*الصدمه*
ومر اسبوع على هالحال اروح الصبح الشغل ماارجع الا المغرب وجا يوم الجمعه الاجازه الوحيد وقال لي خالد ان بنطلع بس جات الساعه ٦ ومارجع
*خالد*
محمد: خالد وينك انت
خالد: بروح مكان وبرجع
محمد: زين انطرك لا تتاخر
خالد: انشاءالله انت حط بالك على البنات
محمد: انشاءالله
وصلت الفندق اللي قال الرجال اروح له هناك وشفت وسبحت كرسي وقعد
خالد: خير لين متى بتطلع لي انت في كل مكان
الرجال: انا جاي اقول لك شي مهم عن شوق دام انت تحبها لهدرجه
خالد: خير خير ياويلك لو قربت من شوق قسم بالله بيصير شي ماعجبك
الرجال: هدي هدي
خالد: خلص
الرجال: ترا شوق اختك
خالد مصدوم: هههه سخيف
الرجال: صج ترا شوق اختك
وقام وقعدت ربع ساعه صوته في اذاني شوق اختك شوق اختك خذت الجوال واتصلت على عمي
عمي : هلا خالد
خالد: صج شوق اختي
عمي: اي ليه ليكون حبيتها ياغبي هاي اختك
صكرت في وجه مافي ايش صار فيني ركبت سيارتي احس ضايقه الدنيا فيني وين اروح وين اختفي شاقول حق شوق شاقول واتصلت علي محمد وقلت له يجيني احس ماقدر اسوق
محمد: شفيك تكلم
خالد: شوق اختي
محمد: ههههه نكته سخيفه شفيك
خالد:صج قسم بالله شوق اختي
محمد: شلون عرفت ليكون ممن ذاك الرجال
خالد: اي
محمد: يجذب عليك
خالد: كلمت عمي وقال لي ان صج وان ليه حبيتها
محمد: شلون جي فهمني
خالد: مادري ماعرف شنو اقول حق شوق ماععرف
محمد: لا تقول جي اليوم تروح لها تقول لها اللي بينا انتهى واطلع ولا تقول ولا كلمه واذا رجعنا الدوحه تسحبها وتروح المستشفى وتتاكد اذا صج ولا واليوم الاحد خلاص روح الدوام عندك بكره ارتاح والاحد تروح
خالد: انشاءالله انشاءالله شلون بشوفها كل يوم ماقدر محمد ماقدر
محمد: شتسوي بعد خلاص يمكن مب صج اختك بس انت ابتعد الحين لين نرجع الدوحه
وخذنا محمد لين الفندق
*شوق*
خالد هاي وينه من مساع اتصل جات الساعه١١ واتصل حق فاطمه
فاطمه: حتى محمد مادري وينه يمكن مع بعض عندهم شغل
شوق: يمكن يلا باي الجرس يطق
فتحت الباب الا خالد تعبان ماله خلق
خالد: شوق سمعيني عدل لازم اللي بينا ينتهي الحين خلاص ماقدر احطج في موقف صعب معاي انا ماقدر
شوق: شنو شنو لحظه وين بتروح
خالد: خلاص انسيني
وطلع وصكر الباب وانا قاعده في الغرفه مصدومه اصيح ولا اسكت ولا اقول اني غبيه ولا ولا طول اليوم سهرانه ولا نمت الا ساعه ٩الصبح وقمت المغرب الساعه ٧ الا فاطمه اطق الباب فتحت لها
فاطمه: شسالفه شفيه وجهج جي صياح طول الليل صح ايش صار
شوق: خالد مايبيني خلاص شفتي اخر الحب اي مايبني
فاطمه مصدومه: شنو من متى
شوق: من امس
فاطمه: خلاص حبيبتي ماعليج انتي ركزي على شغلج وبس
شوق: شلون شلون
فاطمه: بكره تروحين وتشتغلين بتنسين شوي
شوق: انشاءالله
*شلون انساك وانا اشوفك كل يوم*
وجا يوم الاحد وقمت جي مالي خلق اتحرك من مكاني وقمت لابست وحتى
لا مكياج ولا شي ونزلت بدون ريوق دخلت المكتب وسكرت علي الباب وقعدت شوي الا طق الباب واحد وقال ان المدير جا وهو تحت يدور يشوف الشغل
قعدت شوي وعقب نزلت تحت وقعدت في المطعم اللي تحت وجا احد وسحب الكرسي رفعت عيني الا
خالد: السلام عليكم انا المدير اهنيه
شوق مصدومه: عليكم السلام هلا
خالد: طبعا انتي تعرفين كل شي اهنيه ماله داعي اشرح مره ثانيه بس تعرفين اي شي لازم انا اشوفه قبل واوقع واي شي تبين اسالي عادي
وقام وراح وانا مصدومه شلون خالد يشتغل اهنيه والمدير بعد لا لا هاي اكيد حلم ورحت الحمام اغسلي وجهي وطلعت واتصلت على فاطمه
فاطمه: هلا حبيبتي
شوق: خالد يشتغل اهنيه وهو المدير
فاطمه: من صجج ولا هو قال يبي
شوق: من صجي شفيج كلهم يعرفون ان هو
فاطمه: ماعليج انتي الحين لازم يعرف انج مب ضعيفه حتى لو كل يوم تشفينه
شوق: بطرش لج حد عطيه شنطه المكياج ماحطيت
فاطمه: اوكي يلا باي
ورحت مكتبي وقعدت انطرهم يجبون الشنطه وحطيت مكياج وكشخت وانا تعبانه اصلا بس تمثيل
*خالد*
خالد: الو محمد
محمد: هلا شفيك
خالد: محمد ماقدر ماقدر
محمد: وين خالد اذا شاف الشغل مايهمه ولا حد
خالد: ماقدر اشوفها جي خلاص
محمد: انت ماعليك اشتغل وبس ولا حسيت انك ضايق ارجع المكتب لين ماتهدا وعقب كمل عشان ماتشوفك جي
خالد: انشاءالله
قمت وطلعت من المكتب اخلص شغلي الا
شوق: هلا بس حبيت اسال يعني محمد اشتغل ولا لا
خالد: اي خلاص الحين بيروح المكتب
شوق: خلاص اوكي
ليه تسوين فيني جي ياشوق لا تجيني لا تكلميني ماقدر ورحت انا برع وهي داخل وعقبها رجعت الغرفه طبعا غيرت غرفتي عنها وصرت في طابق بروحي عنهم
*شوق*
رحت الغرفه وقعدت في الصاله وفاطمه جاتني
شوق: بتشوفين كل يوم بطلع في وجه وكل دقيقه بخليه يتذكر ان انا موجوده
فاطمه: يمه منج شفيج
شوق: بتشوفين عيل انا يقص علي يقول ان يشتغل في مكان ثاني ولا قال لي ان هو يشتغل معاي
فاطمه: زين كيفج
* انا شوق وبس*
*خالد*
قمت الصبح وتريقت وقعدت افكر اي بدله البس الا شوي طق الجرس
فتحت الباب الا
محمد: صباح الخير
خالد: صباح النور توني بتصل لك
محمد: خير
خالد: دش اول
دش محمد وقعد وجبت له الكوفي وقعدنا
خالد: يعني اذا شوق الحين اختي يامن امي ولا من ابوي صح
محمد: صح بس ماعتقد ان من ابوك يعني ابو شوق ابوك صبعه احس شوي
خالد: انا بعد فكرت جي
محمد: انا قلت لك المستشفى بس راح تسوي حتى لو رحت بدون شوق لان راح يظهر لك من ابوك ومن امك بدون شوق حتى
خالد: لا باخذها معاي مادري احس ابس اتاكد
محمد: اخاف تشك
خالد: كيفها كيفها
محمد: زين يلا خلص شغلك باقي اسبوع ونرجع الدوحه
ونزلنا تحت انا ومحمد
*شوق*
قمت وكشخت وتريقت ونزلت تحت قبل لا يجي خالد وطلعت من المكتب ورحت اتمشى صوب مكتبه مع اللي يشتغل معاي واضحك بصوت علي الا
خالد: ازعاج ترا روحي مكتبج واضحكي
شوق: اسفه استاذ خالد
ورحت واشوف خالد شوي ويجي يضربني ورحت وقعدت في المكتب الا اتصال
خالد: يعني مايصير جي ضرب سوالف مع الناس شفيج
شوق: مش انت اللي تعلمني بعد تعال المكتب ابيك
خالد: شفيج تكلمي
شوق: تعال
وقعدت انطر خالد ودش وقعد قدامي
شوق: انا ادري اللي بينا انتهى وماقلت لي ولا اي عذر عشان اعرف السبب صح
خالد: قلت لج انا مابي
شوق: مستحيل مافي سبب بس خلاص انا نسيت الموضوع وماصار بينا شي اوكي عشان جي لا تتهرب مني ماراح اسوي لي حركات زين
خالد مصدوم: اوكي يلا مع السلامه
شوق: صكر الباب عدل
طلع خالد مصدوم وانا مصدومه اكثر منه ان شلون تكلمت معاه جي بس مافي مشكله هو يبي جي ورجعت غرفتي وقعدت
*بنرجع الدوحه*
مرت الايام بسرعه وماتغير اي شي خالد يتهرب مني ولا يبي يقول لي اي شي ومحمد وفاطمه مع بعض عش وغرام وانا بروحي مع الشغل اتصلا على فاطمه
شوق: متى بنروح المطار
فاطمه: يلا نزل بنروح
شوق: زين يلا
ونزلت تحت وشفتهم كلهم مع بعض انا رحت وقعدت بروحي لين جات السياره وركبت وطول الطريق ساكته وخالد ساكت وصلنا المطار وركبت الطياره وبعد خالد جنبي ولا جنه احد جبني وصلنا الدوحه
ورحت البيت على طول وسلمت على ابوي وركبت غرفتي فوق بدون ولا اي كلمه احس قلبي بس هو اللي يتكلم من شده الالم اللي فيه اما انا ساكته ولا لي كلمه مالي غير ابدل وارقد وقلت حق ابوي ابي اجازه اسبوع وبس