بين جدرانك اتنفس كن معي
امسك بيدي لاتتركني وحدي
لا تسير بي نحو طريق مجهول
انا لااقوى على الهجران لا اقدر
على ترك روحي بين يدي غيرك
تمسك واني انجو من بحر الضلام
الذي قيدني بأبي بأختي بجدي
لااقدر على ضلمهم لا تحرمني من حنان صدرك
فلروح لا تلوذ الا بك
الاصوات تعلو بين زمير السيارات مره ولعب الاطفال مره اخره واصوت اولاد العم ها هم مجموعين لمشاهدة مبارايات المنتخب
كعدت مضجوره هسه اكيد يصيحوني تعالي سوي اكل بعد ماتنتهي العبه
نزلت البجامه واسمع مصايحهم هذا اليكله شوت ولك خرب ابن....... الثاني يوكف اذا ماهدفو يضل يكمز وتبدي سيفونيت مهداوي
انطبك الباب رفعت راسي ماهر ابن عمي شافني كاعده باب المطبخ ابتسم
ها ياحلو شوهنا كاعده
وين اروح الكل مجمعين بلهول يباوعون العبه
وانتي مطبين تباوعين وياهم
برطمت بعدم رضا ماحبه شستفاد
هههه اله تستفادين شجعي بلدج
هزيت اكتافي
مشه صار قريب مني طلع محفظته المشككه ماضل بيه روح دهاج جيبيلي باكيت واليضل الج
وكفت اخذت منه الالف هوه الباكيت ب٧٥٠ بس ربع الي
شتريدين هوه اشتري بي جبس
رفعت حواجبي
رفع حاجبه متردين بعد احسن
لالا اجيب اجيب
عافني وطب شكد جلفي بس ارباعه ينطيني عكس مهداوي خمسميه كل مااجيبله جكايره بلبوكه ميريد ماهر يشوفه يخاف منه
لبست حجابي ونعالي الوردي اموت عليه مرات ماالبسه البس ذاك المشكك لا هم يشكك مثله
طلعت المحل ابو قاسم قريب من بيتنه صاير بلعماره دائماً اشتري منه وهوه يحبني يسميني ام عيون
لان عيوني كبرهم فضيع ابرز شي بوجهي
مشيت واني اباوع على الجهال يلعبون طوبه والدنيا عصر والشمس بعده قويه تضرب بلراس واحنه بشهر السابع عبرتهم ولفت للشارع اشتريت الباكيت اعرف نوعيته كينت
رجعت بعد مااشتريت مصاص واركض برهاوه والمصاصه بحلكي واتمايل بركضتي والشال يزحلك وارفعه وصلت البابنه ماحس غير الرمي اشتغل
طبيت ركض والنعال اتلف منا ومنا اريد الحك اصير بلمطبخ
وكفت الهث خرب ابهاتهم شكو يرمون
التفت مهدي يركص ويهز بجتفه أيسر اخويه يكمز ويصيح هدف هدف هدف يمه هدف
ماهر وأمين يضحكون وبينه الفرحه بعيونهم
طبيت شمرت الباكيت على ماهر
كتلهم شكو يمه
كالت منتخبنه سجل هدف
رانيا اختي كاعده وتباوعلهم وتصفك وياهم ادري بيها لو بيها حيل جان كامت ركصت وياهم
كعدو يكملون العبه وماضل وقت على انتهاء المبارات
صاح ماهر اشش خل نشوف
ربع ساعه والكل كاعد على اعصابه
امي ماكعدت واكفه واصيح دخيلك ياب الحسن كون مايهدفون اي يمه فدوه الرجليكم لتخلوهم يتقدمون
رانيا كل شويه تريد ادكوم وتذكر هي حامل وتكعد
لحد ماصفر الحكم روحهم طلعت مجرد اعلنو انتهاء العبه مااشوف بس المطافر مهداوي وايسر لحكهم امين وماهر والرمي اشتغل
وامي صيح وين يمه لاتجيكم طلقه تايهه ولا يسمعون
عافوه وطلعو
يعتبر هذا اليوم تاريخي ٢٠٠٧/٧/٢٩ بلنسبه للشعب العراقي يوم من اجمل الايام فرحته بكلوب كل محبينه
هذا اليوم شهد احتفالات بجميع محافظات البلد الكل طلع يحتفل مزايق وهورنات والجكليت
رغم عمري الماجاوز ال١٥ وكان عقلي بعده مرحلة الطفوله محاسه بعظمت الفرحه لكن الاجواء خلتني اكمز وياهم وطلعت اركض للشارع واشوف السيارات مزينه بألوان واعلام العراقيه الجو شارف على الغروب
امي واكفه تحمد ربه دخيلج يا ام الحسن مقصرتي ويه ولدنه فدوات الاسمج الطاهر
رانيا كالت يمه صدك ماخذج الواهس وحاركه دمج واذا فزنه راح يحررون العراق دعوفج منهم وتعالي نكمل لف الكبه يبس عجين التمن
لا مايبس خالتله جيس ومغطيته التفتت عليه وانتي ام عصاجين طبي ليشوفوج
لا يمه وين يشوفوني وهمه اخذو سيارت حاتم وراحو يتونسون ويحتفلون
ميخالف طبي
هسه بس شويه بداعت ابوج والله ضايجه
شفت وداد لابسه العبايه وصلت يمي وخرتني وطبت
كالت شفتو العراق فاز
رانيا كالت لا ماندري شفتي يمه جابتلنه علم الذره واجت تراوينه اكتشافه
وداد رفعت حواجبه شبيج معاجبج
لا ليش معاجبني عاجبني ونص
امي صاحت وتالي وياج لوطبين لو طلعين لضلين لازمه الباب وكل شويه راسج بمكان
اي اي طبيت هاي راح اكابلج
دخلت وداد للمطبخ ورانيا مدده رجليها من حبلت لليوم هي روحه بخشمهه وسولته وي وداد بت عمي مطيقه مع العلم جانن صديقات قبل الزواج شنو الغيرهن ماادري
بيبي كاعده بغرفتها متطلع منه على كد باب الشارع العصريه تكعد وتشوف الماره لو تجيه ام حاتم يتونسن بلسوالف
مفاصلها مساعدها لو بيه حيل تلف المنطقه امي اسولف عنه جانت ماتكعد وخصوصاً من چننت كامت تسرح وتمرح بكيفه وهي قويه وعده نوع من التسلط الباله تمشي على خشم اكبر واحد
حتى جدي ياخذ شورهه جنت الزغيره المدللهه مالتهم وشحده اليوصل يمي وكبرت واني بزودي اسوي الاريد المقويني وجودهم حتى والدي يتغاضه عني لان بيبي وجدو يحبوني
برائتي وحيات الدلال خلتني اكون انسانه اكبر اهتماماتها تنجح وتشتري التريده اشوف الكل يحبني اشوف الكل كلوبهم بيضه صافيه
جدي شكد مايقسه علينه بكد ماينطينه حنيه ابويا ترك تربيتنه البيبي وجدي امي اغلب وقته تكضي تنظيف وطبخ اختي رانيا ازوجة قبل سنة زواجه صار فرض عليهم حبته وحاربت علموده وكفت بوجهم ورغم ذالك وافقو بسبب عمامي جدي وابويا ميقبلون بنيه تتاخر بلزواج يصير عمرنه ١٩ اي قسمه تجي وزينه يشيله وينطيه لكن رانيا تختلف حبته وقاتلت علموده
عمامي ثنين منهم اعمارهم شارفت على اواخر الثلاثينات وميقبلون يزوجون لهذا ابويا وجدي ماحبو نتاخر بلزواج
طفولتي عشته بلطول وبلعرض ماكنت احسب احساب الاحد بكد بيبيتي ربتني وهي تعلم لطلعين بليل اذا احد صاحج لترحيله صيري عاقله اكلي من كدامج
وكولي الحمدالله والشكر لتغلطين على الاكبر منج لو لسانج اخذ يفلت وتروح المستحه لون اخذتي طبع تتمادين ويطول عقلج لغير امور خليج خجوله تحجبي من هسه الشعره اليشوفه ابن عمج ربج يعلكج منه وميفيدج ربينه سوه لو هوه مثل اخويه
دخلت المراهقه وبده التشدد يزيد دخلت العداديه بتوفوق
بدت مسيرات حياتي من سن ال١٥ سن بداية النضوج سن دخول لمرحله اخره تغير نفسي تغير جسدي كنت اجهل هواي امور هذا طبعي اطنش وماافكر لهذا يومي اعاني من الا ابالي عدم الانتباه
بيت جدي مثل اي بيت عراقي يجمع الأولاد والاحفاد
كان عندي اربع عمام من ضمنهم والدي ثنين مزوجين وثنين باقين بله زواج عمي الجبير ابو ماهر مستشهد بحرب الطائفيه الصارت بعد السقوط عنده ماهر ومهدي و وداد و ورد
والدي تسلسله الثاني ازوج وره عمي ابو ماهر بشي قليل لهذا اعمارنه مقاربه الهم أمين الجبير ورا رانيا وأيسر واني رنيم اخر شي
رغم كبر العائله كان جدي وبيبيتي حريصين بجمعنه الوحيد بيهم عمو ابو ماهر كدر يطلع بيت وحده بعد استشهاده ضلو بيتهم وهوه قريب فرق قطاع عن بيت جدي
اليوم حركت امي حرك تاخذني اشتري ملابس للمدرسه شهر وتبلش المدارس ومتحمسه اشوف صديقاتي اخذتني للسوك الشعبي قريب يمنه وحالين يسمو سوك الكياره وشرطت مااروح وياهه اذا ماالبس صايه
شفته امي راكبه راسه ومنا ابويا متعارك وهي مغثوثه دخل البس المهم اشتري
صدك واخذتني افترينه درابين السوك مية لوفه بي وشوارعه ضيكه وصايرله هريس حاره ناس تردم ناس الحلو بي شكو شي تردي موجود
ابو المخضر يم ابو الذهب ابو الدجاج كبال ابو الملابس بحيث امي راحت اخذت دجاجه كالته نضفه بين مانلكه ملابس جرتني ودخلتني للمحل ولكيت صداري بيهن حلوات اشتريت وحده وقميصين وحجاب اميره هم ابيض وكالون وجواريب
ولزكت بجواريب ام الگلبه وبيهن كشكش وامي تكرص بيه بلمحل اخذي غيرهن زغيرون تهمس وتعض بشفته
يمه شنو غير عاجبتني
عجبج البين زعطوطه اخذي غيرهن لا هسه انتفج تنتف
اهوو يمه شنو دجاجه والله حلوات وبعدين وين الزعططه بلموضوع شوفيهن شكد حلوات وياهن حذاء فلات ام الفيونكه لو ورده غير حلوات يموتن
نفخت ربي صبرني على ماابتوليت (ابتلاء)
عبالي تكول بولت يمه صدك راح تبولين لا عيب
عيونه صارن بكصته ولج شبول حيوانه انتي بلاء بلاء
شمدربني غير انتي تكولين بولت
امشي امشي
اخذتني الطريق كله تدردم وعلى شويه تكفخني ادري ابويه معاركج اني شكو
اسكتين لو شلون رنيم راح اكفخج والله
هاي هيه سكتت
وصلنه واني ميته تعب فوك الفره حملتني مسواك البيت
طبت بيبيتي باوعتله شيلته موعدله وطالع شعره ونازلات منا ومنا كصايبه الحمر
كتله ها عطوط
باوعتلي بطرف عينه بيبي انتي يمته تكومين تستحين وتحترمين الجبير هازه كاروكي وسميني عطوط عيب بيبي اني موبكدج
كتله اكلج بيبي رحمه الموتاج تعبانه لاتوكفيلي على الكلمه اضل اسميج عطوط مادامج عدله
ولج شنو تردين تموتيني
شمنتظره تتحجرين طالبه الله بطلابه عمرج ٧٠
ياااا ياااا ادبسز يامامربايه اوكفيلي خلي يجي ماجد واعرف شلون اخلي يربيج عديمت التربيه فنه فناج
كمت عفته تسب ادري بيه ماتكله متعوده عليه واني تعودت اشاقه وياهه دومه تحجي عليه ماخذ لسان خوالج لكراد من يكوم يرطن يخرط الاول والتالي تقصد خوال امي
دخلت بغرفت امي نزعت الصايه شمرته بلسله ومددت على جربايتهم غرفتي فوك أيسر وأمين وحدهم بغرفه وعمامي بسام و باقر ثنينهم بغرفه
سمعت صوت ابويه وجدي وعمي باقر يسولفون
طلعت شعري ضافتره بس من اخلي راسي على المخده واكعد على كولت ايسر طلعت الشميسه على قامر عيشه ......
صدك يصير شمس لميته امي واكفه تكلي كباب
عمي باقر شافني كال هاا ام الرور اليوم ماكو
جنت بلسوك
هاا ششتريتي
صدريه وقميص وكالون وحجاب اميرات ووو ماجبت جواريب من وره شيماء
بابا كال هاا اليوم شيماء
عمي باقر كله تلكاهه عالسته وعالنه الحرب
اسكت عمو راح ابجي من وراهه
صاح هاها بعد عمج ليش
ماخلتني اشتري جواريب امهات الكشكش
ابتسم جدي وهاي تنزل دموعج عليهن
اي جدو لو شايفه بده تضربني
عمو باقر كال لا ام أمين مسويه ماضربتج تضربج علمود جواريب
اي غير الفلبينيه مالته تودي منو للاسواق وذبي الزباله
منو شيله المسواك منو يكعد الصبح يجيب صمون
جدي كال عوفج منه شتردين
مااريد شي
لا مبينه كلش غاثتج
رحت كعدت بصفه جدو انت موتحبني
اي يابه كولي
نطلع اني وياك ونشتريهن
أفا أفا والله نطلع ليش لا اليوم العصر اخذج واشتري التردي
صدك
ليش طالبه شي كبل وما سويته
لا
هاي هيه لاتكدرين خاطرج وضوجين تخسه الجواريب وتزعلين علمودهن بسته
وطفرت للمطبخ
اسمع بابا يكله دللته هواي
يكله خليه هاي الملح
لكيت رانيا كاعده وتثرم زلاطه امي التفتت كالت يمه رانيا اخوانج ماكعدتيهم
يمه أمين سهران يقره يحضر للدوام وأيسر تعرفين بي طالع ويه جماعته
يبو عليك ايسر ميتوب مويدري ابو وجده مايقبلون يضل بره وكت الاكل يمته يفتهم ويبطل سوالفه
التفتتلي تحركي اخذي السفره فرشيه واطلعي صيحي اخوج شوفي يم سامر
اني شعليه بي
ولج روحي لا ينتبه ابوج وميشوفه ويسويله سالفه ويتعارك ويااا
رانيا كالت مترحين رنيم شمتانيه
لبست حجابي بملل يعني اني شورطني وصرت الزغيره كل شويه مدعبليني الشغله
لكيته يم سامر شافني اجه
شطلعج
امك يعني شطلعني تريدك
شنو ابويا رجع
اي رجع وكلهم ملتمين
دمشي التفت رفعت ايده كله رايح
سامر كله شنو ماتتغده عندي
لا يمعود تعرف ابويا بلبيت
ماشي تعالي العصر موتنسه جيب وياك الدريس
كله هاي هيه بس باوع شغلتنه عوفه بعدين افهمك
ضحك ماشي
رجعنه التمينه وجدي خابر ماهر ومهدي يجون يتغدون يمنه اجه بس مهدي ماهر راجع من الشغل وتعبان
مجرد ذكر اسمه احساسي يتغير ماكنت عايشه هيج شعور قبل بديت افكر وياخذني الغير مكان
اعتبرته اخ او ابن عم واله حترام ليش حالين كمت افكر بي زياده ذكر اسمه يداعب كلبي يخلي دكاته غير منتضمه حاولت اشيل هذا الشعور ماتغير شي
حاسبتله صارله ثلاث تيام مجاي بعد وفات والده جدي تكفل بعيشتهم لحد ماكبرو ماهر من النوع الحساس الكلمه تأثر بي ويتخذ موقف وكرامته فوك كل اعتبار
وصل للاعداديه وبلش يشتغل بدون علم احد الكل عبالهم يداوم ميدرون بي غياباته كثرن لحد مانفصل وضل سنه وره سنه ضام عنهم رسوبه
وامه من نوع ماتهتم اذا جابله شهاده او لا واعتبرته ولد جبير ومسؤل عن نفسه
اشتغل شغلتين بليوم مره الصبح والعصر بلسوبر ماركت ويه عمي بسام لازلمه المحل لحدما مره جدي راحله يسال على مستوى اجه جدي وجهه احمر
واني ستوني راجعه من المدرسه شفته مدد بلصاله ولاف راسه ومغمض عيونه
وجوهم مكلبه ومحد يعرف شبي وخايفين عليه طش الخبر والتمو عليه ومنضمنهم ماهر
فتح عيونه بعد ماشربو ليمون ينزل ضغطه باوع على ماهر كلهم صيحولي خوله (ام ماهر)
اجت كعدت كالت ها عمي ردتني خير بيك شي محتاج شي رفع ايده
كله أسألج وجاوبي على كد السؤال
تفضل عمي
كله مهدي ياصف
كاالت سادس
هااا خوش وداد و ورد ياصف
عمي شنو السالفه تسأل على مدارسهم
زمخ جاوبي لاتناقشين
ارتبكت على كيفك عمي ورد صف رابع اعدادي وداد معهد معلمات ثالثه
خوش خوش فرك وجهه
ماهر كله جدي......
رفع اصبعه اشششش
وماهر ياصف
ماهر هم سادس تعرف بي كل صف يعيده سنتين
باوع الماهر كله اي جدي امك دكول انت سادس صحيح
بيومه لاول مره اشوف ماهر هيج مرتبك وميعرف شيسوي
عيط عليه جدي كام يضربه بس ماكدر صحته ورتفاع ضغطه خلا يدوخ لزمه عمي بسام
دكعد يابويا مشوف صحتك بعدين حاسبه
كله ولك نزل راسي اروح اسأل عليه واني على عماي امشي اكول ميخالف حتى اذا مستوا مو هلكد المهم يحصل شهاده أسأل صدقان ابو يكلولي صارله ثلث سنين مبطل
التفت على مرت عمي وين جنتي عنه هاااا خوله خانم ماسألتي ماكلتي هذا وين يولي من يروح للمدرسه
خرب مرضعج مضيعه كلشي ماهامه شي بت شاكر ولج انتي بمكاني ذوله امانت محمود هيج تهمليهم
التفتله ولك ثلث سنين اني شلون صدكت بيك سك....
عا..... امشي ماريد اشوفك
كام ماهر ومدنك راسه بس عيونه تتنقل بين امه وجده
كله شوف ولك تنسه عندك جد وبيت جد من هذا اليوم لااعرفك ولاتعرفني ماريد اشوفك بيوم امشي لابارك الله بيك من خلفه ماكلت ابويا افرحه حتى لو بكبره
مات وهوه يركض العيشتكم تف عليكم من بزره ناكره الشگه والتعب امششششششي
طلع ماهر بوكته عيونه دم
امي ماموجوده ماخذ بيبي لبيت اخوه وميدرن
ابويا معلم وبلدوام
عمتي بس دموعه تنزل طلعت وره ابنه
من ذاك اليوم ماهر تغير المسافه كبرت بينه وبين جدي رغم رجع داوم هوه و أمين ومهدي
صارو ثلاثي أمين هادء ورزن وهمه كتابه
مهداوي النقيض مرح وروحه بلضحك والتحشيش النقطه المشتركه حبه للدراسه يريد مركز عالي
ماهر ابد ماكو اي نقاط مشتركه وياهم اهم شي عنده يشتغل ويلم ويعتمد على نفسه
باله مويم الدراسه رغم هوه ذكي ويستجيب اذاكر
من يلتمون يقرون للوزاري
يجي يكعد يمهم يله يله انطوني المهمات
لو تعالو شروحولي وذوله يكضون اليل والنهار يقرون
يخليهم يكمزون والي مينطي يكضه ويكتله لو يهددهم اروح الجدي اكله مايقروني
وأمين ميحب يضيع وقت يسوي اليريده ومهداوي يضل يصيح ويكله نتعب ونقره يجي ياخذ المهمات على الحاضر
يكله كبر شكد نحس شماخذ منك
وصدك يمتحنون يرجعون كلهم مجاوبين ومهدي يكله لومااخويه اله اتبره منك
وذاك يضحك
جنت اني وزاري وياهم طلعت نتائجي ناجحه
يوم نتائج السادس جدي وبيبيتي وامي كلبهم نار والدي اخذهم وراح للمدرسه
ساعه واجو طبو اول واحد بيهم ماهر شويه ويدك جوبي افتر المطبخ والهول ويهز بجتفه شكتلك رشيد بيك
كتلك انجح لو لا
اباوعله وفرحانه طب مهداوي الوجه منور
بس أمين كالب وجهه خفنه من شفنا جدي كالهم هاا بشرو
امين عافنه وصعد
كعد مهداوي
ابويه كله البركه بمهودي طبيه
امي هلهلت وبيبي صيح صلاوات يمه بلمبارك هيج وحفيدي دكتور
جدي كام باسه وامي تقربت يمه بوسته وكلهم يباركوله
ماهر صاح صدك المثل ينطبق عليه ادري ابن البطه السوده شبيه جرب محد يبوسني ويباركلي
اني بدون عقل ركض عليه بسته بخده كدامهم وكتله اني ابوسك معليك بيهم
هوه بسرعه وخرني وكرص خدي الله يبارك بيج
رانيا بوكته رايح لبيتهم يم وداد
امي كالت ماجد امين شبي
جدي كله بويه ابنك شماله شنو راسب
كالهم ماكو شي معدله موعالي
امي ضربت خده لا تكوله ماطلع طبيه
كله احتمال ينقبل صيدله
جدي كله شكد
٩٥
لا موخوش واني خال كل املي بيهم
مهدي كال تره اكو قرار سامع بي تحسين معدل يمكن يقرو
ماهر كال يمعود ياتحسين معدل بهل زلك حكومه وضايعه
الوضع يمنه من السيء للأسوء يوميه سامعين خبر موزين لوقتل لو ذبح خطف ابتزاز
جدي والدي شوكت مانلتم يحذر الولد عمامي بمحلاتهم مالهم شغل بأحد
لحد ما سمعنه خاطفين جيران بيت عمي ولد شاب مجرد اسمه حسين بيومه اجانه ماهر ومهدي شايطين صديقهم ومعرفتهم قويه
قرر جدي يشيلهم يمه وبيتهم يأجر على الرغم اعتراض عمتي خوله وماهر لكن جدي قراره واحد اصر يجون واخذنه نساعدهم يلملمون غراضهم
انتقلو يمنه الفوك فرغ العم ماعده غرفه وحده الي اني واخواني والغرف البقيه انقسمت غرفه للبنات وغرفه للولد وغرفه لعمه خوله
من ذاك اليوم بدت مسيرة حياتي
واكفه امسح بلمطبخ وامي كاعده تكلم باميه ومرت عمي كاعده يم بيبي
سمعت فتحت الباب
دخل أمين وماهر
شافتهم امي ها يمه الله يساعدكم
ويساعدج عمه
امين كعد بصفه باسه من خده
كالت شو راجعين من وكت
ماهر مدد على البساط وشمر كتبه
امين كله مؤتمر بلجامعه وماهر مكمل مريتله ورجعنه
ومهداوي مجبتو وياكم
رحناله عنده محاضرات واصلاً كال اتأخر ل٣
زينه يمه كومو حللوو علمو اطبك المركه واصبلكم لو تاكلون ويانه
امين كام كله لل وياكم احله
اجيت تقربت يم ماهر شلت ملازمه والسجل رفع ايده من عيونه شافني ابتسم
واني هم ابتسمت وخرت خليتهن على الميز
امي كالت رنيم يمه شوفي المركه كلبيه وخلي فوكه الطماطه ماردته رايحه اشوف بيبتج مدري شرادت
كتله روحي بس يمه تره شويه واصعد ابدل تعبانه ضاله بلصدريه
كالت ماشي بس طبكي المرك
بديت اشتغل طبكته مدامه موجود يصيرلي واهس
شاف امي ماكو كعد وانتجه على الحايط
درت شفته يباوعلي ارتبكت
كملت سديت الجدر
مشيت من يمه
همس الله اشلون مركه راح اصير اليوم
ضحكت اي شلون فاهيه
مدام منج اطيب من العسل
هههه سامعه احله من العسل
المهم الفكره
ضحكت عفته وبيه واهس
بدلت ونزلت أمين كاعد بلهول ومدد على القنفه الخشب فوكاهن جودليات كطن جدي كاعد بصف التلفزيون اول منزلن وستلايت (رسيفر) نوعيته سترونك كان بوكته بس الحالته الماديه زينه يحصل منهن اذكر اول مجابوهن كنت صف خامس ابتدائي مكيفه وطايرن ببهن وكابلنه التلفزيون اني وامين ورانيا نتعارك على الريموت ياهوه يخلي بيده واليحصله يصير هوه الامر والناهي مدري شمحصلين
هوه يدير القنوات هوه يحول بكيفه
لحد ما كام جدي ياخذه من عدنه وهوه يكلب شوكت ما يطلع ناخذ راحتنه
مرات اصعد بغرفت عمامي اشغله من يكونون طالعين
رجعت من صفنتي ماما صب عاونته ومرت عمي توزع الخضره
ماهر كال البنات وين
امه كالت معلكات فوك ماصيحن ينزلن
كام وكف يم الدرج رفع راسه وصاح وداد ورد يله نزلن
رجع كعد كملنه السفره جهزت كعد جدي وبيبي وبابا ماما واكفه تحمي الخبز على الطباخ مرت عمي كعدت
الكل التم واكفه اترس الدوركه مي من الحب عدنه بره بلطرمه مانستغني عنه يصفي المي
دخلت والدولكه بيدي جدي كال رنيم صعدي نزليهم كلهن جدي راح يصعد يطيح حضجن
نزلت الدولكه وصعدت وصلت الغرفتهن ردت افتحه سمعت وداد تحجي بصوت عالي وبحركت كلب
تكله ماعليه سويلي طريقه
ورد تكله ولج منو يخلينه نطلع وكت سوالفج وداد استري علينه
وداد ..ورد فدوه اروحلج والله احبه وروحي بي وكال اذا مااشفتج اليوم انتي بطريق واني بطريق
ورد..شسوي موتدرين جدي وعمامي مايخلونه نطلع حدنه للمدرسه ونرجع
كعدت تبجي ولج مااكدر اعيش دونه ميته روحي بي شسوي شكد كتله اهلي مايقبلون مايقتنع دبريني والله فضل ماانسالجيا كل عمري
ميخالف بس خلي امخمخه زين ونشوفلنه فد طريقه نطلع نجيب ملابس لو بحجت الواجبات اروح لصديقتي شي بلكت تدبر
صدك ورد عليج الله يعني اشوفه
اي بس كليله ينطينه كم يوم ادبرلج طلعه
ولج منين ابوسج
لاتبوسيني بس ولي شكد منزل نفسج اله لو يحبج صدك يخاف عليج مو لو اشوفج لو ينتهي كلشي
هههه ميخالف اني احبه
امداج وامده حبج امشي ننزل
بسرعه دكيت الباب
فتحته وداد مرتبكه بس ورد طبيعيه
كتلهم جدي يصيحجن على السفر
.........يتبع
مساء الورد عليكم
النشر راح يكون حسب تكملت البارت احتمال بين يوم ويوم واحتمال يوميه واني الاكدر عليه مااقصر
اتمنه متنسون التصويت
اتمنا لكم قرائه ممتعه🥀