و كل مُناي أن أنساك حقًا
و أن أمحوكَ من نصي و شِعري
و لكن كلما خطيتُ سطرًا
وجدتكَ مُلهِمي و إمامَ فِكري
.
.
.
.
.
. #write:yaqeen.hassan
#فصليتي واعذبهة
.
.
.
.
.
.
ميار : كعدت الصبح مثل كل يوم وجع شوية بكليتي كمت كعدت البنات وياي وكمنة نبدل لبست
وطلعنة اني والبنات رحنة للكلية ورحنة للكفتريا شربت كهوة ودك علية حسين
_ الو
حسين : صباح الخير
ميار : صباح النور شلونك
حسين : الحمد لله انت شلونج شلون كليتج خوما تأذيج
ميار : لا احسن بي وجع خفيف ميار شلونها بابا ماما الكل شلونهم مشتاقتلكم كوومة والله
حسين : اوووف والنبي ميتين على شوفتج شوكت اجازتج حتى اجيج
ميار : بعد ماكدر هسة رح تبدي امتحانات الفاينل
حسين : هاااا تمام من تخلص الامتحانات دكيلي حتى اخذج
ميار : ماشي حبيبي تدلل يلة باي احبك _ سديت الخط وشفت ثائر يباوعلي ويغمزلي ضحكت علي _ شكو ترة اخوية حسين لساعك ممتأكد؟
ثائر : مرح اتاكد الة احجي وياه
ميار : انت غبي صارلة 3 سنين يجي للكلية وانت متشوفة شسويلك بعد
ثائر : لا هالمرة رح اصبر انتضريني اروح اجيب الحلقة والسيد واجي هههههههههه
ميار : كلش يضحكني يذكرني بعلي رحنة للمحاضرات كملنة وطلعنة رجعنة للقسم
-----------
فهد : كعدت الصبح مثل كل يوم راسي يريد ينفجر عيوني حمررر عجزت واني اعالج نفسي رحت كومة دكاترة ينطوني اشكاال العلاج وميفيد بالاخير ايست وعفت كل العلاج كمت لميت الفراش ورحت لغرفتي جريت حسرة طلعت الملابس وطلعت منهة بسرعة لان ما استحمل ابقى بيهة اتذكرهة بسرعة بدلت ورحت للشغل ومر اليوم مثل كل يوم
---------
قبل 4 سنين :
فهد : فتحت عيوني وشفت جدو وبيبي وعمو ولاء داير مدايري بس شنو وجع قوي بكليتي
الجد : حمد لله على السلامة وليدي ليش هيج والله خوفتنة عليك لا تحجي ولا تكول
فهد : م ميار ج جدو م مي ميار و وين
بيبي : ميار بخير انتة شلونك يأذيك شي احجي حبيبي
فهد : ا اني ب بخير ل لتخافين
_ مفكرت بنفسي فكرت بيهة خايف عليهة اريد اشوفها اخاف محتاجتني نعلت نفسي الف مرة لان اذيتهة اني السبب بالديصير بيهة ليش يربي ليش كل ما اريد ارتاح تطلع حجة تخرب كلشي بس شكل هاي الحجة رح تغير كلشي بحياتي ورة 3 ايام يلة طلعت من المستشفى اللي عرفتة ان اهلهة ماخذيهة لبغداد حتى لتشوفني رجعت واحس روحي ماكو احس حياتي مابيها طعم بعدهة رجعت لعذابي رجعت لحياتي العشتهة بال5 اشهر رجع كلشي مشت الايام وحالتي ضلت نفسهة وجع بكليتي ووجع كلبي كمت من افوت للغرفة اختنك احس شي يخنكني من ادخل للغرفة افكار تجيني ان هية متحبني هية تكرهني واني اكرها واحقد عليهة اكثر بس من تطلع من الغرفة وارتاح واتنفس ويرجع حبها ينبض بكلبي كامت حالتي تسوء يوم عن يوم وكمت اختنك وابجي بس اتذكرهة وروحي احسهة تريد تطلع من مكانهة رحت لدكاترة كومة واخذت علاجات ورحت لدكتور نفسي ومفاد بس بعدين رحت لشيخ كالي ابني انت مسويلك سحر قووي وماثر على حياتك نصدمت كلت منو يسويهة بس تذكرت حلا من طلعت من الغرفة ترجف هية السبب اخذت علاج ورجعت خليت عمو ولاء هوة اليتصرف وياهة ورة شهر اجوهة خطابة وتزوجت الجانت سبب بدمار حياتنة رضيت بقضاء الله بديت امشي على الحجي الكالة الشيخ وتعالجت بس ارتاحيت رجع حبهة ينبض بكلبي من اول وجديد وراهةتركت كلشي عرفت ان حياتي مالها حل بعدها سلمت امري لالله لان تعبت رجعت لشغلي بدون نفس ناز من تزوجت مجتي لعرسهة بس اللي عرفتة رايحتلهة البيت مالتهة جنت اتمنى اشوفهة وجنت اتمنى تعرف ان اني التبرعتلهة بكليتي بس اخوانهة مرضو يكللولهة لان همة اللي رادو تبتعد عني مو هية وهية هم مشت بحجيهم ومرت 4سنين شلون السم على كلبي كل يوم ابجي عليهة واتمناهة يمي وبحضني بس ما الكاهة اتمنى نضرة من عيونهة ماكو ضليت عايش على صورهة بالموبايل ورح يجي يوم وتروح نتضرتهة ولحد هاي اللحظة انتضرهة ورح اضل انتضرهة لطول العمر ليش لان احبها 💔
ميار : فتحت عيني جانو حسين واحمد وبابا وماما وعلي داير مداريري كوة احجي ووجع قوي بكليتي تذكرت فهد وكمت ابجي وهمة يهدون بية جنت اريد اشوفة اريد اكلة هذا مقلب مو حقيقة ردت اكلة اني اريدك واحبك اني حبيبتك بس جان ماكو من صحيت بغداد جنت وحجي حسين صدمني اكثر
حسين : بعد مكالو تحتاجين كلية طلع واختفى بعد مشفناه وجابو متبرع بنفس االحظة وبدلو كليتج وجبناج لبغداد لان حتى مكلف نفسه يجي يشوفج ميار هوة ميحبج اذاج للمرة الثانية وحتى اذا رجع هسة مستحيل ترجعين الة ومرح نغير قرارنة
ميار : جانت شلون السجينة دخلت بكلبي مجنت متوقعة هذا الشي من فهد هذا مو فهد اني متأكدة هذا مو فهد فهد يحبني بجيت بوكتهة باقصى قوة عندي مهتميت لوجع كليتي وجع كلبي جان اكبر بهوواي صعب من تنخذل من التحبة بهذيج اللحظة وعدت نفسي ما ابجي علي بعد بس كالعادة الحب اقوى من الوعود ضليت كل ليلة ابجي علي واعاتبة السالفة وعقد ناز كلها جانت بشهر7 وية طلاب السادس اعدادي قدمت على الكلية وجنت مصرة على الصيدلة مطلعلي بغداد جانت تقبلني البصرة وكربلاء جنت من سابع المستحيلات اروح للبصرة قدمت لكربلاء اقسام داخلية بابا مرضة بس حسين واحمد قنعهم وداومت اول ايام جنت احس بالغربة بس البنات الوياي بالقسم ونسوني وداومت ومرت 4 سنين واني اداوم كالعادة كل يوم نفس الروتين كل سبوعين يجي حسين ياخذني اضل يومين وارجع ضليت على هذا الحال متغير شي بس حبه يزيد كل يوم بكلبي وعمرة منقص جنت احس بي بداخلي شكد تواصلت وية ناز بس لاهية فتحت موضوعة ولا اني لان ماريد اتذكرة هواي اجوني خطابة بس كلهم مطلقين لو عدهم جهال بابا جان يكول لو تضلين ممتزوحة لطول العمر مستحيل ازوجج لواحد عندة جهال لو مطلك وصدك من يجون يرفض ثاني يوم بسرعة ضليت عايشة حياتي هيج شكد جنت اتمنى اشوفة بس مشفتة بس كم صورة عندي الة بس شكلة محفور بكلبي حتى اذا راحن هذني الصور لان هوة اول واخر حب بحياتي ومستحيل انساه
-------------
نرجع للواقع:
ميار : اليوم اخر امتحان فاينل جنت فرحانة لان رح ارجع للبغداد كاعدين بالمحاضرة دخل علينة علي شاب ويانة بالعمارة مال الاقسام الداخلية كال ان العمارة محتركة الدكتورة رضت نطلع رحنة للعمارة جانو الشرطة والاطفاء كلهم هناك وكفنة واني كمت ابجي من المنضر والبنات هم وين نروح دكيت على حسين وبابا ماكو ولا واحد حتى احمد علي ماما ماكو تكول اختفو كلهم وانوب دامشي اجة رجال ديركض دفعني ووكع الموباليل بالكاع وطفة وكتهة البنات دكن على اخوانهن واني ضليت حايرة محافظة رقم احد منهم
مريم : ميار تعالي ويانة ونوصلج لاهلج عود
ميار : ماكدر مريم عوفيني اروح وية البنات للفندق ومناك اخابر اهلي
نور : ميار بلا عناد امشي ويانة
ميار : ماكدر.. . . ..
فهد : هية رح تجي وياي
ميار : درت وجهي ونصدمت بالشخص الواكف كبالي اي هوة اي حبيبي اللي منسيتة ولا يوم حبيبي اللي محبيت غيرة جمعنة القدر بس بغير محافظة شكلة متغير ضعفان ولحيتة مطولهة بس نفس جمالة لا زاد ولا نقص ضليت يمكن 5 دقايق صافنة اتأكد منة هوة حقيقة لو لا اي هوة نفس لمعة عيونة نفسهة صحيت على صوت حسن اخوهة لنور
حسن : يلة بنات نروح اوصلكم لاهلكم مناك ميصير تضلون
مريم : لا اني احمد وصل هياتة بس اخذو ميار وياكم
فهد : ميار رح ترجع وياي
نور : عفوا بس منو انت.
فهد : اني زوجهة
ميار : باوعت علي من كالها وهوة مركز على حسن الي مشال عينة مني هوة معجب بية بس اني ما اتقبلة باوع علية وكأن ديشوف ردة فعلي
نور : ميار هذا فهد
ميار : اي روحي نور اني رح ادك على حسين من فهد ويجيني ماكو داعي
مريم : تمام ديري بالج على نفسج باي
ميار : بوستهن وراحن وباوعت علي جان مركز علية من فوك ليجوة
فهد : جنت بمكتبي بالبصرة اجاني اتصال اكو قضية بكربلاء واني مطلوب بيهة لان بيهة صلة بالبصرة سافرت لكربلاء وبديت بالقضية كاعدين بالمكتب اجة ضابط كال صاير حريق بعمارة مال اقسام داخلية رحت وياهم وجانو كومة ولد وبنات مشيت شوية بأتجاهم اجتني بين الروائح كلها مال الدخان ريحتهة درت وجهي وشفتهة اي شفتهة بعد 4سنين شفت عيونها اللي ادمنتهن شفتهة يربي من صدك والله تقربت يمها وسمعت حديثها وية صديقاتها تخبلت شلون ترجع وياهن وتدخلت باوعت علية ونصدمت ركزت بعيونهة اريد اشوف بعدها تحبني لو لكت غيري بس نفس نضرتهة متغيرت هي ميار نفسهة من اجة هذا حسن بدي اخنكة شلون يباوعلهة وعلي جان موتة لوما واكفين صدمتني اكثر من جاوبت كالت اي يعني بعدهة تعرفني بعدهة تأمن بية بعد مراحو باوعت عليهة من فوك ليجوة على لبسها صح معجبني بس طالعة تخبل
_ تعالي وراي
ميار : نطيني موبايلك ادك على حسين يجيني
فهد : ميار بلا هاي السوالف بين ميجي حسين انت وين تروحين تضلين هنا امشي ناخذ اذن حتى نطلع
ميار : بس. . .. . . قطع اللحظة دخول ثائر كلت هاي هية الله يرحمك ثائر
ثائر : لج ميار شصاير شكو شلون احتركت العمارة تعالي وياي شكرا سيدي تسلم
ميار : الاثول جرني من معصمي جان يلزمني فهد من ايدي قوي ونضراتة لثائر تكتل كتل ثائر باوعلة بأستغراب هوة حجة وصاك على سنونة
فهد : عوف ايدهة
ثائر : عفوا انت منو
فهد : مرح اعيد كلامي مرة ثالثة عوف ايدهة
ثائر : ميار هذا منو .. . .
ميار : ملحك يكمل من البوكس الاخذة من من فهد اني حطيت ايدي على حلكي لان خترعت وثائر خشمة طك دم وكام يريد يضربة واني وكفت كبال فهد _ ثائر لااااا هذا زوجي
ثائر : شنووو ميار شدتحجين
ميار : هذا فهد زوجي دخيلك روح اني رح اروح وياه رح يوديني لاهلي
ثائر : كام ويمسح الدم من خشمة ويباوع بحقد لفهد _ ترة عندك لسان وتكدر تحجي مو الة تتعامل بالضرب
ميار : حجة هيج وراح فهد راد يلحكة اني لزمتة _ لاا فهد دخيلك عوفة ماريد مشاكل
فهد : خايفة علي
ميار : شنو هاي شبيك شدتحجي
فهد : لا مداحجي شي بس الخوف مبين بعيونج علي روحي وياه اذا تريدين.
ميار : تدري اني صوجي وكفت يمك وداحجي وياك اروح اخابر من الكلية احسلي لان انت مو مال واحد يحجي وياك فهد
_ مشيت شوية وحسيت لزم ايدي قوي ونضراتة تمووت وعلي كلت رح يموتني
فهد : خطوة ثانية والقران متعرفين اللي يجرالج امشي وياي ومثل الاوادم خلي اوديج لاهلج
ميار : جان يحجي وصاك على سنونة وعروك ركبتة ناطة لا اراديا مشيت وياه رخة على قبضت ايدي ونزل ايدة حضن ايدة بأيدي ومشينة راح حجة شوية وية ضباط واجة رحنة للمسؤولين مال العمارة مقبلو يدزوني وياه لان ميعرفون اذا صدك او جذب لهذا خابر سجاد وكالة صور العقد دزة ووراهة انطونة اذن للخروج ركبت وياه السيارة جانت دنية ضهر يباوع ليكدام وكلسع يدير عيونة علية باوعت علي وحجيت
_ وين رح نروح هذا مو طريق الرجعة
فهد : منكدر هسة نرجع عندي شغل العصر نطلع
ميار : ترة ممجبور ترجعني بس خابرلي حسين وهوة يجي
فهد : انت شلون وياج الساعة ب3 اصبري منا لل5 نرجع ساعتين متكدرين تصبرين
ميار : بس.......
فهد : ميار لتلحين لخاطر الكعبة ما الي خلك ترة
ميار : سكتت ونجبيت بس بعدين هوة حجة
فهد : شدتدرسين
ميار : صيدلة
فهد : ليش مو بغداد
ميار : ميقبلوني معدلي مو عالي
فهد : اي جان رحتي لاي قسم الة بكربلاء انت بنية وحدج جاية اقسام داخلية والله اتعجب على اخوانج شلون خلوج تداومين وحدج
ميار : لان هذا حلمي واخواني يحبوني ومرادو يمنعوني من حلمي
فهد : واني منعتج
ميار : حجة وباوع علية واني هم ركزت بعيونة كأن يريد جواب يريحة_ مو انت قدري هوة المنعني
فهد : شكد جنت اكابر يمهة بس من اشوفهة اضعف ماعرف ليش احبها وماكدر اقسي عليهة وصلت للشقة_ يلة نزلي
ميار : ليش جبتني للشقة انت مو عندك شغل
فهد : انت واثقة بية
ميار : هية مو شغلة ثقة
فهد : جاوبي اي او لا
ميار : لا
فهد : خوش _ حركت السيارة وطلعت للمركز ادري بيهة رح تخاف لان عندي تحقيق بس تستاهل حتى تجوز من عنادها هذا وصلنة للمركز _ يلة نزلي
ميار : شكو دانزل انت روح كمل شغلك وتعال
فهد : درت وجهي عليهة ماريد اعيط واصيح عليهة _ باوعيلي انت عاقلة وتفتهمين هذا مركز شرطة شكو مجرم يجيبوه هنا اني شنو مكرن اعوفج بالسيارة نزلي وياي وماسويلج شي اخليج يمي بالتحقيق اخلص تحقيق ونطلع نوديج لاهلج ماشي يلة نزلي
ميار : نصدمت منة هذا ليش هيج حباب زيادة عن اللزوم نزلت وياه حط ايدة بأيدي ويمشي فتنة وكفولة وسوولة هاي مال الضباط 👋 هههههههههه المهم هيج فتنة لغرفتين هنة بس يفصلها حايط وبالنص جامة كبيرة وعلى اليمنة باب كاعدين بالغرفة الاولى 3 ضباط وكبالهم حاسبات وفايلات وبالغرفة الثانية ميز وكراسي 2 وكاعد واحد ماعرف شلون اوصفة شكلة يخووف اسود ولحيتة طويلة ومضروب هوواي مشكلة ايدة بالميز ونايم يمكن دخل فهد سوولة نفس هاي الحركة وكعدني على واحد من الكراسي كبال الجامة وهوة كام يسولف وياهم
فهد : شبي نايم
محمد : جذاب كاعد شوف ولللك كوم اجاك افراج
ميار : هوة كمز بسرعة ماعرف ليش جتني الضحكة سخيفة مو بيدي
فهد : خوش يلة رح ابدي تحقيق سجل كلشي مفهووم
جعفر : مفهووم سيدي
فهد : دخلت للغرفة وكفت كبالة وبيدي العصا مال الضباط كعدت على الميز كبالة ورجلي على الكرسي_ اي ياحلو يلة تبدي تكول اسمك شنو لو نرجع نذكرك بي
بكر : يحجي ويضحك_ سيدي وداعتك لو شكد تضربني مرح يوجعني لان اذا اعترفت رح اتعذب عذاب لحد ما اموت
فهد : هة ومفكر انت رح تطلع اذا اعترفت
بكر : يطلعوني وداعتك يطلعوني مليون مليونين اطلع
فهد : هههههههه و الله ضحكتني ترشيني عاد روح ارشي العالم كلة ولتتقرب علية بالرشوة لان كل اللي رشوني تروح تلكاهم بالسجن الابدي يلة احجي ترة متعدي السالفة على خير
بكر : شتسوي اذا محجيت
ميار : ضربة بوكس اني شهكت من مكاني باوعو علية الكاعدين واحد ضحك
محمد : بلة صدك يحجي فهد جايبهة هنا رح تطلع بيهة حالة نفسية وتوب بعد منة هههههههه
ميار : ضل يضرب بي واني كلسع اشهك رجعت ذاكرتي من جان يضرب بية بكل قسوة وميحس حسيت بوجع كمت ابجي دنجت وكمت اشهك درت وجهي ماريد اشوف شي ليش الذكريات تلاحكني كل ما ارتاح رح اضل كل ما اشوفة اتذكر نتبهو علية وواحد اجة وبيدة مي
جعفر : خوية بيج شي اصيح لفهد
ميار : ا ا اريد ا اط اطلع _ صاح واحد الة عاف التحقيق واجة علية خايف اني بتعدت ماريدة ماريد قربة الية اخاف منة اخاف اتقرب من
فهد : ميار شبيج ليش تبجين مو كتلج اعوفج بالبيت بس غير انت تلحين
ميار : ا اريد ارجع لل ل لبيتنة_ نهاريت بجي احس روحي رح تطلع احس هسة ديضربني داحس بهلشعورر اللي فارقني صارلة اربع سنين وبس يمة يرجع حضنتة ولزمتة من قميصة قوي وهوة هم حضني بجيت بحضنة هوواي
فهد : ميار حبيبيتي باوعيلي لتخافين مرح يصير شي لتخافين اهدي اششش كومي وياي خلي نطلع جعفر روح لحازم خلي يكمل التحقيق اني طالع اليوم وباجر هم ماشي امشي ميار
ميار : طلعنة واني مجلبة بقميصة قووي ماريد اعوفة
فهد : مشينة وهية منهارة مكدرت اخذهة لاهلهة اكيد عبالهم اني مأذيهة فققرت اخليهة اليوم وثاني يوم ارجعهة لاهلهة بس شلون رح اصبر ماعرف ركبتهة بالسيارة وهية تبجي_ ميار كافي دخيل الله كافي اهدي خلص طلعنة مرح ارجعج والله بس اهدي مو كطعتي كلبي بهذني دموعج
ميار : هديت شوية بعد مسمعت كلامة وصلنة للشقة جانت عمارة طويلة هوة شقتة بالطابق الاخير صعدنة بالمصعد واني ساكتة وهوة ساكت وصلنة فتح باب الشقة وفتن جانت بسيطة كلش اثاثهة بسيط مو مثل غرفتة راقية هوة عبارة عن غرفة واستقبال وطالع منة مطبخ وحمام وبلكونة تمووت شوية كبيرة وبيهة كعدة حلوة والهوة اليجي منهة يرد الروح
فهد : اروح اجيب اكل وملابس الج وارجع
ميار : بس احنة مو رح نرجع
فهد : خليهة الصبح احسن لان خطر هسة والطريق يخوف بالليل اني احجي وية ابوج وباجر الصبح اوديج
ميار : ت تمام
فهد : اني ربع ساعة وارجع ماشي يلة مع السلامة
ميار : اللة وياك_ راح واني كعدت استكشف الشقة نضيفة ومرتبة رحت على الغرفة جان حاط جنطتة بالكاع ومفتوحة طالعة من عدهة صور بيهة اني مبينة شوية رحت جريتهن ونصدمت شفت صوري واني نايمة وهوة يمي هاي شوكت طكهن نزلت دموعي لساعة يتذكرني منساني واني اكول نساني جان اكو دفتر شلون مال الذكريات فتحتة ونصدمت بالمكتوب اول صفحة دخل هوة باوعت علي وعيوني تجري دموع ومصدومة من القريتة.............. 💔
.
.
.
.
لهنا ينتهي البارت ❤
اتمنى يعجبكم البارت اريد اكول التفاعل زفتتت شبيكم اذا متعجبكم القصة لتقروهة والله دا اتعب من اكتبهة بس لايك انطوني ورأيكم بالقصة وتابعو حسابي احبكم باي ❤🙈
.
.
.
.
#write:yaqeen.hassan
#فصليتي واعذبهة
.
.
.
البارت طويل 2500 ❤