حساب الانستا اكو ناس تتابعني ع الوت باد وتريد الانستا هذا لفوك حساب الانستا
حبايب طبعا هم اخوان امير الهم اكو مشاهد بلقصه
ملاك.رجعت من المول سبحت ونمت
كعدت ثاني يوم متكسره تكسر. اسحل بروحي سحل
اليوم مالبست زي الكليه مالي خلك. يلا اذا نطردت خير ان شاء الله واذا لا عادي 🤦🏻♀️
لبست سويتر عريض لون اصفر وبنطرن كابوي حذاء اسود وشال اسود وجنطه سوده ماخليت مكياج ابد وجهي تعبان مرطب بس
ملاك صباح الخير
سجى صباح النور
سجى شبيج جنج مطي مطنكر 😂
ملاك مالي خلكج سجى تعبانه ولي من خلقتي
سجى 😂😂 حل
ام ملاك يلا يمه تعاي اكلي حته تطلعين قبل لا تتأخرين
ملاك اوك يمه جايه
ملاك كليت وطلعت وصلت لكيت رباب وحور ينتضرني
ملاك صباح الخير
البنات صباح العسل يحلو
ملاك ياحلو جني جبار ابو الشربت كلشي ماحطه لوجهي
حور والله شكلج احلا بدون مكياج عبالك طفله
ملاك اوي فديتني 😌
امشو يلا خلي. نروح للمحاضره
ملاك دخل دكتور امير يححح العطر مالته يسطر سطر.الا اسأله عليه بعدين
ملاك حور. بشرفج مو عطر الدكتور يطك بلكاع
حور اي والله
ملاك لعد كون اسأله ع الاسم مالته بعدين
حور لا بربج
ملاك والله
حور دروحي. كعدي وسكتي
ملاك خوش
امير صباح الخير
الطلاب صباح النور دكتور
امير باجر عدكم امتحان
ملاك بسم الله بعدنه ستونه يوم ثالث
امير راح ابدي اشرحلكم هاي المحاضره والي ما يركز وياي انقص من درجاته
ملاك كعد الدكتور امير يشرح شرحه كلش حلو ويفهم الواحد. شوي وصاح عليه ملاك كومي شرحي الماده الي حجيتها انا
انا هنا لا يلكعبه
ملاك انا استاذ اا قصدي دكتور انا 😢
امير اي اكو غيرج احد اسمه ملاك ؟؟
ملاك لا
امير يلا كومي
ملاك كمت وانا ضليت ادعي الف دعاء
الحمدالله شرحت الماده الي نطانه اياها تمت بنجاح.
امير عفيه عليج رجعي المكانج
امير باجر امتحان اقرو زين
ملاك خلصنه محاضره طلعت انا والبنات سوالف وضحك وانا ضحكتي فضيحه كلساع وحور خاله ايدها ع حلكي.
مرت5اشهر ع نفس الروتين الي تغير بس علاقتي بلبنات صارت كلش قويه
ومرات اضل اركز بتفاصيل دكتور امير ليش مادري
بس هو يجبر الواحد. يركز بتفاصيله كلش مرتب. ملابسه عطره شعره
يوم الجمعه
السيد حيدر بويه امير عدنه طلابه ويا عشيرة .....
امير بويه انا اليوم عندي مجلس. لازم اقره بي. اخذ وياك محسن
محسن انا ماعندي شي انت روح اقره وانا راح اروح ويا ابوي
امير صعدتسبحت وبدلت لبست دشداشه سوده شمرت جفيه ع جتافاتي كعدت شوي اقره القرايه الي راح اقراها بلمجلس ونزلت
امير ها يمه انا طالع
سليل (الام) روح يمه مودع باالله ورسوله
امير رحت المجلس قبل لا ابدي اقره كعدت احجي ويا الناس اسولف وياهم احب الناس من تسألني ونكعد نحجي . وتحب تعرف شغلات.
بديت اقره انا صوتي كلش قوي وحلو انا واقره المجلس صار بي خشوع. رهيب. قريت قرايتين ونزلت
رجعت للبيت. طلعت اوراق الامتحان مال الطلاب شفت ورقه ملاك درجاتها كلش زينه مادري ليش هاي البنيه دوم ببالي ماراضيه تطلع من بالي استغفرالله اربعه وعشرين ساعه افكر بيها ماادري كعدت اصحح الاوراق . وكل خمس دقايق تجي ببالي ضحكه ملاك اخر شي شمرت الاوراق وطلعت برا للحديقه.
لكيت اخواني ملتمين. احنه متعودين نكعد كلنة سوه واحد يسولف للثاني كلشي يصير وياه
امير ها ولكم شجاي تسون
محسن ولا شي. تعال اكعد يمنه
ذو الفقار تريد نركيله
امير لا. تدري بيه ماحبها
عدنان حلوه والله
امير انا انسان اخاف ع صحتي ماريد. شربو انتم
محسن اي احجي شبيك
امير هففف
ذو الفقار ماطول بيها حسره يعني تحب
محسن اسكت انت خلي نعرف اخوك شبي
امير راح احجي
انا احب طالبه من طالباتي
ذو الفقار وين الجديد بلموضوع تحب كل طلابك انت
امير لا بس هاي غير ضحكتها غير شكلها لبسها تصرفاتها عفويتها عيونها من تضحك ماادري ليش اضحك وياها طفله عبالك تختلف عن باقي الطلاب كلهم ماعرف. هى الوحيدة تختلف عنهم حته مرات تجي ماحاطه مكياج بس حيل طفوليه تخبل احس ضحكتها ترن براسي. هاي البنيه غير
عدنان هلا هلا وكعت ومحد سمه عليك ياامير
ذو الفقار يعني عدنه عرس كلووشششششششششش
محسن هششش ولكم فضحتونه خلي نفتهم
امير مادري الصراحه حبيتها لولا بس صورتها ببالي من اول يوم الي عرفتها بي وكلما اصفن تجي ببالي
حبيتها يمكن لان عفويه وتتصرف ع طبيعتها مرات احسها رعنه😂
محسن زين شسمها؟؟
امير ملاك
ذو الفقار. اسم حلو
امير شايفينها انتم تره
محسن وين
امير ملاك نفسها الي قبل 5اشهرمن رحنه للمول وريم راحت وياهم اخت سجى !!
ذو الفقار احلف ؟؟؟؟
امير والله
ذو الفقار هلا هلا اذا درت ريم تخبلك😂
محسن وهسه شسوي
امير مادري والله خليها ع الله
محسن اذا تحبها صدك. صارحها
امير بشرفك محسن البنيه عمرها 19سنه طالبه عندي
وانا 30 يعني اكبر منها 11سنه وغير هاي انا دكتورها
محسن الحب ماله شغل بلعمر
امير زين شدراني انا هى تحبني لولا
عدنان انا اكلك
هم تشوفها مرات صافنه عليك ؟؟
امير اي
زين مرات ماتعرف تحجي وياك ؟؟
امير اي
هم ترتبك وتخجل كدامك؟؟
امير اي
عدنان والله يمكن تحبك
امير وشلون اعرف
ذو الفقار اختبرها
امير شلون
ذوالفقار انا اكلك مثل.اوكف قريب يمها واحجي وي. اي شخص كله انا راح اخطب واريدك تجي لخطوبتي شوف رد فعلها شنو تبجي تضحك تدفرك تشنقك تسكت...او تكللها راح اخطب وانتي اكيد معزومة لان صديقك ريم او اخترعلك اي حجة يااخي او حاول تستفز غيرتها مثلا اضحك وي صديقتها او وحدة من الدكاتره الي وياكم وهي تجاهلها وركزلي ع عيونها وشوف شيصير بيها
محسن عفيه عليك خوش فكره
امير خلي اروح انام باجر عندي امتحان لطلاب وعود اتبع خطتك
عدنان روح. هى لو بلهدف لو بالنجف😂😂🌝
ملاك احبه ولج والنبي من صدك احبه
سجى لالالالالا تخبلتي والله
ملاك ماتخبلت بس حبيته شنو كفرت ؟؟
سجى تحجين صدك ملاك
ملاك اي والنبي حبيته احبه
سجى طيري خاف اعجاب
ملاك مو اعجاب
سجى شدراج ترا ماصارلج 4 اشهر من شايفته
ملاك غلطانه5واحنه نهايه سنه يعني راح اضل جم شهر ماشوفه اووف ولج سجوووووه حبيته حبيته😩
سجى ومرض لا يسمعج ابوي والله يشمرج من السطح
وثاني شي بشرفج مالكيتي غير امير تحبينه دكتورج
ملاك مو بيدي🤦🏻♀️
ولج انا اول يوم شفته كلت ماشاء الله شكد. ثكيل ورزن مر شهر. وانا مادري بروحي جاي اركز عليه وع كل تصرفاته كلشي بي حلو يخليج. تحبينه يختلف عن باقي الدكاتره. اسلوبه كلامه. مشيته عطره اخخخ الي يخبل ملابسه شكله. شلون يحجي 😩مادري من حسيت راح نخلص دوام وبعد مااشوفه كلبي ضل يأذيني من يجي يوكف يمي ويباوع ع الورقه مالتي كلبي يضل يدك الف دكه حته شحلات اسمي بحلكه من يكول ملاك يحسسني صدك ملاك مو انتي من تكليلي ملاكك عبالك جبار يصيحني🤦🏻♀️
ماعرف من صدك حبيته شسوي😭😭
سجى من كل عقلج جاي تبجين
ملاك اي
سجى وهسه شلون
ملاك مادري مادري والله💔🥺 ياربي ليش خليتني بهذا الاختبار وخليتني احبه
سجى كومي صلي ركعتين ونامي والله كريم باجر عندج امتحان
ملاك كمت صليت وكعدت اقرا قران وابجي ضليت ابجي لحد 4الصبح واكول ربي كلبي يمك لا تكسره والله ماتحمل
نمت ساعه ودگ المنبه كعدت اسحل بروحي سحل
لبست تنوره بينصل . وقميص ولفيت شال مالتي خليت مكياج خفيف وطلعت ماشتهيت اكل ايييي ملاك انتي الي جنتي تكمزين وتضحكين وتموتين ع الاكل هسه مالج خلك شي
وصلنه للمحاضره اجه الدكتور امير نفس كل مره عطره يسبقه للقاعه امتحانه جان شوي صعب
خلصنه وطلعت كعدت انا والبنات بلحديقه. وكلساع اصفن
رباب شبيج صارلج جم يوم ماعجبتني
ملاك مابيه شي بس مشاكل بلبيت. ملاك انا احجي ويا البنات دريت بدكتور امير يمنه اعرفه من عطره
امير وكفت قريب ع ملاك وياي صديقي قررت اطبق خطه ذوالفقار والله ياامير انت السيد والشيخ امير تاليتك تمشي ورا احجي فقار يلا شنسوي. بعد خلي نجرب 🤦🏼♂️
امير حسن. اريد اعزمك ع خطوبتي امير انا واحجي ويا حسن سمعت ملاك شهكت شهكه. ماصايره فتريت عليها گبل شفت بعيونها دموع
ملاك جاي احجي ويا البنات سمعت الدكتور امير يكول لصديقه اعزمك ع خطوبتي بدون مادري شهكت. بصوت عالي وباوعتله
امير شفت الدموع بيعيونها ماتحملت اترخصت من حسن وكتله بعدين نكمل موضوعنه تذكرت شي ..ورحت لملاك صحتلها
امير ملاك ..
ملاك نعم دكتور
تعاي وراي المكتبي عندي وياج استفسار وحجي بخصوص الامتحان
طبعا كلت هيج كدام صديقاتها مااريد احجي يحجي عليها
ملاك ليش دكتور شكو ؟؟؟ سالته هيج لان مااريد اروح مابيه اوكف كدامه اخاف انهار ماتحملت
امير .. لاخير ان شاءالله تعاي ونتفاهم
ملاك .. گلت بگلبي امري لله واندعيت ربي خليك وياي خليني قويه
ان شاء الله دكتور جايه
الكاته زينب العامري