حكايات

Shode AlHASi:
الجزء الاولى من روايه
#حكايات 💛
بعنوان
#مرضي_هو_فراقك 💔
للكاتبه:: شودي
تصميم:: سرو علي

ساره:: اهوه الكتاب كملته
سلسبيل :: اسفه حبي والله تعبتك معيا
ساره:: تعبك راحه
ع فكره هذي اول طبعه جبتها لكي
سلسبيل :: انشالله مننحرم منك
ساره:: ولا منك
سليبيل:: نزل في السوق ولا مزال
ساره:: الاسبوع الجاي انشاء الله
سلسبيل:: تعرفي لو  هيام حيه لكان فرحة من قلبها شكرا ساره
ساره:: العفو بعدين قصة هيام تستحق النشر عشان كل الناس تاخذ عبره من قصه هيام
سلسبيل الله يررحمها 💔
ساره:: لازم نعدي انا
سلسبيل:: خليك اشويه اشربي قهوه ع الاقل
ساره:: لالا والله ما نقدر عندي روايه ثانيه  نبي نبدا فيها
سلسبيل ': مشالله شنو اسمه
ساره:: اسمه#لقيطه مزال مش توا تنزل 💛
سلسبيل:: باهي بي التوفيق
ساره:: مع السلامه
سلسبيل:: مع السلامه

فتحت الكتاب مع ان مكنتش عندي نيه نقرا بس لما اذكرت هيام فتحته
المقدمه ..........

حلوى لما تحبي ولد جيرانكم
والاحلى لما يكون يحبك بصدق ومن غير ما يكذب ❤️
ياما قريت من روايات وكتب للحب وياما سمعت ع الحب لكن زي حب هيام وحسام مشفتش
لما سمعت قصه هيام  دمعو اعيوني لان حسيت الحب في كل كلمه كانت كاتبتها
في اشياء واجده تخليك تبعد على اللي تحبه
واهم سبب
لما تكون خايف  عليه  من اقرب الناس ليه
لمايكون بعدك هوا الراحه لشخص اللي تحبه فاكيد اللي يحب ابجد ح يبعد عشان راحت حبيبه
بس اصعب شي لما تسمع الناس
تحكي عليه
ولما تسمع صوته وانت مش قادر تقرب جهته
لما اتشوفه يتوجع وانت مش قادر تخفف عليه
لما ينكتب لي غيرك وانت تشوفله مع غيرك من بعيد وخايف تقرب
وهذي القصه اللي خلتني نبكي
حسام::هيام كم لنا علاقه
هيام:: سنه ونص
حسام:: لميت حق الخطبه
هيام:: من الاول انا قتلك نعيطك افلوس قتلي لا 
حسام: كم مره نقولك سكري فيته الموضوع هضاا
هيام:: به اهوه سكتت
حسام:: باهي توا انشاء الله بكرا انجي نحكي مع عمي ايهم بيش نحددو يوم الخطبه
اسمعي
هيام'' شنو
حسام:: خايف لما نجي هلك ميتقبلونيش
هيام:: لالا اكيده يوافقو
حسام:: حتي لو رفضو مش ح نخليك لي غيري هيومتي
هيام:: نحبك
حسام ؛؛ نموت فيك
هيا:: اسمع شفت حمام سمح و سعره رخيص ع النت شنو رايك اتركبه للشقه
حسام:: تمام ابعتهولي
هيام:: تمام

هيام:: شنو رايك سمح
حسام:: سمح توا انرن عليه ونتفق معاه
١
كانت في خطوات تمشي بخفه بجنب الدار ونفتح الباب هشام::في منو تكلمي الساعه٤ الفجر
هيا::اءءء هذي هذي سلسبيل
هشام:: هاتي التلفون
هيام:: والله سلسبيل
خذا منها التلفون وحطه ع وذنه
خسام:: هيومتي كنك
هشام عزق التلفون ع طول يده وجا التلفون اطروف
هيام:: واالله ماهو ماكيف انت فاهم هشام تكلمي في شباب ي#### انا خوك مديرتيني اقرون يا حيوانه ي$### ونزل فيها ضرب كان اعياط هيام مالي الدنيا اما هشام يضرب بلا شفقه ولا رحمه

فاطمه::ايهم نوض نوض
ايهم':: كنكم شنو في
فاطمه:: الحق الحق ماني عارفه هيام تعيط
وركبو يجارو اما وسيم فكان راقد ولما سمع العياط طلع يجري من داره لي الدور اللي فيه دار هيام
هشام طلق هيام وبرم طبق باب الدار بلمفتاح اما هيام فكانت ع الارض مرميه غارقه في دمها كانت جثه متتحركش فك سير السروال وقرب من هيام زاد ضربها ومع كل ضربه كان يزيد جسم هيام نزيف مكانش في صوت غير سب هشام ودموع هيام
عايشه::هشام افتح قتلت البنت افتح حرام عليك
ايهم:: هشااام هشااام افتح الباب را نكسره عليك افتح
وسيم:: حول ياباتي خلي نحتل الباب
حلاحض الجميع السكوت اللي عم ع الدار
ايهم::استنا اهوه يفتح في الباب
بعد ها انفتح الباب وعمة الصدمه لما الكل شاف الدم اللي ع بلوزة هشام
عايشه"" شنو درت في البنت
ايهم:: احكي كنك
وسيم:: بعد هك خ نشوف شنو صار اكيده قتلتها
هشام طبق الباب بلقوه وسكره بلمفتاح هشام::بنت الحرام هذي كنت مخطم من الدار سمعتها تحكي ع التلفون في البدايه قلة هذي تحكي مع وحده من صحباته لكن لقيتها تقول حمام ما حمام وتضحك فتحت الباب وجهه انسود ورتبكت وانت عارف هيام لما تكذب تبدا تلكلك ولما حطيت التلفون ع وذني لقيتها تحكي مع الكلب حسام الفقري
عايشه ::حول خ نشوف البنت
هشام:: مد المفتاح هكي هه
وسيم نزل وسيبهم اما ايهم ف مشا لي داره بخطوات مش متوازنه وعقله يشيل ويجيب في افكار جهنميه اما عايشه فكانت ترجف ومن اول ما فتحت الدار شافت كيف الدار كلها دم اما هيام فكانت مربوطه ع السرير مغمي عليها ومش باين شي منها من كثى الدم
نزلت ع رجليها وحطت ايدها ع وجهه هيام بيد ترجف شافة لي يدها وقربت لمست اعروق هيام بس تطمنت لما حست بنبض وبخطوات سريعه نزلت عشان صندوق الاسعافات قربت منها وحطت الصندوق ع السرير قربت بدت تمسح في الدم عشان تعرف الجروح وين كان وجهه هيام كله جروح وجسمها  كان كله دم مع الوان وانتفخات كثيره شعرها الاسود مالي المكان وبعد جهد طويل قدرت فاطمه تخيط وتعقم كل الجروح اللي فيها بس نست جرح كبير داخل هيام اللي م
ستحيل تقدر تخيطه نضفت الدار وبشويه ما لمت كل شي ومخلتش اثر لشي نضمت عدت الاسعافات وطلعت بخطوات مهزوزه لي راجلها ايهم
ايهم:: والله ماني عارف
احمد:: فكر اكويس يا عمي وبعدها ساهل
ايهم:: تمام نسالو البنيه ونردو عليك احمد:: في امان الله
ايهم:: مع السلامه

فاطمه:: ااه ياضهري
هشام': كنك
فاطمه:: كنت انضف في دار هيام
هشام:: معش تجيبي سيرتها  قدامي
فاطمه:: لكن
هشام:: امي خلاص
ومشا وسيبها اما هيا فكملت طريقها لي غرفتها

ايهم:: ديري طاسة شاهي ي فاطمه فاطمه:: ليل توا شنو تبي فيها طاسة الشاهي
ايهم:: الليله ينحل الموضوع كلمي عويلك وتعالي
فاطمه:: باهي
دارت فاطمه الشاهي
فاطمه:: هشام
هشام:: نعم
فاطمه:: باتك يبيك
هشام::فيش يبي فيا الموضوع هوا قلتلكم سكروه
فاطمه:: امشي لي باتك
هشام:: اشويه باهي
فاطمه؛: كلم حسام حتى هوا
هشام:: قيسه موضوع باهي نكمل دخاني ونجي

ايهم:: الموضوع اللي  صار في دار اختكم مات في دار اختكم ونهيته لمي منها يا فاطمه كل حاجه وتبي تبقى في الدار شهر لين يتيسر خالها
فاطمه:: ومنو اللي يبي ييسر حالها
ايهم::  رن عليا ولد رفيق احمد طلب يدها قتله في عقلي  عطينا شهر انتممو امورنا بعدها يخذها بلا عرس
فاطمه:: انشاءلله توافق
شهام::توافق غصبا عنها
وسيم:: اني طالع
ايهم:: وين ماشي
وسيم :: نبي نمشي لي صاحبي
ايهم:: تعرف تجيني سكران نلزك
وسيم:: تمام منوره
هشام:: نبي نمشي نرقد تبو شي
ايهم::_ سلامتك
فاطمه:: تصبح ع خير
هشام:: وانت من اهله
ايهم:: ترا فاطمه طفي الضي
فاطمه حاضر
٢
كانت بنة الدخان قويه بشكل مش طبيعي و
الرؤيه مش واظحه وصوداع قوي تحس بالم في جميع جسمها ومش قادره تحرك حتى جفنها من الالم واخيرا قدرت تفتح عين وحده شافة كرسي وشخص مقعمز عليه

يتبع