" لا أدري كيف بدأت قصتي معه..
لا أدري كيف دخل عالمي
لا أدري من أتى به الي
لا أعلم لما احببته هذا الحب
ولكن أدركت أنه أغلى من عرفت ..
حقاً
............................................
.............................................
سليل: كاعد بوحدي وشادره بفكاري ودموعي تنزل بدون محس ندك الباب دخلت نورسين خطيه متعوده تنام يمي ضلت تسولف ويايه ونامت ع رجلي نايمه برئيه اتمنه تبقا بسعاده من تكبر ومتضوك طعم العشگ ماتدري شكد مر من الوقت كعدت ع صوت صلاه فجر كمت تضويت وصليت
*ياربي بعزتك وجلالتك لاتخليني مكسوره يارب دليني ع طريق الصحيح وبعدني عن كل سوء لاتخليني ضايعه بين هل بشر وبين كلبي وعقلي تعرف شنو اليه وشنو لي عليه اقسم عليك بالحسن والحسين لا تخليني ضايعه 😣💔اذا كان هذا صحيح خلصني من ازاد وحبه .....................
ختمت وحس رتاحيت من دعيت ودموعي تلجمني من كد الكسره لي بيه صار صبح كعدت ع صوت سرور وتبجي لان لزم اروح ليوم حضنته وضحكت وسولفت وياه مبينتلها انو مقهوره وضايجه غسلت ولميت ملابسي ونزلت للشيخ هم يريد يوصلني حتي متريكت اريد بس اطلع قبل لايجي ازاد والحجيه تبجي
*هيج يمه تهون عليج تعوفينه وتعوف رجلج وبيتح يشهد لله مثل سرور حسبتج ستهدي برحمان وكعدي
*بست ايده وراسه فدوه روحلج شيخه بس لزم اروح واني منساكم وابقه ع اتصال وياكم
*يابعد گلبي 😭
*درت وجهي ع سرور فدوه مو تنسين دير بالج ع نورسين وكليها واذا سئلت عليه كليله فتره وتجي مو تخليها تبجي مو زين عليها
*افا عليج لاتوصين حريص لاتنسين اول متوصلين خابريني ماشي 💔
*ي يروحي يله مع سلامه صعدت وي شيخ وصلت لبيت عمي اوووف ياريحه هلي لكيت باب مفتوح دخلت جوه بس عمه وماما كبل اجت تبوس بيه وتبجي وطئمنت من عرفت بعد مارجع
.اكلج يوم لعد ولد وين وسوسن هم شو ماكو
..يمه كاعدين بالمضيف تدري بالخطار وسوسن بغرفته فوك والولد طالعين وصگر من اهد ماجه وشافج ماخذيج كلب الكون
عمه:ي ولله يبنيتي تسودن وراد يهد ع وادم لو ماعمامه وهسه صار خمس تشهر ماجاينه هئهئ
...فدوه روحلج عمه لاتبجين اني احجي ويرجع
..........بعد مرور يومين
رجع صگر للبيت وكالت اريد ازوجج وماما دوم تنصحني بيه وشكد يحبني تنهد بقهر وكلت موافقه اعرف ماحبه ومو هو الشخص لي اتمنه وجان بالي ابد موافق بس شسوي لوين ابقه هيج وماما محتار بيه صگر طاير من فرح والبيت مكلوب
لان مبقه شئ للملجه واني حس روحي مو وياهم اضحك جذب اجت بيبي من بغداد وخوالي كولهم
*جنه كاعدين دناكل وصگر يثرب ويحط كدامي مثل طفله اكلت وشلت مواعين اني وسوسن ونضف بالمطبخ
بيبي:سليل تعاي اريد بموضوع لحكيني للغرفه
..صار بيبي جايه حس صار عندي مغص هههه اتوتر من شغله الموضوع دكيت الباب
*تعاي يمه
..ها بيبي
..شوفي بنتي عمتج وامج وصگر وشيخ كلهم مكدر ويسلوج حتي متنحرجين بس لزم نعرف واني نكول كلبي من هذا صگر يكلي سئليها
..كولي بيبي بشنو
...يمه من رحتي فصليه هم تقرب الج رجلج لو لا
..دنكت راسي بخجل وفرك بصابعي شون يعني
...يعني انتي بعدج بنيه لو لا
..لا بيبي متقرب مني (بخجل وحس دم صعد راسي)
..خوش يمه خلي كلب صگر يرتاح
...باستني من راسي وطلعت ميته خجل صدتدمت بصدر صگر لزمني من خصري وجه قريب مني
...اممم غير تنتبهين يابنتي لو واكعه ويتأجل عرس 😉😉وين انطي وجهي
...فتحت عيوني صگررر وضربته ع صدره
لزم ايديه وقربني منه
...اشتعل صگر رحميني يمته يتم العرس وهل عصفوره صير الي
...صگر عوفني لايجي احد ولله عيب فلتت نفسي وحس جسمي ناررر من حراره
..هههه وراج وراج
...مشت ايام العاديه وختار صگر الغرفه لان مقبلت اروح شتريناه نيشان ورحنه اني وماما وعمه وصگر عافنا وراح محسيت بس نورسين تركض وحضنتني انتبهت وياه ازاد وسرور سلمت عليهم وحس ختنكت من شفتا ولاحتي سئل عني بدت سرور تسئل وكتله ملجتني حسيته نصدم وبقه يباوع بعيوني متحملت ترخصت ومشيت رجعنا وحس عيونا مافاركني حسيته مكسور مرت الايام ورحت لصالون لان باجر
الحنه نضفت وجهي وبجي من كد الم والم گلبي هم حطتلي ومقشرات شوي احس طلعت احلئ وماما تبجي من فرح بس متدري بالي بكلبي رجعت
وناس عدهم هواي وكرايبهم هاي عود بعدها الحنه صعدت ويايه بنيه من كرايبهم اسمها اريج كلش حبابه واكبر مني بسنه ومزوجه وعدها طفلين تريد تنضف جسمي مقبلت
اريج:لج شبيج خلي اساعدج 😂😂
..لافدوه مريد اني مو صغيره هسه انضفه
اريج:تستحين مني لعد شون صگر هم كليله عوفني 😉😉
..عززه بعينج طلعي 😂😂
راحت ونضفت جسمي حس روحي طلعت وكلساع اصرخ وغلط ع صگر كعدت صبح ع صوت جهال وغاني ب6لله واكبر كعدت واكلت شوي مالي خلك والعالم مكلوبه صارت ب12رحنه للصالون ولبست بدله ماروني
ب3رجعنا وخنكني البركع كعدنا وهلاهل وكلها تدكلي تكطعين طالعه نزل صگر ولبس قاط ماروني عطر يخبل راد يجي يمي مقبلو راح خلصت الحنه وميته تعب متعشيت كبل صعدت وقفلت غرفتي ومسحت ومكياج حتي مخذت صور بدلت وحس دموعي ناررر ييي دمرررت نفسي شون قبلت اني شون اني ماحبه يارب رحمتك فددوه 😭😭😭😭
.....................................
.....................................
البنيه التحب مو عيب
ومثام ليحاسبه
لتحبلها غريب تاخذ من كرايبها ...
يصير العرس جن كابوس
وتبدي هنانه قصتها
يصير مغيسل الصالون وجن للكبر زفتها
وبدلتها شذكله صير ثكيله برغم خفتها
نزعتو من جسدها الروح من لبستو حلقتها
يل خليتو بتكم هيج بعرسه تنزل دمعتها
تسوه الدنيا سمعتها .........💔
شريفه وحبها بالوجدان
زفوها لهذاك الجان ماشايف كصيبتها 💔
يهلها شعجب ماتدون
شو موتو ضحكتها
شون تعيش وي انسان مايفتهم صفنتها
يلوكلها هذاك المات مو موت لله لا لوعات من من مريتو بزفتها
............................
ستسلمت للواقع كعدت وحس عيوني يحركني من البجي نزلت وضحك سوالف رحت للصالون ولبست بدله البيضه
لي كل بنيه تتمناه اخ شحلاتها لو وي ازاد اجت زفه من صالون وصرت مرت صگر ع سنه لله ورسوله
بعد مرور سنه 2018
كمت اعشق صگر صح جنت ماحبه بس هو لا حنون وطيب ويحبني ومددلني دلال طلع تعيني ومقبل اداوم وهسه اني حامل بشهر السادس بنوته وماما واخويه بقو بالعماره اما ازاد بقيت ع تواصل وي سرور ولي عرفتا استقر بغداد لله يوفقه بحياته اخت صگر هم زوجت بقه بس محمد معند مايرضه 😂😂
الحكمه /مو شرط الشخص لي تحبي يكون الج يجوز صح تزوجين لي تحبي بس هو ميحبج وهل شئ حيدمرج نصيحه اختاري شخص لي يحبج رغم سليل محبيت صگر بس من عاشرتا حبته وصار هو ابو بيته وحبيبها اما ازاد مكلف نفسه وحاجها ولااهتم لذلك لاتحكون ع اشخاص بدون معاشره (وعسا ان تكرهو شئ وهو خير لكم)
بقلمي الكاتبه غفران ✍
اتمنه تعجبكم القصه وشكراا ع الدعم ويارب اشوفكم بخير ️