اسفة عالتأخير ، بس والله تغطية النت مش مساااعدتني بكككل ،
رواية #جميلة_في_عالم_الذئاب للكاابه الهميل الشارد هميلو
الحلقه / ،28 ,,
______________💚قراءة ممتعه💚_____________
وصلنا لعند نادت نسمة روعه وخشت روعه للمطبخ عشان اتجيب مية لامها و روعه ماركزتش وخشت عشان تجيب مية وتلحقها وحدة كانت حاطة العيون عليهن واول ماخشت روعه للمطبخ الضي كان مطفي وتحس بيد قوية شدتها وانخبطت في صدر عريض وماقدرت اتعيط لان الشخص صمر فمها وفجاءة يقبلها ويولع الضي ،
وتشهق روعه بصدمة و اول مالتفتت روعه تلقاها نجاة ،
صدمة ثلاثيه الابعاد انحرجت وتوترت وخافت وبدت تتنفس بقوة وفراس طبعا اللي كان يرجا فيها واول ماشافها خشت طف الضي وقعد يرجا فيها وصار اللي صار ،
لكن توتر لما شاف امه شافاته يقبل في بنت عمه ،
نجاة : هضا شنو ؟ شنو اديرو في الظلام هنا انت وياها ؟
روعه تبكشت واعيونها دمعو وترررجف ونقرفة من فراس كيف تجرا وباسها والافكار استكن في دماغها
فراس بتوتر قال : اا ا . انا .كنت نبي روعه في...
نجاة فنصت وقالت : احكككي شنو اديرووو ؟ والا تبي تفضحني انت وياها !؟
روعه بدموع وعبرة : اا انا مادخلنيش .. هو .. ه ..هو .
نجاة قربت منهم ومسكت روعه من يدها بقوة وهي مفنصة وقالت : انتي شن يخشش فيك بروحك هنا ومسيبه الحفلة برا ؟ هااا
روعه : ن.. ن ..نسمة قالتلي ان م.. ماما
فراس : ي امي سيبي البنت توا ونحميلك انا روعه مالهاش داخل راه ،
نجاة وهي توشوش بغل : انت تسسسكت وتطلع براااا وحسابك معاي بعدين ، اطلللللع 🤬
فراس : باهي تو نطلع اطلقي البنت مالهاش داخل اصلا ،
نجاة : قتلك برااا كلمة وحده ،
فراس بعناد : مانيش طالع نين تسيبي البنت قبل وكان بتعاندي بنزيد نعاند وانتي عارفة ،
نجاة طلقت يد روعه اللي توجعت من مسكتها والعيون دموووع وخلاص وفراس قال : اطلعي ي روعه انتي ،
روعه شافتله بكره وقالت : انت واحد حقييير ،
وطلعت تمسح في دموعها وترررجف ، وفراس جا بيطلع وهو غامتله من كلان روعه ،،
وامه مسكاته من كتفه وقالت : فراااااس قتلك فوت موضوعها بنت عمك ،
فراس بابتسامة : والله مانقدر ي يمي ،، خلاااص ماعاش في بنت بتخش هنا ولا هنا (_شير علي راسه وقلبه ) ،، الا روعه تبيني نرتاح وافقي عليها بتقولي لا بنقعد طول عمري عازب ،
وطلع خلا امه تواجي وفي اللقطه اللي شافتها وحست ان ولدها معش متحكم بنفسه ،
وطلعت وهي متوترة وخايفة ، وقعدت تراقب في روعه اللي قمعزت جنب امها وشكلها ترررف والدموع في عيونها ،
نجاة استغفرت ربها وودعت ضيوفها والناس اللي بدت اتروح ولانها جايبة سواية اطيب ووحدة تغسل البنات تريحن وجايبة حتى اللي يمدن وايعاولن ،
المهم
فض جو العرس وخولة اصرت يروح بيها حسين مع ان خالد قاللها نوصلكن
لكن قالتله : وصل مرت بووك وبنتها وباتك يروح بيا نا وخواتك ،
وفغلا ركبت في سيارة حسين اللي قريب انجلط ،
حسين : كنك ركبتي هنا ؟ خالد بيروح بيكن
خولة : لا خالد بيروح بالغندورة لخرا والا نحن مش مراتك وبناتك !؟
حسين زمطها قدام بناته
وقال : لا عاد كيف مغير نحساب بنروح بالعيلة لخرا ، هيا اركبن وصكرن البيبان ،
وهو عقله عنظ حبيبة القلب 😁🤭
وركبن بناته وطلع عمكن حسين لفيلته وخشن البنات زامهن شافت لحسين وقالتله : تعال نبيك في موضوع عرس بنتك في كذا خاجة بنتفاهمو عليها قبل ،
حسين : خير ان شاءالله ،
ومشا وراها ،،
وعند رقيه وروعه طلعن وشافن خالد ومعاه فراس واول ماشاف فراس روعه ابتسم وروعه قارنة الحواجب غامتلها منه ومن لقطته اللي دارها ،،
خالد قرب منهن : هيا ي يمي السيارة اهيا ،
رقيه : شكرا ي خالد سامحنا بنتعبوك معانا ،
خالد : تعبكن راحة امي واختي انتن راه ،
وطبعا فراس من بعيد يشوف فيهن وشاف روعه لما ابتسمت لخالد قبل جاها ضربها علي وجهها من الغيرة اللي ناضت ،
وركبت روعه ورا امها وامها من قدام بعد اصر خالد انها تركب ، وفراس يملس علي لحيته وروعه ماعبراته ولا
بنظرة نقمت عليه ،
خطرها رواية جميلة في عالم الذئاب كتابة وسرد لهميلو ايوا انوقظ فيكن بس 😁✌🏻Hamelo ,,
المهم
روحن روعه وامها ووصلهن خالد لعند الشقة وروح ومرو الايام وروعه حكت امعا معاها وهي ترفض وفراس طبعا اللي خلاته يدير اللقطه هذي لروعه لانه حكا مع عمه حسين في فرح اخته وقاله عمه ان روعه رفضت لانعا تبي تكمل قرايتها ورافضة قصة الزواج القي روحه بدون وعي داز عليها ودعس عليها وقبلها ،، وقرر يقد وراها نين توافق ،،،
ومرو الايام والشعر جا نهايته وطلع عرس انتصار اللي يأست من فراس رسمي ،،
وعمتكن خولة حلفت رقيه وبنتها مايحضرن العرس وزينك فكه تريحن لا مشن ولا تعبن ،،
وعمكن خالد شاف حنان اخرا ايام عرس اخته وزاد نعلق ببها وهي انعجبت بيه بس ياشرينتي عادي وقعدت كل يوم اتجي عشان خالد مش عشان العقارب 😁 زعماةبيسير منهم والا لا ؟
وطلعت انتصار عروسة اتهبل جمييييلة لكن كانت تتصنع انها فرحانه وهي قلبها معلق مع غير عريسها ،، بس اجبرت نفسها 💔
ومرو الشهور وعمكن حسين فرحان بيطير برقيه اللي بدت تكبر بطنها ويوم عن يوم ايجيهن يجري ولاحظ ان خولة بدت اتغير من طبعها تبي تلسون وتدلع وادير في حركات عشان تلفت نظر حسين اللي خلاااص ماعاد يبحت فيها عبكككل الراجل غوي وحس روحه عاودله شبابه مع رقيه بس برقتها وانوثتها وطيبتها وبرائتها وضعفها الانثوي ،
لان جمال المراءة في ضعفها ،، مش في شخصيتها لا ضعيفة في حنيتها مع زوجها ضعيفة اتحسس زوجها ان هو السند وهي محتاجاته وتحسسه بقوته وشخصيته كرجل مش يحس انه متزوج امراجع ولد عطية جارنا 🙄
وعمكن حسين يشوف فيها الملاك والزوجة المثاليه حتى في نقاشا معاه بصوت واطي ورقة وانوثه كسبت محبته وقلبه ،، في رجالة يبو المرا تكون هكي عشان يرتاحو مش بالضرورة كلمة بكلمة انتي وياه ،،
عاد حتى ربي قال الرجال قوامون على التساء مش العكس ،🤨
وروعه نجحت وخذت مجموع اكويس وخشت للينة اللي بعدها وهي كلها طموح وامل ،
وفراس ياروحي كل مايحصل فرصة ومرة جاهم في الحوش روعه خشت لدارها ومابتش تطلع وحس بكسرة خاطر منها هو غلط فعلا لانه مس شي مش حلاله وهكي فهم ان روعه بنت فعلا متمسكة باخلاقها الاسلامية قبل كل شي ، بنت ربتها ولية اجنبية بس مسلمة تمسكت بتعاليم اسلامنا عكس ماتشوف فيه توا من تربية لبعض بناتنا للاسف 💔
والعرايس زارن هلهن وحيشان عمامهن ،،
ونجاة تفكر في ولدها اللي صكر راسه كل ماتقوله نخطبلك يرفض ويقول لا وهي حست بروحها بتظلم البنت لان ولدها هو اللي غلط فيها ،
وقعدت تاكل في روحها لعند في يوم حكت لراجلها
وقالتله : نبي نخطب بنت رقيه لولدي ،
اسماعيل : قصدك بنت خوي هيثم الله يرحمه !
نجاة : اي اي ،
اسماغيل فرح : علي بركة الله ، بكرة هض نكلم حسين ،
نجاة : بس بشرط ،
اسماعيل : شنو شرطك ؟
نجاة ايجي ولدك ونقوللكم شرطي شنو ،
وعند فراس ميك عمل باته مزبوط وتغير وقعد ملتزم بشغله وحياته وفي يوم جاه مراد رفيقه اللي وجعاته رفض اخت رفيقه لطلبه ،
مراد : خير ي طير ،
فراس : اووو مراد شخبارك ي مان ،؟
مراد : الحمدالله بخير انت شنو الجو ؟ وينك ؟
فراس : قاعد كساد وكلط ،
مراد : خطرها عارف عبدو ؟
فراس قرن حواجبه : كنه ؟
مراد : رد مراته ،
فراس جا مصبي وقال : شنو تقول اي مراته ؟
مراد : مش كان متجوز قبل بنت عمم وعنده منها وليد واطلقت منه وهربت للاردن مع خوها وامها لانه كان يعامل فيها معاملة مش تمام ،
فراس بصدنة : كان متجوز وعنده ولد ؟
مراد : تخيل ، ولا العيل عمره خمس سنوات اخرا ،
فراس : وكيف صار ؟
مراد : بعد طلق بنتكم النصون طلعو بيه هله يعالجو فيه برا واعتقد مشو للاردن زبعد قعدتهم شعر يصادفو مراته وولده وغبدو شكله تحسنت حالته هو الحق قالي ماتقولش لحد عن علاجي الا لفراس بس ، لانه حس بتأنيب الضمير باللي داره ورجع زوجته لعصمته وحاليا قاعدين في المانيا هو وعيلته وباته وامه رجعو هنا ،
فراس : ربي يكمله بالهنا ، ويرتاح ،، بس المفروض قال انه كان متجوز وعنده ولد ،
مراد : هاذا اللي صار عاد ،
وزاد قال : فراااس ؟
فراس : نعم ؟
نراد : ينقني جاي نطلب في اختك من جديد ونبي ندير مقابلة شرعية ،
فراس شافله القيه مراد يشوفله بنظرة ايتجدا وقاله : اوكي نحكي للشايب قبل ،
مراد : ونا نرجا موافقتكم ،
ومر اليوم وحكا فراس لباته ووافق وفعلا طلبو من نسمة ادير مبابلة معاه وبعدها تعطي رايها وحكا اسماعيل لولده انه بيخطبله روعه وعليك فرحة صارن فيه قبل اضبط باته ،
وقاله بس امم عندعا شرط وهو ...........
فراس : ان شاءالله خير ،
ومشا اسماعيل ومعاه نجاة لشقة لحسين ورقيه وحكولهم انهم جايين يخطبو في روعه لفراس ،،
وروعه مارفعت رلسها مع نجاة متحشمة منها نين بكل ،،
نجاة بقصد : انا مانرضا ترفضنا روعه هي بعقلها وعارفة ان نحن هل قبل كل شي وفراس مش قابيته ولدي ولظ عمها وبيشيل همها ولا لا ؟
رقيه : اكيد وماراح نلقو اهسن من فراس شاب ممتاز ،
حسين : والله روعه مانطمن عليها الا لو وافقت علي فراس ،
نجاة لروعه : شنو ي عروسة موافقة والا لا ؟
روعه بخجل : اللي يشوفوه عمو حسين وعمو اسماعيل مناسب يديروه ،
حسين بفرحة : على بركة الله مالا ، روعه : بس بشىط واحد ،
اسماعيل : شنو ؟
روعه ..............
#Hamelo ✒