ههلاا بالفراشات مسائكم سعاده 🧚♀️🧚♀️
.
.
.
بلبدايه هاجن 👇
يله فراشاتي مدن ايدجن
ها خذتن بالعافيه هسه اقرن الكلام
.
.
.
...............
وصلتني رساله من طالبه سادس اسمه مريم خاف تشبجون
فأني انشرهه الكم للاستفاده ومن الله التوفيق
اهم شي عندي انتو وسعادتكم
((اكو داعي اكول سوولهم تاك لو موجودينن ))
بطلات موجودات كولن اي
وهي 👇📝
حجينة على دورج انتي بتحقيق حلمج ووجوب الاستمراية. وشلون اقرا واراجع
يبقى شي كلش مهم مهم مهم مهم مهم مهم اكثر بعد لو كافي يلة بعد مهم لعيونجن الحلوة 💙😍😐
والي هوة علاقتج بالله وصاحب زمان
ابد لتنسين ذكر رب العالمين وصاحب زمان لو مو سادس
لعد شلون اوازن بين دراستي وذكر رب العالمين وصاحب زمان بدون تقصير من الناحيتين اني اگلج ☺️💙
خمس امور لتعوفيهن خية لتعوفيهن وعلي الهن توفيق مو طبيعي
والي هنة 💙👇
١_صلاتج الواجبة بوقتهة
٢_زيارة عاشوراء
٣_صلاة الليل
٤_دعاء العهد
٥_قراءة القران لو بس صفحة وحدة عمي يلة لو بس سطرين وتقرينهن بخشوع وتدبر بالكلمات هم زين بس لتگطعين كلش
شسالفة مريم صارن اعمال هواي 😐😐 جا شوكت اقرا
ع كيفج خية وينهن هواي اصلا يباركن بوقتج ويزيدة... خلي نجي نقسمهن
صلاة صبح + دعاء العهد
صلاة ضهر -وزيارة عاشوراء
صلاة المغرب + وقراءة قران
وبليل قبل لتنامين صلي صلاة الليل واذا مو كلهة صلي بس الشفع والوتر بس لتركيهة حبابة والله تفيدج الوتر بس ركعة وحدة والشيخ بهجت ينصح للتوفيق بالدراسة بصلاة الليل 🙁🥺🥺💙
كم شغلة اضافية حسب رغبتكم بس اكيد الهن فوائد 😋😋
عندج ست مواد خوش لو مو خوش
وعندج ست تسبيحات وفائدتهن كالاتي
(للدراسة والمعدل العالي وعدم الكسل )
تسبيحة الزهراء ع
يا حي يا قيوم ١٠٠مرة
يا رافع درجات ١٠٠مرة
يا اول يا مقدم ١٠٠ مرة
يا منجح الطلبات ١٠٠ مرة
يا وافي ٧ مرات
بما انو ست تسبيحات وست مواد خلي كل مادة الهة تسبيحة معينة يعني من تقرين هل مادة تسبيحن بهل ذكر الي انتي حددتي ... مثلآ
الاحياء الهة يا منجح طلبات
الكيمياء الهة يا وافي
الرياضيات يا رافع يا مقدم
وهيج بقية المواد
بورقة زغيرة واكتبي تسبيحة الاحياء يا منجح طلبات ولسقيهة ع غلاف مادة الاحياء حتى تذكري دائما
يعني اجيتي تقرين احياء فد دقيقة رددي يا منجح طلبات وابدي توكلي على الله كمليتي ورقتين ردديهة فترات اثناء دراسة المادة .....
ولازم على وضوء يعني اليوم قررتي تقرين احياء بالبداية قبل لترحين لكتابج اتوضي ينطيج الوضوء طاقة وطهارة قلبية وراحة واهم شي النية القلبية الصادقة يعني خلي نيتج بالقراية لنصرة صاحب زمان وهذه التسبيحات لتسويهن گولي النية يعني للتوفيق وعدم الكسل وهيج اعرف البعض راح يگولون اهواي بالنسبة للاعمال الي ما متعودين يسوهن من قبل اما الي متعودين عدهم سهلات والي ممتعود اذا مو كلهن ع اقل لتزمي بفد شغلتين لو تلاثة بس لتگطعين كلش ولتنسون التوفيق من الله تعالى
كملتي يومج ع خير ورحتي لفراشج تنامين بس قبل لتحطين راسج ع مخدة گعدي اقري دعاء الفرج ثواني حتى مياخذ دقيقة سلمي على صاحب زمان وها تبدين يومج ابذكرة ... وقبل لتنامين احجيلة انجازاتج بهل يوم مولاي هيج وهيج قريت اعذرني اذا قصرت ووفقني حتى انجز باجر اكثر💙💙💙💙
ورددي دائما يقنآ كلة خير احس هل جملة مثل دواء لليأس 💙
مريم علي .💙
....♥️
.
♥️
(((وبعددد شرسلت دقيقه اروح اشوف واجي مو تطلعن هااا مو تطلعن 😂😹
اجيت 🥺😂محد طلعت مو 💔😹😹
❤️👇
هي طالبه معيده فدتنطيكم تجربتهه وشنو صار وياها العام استفادو
...... حبيت بالختام اسولفلكم موقف صار وياي العام ما تمنى يصير وي البقية موقف يكسر الگلب اني سنة ثانية العام وزعو نتائج ما توفقت وعدت سنة مرة يوم ويومين ع نتائج ف ماما طلعت لمجلس حسيني لمة نسوان بعد ف سئلنهة بنتج شنو طلعت ماما گلتلهن راح تعيد سنة المهم هنة گايلات لماما فلان هيج طلعت بتسعين وفلانة دكتورة اجت ماما للبيت مگلتلي ليش مطلعتي ولا عصبت ولا عاتبت بس گلتلي يما اريدج ترفعين راسي بسنة جاية واتباهى بيج
بس تعرفون شنو شفت بعيونهة شفت قهر وحزن وكسرة وشايفين شلون الواحد متفشل من شغلة هيج شفت خيبة بداخلهة .. . ونفس الموقف وي الوالد وشما اوصف نضراتة بذاك الوكت مراح اكدر .. ديرو بالكم ع اهلكم لخاطرهم ولصيرون انانين تفكرون بس بنفسكم الواهس والحافز انتو اصنعو لأجل اهلكم لان اذا فشلتو نضرة اهلكم وهما خايب املهم تكسر الضهر وعلي 💔💙
........................................................
يويلي هسه طلاب المراحل البقيه يباعون صفح والمخلصين او تاركين صدقه لربكم 🥺😻يكولون بس للسوادس تنشرين 😒🙄😹
ل
الا اكيد تفيدنه وموو بس السادس مو صح لان احنه همم طالبين من الله التوفيق والمعدلات العاليه والتوفيق كل من الله سبحانه اذن كل احنه نستفاد بهلبارت مو صح شنو رأيكم ♥️
سوف نبنييه 🥺♥️بأذن الله
😹😻
🥺🥺♥️
شنو تردون البارت الجاي
اسئله+تحشيش
موضوع مفيد
قصه بهلول
استودعكم الله الذي لاتضيع عنده الودائع ♥️