تشجيع يا بناويييت 😊❤ .. و يلااااا نبدأااا 😎❤
_____________________________________
فى شركة سيف ..
كانت سارة تنظر لنقطة فى الفراغ و فجأة ... جلس بجانبها رجل وسيم جدا يعمل بنفس الشركة و اول مرة يرى هذه الفتاة بالشركة فذهب و جلس بجانبها و قال : هو القمر بيكون معانا هنا فى الشركة ؟ 😉
و ظلت سارة فى حالة شرود فقرر كلامه مرة آخرى .. فاقت من شرودها ..و قالت : نعم .. حضرتك بتقول حاجة ؟
فقال بتعجب : لا دا انتي سرحانة خالص .. كنت بقول هو القمر معانا هنا فى الشركة .. اول مرة اشوفك ..
فقالت : انا بكون سكرتيرة مستر ماجد .. وبعد اذنك .. قامت لتذهب لمكتبها فأعترض طريقها وقال : اسف لو ضايقتك بس كنت عايز اعرفك اكتر .. و بالمناسبة انا اول مرة اشوف بنت بالجمال دا اسمحيلي نتعرف .. انا اسمي ...
قاطعته سارة قائلة بحدة : لو سمحت يا استاذ انت انا جاية هنا للشغل وبس مش اعمل صداقات و واتعرف و طلاما احنا هنا فى الشركة يبقى نتكلم عن الشغل و بس و ياريت منتكلمش اصلا و بعد اذنك لان وقت الاستراحة خلص وانت معطلني .. وذهبت فقال فى نفسه : مالها دي دا انا عايز اتعرف بس .. بس بصراحة هي جميلة اوي و اكيد هتعرف عليها تاني ...
دعونا نعرفكم على هذا الشاب .. هو كيم سي چي .. شاب فى منتصف العشرينات وسيم جدا ولديه غمازتين اعلى ثغره وشعره كثيف من اللون البني مثل عيناه .. محبوب من الكل .. فى الفترة القادمة سوف يُذكر اسمه 😊❤
من الناحية الآخرى كان يراها ماجد و فرح لانها رفضت التعرف على هذا الابله .. اطلق عليه هذا الاسم لان لا احد له الحرية بالتعامل معها .. لا يعلم لماذا هي تخصه .. ايعقل انه حبها .. لا فهو بالكاد تكلم معها مرات قليلة فحسب .. لا يعلم .. لكن بالتأكيد سوف يتأكد من مشاعره تجاهها فى الاوقات التالية .. نعم هو معجب بتدينها و بأحتشامها و ب رقتها .. ولكن يجب ان يتأكد ايضا من مشاعرها حتى لا ينجرح ...
_____________________________________
على الجانب الآخر .. مكتب نور و سارة ..
شربت نور القهوة و تابعت ما تفعله بتعب شديد هي لم تأكل اليوم اي شئ و تعبت كثيرا ولكن قالت لنفسها : انا مش هخليه هو اللي يفوز .. التحدي دا لازم اكسبه ايوة .. لازم اكسبه .. هتندم يا سيف .. و تابعت عملها وقفت ونظرت لها سارة بأستغراب : مالك يا نور فيه حاجة ؟؟
نور : لا مفيش بس هنزل اجيب قهوة تاني ..
سارة : لا يا نور كفاية قهوة كدة غلط وبعدين انتي مأكلتيش حاجة ..
نور : سارة حبيبتي .. انا كويسة و كويسة اوي و مفيش حاجة غلط ان شاء الله .. دا بس عشان اركز اكتر .. متخافيش ..
و ذهبت و احضرت القهوة و شربتها و اكملت عملها .. حتى انتهى " يوم العمل " فقالت سارة : يلا يا نور نروح .. قالت هذا ونور لا تسمعها فقالت : هاااه بتقولي حاجة يا سارة..
سارة : ايوة بقولك يلا نروح ..
نور : تمام هروح ادخل الملفات دي لمستر سيف و اجيلك ..
اومأت لها سارة وذهبت نور للمكتب و طرقت الباب و اذن لها بالدخول .. دخلت نور بقوة و ثبات وقالت بتحدي : مستر سيف .. الملفات اللي حضرتك قولتلي عليها .. خلصتها " قالتها ببطء "
اندهش كثيرا ولكن حاول اخفاء اندهاشه ونجح فى هذا الامر وقال ببرود : امم تمام حطيهم هنا ..
جائت ان تذهب اوقفها وقال : استني عندك ..
فأستدارت قائلة : نعم يا فندم ..
قال : فيه ملفات تانية عايزة تترجم زي دي بالظبط و كمان بكرة يعني دول تيجيلي بيهم بكرة و لو ملف واحد ضاع هتضيعي .. فاهمة ..
نور بتعب واضح لم تستطع اخفائه : فاهمة يا فندم .. فيه حاجة تانية ولا امشي ؟
شعر سيف انه ضغط عليها كثيرا ف مظهرها آثر به بشدة نفض رأسه عن هذه الافكار وقال : لا مفيش .. اتفضلي الملفات ..
اخذت نور الملفات و ذهبت لسارة و ذهبوا لمنزلهم
نظر سيف للملفات التى ترجمتهم نور فوجد انها مرتبة و منظمة للغاية و خطها فى منتهى الروعة فأندهش سيف وقال : شكلك هتتعبيني يا نور ...
وذهب ايضا لمنزله و نام على الفور...
ورأى في منامه انه بمكان يوجد به الكثير من الزرع الاخضر و شجر به الكثير من الورود و بحر و سماء صافية و فجأة شعر بكثير من عطر الانثوي منثور بالهواء الذي يستنشقه و سمع صوت فتاة تجري نحوه و تناديه لكن لا يسطيع ان يراها .. تناديه مرة آخرى ولا يستطيع رؤيتها .. واخيرا استطاع ان يرى هيئتها فكانت ترتدي فستان من اللون البنفسجي يداخل لونه مع اللون الابيض وطرحة من نفس لون الفستان .. لكن ايضا لم يستطيع رؤية وجهها لكن شعر انها تبتسم له و وضعت يديها على قلبها كأنها تقول له ان قلبي سيتحد مع قلبك ... و غادرت فجأة .. نظر حوله ولكن اختفت .. فمن تكون تلك الفتاة ؟؟؟
_____________________________________
فى بيت نور و سارة .. سارة : ايه يا نور مش هتنامي .. لازم نصحا بدري و مش عايزين نتأخر تاني ..
نور بتعب و بدأت ترتعش : لا يا سارة ورايا شغل لازم اخلصه ..
قلقت سارة وقالت : نور مالك فيكي ايه .. كفاية شغل لحد كدة استريحي دلوقتي .. وانا هحضر العشا بسرعة و ناكل و ننام .. لازم تنامي يا نور عشان ترتاحي .. حرام عليكي انتي عايزة تخليني اقلق عليكي..
وقفت نور و حاولت ان تبدوا متماسكة : انا كويسة اهو يا سارة وبعدين انا مش قادرة اكل حاجة ..
سارة بأعتراض و بحدة خفيفة : نوووور .. اسمعيني هتاكلي يعني هتاكلي و دلوقتي كمان .. تعالي اقعدي معايا وانا بحضر العشا و هتاكلي و يلا قدامي ..
نزلت نور معها بأستسلام فهي تعلم انها اذا لم تنزل سوف تدخل فى نقاش و سارة اذا صممت على شئ بالطبع ستحصل عليه بكل تأكيد ...
دخلت نور وسارة المطبخ و جلست نور قدامها و اعدت سارة العشا و جلسوا يتناولونه .. مسكت سارة يد نور وقالت بهدوء : بصي يا نور انا عُمري ما كان ليا صاحبة واخت غيرك .. انتى و حازم اخواتي فعلا و واجب الاخت تجاه اختها انها تحميها من اي حاجة ممكن تضرها .. وانها تسمع كلامها .. انا مش بأمرك بحاجة.. انا بس خايفة عليكي .. انتي لو قعدتي 24 ساعة تشتغلي .. هتتعبي ولما تتعبي مش هتكوني قادرة تواصلي الشغل لليوم اللي بعده و كمان لازم نصحا بدري مش عايزين حد يمسك لينا غلطة خصوصا اننا لسة جداد على الشغل و كمان سيف دا شكله مش سهل .. عشان كدة لازم نصحا بدري و نروح الشركة قبله كمان .. لو كملتي شغل دلوقتي مش هتقدري تصحي الصبح وهتبقي مكسلة تقومي .. فاهماني يا نور ..
نور : فهماكي يا قلب نور .. و قامت و احتضنتها وقالت : صدقيني .. انتي احلى و احن اخت وصاحبة فى العالم ☺❤ بحبك اوي يا سارة .. تستاهلي الخير كله و عشان انتي حنينة معايا انا هطلع انام دلوقتي 😍
سارة بأبتسامة : تصبحي على خير يا حبيبتي 🤗
نور : وانتي من اهل الخير ..
ذهبت نور للنوم وقالت فى نفسها : يارب قويني .. لازم اثبت قدرتي فى الشركة و النهاردة كسبت التحدي قدام سيف .. يا ترى هكسب فى باقي تحدياتك يا سيف .. انا بكرررهك .. بتمنى مشوفكش تاني .. انا تعبت فعلا .. خليك جنبي يارب ..
ثم ذهبت للنوم و رأت نفس حلم سيف .. " طبعا نور كانت هي البنت فى حلم سيف بس سيف مقدرش يشوفها .. و دا نفس اللي حصل مع نور .. شافت المكان و شمت ريحة جميلة اوي .. كانت الريحة دي البرفيوم بتاع سيف .. شافت راجل جاي ناحيتها وشاور على قلبه و مشي .. ومعرفتش تشوف وشه "
_____________________________________
فى صباح اليوم التالي ...
فى مكان اول مرة نذهب له و هو " متجر الزهور "
فى حي راقي بالقاهرة فى منطقة المعادي ..
يوجد متجر الزهور به سيدة كبيرة من العقد الرابع ولكن من يراها يقول انها فى العشرينات من عمرها .. تهتم بنفسها كثيرا شعرها باللون الاسود الفحمي قصير تردي بنطال من اللون الابيض و بلوزة باللون الابيض ايضا و خاتم من اللون الذهبي ..عيناها باللون الاسود .. و تضع عطرها الخاص .. حقا تبدوا فى العشرينات من عمرها انها " مريم "
تدير محل الزهور بحي راقي فى منطقة المعادي ..
دخل المحل فتى فى بداية العشرينات و قال : مريومتي عايزة اي حاجة قبل ما اروح الجامعة ؟
مريم بأنزعاج : 100 مرة اقولك متنادنيش بالاسم دا .. لا مش عايزة حاجة .. وامشي بقا
هو : ليه بس كدة يا خالتي انا عملت حاجة 😂😂
مريم : لا يا حبيب خالتك معملتش حاجة ويلا على جامعتك ..
هو : صحيح يا خالتي هتعملي ايه مع البنت الجديدة؟
مريم : والله يا خالد مش عارفة .. البنت صعبت عليا .. اهوو هخليها تشتغل هنا عبال ما تلاقي مكان تنام فيه ..
خالد : هي مقالتلكيش اسمها ايه ؟
مريم : لا مقالتش .. هعرف منها كل حاجة لما تصحى .. يلا يا حبيبي متعطلش نفسك و خلي بالك من نفسك ..
خالد : الله المستعان .. سلام عليكم ..
وذهب خالد لجامعته فهو فى جامعة حقوق .. يريد ان يصبح محامي .. مثل والده .. خالته هي مريم بعد وفاة والده و والدته و زوجها.. اخذته هي و ربته وكأنه ابنها هى فهم توفوا فى حادثة طائرة .. كانوا جميعا بالطائرة و كان فى السادس من عمره و فجأة تعطل محرك الطائرة و هبطت بهم بمكان غير معروف و اتصل احدهم بالاسعاف و نجى من هذه الحادثة مريم و خالد .. بالطبع حزنت مريم على زوجها و اختها و زوج اختها و حزنت ايضا على هذا الصغير فقد اليوم فقد امه و ابوه .. وايضا حزنت على جنينها الذي كان عمره ثلاثة اشهر فقط .. ثم عوضها الله بخالد الولد الصغير ابن اختها و افنت حياتها بتربيته حتى اصبحت مقتدرة ماديا ولكن فتحت محل للزهور واصبحت تديره فهي تحب الزهور جدا .... سرحت هي فى الماضي .. و دعت لزوجها واختها و زوج اختها و قرأت الفاتحة و دخلت غرفة هذه الفتاة التي دخلت هذا المحل امس ...
____________________________________
فى كوريا .. بالجامعة ..
استأذنت چين من مربيتها على هذه الرحلة و رفضت و قالت لها انها تخشى عليها من اي شئ
* بالمناسبة اهل چين دايما مسافرين بباها بيزنس مان ومامتها كمان و دايما مشغولين ومش فاضيين ل چين خالص بس مامتها شافت مربية كويسة و بتدفعلها فلوس كتير اووي مقابل ان چين متتآذيش من حد *
وحنين استأذنت من ابيها و امها و اخاها و رفضوا ايضا ...
فحزنت وقالت ل چين : چين انا اهلى مش موافقين اطلع الرحلة معرفش ليه ؟ 😞
چين : وانا كمان .. خلاص مش مشكلة نروح .. احنا ورانا امتحانات ولازم نركز .. يلا نطلع المدرج عشان المحاضرة هتبدي ...
ذهبت چين وحنين للمدرج و حضروا محاضرات اليوم و ذهبوا لمنزلهم ....
______________________________________
فى الساعة الخامسة صباحا .. استيقظت نور ورأت فى هاتفها ان سوف يُذن الفجر .. فتوضئت وصلت الفجر و قرأت وردها اليومي و قرأت الاذكار و تذكرت حديث سارة معها بالامس .. وقالت : صح لازم مخليش حد يمسك ليا غلطة .. ف جلبت الملفات و اخذت تترجمهم و بعد ان انتهت وجدت انه يوجد ساعة على معاد الذهاب.. فارتدت فستان من اللون الابيض به بعض النقوش من اللون الاحمر وطرحة سوداء و ميكاب خفيف .. اوقظت سارة و ارتدت سارة فستان من اللون الاصفر الغامق وطرحة بيضاء وميكاب خفيف و تناولوا الفطار واخذت نور الملفات التي ترجمتها و ذهبوا الى الشركة ...
____________________________________
اعتقد ان دا بااااارت طويل 😂❤❤ ايه رأيكوا فى البارت و ايه هي حكاية البنت اللي دخلت محل بتاع مريم ؟ ..
و سيف هيعمل ايه تاني لنور ..هيتحدها ازاي المرة دي ؟
و كيم سي چي هيحب سارة ولا هيكون عاوز بس انهم يكونوا اصدقاء ؟
و ماجد هيخلي سارة تعجب بيه ولا مش هيعرف ؟
هنعرف البارت اللي جاي 😊😍❤❤
اعذروني اذا اتأخرت لان الكتابة بتاخد وقت مني ..
و قراءة ممتعة 😚🙈❤❤❤❤