دخل خليل البالكون زاااعف و تيدوووز يدييه على لحييتو و تيتسناا غير تبان ليه سجود عينيه مفيكسين على طريق خرج تليفون من جيبو تيقلب على المكالمة ديال لوجين لقاها مسحاتها ولكن دخل لها من جهة لخرى طلعات ليه المكالمة مسجلة طلقها وبداااا تيسمع فهضرتهم كاملة تيتنفس بعصبيييية و عينيه حماارو عروق يديه وعنقو تنگو بالعصاااب
لعن راااسو و ضرب يدوو مع الحييط تا حس بالصداااع فعضااام كفووو لوجين كانت ناعسة قفزااات من بلاصتها بقااات هكاااك تتشوف فيه فالبالكون واااقف وغير تيصوت والگاارو محيدش من يديه وااحد مورااا لخور ندمات گاااع علاش گاالتها ليه ولات تطلب الله باااش ماتجيش سجود عندو وهو فهاااد الحاالة شوية شااافتو جاااي تيزرب دغية دااارت رااسها ناعسة جااا وقف على راااسها وجر عليها الغطااا بجهد وجرها من يديها
لوجين : ااااي طلق يدي واااش نتا حمااقيتي اش بغيتي عندي
خليل : واااش شعلتي ديل مي ومشيتي تنعسي تهزي هااهيا جاااات
سمع دقاان خرج تيزرب احل لها ولوجين كلها تترعد البانطوفة مبقااات عرفات كيف تلبسها بكثرت تلفة ولخلعة لي شداتها فديك اللحضة..
سجود مع الحلااا ديال الباب طيرها ودخلها المكتب ديالو ودفعها بجهد ماحساات برااسها تا تهزااات و تخبطااات على الحييييط تتحس بضهرها تقسم على جوج تقصحااات وكمشاات عينيها بألم حلات عينيها لقاتو تيشوف فييها بنظرة قاصحة لوجين جات تتجري شداتو عليها دغية بعدها بيديه ومشااا لها تاني شدها من شعرها وطلع وجها العندو تيتكلم بعصبية تيفوووور من الدااخل
خليل : شكووووون لي گاااليك تجاااوبي على تليفوني هضررررري
سجود : كك كيفاااش نتا اش تتخربق شش شكون لي گااليك انا جاااوبت على شي تليفون ااااي اااهءهءهء غير بلاتي والله حتا ندمك على هدشي لي درتي فيا *شااادة فضهرها وتتبكي*
خليل : ومزاااال زايداها بطرطيق العينين والكدوب محشمتيش
شعل تليفون وطلق لها تسجيل وتيشوف فيها كانت غير تتبلع فريقها و تتشوف فلوجين بكل كره
خليل *قرب لها *: دباااا اااش كااااين
لوجين *جات شداتو*: صااافي خليها عفاك
خليل *شااف فيها *: دباااا عاااد نخليها فااااش كنت تنگوليك بلي انا مفراسي والو كدبتيني
لوجين نزلات راااسها حشمانة منو
خليل « عقد حوااجبووو و غووت عليها»: سجووود انا سبق وحدرتك تلتازمي حدوودك معاااايا وهاااني تنرجع نعاااودها مرة خرى مغديش نرحمك دنوبك على راسك تهزي عليا من هنا
جرها ولاحها فزنقة وزف عليها بصااكها وردخ الباب ودخل زاااعف
سجود تتبكي وتنخصص مرضاااتش يوقع معها هكاااا
سجود : غدي ندمك الكلب والله لا بقااات فيك سير الله ياااخود فيك الحق اشماااااااااااااااتة وماااشي انااا لي نتعاااامل بهاد المعاملة
تضرب فالباب بجهد يلاه غدي يخرج اكمل عليها شداتو أمو وختو
راضية : اااش واااقع شكووون هدي لي تتردخ علينا فالبيبان
ليلى *تطل من شرجم *: صااافي راااه مشااات اخويا ولكن شكون هدي رآه خلات گاااع جيران يطالو بغواتها واش جهلات
خليل *تيزفر بنفس سخونة*: والو أمي سيرو رجعو تنعسو
ليلى : واش هدي ماشي هي البوليسية اخويا لي كانت معاااك جااتني تتشبه لها
خليل *بالغوات*: رااااااااه گلنا ليكم سيرو تنعسو مااالكم عزيز عليكم بجييغ الهضرة
دخل البيت وردخ الباب بجهد حتا قفزو
راضية : بنتي لوجين اش واااقع
ليلى : لوجين هضري شكون هدي
لوجين *تتهضر بشوية *: انا غدي نعاود لكم كلشي ولكن خليونا ندخلو البيت عند خالتي راضية لا يخرج يكمل علينا
دخلو كاملين بجرااا سدو عليهم الباب وبدات لوجين تتعاود لهم
راضية : اوا شتي كون تقتي فراجلك مغدي يوقع ليك هكاااا الله يهديك ابنتي ولدي راااه تيبغيك غير نتي متخلي حتا شيطانة تدخول بيناتكم هدي باينة عينيها فيه دكشي باش
ليلى : والله حتا كنت حاسة خويا عجبها غير من دوك شوفات ديالها فيك فسبيطار كانت بغات تاكلك بعينيها عجبني فيها خويا الله يعطيه صحة وقفها عند حدها غير باش يتبت ليك بلي غير نتي لي كاينة فداك القليب عندو هضاضاي ضاي ماشي بحالهم 🤣 الكبيدة نتيا ماشي بحالهم يلاه نوضي نوضي شدي بخاطرو حرام تنعسيه مقلق
راضية : اجي تسناي ليلى عطي لوجين دوك لحويجات لي كنت شريت ليك من صولد هههه
ليلى : ناري اماما نتي خطار فراسك نسيتهم مكتابش لبسهم انا غدي نعطيهم لمرات خويا تلبسهم وتهلا ليا فخويا هاد الليلة...
راضية تضحك مدورين لوجين بيناتهم مفاهمة حتا زفتة مشات ليلى تتجري جابتهم ورجعات بنفس الحماس
ليلى : اوا هااااني تاني على تفركيس شدي برعي ليا مول دار وتهلاي ليا فيه
لوجين : اويلي ستغفرت الله العالي العضيم لا لا شدي هدشي عليا منقدرش نلبسو تنحشم ويلي كااامل معري
ليلى: فراسك بلي مزال لدبا الحرقة ديال دوك سوميجات دونوي لي كنت خديت ليك بالعشق فعرسك باش تلبسيهم لخويا و ناضت ستنفعات بيهم القافزة ديال أريج مزال حرقتهم ليا هناااا دبا ممنوع رفض سيري دوري ليا بالحالة ودخلي ضربيها ليا بشي تحمحيمة فااعلة تاركة هااا لبرودوي ديالي كاملين جبتهم ليك هاااا ديال الورد هاا الفاني هااا شوكولا غير قضي الغراااد وهنيونا من صدااعكم طيبتوو قلبنا
دفعاتها مع الباب وسدات وخلاتها مسمرة وشادة فيديها دوك سوميجات
راضية : ضربي ضربي هناااا *عطاتها يديها* الله يعطيك صحة عجبتيني فيها يلاه تهنينا من ديك الكاريتة ديال أريج الله يسمح ليا منها وخا هي دبا فدار الحق جااات لنا هاااد مو ركابي تاني غدي نموت انا غير بفقصتهم هاد جوج
★عند خليل ★
لوجين تنهدااات تنهيدة خاارجة من القلب وشجعاات راااسها باش تدخول
لوجين : صااافي ا لوجين هدااك راااجلك ومتديري حتااا حاجة لي حرام وزايدون اش فيها گااع الا لبستي هاااد العجب مااال هدوك لي لبسوه ليه باش حسن منك الهبيلة
مشاات قاصدة الغرفة ديالو دخلات مبانش لها مشااات البالكون الحمام والو خرجات تتقلب عليه حتا تيبان ليه شاعل الضو فالمكتب تبسمات ودخلات تتجري البيت مشات الحمام تنفد دكشي بالحرف لي قراتها ليلى دخلات الحمام خوات البرودوي فالجاكوزي خوات الماااا وبدات طاالعة رغوة حيدات حواايجها كاملين وطلقاات شعرها وتخشات فيييه حساات بالراحة وعضامها ترخااو سداات عينيها برتيااح....وهي تتلعب برجليها فرحانة ورغوة مغطيا شعرها وجسمها كامل
خليل كان تيبرد سمو غير فالگارو تيحاول يتكالما وااالو رمااا الگارو وعفط عليه برجليه ومشاااا لبيتو ينعس يلاه حل الباب جااا مع لوجين نيشان كانت تتزرب باش تلبس حوايجها يالله حطات رجليها برا حتا تصدمات منين شافتو وااقف كيشووفيها وكيتحقق فجسمها تخربقات معرفات راسها باش تبلات خليل فهاد اللحضة معرفش واش يبقى مقلق منها ولا يسمح لها ويطير عليها يلتهمها من هااد المنضر خلاتو بلا عقل مطلع عينييه من رجيلاتها البيضين كاانت حفياانه واقفة على قران صباعها .. بقى غااادي مطلع معاااها العييين تا وصل لصدرها لي كاان بااين بشكل مثير من مورا الفوطة وغدي لشفايفها وعويناتها لي تيسحروه دغية لوجين هرباااتهم حشمانة من دوك شوفات ديالو
محسش براسو حتى قرب عندها وكيشوف فيها بكل حب وغريزتو تحركاات فديك اللحضة نسااا كلشي مخلاش لها فرصة تطلب سماحة يلاه بغااات تهضر تلاح على شفايفها تيبوووس فييهم بحناااان .. كل شفة تيشدها لثواااني يدوووز للشفة الثاانية .. تزير على يدييها بلاما تشعر حطات يديها فووق صدروو حركة لا إرادية كانت طايرة فعالم النشوة وسحر حس بلمستها حس بهيجااان داااخلي اجتاااحو زيير علييها تا حلات فمها وزااد تعمق فالقبلة كثر وكثر لي قطعات نفسها كاااان فنااان هزها بحال ريشة وحطها فوق ناموسية وعتالاها كانو قبلات جااااامحة ..كلها الشووووق تتبسم فوسط قبلة كااانت راضية كل رضة على هاد العلاقة لي كانت بيناتهم فصلاااات القبلة و شاافت فيه بعويناتهم لي كانو معسلين
لوجين : تنبغيييييك ا خليل تنبغييك سمح ليا و أنا مستاعدة نسا الماضي ونبداو صفحة جديدة بغييت نحمل منك بغيت بيبي يجمعني بيك احياتي
هاااد الكلام زاااد شعل نيراان فخليل وخلاه يدخول معها فصراااع غير اصواااات انين والأهااات لي تيتسمع فداااك البيت كااانت علاقة جنسية كاملة لي كانو راضين عليها بزوج كل رضة كل واااحد تيحاول يعطي الأخر ما عندو
لم تـكن فـي حيـاتـى مجـرد حبيـب
او عـابـر طـريـق يمـضى فيـغيب
كنـت ذلك العـشق الـذي تمـنيت
ان يـكبر مـعي حتـى أهـرم وأشـيب•••🥰
مااا نعسو ابطالنا حتا قرب يأدن الصبح كان خليل مخشي فلوجين تگول غدي تهرب ليه
غير ادن الأدان فاااقت لوجين تگول أدن لها فودنها حلات عويناتها فيه بقات تتشووف و تحقق في هذه الملامح الرجولية .. عضاات على شفتها و ضحكات بشوية مغمضة عينيها على ذكرى ليلة الباارح .. لي خلاتو ادير فيها ما بغااا و ماحرماتووش من حقو هو حلالها وتتموت عليه وكان عاااجبها الحال وستمتعات وخاااا حسات بالألم فكريشتها ولكن هدشي مستحيل يتقاارن مع متعة لي حسات بها
بدات تتدفع فيه باش انوض عليها اخليها تنوض تصلي حتا تفكرات بالي حتا هو خصو انوض إصلي
لوجين : نووووض تصلي راااه أدن الفجر
خليل : اممممم واااخااا واااخااا
لوجين : هي دباااا هاني دخلت الحمام غير نخرج تبعني
دخلات فيديها الفوطة هي غير دخلات الحمام عاااود رجع اكمل نعاسو دوشات بالخف وتوضات وخرجات تتلبس حوايجها عيات ماااا تنوض فيه وااااالو سيد كيف لهيضورة منشور
شافت حتا عيااات هزات الكاس ديال الما بارد خواتو عليه ناض قافز ومشرع فيها عينو
خليل *بالغواااات *: ااااااش هاااادشي درتي
لوجين *تضحك *: انت لي مبغيتيش تفيق اش ندير ليك الليل كامل خدام بحال الموطور مجاااك لا نعاس لا عيا اوا منين وصل صبح تصليه عاااد جاااك نعاس نوض تصلي مكاين نعاس الا مصليتيش الفجر هكااا غدي تبقااا والله لا خليتك تنعس
خرجات عند راضية حلات الباب وشعلات الضو عليها
لوجين : خالتي فيقي تصلي رااااه خليت ليك الما سخون نوضي توضاي خاااالتي فيقي
راضية : واااخا وااخا ابنتي اعود بالله من شيطان رجيم *هزات راسها من فوق المخدة*
خرجات لوجين وخلات ضو شااعل باش تنوض ومشات عند ليلى تفيقها وااالو كثر من خوها
ليلى : وغير خليني حتال نوض مرة وحدة ونصليها لاش هاد العداب كولو
لوجين : قال الله تعالى"إن الصلاة كانت على المومنين كتابا موقوتا" يعني عندها وقت محدد ماخصكش ضيعيه ولا غاتاخدي الإثم عليه ا ليلى نوضي گولي اعود بالله من شيطان رجيم ونوضي صليها ورجعي تنعسي اش خاصرة👌
لوجين *مشات لعند سابين*: سابين نوضي
تدوز يديها على شعرها وجسمها كامل باش تفيق
سابين : امممممم أشنو اخالتي خليني نعس مزال حال على مدرسة
لوجين : وي عااارفة ولكن نتي وعدتيني تعودي تصلي ودبا متصوريش قداش شيطان فرحان منين تيشوفك ترجعتي على كلامك وعاجبو الحال حينت تيحماق على الكسل وااقف على راااسكم راااكم درتو ليه خااطرو اوا غير نعسو وزيدو فنعاسكم رآه هو لي رابحكم دبا *يلاه بغات تطفي ضو ناضو دقة وحدة شعرهم واقف عليهم وعينيهم مغمضين
سابين : خالتي لوجين واش بصح شيطان تيشوف فيا وفرحان حينت انا نعست
لوجين *رجعات : ااااه فرحان بزاف ولكن منين نضتي دبا راااه تيبكي ومعجبوش الحال بمرة يلاه خلينا نمشيو نتوضاو
سابين *نقزات *: يلاااااه يلاااه خليه يبكي
مشات تتجري سبقاتها ولوجين تبعاها تضحك
لوجين : دبا غدي نعلمك طريقة ديال الوضوء من بعد مااا قضيتي حاااجتك غدي نعمرو سطيلة بحال هدي بالمااا هدي ديالي وهدي ديالك سطيلة صغيرة كافية اسابين بلاما تبقاي طالقة الماااا وتخليه يضيع * حركات راسها*
لوجين : اولا تنگولو بسم الله عاد تنغسلو يدينا من ليمن ونفركو الأصابع 3 مرات نمضمضو هكاا 3 مراات نستنشقو الما 3 مراات *أي حاجة تديرها لوجين تديرها سابين* نغسلو لوجه هكااا الا منبت شعرنا 3 مرات نغسلو اليد الى مرفق ديما نبداو من ليمن 3 مرات ونمسحو رااس ديالنا من المنبت الشعر حتاال أخير رأس ومن أخير رأس الا منبت الشعر نمسحو الودنين ديالنا هكااا واخيرا نغسلو رجلينا مزيان وحتا بين صباعنا 3 مرات ديما نبداو من ليمن وفالأخير تنگولو "اشهد ان لا اله الا الله وحده لا شريك له واشهد أن محمد عبده ورسوله اللهم اجعلني من التوابين واجعلني من المتطهرين"
وصافي نمشيو ديريكت نصليو ياك ساهل هدشي بعد
سابين : سااااهل ولكن معقلتش على هدشي لخر لي گلتي ليا كانت تتزربي مشديت فيه والو *دلات قنوفتها*
لوجين *باست بين عينيها* ماشي مشكل انا نقيدو ليك فورقة وبقاااي تحفضيه باش يدخول رااسك رااه ساهل غير دعااء...