Katulad ng mga nagdaang araw nanatili lang ako sa condo ko. Sinabi ko kay Celeste na i-cancel lahat ng photoshoots ko at sabihing may sakit ako.
Bumisita si Tanya rito kahapon, binalitaan ako sa inaayos ni Logan na issue. Sabi ni Tanya kahapon ay ngayon magaganap ang press conference ukol nga sa issue namin ni Logan.
Masama ang loob ko dahil hanggang ngayon wala pa ring Logan na nag-a-update sa akin. Ni hindi nga niya sinabi sa akin na may magaganap na press conference.
Nakatunganga ako sa harap ng flat screen kong TV habang hinihintay na umere ang press conference ni Logan. Kinakabahan ako. Wala pa naman akong natatanggap na threats or ano sa asawa ni Logan. Siguro hindi ako nakilala sa picture kaya walang nagdi-dm sa akin at nagbabato ng mga bash.
Napaayos ako ng upo nang magsimula na ang conference. Present si Hailey na nasa tabi ni Logan at pokerface lang ang pinapakitang reaksiyon. Nagsimulang magtanong ang ilang press tungkol sa issue na may babae si Logan.
"Yes, ako ang lalaki sa picture."
Napalunok ako habang nakikinig sa pag-amin ni Logan ng katotohanan. Ang lakas ng tibok ng puso ko dahil sa kabang nararamdaman. Ilalaglag ba niya ako? Akala ko ba aayusin niya? Bakit siya umaamin?!
"Would you tell us who is the woman you are kissing, Mr. McFord?" tanong ng babaeng press.
Mas dumoble ang kaba na nararamdaman ko nang mapatitig si Logan sa isa sa mga camera na nakatutok sa kaniya. He is like.. staring at me intently. Para bang nakikita niya ako harap-harapan.
"The woman is one of my secret admirer. She's a stalker actually and I never knew that at first. While heading back to my home, I accidentally bumped her with my car. I suggest na dalhin siya sa Hospital kasi hindi siya makalakad at pumayag naman siya," Tinignan niya ang asawa niyang tahimik lang sa tabihan niya bago bumaling sa isang camera na nakatutok sa kaniya sa harapan. "I never expected na hahalikan niya ako. Ang sabi niya 'pag hindi ako pumayag sa gusto niya, magpapakamatay siya. It was just an act. Planado niya ang nangyari."
Umingay bigla ang hall. Hindi ko alam kung matutuwa ba ako o ano sa mga isiniwalat niyang kasinungalingan. But who knows what's really happen?
"One of my sources pointing their finger to one of your talent models. Totoo bang isa sa mga hawak mo na babaeng model ang sinasabi mong stalker mo?"
"Yes." tipid na sagot ng lalaki.
"Would you tell us her name?"
Dumoble ang kaba sa dibdib ko. Nakatitig lang ako kay Logan na seryoso at hindi mabasa ang mukha. Anong palusot na sasabihin mo, Logan?
"She's Catya Beverley."
Lumabas ang isang babae habang nasa likod nito ang ilang men in black ni Logan. Nakayuko ang ulo ng babae habang may takip na kapiranggot na tela ang mukha. Muling umingay ang hall at sari-saring ilaw mula sa iba't-ibang camera ang nag-flash. Napasandal ako sa upuan ko. Parang nabunutan ako ng tinik sa lalamunan.
The girl is sobbing. Nang binanggit ni Logan ang pangalan ng babae, nagulat ako at nagtaka. I kinda know Catya a lil' bit. Nakasama ko na siya minsan sa photoshoot pero hindi kami gaanong nag-uusap. Anong ginawa ni Logan—no, paano niya napapayag si Catya na magsilbing ako? Pera? Binayaran ba siya ni Logan para umarte na siya ang nasa picture?
Natapos ang press conference ilang minuto lang. Nagpahayag ng nararamdaman si Hailey na kesyo akala raw niya may babae na talaga ang asawa niya. I can't help but to smirk because of that. Little did she know meron naman talagang kabit ang asawa niya.
Of course, Logan will play safe so do I. Kailangan na namin mag-ingat dahil mahirap na. Hindi ko pa nakukuha ang gusto ko, matatalo na agad ako once na mabuking ang relasyon namin ni Logan.
__
Napalingon ako sa pintuan ko nang biglang bumukas ito. Hindi ko na kailangan hulaan pa kung sino ang nagbukas dahil isa lang naman ang pinagbigyan ko ng code ng condo ko.
Pumasok siya bitbit ang coat sa kanang kamay niya. He immediately sit beside me and rest his head on my shoulder.
"Hindi mo ako tinawagan. You don't even inform me na may press conference na magaganap about the issue." sabi ko at napairap sa hangin. I just can't help it. Nakakainis siya. Halos atakihin na ako sa puso kahihintay ng balita sa kaniya kung naayos na ba niya o hindi pa ang problema namin. Ni text wala akong na-receive mula sa kaniya.
"My wife and I fought. Nakalimutan kong tawagan ka para i-update at saka bantay sarado ako kay Hailey."
Kinuha ko ang coat sa kamay niya at medyo niluwagan ang necktie na suot niya. Inayos ko ang buhok niya bago ikulong ang mukha niya sa mga palad ko.
"Until now may tampuhan pa rin kayo?" tanong ko. Of course, he wouldn't be here kung maayos na sila.
"Hmm. Yeah, as always." tamad na wika niya at niyakap ako. Sinubsob niya ang mukha sa dibdib ko.
"Ipagluluto kita. Anong gusto mong kainin?" tanong ko at hinaplos ang buhok niya. Sa tatlong taon na pagsasama namin ng patago, marami akong nalaman tungkol sa mga paborito at hindi niya paborito.
"Ikaw."
Natigilan ako. Parang may kuryente akong naramdaman sa ibaba ko. Shit, Logan! Huwag kang ganiyan. Enebe.
"Ikaw ang gusto kong kainin, Elizabeth. I fucking miss you so damn much."
Mula sa pagkakaupo ko, binuhat niya ako at iniupo sa lap niya. He was about to kiss me nang pigilan ko siya. May gusto pa akong malaman.
"Paano mo nakumbinsi si Catya na magpanggap na siya ang kasama mo sa picture at hindi ako?"
Napatitig siya sa akin. "Binayaran ko siya."
Hindi na ako nagulat sa sagot niya. He is Logan McFord. Siyempre mayaman ang lolo niyo kaya handa siyang magbayad ng malaking halaga huwag lang masira ang pangalan niya.
Bumuntong hininga siya at niyakap ako. "Siya ang kumuha ng picture sa atin. She admit that. I warned her na kapag isinawalat niya ang nalalaman niya, ipakukulong ko ang daddy niya."
Napasinghap ako kasabay ng pagkagat niya sa balikat ko. Ipakukulong?
"Why? Bakit mo ipapakulong ang Daddy ni Catya?"
"Malaki ang utang ng pamilya niya sa kumpanya ni Daddy." Kibit-balikat na sagot niya.
Napailing na lang ako. He is Logan McFord, bakit pa ba ako nagtataka. He can get what he wants kahit na pera pa ang pag-usapan. That's how powerful he is to take control of anything just by paying some shits. Lahat pwedeng mabili ng pera kahit na ang katotohanan na pilit mong itinatago. Bayaran mo lang ang taong gipit, paniguradong kakapit 'yan kahit alam niyang maiipit siya sa panganib. That's what money can do to people.
"Can I take my appetizer now before the main course?"
Natawa ako, medyo nakiliti nang hipan niya ang leeg ko. He knew may kiliti ako sa parteng 'yon.
"Sure. I'm all yours tonight, baby." malanding sabi ko at humagikhik.
ILANG ARAW pa akong hindi pumasok para hindi magtaka ang mga ka-trabaho ko. Kung papasok ako agad ay baka may makapansin ng timing ko sa pag-absent at sa issue na kinaharap ni Logan.
We are playing safe nga, 'di ba? Sinabi rin ni Logan sa akin noong isang araw na siya na lang ang makikipagkita sa akin. We need to be careful lalo na ngayon mainit kami sa mata ng mga media plus 'yong mahaderang asawa pa niya na lagi raw nagtatanong kung nasaan siya.
"Wow. Kamusta ang bakasyon sa kama, atih?"
Napairap ako at nag-make face lang sa sinabi ni Tanya. Sabay kaming pumunta ng meeting room dahil nagpatawag ang Management ng meeting dahil sa nangyari.
Isa pang hindi maalis sa isip ko. Paano kung madulas si Catya? Paano kung kahit binayaran siya ni Logan para manahimik, sabihin pa rin nito sa mga tao ang nalalaman niya? Nakalimutan kong itanong iyon kay Logan. I'm just being myself ready. What if nga na mangyari 'yon? At least I'm prepared. Mamaya ko na lang iisipin 'yon, ang mahalaga nakapasok na ako sa trabaho.
Palabas na ako ng building nang mapansin ko ang asawa ni Logan sa entrance. Automatic na tumaas ang isang sulok ng labi ko.
Totoo ngang bantay sarado ang lalaki sa asawa nito. Kahit nagtatrabaho ay may kabuntot pa rin itong aso na handang tumahol sa mga magtatangkang umagaw ng pagmamay-ari niya.
Napailing ako bago lumabas. Mabuti na lang hindi ako napansin ng babae. Agad akong sumakay sa kotse at sinabihan ang driver ko na uuwi ako sa bahay hindi sa condo. May ilang gamit lang akong kukuhanin pagkatapos ay uuwi na ako agad. Why do I need to stay longer? Wala naman dahilan para magtagal ako sa bahay ng mga magulang ko.
Pagdating ko sa Nueva Ecija bumungad sa akin si Manang Puring, ang mayordoma ng bahay.
"Narito ka na pala. Inihanda ko na ang gamit na dadalhin mo sa Maynila." sabi nito. Tinawagan ko kasi ang matanda upang ipahanda ang mga gamit na naiwan ko.
"Salamat, Manang." Ngumiti ako. Mabait naman si Manang kahit under siya ng Ama ko.
Speaking of.. I saw him walking downstairs.
"Mabuti naman at naisipan mong umuwi." sabi nito.
Tumayo ako ng maayos at blankong tinignan siya. "Hindi naman ako magtatagal. May kukuhanin lang ako sa kwarto ko." malamig na wika ko.
"Dito ka na maghapunan. Malayo pa ang Maynila–"
"No need, aalis din ako agad." Nilagpasan ko siya at nagtungo sa kwarto ko. Kinuha ko ang isang box na naglalaman ng mga natira kong gamit at lumabas ng kwarto.
Hindi pa man ako nakakalayo sa kwarto, narinig ko ang isang boses ng babae na tinatawag ako. Dahan-dahan akong lumingon sa likuran ko.
"Ate.."
Nakasuot siya ng puting bestida habang nakatali ang buhok nito into braid style. Malawak ang ngiti niya habang nakatingin sa akin.
"Don't call me ate. Wala akong kapatid." Bago ko pa makita ang reaksyon niya agad na akong tumalikod.
Naiinis ako. Sa tuwing nakikita ko ang mukha ni Elle, naalala ko ang kasalanan na ginawa ng ina niya sa pamilya namin. She's my cousin. Anak siya ng kapatid ni Mommy–ang kabit ni Daddy.
"Dumito ka na muna kahit isang gabi lang, hija."
"Hindi na po, Manang. May trabaho ako bukas." sagot ko habang ipinapasok ang box sa kotse.
"Oh, siya, mag-ingat ka na lang."
Tumango ako at nagpaalam sa matanda. Bago ako tuluyang pumasok sa kotse, nakita ko si Elle na nasa pintuan. Umiwas ako ng tingin nang magsimulang bumagsak ang luha niya. Pumasok na ako ng kotse at napasandal sa upuan.
"Tayo na, Manong." Tumango ang driver ko bago nito paandarin ang sasakyan.
Habang papalayo ang sinasakyan ko sa malaking bahay, hindi ko mapigilang malungkot at masaktan. Ang bahay na iyon ang saksi kung paano ako lumaki hanggang sa magkaisip ako. Ang bahay na iyon din ang dahilan kung bakit kailangan kong lumayo. My Mom died when I was still a teenager. Nagbigti si Mommy sa kwarto nila ni Daddy after niyang malaman na ang kapatid niya at si Daddy ay may relasyon.
How ironic, right? Kaya ayaw kong umuuwi sa bahay dahil naaalala ko si Mommy—si Mommy na umiiyak habang nagmamakaawa sa Daddy ko na huwag kaming iwan. But still, Dad chooses my Mom's sister. Saksi ako kung paano malagutan ng hininga si Mommy, saksi ako kung paano masaktan si Mommy dahil kay Daddy.
Agad kong pinunasan ang luha na kumawala sa mga mata ko. Ang sakit pa rin hanggang ngayon na wala man lang akong nagawa para pigilan si Mommy. Nang mamatay si Lianne, naalala ko sa kaniya ang ina ko.
Nakakalungkot isipin na ang dating masaya kong pamilya, ngayon ay sira na.