ازل:طبعن اني ممصدكة صارت بسرعه بسرعه
رحنة اني ورهف للصالون سوينة تحضيرات لان باجر نروح لبغداد رهف فرحانة لان راح تزوح زين لان تحبهة
واني الله يستر صح اني احبة بس هوة ممبين علي
بس اني فرحانة لان اني ورهف حنتزوج نفس اليوم والبيت نفسة
ام ازل:يله ماما تره معدنة وكت بسرعه حضرن نفسجن
رهف:اني كملت
ازل:ماما ماريد اروح
ام ازل:اسكتي انتي وين تلكين مثل يزن اشو يخبل
ازل:اني وين ونتي وين
علي:يلة بنات
ام ازل:يله ماما هياتنة جايين
ازل:رحنة لبغداد والطريق كلة افكر شنو راح يصير
حياتي راح تتغير فجاة كطع تفكيري اتصل يزن بعلي
علي فاتح مايك مبين ستوة كاعد من النوم
علي:هلا يزن
يزن:هلا شنو وين انتو هسة
علي:.....
يزن:مبقة شي تعالو بيتنة
علي:اوك
يزن:توصلون بالسلامة باي
ام ازل:هذا الولد محبوب
علي:اي محبوب
محظوظة ازولة لان راح تزوجة
ازل:اباوع عليهم وضحك بداخلي.
وصلنة لبغداد لكينة زين منتظرنة يستقبلنة
زين:هلا نورتونة
علي:بنورك حبيبي وين يزن
زين:هياتة بالبيت
تفضلوا
يزن:هلا الحمدلله ع سلامة
ماما اجتي عمتي
ابو يزن:هلا والله نورتونة
ام ازل:بنوركم بعد كلبي
قمر:هلا بنات تعالن صعدن لغرفتي رتاحن
ازل:هلا بيج حبي اي والله تعبانين
ماما اني صاعدة وية قمر
ام ازل:ماما سلمتي ع خطيبج
ازل:ها اي اي سلمت يله صاعدة
صعدت نمت بغرفة قمر
يزن:هه بسيطة ازولة حبيبتي تجين ومتسلمين
ملخص❤
صار الصبح صار وكت حنة البنات
ام يزن:ماما قمر كعدي يزن خلي ياخذ البنات للصالون لأن الشباب طالعين
قمر:ماما خطيبتة يمج وهية تكعدة اني راح اسبح
ام يزن:هه لعد روحي كعدي ازولة
ازل:اوك عمة
اووف شلون اكعدة واني مامسلمة علي😔
رحت لغرفة يزن دكيت الباب ماكو دخلت للغرفة
حلوه مسويهة
احم ييزن يزن
يزن:منو(بنعاس)
هاا خطيبتي
ازل:شلونك البارحة تعبانة ونمت ملحكت اسلم عليك
يزن:بعد وكت اريد اكولج شي احد جابرج تتزوجيني بالغصب لو شنو هاا جاوبي(برود)
ازل:لا
يزن:لعد ليش احسج مجبوره
واصلن مامهتمة كمت من الجرباية
المهم كلي للبنات يحضرن نفسهن اني اسبح وانزل
ازل:اووف يا ربي
يله بنات حضرن حتة نروح مبقة وقت
يزن:بدلت ونزلت اتصلت ع فهد هوه الي يأخذ البنات للصالون اني عندي دوام اليوم بدت ملابس دوام ونزلت
اسو:يزن رايح للدوام لعد منو ياخذنة
يزن:اي فهد راح يجي حضرن
يلة باي يمكن اني اخذكم من الصالون
اسو:الله وياك حبيبي
قمر يزن شبي احسة مو ع عبعضة
قمر:اي مبين ضايج يله بنات اجة فهد
ازل:طلعنة واجة فهد حتة يودينة للصالون سألته اسو
اسو:اكول فهود يزن مو عبعضة صاير شي بالدوام
فهد:والله ما ادري بس هليومين هوة حتة بالدوام يعصب ع كلشي
من ارجع اشوفه
اسو:اوك
هياتة الصالون
فهد:اوك
ازل:نزلنة اني والبنات وسوينة منكير وتنضيف بشرة وضحك وسوالف كملنة ومنتضرين يجينة واحد من الولد
فستاني
فستان رهف
رهف:اتصل علي زين كال راح نجي اني ويزن خاف فساتين ومتكفي سياره وحدة
اسو:اي
......:عائلة بيت مالك منتظريكم برة
اسو:يله بنات لبسن شي وخلي نطلع
يزن:كاعدين دنسولف اني وزين ع التحضيرات وجتي اسو
شنو تأخرتو ماما دتنتضرجن
اسو:اي اكو هواية حجز بالصالون
زين:رهف تعالي بسيارتي انتي وقمر
اسو:يزن تعال ساعد ازل فستانهة طويل متكدر تمشي
ازل:لا عادي اكدر
يزن:تعالي بدون عناد
صعدنة بالسيارة وزين خبلني كولساع ودايس هورن ساعه يركص متت ضحك علي
اتصلت علي
زين كافي دوختني
زين:اي لعد غير فرحان راح ازوج
يزن:يمعود قابل بس انتة متزوج
زين:دزيت دعوات لاصدقائي اليوم حيجون
يزن:اوك براحتك باي
هياتنة وصلنة تعالي ازل
ازل:مدري ليش أحس روحي مستحية منة
اوك نزلني وصلني يم باب القاعه
شكرا يزن تعبتك وياية
يزن:عادي نتبهن لتخلن أحد يصور اني وصيت اهل القاعه
اسو:نشالله يله باي
روح حضر نفسك باليل حنتك
يزن:اوك يله رايح
وين زين تأخر
اسو:هياتة وصل
يزن:باي
رحت للبيت كعدت يم الولد وفاتحت ابويه ع خطوبة منتظر وقمر
وبابا ما عنده مانع كال بعد القرار يم قمر
كلت من ترجع افاتحهة
صار موعد حنه الشباب رحت بدلت
زين
نزلنة رحنة للقاعه مالتنة شباب وركص
تونسنة وزين الخبل ماجنة مخطوب هه
زين كافي شبيك يمعود تخبلت
زين:ههه لا صاحي راح أفتح بث مباشر ع الانستا
يزن:😑
ازل:خلصنة حفلتنة تعبنة كلش سبحت وبدلت وكعدت يم البنات
قمر:تعالن شوفن زين فاتح بث عزاا هههه لج رهف تعالي شوفي زوجج شلون يركص
ازل:اني عفتهم كلهم اباوع ع يزن طالع حلو
مبين ع يزن ثكيل لأن لا يركص ولا شي بس كاعد ويشرب عصير
زين:اه دخل واحد عزيز علي البث احم أكيد دشوفني سلملي ع فهمت أكيد
قمر:هههه عرفني زين
زين:الزم الموبايل راح أسلم ورجع اضحك مو معبس
يزن:تعال آخذة لا افلشة ع راسك
زين:حباب بس أسلم
يزن:اووف ع سريع
لزمت التلفون بقيت أقره التعاليق وشرب كهوة
قمر:تعالي ازل شوفي يزن ههه مبين مطنكر
يزن:خلصنة الحنة ورجعنة للبيت لكينة الكل متجمع
سلام عليكم
الكل:عليكم السلام
زين:أخ ماما اني تعبان
يزن وعلي؛حقك والله
ههه
ام يزن:يله انتم العرسان صعدو ارتاحو باجر راح تعبون
يزن:اني صاعد
واني امشي وكفت كبال ازل همست بأذنهة اريد كهوة ع سريع
ازل:كاعدة نسولف اني واسو ع باجر والتحضيرات اجة يزن همسلي بأذني
اوك رحت سويت كهوة ورحت اصعدلة ياهة
دكيت الباب ماكو
مره ثانية هماتين ماكو دخلت للغرفة وهوه فتح باب الحمام
الحمام بالغرفة
احم هذي الكهوة(بارتباك)
يزن:انطينياهه
ههه حسيتهة مرتبكة لأن اني بس لاف نفسي بالمنشفه
ازل:ههذي انطيتهة الة وردت اطلع وكفني
يزن:قبل لطلعين انطيني ملابس من الكنتور
ازل:رحت فتحت كنتوره مرتبة مبين يحب الترتيب
طلعتلة تشيرت وبيجاما ونطيتهن الة
يزن:مجهزة نفسج لباجر
ازل:ايي معندي شي
يزن:اخذي راحتج مبينه اليوم تعبانة
ازل:رايد شي بعد
يزن:سلامتج