إمراة في عصمه صعيدي «قيد التعديل»

الفصل السادس عشر..

نكمل روايتنا(إمراة في عصمة صعيدي)بقلم سلسبيل كوبك...
الفصل ال16..
اخر حاجة وققنا عندها في الفصل ال15..
_و فجأة بدون مقدمات صوت رصاصة دوت في المكان....
كل البنات اتخضوا و خالد وقف عريبته بسرعة..
حازم:ايه ده؟؟
جاسر:الكل ينزل لتحت..
دعاء و دنيا و فيروز وطوا رأسهم..و ديما بتعيط..
جاسر:نزلي رأسك..
جاسر(بصوت عالي):اركب يا خالد.
جاسر مشي بعربيته بسرعة و كان فاضل مسافة صغيرة علي البيت...
فتحية:الطف بينا يا رب..
الكل نزل من العربيات..
ديما(بصريخ و عياط):انت انت متصاب..
الكل خد باله من كلام ديما..و ديما قربت من جاسر بسرعة..
ديما(بعياط):انت انت كويس؟؟
جاسر(بتعب و هو بيغمض عينه):اه متقلقيش..
خالد:لازم نروح المستشفي..تعالي..
خالد ركب جاسر و ديما ركبت جمبه..و حازم ركب قدام...
خالد(بزعيق):كل الستات تدخل علي جوا يلا..
فتحية(بدموع):ابني...
جملات:اهدي يا فتحية تعالي بس ندخل دلوقتي..
و كل الستات دخلوا...و دعاء و فيروز و فتحية بيعيطوا و اسماء و جملات و دنيا بيحاولوا يواسيهم..
عبير(بشماتة):ايه مات حد؟؟
فتحية(بزعيق):اخرسي يا عبير..و امشي من قدامي..
عبير خافت و طلعت اوضتها تاني..
_عند جاسر...
ديما(بدموع):جاسر جاسر انت سامعني...
حازم:هيبقي بخير يا ديما متخافيش..
خالد:انزلوا...
خالد و حازم سندوا جاسر و دخلوه المستشفي...
ديما(بعياط):لو سمحت عايزين دكتور بسرعة..
ممرض:حاضر..
الممرض نادي دكتور و الدكتور جه و خدوا جاسر لاوضة العمليات فورا....
حازم:اقعد يا ابني و اهدي...
خالد(بعصبية):ما تخرس انت شوية..
حازم راح و قرب من ديما و حضنها و ديما قعدت تعيط...
و بعد فترة بسيطة خرج الدكتور...
ديما(بعياط):اخباره ايه؟؟
الدكتور(بابتسامة):متخافوش هو بخير الرصاصة كانت طايشة يعني الاصابة مكنتش عميقة و هو بخير الحمد لله...
خالد:الحمد لله..
الدكتور:بس لازم نعمل محضر..
حازم:اكيد..
خالد:لا انت طبعا عارف الاصول عندنا يا دكتور..
الدكتور:براحتك يا خالد بيه..
الدكتور:هيتنقل اوضة عادية حالا..
ديما:شكرا يا دكتور..
حازم:يعني ايه مش هتعملوا محضر..
خالد:ياض ما تخلنيش اتغابي عليك..
ديما:بس بس...
ديما:جاسر هو اللي يقرر خلاص..
خرجوا جاسر علي نقالة و نقلوه اوضة عادية...
ديما طلعت تليفونها و اتصلت بدنيا..
الخط اتفتح..
دنيا:طمنينا يا ديما..
ديما:بخير الحمد لله..
دنيا:طب الحمد لله...نيجي؟؟
ديما:لا لا...لما يفوق هشوف ايه اللي هيحصل..
دنيا:تمام...
اسماء:ها يا بنتي؟؟
دنيا:الحمد لله بخير...
دعاء:الحمد لله...
فتحية:تعالوا نقوم نصلي كلنا نشكر ربنا..
جملات:يلا يا دنيا..
دنيا(باحراج):مش عندي حاجة طويلة البسها...
فيروز:هوديكي الاسدال بتاعي..
دنيا:تمام شكرا...
_عند ديما..
خالد:هروح ادفع الفلوس و اعمل كام حاجة كدة...
ديما:تمام انا هفضل معاه..
خالد:تعالي معاياا...
حازم:انا..
خالد:في غيرك هنا..
حازم:يا ابني احترمني شوية الله..
ديما:خلاص يا خالد معلش يا حازم..
خالد و حازم مشيوا..و ديما قعدت علي الكرسي اللي في الاوضة...
و بعد ساعتين جاسر بدأ يفتح عيونه ببطء..
جاسر(بخفوت):ماية..
ديما قامت بسرعة و قربت منه..
ديما:انت فوقت انت كويس حاسس بوجع؟؟
جاسر(بخفوت):عايز مايه..
ديما:حاضر ثانية...
ديما خرجت و نادت علي الدكتور..
الدكتور:بخير الحمد لله...حالته كويسة..
ديما:شكرا..
الدكتور:عن اذنكوا..
جاسر(بخفوت):هي دي الماية؟؟
ديما:لا لا اسفة كنت بس بطمن عليك...
ديما صبت لجاسر كوباية ماية و بدأت تعدله قعدته و ساعدته يقعد نص قعدة و بدأت تشربه مايه...
جاسر:شكرا...فين خالد؟؟
ديما:قال هيخلص كام حاجة كدة و جاي..
جاسر:طب يلا عايز اخرج..
ديما:نعم لا طبعا...انت لسة متصاب..
جاسر:عايز اخرج يا ديما..
ديما:ابدا..
جاسر مسك ايديها جامد..
جاسر(بحدة):لما جوزك يقولك حاجة تنفذيها من غير اي كلمة...فاهمة؟
ديما(بدموع):سيب ايدي..
جاسر ساب ايديها و ديما خرجت بسرعة من الاوضة...
ديما:لو سمحت يا دكتور ينفع يتكتب ليه علي خروج؟؟
الدكتور:طب ما الاول امسحي دموعك يا قمر..
ديما(بعصبية):افندم؟!
الدكتور(بابتسامة):اسف بحاول اخفف عنك...
الدكتور:هو ممكن يخرج لان الاصابة مش عميقة و لا بالغة يعني...بس لازم تغير علي الجرح و مراعاته و ميعملش مجهود يعني..
ديما:تمام شكرا...و اسفة اني زعقت لحضرتك..
الدكتور:و لا يهمك...
ديما دخلت تاني عند جاسر..
جاسر:هخرج؟.
ديما:اه..
ديما طلعت تليفونها و اتصلت بخالد...الخط اتفتح..
خالد:الو يا ديما في حاجة؟؟
ديما:جاسر فاق و عايز يخرج و الدكتور وافق..
خالد:طيب ربع ساعة و جاي..
ديما:ماشي..
جاسر:اسف يا ديما..
ديما:و لا يهمك..
جاسر:انا مبحبش المستشفيات...
ديما:انا متعودة كتير اوي كنت بروح المستشفيات..
جاسر:بجد!!
ديما:اه...كنت كل شوية كمان بروح القسم..
جاسر(بصدمة):نعم يا اختي؟!
ديما(بضحك):هفهمك..بلاش رفعة الحاجب دي..
ديما:بص يا ابني انا كنت لما اروح مكان كافتيريا بار مول اي مكان كان بيبقي دايما في شلة الولاد الفاسدين دول...لما حد يعترض طريقي كنت بمسك اي حاجة قدامي مرة مسكت مكنسة و الله و بضرب علي الدماغ..و بتحصل حاجة من الاتنين لاما اجري و اروح البيت و الاقي محضر معمول ليا...لاما الامن يجيوا و يودونا علي القسم..
جارس:لا و الله لا تصدقي حاجة مشرفة ده انتي علي كدة ليكي بطولات..
ديما:متعدش يا جيمي..
جاسر(بحدة):طب اتعدلي و احترمي نفسك..
الباب خبط..
جاسر:ادخل..
خالد:حمد لله علي السلامة يا صاحبي..
جاسر:الله يسلمك..
حازم:الف سلامة عليك..
جاسر:شكرا..
خالد:خدي يا ديما هدوم لجاسر لبسيها ليه و احنا هنستناكي بره..
ديما خدت منه الهدوم بصدمة و هي فاتحة بوقها..
خالد و حازم خرجوا بره و قفلوا الباب..
جاسر:قوميني...
ديما:ايه؟!
جاسر:مسمعتيش قوميني..
ديما مسكت ايد جاسر و قومته..
جاسر:هاتي العباية..
ديما:تمام...
جاسر بدأ يقلع عبايته اللي اتقطعت اثناء العمليه..و ديما ساعدته و لبسته العباية التانية...
ديما:جاهز؟؟
جاسر:تمام..
ديما و جاسر خرجوا و خالد و حازم و كلهم روحوا علي البيت...
_في البيت...
فتحية:ابني..
فتحية حضنت جاسر و جاسر حضنها..
دنيا:الف سلامة..
دعاء(بدموع):ابيه انت بخير؟؟
حازم(بمرح):زي الحصان اهو ده واخد رصاصة و خارج في نفس اليوم...
خالد:ليه مفكره مش راجل زيك؟؟
حازم معالم المرح راحت من عنده و سابهم و راح علي اوضته...
ديما:انتوا اغبية...
دنيا:مش بتعرفوا تتعاملوا..
ديما و دنيا راحوا لحازم...
سارة:سابت جوزها و راحت للي متربية معاه..
اسماء:مش هنخلص في اليوم الاسود ده..
جملات:لما حد يدخلك في الكلام يا سارة ابقي اتكلمي..
جاسر:خلاص خلاص معلش يا سارة...
فيروز:اوف هموت...حمد لله بالسلامة يا جاسر...
ديما:اسفين و الله يا حازم...
حازم:انا غلطان اني نزلت مصر اساسا..
دنيا:خلاص و النبي متزعلش احنا ما صدقنا انك جيت...
حازم:لا ما ديما متجوزة اهو مش محتجاني..
دنيا:بس انا محتجاك يا حازم انا لسة متجوزتش..
حازم:برضو لا انا غلطان اني اصريت علي دادة ناصرة تقولي العنوان فين...
ديما:بليز يا حازم...
حازم مسك شنطته و سابهم و مشي..
ديما(بدموع):و حياتي عندك طيب..
دنيا:طب طب علشان خاطر عمو محسن اللي رباك اللي يعتبر والدك متسبناش...
حازم:انا مش هرضي اقعد في بيت محدش فيه طايقني...
ديما:انا و دنيا بنحبك انت اخونا...
جملات:يا ابني هو بس انت لازم تراعي ان ديما متجوزة صعيدي و الصعيدي دمه حامي و مش هيقبل علي مراته انها تحضن اي حد و انت مش اخوها بالدم و لا بالرضاعة انتوا بس متربين مع بعض و الكلام ده من سنين..
حازم:فاهم...بس يجي يقولي مش يتكلم بالاسلوب البارد و المستفز ده..
خالد:اديك عرفت...و كمان جاسر تعبان مش عايزين مشاكل بقي...
دنيا:يلا بقي علشان خاطري و النبي..
ديما:بليز يلا بقي يا حزومة..
حازم:ماشي يا ديما...روحي لجوزك انتي..
ديما:طيب بس مش هتمشي...
حازم:لا..
دعاء:و الله هتنبسط معانا اوي...
فتحية:تعالي يا ديما..
ديما:حاضر..
فتحية و ديما طلعوا علي اوضة جاسر...
فتحية:ها يا ابني هتعمل ايه؟؟
جاسر:الحاج راجع بكرة المفروض يرجع يلاقي كل حاجة زي ما هي...يعني كأن محصلش حاجة..
فتحية:متأكد؟؟
جاسر:اه...
ديما:طب و الجرح؟؟
جاسر:الدكتور قال انه بسيط..
ديما:بس برضو قال متحملش عليها..
جاسر:دي ايدي و انا ادري..
ديما:براحتك ايه ده..
جاسر:ما هو براحتي اساسا...
ديما:مغرور...
جاسر:احترمي نفسك..
فتحية(بصوت عالي نسبيا):بس ايه ناقر و نقير...
ديما:هو اللي بيستفزني و كمان اكيد ربنا عمل كدة بسبب الذل اللي ورتهولي الصبح...
جاسر:و لما اقولك لازم اشوف اللي هتلبسيه الاول كدة يبقي ذل...هبلة..
ديما:شايفة يا طنط بيغلط فيا..
فتحية:انا قايمة بس...
جاسر:فكرتي يا فيلسوفة في طريقة علشان الحمل..
ديما:بص في فكرة بس معرفش اعمل ايه..
جاسر:قولي..
ديما قربت من جاسر و قعدت جمبه..
ديما(بهمس):هنروح للدكتور و نيجي نقولهم انك مش بتخلف و انا هبقي قليلة الاصل و هسيبك...
جاسر(بزعيق):نعم يا اختي و اشمعنا انا...روحي شوفي غيرها قال مبخلفش قال..
ديما:ليه بس يا ابني؟؟
جاسر:قولت الي عندي..
جاسر سابها و مشي...
ديما:اوف طب اعمل ايه؟؟
-و بعدين ديما غمضت عنيها و رجعت رأسها لورا و قعدت تفتكر لما كانت راكبة علي الخيل و مبسوطة و افتكرت لما اعتذر ليها و لما جاب ليها مارشيملو و افتكرت لما شالها بين ايديه لما كانت بتعيط و افتكرت لما خدها في حضنه و افتكرت لما شالها بايد واحدة في الاستراحة...و افتكرت لما كان راكب علي الحصان ليلة الفرح..و افتكرت لما دخل بعد كتب الكتاب و باس رأسها و لما لبسها دبلته..و اخر حاجة افتكرتها لما قرب منها...
ديما قعدت تضحك علي كل الذكريات و هي مغمضة عنيها و مبسوطة...
..........................................
-في الجنينة..
دعاء(بدموع):طب اعمل ايه بقي؟؟مش فاهمة اي حاجة...
حازم كان بيتمشي و لقاها بتكلم نفسها..
حازم:بتكلمي نفسك؟؟.
دعاء(بدموع):سيبني في حالي مش قادرة اتكلم بس...
حازم:اهدي بس حصل ايه؟؟
دعاء(بدموع):مش فاهمة الحتة دي و و لازم افهمها علشان احل عليها علشان الواجب علشان الاستاذ ميضربنيش..
حازم:بسيطة خالص..متزعليش نفسك..
دعاء:ازاي بس؟؟
حازم طلع تلفونه و مسك الكتاب و دخل علي النت..
حازم:خدي يا ستي دول مدرسين اونلاين هيشرحوا ليكي اللي انتي مش فهماه....
دعاء:بس ازاي؟
حازم:خدي شوفي..
دعاء مسكت منه التليفون و سمعت الفيديو و كانت مبسوطة...
حازم:فهمتي؟؟
دعاء:اه شكرا ليك جدا..
دعاء بدأت تحل المسائل و خلصت بعد فترة...
دعاء(بفرحة):اخيرا...شكرا ليك اوي..
حازم:علي ايه انا موجود في الخدمة علطول...
دعاء:تسلم معلش تعبتك...
حازم:لا عادي...عن اذنك..
حازم قام يتمشي و دعاء باصة ليه....
فيروز:قفشتك...
دعاء(بخضة):في ايه؟؟
فيروز:بتعملي ايه يا قطة؟؟
دعاء:كنت بحل المسائل..
فيروز:و الله..
دعاء:بت مش فايقالك..
فيروز:ماشي بكرة تندم يا جميل...
دعاء:لما يجي بكرة..
البنات قاموا...و حازم كمل تمشية في الجنينة..
جملات:يا بنات يلا الرجالة قربت توصل علشان بكرة فرح سعاد...
سارة:مش عارفة عمي مكلف نفسه ليه...
اسماء:ثواب يا سارة و يلا روحي مع البنات...
سارة:لا بتخنق مليش فيه....
فتحية:من امتي بقي ان شاء الله؟؟
سارة:بقيت اتخنق...
خالد و جاسر كانوا ماشين..و ديما نازلة علي السلم..
خالد:طيب يا جاسر انت متأكد انه مش هيحصل حاجة...
جاير:معرفش بس الامر زاد عن حده..
سارة(بصريخ):الحقني يا جاسر..
سارة وقعت علي الارض و جاسر جري عليها بسرعة..
جاسر(بقلق):مالك؟؟
دنيا(بهمس):البت دي مش سالكة..
فيروز(بهمس):طول عمرها انانية..
دعاء(بهمس):مش بعيد تأخد جوزك منك..
ديما(بحدة و صوت واطي):بس...
سارة:اه الحقني يا جاسر رجلي....
فتحية:نضربك بقي بالشبشب اربعين مرة هتخفي يا روحي..
سارة:لا يا جاسر بليز...
ديما(بعصبية و همس):دي اتعلمت البليز...
جاسر:ايه التخاريف دي يا امي..
جاسر:اوديكي المستشفي؟؟
سارة:لا لا..ساعدني بس..
جاسر قوم سارة و اول ما سارة وقفت...
سارة(بصريخ):اه رجلي مش قادرة..
جاسر بسرعة شالها بين ايديه..
ديما(بغيظ):ايه دلوقتي احسن يا سارة؟؟
سارة:شوية يا ديما..
جاسر شال سارة و طلع علي السلالم جمب ديما و دخل علي اوضة سارة و قعدها علي سريرها...
سارة:اسفة يا حبيبي قلقتك عليا..
جاسر:و لا يهمك...المهم ارتاحي انتي دلوقتي..
سارة:تسلم..
جاسر:حاسة بوجع؟؟
ديما فتحت الباب بغيظ.. و ربعت ايديها..
ديما:جاسر ممكن تيجي ثانية...
جاسر:تمام...ارتاحي يا سارة..
اسماء:دي بت مايصة..
دعاء:مشفتوش النار اللي كانت بتطلع من عيون ديما..
خالد:سارة كانت بتستعبط اساسا..
_عند ديما و جاسر..
جاسر دخل و ديما وراه و قفلت الباب..
جاسر(باستغراب):في ايه؟؟
دميا بصتله بصة هو مفهمهاش...و ودته ضرها...
جاسر:ده لعب عيال ده و لا ايه؟؟
-و في اقل من لحظة لقي علي رقبته سكينه..
جاسر بص لديما بصدمة اللي ماسكة بايديها السكينة و حطاها علي رقبته و ايديها التانية حطاها علي صدره...
جاسر(بصدمة):في ايه يا مجنونة؟؟
ديما(بغيظ):بص بقي يا جاسر انت مش تفضل تقول متكلميش ده متهزريش مع ده متحضنيش ده متقعديش مع ده...انا صعيدي انتي مراتي المفروض تحترميني و شكلك من شكلي..احترامك من احترامي و الكلام الهبد بتاعك ده..انا بلتزم بيه صح؟؟
ديما:صح..
ديما:مش بقي لما اكون ملتزمة بالكلام و مخلية صورتك حلوة وسط الناس و محافظة علي سمعتك...تروح جنابك تلمس بنت تانية و تشيلها و هي تمسك رقبتك.. الكلام ده ميلزمنيش اينعم مش بنحب بعض و متجوزين بعض غصب بس برضو شكلي قدام العائلة مهم...
في اقل من لحظة ديما لقت نفسها علي الحيطة و جاسر قدامها و رافع ايديها الاتنين لفوق بايده...و السكينة وقعت علي الارض..
جاسر:شكلك لسة متعرفيش جاسر القاضي يا ديما...
جاسر:مفيش حد اتجرأ و رفع عليه سكينة...و مش علي اخرة الزمن واحد ست هي اللي هترفع عليا السكينة...فاهمة؟
جاسر:و اللي جنابك متعرفهوش ان انا و سارة متربين مع بعض و يعتبر احنا اخوات...يعني اللي عملته واجبي كأخ ناحيه اخته..
ديما:طب ما انا و حا...
ديما قبل ما تكمل كلامها لقت جاسر مقرب عليها و (لخيالكوا) و جاسر كان عارف هي هتقول ايه و انها هتقارن بينه و بين حازم...
الباب اتفتح فجأة..
جاسر بعد عن ديما بسرعة و ديما استخبت ورا ضهره و وطت رأسها باحراج...
جاسر:خير في ايه؟؟
فتحية:مفيش كنت عايزة ديما..
ديما(باحراج و عنيها في الارض):حاضر يا طنط..
فتحية:بعد ما تخلصي انزلي لتحت...
ديما(باحراج):لا انا مش ورايا حاجة..
ديما سابتهم و جريت علي تحت...
فتحية بصت لجاسر و جاسر بصلها باستغراب...
جاسر:خير في ايه تاني؟؟
فتحية:اللي انت عملته تحت ده غلط..
جاسر:طب ما انا شلت ديما قبل كدة لما وقعت في الترعة و اغمي عليها..
فتحية:برضو ديما غير سارة اديني بقولهالك ديما احسن يا جاسر اسمع مني انا عارفة مصلحتك فين..
جاسر(بملل):حاضر يا امي..
ديما نزلت جري علي السلالم و راحت للمطبخ و هي بتأخد نفسها...
جملات:مالك يا جميل؟؟
ديما(بخضة):طنط انتي هنا؟؟
جملات:مالك يا بنتي وشك احمر كدة ليه؟؟
ديما(بتوتر):مفيش حاجة انا بخير...
دنيا:انتي وشك مش بيحمر الا لما تكوني في موقف محرج او تكوني معيطة و انتي مش باين انك معيطة محرجة ليه...
ديما:بس بقي رزلة...
تهاني:ستي يا ستي الحقي الشيخ مزروق هنا..
جملات و اسماء(بصدمة):يا لهوووووووووووي..
.................................................
يتبع::🌍💜..
بحبكوا🌍💜..
يا رب الرواية تنال إعجابكم😘🖤..