المخلص "باللهجة العراقية "

البارت الرابع والعشرون

المخلص..
البارت الرابع والعشرون..
بقلمي رسل..
rasolaa7

انستا  Rasolaa7

-لا تنسون التصويت وتعليقاتكم الحلوه على الفقرات- متابعة الحساب فجروا البارت بتعليقاتكم حبايبي❤️

سعد شميل يكول..

ناس تحب طشاش وكل خراب بيوت
يحسدون الگصيبة شلون ملمومه..

-وصلنا البيت اول ما فتح الباب ودخلنا واسمع صرخة
زينب الي وكعت كلبي بحيث اريد اتحرك واشوف شكو ما اكدر..

-هو باوعلي بقلق واني جمدت بمكاني ركض قبلي جوه
حتى جانت غراض بيده شمرهم سحلت روحي ورحت وراه واشوف زينب شايله علاوي الي بدمه وابني حتى صوت ماكو..

-هنا وكف بيه الزمن كافي هالشيء هواي عليه تحملت كل شيء الا علاوي اموت لو غابت ضحكته عني اموت لو ما شفت هالوجه الي عايشه ومتحمله علموده..

-اخذه منها وصاح.. خاولي (منشفه) زينب تحركي مو وكت فهاوه بالعجل جيبيلي خاولي..

-ركضت عليه وكلبي يتسابق بدكاته وابني مغمض عينه والدم ينزل من راسه على عينه شبي عليك الله
شبي مات ابني ولج يمه ابني فرفحت روحي بس اريد اخذه منا ما ينطينياه حاضنه وضاغط بيده على المكان الي ينزف..

-اجت زينب تركض وبيدها الخاولي هو وخر ايده وخله الخاولي لو نسحلت روحي منظره مرد كلبي مرد هذا
روحي هذا نقطة ضعفي بهالحياة ربي لا تفجعني بعلاوي ولا تراويني بي مكروه..

-طلع ورجع مستعجل السويج وين الصخام وين ذبيته رحت عليه بس انطينياه بس خلي اشوفه راح يوكف كلبي والله بس انطيني ابني..

-مابي شيء جرح بسيط حجاها وزينب انطته السويج
من الكاع جان واكع منه ودموعها تصب..

-طلعت ويا وحلكي يابس صعدت وخلاه بحضني منتهي ابني منتهي اشيل روحي واركعها والطريق صار شطوله عبالك مو بنفس المنطقه وبعد كم شارع
المضمد..

-نزل اخذه مني ويدك بالباب بقوة دقايق وطلع ولد..

ابو تراب.. صيح لابوك بساع..

-عمو مو هنا ابويه..

-رجع للسيارة بسرعه وانطلقنا للمستشفى وابني فاقد
عينه ما يفتحها الطريق كله ادعي موقف لعدوي نفسه ما اتمناه الضنا غالي ومو بغلاة الروح لا والله اغلى وصعب كلش صعب تشوف ضناك بهيج حاله وما بيدك شيء عليه..

-اخذوه من عدنا بالطوارئ واني كعدت بباب الغرفه
ايدي بيها دم مسحتها بملابسي وعيوني تحركني كدما
بجيت احس المكان الي حول عيني مجرح وبلعومي بي شحطه قوة ما عندي اسند نفسي وبس دموعي الي تواسيني وياي..

-كعد بصفي وايده بيها دم وقميصه وكم قطره على ملابسه شنو من مصيبه صارت الابني واني حايره بروحي شكو عفتك يبعد روح امك شكو امنت وطلعت..

ابو تراب.. كومي غسلي كومي مابي شيء هسه يخيطون الجرح هو هذا الطفل بهيج عمر يوكع
ويتاذى يشيب كلبج ويا..

-كمت ويا وعيني على الغرفة كلبي ما ينطيني اعوفه
غسلت وعدلت حجابي الي متبهذل طلعت كوه امشي دايخه ومعدتي ذبحتني الاكل الي اكلته صار سم عليه
حشا نعمه الله تزوهرت بي..

-رجعنا ننتظر وكلبي نار ادعي وكلبي قلق اخاف يطلع الطبيب وعلاوي مو ويا هنا صدك اموت وتنتهي زمرد..

-لما سمحولي اشوفه اني متت الف موته دخلت يمه وما تحملت اشوفه نايم هالنومه امسح بدمعتي وتنزل الثانيه
بست وجهه وراسه الي مضمد نايم وفاتح حلكه من التعب..

-واسمع ابو تراب يحجي ويا الطبيب وحسب الي فهمته
مخيطين راسه لان الجرح عميق ولازم يبقى اليوم بالمستشفى يخافون لا يصير عليه مضاعفات..

-ما اكدر اوصف شعوري بهذا اليوم هيج الوقت كوه يمشي الساعه تمر بسنه وابني غافي مره وحده كعد بجه ورجع نام ما جان بي حيل حتى يبجي..

-امه اتصلت عليه تتطمن على علاوي هو انطاهم خبر
راح نبقى وكام عني قبل لا يطلع سمعته كلها يمه شلون وكع علاوي هو حجاها واني عقلي شرد بنظرات شذى
الي جانت مليانه حيره وقلق من شافتنا دخلنا على صوت زينب..

لارا..

-طلعنا من بيتنا واشوف السيارات كومه والركص
والاغاني اجواء ما يسودها غير بس الفرح والبهجة
انطلقنا جان عمه الجعفر الي يسوق وهالشيء بطلب
من جعفر الي كال هذا اعز من ابوي ومحد يزفنا غيره..

-التفت عليه وهو يسوق.. بعد عمج جعفر خوش جعفر خلي بعينج انه اوصيج عليه ما اوصي عليج لان اعرفه رجال وكفو منه وهاويج يابه كرع روسنا على بنت احمد الله يرحمه..

-ابتسمت ان شاء الله عمو بعيني..

-وصلنا وقبل لا ندخل للقاعة اجا للغرفة اباوع عليه جان كلش حلو طالع بالقاط الاسود والقميص الابيض فرحته الي مبينه من ابتسامة عيونه الي مليانه حزن دفين باس راسي اوف يا لارا شكد انتظرت هاللحظة
ما مصدك صرتي حلالي يعني شنو اليوم تنامين بهالحضن اوف ربي رحمتك..

-عيني عليه ونزلت دمعتي من كلامه بس اريد اعرف شنو مسويه بحياتي حتى الله يرزقني بي اتقربت منه اكثر رفعت نفسي واني اطبع بوسه على خده حضنته حضن يختصر كل حروف الامتنان الهيج شخص نادر
بهيبته وحنيته..

-والله ما اعرف شنو احجي لو شكد مااحجي مراح اوصل لمشاعرك وحبك الي بس اكولك راح اخليك بعيوني و واحدنا يعوض الثاني عكازه الك لارا لو مال
بيك الوكت روح ثانيه ويا روحك..

-حضني مكزكز.. يبعد كل اهلي..

-اخذ ايدي بين ايده ودخلنا للقاعة الي جانت مزينه باحلى زينه شعور جان ولا اروع عيني عليهم وادنك
بخجل من ينزل راسه لمستواي ويهمس بكلماته المعتادة ويختمها بـ شكد احبج..

-اخذت النا المصورة صور اخذنا لقطات وحده احلى
من الثانيه واجا الوقت الي نركص واكفه يمه وهو
مبتسم..

-والحسين راح تخلينا فرجه لامه محمد شوفي الناس
والج هسه الا اركص وياج كالتلي خالتي كالت لارا
متاثرة بالافلام بس هسه يلا صدكت منين طلعتيلي
بهاي السالفة..

-اي شبيك سهله هيج بس نتمايل والله حلوه تبقى ذكرى
الخاطري عليك الله يلا عاد..

-غمز الخاطرج مو بس اتمايل لا انكلب ملايين البربوك شلون تهز هز هي..

-خليت ايديه شابكه ركبته وهو ايده على خصري عيونا
ملتقيات نظراته اوف من نظراته مليانه دفو وحنيه..

-ما مصدك فرحان بيج..

-شكد تحبني..

-ما ادري بس ادري بكلبي ينكلب دمام لو لمح هالوجه
وسمع بصوتج..

-الله عوضني بيك البارحة جنت احجي ويا نورا وذكرتك كتلها الله عوضني بي بعدما جنت اضنك جذاب وتركض ورا البنات..

-طاح حضج شنو هالسمعه هو صح ركضت بس ما ركضن رجليه بس وراج..

-فتريت ورجع حضني لا تحمى عزيزي انتم ما تكفيكم
وحده اعترف كم وحده قشمرتها قبلي..

-باوعلي بقلق وابتسم مجامله يمكن اربعه بس انتي طبيتي هنا وقفلتي باب كلبي بيدج..

-رجعني ما دام اهلي هنا اربعه يالظالم واني مفتخره
ونافشة ريشاتي على العالم وشوفوا جعفر شكد يحبني
وهالله هالله طلع اكو اربعه قبلي..

-قبلج ذني شبيج وحده منهن جانت مسيحيه خطيه تستحي واني لطشت الها تالي ابوها لكفني وكبل روح العمي غير نكتلت كتله من عمي بوكتها بحيث خلاني اذا شفتها بطريق اروح من الثاني..

-جعفر راح اطفر ويا اهلي وانت خلي تفيدك المسيحية شو هسه طلعت الفضايح..

-باس راسي والله ما حبيت روحي كدما حبيتج يبعد
اهلي وعشيرتي وغربتي..

-والثانية والثالثة والرابعة ويكلي احبج انت كلبك مطبق
الشرع جعفر..

-شسوي شاب حلو ومرتب والبنات يركضن وراي حجاها بغرور..

-استقر يوزرسيف شلون هسه راح اطلع منا واخليك طول عمرك تركض وراي..

-يابه والله قفل كلبي عليج بعد عليش زعلانه شعليج بالقبلج رفع ايدي خلاها على كلبه الي دكاته قويه.. هنا
بس انتي..

-باوعتله صفح.. والمسيحية؟!..

-حرامات ما قبلت تدخل للاسلام جان جبتها تساعدج
شبيج انتي الاولى والاخيره لا تخزرين كلنالج تساعدج..

-جعفرررر حجيتها وكازه على سنوني وهو طكها بضحكه فضيحة والتصفك والضحك صار بفلس التفتت عليهم خجلانه عبالهم يتغزل بيه هو هذا هم حضي محد يدري حجينا بالهندي الصاك وحبيباته الاربعه..

-خلصت الاغنيه ورجعنا كعدنا شوي ودخلوا كرار وعلي يصورون ويانا عيني على نورا
وعلي فرحانه بيهم كلش ومقهوره راح افارك اهلي امي
تكلي تتعودين واني الدمعه تفتر بعيني لو لمحت واحد منهم شتعود..

علي..

-اجت عيني عليها وهي تباوع عليهم وعيونها بيهه لمعة فرح اتقربت منها واني اهمس بأذنها شبي الحلو مالتي؟!..

-لا ماكو شيء بس افكر بلارا والله راح اشتاقلها..

-شكو مشتاقتلها اخلصي منها بويه هالخبله خلي نرتاح منها مو زين جعفر نفكها هي وخبالاتها..

-عيني عليه يحاول يضحكني واني اعرف بي هو هسه شعوره اتعس مني هو بنفسه البارحة جان مشعوط واعصاب وكل شوي وكال ولج هاي شلون بله تتركنا وتروح والله احسها صعبة متعلمين عليها وعلى خبالها..

-نورا اذا تردين عرس وبدله كولي والله اسويلج احلى عرس اعذريني ترى هسه يلا نتبهت من شفت لارا بالبدلة البيضه انتي من حقج هم تلبسيها وتفرحين والله بس اشري واسويلج احلى عرس..

-تنهدت.. اعرفك ما تقصر بس ثق وجودك بحياتي ومواقفك تغنيني عن كل هاي الاشياء صح حالي حال اي بنت من تزوج تحلم تلبس احلى بدله وتطلع اجمل عروس بس اني مستحيل البسها وامي مو وياي وتشوفها واشوف الفرحة بعينها لو اختي الي كل شوي تباوع بفرح الي لو ابويه الي بيده يسلمني الك من بعدهم ماكو معنى لهاي الاشياء واني اتأسف منك لان بسببي وبسبب ظروفي انت ما عشت هاي الاجواء حالك حال الشباب بس ما اكدر افرح هيج فرحة وماكو احد وياي لا اهلي ولا اخوتي..

-هو باوع بعيوني الي دمعت بعدها طبع بوسه على جف ايدي.. ابد لا تتأسفين الشيء صار غصب عنج الله كاتب هالشيء وشيجي من الله نعمه..

-احلى شيء صار بحياتي واحلى صدفه تصير وياي
هو انتي عمي رجال رايح للحرب واكع بيد انكس خلك
الله وطلعتلي بذاك اليوم غير روحي احتركت والله نار شبت بكلبي عليجن احنا عاد زلم واحدنا يقاومهم لما يطيرون راسه بس هالبنيات الي بيدهم هي الي كسرتنا
وحركت هالشعب كله باتجاه الموصل..

-الله يحركهم حرمونا من كل شيء حجيتها مدمعه عيوني مد ايده نزل حجابي من يم صدري.. هسه ما تردين بدله؟!..

-لا..

-بعد احسن هو انتي بنقاب شليتي حالي بالبدله شلون..

لارا..

-خلصت حفله القاعة الي جانت اجمل ما يكون
وصار الوقت الي نروح للبيت لان جعفر ما قبل فندق
جان يخاف من سالفه التصوير ضحكني بوكتها من كال
هلا هلا نوب فندق واشوف ليله عرسنا طاشه باليوتيوب والناس تمتع نضرها بلاش اشتعل ابوي شبي البيت وغرفتنا بشنو مقصرة..

-رجعنا للبيت واهلي رجعوا لبيتنا الحلو بالموضوع
كرار وعلي جانوا اخوة وسند الجعفر لا اهتموا بكلام
الناس ولا بالعيب بالعكس وكفوله وكفة اهل..

-صعدتني مرة عمه للغرفة ومن صارت السالفة صدك هنا بطني مو بس نمغصت لا تدمرت حرفيا دقايق ودخل هو وبيده صينيه العشه جانت مشاوي وعصير
زبيب خلاها على الطبله وكعد متنهد براحة..

-جوعانة؟!..

-لا اني حجيتها وهذا وين راح باله اجه عليه.. فديت
المستعجلين يعني هسه نكمل شغلتنا قبل الاكل..

-دفعته ورجعت ليوره لا جوعانه هاك اسمع بطني
تطلع اصوات اصلا..

-ضحك وذب السترة تعالي اتشاقى وياج جبانه فتح البدلة ويبوس بيه رحت غسلت جسمي ولبست سيت
وطلعت وهو سبح وراي جان الطابق الفوك محد
بي بس احنا فتحت الماشات الي بهذلني..

-شكد جنت متوترة وخايفة والقلق مدمرني لان العرس وكل شيء صار بسرعة بس بلحظات نسيت كل شيء بعد ما اخذني جعفر لحضنه وغمرني بحنيته جان رومانسي وهادىء لدرجة يتعامل وياي وكأنو طفلة بين ايديه خلاني انسى كل شيء وكأنو بس اني ويا بهاي الدنيا اجمل ليلة بعمري شفتها ويا كل شوي ويطبع بوسه على وجهي شفافي ايده الي تمسح على بطني بعد ما بجيت من اخذني وحسيت بالم..

-جان وجهي كبال وجهه رافعه راسي وحنجي على صدره وهو يعبر عن فرحته.. اوف يا كلبي ما تصدكين لو كتلج هاي اول مرة افرح هيج فرحة من كلبي وجني
اليوم نولدت وما مكتوب بايامي غير هالساعات..

-والمسيحية هم متغزل بيها هيج مو بلا؟!..

-يا طلابه المسيحيه زله لسان هسه انتي كل شيء تسمعي تصدكي عود هاي دكتوره وام عقل..

-وسط الكلام طفر وضرب راسه خفيف نعلعلا بليس
شلون نسيت راح فتح الكنتور وطلع ورده بيضه
غير اخذ كلبي الهندي الصاك بهاي حركته عبالك مو ورده لا عبالك ملكت الدنيا شيء اني احبه وارغبه وصار كدامي..

-نسيتها عود اجيبها الج بالزفة رجع ضحك ضلت عليها هو اني ابوي نسيته بهذا اليوم..

-كمت ضميتها واشوف موبايلي يضوي
شلته جانت رساله من علي كاتب بيها.. البيت يخنك بلياج كليبي الله يسعدكم..

-دمعت عيوني هذا توأمي وروحي الي ما تفاركنا بيوم
بعد روحي شلون مفتقدني..

-فزينا الصبح واحنا نسمع صوت صياح وهوسه ياربي خفت شكو لحضات وندك باب الغرفة علينا وصاحوا عليه.. ابوك جوه انزل..

-هو كام معصب يستغفر ويلبس.. مو اكول حضي ما يمشيها عدل وياي لازم انغث من العلة الي عندي اصلا عجبه دامت فرحتي يومين طلع وسد الباب بقوة وراه..

زمرد..

-ليله كامله اني عيني ما غفت وابني بهالحال
الضربه جانت قويه وهو طفل حتى راسه بعده طري
وين يتحمل هيج اذيه..

-القلق دمرني وخاف اني عايزه قلق كملت وياي بكلام
الطبيب على المضاعفات جان كل دعائي انو ما يصير
عليه شيء عيونه ابوس بيهم واحصنهم بالدعاء الي
علمه الي المخلص راسه قريت عليه السور القصيرة
الي حفظتهم..

-للصبح انتهيت وعيوني كوه افتحها جيك عليه الطبيب
واني بقلق لما كمل فحص تنهدت براحة من جان كل شيء طبيعي ونكدر نطلع..

-شاله المخلص واني امشي ويا صعدت وخلاه بحضني
مسافه الطريق كلها ساكت وسكوته قلقني لان ما متعوده عليه هيج ساكت..

-رجعنا للبيت ما قبل نصعد اخذ علاوي الي لازم قمصيه ومجلب بي باس راسه واشرلي براسه فوتي..

-دخلنا جانوا يتريكون عمتي وبناتها وزوج زينب هم
كام سلم وزينب ركضت عليه بشري شلونه؟!..

-شلونه عيني بهذا عمره وهيج راسه مفتوح..

-يا بعد روحي الله ستر ودفع الاكبر من هيج التفت
عليها المخلص.. وهذا الاكبر بلا زحمه ما تحجيلنه
عنه بلا خلي اعرف الطفل شلون نشك راسه..

-هي باوعت على امها ورجعت عينها على شذى الي كاعده بغرور عجيب الحقد واللؤم عند هاي البنيه..

-كعدت زينب وبدت تحجي.. شوف خويه شذى جانت كاعده على التخم هنا وهو زحف يمها رادت توخره
دفعته عنها وهو ما جان موزون لان جان رافع نفسه ولازم ثوبها من دفعته وكع صفح على راسه وصارت
وكعته هنا..

زمرد.. كلبي اشتعل نار واني اشوف الطبلة مالتهم جانت القاعده بيها زغارف حديد عقلي يتخيل شلون
صارت وكعته وكلبي يزيد بناره القهر تغلغل بي كمت
عليها..

-ليش شمسويلج هالطفل وهيج حاقده عليه احجي شسوالج هيج كلبج قاسي وما رحمتي ما انكسر خاطرج
عليه جاي عليج بكل براءه وما يعرف بحقدج شنو
شلون هيج تدفعينه ما خفتي من ربج..

-احجي ليش هيج سويتي لو ميت ابني منو يفيدني انتي
تفيدني لو حقدج هذا الي عامي عيونج ولج ليش ما عندج رحمه اذا تكرهيني الي تعالي عليه
عندج شيء اخذي مني ليش تاذين هالطفل مو حوبته
تدمرج والله تدمرج حجيتها واضرب بيها فقدت ودموعي تنزل بقهر..

-اجه عليه ابو تراب يهدي بيه واني زاد تهجمي عليها
سحبتها من شعرها يريد بس يوخرها مني دفعني عنها
وهي تلعلع..

-دوخري لج بيج خير جان لفوج عمامج خوالج جايه
هنا مجديه واخويه يصرف عليها وفوكاها تتهجم عليه
بيج خير جان ما لفاج من الشارع وحده لاعبين بيها
ابنها ابن حرام وخابصتنا بي غيرج يدفنه وهو عايش
ويطم هالعار بس وين انتي بدون احساس وكرامه وكل شيء عندج عادي..

زينب.. كافي شذى كافي رحمي بحالها حرام عليج
شبيج كلبج هيج قاسي..

-انسحبت منهم بخيبه هزت كل كياني لحظة ذل تمنيت
ساعتها لو امي ما جايبتني الهاي الدنيا اصواتهم تصدح
باذني عمتي جانت ترزل بيها ومو هيج الحجي يا امي
تخبلتي جان احترمتي اخوج..

-لو المخلص الي اعصابه نار وهو يرزل بيها عفتهم
وصعدت الدنيا بكبرها ضاكت عليه والله الواحد بدون اهله ينذل وينداس جوه الرجلين شعور ما اعرف بشنو
اوصفه الكم ساعتها حسيت روحي لا شيء امام هالكون
بكبره..

-لو ضاربتني طلقه ولا حاجيه هيج اني ما عندي كرامه
اني تالي عمري وحده هيج تكلي اني لو عندي خوال بيهم خير لو اعرف عمامي هم ابقى واسمع كلامها
الي يسم البدن..

-كلبي يوجعني اريد اصرخ اريد اهج بمكان مابي بشر
البشر ما يرحم ولسانه لو قسى كلبه يصير اخطر من السجين خليت علاوي بمكانه وجسمي اشتعل نار من القهر انوم بي ودموعي تنزل عيوني بعد ما اشوف بيهن وينعاد عليه كلامها مثل السجين الي يدخلونها ويطلعونها بنص كلبي..

-نومته غطيته وطلعت فتحت باب السطح وكعدت عيني
على السماء شكد صافيه ليش كلوبنا ما تتعلم هالنقاء هذا
ليش الدنيا صارت غابه وواحدنا ياكل بالثاني البشر
كلوبها صارت اقسى من الحجر والدنيا ما ترحم بعد..

-قرفصت رجليه وسندت راسي عليهن وين اروح يمه
بابا يكولون الميت يعلم بحال اولاده هم تدري ببنتك
نكسرت ونهضمت بنتك ما عندها مكان الي ترتاح بي
بتكم تاذت وروحها نذبح..حت تبهذلت وحق الحق تبهذلت وكرهت حتى روحي..

-فوك الساعه اني على نفس كعدتي اسمع صوته زمرد يمعوده وينج مو احجي مرتين صاح ويبتعد الصوت بعدها انفتح باب السطح من لمحني تنهد والتفت وراه.. هاي يمي موجوده اي ما بيها شيء..

-اجه يمي كعد بمستواي.. زمرد وين التقينا اول مره؟!..

-رفعت راسي.. والله مو وكت سوالفك ترى راسي يوجعني..

-حجه بجديه.. عوفي سوالفي هسه جاوبيني وين شفتيني وشفتج اول مره؟!..

-بالضيم بنار جهنم الي ما حركتني وخلصتني ضلت حسره بكلبي من ما كتلوني وخلصوني المن عايشه للاهانه للضيم للشوغات مو خلص صبري..

-ضربت على وجهي بقله حيره بشر يا عالم والله بشر
وطاقتي خلصت الله ياخذني ويخلصني ويخلصكم مني ما كملت خله ايده على حكلي وحضني حضنه
ام لطفلها الوحيد..

-اشششش لا تحجينها بعد وينها ام لسان وينها شو خلي اشوف شكتلج اني مو كتلج ناسنا انكس منهم وينها زمرد القوية تذكرين اول ما شفتج شلون لسانج مترين
ومحد يكدرلج عليش هالدموع بعد اخذي حقج
بيدج خرسي حلوكهم بقوتج خليهم يتعجبون من قوة
بنت الموصل..

-يزيدون بمغثتهم زيدي بقوتج الي تحملت دا..ع..ش..
وقذارتهم الي شافت ذيج الايام الي ما يشيب منها الراس
صعبه عليه يتحمل كلام والله اخذلج حكج منها اندمها
هالحاقده هاي بس كافي لا تسوين بروحج هيج كلبج
تعبان مو زين..

-بعد ما عندي قوة كل شيء ما اريد بس ارتاح ما اريد
اشوفها بعد يعني فوك عملتها بعلاوي لسانها يذب سم
متشبهكم هاي متشبهكم..

-على امها بربوك..

-كومي كافي بارده كومني دخلنا غسلت وجهي شكد تبجي هالعيون وشكد تحمل هالكلب الصبر يارب الصبر والقوة اتحمل هالدنيا العوجة..

-كعد علاوي انطيته ممه ورجعته لمكانه اخاف عليه خاف يزحف ويوكع على راسه المخلص جان يرتب
بجنطته عنده دوام رحت يمه اخذتها من ايده ما حجه
شيء رشيت شوي معطر بيها مو هواي مجرد رشه قليله حتى الملابس يبقى عطرهم طيب حضرتها وخليت كل شيء يحتاجه واحس روحي من هسه راح
اشتاقله ما ارتاحت روحي لشخص مثله ولا واحد نسجمت ويا روحي غيره لا من قريب ولا من البعيد..

-اسويلك عشه؟!..

-لا ما اريد كافي اكعدي ارتاحي..

-مددت وهو اخذ علاوي على صدره ويبوس بي وهذا
كالعاده حركته المفضلة يخلي اصبعه بعين ابو تراب
دفع ايده اشتعل عمك راحت عيني ابنج حالف الا
يفكس عيني..

-ابتسمت واباوع عليهم.. الله يجبر خاطرك مثلما جبرت
خاطري بهالطفل..

-ام لسان اليوم تدعيلنا خير خاف تردين لفه كولي من هسه قبل لا يعزلون..

-عفتهم كاعدين ثنينهم ما جايهم نوم ومددت نعسانه وفكري مشغول خايفه من الي يدور براسي صفنت
عليه والف حسبه بالي بس ماكو حيل الي يتحمل..

-ثاني يوم فزيت من الصبح سويتله ريوك تريك وطلع
وهو يوصيني باس علاوي.. راح يضل بالي يمكم..

-ما علينا شيء دير بالك على نفسك حضنته بست
صدره وهو متعجب باس راسي وطلع..

-خلص هذا اليوم اغلبه نايمه هو اتصل مره وحده
طمني وصل وهناك هم الشبكه ضعيفه وعدهم واجب ما يكدر..

-رتبت جنطتي شنو يحتاج علاوي خليت بيها اخذت فلوس من فلوسه كل شيء يصير كمت وشلت علاوي
لفيته زين وعيني تدور بارجاء البيت كلبي محروك ما يهون عليه بس كرامتي اهم لهنا وكافي مو زمرد الي
تنهان وتسكت على الاهانه الا الكرامه الانسان ما
ما يسوه فلس بدون كرامته..

-فتحت الباب بدون صوت وطلعت الدنيا بعدها ضلمه
خيط خفيف من ضوا الفجر طلعت بدون ما التفت وراي
قلق وخوف بس لهنا وانتهى كل شيء محد يموت لو ضل وحده الله موجود مشيت والهدوء يرعب لما ابتعدت شوي فاتت تكسي جان كلبي يدك بس اتظاهر بالقوة عينه عليه بشك صعدت وصفتله المكان وانطلقت
السيارة تعلن نهاية هالمكان وبداية جديدة ورجعت
زمرد الوحدتها وغربتها وبالاخير ما لكيت غير الشوارع تحتضني....

يتبع....

-الاخ الحنين رزق..
رسالة علي الـ لارا بليله عرسها
نقلتها الكم نصا..

اللهم صل على محمد وال محمد❤️