطينياهن يله
غضب...هههههه خرب راح تبجي هاج بويه
اماني...ونبي صدك ردت ابجي مادري ليش ابن جكمه اني اعلمك ( هرمونات يلثوله)
غضب..اماني اكلي ونجبي
فتحت علاكه حلويات كتله بشرفك هسه انته جايب كلشي كلشي ومامقصر كمل معروفك وجيب نوتيلا وجبس ليز شيصير عيني ماا معليه اني اريد جبس ليز ونوتيلا يله 🥺
غضب..حبيبي نسيت جبت نبر وان وكلشي وعصاير اكلي وخليني اكمل شغلي
اماني... مااا🥺
غضب...اماااااني
كتله اوك حبيبي اوك كعدت اكل وخلصت كمت شربت مي اكو ثلاجه كولش صغيره جابها هوا حته مانزل اجيت يما كتله خلصت حبيبي
غضب..ضميتيلي
اماني...لا كلبي هوة انته جايب حته ماشبعت 😂😂😂
غضب..عود صدك بويه الف عافيه
بقه هوة يخلص شغله عل لابتو وشويه وكال راح اطلع خابرني غسان شويه واجي كتله روح عيني
راح وبقيت احجي وي سروش وبنات وعل انستا بقيت هم لحد مااجه نعست كلش اجه فتح باب وفرش سجاده ويصلي صلاء اليل وخلص اجه يمي كتله حبيبي ام حمودي ( من يكلون ام حمودي اكو مصبيه ) معاك ..انطيته جهاز ويحجي وي سروش نمت بحضنه وبقو يحجون ( غضب بالدوام بس ينزل انزل بارت كامل بسوالفنه كلها ) واني غفيت وامادري بنفسي
كعدت صبح ماكو اباوع ماكو غضب بقيت اباوع بالغرفه هم ماكو يربي وين راح هذا بدلت ونزلت جوا غسلت وفرشت اسناني وطلعت للساحه اباوع عل حديقه كلت يجوز يلعب رياضه شفته هم ماكو شفت حسن للمطبخ
اماني ..حسون غضب وين
حسن..والله مادري ليش ماكو يجوز عنده شغل وطلع
اماني ..عفيه هل شغل ميخلص اكلك حسن خطيبتك مشفتهه بشرفك حلوة
حسن..تخبل 😌
اماني..خل اشوفهه حباب حته اركصلك ركص بخطوبتك مشايفه
حسن...خاب ماسكتين منو يخليج ترحين صدك ضحكتيني من صبح هههه تريد تروح وبعدين خطوبتي ١٨ برمضان موهسه
اماني..وجع شبيك جنك بيبتي من تحجي وخليك انته اني اروح خطوبت عمار ابن عمو مبقه شي عيني وخليك انته وخطيبتك جكمه
حسن. نجبي لج بت خالتي هيه
اماني...جذبببببببببببببب
حسن..وجع حته وجع لهل صوت شبيج نصرعتي
اماني...يعني رغد خطيبتك اشو اني مادري ولاادري بشي وربي وهيه هم صديقتي واحبهه كولش وحته مكالت راح يصير زوجي هذا حسن لجكم لطنطويلو اني اني أعلمكم
حسن..بويه خل اشرد احسلي شهل السان عمي شنهاي
ضحكت علي بس هوة من هل بيت قلبه طيب وصافي ويضحك للهوة ويحشش ودائما اصدقاء واخويه هوة
سويت ريوك وكملت شغلي وصعدت فوك عزلت غرفه وغضب ماكو رجعت نمت وكعدت هم ماكو شنو سالفه راسلت سروش وصعدنه اتصال وكانت مفاجأ الكبرى والعضيمه ( لو تدرون بس البارت الجاي حتى يصير حماس البارت الجاي بس اني غضب راح نحجي )