قمع المشاعر.... البارت الثامن والعشرون..
للكاتبة زهراء ( روزايه)...
( البارت طويل تعويض الكم!! ارجو الانتباه البارت🔞)
...
كلما تقدم بينه العمر غاصت رجلينه اكثر بالادغال ولكينه نفسنه مضطرين لازم نتعامل مع حيوانات بس على شكل بشر اي شخص انشوفه سواء رجل او امرأه لازم يخفي كائن بداخله احنه نعيش بدنيا تضم كل الحيوانات من الاليف والمفترس اتشوفينه قط اليف بس لحظه ينگلب اسد عليج لوتشوفي انسان وفي!! وبلحظه تلگي ذئب هي هاي حياتنه انعيش بغابه وناس تنهش بناس..
وهذا الحال ويه وائل الكل يشوفه رجال علي الزود انسان مثقف وصاحب شيم واخلاق وعنده مبدأ الشرف غالي بس من نرجع للحقيقه لكينه هذا بس مظهر خارجي بس الحيوان البداخل وائل حيوان قذر كل همه نزواته ويحصل اليريده بالقوه
شجن.. وائل عوفني الله عليك انت موصاحي اني بنت عمتك وعرضك شلون ترضاهه ع نفسك هيج تسوي ماكفاك السويته بيه هاي رجلي عوقتهه وغيث وعفته شتريد من عندي وصرخت بصوت عالي..
وائل... انتي السبب اني حبيتج من صغرج ليش رحتي حبيتي اخوي حتلو هو حبج مافكرتي اني جنت اريدج تتوقعين اخليج تصيرين اله واكعد اتخيلج ويااا لاااا اكتلج واكتله ومااخلي هذا اليوم يصير...
شجن.. انت واحد مريض ماتستحي نكرت خير اهلي كله هيج اتجازي بابا وجدو تنسه فضلهم صرفو عليك حالك حالنه وحطوك ابيت يسوه راسك وهسه عضيت ايدهم وتريد تهتك عرضهم..
وائل.. لاتلغين ماناكر فضل اهلج بس اني احبج ماتفتهمين احبج حييل مريض بيج !! فكره واحد يتقربلج امحي من الوجود ومستعد اذيج حته ماتروحين لغيري
شجن.. انت حيوان دكول تحبني؟؟ ومن باب تأذيني اليحب ماياذي
وائل.. اجه بسرعه عليه وكعد كدامي وخنكني من ركبتي لاتجادليني ترى اكتلج وادفنج هنا ومحد يدري دمرتيني سويتيني انسان طايح حظه من وراج كلما اريد ابعدج عن بالي اشوفج بوجه مرتي كله منج انتي السبب حته بدمار ساره!! ليش تخليني الوثج بالحرام ردج حلالي صديتيني ورفضتيني كل يوم اشوف شجن ما اشوف ساره واتخاليج بين احضاني واقضي حاجتي وياها واكوم اكتلهه انتي السبب وهي متعرف شنو السبب بس تنكتل وتبجي....
شجن.. لزمت ايده حيل وبعدته شنو ذنبهه مرتك لو ذنبهه تزوجت واحد عار مثلك ؟؟ بس كلت هيج ضربني راشدي ع قوه ايده احس خدي اشتعل نار وكام وكف..
وائل.. اختاري كدامي لو هسه اجيب الشيخ هنا يعقدلنه لو اخذ الاريده بالغصب واكول لكيتهه ويه واحد واسلمج بيد اخوج وتعرفي شلون صعب وحتلو تنكرين محد يصدكج لان راح ياخذوج للفحص واطلعين موبنيه واني ادكلهم صدري واكلهم اني استر عليهه !! وادري بيمن تفكرين دكولين الهم وائل سوه بيه هيج !! بس تطلع هاي الحجايه من حلكج بتليفون واحد غيث انومه سجن بتهمه مايطلع منهه وطلقه براس اخوج وانتي معقوله تضيعين فرحه اختج...
شجن.. انت شكد قذر حقير كلب ناقص غيره ولك انت مورجال حيوان قذر ماتخاف الله موعندك بنات ماتخاف يصير بيهن نفس هذا السويته بيه
وائل.. اختاري شجن وهذا الغلط لو اندمج علي هسه لو اسامحج اذا عقدنه اختاري لادوخيني؟؟
شجن.. ع كص ركبتي ما اتسجل باسمك مايشرفني اصير مرت واحد عار ناقص غيره راح تبقه طول عمرك متندم لان بس اطلع منا احرك روحي ماانتظر عطفك عليه
وائل... تسوين فضل حته ما اظل اركض وراج اظل حزنان عليج بداخلي!! بس المهم مااكول ماحصلتهه خلي اريح روحي بيج وبده يتقرب عليه واني ارجع ليورا اشر بيدي لااا وائل عوفني كمت وكفت ونسيت الم رجلي اجر بيهه صفح ماتمشي وين اروح البيت من كل مكان مقفول والغرف مابيهه بيبان بعده ماكامل ظليت امشي واتلفت اريد مخرج لو تاخذني هسه ياربي
يباوعلي بكل حقاره ويشوفني شلون روحي تفرفح مثل الطير وهو طلع مسدسه من خصره ونزع احزامه واني كمت اصرخ الله عليك وائل لااا لاتسويلي شي اقبل بيك تعال اخطبني من اهلي واقبل بس لاتسويلي شي!!!
وائل.. انتي بريئه ماتعرفين تصيرين لوتيه اجي اخطبج من اهلج وتتقوين باخوج وترفضيني مووو؟؟ ميخالف خلي اتمم هنا واجي اخطبج واحطج بعيوني وادللج دلال ماصاير...
شجن.. احس عيوني غوشت مدري انعمت وهو واكف كدامي بس بالداخلي ومن كدما صرخت عبالك الناس اموات محد سمع صوتي موحته بلاعيمي طبكت واني استنجد واحد ينقذني محد يخلصني غيرك ياربي ساعدني
اجه عليه واني اركض بعجز بنص الغرفه الفارغه مابيهه باب واني اروح اجر بالشباج اريد افتحه مقفول حيل هذا المجيم المتروك التفتت عليه وهو واكفلي يباوعلي ومستلذ بخوفي بسرعه سحبني من ايدي شكد قاومت وشكد ضربت دفرات بس هو ضخم حيل وجسمه ثكيل اضربه وادفعه ومايتحرك من مكانه
اتوسل وابجي بس ولا حركت شويه منه نومني بالكاع وانتفض عليه يبوس ويشم بقذاره ومخليني اصرخ واغلط بكيفي وعبالك صوتي يزيد من غريزته بس دافن راسه بركبتي احس لمساته تيزاب ويندار ع جسمي من كدما صرخت صرخه قويه بسرعه اختفه صوتي وصرت شكد مااعيط مايطلع واحس شي طبك بنص بلعومي واختنكت...
برجلي الصاحيه اضرب بي دفرات وماكدرت ابعده خرمشته لو ظهره حاجز هم انكسر من الضرب وهو معتليني ومنزعني بس قميصي لحدما بدت روحي تغيب اشوف كلشي كدامي صار ابيض اريد احس بلي يسوي مااكدر حسيت الروح طلعت من جسمي وصعد فوك اتشاهدت واني بس احرك بشفايفي
من شافني هيج وحس عليه بعد مااقاوم وايدي وكعت من ظهره شال نفسه وكام جانت الرؤيه عندي شبه معدومه اشوفه بس مااشوف ملامحه مجرد شخص كدامي من خوفه وفزعته ع حالتي والي يشوفني يكول جاي تعالج لان جسمي جثه بدون روح واحس روحي صعدت لبلعومي فعلا شفت الموت بهاي اللحظه
اريد اقاوم واريد اصرخ واضرب نفسي اريد ابعد اديه مااكدر خلاني بحضنه وهو يفرك بوجهي ويضرب ع خدي ويصيح شجن فتحي عينج ماسويتلج شي لاتخافين شجن مااذيج!! عقلي يكلي اسحبي نفسج لاتخلي يحضنج وينطي ايعاز لكل جسمي بس مايستجيب ابد....
كام يحجي اسمعه بوضوح بس عيوني ماكدر افتحهن عبالك رحت بغيبوبه شجن ليش هيج خليتيني اذيج مواني احبج والله ادللج هسه ارجعج لاهلج واجي اخطبج وانتي كولي اريده لان بشار مايقبل اكيد واعيشج ملكه انتي ربيتي كدامي من صغرج واني تعلقت بيج والله احبج
شجن... ماادري شلون نطقت وليش طلعت من عندي بهاي اللحظه بس بصوت متقطع وكوه ينسمع كتله اني اكرهك اموت منك اني احب بس غيث من كلت هيج كعدت الشيطان البداخله وكام يبوس بشفايفي مده طويله اختنكت ايدي تحركت وادك بالكاع بس ايدي الثانيه ماكدرت احركهه لحدما تركهن واني اخذ النفس كوه اشهك بس اريد اخذ نفس
وائل.. واني استخطيتج ياحقيره اني الج وبده يجردني من كل ملابسي ويمارس قذارته ع جسمي حته من اتذكر هاي اللحظه ارجع من جديد لهذاليوم وعبالك هسه صار انغمى عليه وماادري بنفسي بعدهه
فتحت عيني ع ايده تضرب بخدي ومنكعني بالمي حته انتبه كدرت اسحب نفسي زحف لزاويه الغرفه واني ارجف واضم باجزاء جسمي الطالعه وهو واكف ع راسي يدخن ولابس ملابسه وشمر عليه شرشف جبير وكال كومي للحمام ماكمت صاح بيه كومي لا اخذج اني!!!
لفيت نفسي وكمت بس ماعانتني رجلي رجعت مثل قبل ووكعت بالكاع اجه اتقرب عليه راد يشيلني ماخليته صوتي مختفي لازمه الشرشف وازحف زحف للحمام بصف الغرفه طبيت وسديت الباب واتاكد من قفله واني كاعده بالكاع بالكاع الوسخه وخرت الشرشف وطبيت جوه الدوش الجو بارد ثلج وجنت نايمه ع الكاشي الصليل باعظامي
مااكدر اكوم اوكف رجلي انتهت وهالمره كلهه انتهت جانت بس من الركبه وجوه هسه حته الفخذ لو اغرس بي سجين مااحس كاعده بالكاع ع الشرشف والمي ينزل ع جسمي حركت ايدي انصدمت بايدي بجهه رجلي المريضه واكفه نهائيا ماتتحرك بس حركه الثانيه طبيعيه انشليت!! الهي تسمعني اني انشليت!!!
كمت ابجي بدون صوت مختفي وفتحت المي الحار احس جلدي بده يموع اغسل بجسمي شلون من اريد اسلك شي حته نتخلص من الجراثيم هيج حركت جسمي وماجنت احس بس حته اتخلص من قذارته
سديت المي وادنيت ع الحايط اكو منشفه جبيره معلكه اكيد مالته ووسخه بس لازم اطلع صاح عليه ويدك بالباب عباله متت كال يمج منشفه لفي نفسج واطلعي لبسي اباوع لحالي الماكدر اكوم وجزء من جسمي مشلول واقنع بنفسي اكول لا هاي من الصدمه هسه ترجع لو ضاربتني جلطه جان اخذوني للمستشفى...
كمت استند ع رجلي الصاحيه وايدي كوه كدرت اوكف ويه وكفتي واشوف قطرات دم ع الشرشف اتخبلت اضرب بكلبي بقبضه ايدي كون هسه يوكف هسه اموت اخذ عمري ياربي اخذني ما اريد اعيش...
لفيت نفسي وطلعت وهو انطاني بس قميص لان قميصي وكعن الدكم مالته وانشك استحسفت حالتي وبجيت ع عجزي شلون البس فوك النص ساعه ومااكدر افوت رجلي بالبنطرون وايدي بالقميص بس دموعي تجري من شافني اجه عليه واني اشرله لااا كال مااباوع بس اساعدج لبسني الردن واني دكمته ولبسني الستره فوكاهن وظل شالي شلون اشده هو يلبسني بي واني مدنكه ودموعي مثل مزنه مطر شهر اذار يجرن ع خدي..
فاديه.. اليوم رجعت من وقت من الدوام ماعندي محاظره اخيره وصارت الساعه ب٣ ونص وشجن مااجتي متعودين عليهه قبل ٣ هي بلبيت محد جان بلبيت حته عمه بسمه ماموجوده يم بيت حماهه بس ماما وبيبي وقبس جاي تصلي هم هستوهه اجت...
اني واكفه احمي بلاكل لان ماتغديت واسمع الدكه مال الباب تكسرت طلعت ماما تلبس بحجابهه وتركض واني اباوعلهه من المطبخ واشوف وائل ساند شجن وبلاحرى بقايا شجن وماما ادك ع وجهه لحد ماوصلهه لباب المطبخ واني ركضت لبست حجاب واجيت اخذتهه اني وماما للغرفه ووائل بالهول
قبس.. اني اصلي وجابو شجن خربانه مااكدر اكطع صلاتي صوت ام بشار عالي وهي تبجي وفاديه وهي تسال بشجن كملت الصلاة وبعدني بعبايه الصلاه وكعدت يم راسهه شبيج شجن ماتكدر تحجي عفتهه وطلعت للهول
اشوف هالعار هذا واكف واكيد هو السبب ويحجي لخاله يكلهه متخربطه بجامعه وماقابله تروح للمستشفى ومن طالعه واكعه بالباب وابو الامن يعرفني وخابرني واجيت اخذتهه وهاي جيتي الكم؟؟
قبس.. اني سولفتلي شجن شلون الف جذبه ويه ابو الامن كتله شطلعت هاي بهذيج الجامعه يعرفك ابو الامن وهنا بالاهليه هم يعرفك وين يعرف هي كرايبك وبعدين ليش ماخابرت وين تليفونهه؟؟
وائل.. روحي اساليهه شو جايه عليه عمه بنتج مريضه اخذوهه طبيب زين واني موجود
ام بشار.. هاهي عمه رحمه الله والديك هسه اخابر ابوهه واخوتهه
قبس.. لا خاله اوكفي اني راح اخابر بشار يجي خلي يظل وائل هنا حته يفتهم من عنده
ام بشار.. شيفتهم يمه ماشفتي شكال
قبس.. ميخالف موتدرين ببشار مايقبل هسه يكول ليش ماخابرتني بلحظتهه هسه ادك علي
الحجيه.. اي بيبي خابري يتفاهم ويه وائل شلون وكعت وانتي ام بشار روحي لبنتج اكعد يمه هسه يجي ابن عمتك
وائل.. حجيه عندي شغل شويه وامرلكم بين مايجي
قبس.. هو يحجي واني دكيت بسرعه جاوبني بشار كتله تعال بسرعه وائل ابن خالك كاعد ينتظرك جاب شجن متخربطه بس كال جاي لايروح وسده
جان يباوعلي بحقد وابدي اكوم اجمع شكو نعال بالبيت واضربه ع راسه رديت ع شجن رجلهه وايدهه صفحه كامله واكفه وماتحجي وبس ترجف ومن كدماباجيه وجهه كله مورم رادت تبدلهه فاديه ماقبلت كتلهه عوفيهه لاتضغطين عليهه
امهه تتوسل بيهه بس سولفيلي وهي ع سكتتهه تقريبا فوك الربع ساعه اسمع صوت بشار وهو يسلم ماطلعت بس دزيت فاديه تفتهم شي واني ركضت ع شجن احجي شجن لاتخافين سوالج شي ؟؟
شجن.. هزت راسهه ااااي
قبس.. لطمت صدري مرتين ولج اعتده عليج سوده بوجهج كتلج احجي احجي ليش هيج شدكولين لذاك البره اخوح وابوج تعزيتي وتصخمتي كمت ادك ع خدي
ليش شجن ضيعتي روحج بالخوف واذا عرفوا اخوتج شتحجين تاليتهه ياخذج وائل يستر عليج
شفتهه كامت ترجف حيل سكتت كمت امسد ع راسهه وكتلهه اهدئي بس لاتسكتين احجيلهم اشرتلي ع ورقه وقلم وكوه كتبت حته الكلمه ماتجمعهه كتبت كال اكتل بشار واخلي غيث بسجن هو مجرم
قبس.. وراح تسكتين مووو ؟؟ لعد ماانقهر عليج ابد حيل وياج وعسما يذبحج اخوج تستاهلين حيل بيج...
بشار.. وائل وين لكيتهه واكعه وليش خابروك الك ماخابرونه احنه؟؟
وائل.. تليفونهه مابي شحن يمكن مادري بس ابو الامن صاحبي ويعرفهه اخت عمر وخابرني
بشار.. اذا يعرفهه اخت عمر المفروض يخابر عمر لو غيث اقرب شمعنى كل ماتوكع شجن انت اتجيبهه
وائل.. جاي تحاسبني لان جبتهه ترى اختك راح تموت كوم اخذهه للمستشفى ابدال ماكاعد تحقق وياي
بشار.. اسمعني وائل باجر اروح لجامعه واريد اسمع من الامنيه مال الباب واذا لزم الامر ارفع دعوه ع الجامعه كلهه باي حق يخابروك منو هذا ابو الامن كلما توكع شجن يخابروك واني رحت سجلتهه بيدي ورقمي عدهم
ام بشار.. يمه غير ابن خالهه غريب هو
وائل.. الظاهر هيج ياعمه اني لوعايفهه مااجيت عاتبتني
بشار.. لامااعاتبك لان ماريد منك شي وائل خليهه ابالك اذا عرفت شي مضموم عني تعرف شسوي ماكو داعي اشرحلك
وائل.. كام اني اترخص منكم وانت ابن عمتي اني بالخدمه روح وين ماتروح وتاكد وهذيج الساعه تجي تشكرني اودعناكم في امان الله..
قبس.. هالكلب بارع بالتمثيل محد يلحكه وصدك مجرم صيت الضباط والنجمات كلهه تمدح بي ويسوون الضابط اخو خيته وهو هذا ازبل من الزباله والي يشوفه يكول هنيال مرته...
طلعت من الغرفه لبشار الصاير نار والحجيه تحجي علي شلون هيج يعامل وائل غير هي اخيته صاح بيهه اسكتي وطب ع شجن المانطت اي ردة فعل...
بشار.. خلي اخذهه لطبيبهه يشوفهه ليش وكفت صفحتهه
قبس.. اني اجي وياكم
بشار.. وين تريدين بس امي
قبس.. وكفت بصفه كتله الله عليك اني اريد وياهه
بشار.. بسرعه يله حته اجي اشيلهه
طلعت ام بشار تلبس وفاديه هم طلعت كومتهه اريد اعدل شالهه شفت بقع دم بملابسهه صخام الصخمج ساجده ركضت قفلت الباب وطلعتلهه شغلات لبستهن وغيرت ملابسهه انصدمت بجسمهه منين مااديرهه اثر الله ينتقم منك يا خسيس احس ضغطي علك..
لميت ملابسهه وضميتهن بعلاكه من اجي اغسلهن لا احد يشوفهن واجه بشار شالهه واني بسرعه بدلت وصعدت بسياره خليت راسهه بحضني واهدي بيهه بس بشار مبين اعصاب حته كلساع تنشمر بينه السياره من السرعه وامه دكله ع كيفك..
هو حاجزلهه بالتليفون بس وصلنه طبينه فحصهه الطبيب وكتبلنه فحوصات نسويهن ورنين فوري لحد ٨ بليل وشته يله طلعن النتائج
الطبيب.. بغض النظر عن حالتهه النفسيه مو يمي بس شجن ضارب عدهه العصب السابع ومسبب عدهه شلل نصفي فقط بالحركه يعني ايعازات دماغهه تمام بس حركه عدهه توقفت
استاذ بشار انت عزيز عليه وشجن مثل بنتي بس نصيحه الكم ابد لاتحاولون وياهه لا بالخارج ولابغير مكان لان بس خساره للاسف العصب العدهه منتهي مال رجلهه وبعد مايفيدهه لامسند ولا تكد توكف ع رجلهه لان جان جزء من العصب هسه متاذي كله
بس نكدر بالعلاجات الطبيعيه نسيطر ع حركه ايدهه لان ما واصل لاقصى مرحله يعني انطيكم امل بايدهه ترجع طبيعي بعد سلسله علاجات بس رجلهه لاتحاولون وياهه سابقا كتلكم يرهملهه مسند وانطيتك عنوان طبيب بتركيا بس هسه ماينفع
قبس.. يحجي الطبيب ويشرح حالتهه واني نار ومشتعله شلون الواحد ذبو علي تيزاب انتهت هاي البنيه بسبب واحد عار وبعده يهدد وكمت اخاف ع بشار لا صدك ياذي لان ماعلي امان الحطم ابنيه ونهى شبابهه وحطم اخو هذا ماعنده لاذمه ولاضمير...
رجعنه للبيت وجان هذاك اليوم اسود علينه كل شويه بشار يتعارك ويه عمو لو ويه امه ويريد يعرف السبب الحقيقي فاديه عدهه امتحان راحت تقره واني كعدتهه وانطيتهه ورقه وقلم تكتبلي لان الطبيب كال صوتهه يرجع لاتخافون..
بدت تكتبلي كلشي شجن طفله نقيه بريئه بمعنى الكلمه بحيث من تكتب تغطي وجهه بايدهه من المستحه وتبللت الورقه دموت صح ماحجتلي السوا بيهه لان تتاذى بس حجتلي شلون اجاهه للكليه واخذهه ..
قبس.. انتي عندج نزف يعني مجروحه ومتاذيه وشلون ناخذج لطبيبه
شجن.. يعني اني هسه صرت موخوش
قبس.. لا لادكولين هيج انتي ضحيه مثل الالف من البنات لواحد حيوان دنيء بس احجيلي هو يدري بيج تنزفين؟؟
شجن.. لااا لان ماكو جان بس بعدين من كملت سبح شفت قطرات وشو هسه زاد
قبس.. يعني من سوه ماحسيتي
شجن.. انغمى عليه مادري ورحت للحمام وماكو بس من كملت سبح فوك النص ساعه يله شفت
قبس.. ولج والله راح يوكف عقلي وبجيت وياهه ماسالتي شسوالج تبقين ثوله
قبس.. اروح لدوام واجي وهي ع حالهه وبشار مدري الشركه مدري سالفه شجن احسه راح ينهار من كد التعب الشركه صار شغلهه متعب اكثر ولسه يفتر ورا سالفه شجن
مرت ع السالفه ٥ ايام وتوفف النزف منهه مادري تخيلي هاي شهريه وكلت بلكي من الخوف نزلت عليهه رجعت افتهمت من عدهه وكمت اسالهه بس دكول هو ماسوه التحجين عنه واني صاحيه انغمى عليه وماعرف شي بعد
شويه صار عندي بصيص امل وكلت يجوز شهريه بس ظلت اضحك ع نفسي كمت الليل كله ما انامه وعبالك اني المسوين بيه هيج وافكر بيهه شلون تعيش شلون تكمل حياتهه وهي راح تظل بشك طول عمرهه نحجي خاف يصير دم نسكت احنه الخسرانين...
رجع صوتهه تدريجيا واني متعجبه ع قساوه غيث لاسال عليهه لاوجعه كلبه بالجذب كول خلي اشوفهه شلونهه طاحظكم الزلم ولابيكم وفه
بيوم العصر كاعدين واندك الباب تفاجانه بنسوان غربه رحبنه بيهن وقدمنالهن ضيافه وحده كالت احنه جايين نخطب شجن لابنه احمد الي عرفناه وياهه بالكليه طلبن يشوفنهه وكنالهن مريضه
عدهن علم بحالتهه طلعناهه ع الكرسي ندفع بيهه سلمت عليهن جان امه دكول والله ام بشار انتي هم ام وماتقبلين تاخذين لابنج وحده معوقه بس اجينه حسب كلامه كال تمشي طبيعيه تفاجانه كاعده ع كرسي
انقهرت ع ام بشار دنكت وكالتلهن اي قبل شكم يوم تخربطت وترى انتم الجايين مادزينه عليكم اذا مامقتنعه بلاتجريح بنتي عزيزه عليه ومااسمح احد يجرحهه
اعتذرن وكامن بس شجن ماحجت وظلت ساكته صار حالهه اصعب من قبل وفعلا اليشوفهه يعطف عليهه وراح تظل مكسوره خاطر طول العمر بسبب اعاقتهه
ثاني يوم صادف جمعه وبعدنه هستونه انصب بالغده واجه ابن وائل هي دفعه للباب هي وكفه بالمطبخ يلهث ويصيح بشار راح يكتل بابا...
كلهه ركضت من جدو لعمو عادل وجان يمنه عامر صار المطافر كل واحد يلبس بشحاطته ويصيح شكو؟؟ ركضت من فوك اشوف لان بيتنه عالي وبيتهم ناصي انشوف حته الشارع لحكتني فاديه وصابرين صاحتنه تعالن منا يبين من غرفتهن
كمت ادك ع رجليه واصيح بشار اشوف وائل بيده السلاح ويريد يضرب بشار ويتلاوه وياا والجيران كلهه ملتمه وبس الهوسه مال الزلم وماكدروا يفكوهم..
صابرين ادك ع عمر ومايجاوب تريده يجي ويه اخو بس شفت غيث اجه من بعيد يركض ولزم وائل بس بشار ماوكف ظل يضرب بوائل وهو يردله الضربه اتمنيت اخذ السلاح واهد عليهم لان بشار بدون سلاح...
بهاي الهوسه وانضربت طلقتين ع اثرهه كعدت بالكاع كلت هاهي راح بشار وكمت الطم ع وجهي وفاديه تصيح بس الله لطف بساعتهه وائل ضربهن حته تتفرق الناس...
سحبوا بشار وناس سحبت وائل اباوعله مخلي ايده ع حلكه وابنه جابله خاولي يمكن ينزف عساك نزفت ومالكيت دم وتموت ونخلص منك اشوفه وكع بالباب مالتهم والناس تصيح ناخذه للمستشفى شفناهم اجو للبيت بسرعه نزلنه
طبوا بشار مامتاذي وجهه بس ايده حمره دم من البوكسيات لان جسمه رياضي رغم ضخامه وائل بس ماتاذه لان من جان بالكليه يروح تمرين لياقه ووائل جبير بالعمر يعني موبحيله ..
عادل.. اكو واحد يسوي سوايتك موهذا هسه يحكنه ومن غير عشيره شلون اطبله لبيته وتتهجم علي؟؟
بشار.. انعل ابو لا ابو عشيرته وخلي كواد يطلع ورا الا ارده لبطن امه
الحجي.. انت الجبير العاقل وهو موصغير حته هيج تضربه كلشي اله حل نكعد وانشوف غلطه هسه انت ضيعت حقكك
بشار.. رحمه لابوك اسكت اذا اجه واحد ورا وحق الله ارتكبت بي جريمه خلي تجي عشيرته والا انزل اساسهم
الف مره كتله لاتدخل بينه منو هو حته يروح ورا اختي ويسحلهه بنص الكليه والطلاب تتفرج عليهه باي حق هااا؟؟ خلي يواجهني مثل الزلم لايظل يطنطن مثل الذبان من اجي اساله بعين صلفه يكلي لكيتهه ويه واحد كله منكم ماخليتوني اخذ روحه هالكلب العار
اني اخوهه لورايح والكاهه ويه طالب مااسوي هيج ماخاف ع سمعتهه لا اخوهه ولا ابن عمهه شلون يتجرا هيج يسوي وفوكاهه يوميه شامرله تهمه عليهه وانتم كملتوهه وانطيتوهم مره كتلك انت يابه هاي عائله زباله غيث خوش رجال بس وائل وامه زباله شكو شمرت الثانيه عدهم
وهاي شجن احسابهه يمي شكم مره طبيت سالتهه ليش ماكالت اجه وهيج سوه بيه وحسب كلامه يكول ردت اجيبهه الكم وتخربطت بالباب
عادل.. من تحجي مرجعهه علينه الحجايه من راح تكعد عشيرته شنكول موراح يكول لكيت بتهم ويتهمهه
بشار..بس اسكت انت خلصت عمرك عيب وحرام الي يدخل منكم اهد البيت ع راسه خلي تجي عشيرته اذا رجال من صدك خلي يجيبهم وانتم سمعوني حكمكم بهذيج اللحظه وكولو ماكلت..
كام بعصبيه وصعد فوك اشرتلي امه روحي ورا هاي شبيهه مارايده روحي واروح ورا وكلساع تاشرلي كلت خلي اصعد اكيد مكتوله
دكيت الباب وطبيت جان لابس بس البجامه وبدون فانيله وصدره عاري خرب وين اولي هسه اجيت اهدي لو اسحل روحي دنكت وكتله البس تشيرت!!
بشار.. ليش شمطلع هو صدر شو تعالي انتي
قبس.. تقربت يمه وكعدنه ع الجربايه حطيت ايدي ع رجله وهو حاني ظهره وشابك ادي
قبس.. اعصابك شوف نفسك شلون صرت منو يفيدك اذا صار بيك شي
بشار.. انتي تدرين بشي وضامه عليه؟؟
قبس.. فزيت من سؤاله بلعت ريكي كتله لا بيمن ادري ؟؟
بشار.. شجن ماحجتلج شي ؟؟
قبس.. لاشكد حاولت وياهه ماكالت اعرف جذبت بس من خوفي حيل خفت منه ولومباوع بعيوني يكشفني بس همزين مدنك ...
بشار.. اريد اعرف شعنده وياهه ليش ساكته وماكالت ترى اجاني للجامعه ؟؟
قبس.. يجوز تحجيلك بس هي حالتهه تعبانه وخاصه بعد ماخطبوهه وامه احمد جرحتهه
بشار.. تتوقعين صدك كلامه وائل عدهه علاقه بي واجه خطبهه
قبس.. شوف حبيبي حتلو الولد رايدهه وحابهه واجه خطبهه وشجن ماعدهه شي وياه بس هي كالتلي اكثر من مره مفتاحهه بالموضوع ورافضه ومن مسوي هيج وائل وجاي ضارب الولد لان الولد جاي متحمدلهه ع السلامه وبعد ماداومت اجه خطبهه
بشار.. رفع راسه وباوعلي بخزره مو هسه سالتج وكلتي ماسولفتلي؟؟ شلون كالتلج اجه وائل وضربه وشمدريج متحمدلهه ع السلامه؟؟
قبس.. الله لايخلي واحد بهيج موقف لا ارادي ارتديت ليورا وهو خازرني صاك ع اسنانه كال احجي ليش اتجذبين؟؟ ماطلعت من اي كلمه دنكت وظليت ساكته سحبني من ايدي حيل صرت لزك بي وحجه بعصبيه احجي لا ابتلي بيج ليش جذبتي؟؟
حجيت بتعلثم وخوف موطبيعي اول مره اخاف من شخص كتله ما قصدي اااجذب بس كلت تهدء واكلك!
بشار.. لاتلعبين وياي شفتيني معصب موهادىء وسألتج بهدوء؟؟
قبس..موقفي ضعيف ولاعرفت ابرر كتله هي اختك تحجيلك اني شعليه بس هي كالت من اصير زينه احجي لبشار ردت تسمع من عدهه مو من عندي وهي حلفتني ظا احجي كالت اني احجي لبشار وكمت وكفت
كام وراي جرني حيل ولزمني من فكي ايده صارت ع ركبتي وصاح بصوت باوعي بعيني!! كلبي راح يوكف من الخوف باوعتله بنظره حاده عكس البداخلي
بشار.. هاي المره سويتيهه المره الثانيه اياج تعيديهه كتلج جذب ماريد لاتضمين عليه لان توكعين من عيني ومدامج ماتعرفين اتجذبين ويبين ع عيونج ظلي هيج ابد لاتجذبين لان بيه طبع اظل ورا السالفه لو سنه اعرفهه وهذيج الساعه شتتوقعين اتصرف من اكتشف مجذبه عليه..
قبس.. هزيت راسي كتله ايي بس عوفني ترك فكي واني بسرعه طلعت امداني شورطني وصعدتلك وفعلا اني ما اعرف اجذب وهاي انكشفت...
راح الغده ومحد اتغده كلهه كالت مانشتهي بس شجن عدهه علاج كمت للمطبخ الساعن ب٣ سويتلهه ماعون فواكه واريد اخذه الهه محد بالمطيخ بس اني جان يفوت بشار مبدل ويريد يطلع
من شافني السويج والموبايل بيده خلاهن بجيبه وتقربلي اني ماحاجيته واصلا منطيته ظهري كلت اجرب ازعل لان لسه فكي يوجعني واذا شفته معصب ارجع الين اشتم بعطره قريب عليه بس ما التفتت
بس ايده حاوطت خصري ودارني علي لاحجه ولاحجيت اني!! بس اخذ شفايفي ببوسه قويه احسهن شلعهن من مكانهن وابتعد
ظليت اباوعله وهو طلع وسد الباب شكد مغرور وشايف روحك اخذت الماعون ورحت لشجن واني امسح بحلكي وحدهه كعدتهه تاكل واحجي وياهه
انفتح موضوع غيث وظليت الوم بيهه ليش ورطتي فاديه وماحجيتي ليش ماكتيلهه ترى جان يحبني وبعنادي خطبج عاجبج وضعهه هسه من الخطوبه لسه لا اجاهه ولاخابرهه بس راد يكسرج...
جان كل موضوعنه ع غيث وشجن تحجيلي عن حبه وشلون جان يكلهه للموت ما اعوفج ويكلي مايوم نمت اذا ماصورتج ابالي
بعدنه انسولف وانفتح الباب حيل وفاديه واكفه مثل البركان وعلامات الصدمه بوجهه صاحت غيث جان يحبج وانتي ويا ع علاقه ؟؟ ياظالمه اني اختج تبيعيني لحبيبج السابق وماحجيتي وكلكم استغليتوني؟؟
يتبببببع... متابعه ممتعه
اغنيه بارت اليوم 👎