( تأسرني جدا بتلك الابتسامه التي تنير قلبي)
.
زياد بخوف وقلق اجلسها علي السرير ووضع يده علي خدها بخوف::مالك يا حبيبتي فيكي ايه
.
عزه::معرفش بس دوخت مره واحده
.
زياد بخوف::يعني ايه دوختي من غير سبب يعني عزه جومي معايا عشان لازم اكشف عليكي
.
عزه::اهدي يا زياد انا والله بقيت كويسه لما قعدت انا هروح اشوف قمر
.
.
وقفت عزه ولكنه اغمضت عيناها بتعب
.
زياد::عزه
.
عزه نظرت له ::صدقني انا كو.....
.
.
لما تكمل عزه كلماتها وقعت كلجثه الهامده بين يديه
.
اشتعلت نار الخوف والتوتر والقلق المزمن وهو يحملها وينزل بها السلم بمنتهي القلق
.
بصوت عالي نده علي عائلته ::فاتن خاله اميمه يا امااه
.
.
اسرع بها لسيارته وتبعته اميمه
.
.
فاتن بقلق::ربنا يطمنا عليها
.
سعاد::انا هطلع اشوف قمر عشان متتخضش وانتي شوفي بنتك انا هكلم زياد او اميمه اطمن عليها
.
............
.
الدكتوره::يا مدام حضرتك حسيتي بأيه
.
عزه بوجه شاحب::انا حسيت بوجع جامد في بطني ودوخت
.
زياد بلهفه وخوف وقلق مسيطر عليه:: لو سمحتي طمنيني عليها بسرعه
.
الدكتوره بابتسامه ::ملهوش لازمه الخوف هفحصها واطمن حضرتك
.........
خرج زياد واميمه بعد ان طلبت منهم الطبيبه ودخلت الممرضه معها
.
اميمه بخوف::يارب سلم يارب
.
زياد ::متجلجيش يا امي ان شاء الله ربنا هيطمنا عليها
.
رفع زياد عينه ودعي في قلبه(يارب طمني عليها دانا محلتيش غيرها)
.
خرجت الدكتوره وعلامات التوتر ظاهره::اظن مدام عزه لازم تدخل العمليات حالا لان عندها انفجار في المراره وممكن يسبب لها تسمم
.
حاول الثبات وادراك ما يحدث ::تمام لازم نعمل اي دلوجتي انا جاهز لاي حاجه
.
.
الدكتوره::اتفضل معاي وانا هجولك علي كل حاجه
.
اميمه ببكاء::يارب سلم واجعله خير يارب
.
رن هاتف اميمه فأجابت ::الو يا سعاد
.
سعاد::خير يا اميمه عزه بجت عامله اي ولا فيها اي
.
اميمه ببكاء ::عزه هتدخل العمليات يا سعاد المراره انفجرت فيها وتعبانه خالص
.
.
سعاد بخضه::يا مري عليكي يا بنتي طيب وزياد عمل اي ولا انتو فين دلوجتي
.
..............
.
فارس::يا هنايا انا فاهم بس انتي عارفه لما بتعصب
.
.
هنا::يا حبيبي فاهمه بس يعني خايفه عصبيتك دي تخليك تضربني في مره
.
فارس ::دانتي اخر واحده في الدنيا المفروض متفكرش في اني امد يدي عليكي دانا بخاف عليكي من نفسك دا حبي ليكي خلاني اغير من ولادي ومن نفسي عليكي تجومي تجولي اضربك
.
هنا قبلت خده::انا بحبك جدا وبحسد نفسي عليك جدا
.
فارس كاد ان يرد فقطع كلامه رنين هاتفه
.
فارس::الرزل الي بيرن في الوقت الحاسم ده
.
نظر في هاتفه فكانت فاتن عقد حاجبيه ورد عليها::فاتن في اي
.
فاتن::الحق عزه في المستشفي
.
حكت فاتن لفارس كل شئ حدث فأسرع يرتدي ملابسه لكي يذهب لهم
.
.
هنا بقلق::في اي يا فارس حصل حاجه
.
فارس::عزه في المستشفي فاتن بتجول تعبانه وانا لازم اكون هناك واجف مع اخوي
.
هنا بقلق::طيب هاجي معاك
.
فارس::لا ومش عايز نقاش هتفضلي عشان الاولاد وانا هطمنك سلام
.
اخذ مفاتيح سيارته وهاتفه وذهب
.
.
هنا::يارب سلم وطمنا عليها
............
.
كان يقف والخوف يأكل قلبه فجمله الدكتوره مازالت تتردد في ذهنه (ممكن يحصل تسمم)
.
.
فارس وصل واقترب منهم::ان شاء الله خير يا جماعه وهتجوم بسلامه
.
.
زياد بتعب وحزن::يارب
.
فارس اقترب منه::اجمد اكده خليك ثابت مرتك ان شاء الله هتخرج بسلامه
.
.
زياد يحاول التماسك ::يارب يارب
.
.
.
.
بعد نصف ساعه رد فارس علي هاتفه الذي رن اكثر من عشر مرات
.
فارس::لساتك صاحيه ليه يا هنايا
.
هنا ::فارس طمني عزه عامله اي انا قلقانه جدا
.
فارس::المراره متجلجيش هتطلع بعد شوي وهتصل اطمنك
.
هنا::ماشي يا حبيبي هستني اتصالك
.
فارس:: تمام يلا سلام واه صحيح بحبك
.
اغلق فارس المكالمه
.
هنا نظرت للهاتف بأبتسامه::انت في ايه ولا ايه
...........
.
خرجت الطبيبه اسرع اليها زياد كأن طوق نجاته بيدها
.
زياد بلهفه::طمنيني الله يخليكي
.
الدكتوره::الحمد لله العمليه عدت علي خير وهي دقايق بس هتفوج من البنج وتتنجل علي اوضتها
.
.
فارس::تمام يا دكتوره الف شكر
.
ذهب فارس مع الطبيبه واحتضنت اميمه زياد::الحمد لله يابني الحمد لله عدت علي خير
.
زياد::الحمد لله يا امي
.
بعد دقائق جاء فارس
..
زياد::ها طمني الدكتوره جالت حاجه
.
فارس::مفيش جديد جالت لما مرتك تفوج نقدر ناخدها وهتحتاج بس راحه واكل كويس
.
زياد ::الحمد لله
.
.........
فاتن::يا خاله سعاد قمر مش مبطله عياط اعمل اي
.
قمر وقد اوشكت علي الانفجار من كثره البكاء
.
سعاد بحزن::يا مري عليكي يا بنتي طيب اعمل اي دلوجتي انا اتصل بأبوها ولا اعمل اي
.
.
فاتن مسكت الهاتف::ايوه هتصل اشوف في ايه ووصلوا لفين مش معجوله القلق الي احنا فيه ده
.
.
دخل عليها الغرفه وكانت شاحبه بيضاء ليست من اعتاد علي جنونها وشغبها اقترب منها وقبل يدها ورأسها قبله عاشق جريح التأمت جروحه بسرعه عند رؤيه حبيبته
.
.
اميمه مسحت علي وجه ابنتها في حب::الحمد لله انها جت علي قد كدا
.
فارس ابتعد قليلا واتصل بزوجته التي ردت علي الفور
.
هنا::ها طمني عزه بقت كويسه
.
فارس::ااه الحمد لله تفوج بس وبعدها هترجع القصر
.
هنا::زياد كويس
.
فارس::والله الي شايفه انه متماسك بس مظنش انه تمام الي لما تفوج وتتكلم معاه
.
هنا::طيب ابقي ارجع طمني وتعاله علي طول زمانك تعبت
.
فارس::ماتعبني الا بعدي عنك بس
.
هنا بخجل::طيب خلص ويلا سلام يا قليل الادب
.
.
بعد ساعه فاقت عزه واطمأنوا عليها
.
عزه بصوت مبحوح::زياد روحني انا بقيت كويسه الحمد لله عايزه اروح لبنتي الساعه بقت كام
.
اميمه::الساعه بقت ٦ الصبح يا بنتي
.
عزه::يا لهوي ليه دا اخر مره الساعه كانت ١١ و...هو ايه الي حصل
.
فارس::ولا حاجه عملتي عمليه
.
عزه::احيه عمليه اي يا زياد انا كان مالي فيا ايه
..
زياد::عمليه المراره يا حبيبتي
.
عزه::الزايده اتشالت والمراره كمان يا زياد ده واحنا بقالنا ٥ سنين متجوزين امال لو قعدنا ١٠ هشيل اي تاني ماما انا عايزه اطلق حياتي في خطر مع الراجل ده
.
فارس::شكله تأثير البنج يلا جهزا نفسكم عشان نروح
.
زياد بعد ان عدل هيأتها هو ووالدتها حملها ::انا اتأكدت انك كويسه بعد هبلك دن والبرطمه الي جلتيها من شويه
.
.........
دخلوا القصر وذهب فارس الي بيته فمحبوبته تنتظره اما بلقصر عزه التي اطمانتك عليها نساء القصر لبني وفاتن وسعاد واميمه التي ارهقت في تلك الليله ذهبوا الي غرفهم
.
.
وضع زياد عزه علي السرير فقد نامت من تعبها قبل راسها وخرج ليري ابنته
.
فاتن::اهي علي الحال ده من الساعه ٤ لا نوم ولا راضيه تسكت ولا حتي راضيه تاكل حاجه
.
زياد حملها ::ماله قمر بابا بتعيطي ليه
.
قمر بشهقات متقطعه::ماما ..ماما فين وانت يا بابا
.
زياد بصوت هادئ::ماما جوه نايمه وانا اهو خلاص بجي بطلي عياط وهاخدك تنامي معانا انهارده
.
ضمته قمر وهي مازالت علي شهاقتها من كثره البكاء
.
.
فاتن::الحمد لله ان ربنا طمنا عليها انا هطلع بجي
.
زياد اؤمي لها واخذ ابنته وصعد غرفته
.
.............
القي جسده علي السرير بتعب
.
هنا::شكلك تعبت جدا انهارده
.
فارس::بس نحمد ربنا انها جت علي جد كدا
.
هنا وهي تنظر له بأمتنان::انا بحبك قوي
.
فارس ابتسم::طيب انا فرحت بلكلمه المفاجأه دي بس اي وقته
.
هنا امسكت يده قبلتها ::وقته اني كل مره بكتشف انك راجل بجد سند وحيطه راكزه اقدر اعتمد عليها الي هو بحسك زي المارد السحري انا ابوظ واهبل وفجأه انت تيجي تطمني وتصلح كل حاجه بعملها الكل قادر يعتمد عليك وانت قادر تسد عشان كدا بحبك يا فارس احلامي
.
اخذها بحضنه ::وانا بعشقك ومجنون بيكي يا ست البنات
.
...........
في الصباح الساعه ١٠ صباحا
.
عزه بأرهاق::مش قدره يا زياد انا مش والده للاكل ده كله
.
زياد::معلش عشان خاطري
.
قمر وهي تحتضن والدتها برفق::ماما الاكل بيشفي الجروح والتعب بسرعه صح مش انتي قولتيلي كدا
.
عزه::بس انا شبعت يا حبيبه ماما
.
قمر::ماما كلي الاكل كله وانا هروح اشوف حور بنت عمتو فاتن وهجيلك تاني
.
قمر قبلت خد والدتها وذهب
.
زياد بعد ان اطعمها اخر لقمه::بألف صحه علي جلبك يا ست الهوانم
.
عزه نظرت له بأعجاب::زياد
.
زياد وهو يمسح يدها وفمها بلمنديل::نعم يا حبيبي
.
عزه بتلهف لتعرف رده هي تعلم انه يحبها ولكن ربما تريد اطفاء طابع النساء وحبهم لسماع الكلمات المعسوله::خفت عليا
..
زياد ينظر لعيناها بشوق ::الخوف ده كان درجه جليله من الي حسيت بيه كنت زي الضايع مليون فكره كانت بتجتل وتشل افكاري وكنت حاسس جلبي كأن خلاص فقد كل احاسيسه كنت غرجان لغايه ما خرجت الدكتوره وقالت انك بخير
.
عزه::ده بجد هو انت بتحبني حقيقي مش زي المسلسلات
.
زياد بتأفف من غبائها::انتي متخلفه يا به يعني هكون متجوزك تخليص حج
.
عزه ارتمت في حضنه::وانا كمان بحبك وبموت فيك يا سيد الناس كلها
.
..........
.
هنا بأستغراب::ماله لبسي
.
فارس بحاجب معقود::مش عاجبني ولا انتي الي احلويتي بزياده ولا اي نظامك
.
هنا بأبتسامه علي غيره زوجها وتملكه فيها::فارس متتعبنيش طويل واسع وانت الي مختاره ليه بقي مش عاجبك
.
فارس::والله منا خابر
.
هنا::مسيو غيوره خلينا نمشي عشان الحق اشوف عزه واقعد معاهم قبل ما الفرسان يرجعوا من المدرسه
.
فارس::صحيح هتأخر في الشغل انهارده
.
هنا::كلعاده
.
فارس::فتره ضغط شغل وصدجيني هعوضك انتي والفرسان
.
هنا::اسمع كلامك اصدقك
.
فارس سحبها للسياره::وهتشوفي اموري وهتصدجي برضوا
.
بعد ان ركبوا السياره بقليل
.
فارس::العربيه عايزه بنزين
.
هنا::كدا كدا في بنزينه قريبه
.
.
وصلوا لتلك البنزينه
.
فارس::هنزل انا احاسب واجيب مايه
.
هنا::وانا هنزل اكلم اماني لانها جايه اشوف وصلت لفين
.
فارس::خليكي اهنه ليه تنزلي
.
هنا::مش هطيق الريحه وخنقه العربيه والبنزين
.
فارس::تمام انجزي بس
.
.
.
وقفت هنا تجري مكالمتها مع اماني واطمأنت علي وصولها بعد ساعه وهمت لتعود للسياره ولكنه وجدت شابان امامها
.
.
شاب منهم::من ميتي والحاجات دي موجوده في البلد عندينا يا ابو خليل
.
.
الشاب الثاني::ده عود البطل فعلا مرسوم جدامي اها
.
.
هنا بخوف وعيون تنظر لفارس بنجاه
.
.
.
.
ستووووووووب
.
.
.
بعتذر عن التأخير الي هحاول مش يتكرر
.
اي رأيكم في البارت تقريبا خفيف مفيهوش احداث بس في المجمل زي نظام هدنه ارضيكم ببارت انزله عشان الغيبه وعشان مبدأش اكشن علي طول
.
واستعدوا للاكشن من البارت الي جاي
.
.
شوفوا روياتي التانيه
( القناص ...وحارس الشاطئ )
.
وشكرا جدا جدا لكل حد بيدعمني وبيفرح قلبي بتعليق جزاكم الله خيرا ا
.
سلام