اسد . فزيت من نومي اذكرت قسور طفرت رحت لغرفتة ماكو ربي دخيلك نزلت الدرج ركض لكيتهم بلصالة وقسور يمي اخخ ربي باوعولي بستغراب
.
ام اسد. خيرك يمة شبيك
شاهين. بيك شي شيخ
اسد . ها اة لا لا احم صعدت فوك
قسور. شبي الشيخ
ياسر. مدري تعبان مبين
هوس. سودة علية اوفف نزل خايف مدري شبي باوع على قسور وصعد
.
اسد. من كعدت اذكرت الحادث مال قسور انوب من كعد من الغيبوبة عبالي اتحلم جنت وقسور بعد ما صاحي اوففف بدلت ونزلت بوجهي للديوان خابرت اسر كتلة لا تجي اكيد خطية تعبان بقيت من 4 العصر لل11 بليل جدي وعمامي راحو طبو واني بقيت احل المشاكل رجعتت تعباننن خابرني واحد بلمركز كال لازم تجي باجر للموصل اوفف وانوب لازم ابقة شهر كامل اعوض الاجازة رجعت للبيت صعدت شفت هوس كتلهة كلاص جاي جيبيلي
.
.
قسور. كعدت وية الاهل شوي ونزل الشيخ ركض ماعجبني وضعة نوب صعد اني هم صعدت اسبح اخ غرفتي الحلوةةة لحضة شو ما شفت هبة معقولة راحت لبغداد لا يربي شوي وطب مهند
مهند. شبيك صافن
قسور. لا اكلك شو ماشفت هبة راحت البغداد
مهند. اممم لا اهلة شالو اهنا بلفرع وراحت يمهم
قسور فرحت ما اعرف ليش. يلةة ياسر وين لعد
.
مهند. راح لبيتهم شاهين دزة كلة روح ارتاح وشوف امك
قسور. هزيت راسي نوب نزلت تعشيت وين الشيخ
ابو اسد. بوية ما قبل يجي كنالة تعال تعشة ورجع للديوان كال لا عدي هواي مشاكل احلهة
.
الجدة . ايي تعب سودة عليه
قسور. اي جدة شلونج
الجدة. حبيبي انت مو الف مرة سئلتني
قسور. ياا جدة تكلي حبيبي لا لا رجعولي جميلةة
الكل😂😂😂
شاهين. تريد واحد يغردلك
قسور. لو ادري من زمان مسوي الحادث
الجد. عابت على هل كلام ولك
احمد . قسور حبي انجب
جاسر . قسور ليش كتبت الشعر
قسور بستغراب. يا شعر
امير. ييي صدك ولك لكينة ورقة بمحفضتك من سويت الحادث بيهة شعر
شاهين. انة من قريتة كلت خسرناك
هوس. شنو مكتوب
اسيل. اي وقسور انت شاعر وكذا
اسيا. مطوريننن
قسور. اشش دوختوني
مرح . احجي شنو الشعرر
قسور. لحضة انتي يمنة شهر شو ما رايحة لاهلج
مرح. كاعدة على كلبك ننن جنت اروح لبيتنة بين يوم ويوم اجي اهنا هس كلي شعر
.
قسور. جان الشعر من زمان كاتبة بلورقة لاتقاطعوني
.
..شحلات الفاتحة بصوتي
..وشحلات اخشاب تابوتي ..ام اسد رادت تحجي قاطعهة
اششششششش
اسم الله لا تحجون
عشت شلون ماتتمنون خليني اتونس بموتي
ام اسد . هئ هئ اخخخ
اشو الكل يبجي شبيجنترة والله مامتت اخخخ اجاني انعال طاير من ورة ابوع محد ضربني درت وجهي على المكان الي اجة منة الصاروخ اقصد النعال جان يطلع
.
هوس. بجيت والله على الشعر شوي وعاط انضرب بنعال درنة وجهنة جان نشوف صادق 😂😂 عمرة 7 سنوات يمكن
قسور. ولك ادبسززز
صادق. بس اجيب سيرة الموت يجيك انعال ثاني شهر كامل احنة ميتين عليك وهسة يحجي بلموت اهمداك غميتة راد يجيني طفرت يم عمو شاهين
الكل😂😂
الجد . تستاهل
الجدة. اي والله شنو تحجي بلموت
شاهين. هههه عفية بلبطل مال عمة
قسور. ولك جنك نعال اوكفلي صديق بسيطةة
صادق. انننن وعيب عليه
قسور. جيبولي ايا
شاهين حضنتة واضحك ولك بس عوفة
احمد . كافي ولك اخ بطني 😂
قسور. احمد ابنك اليوم اذبحة
دلال. هههه هوة بس واحد
قسور. واحد وموتنة اخخخخ
صادق . ضرتة بلبطل كتلة هاي ليئن حجيت بلموت انن
قسور. ولك جنك فرخ مال دجاج مهلس عابت عليمن طالع ارعن
ابو اسد. هههههههههههه على عمة قسور هم ارعن
الكل😂😂😂😂😂
قسور. اني الك اروح انام احسن لا امو وسكتت لايجيني انعال هههه صعدت بس خليت راسي نمت علي ومهند ترخصو وراحو لبيتهم
.
هوس. متنة ضحك خرب انة ههههه طبعا يزن نايم تعبان ومرح شوي وراحت اجة اخوهة سالم اخذهة
اسيا واسيل وشمس ودلال كلنة صعدنة نامن منوكت تعبانات وباجر عزيمة على مود قسور نزلت 11 شربت مي اوفف الشيخ اتاخر شوي واجة كال جيبيلي جاي سويتلة جاي صعدت دكيت الباب كال فوتي فتت شفتة يحضر بجنطة ستغربت
.
اسد. تعاي هوس احم شكر
هوس. عفوا بقيت واكفة
اسد. اكعدي بوية
هوس. كعدت كتلة شيخ وين رايح
اسد. موصل اي شغل اهناك مركز واضطر اروح
هوس. خفت كلش ياربي الموصل بو امان شلون كتلة يي بس ليش ما خذ هلكد ملابس
اسد . يابوي انة اطول اهناك شهر
هوس. عزةة هلكد تبقة
اسد. ايي بوية شسوي
هوس. خفت عليه هواي نزلت دمعتي
اسد . ليش هلبجي هه شنو هاي حب شفقة روحي هوس روحي
هوس. يالله عبالة شفقة ميدري احبة عبالة اكرهة ليئن رفضتة كلي روحي كمت جاي اطلع هوة داير وجهة للكنتور ما كدرت اعوفة بدون وعي رحت حضنتة من ورة ولفيت ادية على خصرة حسيت جسمة تشنج كتلة شيخ احبك والله مدري شلون طلعت مني
.
اسد. اجتي واني اريد احفض كلشي بيهة من بجت كلبي تكطع ودي احضنهة بس اذكرت من رفضتني كتلة روحي ودرت وجهي اطلع ملابس ما احس الة ادين محاوطة خصري اخخ ربي جسمي اتشنج ومن كالت الكلمة الي انتضرتهة من زمان احس روحي اسعد انسان درت عليهة وحضنتة اريد اطببه بضلوعي اني هم احبج يا روحي ........
هوس. يالله حت هوة يحبني احلة كلمة والله حضني حسيت تكسرن ضلوعي اخخخ بادلتة الحضن شالني من خصري كعدني على الميز
اسد . شلتهة وكعدتهة وبس راسهة وخدهة وشميتهة بعمق من نحرهة وخرت كتلهة انة رايح شهر انتضريني
هوس. اباوع عليه عيونة نعست كتلة اني وياك دوم وما اعوفك ابد وحضنتة وبعدي وخرت منة من كال
.
اسد. هوس اطلعي بعد ماتحمل رادت تطلع سحبتهة كتلهة لبس قصير ما اريد حجي وية الولد عمج قللي ماشي
.
هوس. كتلة اوك وطلعت غسلت وجهي
.
اسد . خليت ونمت كعدت الصبح نزلت تريكت الكل جان موجود وهوس كدامي بتسمتلهة وكلت احممم اسمعوو
.
قسور . الصبح 6 شسالفة كعدت سبحت وبدلت نزلت انوب نزل الشيخ اباوع عليه يبتسم يا يمة شبح اكيد هاذ لو الشيخ هههه يبتسم لهوس اممم مطورين جان يكول شي صدمنة ابوع امي بجت وجدتي شاهين مبين ميدري
اسد. انة اليوم العصر ورة العغدة طالع للموصل اهناك يردوني مهم
ام اسد. يمة عزةة تريد تموتني انت
الجدة . ولك ليش عفت كلشي الة للموصل يمة خطر
الجد . هدوو احجي بوية
اسد. جدي شغل يعني اعوفة والله شني خطر انه رجال ما اعوف شغلي للنص
شاهين زفر نفس . شكد تبقة
اسد . شهر
شاهين بصدمة . شنوو
جاسر. شيخ براحتك بس الموصل هسة خطرة وشهر هواي
اسد . هاذ شغل شسوي يلة انه طالع للديوان شاهين تروح انت واسر لكلية ذول مهند وعلي ويزن وقسور فاتتهم 15 يوم ما مداومين تحلهة ومن باجر يداومون راح اخابر مهند واكلة وامير واحمد ترحون لمدرسة البنات هم تحلون السالفة انة طالع مهدي ويوسف راحو ايجبون الطباخ ومهند وعلي راح يجون يساعدون ياسر ويزن جاسر ابقة على راسهم وانتو كومو هسة روحو بما انو الكلية والمدرسة مداومين اليوم
.
احمد وامير وشاهين . انشالله
احمد وامير . اخذو اسم المدرسة وراحو
شاهين. طلعت لكيت اسر هاا الله يساعدك
اسر. هلة يلة الشيخ حجة وياي وكلي
شاهين. يلة رحنة جانت الساعة 8 اليوم كاعدين احنة 6اصبح تريكنة
.
الكل. الله وياك
هوس. صح صالنة 15 من بدة الدوام اني وريم ومرح واسيا خامس اسيل ورسل كلية مرحلة اولة الكل ضاج على الشيخ كمنة نضفنة وحضرنة غراض اجني ريم وسل وهبة ومرح ساعندة كل وحدى تنضف شي خلصنة 10 متنة اخخخ
شمس. تعبتت اها سجاد كعد اروح ابدلة واسبحة
دلال. اي واني هم اشوف صادق موتني بلكوات خليتة يروح للمدرسة
اسيل. هههه والله نة قسور امي تتوسل بي حت يكعد يروح للكلية
هوس. ايي والله هاذ من يكبر يصير قسور الثاني
ريم .عزةةة جنة بواحد صرنة بثنين
ملك . ولجن ضوجةةة
هبة . شتردين عيوني
ملك . تعالو خل نكعد نلعب
رسل. شنلعب
مرح . محيبس
البنات ايي
هوس. لعبنة واجوي الخطار كومة صبو الولد غدة خطية تعبو وقسور خالة كرسي بلطرمة وخال رجل على رجل ويكلهم هيج سو هيج سو ومن يكلولة كوم يكلهم اني المريض يلةةة هاي عزيمتي 😂
.
ياسر. اخخخ تعبت كعدت بلكاع اخخ شبيك ادفر
قسور. كوم لك ودي هاذ الماعون بعد للزلم
ياسر. جيببب انة الك
مهند . تعبنةةة قسور لصير خبيت
قسور. يلةة
علي. بسيطة انة الك طاح حضنة اليوم
قسور. هههه موتتهم كاعد وكلت يزن امسح هاي المركه بلكاع وكعت
يزن. مو خادم انة ولي
شاهين. بسس شكوو يلة كملو وانت تعال الشيوخ جاين عليك وانت هنا
قسور. لا جذب ما جاين عليه لو على اللحم اخخ
اسر. الله يطيح حضك ولك صوتك
اسد . طلعت من الديوان قسور بدل وتعال لاتفوت هيج
قسور. شني جاين خطابة علية لا لا صاعد ابدل صعدت شفت هبة وكفت اجت
هبة . صعدت اصيح شمس شفت قسور رحتلة اخ شكد مشتاقة كتلة حمد الله على السلامة قسور اتمنيت احضنة
قسور. كال الحمد الله على السلامة كتلهة الله يسلمج بس شنو هاي هيج واحد يسلم رادت تحجي شلونج
.
هبة.تمام
قسور. دنكت همست باذنهة من ورة الشال روحي .
......
....
اباوع عليهة صفنت ضحكت ورحت للغرفة لبست دشداشة جوزية وغترة جوزي واسود وسبحة وعطر وساعة ومحابس الشيخ اليوم ينجن اول مرة تقريبن البس هيج نزل شو امي ضلت اتهلهل ها يوم منو عرس
ام اسد. صلاوات يمة الله يحرسك
الجدة. ولك طالع هيبة
قسور اعدل بياخت الدشداشة وكلت . اصلن انة الهيبة كلهة
لكل😂😂
ريم. واووو صاك يبن العم
قسور. فديتني شعبالج افتخري بية
اسيا . ههه والله حلوو
هوس. تجننن قسور
قسور. ولكم انة غالي حافضو علية يلة انة رايح بست راس امي وجدتي سلمت على نسوان عمي وبست عماتي الي تحمدلي باوعت على هبة غمزتلهة صارت حمرة 😂 طلعت شو ياسر جان بيدة اكلاص وكع واجاني انوب اجة شاهين واسر والشيخ طلع اجاني ها شكو طبعا انة الملك هادي اقصد قسور
شاهين. اي ولك هسة هيبة وحلوة عليك
اسر. اي يابه صاير رجال
قسور. شنو جنت مرة
اسر. ولك اقصد مزيدتك هيبة
اسد . حلوة ولك ابقة البس هيج احلة
قسور. انشالله احم يا الله
احمد . حلو يلة لك امشي طب للديوان سلم
قسور. رفعت ايدي لازم بيهة سبحة وكلت عيب يا زلمة تحجي هيج انه لشيخ قسور شنهي ولك شمالك بوية شو سولي مجال خل ادش
الكل😂😂😂😂
اسد . يلة بوية دش
قسور. فتت صحت احم يالله سلام عليكم اباوع جدي وابوي صافنين علية رحت اسلم مهدي جان يوزع كهوة شو صفن وفتح حلكة تقربت عليه كتلة سد حلكك راح اطب ذبانة
مهدي. عابت ولك منو انت وين قسور لا يابة
قسور. كعدت وكلت بوية مهدي اطينة كهاوة 😂 اشوف شاهين جان يشرب مي غص 😂😂
شاهين. كح كح كح هه بوية
ااسد. احم اسم الله
اسر. اكول شاهين هاذ خاف مضروب على راسة
شاهين. يمكن
مهدي. هاي يي تفضل قسور
قسور. رفع حاجبي
مهدي. احم كلت بصوت تفضل شيخ قسور هه
قسور . اخذت الكهوة شربتهة واحد اسمة سمير هم شيخ ضل يحجي انوب حجة على بتة شو شاهين اسر كاتمين ضحكتهم والشيخ ايابوع علية لحضة لحضة خاف هاذ جاي اقصد يريد يخطبني خليت وكمت
الشيخ سمير . شبيك بوية
قسور. اني طالع عمو بابا تريد شي 😂😂 سويت هيج اشوف ابوي تفاجئ واسر واسد وشاهين ومهدي ضحكو
الشيخ سمير. بابا هاا احم
قسور. طفرت وطلعت
ياسر. شكو شبيك
قسور ماكو شي
شاهين. يا الله هههه بابا
اسر. عموو
جاسر. هاذ طفر من عرف السالفة ههه
اسد . راحو الشيوخ
ابو اسد. 😂😂😂 تفاجئت بقسور ولكم بس هيج سوةاجو خطابة
الكل😂😂😂
ياسر .شكو عمي
احمد . اسمعو وحجيت كلشي 😂
الكل😂😂😂
مهند . عمووو
علي . بابا رايح
يزن. انت لو كايل بابا رايح لمامي اشوفة شتريد
الكل😂😂😂
قسور. اننن مضحك ترة هوة كلة منكم انة مال هيج ملابس
اسد . ليش يول حلوة عليك
قسور. شيخ لبستهة ربع ساعة ونخطبت والله يالله
الكل😂😂😂
ياسر. هههه مرة ثانية من تلبس وشوفك ابنية تنهي عليك
😂😂😂😂😂
..........
البارت طوييل تعبني كولش اتمنة يعجبكم