حبيايبي عاملين ايه .. شكرا لأي حد بيتابعني ويتابع الرواية .. شكرا جدا جدا و لأي حد بيتفاعل مع الرواية ☺❤ انتوا السبب اللي مخليني اكمل .. بحبكوا اوييييي ... و يلااا نكمل 🙈😚
__________________________________
# وقفنا البارت اللي فات ان ورد اتصدمت لما عرفت ان اللي كانت مفكراه حرامي طلع ابن مريم # ..
اندهشت ورد و برقت عيناها وقالت بتعلثم : دا .. دا ابن .. ابنك 😲 .. ثم قالت فى سرها ولكن خالد و مريم سمعوها ...
* ورد لما بتتكلم مع نفسها او لما تيجي تفكر .. بتفكر بصوت عالي.. وهي بتحسب نفسها بتتكلم بصوت واطي .. عشان كدة مريم و خالد سمعوها 😂😂*
قالت ورد فى سرها : يالهوي .. يانهار كُحلى .. يعني دا مش حرامي و ابن الست اللي عطفت عليا يالهوي .. هتقول عليا ايه دلوقتي 😯.. مش بعيد تخليني امشي 😥 ..
فقالت مريم بضحك : لا لا مش هخليكي تمشي ..
وضحك ايضا خالد وقال : دا انتى طلعتي شرسة خالص 😂 لسة كنت هقولك انا مين .. بس ولا يهمك .. بس هو انتي اتعلمتي الكراتيه ازاي بس 😂😂
تجمعت الدموع فى عيونها و نزلت رأسها للأرض وقالت بتعلثم : اااا .. انا .. انا اسفة اوي لحضرتك .. واسفة اوي يا ماما .. انا اسفة ..
* معلش يا جماعة اصل ورد حساسة اوي 😂*
فمسكت مريم ذقنها ورفعت وجهها وقالت : حبيبتي .. ايه دا انتي بتعيطي ؟؟ .. لا يا حبيبتي متعيطيش هو كان سوء تفاهم بس .. وكمان دا تصرف صحيح منك .. عارفة ليه .. لان لو فيه حرامي دخل البيت هتضربيه بالشكل دا و بكدة دا تصرف صحيح ..
اعتذرت مراراً و تكراراً .. فقال خالد : خلاص بقا يا ورد انا تمام اهوو .. وبعدين زي ما ماما قالتلك دا تصرف صحيح .. عادي دول شوية كدمات و هتروح مع التلج .. خلاص بقا خليكي فريش .. دا حتى عياط وزعل دا ميلزمناش يا اما تخليكي فريش يا اما بلاااش 😂😂
' خالد دا واد فظيع و دمه خفيف 😂😂 '
ضحكت ورد فقال خالد بأبتسامة : اييييوة كدة يا ورد اضحكي بقاااا .. انا خليتها تضحك يا ماما لولولولييي 😂😂💃🏻💃🏻
ضربته مريم على رأسه بهزار وضحكت وقالت : خلاص يا واد انت صدعتني 😂😂
واخيرا مسحت دموعها و قالت بهدوء : انا بس كنت حاسة بالذنب عشان ضربته بس .. و اسفة مرة تانية..
ابتسم خالد ومد يده وقال : احم احم .. احب و بكل سرور اعرفك عليا .. انا خالد .. 20 سنة .. كليه حقوق .. معنديش اخوات .. خالتو مريم دي امي و صاحبتي و كل حاجة ليا .. بعديها انتي 😍❤ .. ثم غمز وقال .. و سنجل 😉😂
ضحكت ورد و مدت يدها لتسلم عليه : وانا مبسوطة ان بقا عندي عائلة زيكوا وانا حبيتكوا اوي .. انا ورد ..
قالت مريم : قبل ما تيجي يا ورد انا فهمت خالد انك هتكوني معانا هنا .. و كمان هو اكبر منك ب سنة واحدة ف مفيش داعي تقوليله حضرتك وكدة .. انا هقوم اسخنلك الاكل عبال ما تتكلموا شوية ..
قالت ورد : لا يا ماما ادخلي كملي نومك وانا هقوم اسخنله ..
مريم : لا يا حبيبتي انا خلاص معنديش نوم هروح اسخنله انا ..
خالد بدراما : باااااس خلاااااص انا هقوم اسخن لنفسي خلاااص مش عايززز حاجة .. هقوم انا .. مش عايز حد يتعب نفسه عشاني خلاص ..
ضحكت كلا من مريم و ورد و ضربته مريم على رأسه بهزار : ولاااااا كفاية دراما هااااا ..😂😂
قامت مريم لتحضر الطعام ل خالد ..
فى هذا الوقت قالت ورد بضحك : انت مش معقول.. واخد كل حاجة ضحك ضحك كدة ..
ابتسم خالد بغرور مصطنع : ايوا ايوا ربنا يخليني ليكوا من غيري مش هتعرفوا تعيشوا 😂
ضحكت ورد وقال خالد : انا اكبر منك ب سنة .. انا فى اولى جامعة بس الامتحانات بعد شهر و هبقا فى 2 جامعة .. انتي عايزة تدخلي جامعة ايه ..
اختفت ابتسامتها وقالت بحزن : كنت عايزة ادخل كلية الالسن .. كنت بحب اللغات اوي 😔
فقال : طب ومالك زعلانة ليه ..
قالت : مش عارفة .. بس خلاص السنة راحت عليا ومش هينفع ادخل ..
فقال ببساطة : طب وايه يعني .. السنة اللي جاية مش فاضل عليها كتير .. ناخد ورقك و كل حاجة خاصة بيكي و نقدملك فى الكلية عادي يعني...
ابتسمت بلهفة : بجد .. يعني هينفع ادخل صح ..
قال : طبعا .. انتي معاكي ورقك صح ؟
ورد : اه معايا .. انا مش عارفة اشكرك ازاي .. انت هتحققلي حلمي 😍
خالد : مفيش شكر بين الاخوات .. ثم نفض قميصه بغرور مصطنع : ثم ربنا ربنا يخليني ليكوا 😜
ضحكت ورد .. و احضرت مريم العشا و اكلوا فى جو مليء بالضحك والهزار و هكذا استاعدت ورد ضحكتها التى اختفت منذ وفات والدها و والدتها ..
__________________________________
فى بيت نور و سارة ...
كانت جالسة نور تشاهد التلفاز هي و سارة .. ف جاء ل نور اتصال على هاتفها .. وجدت رقم غريب .. وضعته على الاريكة بلا اهتمام .. ثم عاود الاتصال مرة آخرى و مرة آخرى .. فقالت سارة بأنزعاج : نور ردي على الفون .. دا شكله مش هيبطل يتصل ..
ردت نور وقالت : الوو .. الوو .. مين معايا .. الووو
و سمعت صوت شخص يهمس فقط .. فعاودت نور تقول ' الوو ' باللغة العربية و الالمانية والكورية و الفرنسية .. ولا احد يرد تسمع صوت شخص يهمس فقط .. فأغلقت الهاتف بغضب : طلاما ماحدش بيرد بيتصلوا لييييه لييييه .. دا ايه قلة الادب دييي ..
ثم قالت سارة : حطي الرقم فى البلاك لست وخلاص
حظرت نور الرقم.. وقالت سارة : نور انا عايزة انزل مصر .. ماما وبابا وحشوني اوووي 😓
نور : مش عارفة يا سارة هننزل امتا وانا كمان بابا و ماما وحشوني جدا .. طب تعالى نتصل بيهم دلوقتي.
اتصلت نور بأمها و ردت الام .. ' اتكلمت مع مامتها كتير اوي .. صوتها كان واحشها جدا و بكت وقالت انها سوف تحاول الرجوع الى مصر قريبا '
سارة : نور الساعة 12 يلا ندخل ننام ..
نور : اه صح ماشي .. تصبحي على خير ..
دخلت سارة غرفتها و جلست على سريرها و قرأت اذكار قبل النوم .. و حلمت حلم غريب .. رأت في منامها .. انها جالسة على صخرة عالية و يديها مليئة بالدماء و شعرها مكشوف و ثيابها مقطعة ..ضمت ركبتيها الى صدرها وجلست تبكي وتبكي و جاء رجل من خلفها وقال بشر : ايه يا حلوة انتي لسة عايشة .. بس بصراحة انا مش عارف انتي عايشة ليه لحد دلوقتي ... بس برضو مينفعش تموتي عشان انتي بتاعتي وبسسس .. اقولك تعالى نروح البيت .. شكلك عايزة ترتاحي .. هه😉😉
قالت ببكاء : ابعد عني .. ابعد عني .. حرام عليك سيبني فى حالي ..
امسكها من كتفها بحقد و هزها بعنف : انتييي بتاعتي انااا و مش هسيبك تروحي فى حتة غير على بيتيي 😈 ..
فجاء رجل آخر و ضربه ضربا مبرحا وقال : متخافيش يا انسة .. تعالى هطلبلك الاسعاف .. شكلك محتاجة رعاية لانك تعبانة جدا ..
برقت سارة كثيرا لدرجة ان عيناها كانت تلمع فى الظلام شعرت انها تعرف صاحب هذا الصوت .. ثم قال : متخافيش مني .. انا مش زي الحيوان دا .. تعالى .. تعالى .. ثم مسكت يده و شعرت بالامان الشديد واستغربت تشعر بالامان مع شخص لا تعرفه
ذهبت معه الى المستشفي وكان يرتدي نظارة شمس ..رغم ان كانوا فى الليل و يرتدي كاب اسود و تيشيرت اسود و بنطال اسود ايضا... ضمد الطبيب جروحها .. وشكرته و قالت للذي انقذها : شكرا لحضرتك جدا .. بس انت مين ..
ابتسم هذا الشخص و قال : هتعرفي بس مش دلوقتي .. ثم قال .. لما تستريحي وتحسي انك عايزة ترجعي بيتك .. هتنزلي هتلاقي عربية .. اركبي فيها .. متخافيش .. دي هتوديكي بيتك .. متقلقيش وكوني واثقة اني هكون جنبك 24 ساعة ..
و ذهب واحتارت سارة كثيرا من هذا الشخص فأوقفته وقالت : بس انت لازم تعرفني انت مين !!
قال : انااا .. انا اسمي ..
ثم استيقظت سارة من الحلم و وجدت نور تقول لها : ايه يا سارة انا بقالي ساعة بصحيكي فيه ايه ..
فقالت سارة بأنزعاج : ليييييه صحيتيني يا نور .. كان هيقولي على اسمه 😣
قالت نور بأستغراب : هيقولك على اسمه !! مين دا .. و بعدين انتي اللي صحيتيني على فكرة.. انا كنت ظبطت المنبه عشان اصلي الفجر .. سمعت صويتك و لقيتك بتحلمي وتقولي سيبني فى حالى و قعدتي تعيطي وتصرخي و بتتعرقي .. مالك يا حبيبتي؟ ..
يالهوي دا انتي سخنة مولعة و بتترعشي .. مالك يا سارة ..
سارة ببكاء : انا حلمت حلم وحش اوي يا نور 😭
نور : طب قولى اعوذ بالله من الشيطان الرچيم و انا هروح اعملك كمادات .. و وضعت عليها بطانية و ضمتها كثيرا .. ثم جلبت طبق به مياه ساقعة و قماشة و بدأت فى ان تضعها على رأسها و قرأت على رأسها قرآن .. هدأت قليلا ثم قالت : نور انا حاسة اني هموت قلبي واجعني اوي .. انا حلمت
' وحكت على الحلم و كمان مش دا بس اللي حصلها .. اصلا الراجل اللى عمل فيها كدة جرب انه يحط سيخ فى النار و بعد كدة يحطه على جسمها .. من الآخر كدة كان بيعذبها عذاب شديد اوي و هي مش عارفة هي جت هنا ازاي و عملت ايه عشان الراجل دا يعمل فيها كدة ثم انهال عليها بجسمه الضخم واخذ يقبلها بعنف و هي تحاول ان تبعده عنها .. وعندما قال لها انه سوف يقوم بتعذيبها ثم يموتها .. قلقت كثيرا '
احتضنتها نور وقالت بحنية : خلاص يا سارة بسسس متكمليش يا حبيبتي و بعدين محدش يقدر يعملك حاجة وانا معاكي .. بسس كفاية عياط وبعدين بعد الشر عليكي من الموت ربنا يخليكي ليا يارب ❤
اخذت سارة تبكي وتبكي ولا تعلم كيف تكُف عن البكاء : نور .. بجد انا اول مرة قلبي يوجعني كدة انا فعلا حاسة اني هموت و بعدين الموت مش شر.. دا راحة ..
حزنت نور على حال صديقة دربها وقالت : طب اهدي كدة وان شاء الله بكرة تكوني زي الفل .. اقولك على حاجة .. يلا نقوم نصلى الفجر .. دا لسة مآذن من 5 دقايق ..
سارة : حاضر يلا ..
دخلت سارة الحمام و توضئت و كذلك نور و صلوا الفجر .. و نامت نور بجانب سارة لكي تطمئن عليها .. قالت : لو حرارتك هتكون عالية بكرة ف الافضل انك متروحيش الشغل .. ريحي شوية و بعد ما اجي من الشغل هنروح للدكتور ..
قالت سارة : لا طبعا لازم اروح .. انتى ناسية اني قولتلك مش عايزين حد يمسك لينا غلطة و يقولوا عليا اني بغيب وكدة .. لا يا نور هروح يعني هروح
نور : طب نامي نامي و ربنا يسهل ..
ناموا مرة آخرى و سارة قلبها يؤلمها كثيرا ..
فى الصباح .. الساعة السادسة .. استيقظوا مجددا و قالت نور : صباح الخير يا سارة..انا هقوم احضر الفطار .. انتي كويسة دلوقتي ولا لأ .. ثم وضعت يديها على جبينها و وجدت ان حرارتها مازالت مرتفعة .. فقالت : سارة متتحركيش من السرير و اتغطي كويس .. ولا اقولك قومي ادخلي الحمام و خدي شاور يمكن الحرارة تنزل ..
فقالت سارة بتعب : ماشي ..
قامت سارة و تحممت و ارتدت ملابس ثقيلة لانها تشعر بالبرد ولا تعلم لماذا رغم ان الجو حار ..
احضرت نور الافطار و تناولوه ثم وضعت يديها على جبين سارة مجددا و وجدت ان الحرارة ايضا لم تنزل ومازالت مرتفعة .. فقالت نور بقلق : سارة انتي درجة حرارتك عالية .. يلا قومي البسي عشان نروح للدكتور ..
سارة: انتي عارفة الساعة كام !! الساعة 6 ونص الصبح هتلاقي دكتور فاتح دلوقتي 😐 .. انا قايمة البس .. ممكن نتأخر ..
نور بحدة خفيفة : مششش هتروحي الشغل النهاردة يا سارة.. افهميني انا خايفة عليكي يا حبيبتي 😥
سارة : انا فاهمة انك خايفة عليا بس مش هقدر ما اروحش ..
نور بتفكير : طب ما تتصلي بمستر ماجد وتعتذري انك مش جاية النهاردة ..
سارة: مش معايا رقمه اصلا .. نور انا هروح يعني هروح .. وذهبت لغرفتها فقالت نور : مفيش فايدة دماغك ناشفة..
ثم لملمت الاطباق و غسلتهم ثم صعدت لغرفتها و ارتدت بدلة مكونة من بنطال من اللون الاخضر الغامق و بلوزة بيضاء و بليزر من نفس لون البنطال .. وطرحة بيضاء بها بعض النقوش من اللون الاخضر الغامق و حذاء كعب عالى من اللون الاخضر الغامق ايضا و وضعت القليل من الميكاب و مظهرها كان رائعا بالفعل .. ومن الناحية الآخرة ارتدت سارة فستان من اللون الاسود و ارتدت فوقه معطف من اللون البني الغامق و طرحة بيضاء و حذاء من نفس لون الفستان و كان مظهرها يدل على انها مريضة و ذبلانة ف وضعت القليل من الميكاب حتى تبدوا انها بخير ولكن هي قلقة من حلم امس ..
و ذهبوا الى الشركة ...
___________________________________
و من الناحية الآخرى استيقظ بطلنا من حلمه الغريب الذي يحلمه كل يوم .. استيقظ وقال : و بعدين بقا فى البنت اللي مش باين ملامحها دي .. الموضوع بقى مزعج اوي ...
و تحمم وارتدى بدلة من اللون الاسود .. و صفف شعره و وضع عطره الذي يحبه .. و خرج من غرفته ..
" على المائدة "
ادهم : ها يا سيف الشغل عامل ايه معاك ؟
الام : هو مفيش موضوع تاني غير الشغل .. ياعيني عليك يا حبيبي تلاقيك تعبان و ابوك مخليك تمسك الشركة ..
ادهم بضحك : طب لو هو ممسكش الشركة مين يمسكها غيري .. صحيح انا عاملك مفاجأة ..
ابتسمت الام : مفاجأة .. ربنا يخليك ليا يا حبيبي 😍 ..
حنين بمشاكسة : اييييوة يا عمممم و فيه مفاجأة بتتحضرلك يا عمم 😉😉😉
ضحك الاب والام معا : بنت اتكلمي بأسلوب كويس 😂😂
ثم قال سيف : اتطمن يا بابا الشغل ماشي كويس ..
ادهم موجها كلامه للام : عارفة لو كنتى شوفتي كمية البنات اللي كانوا متقدمين للوظيفة مكنتيش هتصدقي .. عملت كذا انترڤيو و البنات يعني لبسهم مش مناسب للشركة خالص .. بس فيه بنت بصراحة كدة اُعجبت ب ادبها ف عينتها سكرتيرتي .. وطلاما سيف نائب عني تبقا سكرتيرته .. الا صحيح يا سيف هي عاملة ايه فى الشغل بتشتغل كويس يعني ؟
سيف : اه يا بابا شغلها كويس ..
غمز الاب للأم ففهمت ما يريده .. فقال سيف : انا شبعت الحمدلله .. همشي انا بقى ..سلام عليكم ..
وذهب .. للشركة ..
________________________________
دخل الشركة بكل هيبته و وقاره وهو يسمع همسات الموظفات و يزيد هذا من غروره و طبعا دخل مكتبه و دخلت نور فورا الى مكتبه فأستغرب وقال فى نفسه : بسم الله الرحمن الرحيم .. هي بتيجي امتا ..
فقالت نور بجدية : اهلا مستر سيف .. اتفضل قهوة حضرتك .. و المفات دي عايزة امضة حضرتك ..
اخذ منها القهوة والملفات و قام بالامضاء على الملفات و قال ببرود : هو فين ملف شركة (...) ..
نور ببرود مماثل : معرفش حضرتك .. انا اديت حضرتك كل الملفات اللى اديتهالى ..
سيف بغضب : يعني ايه مش عارفة .. انتي لو مجبتيش الملف دا اعتبري نفسك مرفودة .. واتفضلي دورى عليه .. يلاااااا
وزعق و تجمعت الشركة على صراخه فقالت وكادت ان تدمع عيناها فهو اول شخص يصرخ عليها هكذا ولكن قالت بثبات : انا مش هدور على حاجة لاني ما اخدتوش البيت ثم ان حضرتك قولتلي قبل كدة ان مفيش ملفات هاخدها معايا البيت تاني .. و كمان انا امبارح خلصت شغلى و سلمته لحضرتك .. انما بقى حضرتك ممكن تفتكر حضرتك حطيته فين او اخدته معاك البيت .. ثم تقدمت و وضعت يديها على المكتب و نظرت فى عيناه بكل ثقة : او حضرتك ممكن تكون بتقول كدة عشان حضرتك عارف انى ما اخدتش ملفات للبيت او ضيعته عشان فى الآخر حضرتك ترفدني .. وضحكت بسخرية... اخر حاجة هقولها .. انا عارفة ان حضرتك بتقول كدة عشان تلاقي سبب ترفدني بيه لان مش من مرة واحدة كدة ترفدني لا لازم تلاقي سبب ترفدني بيه ف فكرت انك تعمل كدة و فى الآخر ملاقيش الملف اللى هو اصلا مش ضايع وترفدني... انا بس هسأل سؤال .. انا عملت ايه عشان تخليني اترجم ملفات ممكن لا دا اكيد مش ممكن .. اكيد انها تترجم كلها فى اسبوع على الاقل و اترجمها فى يوم و بخط ايدي كمان .. بس احب اقول لحضرتك انك مغرور وشايف نفسك .. ايوة مغرور .. هتقولي انك واثق فى نفسك لا دي مش ثقة بالنفس دا غرور .. الثقة بالنفس دي اولا اول حاجة بتكون واثق فى ربنا ان عمره ما هيخذلك و انك ترجع له فى اي مشكلة قبل اي انسان .. وانت مغرور و شايف نفسك و انصحك انك تعامل الناس مش بجفاء و اي ان كان السبب اللي خلاك شخص جامد كدة ف برضو بقولك ارجع ل ربنا قبل اي انسان و ربنا هيساعدك .. متتكبرش .. فيه الف واحد زيك رجل اعمال و مشهور وعنده فلوس بس مش مغرورين ولا متكبرين .. انا كدة قولت اللى عندي و لو حضرتك عايز ترفدني .. ارفدني .. لا انا هروح اكتب استقالتي احسن .. عن اذنك ..
' كل دا و سيف بيسمعها و هو غضبان اوي . ازاي بنت تتكلم بالاسلوب دا معاه و هو عارف ان الناس كلها بتخاف تكلمه نص كلمة... و ازاي عرفت انه عمل كدة عشان يرفدها فعلا .. ازاي عرفت .. لو شوفتوا شكله هتخافوا منه فعلا و كأنوا بيطلع دخان من ودانه 😂😂 .. '
فقام من مكتبه بغضب و امسك معصمها بغضب وقال بنبرة كفحيح الافعى : استني عندك .. انتي فاكرة ان الكلام دا ليكي وبس لا انا اللى بنهى الكلام دايما تقوم حتة بتاعة زيك تيجي وتعلمني ازاي اتكلم .. انتي مين انتي عشان تعلمني ازاي اتعامل مع الناس هااااا ردييي 😠😠
فقالت ببكاء ' اصل هو ماسك ايديها جامد اوي وهي رافضة انها تعيط قدامه بس مبقتش قادرة تستحمل'
قالت ببكاء : مستر سيف .. سيب ايدي .. ارجوك سيبني ..
قال بغضب : اعتذري الاول على كل كلامك و بعدين اسيبك ..
قالت من بين دموعها بكبرياء : لا مش هعتذر .. انا مقولتش حاجة غلط ولا قولت حاجة استحق اني اعتذر عنها ..
و استطاعت ان تفلت يدها من قبضته وقالت بدموع وبكاء حاد : عملت ايييييييييه لكل دا .. عملت ايه .. صحيت ضميرك .. كلامي وجعك .. فقولت ترضي غرورك و تخليني اعتذرلك .. لا مش هعتذر .. وخلى ضميرك يوجعك اكتر واكتر .. انا مش هستنى لما اكتب استقالتي .. انا هعتبر نفسي مرفودة .. كدة كدة كنت هترفدني و اوعدك لا انت هتشوف وشي تاني ولا انا هشوفك تاني .. لان التعامل بيننا بقت حاجة ماتطاقش .. انت لا بتطيقني ولا انا كمان .. انا هريحك مني ومش هتشوف وشي تاااااني ... * وقالت هذا بصراخ *
وخرجت من الشركة بأكملها .. لكن لا يعلم عندما قالت له انها ستذهب ولا يراها ثانيا .. حزن ولا يعلم لما .. لماذا حزن و تأثر ببكاءها لا يعلم وكان غاضب جدا فخرج من مكتبه وجد الموظفين كلهم متجمعين حول مكتبه ف غضب وقال بصوت عالى : كل واحد على مكتبه .. ماااجد تابع انت الشغل ..
و ذهب و ركب سيارته وساق على سرعة عالية جدا لا يعلم اين وجهته وظل يسوق حتى تعب و وصل لمكان لا يعلمه احد غيره ..
فى هذا الوقت خرجت نور من الشركة وهي تبكي و تجري ورائها سارة و ماجد ..
سارة : نووور .. يا نوووور استني ..
جريت نور كثيرا لا تعلم اين ستذهب ولكن غضبت منه و ظلت تبكي حتى اتت سيارة مسرعة وكادت ان تخبط نور ف ذُهلت سارة وقالت بصراخ : نوووووووووووور حاااااسبييييييييييييييييي
ولكن حدث ما حدث ف خبطت السيارة المسرعة نور و جريت السيارة .. ف ذهبت عندها سارة وقالت ببكاء : لا لا نور .. قومي يا نور متسيبنيش 😭 يا نووور ردي عليااا .. يا ناس حد يتطلب الاسعااااف دي بتنزف 😭😭 .. ثم قالت لماجد ببكاء : ماجد عشان خاطري اتطلب الاسعاف نور هتروح مني .. وغابت نور عن الوعي و ظلت تنزف كثيرا ..
_______________________________
خلص البارت لحد هنا يا بنات .. دا اطول بارت كتبته 😂😂❤
يا ترى ايه اللي هيحصل بعد كدة ..
تابعوني ❤❤