#امير_الرجال #البارت_التاسع_والعشرون
ماهي وادهم في السياره علي جاني الطريق.
ادهم : وحشتيني اوي.
ماهي : تجلس عي الكرسي المجاور له ،وانت كمان وحشتني اوي .
ادهم : يمسك يدها ، معقول هقعد اسبوع كامل مشفكيش فيه.
ماهي : بتوتر فأول مره شاب يمسك يدها برومانسيه، ده اسبوع واحد بس .
ادهم : انتي لو حاسه اسبوع هيبقي بالنسبالي ايه مكنتيش قلتي كده.
ماهي : ليه بتقول كده اكيد حاسه بيك.
ادهم : علي العموم اهي فرصه تفكري في علاقتنا خصوصا، اني مناسبكيش اجتماعيا.
ماهي : متقولش كده ياادهم انا حبيتك بجد وفعلا مقدرش ابعد عنك ، المفروض انت اللي اتفكر خصوصا اني اكبر منك بخمس سنين.
ادهم : انا محستش ابدا بالفرق دا بالعكس وانتي معايا بحس انك طفله وانا المسؤل عنها ، بحس اني مالك الدنيا وانتي معايا ، انتي فيكي كل الصفات اللي اي شاب يتمناها ، لكن للاسف محدش هيوافق علي ارتباطنا انتي ماهي هانم وانا ادهم السواق .
ماهي : وقد بدات ثقتها تزيد بنفسها وتشعر باانوثتها فاادهم اول شخص يشعرها بهذه المشاعر ، وانا هتحدي الدنيا كلها علشانك حتي لو صلت اني اهرب معاك في اي مكان ونتجوز.
ادهم : بسعاده ،معقوله ياماهي بتتكلمي جد .
ماهي : اه انا مش هضيعك من ايدي ، اي بنت تتمني تلاقي حد بيحبها زي ماانت بتحبني كده .
ادهم : وانا هحاول الاقي شغل يليق بيكي ومش هخليكي تقفي قصاد اهلك ، هعمل كل اللي اقدر عليه علشان اسعدك .
#############
في فيلا امير ابو الدهب.
امير يجلس برفقه ساره علي الاريكه والاولاد يلعبون في الحديقه.
امير : يداعب بطن ساره ، يتي تعمه ، يتي تميله ، ياتي بيبه بابا يمي يمي يمي .
سار ه : هههههههه كفايه مش قادره ، ههههههه هموت من الضحك.
امير : ينظر لساره بطلي الغيره دي بقي ، صفي قلبك علشان احبك ، ثم يعيد النظر لبطن ساره ويداعبها ، فيري بيبه بابا ، يمي يمي قمرايه بابا ويبدا مداعبه بطنها بفمه ، يتي هاكل القمر دا ياناس.
ساره : ههههههههه ، مش قادره بجد ، ههههههه هيحصلي حاجه وتحاول ابعاده.
امير : اكيد هيحصلك حاجه ماانتي غيرانه من البت وعمال تبعديني عنها من دلوقتي.
ساره : هههه امير بجد مش قادره.
امير : كده بالظبط عدي شهرين ونص ، يعني باقي ست شهور ونص واميرتي الصغنونه تشرف.
ساره : يعني ملك راحت عليها.
امير : ملك دي قلبي ، ويحتضن ساره ويجذبها لصدره ، وام ملك دي روحي من جوه اللي مقدرش اعيش دقيقه من غيرها ولا من غير حضنها.
ساره : بجد ياامير يعني حبك مقلش ليا.
امير : ينظر لعينيها ، حبك ياساره كل يوم بيكبر ويزيد غلاوته جوه قلبي ، انتي حب امير الابدي اللي لا بيخلص ولا بيمل انت ملكتي قلب امير وروح امير وعقل امير.
ساره : بتنهيده ،حبيبي انا اسعد واحده في الدنيا اني معاك وجمبك حبك ليا بخليني احس اني مالكه الدنيا
امير : طول ماانتي جمبي انتي والاولاد انا مش عايز حاجه من الدنيا بحبك ياساره
ساره : بحبك ياامير.
امير : يلا بقي علشان فيري عايزه ترتاح.
ساره : فيري مين ، وترتاح فين.
امير : ينظر لبطنها فريده ، ويبدا بحمل ساره.
ساره : هههه امير بتعمل ايه.
امير : بدا بحملها والصعود بها لمدرج السلم الداخلي للفيلا للصعود لغرفته ، هطلع فيري ترتح شويه ، من الصبح وهي قاعده في الليفنج .
ساره : باابتسامه بس انا مش عايزه ارتاح .
امير : وانا مليش دعوه بيكي ، انا شايل فيري علشان تطلع ترتاح .
ساره : ههههههه طيب والاولاد.
امير : البيبي ستر معاهم.
###############
في الساحل الشمالي .
وصل كلا من نيجار وماهي ومي ونادر.
دخلا نادر ومي الي غرفتهم ودخلت نيجار وماهي غرفتهما.
نادر ومي في غرفتهم.
نادر : معلشي ياحببتي معرفناش نسافر من غير ماما وماهي ، علشان نفسيه ماهي بس.
مي : ولا يهمك ياحبيبي وبدات بتفريغ الشنط.
نادر : انتي بتعملي ايه يلا غيري خلينا ننزل البحر ، الجو روعه .
مي : علي طول كده مش نرتاح شويه.
نادر : نرتاح مين ، اناعايز استمتع بكل دقيقه معاكي .
مي : ههههه انا كمان نفسي انزل البحر.
نادر : خلاص يلا.
########
في غرفه ماهي .
نيجار : السفر تعبني اوي انا عايزه انام .
ماهي : طيب وحبوب منع الحمل هتدهالها ازاي.
نيجار : النهارده خدتها الصبح قبل السفر سوناكو حتطهالها واحنا بنفطر في الفيلا ، وفي الفندق هنا زي كل مره هخلي حد من الجرسونات يحطهالها من غير ماتعرف او وهي معانا هحطهالها من غير ماتاخد بالها .
ماهي : ههههههه برافوا عليكي ، بس انا زعلانه منك كده تحرجيني قدام مي وتقولي إن اخت صحبتي هتجوز وانا نفسيتي تعبانه ، دا كلام ياماما تقوليه عليا.
نيجار : باباكي مكنش هيخلينا نروح معاهم كنت لازم اقول حجه باباكي يقتنع بيها وميمنعش نروح سوا .
ماهي : طيب ، انا فعلا جالي عريس .
نيجار : بسعاده ، لا بجد معقول ، يااا اخيرا .
ماهي : ايه ياماما هو انا وحشه ولا ايه .
نيجار : لا ياحببتي مقصدش المهم مين العريس دا وبشتغل ايه ، انا اعرفه .
ماهي : لا لا انتي متعرفهوش ، دا قريب واحده صحبتي ، وهي اللي جيبهولي ، بيشتغل موظف في شركه كبيره.
نيجار : تطرد زفيرا بضيق ، اووف ، لا خليه لصحبتك بقي ماهي فايد الصاوي تتجوز موظف..
ماهي : وفيها ايه ياماما ، دا حتي شاب وصغير في السن واصغر مني بخمس سنين.
نيجار : يبقي جاي طمعان فيكي وفي فلوس ابوكي اومال هياخدك علي ايه .
ماهي : ليه هو انا لدرجادي وحشه ومحدش هيبصلي ولا معيوبه.
نيجار : تحاول اصلاح ماافسدته ، لا ياماهي انا اقصد انه حته موظف لا راح ولا جه وبياخد مرتب ، متعرفيش تشتري بيه جذمه ، دا جزمتك براند هتلاقيها بتمن مرتبه الشهر كله.
ماهي : وقد تملكها الغضب والاحباط معا تطرد زفيرا و تخرج الي البرانده ، وتشاهد نادر ومي وهما امامها في البحر يمرحون وقد اشطازت غيره فوق غضبها واحباطها ، تنظر لوالدتها ، طيب تعالي اتفرجي.
نيجار : اتفرج علي ايه سبيني انام.
ماهي : ههههه علي عصافير الكناريا اللي في البحر، ابنك ومراته.
نيجار : تقوم مفزوعه وتلبس البانص الحريمي ، وتهرول علي البرانده ، وتشاهد مي ونادر في البحر ، وتتوعد لمي ، واخده الواد علي مشمه .
ماهي : ههههههه هي بهتت عليكي ياماما ، ايه علي مشمه دي .
نيجار : اصبري عليا يامي وحيات دا ( وتمسك شعرها) لقاطعه رجلك من الساحل والفيلا.
ماهي : تنظر لوالدتها وباابتسامه صفراء ، اما نشوف.
###############
في السجن .
جمال وصديقه عزت .
جمال : يااا اخيرا صفقه العمر جت وهخدها وارتاح بقي وافضي لامير وازاي اصفيه.
عزت : متخليش العناد والكبر يركبك ياصاحبي ميبقاش الغشم مالي عينيك
جمال : يقبض حاجبيه ، تقصد ايه
عزت : انت عايز تحط شقي عمرك في ايد مراد وهيثم وانت هنا بين اربع حيطان ، ودا كله علشان تنتقم من امير .
جمال : انت بتقلقني ليه كله قانوني ، وكل واحد فينا هياخد نصيبه.
عزت : طيب لو حصل في الامور امور مين اول واحد هيخسر ، انت.. انت ياجمال هما بره مش خسرانين حاجه .
جمال : متقلقنيش مراد مطمني.
عزت: مراد ، جينا لمربط الفرس ، مراد لو لقاك قرش هيبلعه هو اه استاذ في شغله لكن كل السوق بقول عليه حوت فلوس.
جمال: اطمن ياعزت انا اتفقت معاه علي نسبته وكله تمام.
عزت : انت حر انا حذرتك وانت حر .
########
دينا تقف في برانده بيتها في انتظار عمرو ، وتمسك هاتفها وتكلم صديقتها ياسمين.
دينا : شوفتي لسه مجاش لحد دلوقتي ، ياتري راحوا فين.
ياسمين : افضلي اهري وانكتي في نفسك كدا، مايمكن جه وفي شقته.
دينا : لا لسه عربيته مش تحت اكيد بيفسحها .
ياسمين : اكيد طبعا زمانهم دلوقتي قاعدين ضحك وهزار وحب.
دينا : ياسمين انتي عايزه تفرسيني ، ايه اللي بتقوليه دا.
ياسمين : الله ، مش بقولك الحقيقه ، واحد خارج مع واحده بعد الشغل هيكونوا خارجين ليه هههههه يشتغلوا ، مثلا.
دينا : وبدات بالبكاء ، يعني ايه خلاص كده مش هيحبني .
ياسمين : ماانتي لو بتسمعي كلامي هيحبك ويموت في دباديبك كمان.
دينا : لا يا ياسمين هو لو هيحبني كان حبني من زمان .
ياسمين : اه افضلي انتي عشيلي في قصه عذاب الحب دا .
دينا : بفرحه طفله (تشاهد سياره عمرو ) جه يا ياسمين العربيه اهي ، عمرو جه.
ياسمين : طيب يلا بسرعه افتحي باب شقتك واعملي انك بتساليه علي حاجه في الشغل ، اتحركي يلا
دينا : لا هتكسف
ياسمين : اتحركي يلا قبل البت ماتلهفه منك ، ابقي اغسلي وشك وظبطي نفسك ، بسرعه .
دينا : بفرحه ، طيب.. طيب .
تذهب دينا علي المراءه وتعدل شعرها وتنظر في الصاله ، فلا تجد والدها ( فهي تعيش هي ووالدها فقط بعد وفاه والدتها) ، تفتح الباب وتنتظر عمرو.
عمرو يخرج من الاسانسير.
عمرو : مستغربا ، دينا واقفه ليه كده ، في حاجه ، والدك بخير.
دينا : اه كويس يامستر عمرو ، بس كنت محتاجه اسالك علي حاجه في الشغل .
عمرو : حاجه ايه.
دينا : متردده ولا تعلم ماذا تقول ، حاجه اه ، اللي هيا ، اه .
عمرو : دينا في ايه .
دينا : اه حاجه مش فهماها في برنامج السيستم علي الاب.
عمرو : ضاحكا، ابقي اسالي سهي .
دينا : تقبض حاحبيها .
عمرو : وابقي اغسلي وشك شكلك معيطه .
دينا : تبرق عينيها في دهشه.
عمرو يتركها ويذهب تجاه شقته ويفتح الباب ، ثم يلتفت لدينا وهي واقفه كالصنم ، ابقي قوليلي عمرو من غير مستر، ويغلق الباب .
مي تقف في دهشه ، والد دينا ينادي عليها .
دينا : حاضر يابابا .
والدها : انتي واقفه بره ع الباب ليه .
دينا : متردده ، اصل.. اصل.. نسيت المفتاح بتاعي في الباب.
والدها : ينظر ليدها اومال فين المفتاح
دينا : لا ماانا ملقتوش يمكن جوه ، هدخل ادور تاني .
والدها : متعحبا سلامتك يادينا المفاتيح علي الترابيزه جمبك اهو.
دينا : مش بقولك يابابا مش لقياه.
والدها : ده قدام عينك يابنتي .
دينا : هدخل انام تصبح علي خير.
والدها : بدري كده مش تتعشي الاول .
دينا : لا لا مليش نفس ، وتتركه وتدخل علي غرفتها ، وتمسك هاتفها وتتصل علي ياسمين .
دينا. : انا متصله اهزءقك ، دا موقف تحطيني فيه .
ياسمين : ليه ايه اللي حصل .
دينا : عملت زي ماانتي قلتيلي وقلتله في حاجه في الشغل مش عارفاها ، قالي اسالي زفته سهي.
ياسمين : قالك الزفته سهي.
دينا : لا دا انا اللي بقول .
ياسمين : هههههه اه كملي كملي.
دينا : وقالي ابقي اغسلي وشك شكلك معيطه .
ياسمين : ههههه ومغسلتيش وشك ليه ماانا منبهه عليكي.
دينا : ملحقتش .
ياسمين : هههه يبقي كشفك ياقطه.
دينا : يعني ايه .
ياسمين : يعني عرف انك واقفه مستنياه وبتتلككي.
دينا : يالهوي عرف ازاي ، هيقول عليا ايه دلوقتي ، دا كله بسبب نصايحك الزفت .
ياسمين : انتي اللي هبله ومعرفتيش ترسمي عليه زي سهي
المهم في حاجه تانيه حصلت .
دينا : اه وهو داخل قالي اقوله عمرو من غير مستر.
ياسمين : قشطه ماالسناره غمزت اهو ، هههه والسمك هيقع في الشبك .
دينا : يعني ايه مش فاهمه .
ياسمين : يعني قوليله عمرو واتلحلحي بقي ، وبلاش جو الحب الصامت بتاعك دا.
دينا : لا انتي عيزاه يكسفني تاني ،انا مش هسمع كلامك ابدا بعد كده.
ياسمين : انتي اللي خسرانه.
###########
في الساحل .
في غرفه نيجار ، نيجار تتصل علي نادر.
نيجار : ايه ياحبيبي دا كله نوم مش هتنزلو علشان نتعشا
نادر. : بصوت نائم ، لا ياماما انزلوا انتوا.
نيجار. : بمكر ، ياااا انت نايم من وقت ماجينا ، دا احنا نمنا وصحينا وجهزنا .
نادر : بعفويه ،اه ياماما عايز انام ومي نايمه .
نيجار : طيب ياحبيبي نوم الهنا هننزل انا واختك ، وانتوا خليكوا براحتكو ، وتغلق الهاتف.
ماهي : ايه مش هينزلوا.
نيجار : بيكدب عليا ويقولي من وقت ماجينا وهما نايمين ، وهو نزل البحر ، علمته الكدب بسلامتها من ليله ..ليله ايه ، دي كام ساعه .
ماهي : طيب يلا خلينا ننزل.
نيجار : لا انزلي انتي ، وانا هفضل هنا علشان ارتب افكاري. ماهي : طيب رتبي براحتك هنزل انا سلام.
######
في غرفه نادر .
نادر يلتفت لمي وينظر لها بغرام وهی نائمه ، ويتفحص ملامح وجهها البريء الملائكي ويضع قبله علي جبينها ثم يبعد خصلات شعرها علي خدها ويبدا بتقبيل خدها فتشعر بيه مي وتفتح عينيها باابتسامه صافيه .
نادر : صباحك ورد وحب وشوق ياحبيبي .
مي : باابتسامه صباح الخير ياحبيبي ، احنا الصبح .
نادر : لا ، لكن صباحي انا بيبدا اول مابتفتحي عينك انتي ، انتي نور عيوني اللي بشوف بيها .
مي : وانت حبيبي اللي كلمه منه بتعيشني في عالم تاني ، بكلمه منك بتخليني اسعد واحده في الدنيا .
نادر : حبيبي انتي عشقي ويقبل خدها ، وغرامي ويقبل خدها الاخر ، وحبي ويقبل ذقنها ، وهيامي ويطبع قبله علي شفايفها ، ويااخذها ف حضنه انتي حبيبه العمر والدهر كله يامي .
مي : الله علي الرومانسيه ياريتنا كل يوم في الساحل .
نادر : حقك عليا ياحبيبي لو زعلتك ببقي غصب عني والله ضغط الشغل والبيت .
مي : ولا يهمك ياحبيبي وانت كمان متضيقش مني لو زعلتك قبل كدا .
نادر : انا مقدرش ازعل منك يامي انتي الهوا اللي بتنفسه ، انتي عنيا اللي بشوف بيها وقلبي اللي بحس بيه ، ويبدأ بطبع القبل علي خدها ورقبتها ويبدا بمصالحتها .
وقد بدأ الغرام والشوق يتملكهم حتي يثبت لها انها معشوقته وهي تثبت له انه عشيقها الذي احبته .
نيجار : وقدا اشطازت غضبا من ابنها الذي كذب عليها بعفويه وهو نائم لا يدري مايقول ، تنزل الرسترو وبدات تتفحص عاملين الفندق.
############
ماهي تتمشي في بعض شوارع المنطقه ، وتمسك هاتفها.
وتكلم ادهم
ادهم : وحشتيني عدد نجوم السما وعدد قمر الارض وقمر السما.
ماهي : ههههه طيب نجوم السما وقمر السما وعرفناه انما قمر الارض جديده دي .
ادهم : ايه دا انتي متعرفيش قمر الارض.
ماهي : ههههه لا اول مره اسمع عنه .
ادهم : اكيد مااهو مفيش قمر بيعرف انه قمر ، يااحلي واجمل قمر علي الارض ، طفي القاهره وراح الساحل ينورها .
ماهي : ههههههه ، ادهم مش معقول انت بتجيب الكلام الحلو دا منين .
ادهم : من جوه القلب ياقلب القلب .
ماهي : انا بجد اسعد واحده في الدنيا ، معقول الكلام الحلو دا كله علشاني وليا انا .
ادهم : واكتر ياماهي انتي تستاهلي اكتر من كده ، هو انا بحبك من شويا ياروح الروح حبك بالنسبالي بقي زي الادمان خلاص اطبعتي جوه قلبي واسمك انحفر علي صدري .
ماهي : بحبك ياادهم بحبك جدا ومستحيل ابعد عنك او اعيش من غيرك ، ثم تنظر للهاتف ، ماما علي الويتنج هقفل دلوقتي واكلمك بعدين ، سلام .
ادهم : خلي بالك من نفسك واوعي حد يعاكسك .
ماهي : هههههههه ، حاضر..
ادهم : اجمل كلمه حاضر سمعتها من ست العرايس.
ماهي : بسعادع غامره ، سلام بقي
ادهم : في رعايه الله وفي حبي وقلبي انا ياماهي ، سلام ويغلق الهاتف .
ماهي تحتضن هاتفها وتاخذ نفس بعمق ، الله الحب دا حلو اوي ، فيرن جرس هاتفتها مره اخري فتجد والداها المتصله ، وتتمتم هو دا وقتها اووف ، وترد عليها .
################.
في شركه ابو الدهب يجلس امير وعمرو .
امير : هههههه ماشي يا مقطع قلوب العذارا .
عمرو : هههههه اومال احنا مش شويه برضوا.
امير : بس براحه ع دينا دي كيوته خالص وقطه في نفسها كده .
عمرو : هي اللي جبته لنفسها ياما كلمتها وحاولت اتقرب منها كتير ، وكل ماكلمها تحط وشها في الارض ومتردش .
امير : البت محترمه وخجوله غير سهي خالص .
عمرو : لا سهي دي حكايه دي الشقاوه كلها ، بت حيركه كده وعود اصلي .
امير : الله الله دا احنا اتشقينا اهو وبقينا صايعين .
عمرو : مبحبش اتكلم عن نفسي كتير.
امير : ههههههههههه ،ماشي العب براحتك ، عرفت كل المعلومات عن المدينه اللي هتعملها الحكومه .
عمرو : اه كله في الملف اللي قصادك دا كلها كام شهر وهيتعلن ميعاد المناقصه .
امير : تمام ان شاء الله هنقدم اقل سعر وافضل مواصفات قياسيه وخامه وجوده .
عمرو : بس دي هتحتاج ملايين .
امير : عامل حسابي وكله هيتظبط مع اول شيك ناخده منهم.
عمرو : تمام ، شركات معدوده اللي هتقدم علي المناقصه دي ، لان راس مالها ضخم .
امير : عارف انا مش قلقان منهم لان مش اول مره اخد مناقصه منهم ، الدور والباقي علي مراد وشركه جروب ستور ، دا اللي لازم نفتحله كويس اوي.
عمرو : متقلقش كله تحت السيطره .
امير : تمام.
############
في الساحل علي البحر.
مي ونادر في البحر يمرحان سويا ، ونيجار وماهي جالسين تحت الشماسي .
ماهي : كم تمتلك غيره وحقد علي مي وتنظر لهم بضيق وتقول لوالدتها مبسوطه كده ، شايفه مبسوطين ازاي .
نيجار : بهدوء ، اهدي كله هيخلص النهارده .
ماهي : تلتفت لها امتا بقي امتا .
نيجار : لما يروحوا الفندق .
ماهي : اووف.
يخرح من البحر نادر ومي سعيدان واخذا المناشف وبداوا ينشفوا جسديهما
نادر : ينظر لماهي ، ايه ياحببتي منزلتيش معانا الميه ليه.
مي : تنظر لماهي ، الميه جميله اوي ياماهي .
ماهي : بضيق مليش مزاج .
نادر : ينظر لوالدته انا رايح الفندق انا ومي ناخد شاور ونغير هدومنا.
نيجار : خلصوا وهستناكوا علشان نتغدا سوا ، اوعوا تتاخروا.
مي : حاضر متقلقيش ياطنط.
مي سبقت نادر .
نيجار : تنظر لنادر حبيبي ابقي هتلي معاك الباور بانك بتاعك موبايلي هيفصل شحن ،اوعي تنساه .
نادر : :حاضر ياماما ، وبدا يجري تجاه مي ، همسكك ومي تشاهده فتجري بعيدا عنه وهو وراءها في ضحك ولعب .
ماهي : تنظر لهم بغيره ثم تنظر لوالدتها شفتي بيضحكوا ويهزروا ازاي ، ودي هتمشي ازاي دي لزقت خلاص.
نيجار : تضع قدم علي اخر وهي ممده علي الكرسي الشازلونج ، استمتعي بالبحر ياماهي علشان مروحين النهارده.
ماهي : بااستغراب ، مروحين ازاي احنا مش هنقعد اسبوع ..
نيجار : السما صافيه والبحر هادي وجميل ازاي ، الجو دا هيوحشني خساره ملحقتش اتمتع بيه .
ماهي : ايه اللي بتقولي دا انا بقول ايه وانتي بتقولي ايه.
#######
في غرفه نادر دخل نادر ومي يتحممان سويا وخرجا كل منهم بدا يلبس وجلس نادر علي السرير في انتظار مي تكمل ملابسها ، حتي ينزلا مره اخري .
مي تقف امام المراءه تتزين بعض الشيء ، ونادر يجلس علي السرير باانتظارها فبتذكر الباور بانك لوالدته فيفتح الكومدينو ويلتقط الباور بانك ولكن المفاجأه........
يجد نادر شريط حبوب فيلتقطه نادر ويشاهد المكتوب وراءه فيجده شريط حبوب منع الحمل ومأخوذ منه كام حبايه ، فيظر لمي.
نادر : بيده الشريط يقف امام مي ، ايه دا يامي.
مي : تنظر للشريط ايه دا .
نادر : بدا صوته يرتفع ، انا اللي بسال ايه دا يامي ، وايه اللي جابه هنا .
مي : معرفش انا معرفش شريط ايه دا اصلا.
نادر : بدا يثور ويرتفع صوته اكثر ، شريط منع الحمل ومتاخد منه وجمبك علي السرير ومتعرفيش وبدأ بصفعها بالقلم علي وجهها .
مي : وقد وقعت ارضا من شده صفعه القلم ، والدموع تملكتها ،انت اتجننت بتمد ايدك عليا انا معرفش ايه دا ، والله العظيم مااعرف ايه دا ، ولا ايه جابه هنا .
نادر : وانا المغفل اللي المفروض اصدقك لدرجادي مش عايزه تخلفي مني ، طيب اتجوزتيني ليه ، وبتاخدي الحبوب من ورايا ، طيب عرفيني قولي مش عايزه اخلف منك يانادر مش عيزاك يانادر بكرهك يانادر ، انما تسبيني كده هتجنن علي حته عيل منك وانتي ولا هنا لدرجادي مليش اي قيمه ولا اي
لازمه عندك ، تدمريني وادمري حبي ليكي بالساهل كده.
مي : منهاره بالبكاء ارضا ، والله مااخدت حاجه ولا اعرف حاجه عن الشريط دا انا بحبك يانادر ونفس اخلف منك اكتر منك .
نادر : اخرسي مش عايزه اشوف وشك تاني اطلعي بره.
مي : ايه اللي بتقوله ده نادر انا معملتش حاجه ارحم زلي ليك انا معملتش حاجه صدقني.
نادر : مسكها بقوه من مرفقها ويحاول اخراجها من غرفته والغضب قد تملكه ، اطلعي بره وانتي مرحمتنيش ليه وانا كاتم في قلبي ومش عايز احرجك واقولك نفسي في حته عيل.
مي : بكل ذل وانكسار ، والله ماخدت حاجه سدقني يانادر.
نادر : قد اخرجها خارج الغرفه واغلق الباب علي نفسه ، وجلس علي الارض والدموع بدات تتملكه ليه يامي .. ليه ،
دا انا بعشقك ، دانا محبتش في حياتي كلها غيرك انتي ، دا انتي الوحيده اللي لو قلتيلي موت نفسك يانادر كنت هموتها علشانك ، ليه تكسريني كده عملت ايه فيكي علشان
متخلفيش مني وتحرميني اني اكون اب ، دا انا كان نفسي في حته عيل علشان اشم ريحته فيكي انتي ، علشان يربطني بيكي العمر كله ، علشان كل اما اشوفه ابقي بشوفك انتي ، وكل ماالمسه ابقي بلمسك انتي ، حرام عليكي عملتي فيا ليه كده ، ليه.... ليه
بقلم / مروه عبد الجواد
يابنات انا مش لاقيه اي تشجيع ولا تفاعل خالص منكوا كده ندمتوني اني سمعت كلامكوا وعملت جزء جديد للروايه.
ارجو رفع البوست بكومنتات ومشاركه البوست علي الجروبات.
##########