#...عشقت رجلاً متزوج

الاحداث الاخيره

" بقلمي نجم اليل "

#عشقت رجلاً متزوج

#الاحداث الاخيره

.

ضليت ابجي بصدمه من تصرفه جانت هاي أول مره يضربني بيها ابد ماسوها..

حتى بالكلام مايغلط عليه ..
هو كال ..

محمد...تجبريني اتصرف تصرفات ماريد اتصرفها افهمي وبعدين احجي

دنكت راسي وجاوبته بصوت خافت ..

حنين...هاي هيه فهمت

كتله هيج هو توجه للباب ركعه كل قوته حتى فزيت مو قوة الصوت ..

جرت بروحي جر حضرت الي كم لبسه مابقى والله بعد

وخليتهن جوة الجربايه وهو بعد ماجه لوره أذان العصر .

جنت متمدده ومنومه عشق اجه كعد يمي اريد اكوم لزمني نترت ايده دنكت طلعت الجنطه وتوجهت البس عباتي .. وكتله

حنين...اريد اروح لاهلي وهسا

محمد...ماكو روحه

حنين...لا تخاف ضل هنا هسا اخبر ابويه يجي ياخذني

محمد...من شوكت هل حجي لاتكبرين سالفه وهي زغيره وتافه من وره تسرعج

حنين...لا اكبرها ولا ازغرها اخذني لاهلي

بدة يعصب وكال

محمد...سدي الموضوع ماريد اسمع منج أي كلمه اي كلمه ماسمع وطلعه ماتطلعين خليها بالج ..

واتصلي وشوفي شيصير 

سكتت هو طلع معصب بقيت كاعده ابجي .. خلي مدام مايخليني اروح

راح يشوف غير شي ..

اليوم هو ينام يمي بقيت نومت عشق وماكلت من الصبح وارسي يوجعني 

اجه هو يحجي ويحاول يتعذر بس اني بس ساكته ماجوبت وبس اهز براسي  

حتى من تقرب بقيت جامده وياه ماصدرت اي حركه او صوت هو ضاج كلش .. ونفر مني دار ضهره وهو يسب ويستغفر .

نمت وثاني يوم نفس الشي ماحجي وياه وشيطلب بس اهز براسي وياه غيره احجي ..

اليوم هو ينام عند ندى وصبح يروح يداوم .. بقيت كل ليل ابجي  .

أول مره يروح وحنه هيج وضعنه ..
ستمر هيج الحال ومن راح ماخبرت علي هو يدك وانطي لعشق تضل تناغي ..

وهو يحجي وياها ويعاتب بيه لان اني فاتحه السبيكر ..

ومره حطت حاله ع الوتساب اغنيه انت خاين ماريدك

لكيته داز رزاله شطلها ماقريت شي بسرعه حذفتها ونوب دز ورب الكعبه اذا ماحذفتيها هسا اسوي شي مايعجبج

رغم جانت بس رساله بس مدري منين الخوف اجاني بسرعه حذفتها وماجوبته هو من شافها محذوفه دز

قلوب وكاتب عفيه بحبيبتي التسمع الكلام.. تعصبت كلش جان اروح ادور انوب اغنيه

لكيت اغنيه اصاله مخادع متت ضحك حطيتها واني اضحك هو شافها ودز سمايل معصب ..

اني متت ضحك جان العب عشق واغنيلها وادوس ع صوت عود اغنيه وكلت ..

مشاعري البريئه وحلم الزماان قلولي ان قلبك وحبك امان .. مشكتش لحضه بانك تخون وتجرح وتخدع ..

وكملت كلامي وي عشق وكتلها .

حنين...ياحقيره هاي جاي تسجلين شو نطيني

وقفت وصل علي وشافه وصار المايك لونه ازرك دليل ع سماعه ..

بعدها مبايلي نفجر من الاتصالت بحيث بدقيقه اتصل اربع مرات او هيج ..
واني ماجوب هسا معصب

والله يذبحني عاد بوحده رفعت علي ورفعت السبيكر نطيته عشق وهاي ماصدكت بسرعه  اخذته وحطته بحلكها

خررب حظي سماعه راح تروح من وراها هههههه وهو يكول ردي لا اكلب الدنيه بعدين حجيت ...

حنين...عمري عشق انشاء الله نروح ع جدادج بعد مالنه مكان هنا ابوج مايردنه ..

ومايحبني يجذب عليه بس بهذلني وكسرني انشاء الله نروح ومانرجع هنا لان جاب عيله جديده اله

هو عاط بعلو صوته ..

محمد...انتي جاي تمسلتين شوفي حنين طلعه ماكو ورب الكعبه اذا طلعتي شوفين شي موصاير

بده صوته يضعف من الصياح عزززه بعيني بس لا علك ضغطه الله لايوفقني هسا يروح بيها ياربي ..

اريد احجي هو سده خلاني اتكلب بناري ..
نزلت ركض حتى عشق نسيتها رحت ع ندى هي من شافتني اخترعت وكتلها اني والهث

حنين...شو عفيه شوفي محمد

ندى...خير صاير شي

حنين...شوفي شو ماكو

ندى....لحضه

من شافتني خافت شكد مو خايفه كوه لكت الاسم اتصلت محد يرد .. وكالت

ندى...خاف بالواجب خلي شويه وين بنتج

عزززه لطمت ع صدري وكلت عززه وركضت سويت درج خطوتين ..

الي يشوفني يكول مخبله رحت لكيتها متمدده ع ضهرها وتلعب بالفون

وشفت عمتي هناك مدري شحطت بين الفرش طبيت وهي كالت ..

-شلون تعوفينها هيج وحدها

بقيت ساكته وهي طلعت ..
رحت ع مكانها شفت خيط أحمر وعاكته ثلث عكدات

بسرعه كلت خاف مسويه عمل .. رحت جبت علاكه وشلته اتفحصه ..

مدري شسوي وجتني البجيه تذكرت مره فلم رعب هندي واحد يخلي سحار يشد الخيط ويلوي وهذاك

عظامه تتكسر ويطلع دم ويرجع يفر  الحبل بالعاجه وتختنك البنيه

ماعرف شسوي كلت اكول اندى بس خفت .. بعدين رحت ع اليوتيوب

هذوله الي يكتشفون سحر ومدري شنو .. يفتحون قفوله وخيوط عززه

كلت اخاف افتحهن وجسمنه الكي كل قطعه بمكان

الخووف اكلني اكل كمت ابجي ولازمته بطارف العلاكه تصلت ع ندى وهي اجت ..

وكتلها هيج وهيج شسوي .. هي كالت خاف شافته وشالته 

كمت ابجي واكول مادري مادري 
منه محمد مدري صار وياه ومنه هذا الخيط حرك اعصابي وكالت ندى ..

ندى...راح اخذه واشمره بغرفتها اذا شفنه وي الوصخ يعني ماكو شي واذا ملكينه يعني هي مسويه

عشق كامت تبجي اخذتها اسكتها واني ابجي وندى كالت لاتخوفين البنيه ..
سكتت حالي كوة

اخذته وطلعت وهذا محمد ماكد بعد ماتصل ..

ورحت عساس اكنس البيت وجان كدامها الخيط اخذته بالمكشه ورحت شمرته بالحاويه ..

بقيت اراغب الحاويه هي ماطلعت بقيت لليل اراغب وهي ماكو الحمدالله يعني ماكو شي .

بس ضليت اوهوس ومحمد بعد ماتصل مرات تجي ندى تاخذ عشق يحجي وياها ..

وطول الفتره يوميه اشغل قرآن بالغرفه كلش خفت  من سالفه الخيط   ..

وستمر هيج الحال الى ان اجه من دوامه بس تعاملي معاه ماتغير ابد ..

شيطلب بس اهز راسي وهو يحاول يستفزني بس باقيه ساكته

حاولت ابعد فراشي بس هو يعصب ويرجعني غصباً عليه ..

ثاني يوم مر الوضع طبيعي بين تجاهلي وتجاها الي ..

وكل شويه مكومني ع شي حتى الاكل صار عليه سم وماكلت شي ..

من الصبح وهسا اريد انوم عشق حتى هو حس حيل ضايقني بس بقيت ساكته ..

نامت واني نمت مقهوره من كلشي منه ومن حالي ..

تمددت احاول انام ودموعي نزلن وهو تنهد وجر حسره وكال ..

محمد... ترا والله مو مثل ما مفكره 

بقيت ابجي هو تقدم حضني ويحجي بهدوء وكال ..

محمد...ترا كلمتي عليها تعرفيها قبل اليوم كتلج من شفت صورها عند شباب وساتر عليها ..

ويابه بالقرآن بالقرآن مابينه شي صار لا قبل ولا هسا ولا وعدتها بشي ..

كتلج وشرحتلج من قبل ترا تصرفج ماله داعي ..

وفوك كل هذا تنزلين انت خاين ومخدع وتعاتبين خليتيني اشك بروحي ..

اني ماصدكت صرتي الي شعندي اخسرج بس انتي متسرعه افهمي عاد ترا طلعت روحي تجبريني اتصرف تصرفات ماريد اتصرفها

بقيت ساكته صدك اني ثوله شلون نسيت بس ولو مارضى والله شنو يضربني  وهيج يسوي وياي ..

هو مسح دمعتي بطارف اصبعه وطبع بوسه خفيفه ع خدي وكال ..

محمد...لا تخافين والله ماكو شي مابدلج بنسوان العالم نامي ورتاحي ... وباجر نشوف شغلنه

وضحك بتسمت ابتسامه خفيفه وسريعه  وغطيت وجهي

لنص اليل كعدت ع عشق لزمتها مصخنه صايره نار وتبجي اكعد اسكت بيها ادور شراب مخفض حراره ماكو ..

شو ملامحها تغيرت وبس رافعه عيونها ماترمش

بسرعه صرخت ومحمد كعد مفزوع يكول شكو شكو

كمت اصيح

حنين...عشقي ماما ردي عليه

وهي ماكو نفس

حنين...هاج المبايل

وهي ماكو محمد اخذها واني ابجي خلاها بحضنه هي رفعت عيونها ع وسعهن

ودينها جمدن عن الحركه
كمت الطم وصرخ ومحمد يحجي وياها وهي بس ساكته ..

محمد...بنيتي شو بابا افتحي اصبعج

وهي ماتفتح محمد يحاول يفتح اصبع وهي ماكو وجها زرك كمت الطم وابجي

اصيح يمه وينج والباب ندك محمد نطانياها وراح فتح طبو اهله مستغربين

محمد كعد ع حافه اصبعه عن الباب وشفت دمعته وندى ركضت عليه

واني ابجي بقيت اني وندى نحرك بصابعا وماكو اخذت عصير جانت تشرب منه .

حطيته بحلكها وشويه شويه كامت تفتح اصبعها .. صحت ع محمد اجه اخذها ومو مصدك .

ضل يقرها عليه واني وندى نفرك بطراف جسمها ..

شويه كامت تتحرك شويه شويه يرجع لونها طبيعي لان زركت صارت زركه وصابعها مايتحركن

بس هسا شويه احسن بقيت كل اليل كاعدين اني ومحمد وندى  فوك راسها ..

وعمتي نامت عدنه جهال ندى خلتهم عند حماتي .. 

ماقبلت تتركنه خطيه .. وعشق نامت لصبح ياله كدرنه نتحرك ..

راح محمد جاب الها طلي وذبحو وعزمو اهلي وعزمو ناس هم ..

للعصر ياله الكل راح

مر كم يوم .. جان يخابر ابو خالدة وفاتح السبيكر .. وكاله تعال يوم نتونس  محمد كاله ..

محمد...انشاء الله الله كريم

ضلو شويه يحجون ورحت علي معصبه وكتله ..

حنين...شوف محمد والله اذا تروح والله تنساني خوش 

كتله هيج ومشيت معصبه صعدت ع الغرفه 

وهو لحكني طبيت وهو طب ودفر الباب وقفله وقرب عندي جان معصب ..

رفع ايده وخنكني واني ارجع لحد ضهري طخ الحايط وابجي .. وخزرني وضغط حيل

ماحسيت غير شفايفه تحتضن شفايفي مانكر مشتاقه اله بادلته بكل شوق ولهفه 

خليت ايدي وره ضهره وحضنته قوي  هو ستلمني بوس ومحاضن فقد كلش .. 

ولمساته الجريئه وهمساته ..

الكاتب... ونطردنه هههههه

بقيت حاضنته ضل يبوس براسي ويلعب بشعري بقينه نحجي .. وكل واحد طلع غلطه وعتذر

ومرت ايامنه هادئه وهو كلش متخبل ع عشق من تمرض كلش تعلق بيها بحيث مايقبل احد يزعلها

ومن تصخن اضل مكابلتها واخاف لايصير بيها مثل مصار بس الحمدالله 

وعمتي علاقتي بيها يعني مرات زينه ومرات لا وهي وي الكل هيج 

وقبل فتره قصيره ندى اخذت تحليل طلعت حامل شهرين ..

واني بعد ماكو شي والحمدالله حياتنه حلوه وهادئه ..

ولهنا وسردت الكم كامل الاحداث .. ذني الحداث مو جديده لا من زمان بس البارت الاخير صار طويل ومكملت هذني لان ماتغير شي بس اخر خبر ندى حامل .. 

رجعت نشرت الاحداث لان ماعندي شي والقصه جديده بعد مو كامل سردها شوكت مايكمل السرد انزلها .. عنوانها اكرهك حد العشق .. وجتني بعد قصه واحداثه حلوه بس بعد كلشي مانسرد منها لان البطله عدها ضروف والي تخلص اول انزلها انشاء الله⚘
....غلسووو💔😁 لان رجعته بس نت زفت حشاكم ويمكن ضل ع قبل التحديث☹

الى القاء نجومي☆💜