يا هلا بأسرة اختطاف العزيزة 😍❤️
البارت يعتبر لطيف جدا طبعا 🤭😂
نخدوا نفس عميق وانطلقوااا 😂❤️
فوت وكومنت على كل حرف متكسلوش 😂
.
.
.
تاو : انا حاسس كدة انكوا اتفضحتوا.
شيومين : حاسس مش متأكد؟ ده كان ناقص بس مرات تشين تطلع تكلم معاهم وتبقى كملت.
تشين : لا ياعم متقولش كدة انا مراتي واثقة فيا لقد تعاهدنا على السير معاً رغم الصعاب.
نظروا له بسخرية وبلا اهتمام أخذوا يهدأون كاي وبيكيهون وانسحب لاي بعيداً عنهم ودخل المطبخ.
شيومين : اووف انتوا بقالكوا نص ساعة بتعيطوا ما خلاص بقا.
كاي :حقك انت خسران ايه هو حد يعرف عنك حاجة مرتبط ولا سنجل اما انا ارتبط ازاي بعد الفضايح دي.
سوهو: شوف السافل مفضوح وإكساته مسوئين سمعته وكل همه هيرتبط تاني ازاي.
بيكيهون : طب ده ومعندهوش دم وخايف على الارتباط انا خايف اتسجن، بقي انا فاتح شقة دعارة ومتجوز وعندي ٣ عيال اناا؟
قالها وهو يشير لنفسه بأعين باكية.
سيهون :بُص صراحة البت مكدبتش بس ممكن تطلع من الحوار ده متخافش.
بيكيهون :نعم يا عنيا مكدبتش.
سيهون :بيكي انت سافل وأي حد يصدق انك فاتح شقة فعلا. كويس انها مسوأتش سمعتك وقالت انك بتشتغل رقاصة كنشاط جانبي.
بيكيهون : رقاصة؟ وانا لما اشتغل رقاصة انت هتشتغل ايه؟
سيهون :خلاص يا سيدي حقك عليا قولتلك ممكن تطلع منها. احنا نقول انك شاذ ونشهد عليك وانت تطلع تعترف وبكدة لا هتكون فاتح شقة دعارة ولا متجوز وعندك ٣ عيال ما هو انت شاذ.
تشانيول :الواد ده بيفكر صح. انا متخيل فرحة فرج بالخبر ده.
شيومين : ممكن لو مش هضايق الكائن القذر اللي جواكوا تحترموا ان في بنات قاعدة معانا.
استمروا في تلك المجادلة الطويلة ولكن دي او انتبه لوجود ضجة في المطبخ فاتجه بهدوء ليري ما يحدث كان لاي يقف ويبدوا انه يجهز لنفسه مشروب ساخن ويدندن بعض الاغاني.
لاي : اهل مين وحبااايب مين اه. هما فين دول مش باينين.
لكن شهق دي او فجأة من الصدمة لينقض على لاي.
دي او: انت بتهبب ايه يخربيتك؟
قالها وهو يمسكه من لياقة قميصه بشدة لينفزع الأخر.
لاي : في ايه يا دي او قطعتلي الخلف مالك؟
دي او : انت بتعمل ايه؟
لاي : بعمل شاي باللبن والله علشان انسى!!
دي او :تنسى انت ناقص نسيان ما انت ناسي نفسك فعلا، انت عارف اللي انت ماسكه ده يبقى ايه.
أشار للكيس الصغير الذي يمسكه لاي في ده.
لاي : ايه ماله لبن مجفف!
أجاب بغباء ولامبالاة.
دي او : لبن مجفف؟؟! وحياة امك.
لاي : اولا متجيبش سيرة امي علشان انا اتبريت من الولية دي . ثانيا انا عارف انك مالكش في التقدم والتكنولوجيا، العلم تقدم وبقوا يجففوا اللبن علشان نشربه سمعت عن لبن نيدو قبل كدة؟
نظر له دي او وقد شعر بصداع من كتلة الغباء التي تقف أمامه.
دي او : يعني اللي في ايدك ده لبن؟
سأل وهو ويضغط على شفته في غيظ.
لاي : اه لبن حتى دوق.
دي او : لا انا هدوقك علقة دلوقتي تخليك تحرم تشرب لبن يا ابن الكلب يا جزمة.
لاي : اقسم بالله لو قربت مني لأعطس في وشك اجيب أجلك.
تعالت أصوات صراخهم في وجه بعض لينتبه البقية ويتوجه بعضهم نحو المطبخ. وقفت جوين ولوسي من بعيد لتلاحظ لوسي الكيس في يد لاي.
سوهو : ايه في ايه! ايه يا دي او ماسك لاي كدة ليه؟
دي او : البيه كان بيعمل لنفسه كوباية شاااي علشان يظبط دماغه وينسي.
لاي : قولتلك شاي باللبن.
سوهو :وايه المشكلة ما يشرب!
دي او : ما هو مكنش هيودع الواقع وينسي ده كان هيودع الحياة كلها. البيه كان بيعمل شاي بمخدرات اللي منعرفش نوعها ايه دي هيروين ولا كوكايين ولا بلا ازرق على دماغ اهله.
لوهان :مخدرات؟ انت كنت بتعمل الشاي بمخدرات يا لاي؟
لاي : يوووه مخدرات مين يا عم بخ انت كمان.
اقتربت لوسي منهم وتبعتها جوين. لتأخذ الكيس من دي او وتتذوقه باصبعها.
دي او : انتي بتهببي ايه انتي كمان؟!
قالها في شدة وصدمة.
لوسي : امم بس دي مش ممنوعات!
قالتها متجاهلة سؤاله
لاي :شوفت قولتلك لبن نيدو.
سوهو : وانتي عرفتي منين؟
سيهون : شكلها خبرة ياعم.
قالها في سخرية ليضربه شيومين لكي يصمت.
لوسي : انا مُتخصصة في علاج الإدمان وطبعا اعرف حاجات زي دي واعرف اميزها وبقولكوا ان دي مش مخدرات.
سوهو :ث ث ثواني انتي متأكدة من الكلام ده؟
لوسي :طبعا.
شيومين :ازاي وجيسيكا قالت إن دي مخدرات.
قالها لينظروا لبعض بأستغراب وترك دي او ثياب لاي وخرجوا من المطبخ ليتحدثوا جميعا.
لوسي : انا ممكن اخد الكيس ده واحلله واقولكوا النتيجة.
دي او : بجد على امتي طيب؟
سأل في هدوء.
لوسي : ممكن على بالليل كدة.
دي او : ياريت في أسرع وقت. علشان منعرفش هنفضل هنا قد ايه علشان لو البوليس جه.
اردفها في هدوء غير معهود، لترد عليه بنفس النبرة
لوسي : متقلقش مش هتأخر عليكوا. استأذن بقي دلوقتي واجيلكوا بعدين سلام.
اردفتها وهي تطالعه بنفس النبرة تصحبها نظرة لطيفة لتودعهم وتخرج وحين فتحت الباب وجدت كريس فأنحنت له وذهبت لينظر لها كريس ويستغرب هويتها.
استمر دي او بالنظر لها أثناء خروجها ليلاحظه تاو وينكز سيهون لينظر. ليبتسموا في خبث. لينظر لهم دي او بقرف.
دخل كريس في هدوء وبروده المعتاد وألقى التحية على لوهان وجوين.
كريس : يا هلا بملوك الأجرام. عاملين ايه؟ في ايه مالكوا مصدومين كدة ليه؟؟
سأل مستغرباً وضعهم.
سوهو : حمداً لله على سلامتك.
قالها وهو يقترب ليحضنه لكن كريس دفعه برفق.
كريس : يوووه قولتلك مبحبش تلامس الشباب ده انت مبتفهمش. وكمان في كورونا كورونا بطلوا جهل بقا.
تشانيول : احنا اللي نبطل جهل يا بتوع الخفافيش والفيران ياشوية متخلفين.
كريس :احنا شوية متخلفين يا عرة...
لم يكمل جملته فقد لمح تشان وهيئته المصابة.
كريس : يالهوي ايه اللي عمل فيك كدة يا تشان. البوليس مسكك ولا ايه.
قالها في صدمة
تشانيول : شوفت يا هيونج اللي جرالي. بوليس ايه بس ده انا خدت شوية شقلبظات مخدتهاش أنثى بعوضة في موسم التزاوج.
قالها بنبرة باكية. كانت النصف ساعة القادمة وهم يحكون لكريس ما حدث بالتفصيل.
كريس : انتوا معمول ليكوا عمل مفيش تفسير غير ده.
شيومين :عمل؟
سأل في سخريه وهو يرمقه ببرود
كريس : عمل أو سحر اسود او لعنة فراعنة حاجة في الرينج ده.
سوهو : فكك من الكلام ده. عملت ايه مع البوليس؟
كريس :لا امان معرفوش حاجة بس شكوا فيا بعد الفستان الأحمر بتاع الاستاذ.
قالها قاصدا تشان.
تشان : والنبي ابقي رجعلي الفستان ده علشان غالي عليا وبيفكرني بالشباب والشعر المُساب.
نظر له كريس وهي يطالعه بأستغراب.
كريس : مش عايز اقاطع لحظة ذكرياتك بس انتوا لاذم تمشوا من هنا وترجعوا كوريا.
تشين : نرجع كوريا طب والحفلة؟
كريس : حفلة ايه يا حبيبي، الحفلة الوحيدة اللي هتتعمل هتبقا عليكوا اساسا.
سوهو :ونرجع كوريا ازاي احنا لو وصلنا المطار هيتقبض علينا.
كريس :متقلقش اخوك صاحب واجب برضه. جيني عمها عنده طيارة خاصة وممكن تروحوا بيها من غير ما حد يحس امان يعني.
تشان : صحيح بمناسبة جيني ممكن تقولها تعملي جلسات علشان انا جسمي مدغدغ وهي شكلها خبرة.
قالها هامساً لا يريد احد ان يسمعه.
كريس : جلسات!! جلسات ايه؟
تشانيول :جلسات علاج طبطبة احتضان امومة كدة يعني
كريس : امومة!
تشان : اه هي طيبة ومش هترفض.
كريس : ايه يا دي او سايب تشان كدة مُفتقر لحنان الامومة؟
رفع صوته ليكي
تشانيول : شش اسكت الله يفضحك انا بقيت كويس خلاص.
دي او : في ايه؟!
كريس : لا مفيش يا قرة عيني ده انا بقوله احنا مش عايزين نتقل على جيني وكدة.
شيومين : المهم المفروض نمشي امتي؟
كريس : على بالليل كدة علشان محدش يحس بينا.
دي او : كويس تكون لوسي رجعت وقالتلنا نتيجة التحاليل.
كريس : تحاليل ايه؟
بيكيهون :لا مفيش كُنا عاملين تحليل علشان نعرف تشين هيجيب ولد ولا بنت.
كريس : بجد وطلع ايه؟
سيهون :هيجيب ديناصور صُغير يملى علينا البيت. انت متخلف يا هيونج!
كريس : وايه لاذمة كلمة هيونج بعد متخلف دي.
تشين : حقه الصراحة احنا هنعرف نوع الجنين عن طريقي انا. انت متخلف يا بني.
كريس : ايه شوفتني خلفت قبل كدة علشان اعرف.
كاي :سيبك من العيال الهبلة دي احنا ودينا تشانة تحلل علشان نعرف نوعه.
قالها وهو يضع يده على كتف كريس ويمنع نفسه من الضحك.
كريس : بجد! ايه ده هي مراتك اسمها تشانة؟
قالها بأبتسامة غبية وهو ينظر لتشين والكل يطالعه بقرف على غبائه العالي.
تشانيول : اه يا حبيبي وناويين نخلف تشانات صغيرين يملوا علينا البيت.
تشين : انا تعبت نفسيا والله. انا اول ما مراتي تولد انتوا كلكوا تقطعوا علاقتكوا بيا مش عايز اشوف حد فيكوا. الواد ممكن يتخنق من كمية الغباء دي.
جوين :حوش يلا الذكاء الخارق انتوا كلكوا شلة متخلفين مع بعض اصلا.
تشين : شوفت خطيبتك، انا مش عايز ارد عليكي علشان انا مِحترم اريل الغزالة بتاعك غير كدة عليكي وعليه.
قالها وهو يجز على أسنانه في غضب.
بيكيهون : يا جدعان بم اننا هنروح النهاردة الي ارض الوطن لاذم نحتفل ونستحمي بقا.
جوين : تحتفلوا؟!!
سيهون : اه عندك حق الواحد محتاج يستحمي فعلا.
وافقه الجميع الرأي لينظروا لبعضهم البعض.
جوين :في ايه انتوا بتبصوا لبعض كدة ليه؟
لوهان :لا مفيش انا بقترح تدخلي انتي جوة دلوقتي معلش.
قالها في خجل واحراج ليمنعها من رؤية ما تبقى من أخلاق اصدقاؤه.
جوين :لا مدخلش!
قالتها في عناد
تاو : يااه انت لسة مبطلتش العادة القذرة دي يا بيكيهون.
بيكيهون : لم شمل الفرقة يا عم. وانا نقطة ضعفي الحُمي الجماعي وانت عارف.
بيكيهون : هو احنا قدمنا قد ايه كدة؟
سأل كريس في اهتمام.
كريس :٣ ساعات بالكتير.
بيكيهون : على ما نلحق يلا يا شباب قاعدين ليه.
لوهان : على فين!
بيكيهون :ايه هنستحمي؟
لوهان :تستحموا اذا كان هما حمامين بس.
بيكيهون : حلو واحنا عشرة يعني كل ٥ في حمام مختلفناش يعني.
شيومين :انت بتقول ايه يا بني بقولك احترم ان في بنت واقفة.
بيكيهون : ايه مش هي اللي عايزة تسمع. ولو عايزة تشاركنا انا مش هقول لا.
لوهان :لم نفسك يا سافل.
دي او : ماشي يا بيكيهون لينا بيت يلمنا ماشي.
قالها بغضب وهو يحرق بيكيهون بنظراته ليهدأه سوهو.
بيكيهون : ايه يادي او مش مفتقد الايام الخوالي. والله محدش بيعرف يغسل ظهري زي دي او.
قالها بفخر.
دي او :هو اللي جابه لنفسه.
قالها وهو يشمر عن ساعده ليجري وراء بيكيهون الذي اخذ يصرخ ليدخلا غرفة واستمر صراخ بيكيهون حتى صمت فجأة لينظر الجميع لبعضهم في خوف. ليخرج دي او وهو ينظف يديه.
دي او : تقريبا يا لوهان درفة الدولاب بتاعتك اتكسرت هي وملة السرير هي كانت تلذمك في حاجة .
قالها وهو يطرقع اصابعه ويحرك رقبته بشده
لوهان : لا ياحبيبي ولا يهمك فداك عادي.
اردفها في خوف.
كاي : احييه هو ضرب بيكيهون بملة السرير.
قالها وهو يضع يده على فمه ويبلع غصته بصعوبة.
لاي : الله يرحمك يا بيكيهون كان مستلف مني عشرين جنيه ومرجعهمش.
بعد ساعة كان يقف بيكيهون أمام خزانة لوهان عاري الصدر وشعره مبلول أثر استحمامه وهو يضع منشفة على رأسه ويمسك بيده كيس ثلج يضعه على الكدمة التي بعينه ويبحث في خزانة لوهان. لتدخل جوين الغرفة فجأة.
جوين : انت بتعمل ايه؟
سألت ولكنه لم يرد عليها او ينظر لها اصلا واستمر في بحثه وإلقاء الثياب على الأرض.
جوين : انت يااا اخ! يا بني آدم
قالتها لتقف أمامه غير مبالية بحالته.
بيكيهون : ايه مالك بتزعقي ليه!
جوين :انا بنادي عليك بقالي ساعة مالك.
بيكيهون : كتر خيره دي او فضل يضربني لحد ما اصنجيت.
جوين : يعني ايه!؟
بيكيهون : يعني مبقتش اسمع، اطرشيت عقبالك.
قالها وهو ينظر لها بقرف ويلقى الثياب على الأرض.
جوين : انت عمال توقع في ايه يا حيوان انت.
بيكيهون : ايه مش شايفة اني مش لاقي هدوم ولا اتعميتي. وايه ده ايه الهدوم المريبة دي.
صرخ بها وهو يكمل بحثه. وقد امسك إحدى ملابس جوين لتسحبها منه بشدة .
جوين : انت محسسني انك بتدور في دولاب امك. وسع كدة
قالتها هي تدفعه من صدره ليبتعد.
بيكيهون : انتي قد الحركة دي.
قالها وهو ينظر لجسده ويحاول ان يمثل دور الرجل الغامض.
جوين : اه قدها واتفضل اطلع برة.
بيكيهون :انتي اللي بدأتي اهو يا جوين اهو هدومك اهي وريني هتعملي ايه.
قالها ليدفعها ويسحب الملابس ويلقيها على الأرض ويمسك البعض ويلقيها عليها لتصرخ
.
جوين : يا لوهاااااان.
ليجري لوهان على صوت صراخ جوين ويدخل الغرفة ليجد الملابس في كل مكان وبيكيهون يمسك احداها يحاول انا يحشرها في فم جوين لكي تصمت وجوين تضربه بكلتا يديها كانت مشاجرة ايدي عظيمة
لوهان : بس بس انتوا بتهببوا ايه .
قالها ليفصل بينهم لتكمل جوين صراخها وبكائها كالأطفال.
جوين : ضربنااااي هاتلى حقي
.
بيكيهون :هي اللي بدأت، ازاي تقاطعني وانا في اوج انشغالي.
لوهان : اوج ايه؟ انت بتقول ايه ازاي تمد ايدك عليها.
بيكيهون :أمد ايدي على مين انت مشوفتهاش وهي بتلطشلي.
جوين :والله العظيم لابلغ عنك يا سافل يا عديم الرباية.
قالها وهي تضربه في ذراعه من خلف لوهان
بيكيهون :بس بس وانتي شبه الضفدعة المطلقة كدة.
قالها وهو يمسك المنشفة ويضربها بها .
لوهان : بس بقااا ايه هو كل دقيقة والتانية خناقة شكل. مالكوا خلاص يا بيكيهون واهدي يا جوين مش كدة.
صرخ بها في غضب حتى احمر وجهه. فصمتا الاثنان وهما ينظرون لبعضهما في غل.
بيكيهون : هتجيبي للواد جلطة اهو يا بومة.
لوهان : ما قولنا خلاص. وانت ايه اللي عمله في نفسك ده انت قالع هدومك ليه.
بيكيهون : كنت بستحمي يا عم وبشوف حاجة البسها لقيت الهانم داخلة عليا.
لوهان :انتي ازاي تدخلي عليه وهو كدة؟
جوين : سمعت دوشة ولقيته بيبوظ الاوضة، وكمان متعصب على ايه هو في ايه علشان ابصله اصلا ده هيكل عظمي.
بيكيهون : انا هيكل عظمي يا عرة البنااات ده نص بنات كوريا هتموت على السكس باكس بتوعي.
لوهان : سكس باكس ايه يا بيكيهون ده هما بكساية واحدة داري كرشك بس ولم الحوار.
همس بها لوهان في سخرية. لتسمعه جوين وتضحك في سخرية.
بيكيهون : انت هتحفل عليا وانت وأنثى البعوض بتاعتك دي. انا جسمي مُجهد بس الفترة دي بس انا يضرب بيا المثل في اللياقة.
لوهان : طبعا اومال.
قالها وهو يكتم ضحكه لينفتح باب الحمام الملحق بالغرفة ليخرج سيهون ومن خلفه كاي ويبدوا انهم كانوا يستحمون .
لتشهق جوين في صدمة وهي تشير لهم ليضع لوهان يده على عيناها بسرعة.
لوهان : احييه انت كنت بتعمل ايه منك له؟
سيهون : ايه مالك كنت بستحمي!
جوين : تقصد بتستحموا مع بعض يا شوية شواااذ.
صرخت بها ليكتم لوهان فمها بيده.
كاي :ايه كان بيغسلي ظهري مالكوا.
بيكيهون :معلش الملاك الطاهر بتاعتنا مش متعودة. اخلصوا البسوا خلينا نخرج من هنا. اشبعي بالدولاب انتي وهو
قالها وهو يجز على أسنانه ليضع المنشفة على وجهها هي ولوهان ويدفعهم بغيظ.
حضرت لوسي وقد تجهز الجميع وكانوا في انتظارها.
سوهو : كويس انك جيتي ها طمنينا؟
لوسي : زي ما كنت متوقعة.
قالتها وهي تبتسم في هدوء.
كريس : ايه مراته حامل في تؤم ولا ايه.
شيومين : حد يسكت الكائن ده لوسمحتوا علشان مش مستحمله.
نظرت لوسي بأستغراب للكريس ولكنها اكملت.
لوسي : الحمدلله دي مش مخدرات.
سوهو : اخيراً اهي اهي اعاااا الحمدلله.
قالها ليجري على كريس ويحتضنه وهو يبكي.
كريس : يا اخي بقا الله يقرفك انت حضنتني اكتر من جيني نفسها.
لاي :شوفت قولت لبن مجفف محدش صدقني.
دي او : ما تسيبوا البت تتكلم يلعن ابو شكلكوا. مالكوا انت ما بتصدقوا اي كلمة تعملوا عليها حوار ما تخلصونا بقااااا.
صرخ بها في غضب لينفزع الجميع ومن ثم زفر الهواء في حنق.
دي او :اتفضلي كملي!
لوسي :ااا زي ما كنت بقول هي مش مخدرات فعلا.
ومالهاش اي علاقة بالمخدرات دي فيها مادة طبية يعني ده مسحوق دواء بس معرفش دواء لأيه.
تشين : دواء! وجيسيكا ايه اللي هيخليها تهرب دواء.
لوسي : ممكن علشان تبيعه في السوق السوداء بسعر اكبر وخاصة الفترة. دي الأدوية عليها طلب شديد.
شيومين : ثواني بس علشان استوعب. جيسيكا عملت الليلة الكبيرة دي علشان نهرب أدوية ازاااي.
لوسي : بص انا معرفش نوع الدواء ده بس المادة الفعالة بتاعته عالية جدا وممكن يكون مصل. وفي فترة الوباء دي الدول بتستغل حاجة الناس. فبيبعوا الأدوية بأسعار عالية جدا وبطرق غير مشروعة.
تاو : مصل وسوق سوداء اوعي يكون علاج للفيروس وهي بتاجر فيه.
لوسي : ممكن ليه لا.
سوهو :يعني البضاعة دي مدام هي مش مخدرات احنا كدة مش هيبقي علينا حاجة يعني احنا امان ومفيش سجن.
لوسي : ممكن بس أساليب البيع غير المشروعة والسوق السوداء تعتبر جريمة.
كريس :ممكن نثبت انكوا اتخطفتوا بجد وانكوا ضحية مؤامرة ومكنتوش تعرفوا. المهم لاذم تمشوا دلوقتي.
اردفها بجدية.
لوسي : انتوا هتمشوا بجد رايحين فين؟
دي او : كوريا!
لوسي :ليه وازاى انتوا ملحقتوش تقعدوا.
بيكيهون :لا كفاية علينا كدة مش بنحب نتقل على حد.
قالها وهو ينظر لجوين بقرف، كانت لوسي تنظر لدي او بحزن لقد رأتهم صباح اليوم فقط وهاهم راحلون.
تجهز الجميع للتحرك.
لوسي : دي او اوبا ممكن اكلمك في حاجة لوسمحت.
دي او : دلوقتي!
لوسي :لو مش هضايقك بسرعة.
تقدم دي او معها بعيد عنهم قليلا وعندما همت بالحديث قاطعها حديث الأعضاء .
بيكيهون : يا بختك ياعم.
تشانيول :ايه يا بيكيهون السفالة دي ما تحترم نفسك وتسيب دي او يركز في الشقط اتفضل يا دي او.
اخفضت لوسي رأسها بحرج . نزل نصف الأعضاء والبقية كانوا يسخرون من دي او حتى من قبل أن يتحدث معها فمبالك لو تحدث.
سيهون : بقى في حد محترم يقول شقط وكلام فاضي زي ده .في هيونجات تقول كدة. اتفضل يا دي او مع القطة بتاعتك. ممكن تدخلوا الاوضة محدش هيزعجكوا.
نظر دي او ولوسي له بصدمة.
كاي :هي وصلت للأوضة. ليه هو انتوا هتتكلموا في ايه.
لوسي : اناا!!
بيكيهون :ششش حبكوا بان.
قاطعها في جدية.
تشانيول : اهي اخيرا هشوف دي او بيكلم واحدة عقبال ما يجيب قلقاسات صغيرين ويملي بيهم البيت.
دي او : معلش ممكن تسنيني برة دقيقة واحدة مش هطول.
لوسي :برة!!
دي او :اه هي دقيقة متقلقيش.
لوسي : تمام حاضر.
اثناد خروجها نده دي او على لوهان.
دي او : لوهان هاتلى العصاية من عندك ولو في خرطوم هاته بسرعة.
اردفها ليغلق الباب ويشمر عن ساعده. ما كان ينبغي عليهم أن يجلسوا في غرفة فيها دي او.
بيكيهون : عصاية وخرطوم ليه يا دي او يا حبيبي هتنفض السجاد قبل ما نمشي ولا ايه.
اردفها في نبرة باكية وقد احمر وجهه.
كاي : دي او ارجوك انت عارف اني كنت بهزر معاك صح اوعي متكونش عارف.
تشانيول : دي او انا مكسور يا دي او وجسمي بايظ. خلقة انت بتقلع الحزام ليه طيب؟
سيهون :يا سوووهووو يا سووهوو
كانت الدقيقة التالية بالفعل صوت صراخهم وهم يستنجدون.
كانت لوسي تقف أمام الباب في فزع وتضغط على شفتها بندم. حتي انفتح الباب ببطئ وكان تشان يزحف وامسك بقدمها لتصرخ في فزع.
تشانيول : الحقيني نادي حد يلحقني.
قالها في ضعف وهو يبكي ليجد احدهم يشده من قدمه يسحبه للداخل ويغلق الباب في عنف
تشانيول :اطلبي البوليس بسرعة اعاااا لا تاني لا والنبي.
انخفض صوت الصراخ تدريجيا وفُتح الباب بهدوء ليخرج دي او وهو ينظم ملابسه.
دي او : اسف لو اتأخرت تعالي نمشي احنا علشان منتأخرش.
لوسي : طب وال...
تمتمت وهي تشير للغرفة التي كان بها البقية.
دي او :لا متقلقيش مش مهم.
صعد سوهو في نفس الوقت يستعجلهم بالنزول.
سوهو :انتوا قاعدين هنا بتعملوا ايه ما تنجزوا. فين الباقي؟
سأل دي او ولوسي التي مازالت في حالة صدمة لتشير للغرفة. ليدخل سوهو وينصدم من الجثث الملقاة في كل مكان كدمات وملابس مقطعه واثاث مدمر ولا كأن في زلزال.
سوهو : عيااالي عملت ايه في عيالي يا دي او.
دي او : سيبك من العيوطة ده بصي يا لوسي انا مش عارف اشكرك ازاي طبعا على مساعدتك لينا اكيد احنا تعبناكي معانا. وكنا نتمنى نقابلك في ظروف احسن من كدة. ليا الشرف اني ابقى البايس بتاعك مع اني مش بحب كلمة اوبا ومبحبش الدلع بتاع الايدولز ده. اسف بس انا كدة.
اردفها وهي يؤكد على اخر كلماته. ومن ثم اكمل في نفس النبرة الهادئة
دي او : انا معتبرك زي اختي الصغيرة طبعا او صديقة الفرقة مش اكتر. فياريت متهتميش بكلام اصحابي هما أغبياء وبيحبوا يهزروا كدة. إن شاء الله نشوفك على خير وتكون الأوضاع اتحسنت تمام؟!
قالها لتنظر له لوسي في صدمة وقد دمعت عيناها ولا تعرف السبب ومن ثم تبسم وتركها بهدوء وظلت واقفة في نفس الصدمة. هل ظن انها تريد مواعدته أم طريقتها اوحت بذلك.
اخذت تلعن نفسها ومسحت دموعها وتحركت هي الأخرى. تركوا الذي يبكي في الغرفة على من يسميهم أطفاله.
نزل الجميع وركبوا سيارتهم وتوجهوا المطار الخاص بعم جيني.
ليستعد كريس وتاو ولوهان وجيني ولوسي لتوديعهم.
كانت لوسي تقف واجمة وهادئة لا تضحك على غير عادتها.
سوهو : شكرا ياكريس يا حبيبي منشوفكش في حاجة وحشة.
قالها وهو يهم بحضن كريس.
كريس : انت لو قربت مني تاني هزعلك كفاية أحضان بقا اتجوز ياعم مدام انت عندك جفاف كدة.
تاو : هتوحشوني والله. اتمرمط مع مين غيركوا تاني.
قالها في ابتسامة حزينة كان سيرد عليه سوهو ولكن عيناه امتلأت بالدموع واخذ يبكي وهو يحضن شيومين. ليربت شيومين عليه في ملل.
بيكيهون : احنا نخرج من المصيبة دي وهنتقابل تاني ياعم متقلقش.
قالها ووجهه ملئ بالكدمات.
سيهون : معلش يا لوهان تقلنا عليك اليومين دول. مش شكرا ليكي
قالها قاصدا جوين.
انتهوا من التحيات ليصعدوا الطائرة ظل لاي واقفاً ولم يريد الصعود ولكن تشين ودي او سحبوه بعنف ليصعد.
وقف الثلاثة لوداعهم وانطلق البقية لبلادهم.
بيكيهون :والنبي يا ختي هاتيلنا تلج كتير ولو عندك شاش هتيه بسرعة
كاي : وياريت لو في اكل هاتيه برضه.
سيهون : مضروب جعان، سليم جعان مالك يابني.
قالها وهو يرمقه بقرف.
شيومين :بطل عياط بقا قرفتني خلاص هنبقي نيجي نزورهم تاني.
سوهو :اهي اهي مكنتش عايز امشي واسيبهم لااا.
لاي : انا مكنتش عايز اجي معاكوا علشان العيوطة ده.
مرت قرابة الساعة وقد اقتربوا من الوصول لكوريا الجنوبية اخيرا ولكن مع سوء حظهم لن يكتمل اي شئ على خير.
كان تشان ينام على كتف دي او والجميع يجلس في هدوء. وتشين يقلب في القنوات في تلفاز الطائرة بملل حتى انقطع البث وظهر فيديو غريب فجأة لتتحدث صاحبته بأبتسامة واسعة : هااالو جايز وحشتكوا صح؟!
انتفض الجميع من أثر الصوت وكان سيهون يرتشف بعض الماء وعندما رأها اخذ يسعل بشدة وكاي فتح فمه الذي يملؤه الطعام في صدمة.
ليقول الجميع في صوت واحد من الصدمة :جيسيكا
يبدو أن قصة جيسيكا ام تنتهي بعد
************************************
حمداً لله على سلامتكوا 🤭😂
اتمنى البارت يكون عجبكوا ❤️
.
.
.
متنسوش الفوت والكومنت 🌸❤️