လူသားသစ္စာ စာစဉ် (၂၂)
ဘာသာပြန်ဆိုသူ ... ကြည်ဖြူ (ရိုးရာ)
အခန်း (၂၉၅) : ဆူးနစ်လေဂိတ်
မိုဝူကျီက သူ့လက်ပတ်မှ လောကအမှတ်အသားပြားကို ကြည့်လိုက်သောအခါ နံပါတ်များကို တွေ့လိုက်ရလေသည်။
မိုဝူကျီ၊ လောက ရမှတ် ၁၄၉ မှတ်၊ အဆင့် မရှိ ဟူ၍ ဖြစ်သည်။
ထိုအရာကို မြင်ပြီး မိုဝူကျီက ပြောစရာ ရှာမတွေ့ဖြစ်သွားလေသည်။ သူ သတ်ခဲ့သည့် ကင်းမြီးကောက် သောင်း၊ သိန်း အရေအတွက်က ၁၄၉ မှတ်လေးပဲ ထိုက်တန်တာလား။ ကြည့်ရသည်မှာ သူက ကင်းမြီးကောက်များစွာ သတ်ပြီးမှ တစ်မှတ်ရခြင်းသာ ဖြစ်လိမ့်မည်။
သို့သော်လည်း ထိုအရာက အစ ဖြစ်သောကြောင့် စိတ်ထဲမထားပေ။ သူက ပညာရှင်နှလုံးသားမှ အပူကို ထုတ်လွှင့်လိုက်သည့်အတွက် အာကာသ ကင်းမြီးကောက် တစ်အုပ်လုံးကို အလွယ်တကူ ရှင်းထုတ်နိုင်ခြင်း ဖြစ်သည်။
နောက်ရက်အနည်းငယ်အတွက် မိုဝူကျီက သတိကြီးစွာ ထားထားရသည်။ သူက အာကာသ သားရဲများနှင့် ထပ်တွေ့သော်လည်း သူက ရှောင်ရှားနိုင်ခဲ့လေသည်။ ထိုသားရဲအုပ်များက အမှတ်များများ မရဘဲ တိုက်ခိုက်ရင်းဖြင့် သူ့အသက်လေး ဆုံးရှုံးသွားနိုင်သေးသည်။
လဝက်အကြာတွင် မိုဝူကျီက ရပ်တန့်လိုက်တော့သည်။ သူ့ရှေ့တွင် ကြီးမားလှသည့် ဝဲကတော့ကြီး ရှိနေပြီး အထဲတွင် လေပြင်းတိုက်သံများပင် ကြားနေရသည်။ ဝင်မကြည့်ဘဲဖြင့် စိုးရိမ်ပူပင်ခြင်းများ ခံစားမိလေသည်။
ဒါက ဆူးနစ်လေဂိတ်လား ...
မိုဝူကျီက ဧရာမဝဲကတော့ကြီး ကြည့်ကာ စတင်စိုးရိမ်မိလာသည်။ သူက ဆူးနစ်လေဂိတ် အကြောင်းပါသည့် မိတ်ဆက်စာစောင်အချို့ကို ဝယ်ယူခဲ့သော်လည်း သူတို့က အသေးစိတ် ရေးပြမထားပေ။ ဆူးနှင့်တူသော လေပြင်းဟုသာ ရေးညွှန်းထားပြီး ဝင်ပြီးနောက်တွင် သေနိုင်ခြေ ၉၀ ရာခိုင်နှုန်း ရှိလေ၏။
ချိန်စုယင် ကျင့်ကြံဆင့်ဖြင့် ဆူးနစ်လေဂိတ်ကို ဝင်ပြီးနောက် သူမ အသက်ရှင်နိုင်ခြေ မည်မျှရှိမည်နည်။ ထိုသည်က အံစာတုံး လှည့်သကဲ့သို့ ကံတရားအပေါ်သာ မူတည်နေသည် မဟုတ်ပါလော ....
သင်္ဘောပျံကို သိမ်းကာ မိုဝူကျီက အခွက်ဒိုင်းကို ထုတ်ယူလိုက်သည်။ ခဏတာ တွေးတောမိပြီးနောက် သူက ခါးမှ လောကအမှတ်အသားပြားကို ချွတ်ကာ သိမ်းဆည်းလိုက်တော့သည်။ လောကအမှတ်အသားပြား က အရေးကြီးလှ၍ လေပြင်းထဲ ပါသွားပါက နောက်တစ်ခု ထပ်လုပ်နေရလိမ့်မည်။
ချူချင်းလောင်က သူ့ကို ဒုတိယအကြိမ် ကူညီနိုင်မလားဆိုတာ မည်သူ သိမည်နည်း။
သူ့ပြင်ဆင်မှုအားလုံး ပြီးဆုံးသွားသောအခါ သူက အသက်ပြင်းပြင်း ရှုကာ ဝဲကတော့ထဲ ခုန်ဝင်သွားလိုက်တော့သည်။
ကြောက်မက်ဖွယ် အားများက သူ့ကို ဘက်ပေါင်းစုံမှ ဆွဲငင်နေလေသည်။ မိုဝူကျီ စိတ်စွမ်းအားက အားမနည်းသော်လည်း ဒိုင်းမှာ စိတ်စွမ်းအား ကန့်သတ်ချက်မှ လွှင့်ထွက်သွားကာ လုံးဝပျောက်ဆုံးသွားလေသည်။
ထိုရိုက်ချက်များက ဆူးကြာပွတ်ဖြင့် ရိုက်သလို ခံစားလိုက်ရပြီး သူ့အဝတ်များပါ တပါတည်း ပါသွားသောကြောင့် အရေပြားများတွင် သွေးများ စို့လာလေသည်။
မိုဝူကျီက သူ့ကိုယ်သူ အဝတ်လျှော်စက်ထဲ ရောက်သွားသလို ခံစားနေရကာ ပြန်တိုက်ဖို့ရာ အင်အားပင် မကျန်တော့ပေ။ လေပြင်းများက သူ့ကို အဝတ်ရုပ်လေးအလား လွှင့်ထွက်သွားစေပြီး ဆူးလေပြင်းများက သူ့အသားစများပင် ယူဆောင်သွားကြသေးသည်။
“ ဝူး ...”
အားကြီးတစ်ခုနှင့် ရိုက်ခတ်မိပြီး မိုဝူကျီ လည်ပတ်နှုန်းကား မြင့်သွားကာ ကြောက်မက်ဖွယ် ဝဲကတော့၏ အောက်ခြေသို့ ပစ်လွှတ်ခံလိုက်ရသည်။
အရိုးကျိုးသံများပင် ကြားနေရ၍ မိုဝူကျီက ကုသဆေးလုံးအချို့ ထုတ်ကာ မျိုချလိုက်ရသည်။ သိပ်သည်လှသည့် ဝိညာဉ်စွမ်းအားများက တိုက်ခတ်မှုက ပြီးဆုံးသွားလေ၏။ ဤသိပ်သည်းလှသော ဝိညာဉ်စွမ်းအားများက လေပြင်းထက်ပင် ပိုအားကောင်းသော်လည်း ဤနေရာက ကျင့်ကြံဖို့ သင့်တော်သည့် နေရာ မဟုတ်ခြင်းက နှမြောစရာ ကောင်းလှပေသည်။
သို့သော်လည်း သူက များစွာခံစားခဲ့ရသော်လည်း ဝမ်းမြောက်မိဆဲ ဖြစ်သည်။ မဟုတ်လျှင် ယခုလေး ရိုက်ခတ်မှုကား သူ့အား မေ့မြောသွားစေလိမ့်မည်။
ထိုသို့သော နေရာမျိုးတွင် မေ့မြောသွားခဲ့ပါက မည်သို့ ဖြစ်သွားမည်နည်း။
မိုဝူကျီက သူ့ဝမ်းမြောက်မှုများ မကြာခင် ရှာလို့မတွေ့တော့ကြောင်း သတိထားမိလိုက်၏။ သူက ပြန်တက်လိုက်သည်နှင့် အားပြင်းသည့် လေပြင်းများ ထပ်မံ ရောက်ရှိလာ၍ ဖြစ်သည်။ ထိုစဉ် သူ့စိတ်စွမ်းအားကို မထုတ်လွှင့်နိုင်သဖြင့် သူ့မြင်ကွင်း ဆယ်မီတာ ပတ်လည်လောက်သာ မြင်ရလေသည်။
“ ဝှီး ....” လေပြင်းများက မိုဝူကျီကို တိုက်ခတ်လာပြီး သူ့ကို ဆွဲခေါ်နေလေသည်။
အကယ်၍ ထိုသည်က လေသာ ဖြစ်နေပါက အဆင်ပြေသေး၏။ သို့သော်လည် လေပြင်းများထဲတွင် ဆူးပင်များစွာ ပါနေသည့်ဟန် ပေါ်ကာ ဆူးပင်များက ချိတ်သဖွယ် ဆွဲခေါ်ကာ အကုန်ဖျက်စီးပစ်ကြသည်။ ထိုမမြင်ရသည့် နွယ်ပင်များက မိုဝူကျီ တစ်ကိုယ်လုံး သွေးသံရဲရဲ ဖြစ်မလာခင်အထိ ရစ်ပတ်ထားလေသည်။ ထို့နောက် ပို၍ပင် ရစ်ပတ်လာလေသည်။ သွေးကြောင်းများသာ မြင်ရပြီး အရေပြားပင် မကျန်တော့ပေ။
ခဏအကြာတွင် သူ့အရေပြားပင် ပကတိအတိုင်း မကျန်ရှိတော့ပေ။
လေပြင်းများက အကြမ်းပတမ်း ဖြစ်နေသည့်အတွက် မိုဝူကျီက နောက်ဒိုင်းတစ်ခုကို ထပ်ထုတ်လိုက်ရသည်။ တစ်ချိတည်းတွင် သူ့သဘာဝစွမ်းအားများဖြင့် တောင့်တင်းခိုင်မာအောင် ပြုလုပ်လိုက်သည်။ ဘေးကင်းသည့် ခိုလှုံရာ ပေါ်လာသည်နှင့် သူက ချက်ချင်း သွားမည် ဖြစ်၏။ မဟုတ်လျှင် ထိုလေပြင်းများက သူ့ကို ဘယ်နေရာအထိ ဆွဲခေါ်သွားမည်ကို မည်သူ သိမည်နည်း။ သူ့အသားများပင် ဆူးနစ်လေများကြောင့် လွှင့်စင်စရာ မပါသည်အထိ တစစီ ပဲ့သွားပေလိမ့်မည်။
ယခု ဤနေရာကို အဘယ်ကြောင့် ဆူးနစ်လေဂိတ်ဟု ခေါ်ဆိုခြင်း ရှင်းလင်းသွားလေပြီ။ ဤနေရာရှိ လေပြင်းများက သူ့ခန္ဓာကို ဆူးကြာပွတ်နှင့် ရိုက်ထားသည့်အလား ခံစားရစေပြီး မည်သူမဆို တောင့်ခံနိုင်သည့်အရာ မဟုတ်ပေ။
မိုဝူကျီက နောက်ဆုံးတွင် နားခိုစရာ နေရာတွေ့သည့်အချိန်အထိ လေပြင်းများက ဆယ်မိနစ်လောက် ပြင်းထန်နေသည်။ လေဒဏ်ကာကွယ်ရန် ဧရာမကျောက်တုံးများက တစ်ခုနှင့် တစ်ခု ထောက်ထားပြီး နေရာတစ်ခု ဖြစ်ပေါ်နေလေသည်။
ပြင်ဆင်ထားသည့် မိုဝူကျီက သဘာဝစွမ်းအားများကို ပေါက်ကွဲစေလိုက်ပြီး ဒိုင်းကို လေပြင်းအချို့ကို ကာရန် သုံးလိုက်သည်။
ထိုစဉ် သူက ကျောက်တုံးကြားမှ နေရာလပ်ဆီ ဖောက်ခွဲလိုက်တော့သည်။ သို့သော် သူ့ဒိုင်းကို အချိန်မှီ ပြန်ရုတ်သိမ်းဖို့ရာ အချိန်မရှိတော့၍ နောက်တစ်ခုက လေပြင်းထဲ ပျောက်ဆုံးသွားပြန်သည်။
သွေးသံရဲရဲ မိုဝူကျီက မြေပြင်ပေါ်တွင် မောဟိုက်စွာ ထိုင်နေပြီး အနီးအနားမှ လေပြင်းသံများကို နားထောင်နေလေသည်။ သူက ဆူးနစ်လေဂိတ်သို့ ရောက်သည်မှာ မည်မျှကြာမြင့်သွားသနည်း။ ထိုသို့အခြေအနေအထိ ကျရောက်သွားသည့်အတွက် ချိန်စုယင်သည် သေနိုင်လောက်၏။ ဤနေရာမှာ အမှန်ပင် ငရဲတွင်းဖြစ်နေသည်။
ခဏတာ အနားယူပြီးနောက် မိုဝူကျီက ထိုကျောက်တုံးများကို စတင်၍ ခံစားမိလာသည်။ မကြာခင်တွင် ထိုကျောက်တုံးများက မူလနေရာမှာ ဤနေရာ မဟုတ်ဘဲ လေကြောင့် ဤနေရာအထိ ရောက်လာကြောင်း နိဂုန်းချုပ်လိုက်တော့သည်။ ကျောက်တုံးများမှာ တခြားနေရာမှ ရောက်လာသောကြောင့် ဆိုလိုရင်းက တစ်ခု ဖြစ်သည်။ သူ ကြုံတွေ့ခဲ့ရသော လေပြင်းက အဆိုးဆုံး မဟုတ်သေးပေ။ မဟုတ်လျှင် သူက လွတ်မြောက်နိုင်ခွင့်ပင် ရှိမည် မဟုတ်ပေ။
ဤနေရာရှိ ဝိညာဉ်စွမ်းအားများက တျန်းဂျီဂိုဏ်း၏ ဝိညာဉ်စွမ်းအား ပိတ်လှောင်ရေး အစီအရင် ၁၃ ခုထက် မနည်းပါးပေ။ သို့သော်လည်း သူက ကျင့်ကြံချင်စိတ် မရှိသေးသည့်အတွက် စိတ်စွမ်းအားဖြင့် ပတ်လည်စစ်ဆေးကြည့်လိုက်သည်။ သို့သော် လေပြင်းများကြောင့် ပျက်စီးသွားသည့် အစအနများပင် ရှာမတွေ့တော့ပေ။ သူ မြင်တွေ့နေရသည်က ဗလာနတ္ထိဖြစ်နေသည့် ဟင်းလင်းပြင် ဖြစ်၏။
သူက ဆူးနစ်လေဂိတ်ကို ဝင်လာစဉ်မှစ၍ သူ့ဝန်းကျင်မှ မီတာအနည်းငယ်သာ မြင်နိုင်လေသည်။
မြေပြင်ပေါ်တွင် ကျဆုံးသွားသည့် ကျင့်ကြံသူ အလောင်းများကို တွေ့လိုက်ရပြီး ဤနေရာတွင် ကျင့်ကြံရုံမှအပ တခြားနည်းလမ်း မရှိကြောင်း သိလိုက်သည်။ သူက အစစ်အမှန်ရေအဆင့်သို့ မြန်မြန်ဆန်ဆန် တက်လှမ်းရမည်။ မဟုတ်လျှင် ထိုလေပြင်းများက ဧရာမကျောက်တုံးများကို လွှင့်စင်သွားစေသကဲ့သို့ သူသည်လည်း ပြန်တိုက်ခိုက်နိုင်မည် မဟုတ်ပေ။
သူ့ခန့်မှန်းချက်အတွက် တစ်ခုတည်းသော ကောင်းချက်မှာ ဤနေရာရှိ ဝိညာဉ်စွမ်းအားများက သိပ်သည်းလှပြီး ကျောက်တုံးများသာ နောက်လပိုင်းအထိ မလွှင့်စင်သွားပါက သူသည် သေချာပေါက် အစစ်အမှန်ရေအဆင့်သို့ တက်လှမ်းနိုင်ပေလိမ့်မည်။
ဤနေရာတွင် ဝိညာဉ်စွမ်းအားများက ကြောက်ခမန်းလိလိ သိပ်သည်းလွန်းသော်လည်း မိုဝူကျီက စိတ်စွမ်းအင် ကျောက်တုံးအပုံလိုက် ထုတ်လိုက်သေး၏။ အစစ်အမှန်ရေအဆင့် တက်လှမ်းလိုသည့် အာသီသကား အားကောင်းလှရာ သူက ကျင့်ကြံခြင်း အထောက်အပံ့များက သူ့အား နှောင့်နှေးနိုင်မည့်အရေးကို ခွင့်မပြုပေ။ ထိုမျှ စိတ်စွမ်းအင် ကျောက်တုံးအများကြီးသုံးထားလျှင်ပင် မလုံလောက်သေးမှန်း သိ၏။ ချီသွေးကြော ၁၀၂ ခုလုံးနှင့် ပြောင်းပြန်လှည့်ပတ်ခြင်း ကျင့်စဉ်ပေါင်းလိုက်လျှင် စုပ်ယူနှုန်းမှာ အားပြင်းလှပေသည်။
သူက ပြင်ပဒဏ်ရာများကိုပင် ဂရုမစိုက်နိုင်ဘဲ ပြောင်းပြန်လှည့်ပတ်ခြင်းကို စတင်လိုက်တော့သည်။ အရင်တုန်းက အင်မော်တယ် မော်တယ် ကျင့်စဉ်ကို အသုံးပြုခဲ့သော်လည်း ယခုမှာမူ သူ့ပြုပြင်ထားသည့် ပြောင်းပြန်လှည့်ပတ်ခြင်းက ပို၍ ထိရောက်ပေသည်။
လက်တွေ့တွင် မိုဝူကျီက သူ့တွင် ပြောင်းပြန်လှည့်ပတ်ခြင်း ကျင့်စဉ် ရှိစဉ်မှ စ၍ ပထမဆုံးအကြိမ်အဖြစ် ထိန်းချုပ်မထားခြင်း ဖြစ်သည်။ သူက ပျောက်ဆုံးရွံနွံတောမှ ထွက်ဖို့ရာ ပြောင်းပြန်လှည့်ပတ်ခြင်းကို ကျင့်ကြံခဲ့သော်လည်း သာယာလှသည့် ကျင့်ကြံခြင်းမျိုးတော့ မဟုတ်ခဲ့ပေ။ သူ့စိတ်ထဲတွင် တွေးတောရသည်များ ရှိနေသေးလေ၏။
ထို့ကြောင့် ပြောင်းပြန်လှည့်ပတ်ခြင်း ကျင့်စဉ်ကို အသုံးပြုပါက ဝိညာဉ်စွမ်းအား စုပ်ယူနှုန်း မြန်ဆန်လာသော်လည်း ကျင့်ကြံဆင့်၌ ထိရောက်မှု များစွာမရှိပေ။ သူ့အတွက် ယွမ်ဒန်အဆင့် ၁၀ မှ အဆင့် ၁၂ ထိ တက်လှမ်းနိုင်ဖို့ရန် နှစ်ဝက်ခန့် ကြာမြင့်ခဲ့သည်။ တခြားစကားဖြင့် ဆိုရလျှင် နှစ်ဝက်တာ ကြိုးစားအားထုတ်ခဲ့သမျှကား အဆင့်သေးလေးသာ တက်သွားလေသည်။
ထိုစဉ် မိုဝူကျိက သူ့ချီသွေးကြောအားလုံးကို ဖွင့်၍ တတ်စွမ်းသမျှ ပြောင်းပြန်လှည့်ပတ်လိုက်တော့သည်။ ထိုအခါမှ သူ့ပြောင်းပြန်လှည့်ပတ်ခြင်း ကျင့်စဉ်က ဝိညာဉ်စွမ်းအား စုပ်ယူမှု မည်မျှ ပြင်းထန်ကြောင်း သိရှိမိလိုက်သည်။
သူ့ဝန်းကျင်မှ ဝိညာဉ်စွမ်းအားများက ဝဲကတော့ ဖြစ်လာကာ ဆန့်ကျင်ဘက် ဦးတည်ရာအတိုင်း စီးဆင်းနေကြသည်။ ဝိညာဉ်စွမ်းအားများက မိုဝူကျီနှင့် ထိတွေ့သွားသည်နှင့် အားလုံးက ဝါးမျိုခံလိုက်ရကာ အစအနပင် မကျန်ရှိပေ။
မိုဝူကျီ သူ့ခြေထောက်အောက်တွင် ထားရှိထားသော စိတ်စွမ်းအင် ကျောက်တုံးများမှာ လုံးဝအကုန် စုပ်ယူခံလိုက်ရလေသည်။ သူက ကြောက်ခမန်းလိလိ စွမ်းအား စုပ်ယူခြင်းတွင် အာရုံနှစ်မြှပ်သွားသောကြောင့် စိတ်စွမ်းအင် ကျောက်တုံးများ ထပ်ထုတ်ရန် အချိန်မရှိတော့ပေ။
သို့သော်လည်း သူ့ကို အံ့အားသင့်စေသည်က ဤနေရာရှိ ဝိညာဉ်စွမ်းအားများက တခြားနေရာမှ စွမ်းအားများနှင့် တူသော်လည်း စုပ်ယူပြီးနောက်တွင် သူ့အား ကျင့်ကြံခြင်းအတွက် ရှင်းလင်းသော ဦးတည်ချက်ကို ပေးစွမ်းလေသည်။
ထိုသို့သော ခံစားချက်မျိုးက ကောင်းကင်စိတ်စွမ်းအင် ကျောက်တုံးကို အသုံးပြု၍ ကျင့်ကြံစဉ်က ဖြစ်သည်။ ကောင်းကင်စိတ်စွမ်းအင် ကျောက်တုံးတွင် နှစ်မြှပ်နေသော တာအိုသဘောတရာများ ရှိ၍ ကျင့်ကြံသူများကို ကျင့်ကြံဆင့် တိုးမြင့်နိုင်ရုံသာမက ပို၍ မျက်စိပွင့်စေသည်။ ယခု သူက ထိုအရာကို ကောင်းကင်စိတ်စွမ်းအင် ကျောက်တုံး မပါရှိဘဲ လုပ်ဆောင်နိုင်လေပြီ။
ထိုသည်က ကျန်းမိုနယ်မြေနှင့် ပျောက်ဆုံးနယ်မြေကြားမှ ကွာခြားချက်ဖြစ်သည်မှာ မငြင်းဆန်နိုင်ပေ။ လေထဲရှိ တာအိုသဘောတရားများမှာ တာအိုလမ်းစဉ်ကို လိုက်နာကျင့်သုံးနေသူများအတွက် ပို၍ သင့်တော်ပေသည်။ ပျောက်ဆုံးနယ်မြေမှ တာအိုမှာ အပိုင်းပိုင်း အစစ ကျိုးပျက်နေသည့်ဟန် ပေါ်၏။
ထိုသို့သော ကျင့်ကြံနှုန်းဖြင့် သူ့အတွက် အစစ်အမှန်ရေအဆင့် တက်လှမ်းဖို့ရာ တစ်လပင် ကြာပါ့မလား ....
ခြောက်ရက်အတွင်း မိုဝူကျီက ယွမ်ဒန်အဆင့် ၁၂ သို့ ရောက်ရှိသွားကာ နောက်ကိုးရက်အကြာတွင် ယွမ်ဒန် ပြီးပြည့်စုံခြင်း အဆင့်သို့ တက်လှမ်းနိုင်သွားသည်။ သူ့ခန္ဓာမှ ဝိညာဉ်စွမ်းအားများက စီးဆင်းနေပြီး အထဲမှ ခရမ်းရောင်စွမ်းအားက ခရမ်းရေကန်အဖြစ် တဖြည်းဖြည်း ဖြစ်တည်လာလေသည်။
“ ဂျွတ် ... ” ချီသွေးကြော ၁၀၂ခုလုံးကို အလွန်အမင်း လှည့်ပတ်လိုက်သည့်အတွက် ၁၀၃ ခုမြောက် ချီသွေးကြောမှာ အတားအဆီးမရှိ ကျယ်ပြန့်လာလေသည်။
ချီသွေးကြော တစ်ခုသာ ထပ်ပေါ်လာသော်လည်း ပတ်ဝန်းကျင်မှ ဝိညာဉ်စွမ်းအားများက ပင်လယ်ထဲ တိုးဝင်လာသည့်အလား ဖြစ်ပေါ်လာပြီး မိုဝူကျီက ရေထဲမှ ဝေလငါးတစ်ကောင် စုပ်ယူနေသလို ဖြစ်နေ၏။
သဘာဝစွမ်းအားများက မိုဝူကျီ ချီသွေးကြောများဆီ မရပ်မနား စီးဝင်လာကြပြီး ကြီးထွားလာကာ ခရမ်းရေကန်၏ အပြင်နားသတ်လိုင်းများ ဖြစ်ပေါ်လာလေသည်။ ထိုအရာများ ပျောက်ကွယ်သွားပြီးနောက် ခရမ်းရောင်စွမ်းအားများက မိုဝူကျီ၏ စိတ်ဝိညာဉ်နန်းတော်ဆီ ဝင်ရောက်သွားသောကြောင့် နန်းတော်မှာ တဖြည်းဖြည်းအက်ကွဲလာလေသည်။ ထို့အပြင် အက်ကွဲလာသည့်နှုန်းမှာ တိုးမြင့်လာလေသည်။
ထိုဖြစ်ရပ်များကို လေ့လာပြီးနောက်တွင် မိုဝူကျီက စိတ်ပူပင်သွားမိသည်။ သူ့စိတ်ဝိညာဉ်နန်းတော်သာ ကွဲကြေသွားပါက ပြီးဆုံးသွားကြောင်း သိ၏။ သူက ချီသွေးကြောဖြင့် ကျင့်ကြံသည် ဖြစ်စေ သို့မဟုတ် ဝိညာဉ်လမ်းကြောင်းများနှင့် ကျင့်ကြံသည် ဖြစ်စေ အရေးမပါပေ။ သို့သော် စိတ်ဝိညာဉ်နန်းတော်မှာ အတိမ်းအစောင်း မခံသည့် တည်ရှိမှုမျိုး ဖြစ်သည်။ ယခု စိတ်ဝိညာဉ်နန်းတော် အက်ကွဲလာ၍ သူက စိတ်ထဲမှ ကြောက်ရွံ့နေမှုကို ချိုးနှိမ်ထားရင်း ဆက်လက် ပြောင်းပြန်လှည့်ပတ်လိုက်သည်။ သူက ရေငတ်ပြေရန် ဆားရေသောက်မိသည့်အလား သောက်လေ ငတ်မပြေလေ ဖြစ်နေပြီး သူ့ကျင့်ကြံဆင့်မှာ တဟုန်ထိုး မြင့်တက်လာလေသည်။
“ ဘုန်း ...” မိုဝူကျီ စိတ်ဝိညာဉ်နန်းတော်မှ ကျယ်လောင်သည့် ပေါက်ကွဲမှုကြီး ဖြစ်ပေါ်လာကာ သူ့ခေါင်းပင် ပွင့်ထွက်သွားသည့်အလား ခံစားလိုက်ရသည်။ သို့သော်လည်း သူ့ခွန်အားများက တစ်စက်လေးမှ လျော့ကျမသွားဘဲ ဆက်လက် တိုးမြင့်နေဆဲ ဖြစ်သည်။ ဝိညာဉ်စွမ်းအား စုပ်ယူနှုန်းမှာလည်း မြန်ဆန်နေဆဲ ဖြစ်သည်။