بلياك ماعيش
بلياك ماعيش اليكلك عشت
بعيوني احلفك منة تاخذ حذر
انة اطمئن يمك واذا تبتعد !
من كلشي يمي انة احس بخطر
الليل يدري شكد احبك لأن
وياك عيني تستلذ بالسهر
اذبل لحد ما ارتوي بشوفتك
جن سنبلة الروح وعشرتك نهر
بلياك كشي يصير مابيه طعم
رانيه يوم الكالته امي خلتني الوب هاي مترهم يمه شلون بيه رنيم فاهيه مدبره واعرف دمارته لماهر مثل مااعرف نفسي جان الهوه الاشتمه يحاسبنه عليه
قابل غشيم من اختارهه يعرفهه خوثه وعلى كد ايدك ويحكمه حكم فرعون على موسى يريد يمشيه على مزاجه
رغم عركتي ويه نصير مره لاخ بعد ماصعد صار حجي قوي راد يمد ايده كتله خاف ذيج لويتني من برئت روحك كدام جدي وعمي هلمره اخلي خياساتك كلهن كدامهم واشوف يقبلون يخلوني يمك
محد كاسر ركبتي غير ذوله أشر على فضل النايم والبطني وحق ربك يطلكوني وحتى الحضانه اخذه اخليك حسره عليك شوفتهم بلشهر مره
نتر بعصبيه وهوه يحجي صلفه وكل مستحه ماعندج لو بت أصول ماتصالفين على زوجج هيج شترجه من تربيت رشيد
اخذ ديباجه ونزل هزيت ايدي رشيد يشرفك على الاقل مو سكير
سبوع واني كاضيته انضف واصعد وابني يمي الدنيا الطشت والرشت مالي شغل انزل على كد الاكل خالتي كم مره حاولت تحجي وياي غلست اعرفه توكف بصف بناتهه حتى لو غلطانات بحقي
نصير تعبني شسويله ويعدل ويبطل السم الياخذه رغم مامأذي احد بس مطير البركه صلاتي وتسبيحي بلشط كل جيه وهو شارب ثاني يوم اهلك واني اغسل واجلف واعلي بلغرفه وبلغراض يشوفني هيج يسكت ويعرف
كام ينام جوه بيوم اليجي طافي اسكت عنه
حنيته وحبه النه يزيد ماينقص لكن الياخذه كالب حياتي العافيه ماتلفيني خايفه الجهال تطلع بيهم
اندكت الباب لبست حجابي مرات حمويني يردون شي ويصعدوني فتحت الباب نسرين شافتني وضحكت
كتله تفضل
كالت جايتج بطلب
دخلته كعدت على السرير افتريت كعدت على القنفه يم الشباك كولي
بس بلبدايه عوفي الزعل على صفحه الشغله اريده منج وانتي التكدرين تحليهه
اسمعج والبيدي مااقصر منه
يعني سويه
حسب غير اعرفه يمكن مااكدر
لاتكدرين
ماشي احجي بلاول
هااا اي
اباوعلهه تلوب متعرف شلون تفتح الموضوع
شنو نسرين احجي
اي هوه رايده احجي بس امانه ضل بيناتنه اذا مصارت
ولاسأليني
كتله قلقتيني احجي
مااريد منج بس طلعت من جيب تراكه ورقه كالت وصليه لأبن عمج وهاي هيه مااريد منج شي
صفنت هاي شتحجي ياهو منهم
دنكت وعيونه خجلانه تحجي كوه ماهر ابن عمج
فتحت عيوني طفرت وانتي شمعرفج بماهر
ارتبكت ورجعت وره من طفرتي بس افهمي والله مابيناتنه شي مجرد اريدج توصلين هاي الرساله وهاي هيه
وشبيه الرساله وليش تردين اوصله معناهه اكو شي والا هوه شعرفه بيج شبيناتكم
نسرين احجي لاتخليني بلسانه بيناتكم علاقه شوصله الج
هزت راسه والله ماكو شي بينه بس من جانبي مشاعري وحدي هوه ماله دخل عيونه غرغرن
رانيه وروح بابا مااكدر اضم اكثر شوفيلي طريقه
فدوه العينج وعيون فضل ليلي ماانامه سويلي طريق
سكتت وحيرتني وسطرتني يعني شسويلج ماهر موثوبج ومااعتقد تحصلين منه شي
شلون دبريني فدوه الكلبج كلبي موبيدي
لا بيدج عوفي انسي لا تخلينه بالج
ليش متقبلين شبيه حتى يرفض
مابيج اثنينكم من كوكب شكل لاهوه ثوبج ولاانتي ثوبه
كعدت وتريد تفتهم اكثر عيونه حايره دور أمل سكتت
رفعت عيونه وكالت يحب
اخذت نفس خلي تعرف لا
لعد
خاطب
دنكت وعيونه تتنقل بلأرض شوكت
ماادري سمعت يريد وحده
كامت تبجي
كتله كافي نسرين معقوله تبجين عليه شوكت حبيتي هيج اصلاً من ازوجت هوه مو هنا من يمته عرفتي
مسحت دموعه جنت اجيبلج مراسيل نصير هوه يفتحلي الباب
وهاي من فتحت الباب حبيتي سكتت وضلت تفتر
كعدت شويه رانيه بس افهميني انتي مو حبيتي شكد حاربتي علمود نصير واخويه شسوه مو گلبهه گلاب
حاره شسوه من غير يوميه مشيه لحد منطوج
وسنه كامله ممتحاجين ويه جدج وتخطيتو العقبه وصارت سوالف
نسرين شجابني بموضوعج
سكتت متفهميني والله ماتفهميني
كامت اخذت رساله وطلعت
عفتهه خل شيله من بالهه اعرف ماهر لو مية سنه مراح يباوعله من الاساس يكره عيالي سكتت عنهه
مر اليوم عادي طر الفجر ونصير ماكو واحنه منتحاجه
ضليت الوب وينه مو من عوايده يتاخر هيج
سحبت الجهاز دكيت رقمه مغلق القلق اكلني
مانمت الثاني يوم من الصيح نزلت تركيت لكيت خالتي ونور كاعدات سويت مخلمه وصعدت كعدت فضل وكلته ضل يلعب واني التهيت بلفوك احير شسوي حتى املي فراغي وضليت اتصل مغلق
ماحسيت غير على صياح خالتي
رنيم ... جدي هلفتره صاير يدقق ويانه ولد وبنات طلعه وين وشكد تتاخرون كبر وهوه خوفه علينه
يكثر اسمعه الفجر ويه طرته يلزم القرأن ويجود شكد
حنين بصوته يكمل ويختمه بدعاء وينهي بأسمائنه واحد واحد من بابا الزغير واحد اني حتى رانيه شكد ماشايل بكلبه بكد ما يدعيلهه
امي صاير تحاسب شعرج لمي ضفري لاتحلي تراكاتج عوفيهن لبسي مستور لو اطلع اشتريلج غيرهن
مره فاجئتني طلبت البس حجاب كدام مهدي وماهر
لحد مابيبي كالت شسالفت شيماء همه غير رابين سوه لاتلحين عليه عوفيه اذا متاخذ راحتهه بلبيت وين تاخذ راحتهه
امي تباوعلي من جوه اليجوه معاجبه حجي بيبي واشوفه تلوب لو طلعت امشي وتصيح كعدي كدام عيني لاتفترين
اذا شافتني بلحديقه اجيب كرسي وتكابلني توترني ازيد من توتري
بدت المدارس وركضتي صارت مثل ركضت طويريج مدرسيني عندي بل ٥ الفجر ومناك الخط ياخذني للمدرسه ارجع اكل لكمتين ابدل واطلع للخط يوصلني للمدرسين ارجع بلسته العصر من كد التعب انام على وجهي اكعد ب١٢ بليل أمين يسحلني سحل
اكعد اكابل الكتب اربع ساعات اركض بيهن ركض بين الدروس وبين وتجبات المدرسين بابا يصعد نص اليل
بيده شرابت كل واحد بطل وياهه كرزات موالح
يشوفنه كل واحد ماد راسه بكتابه يعوفنه وينزل مهداوي مرات يجي يقره يم أمين وذاك ميكعد لازم يكشش ويخليني اكمز وقت يروح عليه وماالحك اكمل دروسي
اضطريت انزل بغرفت ابويه وهو فضل انزل يمهم شويه اخذت راحتي اكثر امي اصلي وتكعدني وياهه واكضيه لحد مايطلع الفجر
اطلع للخط وبيبي وجدي كاعدين يصلون وامي وابويا هم واكفين يصلون وامي تركض وراي بلفة الجبن تحمي الصمون قبل مايصير وقت جيت السايق وتحمي الجاي توكلني غصب
الطريق كله اكضي نفسي تلعب لحد مااوصل ويضربني الهوه البارد ارتاح وتتعدل حالتي
خلصت المحاضر طلعنه اثناء ماامشي وياي صديقاتي استغربت وجود فقار واكف يم محل الوازم المدرسيه
عدينه منه حسيته يمشي ورانه البنات لاحظن وحده منهن كالت اكلجن هذا شعده يمشي ورانه
كتلهن شعلينه هوه طريق عام قابل بس النه
كالت لا والله هذا يمشي ورانه دشوفي دارت وجهه والله لاحكنه حتى من عبرنه الشارع عبر
ضلن يجادلن واني طنشت وصلنه للسياره وصعدنه مكاني صار بلنص حرك السايق صارت من يمه التفتت شفته واكف ويباوع عيونه مركزات بيه وجه مكتض عافس ملامحه شبي
الاحظته كثرت طلعات ماهر سفراته زاددت مرات اشوفه مايدوام ويكلهم اداوم جدي يباوعله وساكت كم مره اسمع مهداوي يصيح عليه وتلازمون وامي وعمتي يصعدن يصيرن بيناتهم العرفنا منطي انذار نهائي
وهذا السبوع اخر اسبوع اله وينفصل عمتي خوله سمعت لطمت وكامت دكمز شلون بيك ماهر من دون خلك الله انت مدولبني عليش مداوم اني ما عولت تنجح وتتخرج انوب تتغيب
كلي وين تولي مو تطلع الصبح وترد العصر وين تلفي اميهر سولفلي وين ديح والله لوجدك عرف يسويك وصلتين
مهدي يكله صارله شهرين ميداوم والمقرر صاحبه وضاله يسدله اعذار الرجال مل كلي ماهر شنو قضيته الاساتذه شكو هوه ميداوم واني احذفله غيابات اذا مانفصل تطلع عليه ويشكون بأمري وتجيني شكو وذوله حشاك خيس... بس يردون لزمه
ماهر كله انت اطلع منه ولا تدخل خشمك ماكو هيج حجي هذا من وحده يحجي
كله انت غبي لو تستغبيني شنو من وحده يحجي اني بلجامعه واعرف قوانينهه صارلك كومه مامداوم حتى طلاب قاعتك كالو يمكن بطل ميعرفون وينك
أمين كله صدك ماهر شنو قضيتك هيج مستهان بدراستك عندك شي اشو تطلع ويانه وبطلت من الخط وكلت اجمع واروح نفرات اصرفلي وكتلك مالك شغل الخط على جدي ماقبلت
كلت يجوز باله شي ويريد يلم
فرك وجهه وامه تحجي وتصيح وين تروح أمين ومهداوي لازمي بلزاويه حاصري بلحجي لان ماعنده حجه رايحين القسمه وشايفين سجل غياباته
ساكت وعمتي تلوب امي كل شويه وكالت يمه احجيلنه واكع بمشكله وهوه يصيح يابه شبيكم والله سطرتوني ماكو شي باجر اداوم وافتهم سالفت الغيابات مشتبهين اني مداوم مامعقوله يغيبوني شهرين لابيه ولا عليهه
رادو يحجون كلهم كافي لحد بعد يحجي سطرتوني ومالي خلك
عافهم يباوعون وره ونزل امه كالت اكص اي ايدي اذا ماورا سالفه عوجه
صدك ثاني يوم داوم ورجع وياهم مر اسبوع الوضع طبيعي ولحكه شهر والامور ماشيه استمريت بدروسي
جدي قرر يبني الطابق الثالث ويسويه شقتين وحده للولد وحده لليزوج بيهم
وهذا الحجي خله مرت عمي على شويه تنجلط تريد ترجع البيته وجدي قافل ميقبل يرجعون ماهر مأيد امه ومهداوي ساكت البنات كيفن
لحدما مره من المرات الصار بيه نقاش حاد بين جدي وماهر صار مصايح ماسمعنه بس صيحته وصوت ركعت باب
يومين ماهر ماكو اني مااشوفه لو صعدت عندي الكئابه ويوميه اتاني بلحديقه لو فجريه من اطلع للخط بلكت راجع اصعد الامين وأساله ومرات اتحجج بأي شي واطرح اسمه ويكلي مااجه العرفته يم صاحبه عنده شقه مال دراسه من غير محافظه
شويه اطمأنيت يوم يجر يوم البيت احسه بله طعم وداد ورد زعلانت على طلعت ماهر ورد تلوب مثلي تتصل ميرد شكد حاولت ينطي رفض امه كم مره خابرته جاوبه مره وحده ورجع غلفه
اليوم جمعه بابا اخذي امي ومرت عمي وبيبي وجدي وطلعو زياره البنات ثنينهن يم خالتهن المريضه عمامي طالعين بمحلاتهم
ضليت بس اني وامين ومهداوي وهمه نايمين كلبي طك عليه لزمت جهازي اشتره بابا احتاجه للخط والصديقاتي اتصل لا اتصل اخاف مايقبل
ضليت الوب اروح منا وارجع منا افتر طلعت للطرمه كعدت شويه وكمت شربت مي والجهاز بيدي
لزمت كتابي وكل شويه اسده لو اصفن اخر شي ماتحملت شيصير خلي يصير دك رن كم رنه كلبي دكاته زاده ونفسي سريع اجيت اسده قاومت باخر رنه فتح خط
هنا مشاعري تخربطته عضيت شفتي شكله شكله يربي
رجعت التلفون بأذني اسمع يصيح الو الوو
شنو السالفه تحجون لو اسده الووو
استحيت اجاوب شي بيه يخجل منه رغم عشنه سوه وكبرنه سوه لعبتنه كانت الدعبل مشاكلنه كله اذكرهه
وعيت هوه مجرد ابن عم العب واني اتحامه بي اليخسرني اصيحله ماهر تعرفو هذا ابن عمي والجهال ينجبرون يفوزوني
اركض بلشارع وصايبي منا ومنا طوال كل شوفته الي يلزم ضفيرتي وضل يلفه طوبه وصير كرون واضل ابجي وهوه يضحك شالو وابتعد من صارو سن المراهقه واني كنت ستوني ابتدائيه دخلت متوسط كانت اول شوفتي الماهر بعد ابتعاد عشر سنوات
هزنا تغيرت نضرتي
عيوني صارت طول بلنضر اله هوه بده واني استجابيت ويوم عن يوم يكبر هذا البداخلي لحد ماشفت منه القبول حسيت بنظراته الاعداديه مرت واني مرات اجهل تصرفاته ومرات ادبرله اعذار
لكن كلشي تغير من صارت تصرفاته علني تقربه زاد حبه الي ضهر خواته عرفن ايسر حاس ومغلس بيبي تدري وتشلع كلبه بهاي السالفه
نطق كال عاجبكم عادي اخلي الخط مفتوح لحد ميخلص رصيدكم
ضحكت سكت شويه وكال منو انتي
ماهر بس كلته حسيته كام مشه من خطوات رجله وصوت مشيته همس اوكفي لحضه
شويه وكال هاي انتي
اي
طايحة الحظ
هاا ليش شمسويه
وادبسسز
ماهر
وسم
هاي شبيك
عندج خط
اي عندي
منو جابه
بابا
من شوكت
من بدايت الدوام
وليش ماتخابرين واني هنا الوب على صوتج على ساعه اكسر الزعل وارجع
ياريت ماهر والله البيت دونك موحلو
اخخ اخخ هيج غيابي عندج
ماهر حباب ارجع
عوفج مني شلونج
موزينه
ليش
فاض بيه صار اسبوع مشايفته مشتاقتلك
سكتت وطول سكوته همس واني ميت عليج رنيمي حبيبت كلبي انتي
دنكت واحس روحي شويه وتنزل دموعي حبه مزروع بيه كلبي دونه مايدم حنيته ونضرت عيونه طوله بياضه كلشي بيه احبه
همس ليش ساكته
مااعرف
باعي باجر امرلج لدوره طلعي وانطيهن خبر راجعه للبيت واني ارجعج
لا ماهر محاضراتي مهمات
بس باجر
واذا شافونه
محد يشوفنه واذا شافونه المنطقه كله تدري بت عمي
ومستقبلاً زوجتي
سمعت صوت احد يمه كال باجر عل اتفاقنه ماشي
ماشي
يله فيمالا
سديته وافكر باجر
__________
وداد .... روحتي الخالتي طوق النجاة اتفقت ويه بت خالتي نطلع نشتري كم شغله ويانه اخته المزوجه كالت اروح امي هنا قبلت
ضليت اعدل وارتب صح ممنوع المكياج بس خليت شويه بت خالتي صاحت فضيه ولج والله انتي حلو ملامحج حاده بس تخلين كحل تبرز ميحتاج
كتله اسكتي بس يشوفني مكحله صدكي كدام الكل يرزنلي ومايهتم
ديله خلي نشوف الشفيه شوكت يتنحنح ويفضه
لج عيني موتدرين جدي هوه الولد شبيده والله مستعد من عين باجر يتقدم بس هذا انفه وجدي حاجزنه لولد عمي وذاك متخبل لو يرفضه يكلي مااتقدملج مره لاخ لو صير روحي بيج
كالت باعي وداد هذا مال يحبج وهيج يحجي كطنه وشيليه من اذانج اليحب يحارب مو ذيج بت عمج شسوت هي وياا شكد تمشكلو واخذه اخذهه
كتله دسكت عاد شلون زواج مشبعهه المر وفوكاهه سكير قابل شتترجين منه
المهم يحبهه واخذهه رغم عن جدهه
سكتت وطلعنه بعد ماصاحت اختهه رغم بت خالتي بس بيناتنه بعد الوحيد قريبه عليه لمى
وصلنه للسوك ضلن يشترن قريب مانوصل محله كتله لمى هذا محله من ن صل يمه كولي خلي نشوف هذا المحل
كالت ماشي
شويه وصلنه وصدك طبينه
شافني اتفاجئ سوه روحه عادي وكفت اكلب بلملابس افتر ويه لمى كل وكاحتي يمه اختفي احس روحي طفله ومضيعه طريق امهه
التفتت يباوعلي ابتسم ودار نضره لجهة بت خالتي تسأله على السعر
دنكت وصلنه يمه ولمى ولا جنهه دكلب وتفتر كالت عيني بله زحمه عليك ممكن تنزلي هاي القطعه يمه عامل اسمه مجاهد صاحه نزل القطعه شاورته شسوين
مالج دخل راح اشوفه واشغل اختي وانتي شوفي علمود نروح ماريده شك بس تحس وتلكفج ماتخلصين من السانهه اختي واعرفهه
شويه وراحت يم اخته واخذته وياهه للمنزع تگدر
شافني تقرب بيناتنه مسافت نص متر
وخر ليكدام صاح العامله كله تروح لبو تحسين جيبلي شليف رقم ١٤
راح ورجع يمي كال شجابج ولج
مشايفتك من الامتحانات وهاي بعد كعدت صارلي ٥ اشهر ممشاوفين
ذني منو
بنات خالتي
هاي الوياج لوتيه
شلون عرفته تريد تشغل اخته وجهه مو شراي
لابلعكس
ولج غير اخذت قياس خاص وبدلته بقياس ٤١
ههههه شمدرك بقياسه
مبين صاحب محل واعرف
قيس
عيونه
سالمات اريدن موطك كلبي شوكت ناوي تجي تفاتح جدي
واذا رفض
مايرفض تدري شلون
اي
عمي ماعنده جبير بس ولد واحد وديدرس صيدله وبعده ٣ سنوات يله يكمل واني اعرفه ماباله زواج واني ويا واحد ميطيق الثاني
اذا اجيت وفتحت الموضوع اكيد راح يسأله وهوه يرفض وبهذا الوقت راح ينجر جدي يقبل
سكت وايده على خده يفكر
محسيت غير لمى طلعت تحجي بصوت وخرت مسافه سويت روحي اكلب
رجعت القطعه ماعندك ازغر
قيس ابتسم لا هاي اخر قطعه واني متاكده اكو
شويه وطلعنه طول الطريق لمى صنف عليه وعلى قيس
وصلت للبيت بعدني بين ماسويت عشه واكلنه ولمتنه وضحك البنات ستوني اريد اتمدد دك جهازي رساله من قيس كاتب حسبي حسابج سبوع واني يمكم
هناا شنو من شعور صار بداخلي مكابله الرساله وميت مره قريته واعيد واعيد اضحك وعيوني غرغرن مسحتهن ماريد يحسن
لمى ندستني شبيج شمرت اخذته شافته رفعت راسه فاتحه عيونه من الصدمه صاحت صدك
ورد ولمياء انتبهن كالن شكو خلت ايده على حلكه وساكته واني اباوعلهه واباوعلهن
كالت هاا ماكو شي سالفه بيناتنه
ورد اجت يمي بعد مالمياء كامت تغسل كالت شكو
كتله اسكتي ورد راح اكمز من الفرحه
ضحكت شبيج فرحينه وياج
دروت وجهي لمى بس راقبي
همست قيس هذا السبوع يتقدملي
هي سمعت لو ضلت طفر صدك عليج الله
اي والله
شبكتني وتبوس بيه الف مبروك يارب يتممهه على خير
كولي ان شاء الله جدج مايعارض
ماادري بهاي مااحزر
يومين مانايمه من الفرحه حبيت الكل حتى لمياء حبيته رجعنه لاكتنه رنيم حضنتهه وهي مستغربه حالتي كرصتني ورد
كالت بهاي حركاتج تفضحين روحج اثكلي
شسوي ورد من فرحتي
ميخالف خيه نشوف خل يجي والله كريم
سبوع كانو شهر ارتب وانضف وايدي بيد البنات كل ساعه اتختل اخبره دقايق واسده وهوه فرحان على فرحتي كل شويه وكال ادعي مايعارض
واني السعاده خلتني اصلي ولزمت الادعيه بس كون تمم على خير
صدك صادف يوم سبت وهوه المقرر يوم جيته
العصر واني محضره روحي لبست دشداشه مرتبه رفعت شعري بماشات ونزلت وسويت روحي طبيعي
بيبي شافتني وهي صلي على محمد بيبي شهل حسن حصني روحج حبوبه من عيونه
ضحكت وهي تسمي عليه
اليوم معدله روحج مو من عوايدج يوميه تنزلينه الكفشه كابله للستار
امي كالت ماادري ياعمه الله هاديه
ورد شاورتني هسه يحسن وكولي كالت ورد وتعمين على روحج بذاك الوكت محد يفيدج
صدك خوفتني
سويته بلشقه يبو اليوم تستلمني لان مزاجي عالي هاجن صدك نزلت شعري وضفرته ولميت الكذله بماشه
رفعته ويه شعري
بيبي غمتني شبيج محد يحاجيج مكروصه
كتله اي مكروصه متخلن الواحد بواهسه
دكومي يمفلوكه ام المصايب لسانج بطولج شكنالج
هيج عاجبني اخربط روحي
شويه وندك الباب هاي ثالث مره افز على دكت الباب كل شويه واكول اجو
صدك اجه أيسر كال نسوان اجن وزلم بلصاله يم جدي وعمي
باوعت على ورد وهي تباوعلي طلعن امي ومرت عمي تلكنهن طبن بلهول
غرفت بيبي وجدي بلهول بابهه حرت شلون اطلع ومستحيه ميته بدمي ورد كالت اني طالعه اقدملهن مي دسمعي صوت امي صاحته
ضليت كاعده واكل بأضافري
مرت ربع ساعه واني افتر صارت نص ساعه وهاي مااجت عود وصيته من البارحه ماتعوفني
شويه وطبت امي تباوعلي ومخنزره كالت كومي نسوان جايات يشوفنج
سويت روحي مستغربه شنو يانسوان
رفعت حواجبه عود غشيمه ام لسانين كومي حسابي بعدين وياج
خلت وطلعت امي وترتني بردت فعله كمت الوب لابيه اطلع ولا اكدر اضل قريت اية الكرسي لزمت كلبي واردد جبرت روحي طلعت
ثنين نسوان مبوشات وحده بله بوشيه رافعات البواشي
حلوات وحده بيهن جبيره
عرفتهه ام قيس سلمت عادي شافني بيبي كالت يمه جيبي الجاي
طلعت يم ورد واكفه تشكر كرصته
شويه وتعيط شبيج ثوله مشوفيني اشكر
عفتيني ماكلتي هاي شيصير بحالهه
شبيج جنج العافيه
ولج متوتره
عادي هسه تروح هاج اخذي قدمي وتعالي لان بيبي اجت كالت تقدم الجاي وتولي يمج لاضل مكابلتنه
وشوكت كامت
تعرفين بعطيه تكعد راحه سوت روحه تجي توصيني وحجت
قدمت الجاي وشراده للمطبخ اول مره بحياتي هيج ارتبك واحس روحي مستحيه عمري كله اخذته يصيحولي ام لسانين والمعهد كله تعرف بيه وكحه
المدرسات المتوسطن يشهدن الورد بوكاحتي ليش الامر اختلف يم قيس واهلهه ليش وجوده وموضوع البي هوه يحولني غير انسانه
حبي اله كان صدفه تعاركت ويه بت اخته وكتلتهه وكانت اصغر مني ب٣ سنوات وياي بلمعهد
اجاوزت وغلطت على موضوع المقعد كان الي وانتقلت لغير شعبه ورحت اخذه كانت القاعه الوحيده كان بيه الدروس تنوخذ بيهه على شكل وجبات كل مرحله بساعه محدده
شافتني كالت هذا الي المقعد اني فهمته كالت واذا شوفيلج غير مقعد يابه اني اكبر منج وانتي هستوج صف اول معهد
تعاندت وياي لحد ماجاوزت بلغلط
اني ماكلت لا تغلط عل ابويا وهوه ميت كضيته وكفشته اني طويله وجسمي تارس بس مرتب ويه قالب عضمي موسمينه ولا ضعيفه
هي ناعمه وضعيفه سحلتهه سحل فريته القاعه كله البنات يردن يفكنه ادفعهن اخير شي عفته كتله دغلطي على ابويه وشوفي وعلي وروحه اخليج شعر تنامين مستشفى تايهتلج
ثاني ويم استدعوني المدرسه كالت لبسي حجاب رحت شفته كاعد وبصفه مره
المديره عرفتني رفع عيونه كصني كص من فوك القدمي عراني بنضرته سمعته من همس اذا جنه بعير شلون ماتمردهه
سكتت ماهتميتله صار جدال بيني وبين امهه وضحتلهم الحجي وصلت نقطه انو غلطت على والدي وهو ميت هنا مااتحمل حتى اذا انفصل مااسمحلهه تغلط وجيب سيرته
امهه كالت وهاي اخلاق تكتليه وتمرعديه
كتله وهي عده اخلاق من تغلط وتفشر
فتحت عيونه تفشر بتي ماتغلط
اي معصومه بت الحسن بشهود البنات غلطت وفشرت
كالت مستحيل اني مربيته لليوم محد كال بتج غلطت شمعنه عليج تغلط
والله هي تربيتج وانتي اعرف واذا متعرفين معناهه رجعي ربيه
المديره زمخت بس رانيه احترمي
ست موو...
اششش ولا حرف
استدعت المراقبه وكم بنيه حلفتهن يشهدن الحق بته غلطت
شهدن وياي الأمايه وجهه انطعن بس هو ساكت
كال اذا هيج اني بلنيابه عنهم يابه عذرينه وحقج بلسويتي ومالومج
كتله موانتَ هي تجي وتعتذر
المديره كالت كافي ماما عيب الرجال اعتذر
التفتت لا ست هوه موغلطه الغلط الغلطت على والدي ومتوفي ومويمهه والامر ميستوجب تغلط هي تجي وتعتذر وكدامكم
صدك جابوهه وهوه بس باوعله كلهه اعتذري منهه
كالت اني مغلطانه زمخ بيه اعتذري
بجت امه كالت شنو سالفتك قيس هسه هي شمسويه
اعذرينه ست هسه اخذه واروح
كال لا مترحين شو كدامي اعتذري وبوسيهه
ضلت تباوعله ودموعه تنزل خزره
دارت عليه باستني كالت اسفه
كتله ومتعيديه
رفعت راسه شنو
كولي ومااعيدهه
باوعتلهم ساكتين
كالت ومااعيدهه
خلت وطلعت التفتت الهم كالت المديره اخ قيس اقدر حرصك عليه وهسه انت اجيت بمكان ابوهه
مدنك وساكت
كتله ست تسمحيلي
تفضلي
اني اعتذر على طولت لساني وصح غلط مني امد ايدي عليه بس كنت بحالة عصبيه وفقدت لان والدي من عمري عشر سنوات فقدته لهذا شي صعب اتحمل احد يجيب سيرته وخصوصاً بلغلط والفشار
اخ قيس اتقبل اعتذراك وطلبت منه تعتذر حتى يكون درس الهه ومتتجاوز عليه اني بلذات اترخص
مرت قترات طويله لحدما صدفه دخلت المحله وياي امي وعمتي شيماء ثنينه ضلينه صافنين بوجه بعض
نبهتني رنيم بدخلته جايه من الدوام
لليل صنطه سبوع مره والحال مثل ماهوه لاجدي فتح الموضوع لا عمي لا امي لا بيبي ورد مثلي مستغربه
لحد ما صاحوني نزلت وجدي كاعد وامين بصفه اباوعله وجهه محتقن عمي ساكت مرت عمي وجهه مثل وجه أمين امي صافنه عليه
كال تعالي بويا
كعدت ورد واكفه على اخر بايه
كال شوفي جدي قبل فتره اجو ناس عليج
دنكت كمل واني ماريدجن تتغربن اليوم حاجيت أمين وكتله بتعمك من لحمك ودمك والخطاطيب كثرو الخر واحد ب ١٠ مرات حاجوني عليه وكتله يعقد عليج بينما يكمل جامعته
وبذاك الوكت هم يكون نفسه وهم يفتحله صيدليه
والخير كدامكم
وداد جدي ماتلكين مثل ابن عمج ربيتو سوه فكري وردي الجواب مالي خلك احجي هواي اليوم كلش تعبانه وكلبي يبزني
............... يتبع
تصويتكم ميسوي واهس ابد وتعبي بلشط