#كبرت_على_حبه🌻❤
#حلقه_خمسين 🦄🍒
_________________
الجزء الثالث🐣💛
سيرين كانت لابسه فستان ابيض تحت من الركبه و كتوفه طايحات فيه طرف من تحت ابيض لنص الفخض وبعدها شاش لتحت من الركبه وعليه سندل ذهبي
عزيزه : مش عازمين حد انتو
سلوى : اها لان جاء عالسريع
عزيزه : حسيتها مغصوبه
سلوى : مش عارفه مدرعنها
عزيزه : سيرين بتجي
سلوى : نفعلت مانندريش عليها انا
انوار : ااا قصدها مش عارفها
سلوى : صبت وانوار لحقتها
انوار : سلوى كنك
سلوى : زعمتلي كبدي بأسألتها الزايده وانا راقيلي بروحي
انوار : وانتي عليش راقيلك
سلوى : بصراحه وجعتني هاله حتى كان غلطت وغلطها كبير بس مش هكي وسليم واحد سكار يعني فالنهايه بنت خالي ومتربيين معا بعضنا
انوار : فعلا بس المجتمع مايرحمش خلاص بنت هيا يلي تدفع الثمن وحدها ربي يهديها وخلاص
سلوى : اووووف هيا نطلعو
انوار : هي
مايا : حي جينا على نفس الوقت
سيرين : سلمت عليها كنا وراكم اصلا
عمر : خيرات هيتا ليا هنا
جمال : خوذه العياط مايسكت بكل
مايا : ينعلي ي سوسو دايرها فيا دور اسود عياط بكل
سيرين : نجيه حبيب خالتو
عمر : بحت فيها وغمزلها
سيرين : ضحكت وبصوت واطي هبل
خشو جوا وسلمو وسيرين ومايا قمعزن فالصاله برا
هاله : قصدك جت
نعيمه : اها ولابسات هن لثنين ومتأنقات
هاله : عارفتهن متشمتات
نعيمه : المهم فوتيهن وبطلي بكاء خلاص
هاله : مش قادره عارفه حياتي معاه جحيم
نعيمه : بالكي العكس مش يحبك هوا
هاله : من يحب هذا يعرف الحب هذا
نعيمه : صوت بيبات شكلهم جو البسي بسرعه
هاله : قعدت ترعش و تلبس وهيا مرتخيه
مسعوده (ام سليم ) : مش عاجبها الوضع سلمت بلا نيه وقمعزت
اخت سليم (إسراء ) : حامل فالكم توا انتي
سيرين : بلا نيه فالسابع
إسراء : بحتت فيها وصبت
مايا : حالات فوتي
سيرين : حتى انا فايته تعالي نمشو للمطبخ
مايا : هيا خذت حميده وخشن للمطبخ
عمر : بالي ما جاء كان هذا قتلته لكم
علي : عمر خلاص فوت ماديرش مشكله
عمر : حتى انا فايت
حمد : انا بنعرف باتي كيف عطاها لهم شوفو حتى ماتعب روحه جاء خذاها دز خوه
علي : اكيد عنده ظرف
مفتاح : واحد يخش يقوللهم هيا
حمد : تو نصبي انا
هاله : مانبش نمشي مانبش ارجوك ي ماما ماتخليهمش ياخذوني
امها : مقمعزه عالكرسي و تبكي وتخبط في كرعيها
صالح : خش عليهم هيا صبي اطلعي
هاله : طاحت ومسكت فيه كراعه و تبكي بعبرتها وترجي فيه
صالح : انتي جبرتيني انا ماكنتش معاكن هكي
هاله : هوا جبرني والله هوا ماتخليهش ياخذني عشان بابا عشانه هوا
والبنات مصبيات برا يبكن
سيرين : مشت للمطبخ و قمعزت عالكرسي وتبكي وجعتها هاله برغم يلي دراته فيها وجعتها كيف مكسوره حست روحها انها السبب
( يمكن هاله كانت طريقه وصولها ل حبها غلط بس انسان يلي يحب معش يفكر وهاله وصلت لدرجه الجنون لحبها كانت ماتبش تفقد عمر كيف مافقدت باتها تبي تمسك بيه بكل قوتها هاله غلطت ودفعت ثمنه غالي بس هذا الحب (❤) بأنانيه )
صالح : طبس عليها ورفعها اسف مانقدرش انديرلك شي انتي ردي بالك من روحك وطلع
نعيمه : حظنت هاله وقعدت تبكي
هاله : لبست عبابتها وطلعت ركبت وهيا جثه ماكانتش تبي تحكي مع حد ولا تودع حد
ركبت في سياره وهيا ماشيها لحياتها جديده
وعارفه مصيرها شنو 😔✋
( وتعمل النيه ك مصير للمستقبل 😔 )
عمر : خش للمطبخ ولقى سيرين منهاره قرب وقمعز قدامها عند كرعيها حبيبي كنك
سيرين : بحتت فيه وردت تبكي بالعبره
عمر : مسك يديها حبيبي كنك
سيرين : بالعبره اانا سببب لييش حرراام اننا مانبش ايسيرلها هكي
عمر : عرفها تحكي على هاله اشش مش بسببك بسبب حقدها وافعالها خلاص وراسي اسكتي
سيرين : حضناته وعمر قعد يمسح على شعرها نين هدت صبى جابلها اميه
عمر : ها شنو توا تمام
سيرين : مسحت دموعها وهزت راسها
عمر : تبينا نروحو
سيرين : لا عيب نعدي توا خليها شوي
عمر : على راحتك تعالي نطلعو تشمي هوا
سيرين : مدتله يدها وعمر صباها وطلعو
بعد مرور اسبوع
سلوى : بنسكر التلفون ل عند يوم الفرح
مراد : تسكري عينك
سلوى : بتجعوين عشان ترايف عليا حبيبي
مراد : بعدها تلقيني عندك نخطفك من هلك
سلوى : بتجعوين مانبصرش نا
مراد : سللوى
سلوى : اسفه بيبي انحبت باي وسكرت
مراد : الوو الوو سلوى
دزلها مسج
( باهي بكيفك سكريه توا بس تحملي العواقب بعدين حتجي عندي وتشوفي شن اندير فيك < مجنون حبك >😍)
سلوى : قرتها وبتسمت ودزتله ( نحبك ي طويلي ي مجنوني ي ماضي وحاضري ومستقبلي < انهبلت بحبك >😍)
وسكرت النقال حضناته وصبت حطاته فالدولاب وطلعت
انوار : صح النوم بالي طلعتي
سلوى : ههههه نضت على رنت مراد
سلام : مازلتي تكلمي فيه ي كذابه مش على اساس بتقفلي نقالك
سلوى : ههههه والله قفلته بس كنت انودع فيه
مايا : هههه تو يدير فيك شوارع
سلوى : على اساس ماهددنيش بس نبيهن شوارعه
سلام : خزي قليله ادب
سلوى : هههه وين سوسو
مايا : مازالت ماجت
عزيزه : شكلا عمر داير فيها شوارع
انوار : ههههه من عند ماخلاها تبات
سلوى : هههههه نعدي نفطر
سلام : حبه ماجاكش خناق العرايس
سلوى : مرات خويا كنك تنقي ورايا
علي : ينعلي من مرات خوك
سلام : انحرجت
انوار : تحشم منا
علي : توا انا قلت حاجه
امه : طلعت من المطبخ جيت ي وليدي
علي : لا فالطريق
امه : انت محد مدورك نحسابك عمر
علي : كيف ولد الجيران انا شفتي ي مراتي شفتي عمتك المستقبليه
سلام : انحرجت وخشت للدار
امه : خزي عليك حرجت البنت
علي : ههههههه باهي شوفي شن ناقصك وقوليلي هي سلام ينعلي من اسم سلام انا وطلع
مايا : هههه من كلب العيل
امه : ماعاد يتحشم بكل
سلوى : يحبها حتى هوا
سيرين ناضت ولقت عمر راقد وحاضنها ابتسمت وقعدت اتأمل فيه و بعدها باسته في خده و صبت دارت دش ولبست طرف بيج عليه رسومات بالالوان و سروال امريكي وطلقت شعرها و دارت فطور
وعدت ل عمر توعي فيه فتحت شباك الدار والضي جا عليه
عمر : رقد على بطنه و حط على وجه المخده تؤتؤ طفي الضي
سيرين : جت وقمعزت جنبه حبيبي هيا تاخرنا وتلعب بشعره
عمر : حبيبي سكري الخارب بنرقد
سيرين : هيا حبيبي درتلك فطور
عمر : باهي عطيني حاجه قبل
سيرين : فهماته وجت بتصبي بسرعه
عمر : مسكها وطيحها وين هاربه
سيرين : تضحك ي هبل بطني بشويه حرام عليك مدوشه ودايره ميك اب ولابسه
عمر : من قالك بنشيلك
سيرين : رفعت حوجبها والله
عمر : وراسك والله مش شايلك الا مانخذ حقي
سيرين : عمر
عمر : عيونه وقلبه وروحه
سيرين : حول باهي
عمر : وراسك ماني محول وباسها على ....
سيرين : خلاص حول
عمر : صبي صبي غير وجعني حالك بس
سيرين : بعد شنو بهدلتني
عمر : صبى وماشي للحمام اسكتي را نرد نكمل
سيرين : هههههه لالاه خش علي ماطلعتلك دبش
في مكان ثاني
سليم : صبي ي كلبه راقده وامي واختي يضمن صبي
هاله : ناضت وكانت مرهقه بكل واثر الضرب على وجها نكرهك نكرهك
سليم : مسكها من شعرها و قربها منه ويحكي في وذنها وانا نحبك وبعد تضمي الحوش بتوتيلي روحك فكيني من منظرك المعفن
هاله : مانبيكش نكرهك مانحبكش بيش تفهم
سليم : تبيني وغصب عنك ونقولك تو تضمي بعدين سلح السير متاعه
هاله : جت بتهرب دفها ونزل فيها ضرب بالسير وبعدها ........
سليم : طلع من الدار ( طبعا كانو عايشين معاهم في دار )
امه : ايوه ربيها ماتخليهاش تركب فوق راسك
سليم : نعجبك انا ماشي ممكن نطول برا معا الشباب وكان دارتلك حاجه قوليلي
امه : ماعليك منها غير عدي
سليم : هيا تبي حاجه
امه : نبي سلامتك ي راجل الحوش ربي يحفظك و يحميك
طلع سليم وخشت امه و اسراء اخته على هاله بالعصا
اسراء : صبي استري روحك يلي ماتحشمي وضمي الحوش
هاله : لافه روحها بشرشاف وتبكي
ام سليم : صبي يلي ماتحشمي صبي
هاله : ماعنديش لكن جو وانتن خاشات ل داري را
ام سليم : يلي ماتحشمي تردي عليا
اسراء : خليني نربيها يمي
ام سليم : هيتي العصا هنا ونزلت في هاله ضرب
( برغم انهن يقربن ل هاله بس مارحمنهاش لان عارفات هاله عليش وكيف خذاها سليم )
صبت هاله لل حمام دارت حمام وطلعت الحوش تضم
سيرين خشت على عمر لقاته معطيها بظهره ويلبس في ساعه حضناته من لاوره
عمر : برم عليها ههههه مش قادره تحضنيني من بطنك
سيرين : هههه ولد داير حاجز
عمر : ينعلي من ام ولدي
سيرين : ابتسمت هيا تعال افطر
عمر : هيا قمعزو يفطرو وعمر يوكل في سيرين
سيرين : شويا بس بنقولك حاجه
عمر : كولي هذ بس
سيرين : اسمعني بس
عمر : ها ي همي
سيرين : هم سمح 😊
عمر : واحلى هم
سيرين : تحطني عند هلي وحطت يديها على وجها
عمر : حولي يديك
سيرين : حولت يديها بنسلم عليهم بس والله ماريفتلهم وراسك
عمر : هههههه هبله وحق الله
سيرين : كنك
عمر : نحطك اتغدي عندهم وبعد الغداء نشيلك ل هلي شن رايك
سيرين : خايفه سلوى تزعل
عمر : لا ماتزعلش
سيرين : نجك لي انحبك عرم بكل واجد انا
عمر : بلا فترشه ي هبله
سيرين : توا شنو فترشت اه
عمر : شنو هذي نحبك عرم بكل واجد
سيرين : نوصفلك في حبي
عمر : قرص خشمها ينعلي من حبك هيا كولي
كملو وطلعو
سيرين : دق عالباب انتو ي قوم حلو
عمر : بلا هبال
سيرين : من قالك انا هبله
جواد : فتح الباب اووو الهبله عندنا
عمر : شفتي حتى خوك قالها
جواد : ههه كنكم
سيرين : شي وين ماما
جواد : كيف ماتبيش اتسلمي عليا
سيرين : لا مانبش اتقولي هبله 😑
عمر : هههه وهذا شنو مش هبال
جواد : به زعلت را
سيرين : حضناته نبصر على كبيدتي
جواد : خشي امي جوا
سيرين خشت
سيرين : انا جييت
محمد : اجعاز
باتها : نورتي اهلين
سيرين : ضربت محمد على راسه تعلم اهلين وسلمت على باتها وامها وسعاد طبعا🙄
جواد : خش مافيش حد براني
عمر : خش وبصوت عالي سلام عليكم
الكل : وعليكم السلام
خالد : عدا يجري زبق على عمر عمو عمر
محمد : بشويه عالراجل
عمر : لا عادي خليه وقمعز
قعد يهدرزو و مسكوه للغداء تغدو وبعدها طلعو ل حوش هلا
سيرين : خير
سلوى : خيرات ي حيوانه وينك من بدري ي كلبه
عمر : هوب هوب بشويه على مراتي
سلوى : اسكت مش شورك
سيرين : ههههه والله عديت ل هلي مرايفه عليهم مسكونا للغداء
سلوى : شفت تعلم عشان بعد نجيكم تمسوكني للغداء
علي : مني انا حتى الباب مانفتحلكم
سعد : ههههه تفضلو من غير مطرود
سلوى : خزي برد
ام عمر : خيرات وسلمت عليهم
علي : اهو جا كبيدتك كلا انا وسعد سمالله علينا
عمر : هههه منقهر
ام عمر : سلم وليدي تعدي تجيب عيت جدك يبو يجو
علي : ونقول كنها دور في عمر وراها مصلحه عارفه وجه الفقر سعد سيارته صغيره وانا سيارتي فالورشه
الكل : هههههه
امه : خزي البارد واللهي لا
عمر : هههههه تو نجيبهم وصبى وطلع ورد اسمعي يمي ماتخليش سيرين ادير عارفها ماتريحش روحها
مايا : حي عالتوصيات
سيرين : انحرجت وقرصتها
امه : ماعليك فيها
عالعصر البنات قعدن يلبسن
( سيرين لبست فستان خضر كمه من فوق ضابط وبعدها من تحت واسع ومن عند الصدر هك ٧ وضابط وبعدها من عند البطن ومن تحت فيه تبويجه بسيطه وعليه سندل اسود عالي طلقت شعرها وكان هالب القفطان بواجد ودارت مكياج خفيف )
سلوى : تهبلي طالعه
سيرين : هههه عيونك يلي يهبلن
عزيزه : لمي شعرك خير مايضربوك بعين
انوار : صاح ديري تسريحه خيرلك
سيرين : حسستني انا شعر ريبنزل ههههه
سلام : شويا ويقعد هك ههه
سلوى : اصبري بس حي عليك من عمر عالكعب
مايا : هههه قبل بنقولها
سيرين : ههههه اسكتن الله يربحكن فكني منه مش طالع عليه
سلام : تضري في روحك
سيرين : ماحتى سارتلي حاجه
صبت عالمرايه وبحتت في روحها
سيرين : بنات من ترفعلي من شعري شويه
مايا : هيتي تو نديرله لكي انا كملت وحميده عند جمال
سيرين : هاكي
رفعتلها مايا من شعرها شويا
( مايا لبست بدله قونه ليكرا عند الركبه لونها ازرق وعليها طرف قصير لونه ابيض مخربش بالازرق والبودري ورفعت شعرها كلا فوق )
( سلوى بحكم انها العروس وطالقه الشينه 😂 ف لبست سروال امريكي فيه تشريطات وعليه تي شرت اسود في كتيبه ذهبيه و كندره ذهبيه وطيه )
( سلام لبست شورت لونه اسود و كت فوق من البطن لونها اسود وعليها طرف شاش اطول من الشرت لونه احمر وكندره سوده وطلقت شعرها )
سلام : فالمطبخ تضرب فالنسكافيه وتغني
علي : خش وقعد متنح فيها تي حي علمك ي بنت
سلام : عيطت وعدت تجري كرست من جنب التلاجه
علي : هههههههه حقيتك اطلعي
سلام : ي انت اطلع بلا براده شن جيبك صبايا كلهن
علي : ههههه منظرك خطير تي غير اطلعي
سلام : اتقرب نعيط والله
علي : هههههه
بنت جيرانهم : خشت اووه علي انت هنا خيرات
علي : خير وطلع
سلام : طلعت وهيا راقيلها لحقاته ومسكت يده استنى
علي : دفها عالساس ينعن شكلك كيف طالعه هكي
سلام : وانت كيف تقوللها خير
علي : خشي يحقق شي حد
سلام : مش شورك بيا
علي : تعصب وضغطها عالساس اخرى ماتخلينش انعصب عليك امشي خشي جوا
سلام : خافت لان اول مره يعصب عليها وتشوفه هكي دموعها نزلن حول عشان انخش
علي : حول خشي بسرعه
سلام : خشت وعلي بعد حقها خشت مشا شور الشباب
قعدن يغلفن فالدبش و يغنن
انوار : هيا سوسو
سيرين : صبت را وحده تبص العمر
سلوى : هههههه ما عليك شوري
سيرين : نهارك ربطت وقعدت ترقص
عزيزه : ترقص هيا وجنينها 💃
البنات : ترقص هيا وجنينها 👏👏
عزيزه : يارب انشاء الله يعينها 👏
ام عمر : الصقر الي دايرلك قيما 💘💃
البنات : دايرلك قيما 👏💪
ام عمر : جعنك تحت جناحه ديما 🕊
سلوى : هيا خشي معاها ي سلام
سلام : صبت ترقص
سلوى : ياربي نجيلي خوتي الجمله .... وعليوه هو راس العمله 👏💃
عمر و علي يشيلو فالميه لقو سيرين وسلام يرقصن صبو يتفرجو
عمر : اطلع ي تيس
علي : تي شويا بس 😂
عمر : كره معا يده وطلعه
عمر : يرن على سيرين ماتردش طبعا مش حتردي زايطه جوا
عدا ودق عليهم
عمر : حلومه كلميلي سيرين
حليمه : هيا تو نكلمها وعدت كلمت سيرين
سيرين خذت نفس من الرقيص وسلحت الكعب وطلعتله
سيرين : نعم حبيبي
عمر : متكي عالساس وحاط يديه في جيوبه ومرفع حواجبه شنو كنتي ديري
سيرين : كنت مقمعزه ونطبق فالمناديل بس
عمر : بس
سيرين : كنك
عمر : يعني مارقصتيش لا وبكعب اخرى
سيرين : احم احم مااا اا
عمر : توا شن اندير فيك بس سيرين كنك انتي
سيرين : قربت منه مادير فيا شي حلام عليت نهون نا
عمر : بطلي طروح مايمشنش معايا
سيرين : قربت بتبوسه وعمر يرفع في روحه و سيرين تحاول نين ماطقاتش خلاص معش نبي نبوسك وجت بتعدي
عمر : مسكها معا يدها وحطها عالساس وقعد يبوس فيها بغل 😂
سيرين : ااه كنك بشويه
عمر : بعد من عليها ديري يلي نقولك عليه ولا نروح بيك ونحبسك حتى الفرح مانخليك تحضريه
سيرين : حاضر عارفتك ديرها خلاص وعد عش نديرها
عمر : ينعلي من عش نا معش هك يقولو فيها
سيرين : عش انا حره
عمر : خشي را نرتكب فيك جريمه هن
سيرين : هههه خشت وصبت عند الباب وهمستله نحبك
عمر : ضحك وطلع
غلفن الدبش وسيرين مايا يبن يباتن ماخلوهنش سلام زعلانه من علي وماتحكش معاه
فاليل
سلام : لابسه بيجامه عليها قطوس و رافعه شعرها فوق خشت بتشرب ميه لقت علي جت بتطلع
علي : سلام
سلام : ماعدلتش عليه وطلعت علي لحقها وكرها مع يده وخششها لداره وقفل الدار
سلام : هييي انت افتح الدار
علي : نحكو قبل
سلام : مانبش نحكي معاك افتح الدار لو سمحت
علي : اسف مش قصدي نعيط عليك
سلام : اسفك مش مقبول واخرلك مره تعيط عليا انت وشيرت عليه مادخلكش بيا
علي : سلام را مازلت نحكي معاك بهدوء ماتخلينش نعصب عليك
سلام : عصب شنو بدير
علي : مسكها مع يدها قريب كسرها لها ويحكي بعصبيه عارفه كنا في عرب بره را خليتك تعرفي شنو اندير واخر مره تردي عليا فاهمه
سلام : تحول في يده ودموعها نزلن اي توجع
علي : ضغط على يدها اخرى فاهمه
سلام : قعدت تبكي فاهمه فاهمه خلاص يدي
علي : فطن ل روحه حضنها اشش معش تبكي
سلام : قعدت ماسكه في ظهره وحاطه وجها في صدره وتبكي
علي : قمعز على سرير وقمعزها في كتره ويمسحلها في دموعها اسف حقك عليا وغلاتي عندك تسكتي
سلام : مطبسه راسها
علي : باسها في خدها اسف هيا ي سالم طلع الذكر يلي جواك
سلام : ضرباته على كتفه بارد
علي : نجيلي ضحكتي
سلام : معش تعيط عليا
علي : ينعلي من الخواف انا انتي معش تعصبيني
سلام : مش خوافه انا
علي : خوافه
سلام : انخاف من حبيبي بس
علي : نحن ثنين وثالثنا شيطان صبي
سلام : صبت هههههه بارد
علي : فتحلها الباب وطلع وردلها هيا اطلعي بسرعه ورن عليك افتحي
سلام : به وطلعت
ثاني يوم عدو فرشو الحوش وروحن وماصورنش ل سلوى لان مراد كان طالب هك
سيرين : اها بكرا تجن عزمت حتى عيت عمتي
سندس : باهي في قاعه
سيرين : اها قاعه &&&&
سندس : معناتا الله تو نجي مع حبيبي ويحقني امكيجه
سيرين : خزي حيوانه ههههه
سندس : باهي وجك خش انتظار
سيرين : تف وجك وسكرت
سلوى لبست بيجامت الحنه
سلوى : مرايفه عليه موت
سيرين : يحنه تو بكرا تمشيله
سلوى : نفكر بكرا ينعلي خايفه
مايا : تعالي نعلموك ههههه
سلوى : دنا معلمه ههههه
سلام : خزي قليلات الادب
نعيمه : بنات قالتلكن عمتي تعالن
البنات : هي طلعن و قعدت الحنايه تحني في سلوى وبعدها البنات قعدن يرسمن في حنه
حنة عمر : حني ي بنت
سيرين : مش عارفه ماقلتش العمر
امه : غير حني ماحتى كلمك
انوار : حنت توبو ساعتين و تحوليها
عزيزه : منها تقعد مفاجئه
سيرين : هههه به
سيرين قالت للحنايه اكتبيلي اسم عمر وكتبتلها اسم عمر في يدها وكرعيها خفيفه
يتبع ...🌿🌹