متلازمة السجن

٢٩

متلازمه السجن
البارت٢٩
للكاتبه مريم السعدي

.................🍁.......

حسام- الايام تمشي ركض سانه دتمتحن خامس وبعدها امتحانات رائد ورنا رفيف وراهم وي وسام امي لكت شغله جديده تقنع وسام على رفيف ووسام يكوم يصيح ويعيط ويصعد فوك مرتين عادتها تالي سكتت بعد مكامت تحجي عمر بده يحضر لسفرته امني امه واخته وحذر رنا تروح يم رفيف لان ميقرون واني وافقته بعد باجر يطلع واني شايل هم من يطلع شون حكضيها ارش بالحديقه والملم بالورق وافكر اندكت الباب ذبيت الصونده ورحت فتحتها ايهاب ابن عمي كعدنا بالحديقه وامي جابت جاي وكعك سالفه منا وضحكه منا وحجي بالعمل تالي سكتنا اباوع بوجهه سبحان الجنت قبل سنه ونص ماجرعه هسه كلش اعززه

ايهاب- شبيك تباوعلي
مابيه جريت نفس ماكو شي
ايهاب...باوع حسام قربت روحي احجيلي كلشي والله اجاوبك لتشيل بكلبك عليه ماعدي غيركم مااريد اكذب مرت ايام حقدت عليك عاديتك بس كعدت عدل رجعت انتجيت بس عرفت انه مالي غيركم انتو اخوتي اني ماعدي اخوه غيركم

حسام - شعدك احجي جريت نفس ماراح اسوي شي الك احجيلي كلشي ماريداسالك بس خلي ببالك كلشي كايلتلي هي

ايهاب- منو يكول صدك احجيلي الحجتلك عليه واحجيلك نترت صرت عصبي

حسام...شبيك ايهاب احجيلي ليش الاعصاب
ايهاب...مو تروح مطلعتني اني اللاحكها

حسام...باوعت بعينه رافع حاجبي ليش انت ملحكتها بوقتها وين ردت اوصل مااعرف ردت اعرف ليش راد يخطبها قبلي مو جان يعرف بيه عدي علاقه بيها واتردد عليها ليش هالحقاره

ايهاب - باوع ماكذب عليك اتصلت بيها من وكعت كون عدي معرفه قديمه بيها كزميله

حسام...بلعت ريك اي كمل
ايهاب...اي هاهي وسالتها اذا محتاجه شي وهاهي
حسام...مممم هاي شوكت
ايهاب...من جنت بالغيبوبه
حسام...هزيت راسي باوعت عالاشجار رجعت باوعتله صبرك ربي--- اي شحجيتو

ايهاب...شحجينا قابل شونج واصبري وكذا وهاذ هو
حسام....اي وبعدين
ايهام....هاهي بعد متصلت وروح ابويه هي الخابرت عليه واني مرديت عليها

بقيت اماشي بالكلام وداخلي نار --- كلت ببرود وشرادت
ايهاب...مادري ثاني يوم شفتها بالمستشفى سالتها داكه عليه كالت اي حتاجيت احجي وي احد جنت مخنوكه

حسام...ممممممم هزيت راسي زين بعد
...هذا هو والله
...هسه ليش دتحلف مصدكك
...درت وجهي متنهد وكفت يله حسام اترخص
حسام....وين رايح مو كاعدين تعال ايهاب

ايهاب...خل اروح انت ممصدك حقك مرتك تصدكها تصدك بيه جرني من ايدي رجع كعدني كال
حسام ...انت ليش جلبت وردت تدز خاله تخطبها وتدري بيه علاقه وياها اربع سنين
ايهاب....والقران الكريم مادري بيكم علاقه
....لك بابا شون متدري

اصلا اني ردت احجي واطلع القضه والمضه بس خفت يفصخ ويعرفها على حقيقتها وتطلع من وجهي ----استغفر الله هاهي حسام اني غلطت عبالي هيج والله بس زماله طلعت علاقه اني اعتذر والله

حسام...يابه هاي هيه كلمن وكعد بمكانه بقيت اباوعله ابتسمت بعد شعدك
ايهاب...هههه رايد منكم بنيه ابتسمت نصيت واريدك توكفلي

حسام...بقيت صافن عليه بس لا يريد رنا يا الله بس اشر يمعود لزمت كلبي خاف صدك رايد رنا كال

ايهاب...اني كلت لامي كالت هالفتره تجي تحاجي خاله بس كلت اكولك حتى تكون بالصوره

حسام...اي هزيت راسي
ايهاب...اخت عمر
....جريت نفس ابتسمت رفيف
....اي نصيت مبتسم
....بعدها صغيره يول

ايهاب....ميخالف شيردون حاضر وانت تعرف عيشتنا
....والله مادري هو عكب باجر طالع ايفاد يرجع ونفتح موضوع انت منو مينطيك بنيه
ايهاب...تسلم يله خل اروح اترخص

حسام...ديله الله وياك اترخص طلع واني كلبي كله اسئله دكتلي الخاتون سوالف وضحك اخر شي سالتها
شنو داكه على ايهاب من جنت بالغيبوبه ردت اسال اشوف جوابها

هناء.....شنو هاي هو كلك
حسام...اي كال خابرتني
...ااي
...ليش خابرتي
....هيج دااسال جنت تعبانه بس اريد احد يطمني احتاجيت اتطمن
حسام....ممم نوعا ما ارتاحيت من سمعت نفس الاجابه سكتت غيرنا موضوع وبعدني وي كل متكولي كلمه حلوه اتذكر صبا جانت صافيه شفافه اعرفها واني توني وياها 3شهور اربعه حفضتها

سانه- بابا حبيبي
...ها باباتي
...بابا ممعقوله بعدك مسويت الجهاز ماكو هيج شي اني مو ارنب
فراس...هههههه خرب يومج رديت--- بابا عدي شغل

سانه...بابا خابرك عمو حسام وعمو وسام انت مرديت عليهم ضل بالهم عاد كتلهم اني دااحجي وياه يمكن عده شغل مرد عليكم
...اي جان عدي شغل شرادو
...ماعرف هسه عمو كال من افعل نت اراسله
...اوكي بابا دتقرين
..اي بابا

فراس...شو داشوفج --- كمت اشتاق اشوفها شلت الحرام والحلال من عيني كمت بس افكر بشكلها وسوالفها دلالها وطاعتها لاخوها الاصغر منها وحنان البينهم شون مربيهم ذوله شون كدرت امهم هالكم من الحنان توفرلهم والاحترام

سانه - اي بابا هسه مو مبهذله وشعري منكوش
....لا لعد مدتقرين
....لا والله دااقره باوع طكيتله صوره شعري منكوش لافته كبه ومثبته الكبه بقلم واني صار ساعه ادور عالقلم طكيله اني وعلميز والهوسه مال كتب يمي
ها شفتني

فراس...اي ههه هاي شنو ازرك يم شفتج
...ها حبر مو اخلي القلم بحلكي وافكر
...عضيت شفتي بله وعي دير بالج بابا تتعورين
...بابا والله شتاقيت لصوتك شسوي
...ميخالف هسه اسوي

سانه...بابا مدااكدر مشتاقه الك خابر من غير فون
فراس...ميخالف جريت نفس اليوم الحراسه عليه كمت طبيت للغرفه ابو رائد نايم كعدته بهدوء كعد مصدوم لوجودي مباوعت بعينه
بس حجيت بنتك تريد تحاجيك
مهند...ساننه كلتها متلهف اكدر اخابر
....فقط تسمعها صوتك
...انت دتحاجيها نترت بيه
...لا بس قهرتني كالت مشتاقه الك

مهند....دمعت عيني باوعتله بتوسل فراس انت اصلك نادر ابني انت تعرفني ممصدكني عمك متورط بتجاره سوده
....تحاجيها لو لااا
....ابني افهم حرام عليك انت عدك ضمير مو مثل البقيه

فراس...متريد تحاجيها يعني ملازم ضميت الجهاز بجيبي صاح
مهند....لالا بس خل تسمع صوتي هاي تموت بلايه
...هزيت راسي فتحت تسجيل كال
مهند...سونه ببا حبيبي مشتاقلج كلبي درسي زين حتى اجيبلج هديه عالوعد باباتي

فراس...اخذته منه انعصر كلبي عفته وطلعت دزيت التسجيل لتلفوني ومن تلفوني دزيته لتلفونها عالفايبر كتبت
دزيتلج من تلفون صديقي سمعي شوي وردت
....احببك بابا اموت عليك هسه يله ردت روحي بابا ليش هيج تاذينا ممشتاقلي ممشتاق لماما اني دااتعب والله بابا ومختنكه من وره الامتحانات لو انت هنا جان طلعتني

فراس - استغفر الله شون حتكضى جتني رساله من رقم لخ عالفايبر مكتوب حسام دز
مهند باجر اودي الامانه دك التلفون هههه جنت ناسيها -- كمزت واكف اكيد عده شي اكيد اله علاقه بالمحاكمه ليش نفس الموعد لعد ماعرف شدز اخر شي دزيت

فراس...بعدك مموديها
حسام...لا انت مو مسجل بتلفوني تاريخ الباجر
...اي عبالي من اليوم
...لا بربك ليش فات الموعد
...هم مجاب سيره المحاكمه. شون احجي لهذا طبيت لتاج كعدته
تاج الدين تاج الدين
تاج الدين...ها شكو شبيك

فراس...باوع اقره واحكم -- شفته يقره يقره وكف عكد حاجبه طب للغرفه ركض شال مهند من زيكه تاج طويل وخشن صاح بي بالقران اطلع قهر اخذك لبت خالتي مني وانهيك من الدنيا

مهند - شتريد تسوي سوي
....اخوك شنو قصده عده اوراق عالمعامله احجبييييي عده الاوراق مو
مهند - لا نترت شمرني بالكع ضهري تكسر
فراس - اباوعله كام يشمر بي ويضرب ويكوله خلص صبرنا وانت تخوف باجر اذا طلع منك شي الا اقتلك خلاص شووخساره خساره وعافه وطلع بقيت اباوع لتاج مهند ينزف انفه ويعصر بعينه لان الضرب على بطنه تركت الغرفه طلعت وره تاج ديكلب بالمحادثات همزين مسحت صور سانه كلهن جريته منه صاح
هذااا وراه شي مبين من كلام اخو

فراس- رجع طب لمهند صاح شنو رايك نراقب اخوك واذا سوه شي نشيله وندفنه يم ابوه واخوك صاح مهند

مهند- ماعدي شييي ببغداد معليكم باهلي عليكم بيه عفيه عالم مابيكم رحم ولك مو كرابتك

تاج - ههههه ولك هذا المقسي كلبي اكثر مو جيت عليك وكتلك اني احبها واريدها وانت شسويت كتلي نخطبها ثنينا نشوف بيمن تقبل

مهند - تاج عيب عليك تره صرت رجال ابنك بطولك تباوع على عرض غيرك

تاج - وهسه شون اروح لحسام وهو ذاك اليوم طالع من غيبوبه يعني ضربه عالراس بالشقه يكوم يتنفس من عينه ويكح من اذنه

مهند - اخوتي شلهم غرض اني ضميري حكمني باوعت لفراش انتو ماعدكم ضمييير الرجال ينعدم وانتم تكدرون تبراو وتكدرون حتى تبراون روحكم عالچم فلس حتخسروها

تاج - والله انت وياه حرامات درهم نخسر بيكم اني راح ادز ناس لبغداد واقره السلام على اخوك

فراس - اباوعله كام يلوب صاح تاااج تعال
فراس- تاج تاج ديصيحك
....عوفه هذا ثعلب
....دتعال شوف شيريد
...شرايد لللك
...تعال جيب تلفوني
...لا والله هههه

مهند...مو تريد اشيل ايدي راح اشيل. ايدي من كلشي مجايز من اهلي مدااكدر بعد كمبص كدامي وكال
تاج - يله خل اشوف
فراس - اخذ التلفون تاج منه ومهند ينطي المعلومات

مهند- دك على حسام
دك دك رد
الوو ابو رائد الورده
هلو حسام احمم حسام الامانه يمك
اي باجر موديها
لتوديها عيني لتوديها
ليش
...لاهاهي ميحتاج
....انت وين مهند صوتك تعبان
...شوي مالي خلك يله سلم على امي
...مهند شبيك اوكف مهننند
...مابيه شي خويه ناس يمي
حسام...ناس يمي شنو بله بربك هذا حجي
تاج- سديته باوعتله هاهي خلصت القضيه..

حسام...بقيت صافن عالتلفون  كلبي انعصر اخويه بي شي ركضت عالاوراق فكيتها كعدت اقره اموال ارقام حتى مااعرف اقراها  من كد ماطويله كمت ارجف ركضت لعمر  داخ ويايه واني اكمز ماعرف شسوي اخويه بي شي رجعت ادك عليه ميرد كفرني بيومي عمر راسن دخل عالنت بهالموضوع وطلعت المحاكمه دكيت على راسي ولك اخويه متورط وهاي اثباتات ولك راح اخويه من ايدي هذوله مافيه دخيلك يربي لك عمر وين اروح

عمر...اهده خل افهم
حسام...عمر شون وسااااام وييين لك وسسام اجاني يركض شكو
...اخوك حيروح منه
وسام...شنو شكو
...كمت اختنك عمر اختنكت اريد نفس اريد اجر نفس ماكو مدااكدر حسيت ضلمت الدنيا بعيني والهوا انكطع بعدها حسيت واني بالمستشفى نفس ذاك اليوم وسام يلوب يم راسي يخابر وميرد مهند وعمر مخله احد مساله عرفو المحاكمه خلصت ضد الجان يشتغل عده تخبلنا منعرف شنسوي امي اذا عرفت توكع تموت راح مهند من ايدنا والله راح

تاج - سديته من حسام ههه باوعتله هاهي خلصت القضيه -----------

مهند - رجيت راسي عالحايط الله يدري بنيتي باوعت لفراس يباوع بشك الي واله -- طلعوني ماعدي شي بعد وصل تهديدكم

تاج - مواليوم حبيبي باجر من تكمل محاكمه
مهند- استغفر الله والله حرررام عليكم ضلمه ضلللمه ضللام

فراس - دفعني تاج وطلعنا من غرفه مهند ومهند يصرخ ضلمه بقيت اباوع لتاج مستغرب  -- اكولك متاكد مشتري

تاج - معليك انت  يله ابقى هنا رايح لابويه اني ابلغه لتدخلله
فراس- بقيت صافن طبيت لابو رائد باوعلي عكد حاجبه ونصه راسه خلاه بين رجلي ويون  ابو رائد تالي وكت يشتروك

مهند-  اطلع فراس الردتو صار  شتريدون بعد انتو وربكم تتجازون
فراس- ابو رائد شون اساعدك اثبتلي
مهند...روح يابه روح ليكتلوك الك هم بس نصيحه ابتعد عنهم اذا ردت رضا الله عدك ام تعبت وربت سنين ببحدها تالي من وراك تطب النار اتركهم فراس

فراس...بقيت اباوعله مثل واحد وانضرب براسه طلعت من يمه بقيت حاير للصبح رسلت سانه فديو الريوك مثل كل يوم
سانه..بابا حبيبي باع الريوك التحبه توست وجبن وزيتون امممح

فراس...خلص الفديو وعدته كمت اشتاق اشوفها تعلمت عليها وعلى دلعها الحنان البينهم هي وامها واخوها رغم بس يتحارش بيها ويضوجها بس تعوفه وتضوج يركض وراها يراضيها محد حن عليه غير امي وعمي رغم مكان يصرف عليه بس من اني صغير اكرب كراب كبار مو بعمري ابد مكان حنين عليه رغم متركني وماعرف غيره اب بس دائما كان نضري وحسدي لولده والنعيم الهمه بي خلصت هاهي الحمد لله توضفت وتعينت ممحتاج احد بس ماتركه افتر راسي فر اليوم يوم المحاكمه راح تخلص لو الهم لو عليهم دخلت لمهند كتله مره ثانيه
انصحني شسوي

مهند...روح يابه روح انت مو كدهم روح ودير بالك على امك
....اريد اعرف. شون اكدر اساعد
....واني مو ماعدي ضمير احرم ام من ابنها الوحيد روح بابا الله يحفضك

فراس....طلعت واجه الولد الحارس الثاني طلعت رحت لامي حجيتلها كالت ابقه يمي يمه لتروح  بعد جلبت تصرخ وتبجي بقيت بست ايدها تسكت وحلفت مااتركها بقيت يمها وبالي يمهم باوع الساعه صارت ب3 العصر هاهي خلصت المحاكمه اتصلت بتاج كال
الناقص داز احد للمحكمه والمحكمه حكمت براءه لذاك

مهند - اخويه طلع منها بس اللي عدي شخص ثاني دز الاوراق للمكتب مال نسيبه  وكت المحاكمه طلع الاوراق ومغيرين المحامي الحمد لله وتبرء من دخل عليه  ابو تاج وضل يضرب بيه عرفت خسر اموال طائله  نص ثروته يمكن جنت اتالم بس مرتاح وهم خايف على اهلي تركني وطلع الباب مفتوحه تركها للمغرب كدرت اوكف واطلع الملم بروحي من الالم بقيت امشي ردت سيارع مكان شبه مكطوع  لحد ملكيت سياره شالتني وكبل للمستشفى رضوض على جروح  على نزف داخلي وقفو كدرت امشي واطلع من المستشفى اتوجه لشقتي اللبيها زوجتي الثانيه  نزلت من السياره اللي ماجرها وكفت كدام البنايه الساكن بيها اسمع احد صاحني باسمي
مهند الجبوررري
التفتت  واشوف شخص ملثم وبيده سلاح طلع من شباك السياره ورماني  من بطني لقدمي وكعت ومحسيت بشي بعد ابد-----

يتبع....