الخاتمة 😭❤
بعد 7 اعوام
تستيقظ رغد على اثار يد صغيرة تداعب وجهها فتبتسم تلقائيا و تفتح عيناها بصعوبة بسبب أشعة الشمس المتدفقة فى الغرفة فتحت رغد عيناها و وجدت طفليها ينظرون إليها بنظرات بريئة للغاية و زوجها يقف خلفهم و يبتسم لها
جاسر بحب: صباح الخير يا حبيبتى
رغد بنعاس و حب و هى تقف لتحتضنه: صباح الخير يا حبيبى
شعرت رغد و هى بأحضان جاسر بمن يشد على فستانها البيتى القصير فأبتعدت عن أحضانه و جلست على ركبتيها ثم احتضنت طفليها
رغد بحنان:صباح الخير يا حبايب مامى
محمد و فيروز:صباح الخير مامى
رغد بمشاكسة مرحة:ها بتصحوا مامى من النوم ليه
محمد ببراءة:عشان خالتو ياسمين كانت بتتصل و انا رديت عليها و قالتلى قول لامك الهبلة متنساش معاد الزيارة بتاعت النهاردة
رغد بهمس مغتاظ:حتبوظ اخلاق الواد(ثم أكملت بصوت مسموع) بص يا مودى لما حد يشتم مامى قوله عيب كدة
اومأ لها محمد
محمد:انا هروح العب مع جدو
ثم خرج من الغرفة فنقلت رغد نظرها الى طفلتها التى تنظر إليها بنظرات بريئة للغاية و تلعب بشعرها الحريرى الطويل بخجل
رغد بغيظ:وانتى يا سوسة عايزة ايه
فيروز ببراءة مزيفة:مامى انا عايزة اروح عند خالتو ياسمين
وقفت رغد و قلبت عيناها بملل من طفلتها التى كل يوم تريد ان تذهب إلى ياسمين عفوا اقصد يوسف ابن ياسمين
رغد بغمزة:خالتو بردو ولا ابن خالتو
توترت فيروز و احمرت وجنتيها و أرجعت خصلة من شعرها خلف اذنها
فيروز بتوتر و خجل برئ:على فكرة انا عايزة اروح عند جنة اصلا
رغد وهى ترفع حاجبها الأيسر:ونبى..!! صدقتك انا كدة مثلا
عبست الطفلة و هى تنظر إلى رغد بغضب
رغد بخوف مصتنع: خلاص يختى متبصليش كدة خلى جدو يلبسك
صرخت الطفلة بحماس و احتضنت والدتها ثم خرجت من الغرفة تجرى
ضحكت رغد على طفلتها ثم التفت الى جاسر الذى يتابع الموقف بأبتسامة فأقتربت منه و حاوطت عنقه
رغد:شوفت عيالك
جاسر وهو يضع يده على خصرها:هما عيالى لوحدى يختى
رغد بحزم: طب يلا البس عشان منتأخرش على البت ياسمين
جاسر بمكر:فين بوسة الصبح يا رغودة
رغد بذهول: بوسة الصبح!!!!!!
جاسر وهو يقترب:هو انا كل مرة لازم افكرك بيها
كاد جاسر ان يقبلها لكن صوت طفلته اوقفه
فيروز بصراخ من خارج الغرفة:يلا يا مامااااااااا حنتأخر
ابتسمت رغد بأتساع و هى ترى ضيق جاسر الطفولى
رغد وهى تتوجه إلى الحمام:يلا البس
زفر جاسر بضيق ثم بدء يتجهز
(محمد:ابن رغد و جاسر عمره 6 سنوات اخذ عين والده الرمادية و لكن أوسع و بشرته قمحاوية فاتحة قليلا و يحب جنة ابنة ياسمين
فيروز:ابنة رغد و جاسر عمرها 5 سنوات عيناها مزيج بين الاخضر و العسلى و شعرها طويل حريرى يتعدى طوله و خصرها تتميز بشرتها بالبياض الشديد تحب يوسف ابن ياسمين
يوسف:ابن ياسمين و ياسين عمره 7 سنوات عيناه خضراء و بشرته قمحاوية يحب فيروز
جنة:ابنة ياسمين و ياسين عمرها 5 سنوات عيناها بلون القهوة الصافية بشرتها بيضاء مائلة إلى القمحى )
.......................................................
عند ياسمين
فى غرفة النوم
كانت ياسمين تقف أمام المرآة تضع لمساتها الأخيرة و يقف على يسارها يوسف يسرح شعره و يضع عطره بطريقة طفولية و على يمينها تقف جنة تعدل من تسريحتها و تعدل فستانها الطفولى اللطيف و يقف خلفهم ياسين الذى يقفل أزرار القميص
كانت ياسمين تتابع كل فرد من أفراد عائلتها بأبتسامة جميلة لا تصدق انها تحمل مسئولية طفلين بل ثلاث اطفال بزوجها فجأة جاء في بالها موقف يدل على طفولة ياسين
فلاش باك
كانت ياسمين تجلس على الاريكة و فى أحضانها يوسف و جنة يتابعون التلفاز بينما ياسين فى الشركة
يوسف:مامى
ياسمين:نعم يا روح مامى
يوسف ببراءة:مامى انا عايز اتجوز فيروز
ياسمين بضحك:ههههههه حاضر بس اكبر انت شوية و اجوزهالك
يوسف بحماس:بجد يا مامى
اومأت له ياسمين بأبتسامة فوقف على الأريكة و قفز عليها و احتضنها بقوة
يوسف و هو يقبل وجنتيها:انا بحبك اوى يا مامى
.......... :ابعد عن مراتى ياض
التفوا جميعهم فوجدوا ياسين يقف خلف الأريكة و ينظر إلى يوسف بغيظ طفولى
يوسف و هو يقربها اكثر اليه:لا دى حبيبتى انا
زمجر ياسين بغضب و فى لمح البصر كان يرفعه ياسين من ياقة قميصه
ياسين بغيظ:حبيبتك فى عينك يا روح امك
كانت ياسمين تحاول أن تنقذ ابنها من براثن والده و لكن عندما سمعت حديثه اغتاظت كثيرا
ياسمين بغيظ:ايه الألفاظ الانت بتقولها قدام الولد دى
يوسف بضيق وهو يركل قدمه فى الهواء:يا عم انت نزلنى
وقعت ياسمين فى الارض من كثرة الضحك
انزله ياسين و هو ينظر له بذهول و لكن لم تمر لحظات حتى كان يرفع ياسمين من ياقة التيشيرت الخاص بها حتى عدم ملامست قدميها للارض
ياسين ليوسف بغيظ و هو يشير إلى زوجته:شايف الست دى تبقا مراتى قبل ما تبقى امك وانا بس الابوسها و هى حبيبتى انا بس (ثم أكمل بتهديد)سامع يالا !!!
نظر له يوسف بغيظ ثم توجه الى غرفته و اغلق الباب بقوة
نظر ياسين الى ابنته التى كانت جالسة فى صمت و تشاهد التلفاز و كأن لا شئ يحدث
ياسين لجنة بسخرية طفولية:وانتى يختى مش حتقوليلك كلمة
جنة وهى تلوح بيدها فى الهواء:ما انتو كل يوم على نفس الحوار ايه الجديد يعنى
ياسمين و ياسين بذهول:حواااار !!!؟
ياسين بحسرة:اااااه ياما عيالى حيربونى
ضحكت ياسمين على ياسين
ياسمين بغيظ و هى تركل قدميها فى الهواء:عاجبك منظرى زى الهبلة كدة قدام العيال
ياسين بضيق و غيظ: دول عيال دول (ثم أشار على جنة)عندك الست جنة شبه المطلقين
جنة مقاطعة:متغلطش فيا
ياسين لابنته:اسكتى يا بت (ثم أكمل وهو يشير على باب غرفة يوسف)وعندك يوسف باشا العايشلى فى دور عبده موته
يوسف من داخل غرفته:على فكرة سمعتك و حزعلك
ألقى ياسين زوجته على الأريكة و ظل يتحسر على تربيته لأطفاله
انتهاء الفلاش باك
ضحكت ياسمين بخفة ثم نظرت بجانبها فلم تجد أطفالها فتيقنت أنهم خرجوا من الغرفة فالتفت إلي ياسين الذى يحاول للمرة المائة (100) أن يعقد الكراڤتة فتوجهت اليه و وقفت امامه ثم بدأت فى ربط الكراڨتة
ياسمين بمرح :يبنى الكراڤتة دى عايزة ناس بتفهم
ياسين وهو يضع يده على خصرها:مش عايزة اخوات للعيال اللى برة دى
ياسمين بضحك:ههههههههه لا شكرا
ابتعد ياسين عنها و وقف امام المرآة يسرح شعره و يضع عطره بطريقة رجولية رائعة
ياسين بمرح: براحتك الفرصة بتيجى مرة في العمر
ضحكت و اقتربت منه ثم احتضنته من ظهره فسمعوا صوت جرس الباب و بعد ذلك سمعوا صوت جاسر و عائلته فخرجوا من الغرفة و رحبوا بهم بشدة ثم ادخلوهم الصالون بينما الاطفال فى غرفة ما يلعبون
رغد وهى تقرص ياسمين من اذنها:بقا بتقولى لمحمد يقولى يا هبلة
ياسمين بضحك: هههههههه هو قالك
رغد بضيق:أيوة يختى
ياسمين بمرح:حيطلع فتان الواد ده
ضحكوا ثم تناقشوا قليلا و لم تخلو الجلسة من جنان ياسمين و ياسين
.......................................................
فى غرفة الأطفال
كان محمد و جنة يجلسون على الأرض يتحدثون
محمد بغضب:بقا كريم قالك كدة
جنة بحزن:أيوة قالى كدة لما كنت فى الclass و قالى انك لعبت مع يارا و انك مبتحبنيش
محمد بأندفاع طفولى: والله بحبك انتى و كمان ملعبتش مع يارا دى بنت ملزقة اصلا و مبحبهاش
جنة بخجل برئ: بجد
محمد و هو يقبل وجنتيها:بجد يا جوجو
عند يوسف و فيروز اللذان كانا يجلسان على الفراش بجانب بعضهما
كانت فيروز تلعب فى شعرها بخجل بينما يوسف كان يتأمل كل حركة تصدر منها بحب
فيروز بخجل:انت بتبصلى كدة ليه
يوسف:عشان بحبك اكيد
فيروز بأبتسامة:وانا كمان بحبك
يوسف:هو احمد كان بيقولك ايه فى ودنك فى المدرسة
فيروز بتلقائية:كان بيقولى انه بيحبنى
يوسف بغضب هادر:نعم يختى
فيروز بخوف:بس أنا قولتله انى بحبك انت
......... :الله الله ايه الانا بسمعه ده
التفو جميع الأطفال إلى الشخص الذي يتحدث فوجدوها رغد
رغد لمحمد بغيظ:كدة يا مودى سايب اختك للواد يوسف يتغرغر بيها
محمد ببراءة وهو يشير على جنة:ما هو كمان سايبلى أخته اتغرغر بيها
عضت رغد شفتيها بغيظ ثم خرجت من الغرفة تحكى لهم فضحكو بقوة
بعد مدة طويلة غادر جاسر و عائلته
.......................................................
فى القصر
وصل جاسر و عائلته فتوجه الطفلين الى غرفهم بينما توجه جاسر و رغد الى غرفتهم
دخل جاسر الغرفة و خلع قميصه و جلس عارى الصدر فشهقت رغد و ذهبت الى الشرفة و اغلقتها
رغد بغيظ:هتستريح حضرتك لما تاخد برد
فأبتسم جاسر و ارتدى تيشرت ثم مدد على الفراش فبدلت رغد ملابسها و توجهت إلى الفراش لتنام فى احضان زوجها
رغد بطفولة:جاسر اعملى ضفيرة
جاسر بضحك:هههههههه يا ربى وقعت في حب طفلة صغيرة
رغد وهى تضمه اكثر إليها: و ايه يعني ما انا وقعت في حب قاسى
تمت بحمد الله ❤❤