جا يوم الخطبة تع نورسين و وسيم دارلها باباها حفلة صغيرة في الجنينة تع القصر ديالهم .. نورسين لبست غوب سامبل
و دارت مكياج خفيف و مشطة سامبل
كانت تطل على الضيوف لي جاو للحفلة من التاقة تع شمبرتها و كانت زعفانة لانها ماتحبش وسيم و قبلت غير على جال باباها و صحبتها ... شافتها صحبتها ميرنا تطل طلعت عندها
ميرنا : وااو واش هاد الزين كامل راكي تهبلي غرت منك علابلك 😍
تبسمت نورسين ابتسامة خفيفة 😖بصح كانت تبان من عينيها بلي ماشي فرحانة
ميرنا : وشبيك نورسين مراكيش تباني مليحة
نورسين : مرانيش حابة علابلك 😞 .. ماشي كيما كنت نحلم
ميرنا : صح خويا مقلق و كامل بصح كي تتعرفي عليه مليح علابالي رايحة تحبيه .. راح نولي لوستك و نتي مرت خويا نوغمالمون تفرحي 😁
نورسين : ياك هذي غير الخطبة بلخف زوجتينا اصبري شوية 😒😁
ميرنا : اوكي ... و ماتنسايش تنحي من راصك حكاية الوحمة و الامير بالحصان الابيض خاطرش علابالي و علابالك بلي مكاش منها
#عند أمير
كان امير يجري بالعود (الحصان) و كانو يجرو موراه جماعة بالعواد في وحد الغابة حتى طاح مل عود
#عند نورسين
كانت و حدها في الشمبرة و كانت تطل من التاقة و تقول
نورسين: ماشي كامل كيما حلمت
حتى سمعت خالتها قالتلها : بواش حلمتي
سكتت نورسين
خالتها : اهبطي للجنينة راح تلبسو الخواتم
هبطو و قعدت نورسين في كرسي و بقات تخزر في وسيم و في الضيوف اومبعد كانت نايضة حتى زدمت في لي يساربي القهوة حتى دفقتلو كامل القهوة في حوايج المرا لي كانت قدامها .. تقلقت هذيك المرا و راحت تبدل حوايجها
دارت نورسين لوسيم صابتو هو و صحابو يضحكو و يقولولو راح تتزوج بهاذي البهلولة 😂😇
#عند امير
كي طاح مل عود عاود ناض و قعد يجري و الجماعة يجرو موراه حتى صاب وحد الحفلة .. راح دخل في و سطهم و هذيك الجماعة راحت ... اومبعد امير شاف قصر دخل ليه تخلع كي شافو من داخل تالمون شباب وبدا يسرق قاع واش كان قدامو و قعد يدور في هذاك القصر حاجة لي تعجبو يسرقها .. حتى دخل للشمبرة تع نورسين . صاب وحد السنسلة دارها في الحقيبة ديالو حتى سمع واحد داخل للشمبرة ... تخبى مور وحد العفسة يعلقو فيها الحوايج ... حتى سمع طفلة تقول
.....: وين راك هيا اخرج ارواح سلكني .. علابالي بلي راك قريب مني راني حاسة بيك .. لوكان نصيبك كاش نهار نقتلك بالضرب 😇
قعد يطل عليها من هذيك لي يعلقو فيها الحوايج حتى طلعت راصها و شافتو 😩.. بدات تعيط و هو يعيط حتى دخلت ليها صاحبتها .. شافتو و بدات تعيط تاني حتى هو حل التاقة و سوطا و هرب
#عند نورسين
راحت تطل من التاقة حتى شافت صباطو مكتوب فيه بستيلو (ن . أ) (يعني كيما الوحمة ديالها ) .. رفدت الصباط و قاعدة تعيط حتى صاحبتها خافت قاتلها
ميرنا : واش صرا .. واش كاين علاش اكي تعيطي
بقات تعيط من الفرحة و عطات الصباط ل ميرنا ..شافت واش مكتوب تخلعت😲 .. حتى جا سمير .. خباو الصباط موراهم
سمير: راكم ملاح
دارولو ايه براصهم
سمير: دخل سراق للدار
خزرو في بعضاهم مخلوعين و قالو بلعياط
"سرااق"😨
#عند امير
راح لدارو .. ماولاش يسكن مع حليمة و كمال ولات عندو وحد الدار صغيرة و قديمة في وحد الحي قديم
كي وصل لدارو قعد يشوف واش سرق صاب السنسلة تع نورسين لي سرقها من شمبرتها .. دارها و كمل يشوف واش سرق
__________°_________°_____StOoPP________°___________°
هذا هو البارت 3 انشاء الله يعجبكم👯💘
ماتنساوش تدعموني في لي كمونتاغ لا بغيتو زعما 😅 نجووطامييكم 💖💖💖💖