صليت....وكملت.....وكعدت اكل.....
نفتحت الباب......باوعت شبر....
باوع عليه....شو لساج ماجاهزه.....
.....انت كتلي ساعه ٢ او ٣....مو ساعه بال١....
تأفأف.....كومي....بدلي دااخذج......عندي شغل دااريد اطلعله......
باوعت عالاكل.....هبابني اكلت لكمه...جاني.....واني مااعرف ليش صايره اكل هوايه....
شبر....حضريلي هدومي....اروح اسبحلي شويه.....
كمت عاد...خليت كلشي بمكانه.....وغسلت الاماعين.....
بسرعه ركضت علهدومه....اطلعهن.....مبين عصبي...مااريد اعصبه....
طلعتله طلعت فانيله بيضه شتوي..وجاكيت كابوي.....وبنطرون....
باوعت عليه...ملابس غير بس شورت....
نزلت راسي...واخذت هدومي....اسبح....
كملت بسرعه بسرعه...من ورا...كلسا ويصيح شوكت تطلعين.....
عاد كملت ساعه بال٢.....وهو يحجي عليه....واني اتأفاف....
باوعت عله البلابل...شفت عدهن اكل...ومي...
وطلعنه من البيت.....اخذنه تكسي....
ضلو يحجون بيناتهم شبر والسايق...
واني كعدت وره شبر.... ويايه مريه جبيره.....ومريه اكبر شويه من عمري......وطفله وياها....
هذي الي شوي اكبر من عمري كعدت وره السايق.......اباوع عليها شلون تباوع بصلافه عله شبر.....
وهذاك....مايدري كلشي....يحجي ويه السايق....
كلسا اباوعلها...واعقد حواجبي......شبيها هاي...اكسر راسها هسه...ماتعتبر جريمه...مو...
نوب المرايه الي بالوسط صايره عله شبر....
بلكوه ستحملت هاي المره.....ياربي....جنت غافله عنها من نص ساعه.....وهيه يمكن جانت تباوع عليه....
والي قاهرني اكثر....انو الطفله الصغيره بنتها.....لان كالتلها ماما.....
ضلينه هواي بالطريق...وعيني مارمشت ابد عن هاي المره......خاف تسويلها حركه منا منا.....
انوب المره الجبيره كامت تحجي ويايه....
واني شعليه....دعوفيني بحالي....
ضلت تحجي واني احجي وياها شسوي.....
وصلنه واخيرا....ونزلنه..وهمه بعدهم...راحو ويه السايق....
باوعت عله شبر....شك ورقه....وبتسم.....
باوعت عليه.....شنو هاي الورقه شبيها.....
شبر......سلامتج...اكلتيها اكل للبنيه.....
....بعصبيه......هااا اني....هيه الحقيره تباوع عليك....
شبر.....غبيه.....
.....هااا....
شبر....رغم تباعين عليها...بس ماشفتي شسوت....تعلمي منها.....
......شسوت...كلي.....
مشه....وكال يله....خلي نوصل....تره بارده الدنيا.....
مشيت ويا.....واني اكله عليك الله شنو هاي الورقه.....
شبر.....رقم....
.....رقم منو.....
شبر.......هلالي...تعرفين انتي هوايه هوايه تسألين....امشي عاد......
.......دير بالكمنا منا تسويلك حركه.....تره اكسر رجلك والله....
باوع عليه متفاجئ....
وهز راسه بضحك......انتي اكيد مخبله....وج انتي تموتيني بجفصاتج......شوفي...اني لو ما بدربونه هسه تره جان شوفتج شي بعمرج مشفتي......
شبر....تكسر رجلي....والله يالله.....شكد غبيه....رغم جنتي اتباعين عليها....بس انخدعتي.....بسهوله....
.....شداتحجي انت.....
شبر...ماكو شي......
طبينه لبيتهم......
سلمت عليهم.....وبوستهم.....
وكعدت يم شبر.....
مااعرف...اني مو اجتماعيه هوايه.....ومااحب اتعرف عله ناس.....
كعدت يمه طبك.....وخايفه...
باوع عليه شبر....وكلي....تره ماياكلون لحوم بشر والله.....ضحكي...احجي.....
.....اسكت شبر....
تنهد.....وكام يحجي ويه منتضر وامه وابو ومحمد....
واني كعدت...عالكد السؤال اجاوب.....
كام شبر.... وكال اني عندي شغل....راح اروح... بليل اجي اخذ مرتي... واطلع انشالله.....
هم نفس اول لقاء بيناتهم..... امه تحجي ويا وتبجي.... وهو طلع مايهمه.....
باوعت امه عليه....ومسحت دموعها.... عمه نجوم....اذا تريدين ترتاحين... غرفتكم جاهزه...فوك....
جانت تحجي بتعب...وبلكوه واكفه.....
باوعت عله صفا..... واشرتلها ماعرف شنو....
جتي يمي... وبتسمت.....
باوعت عليها....ونقهرت عليها.....
وصلتني بالغرفه مالت شبر..... وراحت.....
باوعت عالغرفه..... عاديه..... غرفه حلوه لسرير واحد.... وغرفه مبينه شبابيه....
فتحت الكنتور........باوعت.... هذن دائما يلبس مثلهن... الهدوم.....
باوعت اكو خيط اسود رفيع.....مثل الگلاده....ومربع جوزي... مكتوب بيها ايه البقره....
واكو سلسال ثاني.... بس مثل الجنطه...صغيره وبيها حجاب... مبين...
وريحه الكنتور... مثل ريحه شبر.....
بتسمت.... وكمت انبش بكلشي.....
عنده البوم صور.... هوايه... ويه منتضر ومحمد واخته...... ورجال... مبين اخو... سلمان المات....
فزيت عالفتحه الباب.....
باوعت... نفس البنت.... الي اخذت المكناسه.... هم شايله مكناسه....
عقدت حواجبها..... انتي شتسوين هنا.....
باوعت عليها...وحجيت بهدوء..... هاي غرفه شبر....
بنيه.... اي... انتي مني....
باوعت عليها... اسلوبها اسلوب تهمجم......
ضليت محافضه عله هدوئي.... اني نجوم مرت شبر....
ضحكت.....
...... اكو شي يضحك..... كليلي....
مريه..... اوووو مرته.......
هزت راسها بأيييي وضحكت.....
مريه..... دائما ذواق..... بس هالمره...... ولوت شفتها.....
بتسمت ونزلت راسي..... اه بلشت رحمه الله......
.......حبيبتي... خلقه ربج...والحمد لله رب العالمين والشكر.....اكو ناس تتمنه هذا الوجه......واني حامده رب العالمين ومااريد شي ثاني بعد......ومااريد جمال......جمالي بقلبي...وببرائتي.....وحبي للناس.....
تقربت يمي......وهمست بذاني.....ماتسوين شي بدون جمال.....يمكن صح يحبج.....بس نزوه وتروح.......تذكريها دائما لهاي.....
بتسمت....الحمد لله قابله بكلشي.....وهذا وجهي.....حلو بدون اي شي......وصافي.....مو مثل هواي ناس شفتهم بحياتي....حبيبتي...امسحي مكياجج بالاول يله احجي ويايه.....
باوعت عليه وضحكت.....حياتي....اني بدون او مو بدون مكياج....اني حلوه...واكدر اغري الكل بجمالي.....
بتسمت....واني احمد االله واشكره...مااسوي هيج ابدا.....ومااغري شخص غير زوجي.....ومااصير وحده صاقطه.....ابوك رجال....
باوعت عليه بصدمه......وبتسمت....
المريه......السانج طويل يبنيه....انتي شسمج.....
........نجوم.....
عقدت حواجبها......عوذه منج....لسانج ينكط سم.....مثلج.....
........حبي....الحقيقه تجرح.....
المره عله العموم......اسمي ريتاج....مره سلمان....اخو شبر الي مات.....
...تشرفنه.....
ضحكت.....وهمست بذني....اكره الاشخاص الي مثلج......مااعرف ليش.....يدعون البرائه.....وهمه ناس....
وبتعدت عني....
وهزت ايدها ولوت شفته.....والايد الثانيه لازمه مكناسه ام العوده...
داحجي....فات شبر .....
باوع عليها....وعليه......ممكن تعوفيني ويه مرتي.....
ريتاج....اي اعوفك ليش مااعوفك.....
بتسمت وطلعت.....
باوع شبر عليه......سويلي اكل....جوعان....
....ليش رجعت....
شبر.....منتضر صاحلي...وماخلاني اطلع.....
كام يدور بغرفته.....
.....شدادور....
شبر....اباوع اشيائي القديمه.....
.....هااا.....
نزلت جوه...اسوي اكل.....
عاد طبيت للمطبخ....حميت الاكل....وخليت خضورات وطرشي...وخبز....وصعدته...
فتحت الباب......باوعت عليه......نايم ومخلي ايده عله راسه.....
باوع عليه.....وكام....
خليت الاكل عالسرير.....
اكلت ويا.......
شبر......شحجت وياج ريتاج....
......ماكو شي.....بس مغروره....
شبر......لاتنطيها مجال.....خلي تولي.....دير بالج منها......
.....شبيها.......
شبر......مابيها شي....اكلي...
كعدت اكل.....ماحجيت ويا....
وهو مبين ماطايق كلشي هنا....
كملنه اكل....وكال...اني راح انزل....نزلي ورايه...غسلي الاماعين....وتعالي كعدي يمنه عيب....
هزيت راسي بأييي....
كام....واني كمت....دااشيل الصينيه...
لزم ايدي ....وباس جبهتي.....
باوعت عليه......لاتخافين....
بتسمت.....لا مو خايفه....بس شويه متوتره.....
شبر...بابتسامه......انتضرج....
طلع....باوعت عليه....وبتسمت......
غسلت الاماعين....وكعدت مثل مكالي.....
عاد جتي اخته مروه.....حسيتها مثل شهد...مرحه.....
كعدنه اني وياها....وصفا....نحجي ويه بعض..وناشر الصفا....
عاد شويه...ورجعنه للاستقبال.....
باوعت لكيت عمتي شابكه شبر وتبجي.....
وهو حاضنها....
هيه واكفه...وهو كاعد....
وعمي...يكول كافي عاد.....اتقو الله.....والله اليوم شبر...ماتطلع منا....تبات......امك داتشوفها شداتسوس بروحها....امك فقدت ثنين مو واحد....كافي عاد...وكعد يمها بس هاليوم......
بتعدت عنها.....
شافونه واكفين يم الباب......
صفا كامت تبجي ومروه....
واني باوعت عليهم.....
نزل راسي.....مسح دموعه......
كام......باوعت عليه......
باوع عليه...ونزل راسه...ومر من كدامي....راح للمغسله يغسل....
عاد فتنه للاستقبال...جان الجو مشحون...مااعرف شسوي.....
مامتعوده عله هيج....
فكعدت عله اول قنفه....واني انتضر شبر....ومتوتره....
عمتي.....مسحت دموعها....وكعدت يمي....
عمتي...اي يمه احجيلي عنج....شلون تقدملج شبر....شلون صارت قسمتكم....
بله شحجيلها لحجيلها.....اكولها ابنج خدعني بأم مزيفه...واسم مزيف....
كمت اعتعت...واني اباوع عله الكل يباوع عليه....
اله شويه وابجي......موقف صعب....غرباء...ويريدوني احجي......
بلعت ريكي.....
....يعني عادي....
جا منقذي.....وكعد يم امه من جهه الثانيه.....
بتسمت...وكالتله...شلون تعرفتو....
كام يحجي اشياء...مزيفه...احنه ماسويناها....علاساس احنه اصدقاء...ونعرف بعض من زمان.....واعترفنه بحبنه...وتزوجنه....واهلي اني قبلو بسرعه....
اباوع عليه....واتوعدله......حقير.....قبلو عليك موو.....مو شهر واسبوع ضليت تنتضر جوابنه......
حجه اشياء هوايه......وخاصه عليه....يسوي نفسه احسن مني....
اني اخنزر عليه...تره كبرتها.....وهو يرفع حواجبه ويبتسم...ومستمر بالكلام.....
كعدت لاحول ولاقوه....شسوي بله.....
عاد عمي حجه......صدك....ابوها منو...ماحجيتلي عنه.....
حك راسه شبر.....وكال.....مااعرفه....اني جنت اعرف بس نجوم....
عمي....وانتي نجوم....شلون اهلج قبلو تقابلين شبر.....وتصيرون اصدقاء...
عضيت لساني....يربي.....واني شكله هسه.....
شبر....مو جنت اشتغل ويه اخوها هم....
عقد حواجبه......انت هسه كلت...ماتعرف بس نجوم...
شبر....هااا..اني كلت بس نجوم....لا وعلي هم....
باوعت عليه..وحجيت بكلبي....الى متى تضل تجذب....
باوع عليه وبتسم....وغمزلي....
المهم....تعشينه....وكعدت يم مروه وصفا....وغسلنه الاماعين....
وثنينهن...راحن لبيت ازواجهن....
واني كعدت يم شبر....
همه ضلو يحجون....واني كالعاده...اجاوب عله كد السؤال....
نعست كلش....اني متعوده انام الضهر....
اريد ارفع راسي مااكدر.....
تقربت من شبر شويه.....وهمه علكو التلفزيون.....يباوعون مسلسله....
تقربت منه.....ونمت عالجتفه.....
شويه.....غمضت عيوني......
بس كمت.....عيب....شسوي.....وهم عيب افوت للغرفه...وهمه بعدهم كاعدين...ويريدون يحجون ويانه.....
بعدت راسي.....باوعت....ماعرف شلون جتني الجرءه.......ولزمت ايده الي بحضنه.....
باوع عليه....وبتسم....
همس بذاني.....تريدين تنامين....
هزيت راسي اييي...
شبر...كومي.....اني هم اريد.انام....
كمنه ثنينه....وستأذنه....
وصعدنه ليفوك....
فتحت الباب.....بسرعه ذبيت الشال....
وباوعت عله شبر.......شبر....مااعرف انام بهدوم الجدد....شلون.....
لزم هدومه من الديلاب......وحجا....ذبيهن.....وابقي بس بالالب......والست.....
باوعت عليه بصدمه....شكد منحرف انت...شلون تحجيهن هيج بدون خجل....
باوع عله...وضحك.....شسويلج يعني بله......
باوعت عليه بعصبيه.....مثل ماجبتلك هدوم من علي...جيبلي هدوم من صفا ومروه...اكيد عدهن هنا.....
عقد حواجبه.....تره اخذوهن كلهن بيت ازواجهن....ومابقت اله هدوم ذيج البنيه...واني مااروحلها....
.....منو ذيج البنيه....
شبر.....ذيج......چلب الصحراء.....
....ليش اكو چلب يعيش بالصحراء....
تنهد....اكله المنتضر يجيب.....بس تره لو تبقين بال.......وال.....احسن....
لزمت المخده حيل...وشمرتها عليه......انت صدك ماتستحي.....
ضحك...وطلع....
كعدت عالسرير بعصبيه....واتذكر كلامه.....هالسافل هذا....مايستحي....
كمت...باوعت نفسي عالمرايه...صايره حمره.....
ماجا...صاله هوايه...من دزيته...
عا كمت....سمعت صوت ريتاج.....تحجي....
ريتاج....خليك....مصر عله هاي البنيه لعد.....
باوعت عليها....تحجي ويه شبر.....
تقربت يمه....باوعت عليها...وكلبي يدك سريع...
جانت ماتبعد عنه ولا سانتيم....
داتبوسه.......بس لزم شعرها..حيل.....
شبر....هيه اشرف منج.....واشرف من كل شخص شفته بحياتي.....عله الاقل....هيه ماتسوي الي سويتي انتي ويايه ويا اخويه.....
لزمها شعرها اكثر......ولج عيب عليج...توبي.....توبي لرب العالمين.....وكعتي بيني وبين اخويه......وانتي تعرفين انو اني مانهزمت...جنت مسافر قبل لا ينقتل اخويه.......ليش ذبيتي التهمه عليه....
ضحكت.....راح استمتع هوايه بعصبيتك هاي.....احس اريد ابوسك.....
شمرها حيل......
شبر...اكلج شغله....والله والله...اذا صار شي عله نجوم.....والله لحسب الله مخلقج...والله لشوفج نجوم الضهر....بتعدي عنها....واني ماارح اعيد كلامي....
باوعت عليها....وكامت.....
ماشفت عين صلفه مثلها......لزمت راسه وباسته من شفته...وبتعدت بسرعه...
هو تفاجأ....واني اباوع عليها....وكلبي عصرني....
هز راسه......وضحك....راح تبقين مثل مانتي....والله يجي اليوم وتندمين عله كلشي سويتي ويايه....
جرها من شعرها حيل....وكومها.....
جان اكو جداحه عالميز....لزم الجداحه....وحرك جف ايديها......رادت تعيط....بس لزم حلكها بعصبيه....وسده.....
كلبي كام يرجف....جان كلش عصبي.....
ماعرف شسوي...وشحجي....
ددفعها حيل عالميز.......وكال...تره هستونه بدينه...والله لشوفج السنه الي شفتها كلها بعيونج.....
باوعت عليها كامت تبجي.....
شبر......نجوم ماتتقربيلها......فتهمتي....
هزت راسها بأي....
دايطلع....بسرعه.....طبيت للغرفه مالتي.....
غمضت عيوني بألم.....واريد اشهك بس سكتت.....
باوعت عله ايدي.....الدم كام يجري منها.....
ضربت الحايط.....
واني اباوع عله ايدي المحروكه......شلون صار شكلها...وهيه بالدم......
ماجان اكو كلينكس يمي.....
طلعت.دااروح للحمام اغسل ايدي ....لكيته كبالي....
باوع عليه....وعقد حواجبه......شبيج....
باوعت عله ايدي.....وكتله تعورت.....
باوع عليه......عمه.......اي والله عمه......شلون تعورتي....وهيج صارت....
لزم.ايدي....وطلعني للحمام......
غسلها شويه.....
اخذ كلينس من جيبه.....وخلاها عله ايدي.....
باوعت عليه....بالم....
هو بتسم...وكال....تره الكلينكس مابيها شي والله....من طلعنه لبيتنه جبتهن...وماسويت شي بيهن....
ضحكت.....وضربته بأيدي الثانيه......
ماعرف ليش باوعت عله شفته.....وتذكرت....الحقيره ريتاج.....
تنهدت.....وباوعت عله ايدي....
رفع حاجبه.....شبيج....تريديلج بوسه.....ليش تباعين لشفتي....هااا....
باوعت عليه...وضربته مره ثانيه......اسكت احسلك....
ضحك......
رجعنه لغرفتنه......وباوعت عليه.....شبر...شلون ننام.....
راح نام عالسرير.....وكال...تعالي نامي يمي.
..
....اكيد انت تخبلت......يعني ماجبتلي ملابس...وتريدني انام يمك...اكيد انت تريد موتي...او اختنك....
رفع حاجبه.....شكلتي النفسج من لبتسي لهذا...هااا....اذا هو كصيف عليج...ليش تلبسي....لو اله تبينين مفاتنج.....
....مابين مفاتني لاحد.....بس هو هدوم طلعه....شسوي يعني....
ماادري دبري نفسج.....
تنهدت....هسه شلون...حته فراش...بالغرفه ماكو....شسوي هسه....
شبر...نزلي يم امي...روحي كليلها اريد ملابس وبطانيه وكلشي....
.......شبر اذا نزلت بعد مصعد...انام بصاله احسلي.....يعني ليش....ماتنزل تشوفلي انت.....
دار ضهره عالحايط......
........شبيران......كووووم....
شبر....نتبهي لكلامج زين.....وروحي انتي....
ضربته عالضهره...وكمت.....
طلعت من الغرفه......نطتني هدوم من عدها....بس كبار كلش....
شسوي...
مقبول المهم مضل بهذ الهدوم....
ونطتني بطانيه ودوشك ومخده.....
نمت بالكاع.....
عاد كعدت...الصبح بال١٠.....
لكيتهم ماكلين..والكل بالشغل....بس اني وشبر ماكاعدين....
سويت ريوك اله....وصعدته فوك....
كعدته بلكوه......
كام بس يحجي عليه......ويصيح....لان كعدته.....
غسل وجهه.....وكام ياكل.....كلسا ويطكلها صفنه.....ويتثاوب....
كملنه...عزلت الغرفه.....
ونزلت...غسلت الاماعين...لكيت صفا موجوده....
جتي يمي...وصعدنه فوك نسولف بالاشاره....يعني...شوي اكدر افتهمها.....
باوعت عله ايدها حمره....
...كتلها بالاشاره.....شنو هاي عله ايدج....
عبست بسرعه..وطلعت ايدها....
شهكت بسرعه.....واني اباوع عله ايدها....كلها حمره....
باوعت عليها....دموها تنزل.......ذبت دشداشتها.....
شهكت....
هيه كامت تبجي...وتشكيلي.....عله زوجها.....بالاشاره....
ماتعرفون حجم الي صار بيه......يعني حته الي ماعنده قلب يتأثر ببجيها.....
شويه مافتهمت الها....نطيت الها الموبايل....وكتبتلها...ليش مكلتي لاهلج.....
كتبت......لا مااريد اكللهم....عفيه...خلي سر بيناتنه....اني حامل هسه....ومااكدر اسوي شي....
غمضت عيوني....لحته ماابجي.....
لبست دشداشتها....وتبجي....وتشكي عله زوجها.....
ماعنده رحمه....فوك مو خرسه وطرشه.....لاحول ولاقوه....يسوي بيها هيج....
شويه كمنه نحجي.....
وكلسا اباوع عله ادييها.....
وهيه تحاول تنزل الردان اكثر.....
عاد جا عالغده زوجها.....اباوع عليه...شكد حقير...كل هاي البرائه...الي بيك...بس واحد حقير...وسافل.....والله لايوفقك انشالله.....
باوع عليه ورفع حواجبه......بس يباوع عليه....
عاد كمت.......
وكعدت بالمطبخ احسن....لان حخش بدمه اذا اضل هناك.....
ردت اكوم اجيب النعال...ومكناسه چلب الصحراء.....العوطهن عله جسمه....(خاف راح مكانكم بعيد 😂)
خلصنه كلشي.....
وطلعنه لكربلاء....
تفاجأت بشبر من كال.....عندي شغل بالرياض...لازم اليوم نروح...طلبت تذكرتين...اليه والج...
...وشكد تضل.....
شبر...تقريبا.....اسبوع.....
ماعرفت شحجي....درت وجهي عالشباك......
هالمره جان كاعد يمي....لان اكو رجال غريب بلاامام...
اول مفتت للغرفه...حضرت كلشي....واني كارهه كل الدنيا....هم راح اسافر......
كملت كلشي...بساعه..مااخذت هوايه..بس الضروريه.....
عاد نمنه من وكت.....ساعه بال٨....
وكعدنه بال٢.....
طلعنه للطياره......وسافرنه.......
جنت من صدك ماطايقه شي.....لان شبر مايطلعني لاي... مكان.......واضل هناك وحدي....
البلابل......اخذهن محمد ويا...من وصلنه للمطار.....
جان الطريق مو هواي...مو مثل اول مره.....طريق جان ٣ ساعات....او اقل....مااتذكر بالضبط.....
اول موصلت......جنت ميته جوع.....
بااوعت...وبتسمت.....الله مشتاقه لهاي الشقه.....
باوعت عله شبر......شبر.....جوعانه.....
شبر......راح ادور.....بلكي الكه احد مفتح....
ضليت ربع ساعه انتضره......
جايب ويا لفات همبرغر.....وكولا.....
اكلنه ثنينه...... باوعت عله شبر.....وضعه مو عاجبني ابدا.....
مبين تعبان كلش.....
كمت...انام........
كعدت لكيته نايم...وساعه بال١ الضهر.....والله نمنه هوايه.....
ماعدنه شي ناكله......
كعدت شبر...مايكعد...وبس يكول هاا...ومايكوم....
لزمت وجهه.....نار......
باوعت عليه...ياربي شسوي....مرتفعه حرارته......
واني وحدي بالبيت......شسويله.....مااندل احد...
فتحت الماسنجر....ودكيت عله احمد.....
يمكن هو يعرف كلشي.....مااعرف شكد الوقت بين العراق والرياض......
للحكايه
البقيه.....
انشالله يارب راح اسوي كل جزء ٣٠٠٠ كلمه.....
بس اني منزعجه هوايه.....من وره كل الشكد النشر...
حبايبي...ميت مره والله كلت....كل احد وخميس.....
ومااكدر بعد اكثر...اسوي اجزاء...وحته البطله ماتكدر هلكد......لان كتابته البارت صعب كلش.....ومو مثل ماتتوقعو.......
ورجاءا.... علقو مابين الاسطر... لان الي يعلقون مابين الاسطر..... اكثر الاشخاص الي احبهم واردلهم.....
بوساتي الكم.... 😘😘😘😘