امير الوووو هلا عمري شلونج
ملاك هلا يروحي تمام وانت
امير من شفتج اليوم صرت بخير
ملاك يروحي انت دوم
امير احبج مريتي
ملاك اموت عليك
امير اي احجيلي شلونج شسويتي بعدها سجى تصرخ لان تخابرين ماتخلينها تنام
ملاك اي بعدها😂😂
ملاك كعدنه نسولف انا وامير صدمني من عرفت هوه سيد كلش فرحت
امير ملاك تعرفين انا سيد وشيخ
ملاك تحجي صدك
امير والله
ملاك عاااا يعني انا راح اصير ام السادة شووود عيني 😂
امير الله يعيني على خبالج
ملاك زين امير تعرف انا سنيه وانت شيعي شلون تاليها؟؟
امير شنورشلون شلون عادي عمري
ملاك هفف الله كريم
تسريع الاحداث
ملاك صار سنه من اعرف امير امير كلما يريد يجي يخطبني اتردد اخاف ابوي يرفض واذا رفض اموت 💔
اليوم كلش قهرني شفت قهرر بعيونه كد مايحبني ويريدنه نكون سوه. رجعت للبيت افكر كبل صعدت ابجي نمت انا وابجي. مالي خلك شي اعرف لا ابوي يقبل. ينطيني ولا عمامي حتلو ابوي قبل. واحد من عمامي راح يطفر بالنص حييل عصبيين وطائفيين
كعدت المغرب مصخنه مالي خلك كلش
دزيت رساله الامير راح احاجي امي ع موضوعنه وانت حاجي اهلك
رد عليه كال ان شاء الله عمري توكلي على الله وان شاءالله خير كلشي يصير نفس مانريد
ملاك دزيت رساله الماما تجي بغرفتي حته هى تحجي تالي وي بابا
ملاك ماما تعرفين انا تربيتج وبحياتي ماسويت شي غلط وخليتج تندمين لان جبتيني ع الدنيا وكله امشي بطريق الصح وبحياتي ماكسرتلج كلمه. وكلشي تريدينه يصير وتدرين بيه شكد احبج وماضم عنج شي
ام ملاك يمه احجي شبيج خوفتيني
ملاك يمه ااكو واحد بالكليه يريد يجي يخطبني وانا احبه هم
ام ملاك خير ان شاء الله اذا يريد يجي يخطبج وابن اوادم ورايدج بالحلال وما ضاحك عليج هلا بي يمه كل الهلا
ملاك يمه بس اكو مشكله
ام ملاك شنو يمه
ملاك يمه هوه سيد وشيعي !!😥
ام ملاك شنو يمه ؟؟؟؟؟ شگلتي
ملاك اي يمه مثل ماسمعتي هو سيد وشيعي بس يمه انا اريده واحبه موافقه بي
ام ملاك يمه وين ورطتي نفسج منو راح يقبل اذا عليه انا قابله وموافقه اهم شي عندي سعادتكم وماعندي اشكال بالموضوع ماتهمني السوالف هاي ماطول ابن حلال ويريدح ويحافظ عليج بس صدكيني لا ابوج يقبل ولا عمامج وراح تصير عرايك. وراح تتدمرين يا يمه يابنيتي الاحسن انهي كلشي ويا مايفيدج
ملاك يمه حاجي ابوي والله احبه ماكدر انهي كلشي💔😭😭
ام ملاك يمه والله ابوج واعرفه . ماراح يقبل وحته راح يبطلج من الكليه
ملاك يمه جاي اكلج احبه والله ماكدر اعوفه💔😭
ام ملاك الخاطيري يمه مابيه حيل مشاكل هسه انا طالعه شوي واجي خابري ونهي كلشي
امير وصلتني رساله من ملاك كالت راح تحاجي اهلها. فرحت وقررت انا احجي وي ابوي
امير الكل جان موجود
امير السلام عليكم
الكل وعليكم السلام
امير يابه عندي موضوع وياك
حيدر. كول بويه تدلل
امير يابه انا احب وحده واريد اتزوجها
سليل صدك يمه خير ان شاء الله واخيرأ راح افرح بيك
حيدر خوش بويه بس كول يا يوم تريد نروح ونروح وهسه ماطول شعبان ايام متباركه هاي
امير بس
حيدر بس شنو
امير بس هى سنيه
حيدر وين المشكله
امير يعني ماعندك مانع
حيد لا بويه وهى ماطول تحبك راح تصير منك وبيك واذا سنيه ماطول بت ناس. ومحترمه مابيها شي بويه واحنه نعلمها علينه اذا حبت تصير نفسنه
امير يابعد روحي. انت يبة انا اعرف بيك راح تقبل اعرفك من يوم يومك تفكيرك واعي وجبير وتعرف تفكر
محسن ع الخير ان شاء الله الله يقدملك البي الخير
امير تسلم بويه الله يخليك خيمة على راسنه
عدنان يمته نروح نخطبلك
امير مادري هسه راح تحاجي اهلها هيه
امير انا واحجي ويا اهلي وصلتني رساله من ملاك بسرعه اتصل اريد احاجيك
امير من. رخصتكم
امير الووو ها ملاكي
ملاك😭😭😭😭😭😭😭
امير ملاك شبيج تبجين
ملاك اتصلت ع امير بس كال الو ضليت اشهگ ماكدر احجي
امير ملاك لا تخبليني شبيج تبجين
ملاك امير😭😭💔
لازم نترك بعض
امير شنوووو تحجين صدك كفيلج العباس مااتركج لو مدرب شيصير انا هسه حاجيت اهلي بموضوعنه وكلش فرحو
ملاك كتلك اهلي ماراح يقبلون امير😭😭😭😭😭😭😭
امير هسه لا تبجين فدوه اروحلج كافي بجي
ملاك امير انت اول حب بحياتي ماكدر اعوفك حبيتك💔😭 حبيتك من كل كلبي شفتك ابويه واخويه وصديقي وحبيبي وكلشي ماتخيل اتركك امير اموت والله واموت اذا تركتك
امير هششش اسم الله عليج من الموت وعد مااعوفج وعد وانتي الي لاتخافين
امير ملاك بعدين احاجيج عمري هسه رايح
ملاك امير والله احبك بس مو بيدي 😭😭😭💔 امي كالت لازم تنهين كلشي
امير كافي لا تبجين مو كلبي كطعتي اهدي هسه عمري وروحي غسلي وارتاحي وتالي احاجيج انا
ملاك ان شاءالله حبيبي
امير : احبج ملاكي
امير محتار سديت الخط منها ونار تحرك بروحي ونزلت دمعتي اول مرا تنزل دمعتي مادري شسوي رحت توضيت وكعدت اقرا قران ونار بكلبي ماطفت كاعد احجي وي روحي . دخيلك يابو الحسنين. لاتكسر كلبي ياربي اريدها الي محتار شسوي بجاه اهل بيتك لاتردني ياالهي
اخر شي كلت مالي غير بس ابو الحسنين اتعناله
سبحت وبدلت وخذيتلي بنطرون وبدي وقفلت جهازي وطلعت. للنجف والطريق كله صوت بجي ملاك براسي وكلمه اتذكر من هى وتبجي تكلي امير احبك ماكدر اعوفك نار وتحرك بكلبي
اليش ياربي ليش جاي يصير هيج
طلعت ساعه12وصلت 5الصبح. گبل رحت للضريح لانزلت بفندق ولاارتاحيت من السيارة للامام رحت توضيت ودخلت لابوالحسنين( الامام علي )بس دخلت دمعت عيوني. سلمت وقريت الزيارة وصليت
تالي كعدت اشكليه الحال
جايلك اليوم. ولا تردني. ولا مره فشلتني وانا خادم الكم بكل مجلس عزاء واقره الك ولاولادك لا تردني يابو الحسنين اريدها منك رايدها تصير مرتي حلالي ملاكي ماكدر اعيش بدونها وانت ماترد محتاج وطالب حاجة منك كلمن يطلبك ماترده وانا ماريدك تردني ونذر عليه. اول طفل الي اسمي ع اسمك. يامولاي بس سهلها الي وانت جاهك جبير يم الله كعدت ابجي وادعي اول مرا ابجي هيج اول مرا احس راح اخسر انسان غالي من بعد ابوي وامي حتاريت شسوي صليت ونمت. ميت تعب نمت بلحضره كعدت العصر رجعت زرت وطاكه روحي مالي خلك شي صليت ودعيت وطلعت الكربلاء فتحت موبايلي خابرت صديقي كرار كتله الليله انا يمك ورجعت قفلت الجهاز وصلت هناك لكرار ارتاحيت وبدلت وخلصت كعدنه نسولف انا وكرار حجيتله كلشي.
كرار ان شاء الله يا خويه يصير كلشي الي تريده كوم هسه خلي نروح نزور الامام الحسين والعباس وخليها ع الله وهو ربك يفرجها وهم وخابر اهلك اكييد هسه خايفين عليك خطيه شنو ذنبهم
امير اي ان شاءالله هسه اخابرهم
امير فتحت الموبايل لكيت50مكالمة من ملاك وحاركه الوات ساب حرك
واهلي هم كلهم متصلين عليه
خابرت ابوي اول شي
امير الوووو هلا. يابه
حيدر وينك من البارحه ياوليدي
امير بكربلاء
حيدر شوداك
امير تعبان يابة تالي احجيلك
حيدر خوش وليدي انتبه ع روحك وطمني عليك
امير ان شاءالله يبة ...سديت الخط من ابوي وخابرت ملاك
ملاك خابرت امي. كتله امي ماتقبل متت بهذا اليوم سديت الخط وجت امي
ام ملاك ها يمه
ملاك شمرت روحي بحضنها وبجي بحركة گلب
ملاك سويت نفس ماكتيلي يمه احس كلبي نكسر😭😭😭😭💔
ملاك انا ابجي وامي وسجى يبجون وياي
ام ملاك كافي يمه والله حاسه بيج مو كلبي كسرتي والله لوبيدي هسه خلي يجي يخطبج وازفج اله بيدي هم
ملاك يمه لا تلمويني احبه والله ولامرة مأذيني لو مخليني ابجي بيوم حتى لوانا غلطانه هوه يراضيني مايقبل ليله وحدة نام زعلانه يخاف عليه من الهوى اول بشر حبيته ينصحني ويخلف عليه كلش ماكدر يمه شلون بلحضه وحده تردوني انسه كلشي😭
ملاك عفت امي وتغطيت وكعدت ابجي عافوني وطلعو. ورا ساعتين اخابر ع امير مغلق ادز رساله ماكو ضليت اتصل اتصل ماكو
ملاك ووووف وينه هذا شصار
صارت ساعه2وامير ماكو انا هنا متت بجي بالزايد تخبلت امير اذا ادزله رساله نفس اللحظه يرد عليه ومايقفل موبايله هيج مو هسه ماكو
كلش خفت احتاريت شسوي اخر شي راسلت ريم
ملاك هلاو ريم
ريم هلا يروحي هلا مرت اخوي المستقبليه
ملاك هلا يعمري
ملاك ريم امير وين
ريم والله مادري. هوه اجه كال يحبج ويريدنه نروح نخطبج اله
وتالي صعد الغرفته واحنه كلمن راح الغرفته هم ورا تقربأ ساعه مدري ساعتين سمعنه صوت الباب نطك كلش قوي طلعت. شفت امير طالع بسيارته انا عبالي هسه يرجع صارت ساعه1وهوه ماكو امير ابد ما يتأخر الهيج وكت وهسه نخابره مغلق وهم ضال بالنه عليه
ملاك وووف وين راح ياربي دخيلك ريم فدىة بس تعرفين عنه شي كليلي
والله نار بگلبي صايرة
ريم تدللي ان شاءالله خير
ريم بقيت اتصل وهم ماكو وكلما يطلعلي مغلق انا هنا ازيد بجي
صار الصبح وانا اتصل وامير ماكو عيني ماغفت بس ابجي دزيت كومه رسايل اله وهم ماكو
صار الضهر صاحولي ع الغده ماكليت بالي كله يم امير اريد بس اسكت ماكو
مادري وين اروح اذن المغرب صليت وكعدت ابجي وادعي
ساعه8 اتصل . عليه
امير الووو
ملاك الووووو امير هاي وينك شسالفه من البارحه لليوم اتصل ماكو ما فكرت بيه ماكلت شنو ذنب هاي البت هسه جاي تفكر بيه من البارحه لحد هسه انا ما نايمه بس افكر بيك عبالي صار بيك شي عاد جان دزيت رساله كلت يا بت الناس انا عدل مو ميت. لايضل بالج شوي وردت اتخبل تره وانت ماكو وينك من البارحه لحد هسه الووو امير مو جاي احجي ماترد
امير تتصلت ع ملاك وهاي عاطت ماتنطيني مجال احجي
امير وياج ملاك بس شلون ترديني احجي وانتي ماناطيتني مجال جاي انتضرج تخلصين عركة حته اكدر احجي واجاوبج
ملاك وينك انت
امير بكربلاء
ملاك شنوو؟؟؟ شوداك هناك ويمته رحت وشوكت وشلون؟؟؟
امير تالي تعرفين حبيبي
امير ملاك انتي تحبيني ؟؟
ملاك اكيد ليش هذا هم سؤال طبعا احبك واموت عليك
امير وترديني زوجج
ملاك اي عمري اي بس مايقبلون 💔 حرگو گلبي
امير هاي هى انتي الي وماتصيرين الغيري ماعليج لاتنقهرين حبيبي انتي
ملاك شراح تسوي عمري
امير تالي تعرفين 💋
ملاك امير. لا تقفل جهازك وتخوفني عليك والله من البارحه لليوم متت خوف عليك راد يوكف كلبي مانمت ولالحضه
امير هششش اسم الله عليج من الموت يعمري انتي ان شاء الله بنيتي تدللين مريتي وحبيبتي هسه يلا راح اروح احبج ❤️
ملاك احبك والله يحفظك الي يارب❤️