وبدون موج احتاجلك
بالبر واحس بيك البر
مرات ادور الجيتي
اگبالك سبب يتفسر
وتلمحني احرك الخاتم
وابدي ارتبك واتحسر
وهنا اتحس ابقيمته
البس اعله شوفك يضطر
يافكة اعيون الگلب
ياميزتي البيهه انغر
مو رايدك واتنفسك
لا يانفس شي اكبر
ياروح ماتطلع مثل
روحي التموت من اكبر
انا اعرف ابزعلك گبل
ماتزعل وياي اكدر
والنوم يتركني وقت
ماتنوي عينك تسهر
ياريت ..
كل هذا الحچي
من اگعد اگبالك يحضر
صوته اخذ كلبنه امي تحجي وعيونه ترجف وبين بصوته يمه عيوني بس فهمينه شبيج شصاير
ادرري شوداج هناك ليش طلعين بدون علمه شجم مره متوبتج بس اسكتي اركدي اركدي خلي افهم ابوج
اي ليش غير يعرف وين نرجع وطريق شطوله
صبرج عليه امي انتي انطيني فنتك
لا لا مالج شغل هسه افهمه
سدته امي وعيونه حايره هااا يام شبيه رانيه
كالت اختج ماتكعد بعدين افهمج بس خلي نوصل وعيب مااريد ام ازاد تسمع بمشاكل وفصول السكير
سكتت والحيره على اختي وصلنه نزلنه طبينه كبل صعدت للغرفه امي ضلت جوه بحدود الساعه
اني وحدي بس سوزي يمي كاعده دكلب بجهازهه نوعيته جديده ولمس اول مره اشوفه
اخواني ولد عمي وعمامي كل اجهزتهم العاديه فرشت وتمددت متانيه امي تجي وبالي يم رانية
سوزي كالت رنيم لاتنامي انزلي مسوين عشه بلحديقه
كتله اشم الريحه بس مابيه حيل انزل
التفتت وذبت الزي لبست تراك كالت بابا وسازكار وازاد ديشون تفوتج ومسوين حمضيات متتفوت
كتله اكلج سوزي ليش مارحنه للحنه الثانيه مال اخوج
كعدت تمسح بلمكياج باوعتلي بلمرايه
مو اخوهه متوفي ماسوت حنه بس تسوي عرس
تمددت واني صافنه باجر شلبس وشحط مكياج واذا شافني بابا هااا لامايحجي من يشوف بناتهم يسكت عني شويه وسمعت سازكار تنده بيه انزل اكل رفعت ايدي واني غمضه ماتكدر افتع عيوني من النعاس اشرتله مااريد حاولت وياي ضليت نايمه
ماكعت لحد ثاني يوم هوست البنات فوك راسي فتحت عيوني كلهن مجتمعات بلغرفه واغلبيتهن يحجن كردي واني مثل الاطرش بلزفه
شفت سازكار واكفه تعدل وتلم وره البنان نزلت بين الهوسه والمعازيم رغم كالو العرس بقاعه ومختلط ضليت افتر والنعاس بعيوني
شافتني امي كالت شبيج تتمطلين كومي بدلي عدلي نفسج اكليلج لكمه
كتله نعسانه واريد ارجع انام
كالت كومي يمه سويلج لفة وستكان جاي صحصحي ورانه عرس شويه ويصيحون يله
صدك كمت اكلت لفت جبن وكلاص جاي سوزان شافتني كالت يله كملي علمود تبدلين وسوين شعرج
كتله ياشعر
كالت ليش مراح تنزعين الحجاب
غير قاعه مختلطه
اي
لعد هاي هيه البس حجاب
كالت يااا شلون ياعين غير هوه عرس عليمن لابسته
يمعوده ميقبلون واني هم استحي ممتعوده انزعه كدام احد
كالت بكيفج بس كملي علمود تاحكين لان سيارات مأجرين اذا تأخرتي محد يجي ياخذج
هزيت راسي
شويه وصعدت وراهه لبست نفنوف طويل وكلوش وحجاب وكفت بصفي بت خالتهم تحجي مكسر خلتلي ضلال خفيف وحمره وردي فاتح بناتي
اخر وحده بدلت واول وحده كملت ونزلت خالاتهم ملتمات وعمات الولد هنه خالات أمي البيت انمله وسازكار وسوزان يركضن منا ومنا أزاد طب اخذ قاطه وطلع كال هناك يم الحلاق يسبح ويبدل هوه واخو
اذكرت رانيه وامي كبالي كاعده رحتلهه سألتهه
كالت ابوج حله خابر عمج بسام وراحلوهه
شبي نصير وياهه
كالت حجايت حق اختج هلمره عايله وتستاهل الكتله
حجيت بصوت شنو واذا عايله يضربه هل همجي
كالت أمي هي موشغلة همجي كل رجال ميقبل مرته تطلع بدون مايدري وهوه مانعهه شكو طالعه ويه اختهه للطبيب وتدري بحماتهه ماتحبه اكرصي نفسج
واكعدي وهيدي
كتله فوكاهه تطلع ام الصوج
هوه اليجي منيده الله يزيده هاي اختيارهه تتحمل
اي بس مولهل درجه على كل سالفه تنضرب حيوانه قابل لو طالعه من فطر الكاع
هوه متانين نرجع وابوج متحلفلهه رغم هي اختج عايله ومطوله لسانهه بس هم مانسكتله ونشوفه تاليتهه وياا
ساعه وكالو حضرو نفسكم طلعت وره امي خالتهم وعماتهم كل وحده زوجهه اخذه بسيارته
ولدهم بلقاعه كدامنه صعدنه ويه بابا اشرلنه طلعت كدام امي وكعدت وره والدي ويه السايق امي وام ازاد
وسازكار وسوزي كعدن ليوره
طول الطريق اغاني كرديه والكل يضحك ويركص اني استحي حتى اصفك سازكار كل شويه وتندسني شبيج
كتله ماادري شويه مستحيه
ضحكت كالت اخذي راحتج هنا كلنه سوه وهوه عرس منو ينتبهلك
صدك بديتاضحك واصفك
وصلنه القاعه بدايته حديقه السيارات كدامنه كلهم نازلين ويردون يطبون
نزلنه والتهيت اباوع على الهوسه ومبينين ناس تعرف ناس من جنه بلسياره سألت سازكار كالت كلهم اقاربنه
خوات امي وابويا ولد عمه ولد خالته والناس الغرب
يحضرون ب ٣
اثناء مانمشي اخوهم الصغير بده يرتب هوه المسؤله عن تنضيم الحفلات يجهزون بلدخوليه
رحت ويه سازكار للغرفه رتبت نفسي خلتلي شويه باودر والبنات كلهن تكومن وراي كامن يتعاركن على المرايه
طلعت شفت امي كاعده هي وخاله ام ازاد وبابا وخال ماما على طاوله وحده وتاخذ ٦ نفرات كعدت يمهم خاله شافتني ابتسمت
كالت شيماء بتج هنديه
ضحكت ماما كالت صح ماخذه مالمح ابوهه هي وأمين كبر عيونهم وبشرتهم الحنطيه
كالت باچي متكحلتي عيونج يخبلن
امي كالت لا عيوني ام ازاد ابوهه ميقبل يرزلهه
كالت يا شصار هوه عرس خلي البنيه تتونس
كالت هاي همه ذبتهم هيج
سكتت كتله اني مااحب المكياج مامتعوده عليه
كالت ياعيوني ربي يستر عليج محروسه يمه
دنكت وشويه وبدت الاعاني الهادئه والولد يفترون وقسم بيهم ماخذين زاويه ملتمين يسولفون ويضحكون وبيهم اليركص شويه وسكت
بدت اهل العرايس يجون انملت القاعه ملي اغلبيتهم اجوه يسلمون على باجي وخال ماما
اقل الساعه وباجي كالت راح يجون بيت ابو جوان
امي كالت منو ذوله
كالتله اقاربي يصيرون بيت عم ابونا
التهيت اباوع سازكار طايره تركص وترتب وتستقبل كلهن سويهن من فرحته اليجي تحضنه
سوزان واكفه بأريحيه وعادي عكس سازكار وسيلين اصغر وحده حايره شسوت بروحه وساكنه الغرفه كل عشر دقايق تروح شوف نفسه
اني الوحيده المحجبه احس روحي مختلفه دنيت يم امي همست لوبابا يقبل انزع الحجاب
باوعتلي متفاجئه كالت ليش ماما بلعكس ميزج الحجاب خليج عندج ثقه بنفسج لتغرج المضاهر ولتنجرفين من اول ريح
ماما مشوفين كلهن بله حجاب وفرحانين
وليش الحجاب مخلي عائق عندج الفرحه بلكلب مو بلبس شوه باعيلي عدلت حجابي هذا زينة البنيه
كلمن ودينه وعقيدته امي انتي الربيناج عليه اذكري جدج شنطاج من لبستي
كتله كلاده ذهب بأسمي
تعرفين المن ينطون الذهب يعتبر مجهورات ثمينه
ليش
لأن الغالي يستاهل الغالي وحجابج غالي علينه يوم الكلتي البس واقتنعتي استرين شعرج تلمست حجابي هذا جوهره نزلت ايده على صدري وهذا الماس لزمت ايديه وذني لؤلؤ ليش اخلي الكل يتفرج عليهن ليش اخلي عرضه للزين وللشين
اضمهن لليستاهل يشوفهن اضمهن للربج قاسمه الج تحافضين على نفسج ربج يبارك بيج
تدرين شوكت ذني المجوهرات تفقد ثمنهن
شوكت
من ترخصيهن يصير مالهن داعي اضميهن الستر ستر النفس ضميرج ييستر دينج وصلاتج سترج
وراهه يجي العقل يأمرج بلستر خلي كلامي ترجيه بأذنج عمر الحجاب ماستر بكد دينج وعقيدج هنه اليخلنج مستوره وهنه يأمرنج تلبسين الحجاب
لهذا الذهب نضمه ونحتقظ بي وانتي كلشي بيج غالي
واحفظي وضمي
سكتت بعد كلامهه انطتني جرعه ثقه
اجو المعازيم بدت الناس تكثر رغم كبر القاعه لكن انترست ماما وباجي كومني نسوان ثنين مالهن مجال كعدن وياهن على الطاوله
رحت وكفت يم سوزان وسيلين كميت الناس المتواجده خلاني مااركز وصوت الاغاني صدعت
كالو اجو العرسان اعلنو الدخوليا الكل تحضر وبتعدو عن مكان السجاده الحمراء
اول مانفتح الباب كان واكف ازاد وزوجته وراهه أرام وزوجته
دخلو وبدت الهلاهل ترن وكفتي بص سيلين وسوزان سازكار مسافه عني لازمه سلته ورد وسيلين كذالك ومقابيلنه ولد عمهم كذالك لازمين سلات ورد
ويه رنت الهلهوله يطشون الورد المنضر اربكني واستحيت حسيت بتوتر احس الانضار عليه
توجهو العرسان الاماكنهم كنت رفيقة سوزان وين متروح اخجل وحدي اوكف والكل غرب عني لحد ما
سوزان اندارت كالت حضلين هيج شوفيلج وحده سولفي وياهه اني وراي شغل وترتيب
كتله مااعرف
جرتني وكفتني يم ابنيه كالتله سولاف عيوني هاي رنيم متعرف احد وتستحي سولف وياهه خلنهه يمجن
فد فشلت من خجلي ومستحاي
باوعتلي البنيه كالت اهلاً وسهلاً شسمج
كتله رنيم
كالت شهل جمال اسمج يخبل واني سولاف
ابتسمت
طول الحفله كضيته ويه سولاف ضحك وسوالف مرحه وبنفس الوقت هم تستحي العرفته همه كاعدين بزاخو بعيده عن دهوك على حدود العراق تفاجئة من كالت ربع ساعه وندخل تركيا
شويه وصاحتني امي كالت هاي وداد تريدج استغربت وداد
اخذت التلفون وطلعت بره على صفحه كتله ها وداد
كالت شلونج رنيم
زينه شعجب رايدتني
كالت شريد منج يعني بس هذا ماهر يريدج
هناا اجتني نشوت فرحه مناسيني
اجاني صوته واني كلبي انمله كال هاا ام الدحايم شلونج
ضحكت زينه انت شلونك
كال تونستي شبعتي
لا والله بعدني مشايفه شي اليوم الزفه
هسه انتي وين
بلقاعه
هاا بيه الخير شلابسه
ملابس
ادري شنو
نفنوف طويل وحجاب
خوش عريض مو
اي
خوماخاله مكياج
لا بس شويه
يعني شكد
يعني بس شويه حمره وباودر
وهاي شويه
والله كلش قليل مابين
لعد المن خالته اذا شويه
ماهر قدوه لاتبدي يحجي واني اجاوب واحس كلبي طاير عليه كون هسه هوه هنا ويشوفني اتخيل تعابير شكله لو نضرته الي من يتمعن بعيوني
كال ديري بالج وكعدي يم عمتي ماريدج تفترين
كتله هوه مامتحركه بس يم سولاف
وهاي منو
اقارب بيت خال ماما
ديله ماشي ماكو هوسه يمج وين انتي
طلعت بره بلحديقه
ديله ارجعي ومثل ماوصيتج
هاي هيه
رنيم عيوني عينج على نفسج حبابه
سكتت متوتره من نبرت صوته دنكت وغمضت همست صار
فدوه الكلبج يله سدي الخط وطبي
نزلت التلفون وخليته على كلبي قتحت عيوني ادور بلحديقه ورد واشجار حلوه ضليت مطوله النضر
اجه بالي افتر واباوع بلحديقه وكفت عبرت السياج الخشب كعدت على المسطبه الجو حلو
تقربت يم شتلت ورد تلمستهن بأيدي صليت اتقرب اشم العطر وارجع راسي
فزيت على صوت التفتت سولاف وكفت عدلت نفسي كالت هاي وينج دورت لمن مليت كتله هياتني هنا
شسوين طالعه
دخت وعجبني المنظر كلت اكعد هنا
كالت دتعالي نطب جوه سوزان اكلت راسي عليج
ابتسمت ودرت وجهي انتبهت وياهه ولد سمعته دكله
دلشاد هاي هيه روح لكيته راح نطب
كال ماشي ساعه وارجعلكم نرجع
هزت راسه هوه طب قبلنه
بعد ساعتين رجعنه صح ماسويت شي بس الاصوات وهوست العرس والاغاني خلتني اتعب ردت بس ارجع وانام صدك
بس طبينه بعد مازفو العرسان للفندق بابا راح وياهم اني وماما وباجي وسزكار وسيلين رجعنه
فتت للغرفه بدلت وكبل مددت ماحسيت بروحي غير نمت
وراهه كضيت اربع ايام بين اليجون ايباركون بين فرتي ويه البنات وترتيب البيت عدهم نضام حلو يختلف عنه
كم مره رحت ويه سوزان للمولات فاملي مول ومره مول دهوك رغم ربكت سوزان وتريد كلشي مرتب ونضامي متريد خربطه وحسب الاصول
تحب الاتكيت ومهوسه بلنضامه اسمعه تحجي على سيلين لان تهوس وتمشي وتزعبل دائماً اشوف خاناتهه وغرفته مزعبله
رابع يوم رجعنه وصلنه العصر اول مطبينه لكينه الحديقه بيه اربع شاب وياهم ماهر وأمين ومهداوي
شفت ماهر دنكت وطبيت كبل للمطبخ اول مالاكتني بيبي كاعده ويمه مرت عمي خوله طبيت بحضنه
بوستني من راسي ياهلا وهلاوين شلونج حبوبه
رفعت راسي زينه انتي شلونج
عساج دوم وخرت بوست مرت عمي طبت ماما وراي سلمت عليهم
كضيت اليوم بينهم وره ساعتين طب ماهر وامين
شافني امي كال هاا ولج رحتله حضني وباسني
كال شجايبتلي
كتله جبتلك ترواكه
اي عفيه
التفتت ماهر كاعد بين امي وبيبي ومستلم بيبي تصنيف كعدت على صفحه واباوعله اريد اشبع منه ضل يسرق النضر واني طايره بي وهوه مكيف
وبيبي دكله وراك سالفه
وهوه يكله كل السوالف الخير يركض وراي مشوفيني رازقكم
وبيبي ترد اي مشوف عدنه عمارت الدامرجي
وهوه يكله تنولين كصتي وعرضتي غير امطر عليكم
وعمتي كالت ايمه مشوف اجيت انت منا صارت حروب منا
وهوه كلهه بربج هوه اني من اجيت وراهه خلصت ايران ونتهت الحرب شلج بيه يمه
كالت بيبي لا صدك حبوبه كصتك خير بس انت لايص نعمتك بيدك
كله بيبي ذكريني بهاي سعوده من دكل لحفيده لتلوص بل ....... تحسسين مثل زعيتر الوص
ضحكت كالت وانت ليش ماجنت تلوص بعمره تارص البيت واحنه وراك انضف
ومهداوي صاح اييييع بيبي رحمه الوالديج شنو كاعدين بزريبه وجبتو هلموضوع دغيرو
ماهر كال ليش انت منين من كوكب ضروك الفار ياهوه مالايص بصغره حتى رنيم
باوع عليه وغمز كشت نفسي ضحك ومهداوي كاله همزين تعرف نفسك وين جنت
وماهر استلمه وكام يقلد صوت بنيه لا خاله ماجنت اعرف هسه عرفت اووووي بيبي نزول عليج ليش ذكرتيني ولعبتي نفسي
بيبي كالتله دوخر يابيبي وكت سوالفلك
كله لا بيبي بس بداعتي ماجان مثلي
كالتله مهداوي لا انضف واحد بيكم
وهذا كام يطك اصبح حيووو عاشووو عاشووو
وماهر سكت كلهه اذا ميلوص بزغره يلوص بكبره
كام وكال يله امين الولد منتضرين
فات من يمي بدون مينتبهون من الجانب كرصني من زندي على كيف وهمس هسه حله البيت
دنكت واحس خدودي وردن وبنفس الوقت ارتبكت من نضرته وخر وطلع
وداد ... سمعت صوت ضحك ماهر اخويه وأمين عرفت بيت عمو رجعو ضليت فوك ورد نايمه وغاطه
منتضرته يتصل وكاعده على نار هاي فرصتي الولد طلعو وامي ملتهيه ويه بيبي وزوجت عمي
مرت نص ساعه وهوه مااتصل كلت مابيه مجال اني اخابر دكيت اسمع صوت الرنه وماكو جواب عدلت
كعدتي جريت كصيبتي صفح
رجعت حاولت شويه وجاوب
قيس ليش مترد ويامن مشغول
صاح ويه الخلفوج موتدرين ماعندي مجال واكف ويه الزباين شعندج داكه
ليش تأخرت
منتضر يفرغ المحل واخابرج شكو هرجتيني
تدري بيه مااتحمل الانتضار وصارلك يومين ماكو شعندك تتهرب مني كلي اخاف متريدني بعد وسحبت نفسك
كال والله بطرانه ويرادلج كلب بابا ملتهي محل وارجع تعبان وانتي كلتي امي تراقب بيه لهذا خفت عليج ومااتصلت
سكتت صح اني طلبت مايتصل
كال هاا ارتاحيتي من فورتيني
لا
اهااا بعدج مافختي
لا
وجعا
توجع كلبهم
ياهمه
ناس بالي
اممم ولج وداد ام لسانين وكت تجيني
بعد ابد التوبه اني اجيك على الركضه الركضته والخوفه الاكلتهه
ضحك صوجج شكد كتلج كولي لمج واني مستعد احاجيه بس انتي خوافه
قيس غير تحبسني وتبطلني والله ماعده مانع تحجي الماهر كلشي وسويلي مصيبه انت متعرفه ماتتفاهم بهيج امور
سكت كال دروحي هسه من افرغ اخابرج واذا متكدرين وديلي مسج
ماشي سديته منه والحيره تاكل بكلبي انتجيت على التاج ونضري للسكف اهبد بسالفه اريد اربطه جدي وعمي وماهر ذوله عضمه واكفيلي بلعومي
جدي لو عرف يعارض وماينطي وقيس يكول مره وحده اتقدم ماينطون لاتتاملين ارجع مره لاخ
شكد بوكته حجيت وتعاركت كال مابيه شي يتعيب شنو غايته من يرفض
لو اكله يريدني لبن عمي يتخبل ومااريد بسبب هذا الموضع اصير بيناتنه شرخ وتهتز علاقتنه مبينتله ولد عمنه مثل خواني
تحركت ورد التفتت فتحت عيونه كتله صح النوم
كالت ليش شكد الوقت
كتله صار المغرب
كعدت عدلت نفسه شنو بيت عمي مااجو
اجو من العصر
وكفت تلم بشعره شنو ما نزلتي
لا
مدت حلكه وكالت شكد نفسيه وحاقده
كتله مالج دخل
وطبج طوب
عافتني ونزلت
رنيم بعد اسبوع بلشت بلدورات السادس اول ايام المواضيع زينه وره شهر بلشت الصعوبات
كمت اركض من مدرس المدرس ارجع مجرد اذب روحي انام اكعد اكل وافتح كتبي امين حتى بلعطله يقره هوه ومهداوي ايسر بلش يمتحن وهم يسهر
وبابا يطب يطلع يكلهم الصاله لحد يدخله خلي اخوكم يدرس البيت كله داخل انذار من ايسر جدو حذر ماهر لاجيب جماعتك ولا طبب احد
وداد تخرجت وطلعت ناحجه وهم احتفلنه بنجاحهه وبعده نفس ماهيه شكد نحاول نتقرب منه مبتعده
رانيه بعد مارجعنه جدي وبابا رايحين النصير ورجعو كالو طبه مرض خلي تتادب طلعت هي مجاوزه وغالطه
امي كالت يارانيه مااطلع وراج لو يذبحج على هل عرامه
لحد مافديوم اجه عمي باقر يكمز شبيك مايقبل يحجي لحد مااجه جدي ونسمع مصايحهم
دخلنه وماهر واكفه وكل شويه يطفر يحجي وبابا يسكته الفتهمته مصادقله واحد عليه حجي ويشتغل بلحكومه وعنده سوابق وسجله معروف
جدي حذره وهوه يكول ماعندي شي وياا وعمو باقر يكله ثق ماهر لو وكعتنه بمشكله اتبره منك ومااعرفك
وماهر يكله عمي والله ماعندي شي ويا مجرد سلام وكلام
كله سلام وكلام يعزم بمطعم وتكعدون شكو شعنده وياك من شوكت انتو عزايم بينكم
سكت جدي كال هاي هيه باقر ماهر التفتلي هاي عدت غير سالفه تطلع لو شتميته يصير غير حجي وطول الكعده بس غير حجي ينحجي وحسابك وياي جدي
ماهر هز راسه
بابا كال عمي مدامنه ملتمين شوف بويه انت ابنه خليني وخلي جدك كدام عينك شما سوي ننعاب بفعلك
وبنات عمك وخوات يمسهن ويلوحهن
كله عمي شنو السالفه دخلتوني بسين وجين هاي هيه لا اسلم عليه ولا اوصله لو شفته بطريق ادير وجهي واغير
كله هاي هيه عمي
خلص ايسر امتحانات واني غاطه بلكتب هوه يشوفني ويتعداني مرات يوديلي حلويات بيد ورد وذيج تضجك وتغمز عمي نيالكم طيور الحب هلبت احصل هيج واحد
استحي واغطي راسي بلكتاب لو يشوفني ويشمر بوسه لو يصوفر من يشوف احد يسوي روحه يغني ويخليني اغط بهدومي يخجلني
مرات بابا يجيبلي عصاير اكعد افرش واخلي العصير يمي اجه كعد يمي رفعت راسي ضحكت هاا
شلج بهل دوخه
ليش شبيه
جنج جماره شبيج
دنكت خجلانه همست عيب لايسمت احد
شمسوي عدل كعدته ضل يتلفت ويلعب بلحيته شبيج ياعيني صرتي طماطه شحاجي
سكتت رفعت عيني يباوعي من جوه كصته ويتأمل ملامحي نضرته بيه حنيه شبه ابتسامه على شفايفه
دنكت متوتره
همس شوكت تفض
رفعت راسي شنو
باوعلي هم فهاوه وهم جمال هندي وهم كفشه
رفعت ايدي اتلمس راسي شعري رافعته لميته وره اذني
ضغوط الدراسه نستني اهتمامي بنفسي
باوعلي لا تعدلين شوكت متكونين حلوه
كملي لاتلتهين بيه
هاا مومااكدر
ليش
انت يمي ماتكدر اركز
دنك يضحك هيج وجودي يوترج
همست اي
ارتفع صوته اروح فدوه لل أي
يووو ماهر فدوه اسكت حباب
ديله ساكت وهاي كايم وكف
شنو وين
هاا مو مترديني
لا موهيج
لاهيج
والله ماهر مو قصدي
سكت لاقصدج
اجيت ابجي شافني هيج
كعد يمي ماحسيت غير حاضني ويهتز ارتبكت ماعرفت شسوي ارتفع صوته
وخر ولج تبجين سكتت واني اباوعله يضحك عليه ضربته وخر عبالي صدك زعلت
كرصني بخدي وكام كافي لاتلتهين حبيبي اقري ورفعي راسي عافني صافنه وطلع
رانيه .. وجهي لليوم مورم عيوني حمر كاعده بغرفتي وبيدي فضل وبطني تلويني كل ساعه بوجع
اليوم مسوين عزيمه النسابتهم اخذت ابني وصعدت وحلفت ماامد ايدي واساعدهن لو يصير مذابح
مر شهرين وهوه مانعني من بيت جدي وحارمني شوفت اهلي بدت الحرب البارده بيني وبينهم
اول شغله سويته اعتزلت التنضيق انزل اتريك واريك ابني واصعد انضف غرفتي واغسل ملابس والتهي بلتلفزيون
صار الغروب واكفه اصلي حسيت احد دخل كملت سمعت صوت الكنتور التفتت واكف يبدل
كال اذا كملتي نزلي ساعديهن راح يصبون
مارديت ضلت كاعده اسبح
وكف قريب يمي يم ميز المرايه مشط ورش عطر
اخذ فضل ونزل
كملت صلا بين مالميت الجادر وطلعت اعزل بلهول
سمعته من جوه صاح رانيه مديت راسي
هااا
كملتي يله نزلي
كتله مااريد
عكد حواجبه نزلي
كتلك مااشتهي وراي شغل
عوفي البيدج وانزلي ساعدي البنات
اخذت نفس كتله ماشي هسه نازله بس ابدل
درت وجهي ورجعت وبدي اكضه كطعه كلهن واكفات وبيهن يفترن وكدامهن يتامر
كلت ربع ساعه اذا ماصاحني ماانزل صدك مرت نص ساعه واني اسمع اصواتهم وطبيعتهم مابيناتهم حوتجز وتواصلهم مستمر فناس متخذه على ناس
تمددت واحس بطني بدت تكبر
اخذت الجهاز اتصلت على امي سمعت اخبارهم اعرف بيه مثكله عليه
سالته على رنيم والبنات وجدي واخبار بيبي
شويه وكالت خبر صدمني
ماهر محاجي جدي على رنيم وحاجزه يم بابا على ابو ابن عمهه واوله بيهه ويريده
سديته واني مصدومه ماهر ورنيم هذا يدمرهه بس ياخذه رابيه وياا واعرف تفكير
........يتبع