Kahit hapon na ay naghihintay pa rin ako sa KAZU, ngunit gano'n na lamang ang pagtataka ko nang wala pa rin ang mga ito.
Baka naman ay umuwi na sila ng maaga? Ano ba 'yan?! Nagmadali pa man din ako! Halos lahat kami ay nanlulumo. Hindi lang naman kasi ako ang naghihintay para sa KAZU.
"Sino dito si Stacy Santiago?" agad akong napalingon sa lalaking tumawag sa pangalan ko. Hindi ito sa 'kin nakatingin at inimoy hinahanap ang babaeng pangalan ay Stacy.
"Ikaw ba?" turo nito sa babaeng maganda at makikita ang pagiging eligante.
"H-hindi po..." sagot nito. Agad itong lumapit at tinignan ang ID nito at doon lamang siya na satisfied ng hindi nga nito pangalan ang Stacy.
Bakit ba nila ako hinahanap? Ano ba ang mayroon? Gusto ko sanang tumaas ng kamay, pero may kung ano sa akin ang pinipigilan iyon.
Halos nagtuturo na ito ng studyante ngunit panay magaganda ang tinuturo nito.
Tumingin ito sa akin ngunit nilagpasan ako.
Aba! Sinasabi niya bang hindi ako maganda! Nakakainsulto 'yon, ah!
Magsasalita na sana ako nang may mabilis na humila ng ID ko. Sa gulat ko ay hindi na ako nakapagsalita.
"Ikaw pala si Stacy," ani nito saka hinawakan ang buhok ko. "Ano kailangan mo?" tanong ko sa kanya. Kampante ako at hindi natatakot. Pinag-iisipan ko maigi kung bakit ganito ang pakiramdam ko.
"Malalaman mo rin mamaya." mariin niya akong hinila papalapit sa kaniya ngunit doon na ako kumilos.
"Ano kailangan niyo sa akin?" tanong kong muli sa kanya at agad itong tumigil sa paglalakad at saka ako nito tinignan.
"Ang kulit mo naman! Sinabi nang malalaman mo rin mamaya!" hindi ko aakalain na sa sandaling iyon ay bubuhatin niya ako na parang sako!
"Hoy! Ibaba mo 'ko! Ibaba mo ako sabi! Tulungan niyo ako!" sigaw kong muli pero pinagtitinginan lamang ako. Pinaghahampas ang likod nito pero wala siyang pakialam.
Saka ako nito sinakay sa van. Agad akong kinabahan na baka mamaya ay may gawing kahalayan sa akin ang mga ito! Ayoko ma-gangb*ng!
Agad kong sinipa sa tyan ng lalaki ngunit agad akong hinawakan ng isang lalaki at saka ako nito nilagyan ng tape sa bunganga.
Siniko ko ito at nakita kong natumba ito sa upuan sa loob ng van.
"Napakalikot mong babae ka! Kanina ka pa, ha!" hinawakan ang dalawa kong kamay. Ramdam ko ang pag-andar ng kotse kaya naman mas lalo akong kinabahan.
Pinagtulungan nila akong hawakan mula ulo, kamay hanggang paa saka ko naramdaman ang tali sa kamay ko at paa.
"Pinahirapan mo kami. Mukhang marunong ng mamili ang hayop na 'yon ah!"
Naramdaman kong huminto ang sasakyan saka nito binuksan ang pintuan at bumaba ang tatlong lalaki. Wala akong alam sa sinasabi nila. Hindi ako makapagsalita, dahil sa tape na kanilang itinapal sa aking bibig.
Lima ang mga ito...
Agad akong hinila ng lalaki at binuhat na akala mo bigas at saka binagsak sa upuan. Ngayon ay nakita ko kung saan nila ako dinala.
Sa isang lumang building. Nasa harap ko sila. Hindi maalis ang tingin ko sa kanilang lima. Gusto kong umiyak at humingi ng tulong ngunit may kung ano sa akin ang hindi pumapayag na umiyak ako.
Hindi ko na maintindihan ang sarili ko. Ngunit hindi ko man lang maramdaman ang takot sa dibdib ko.
"Ikaw lang ang babaeng hindi umiiyak ah." saka lumapit sa harap ko at lumuhod ito para magkapantay ang ulo naming dalawa.
Ang tingin ko ay nasa mata niya lang.
"Tawagan niyo na si Hell," sabi nito sa isang lalaki na nilabas ang telepono nito saka may pinagpipindot.
Nagtataka ako. Ano ba kinalaman ni Hell dito sa mga lalaking ito? At ano rin ang kinalaman ko?
"Ano? Masarap ba maging boy friend si Hell?" tanong nito sa akin.
A-ano raw? Girl friend niya ako? Bakit hindi ko alam?!
Agad akong natawa kahit may tape ang mga labi ko. Hindi ko maiwasang kiligin!
Girl friend niya raw ako! Iba sa pakiramdam!
"Ano nakakatawa?" tanong nanaman nito sa akin saka nito tinggal ang tape sa mga labi ko. Ramdam ko ang sakit dahil parang sumama ang balahibo ko sa tape.
"Sino nagsabing girl friend ako ni Hell?" ako naman ang nagtanong sabay tumawa muli ngunit gano'n na lamang nang maramdaman ko ang sampal nito sa mukha ko.
Halos tumabingi ang mukha ko sa sampal na iyon. Unti-unti ko itong tinignan, halos naniniliksik na tingin ang binigay ko sa kanya.
"Ano masakit ba sampal ko?" tanong nito sa akin na halos nangaasar. Hindi ako kumibo, tinignan ko lamang ito.
Lumapit ang isang lalaki at may ibinulong ito sa kaniya.
"Kawawa ka naman. hindi ka ililigtas ng boy friend mo."
Pinilit kong alisin ang pagkakatali sa kamay ko at nakita naman niya ang ginagawa ko.
"Satingin mo ba ay makakatakas ka kung hindi ka nakatali?" wala akong pakialam sa kaniya. Salamat at sinabi na girl friend ako ni Hell pero inis na ako sa kaniya.
"Sayang talaga. Pinaghandaan pa naman namin ito. Kung pumunta lang ang boy friend mo dito ay paniguradong 'di na sisikatan ng araw 'yon..." tinig niya na biglang
ikinalaki ng mga mata ko.
Umangat ang dugo ko sa ulo ko sa sobrang inis! Halos galit ang nararamdaman ko sa sinabi nito.
Galawin na nila ang lahat, 'wag lang ang crush ko!
Kita ko ang gulat nito nang punitin ko ang taling nakatali sa kamay ko. Agad akong tinignan nito pero kaagad itong natumba ng sinalubungan ko ito ng suntok sa mukha.
Isang suntok lamang iyon ngunit natumba na ito. Mabilis kong naalis ang tali sa paa ko at saka muling pinagsusuntok ang lalaking nagbanta sa buhay ng mahal ko.
Sa ilang suntok na ibinigay ko sa kaniya ay napasuka ito ng dugo.
"Subukan mo galawin si Hell. Ikaaw ang papatayin ko," mariin kong sinabi sa kanya ngunit nabigla ako ng maramdaman ko papalapit na kamao kaya naman agad akong napatayo.
Mabilis kong sinalubong ang kamao nito kasabay ng aking pagtayo.
Agad kong hinawakan ang kamay nito na pasuntok pa lamang saka ko sinuntok ang tyan nito.
Rinig ko ang aray nito.
Kita ko ang gulat sa tatlong papalapit sa akin upang pagtulungan ako. Nauna ang lalaking naglagay ng tape sa bunganga ko. Takbo itong pumunta sa akin hawak-hawak ang isang tubo.
Alerto kong nakita ang paghampas nito ngunit gano'n ang bilis ko ng bago pa man ako nito mahampas ay nasuntok ko na ito sa tyan niya.
Agad niyang nabitawan ang tubong hawak niya. Kita ko ang pagtumba nito sa lapag.
Kinuha ko ang tubo nito saka tinignan ang dalawa.
Halos nagdadalawang isip ang mga ito kung susugudin pa ba ako ngunit hindi ko na inintay ang pagkakataon na iyon.
Agad ko itong sinugod dala-dala ang tubong hawak ko. Saka ako nag-slide upang tamaan ang tuhod ng isang lalaki.
Kita kong napaupo ito saka niyakap ang tuhod. Tinignan ko ang nag-iisang lalaking nakatayo. Ang takot sa kaniyang mga mata ang una kong napansin.
Sandali lamang nang maramdaman ko ang sakit ng aking ulo.
"Ah!" sigaw ko sa sobrang sakit na naramdaman ko. Agad akong napaupo dahil sa kirot na binibigay ng sakit na iyon.
Saka ko naramdaman ang papalapit na tubong papalo sa akin kaya naman ay agad kong binakod ang braso ko.
Ramdam ko ang sakit na tumama sa braso ko, halos nagsabay sila ng kirot ng ulo ko. Segundo lamang ng unti- unting nawawala ang kirot sa ulo ko.
Agad kong nilingon ang lalaking nanghampas sa akin ng tubo kaya naman unti-unti akong tumayo.
Hinanda niya ang tubo nang makita akong mapatayo.
Lumapit ako sa kaniya.
Isang hampas niya sa akin ay mariin kong nasalo ang tubo. Tumaas ang kilay kong tignan ang mga matang takot.
Agad kong siniko ang dibdib nito upang maubo ito at matumba. Malakas ang pagkaka siko at ramdam ko dahil sa nakikita ko sa kanyang mukha ang sakit.
"Gusto mo bang iparamdam ko sa 'yo kung paano mo ako hinampas, ha?" nanlaki ang mga mata nito.
Bata pa ito ngunit barambado na...
Parang high school lamang ito. Hahampasin ko sana ito ng bigla niyang hinarang ang kamay nito.
"Sorry po!" sabi nito saka umiyak hawak-hawak pa rin nito ang dibdib na siniko ko.
Agad kong nabitawan ang tubong hawak ko saka tinignan ang kabuuang nagawa ko.
"Sino ang nagsabing girl friend ako ni Hell?"
"Iyong babae po! Ouch! I-iyong babae po na D-debb po ang p-pangalan..." inisip ko kung sino 'yon. Inilibot ko ang tingin ko sa kabuuan.
Nanlaki ang mata ko. Lahat sila ay bagsak.
Ako ba ang may gawa nito? Napatingin ako sa mga kamay ko.
Sino ba ako noon?
Ano ba ako noon?
-
PROJECT SERIES ONE: CLARKSON HELL ANDERSON.
Seven's POV
Napatitig ako sa isang numero na tumatawag sa akin. May natawag lang sa akin kapag...
"Hell? May girl friend ka ba?" tanong ko sa kanya na nakaupo lamang at nagsisigarilyo.
"Wala," tipid nitong sagot.
Sinagot ko ito...
"Kamusta, KAZU.." mula sa kabilang linya.
"Ano kailangan mo?" sa boses pa lang na iyon ay alam ko na.
"Hawak namin ang girl friend ni Hell, kung gusto niyo pa itong makita ay pumunta dito si Hell..."
"Walang girl friend si hell..."
"Anong wala? hawak namin si Stacy...' kumunot ang noo ko. Hindi ko kilala ang sinasabi niya. "Baka ibang babae 'yan. Walang girl friend si Hell ngayon. Bye..."
Pinatay ko ang tawag. Kung sakaling totoo man na may Stacy nga doon ay rest in peace.