#...عشقت رجلاً متزوج

البارت - 36 - الجزء الثاني

" بقلمي نجم اليل "

#عشقت رجلاً متزوج

#البارت - 36 - الجزء الثاني

أنا حواء .. قد خلقت من ضلعك يأ ادم ..
أطلع ع اعوجاج ضلعك .. فأستقم بعطفك ..
هأ انا لم أنل منك حباً .. فرفقاً بي .. فراشتاً ..
لماذا مزقت أجنحي .. ولماذا حبستني ..
كيف تزهر ألواني و افرد أجنحتي ..
كيف لي ان اطير وأنت بأول أرتفاعاً أصبتني ..
ظلماً .. لقد حطمتني .. كيف أكون من ضلعك وكسرتني ..

الخاطره بقلم المبدعه سمسمه💕smsma89

***

.

حنين...مشينه وجنه كلنه ساكتين بعدين بدينه نحجي اني وندى الى ان وكفت السياره وكلت ..

حنين...بس هذا مو بيتنه ومو هاي المنطقه ..

ندى...هذا بيت اهلي

حنين...هااا لعد ماوصلتني بالاول

كلت هيج وباوعت بالمرايه هو خزرني وندى تعدل بجنطتها وكال ..

محمد...بيت ندى اكرب من بيتكم

ندى...وشنو ماتنزل تسلم ع اهلي

محمد...مبله ياله نازل ..

نزلو كلهم بقيت بس اني كلش متوتره ..
هو تأخر ضل فوك الربع ساعه اجه صعد

وحرك وثنينه ساكتين واني مدنكه العب بضفري ..

هو جان يسوق ومركز بالطريق وكال..

محمد...ترا فاهمه غلط مو مثل مامفكره

حنين...وشدخلني ضل رتاح بقيت وحدك ضل البيت لمطيره ..

هو ضاج وكال ..

محمد...شوفي اني ماسويت شي غلط ومو مجبور ابررلج بس لان تهميني راح ابررلج ..

سكتت ومارديت علي

هو كال..

محمد...هي دازه صورها واحد مهددها ..

حنين...وانت حضرت المنقذ البطل الخارق الي يجي يحضن ويواسي

محمد...نجبي وخلي اكمل .. واجت تبجي وحضنتني ونتي شفتي ثنينه متحاضنين.. وفهمتي غلط

ابتسم وكال ..

ومن غيرتج علي كبل فلتي وماكملتي وماشفتي من دفعتها

حنين...وخلصوو بس انت تجي عليك تتوسلك تساعدها خلصو صحبانه ماتو اهلها..

محمد...ختولي لا جيبين طاريها ع للسانج .

حنين...ليشش مو مسموح نحجي ع حظره الحبيبه

محمد...كافي لغوة ترا مو مجبور ابررلج بس كتلج لان تعنيلي بررت الج ...

وصدكتي ماصدكتي طبج مرض عاد اخ همي بس لا ضلين تشمرين حجي بعدين صدك تصير مو زينه ترا والله ..

حنين...سكتت وماحجيت شي وتذكرت فعلاً هي اجت حجت وياه وحضنتها واني ماكملت .. وكتله

حنين...اي وسويت نقذتها ..

محمد...ختولي طلعت جذابه

حنين....اممم

محمد...شنو مو مصدكه

حنين...واني كلت شي

محمد...ابتعدي عنها حنين ترا لزمت مبايلها ولكيتها مصورتلج والله مجاي اجذب وموتتها كتل ..

حنين...خفت كلش هاي ليش مصورتني وشعدها وياي يبوو بس لا دزتهن لاحد ..

كتله بخوف..

حنين...امانه خومه دازتهن لاحد والله اهلي يذبحوني

محمد...لج تخبلتي غير امها ماجبتها اذا مسويه هيج

كتله بنفعال ..

حنين...وانت شدراك بهاي الحقيره هاا

محمد...اهوووو كتلج تأكدت بنفسي لو انتي ماتثقين بيه ..

حنين...اثق بيك بس ماثق بيها

محمد...ونعال عليها

سكتت وبقيت خايفه الله لا ينطيها وكال

محمد...وشفكرتي

بلعت ريكي وكتله بتلعثم

حنين...هااا مافكرت بعدني

هو عصب وكال ..

محمد... هو شنو مافكرتي ترا مايراد الها شي ..اي او لا

اذا اي اجي اطلبج لا هاي هيه انتي بطريق واني بطريق ..

حنين...صعب اتركه ولكيت بي كلشي شدني اله حنيته عليه وخوفه وحبه وغيرته .. والامان الي ينطينيه

الي مالكيتهم عند اهلي ..

وكتله

حنين...مالكيت وقت لحالي افكر كل ماريد افكر يصير شي وانشغل اتركني بس هل فترة عفيه

هو هز راسه وسكت .. وكف السياره واريد انزل وكال ...

محمد...عود نتراسل وديري بالج ع نفسج واي شي يصير وياج خابريني ماشي ..

سكتت وماحجيت شي  نزلت غراضي دكيت الباب هو ضل واكف ينتظر اطب ياله ابوي فتح الباب ومبين معصب عيونه بكصته ..

شافني طبيت وضل يسلم ع محمد .. فتت جوه وهو لحكني وكال..

ابو حنين...وشعندج هيج تتأخرين ..

امي كالت..

ام حنين...كتلك عمتها اخذتها بشغل ..

ابو حنين...لا تخليني انعل ابوها لابو كله دياحه

كال هيج وباوع علي وتقدم لزمني من شعري وكال ..

ابو حنين...جيتي وحدج ويه محمد ..

لزمت ايده وكتله بوجع ..

حنين...لا اجت مرته ويانه

هو شد ع شعري اقوة وكال

ابو حنين...لا جذبين ماكو احد بس انتي وياه بنت الكلاب ماخبرتيني ..

حسيت دمعتي ضرفت من عيني وكتله ..

حنين...والله جت مرته وصلها لهلها وصلني وعمتي كالت روحي وياهم ..

هو هد شعري وكال بعصبيه

ابو حنين...انعل ابوج لا بو عمتج توصلين هناك وحدج اكسر رجلج مفهوم .. بس وي امج من تروح

هزيت راسي ومسحت دمعتي وامي تحجي علي وع طبعه وكالت ..

ام حنين...غدي شلون زلمه شكاك الي يفكر تفكيركم ترا مات ..

هو خزرها وكال ..

ابو حنين...نجبي لا احي احط النعال بحلكج قندرة لا شعدنه بنات يفترن دياحه ماكو هيج بنات عدنه ساقطات ..

ام حنين...وع منو رايحه مو ع عمتها الي يسمعك كلامك يكول رايحه عند ناس شلاتيه

هو يريد يرد بس دك مبايله طلع بره ورحت حضنت امي .. 

وتذكرت مره من جنه زغار اني ومريم طلعنه نلعب كدام الباب ..

جان عدنه دعابل وخرز وحافرين نكره نلعب ..

نفتح الباب باوعنه انه ومريم شفنه ابوي اشر النه نجي وهو معصب رحنه والخوف مسيطر علينه ..

وصلنه لزمنه من الاذن ولواها ودفعنه وعاط بينه طبينه نركض خايفات يم امي..

هو اجه وجايب وياه عود نشافه مكسور وكام يكتل بينه ..

لحد مصارن اثار اتذكر باليل مانمنه زين لا اني ولا مريم بسبب الالم...

صحيت من ذاكرتي وامي باستني من راسي ..

بعدت عنها رميت عبايتي ونقهرت كلش..
لان هذا ابونه عنده كلشي ممنوع وع كلشي يصير ايده والكتل ..

ممنوع البنيه تطلع ممنوع تدرس لان البنات يخربن ع اخلاقها وماتنفعها البنيه للبيت بس .. ممنوع الصوت يعلى

ممنوع نفتح الباب لازم بس الزلمه ممنوع
لبس بنطرون قميص تيشيرت ..
ع عمر ال12 محجبه ع عمر ال17 نقاب..

تلفون ممنع بس اخذت مبايل بتوسلات والبجي والحجي وماخذ الي اله من مريم تزوجت ..

هذا ابونه 

مرن كم يوم نتراسل اني ومحمد يسألني واتهرب .. مكدر اجاوبه ...

احبه نعم بس راح اوجه شي يمكن انه مو كدي واكبر مني .. مكدر بعدين استحمل نظره احد الي بستحقار ..

بس هو الوحيد الفهمني هو الوحد الامان الي ..

يعني ع اقل شي لوابوي صار عنده علم بسوايه محمود والله يموتني ومايرف اله جفن...

عكس محمد احتواني وحسسني بمان ماخوفني .. 

يمكن صح اسمي حنين بس اني ناقصني حنين الاب ناقصني امانه المفروض من يصير شي وياي اكوله واحس بمان ..

مو اخاف وادعي مايعرف شي ...
..

فكرت من كل ناحيه اني ومحمد هو وين واني وين ..

صح مليت من هل وضعيه بس مو بيدي افضل الابتعاد عنه ماريد اخرب هذيج كعدتهم .

انانيه نعم هو بر الامان الي احب لهفته عليه خوفه غيرته بوساته حضناته عطره .. كلشي يخصه

عطره اكدر اميزه من بين الف واحد

جنت كاعده اراسل بمحمد كلام عادي ونضحك .. وكال .. 

محمد...هاا مافكرتي

اريد ارد علي اتحجج بشي وامي كالت ..

ام حنين...تحضري ترحين وياي ع السوك ع الصيدليه ..

حنين...ليش 

ام حنين...اريد اجيل ضغطي .. احس ماكدر ودايخه

حنين ...وابوي وين كتيله

ام حنين...ابوج طالع وخابرته ستعجلي

حنين...اي

كلت هيج هي طلعت وكتبت ..

حنين...راح اروح ويه امي ع الصيدليه تجيل ضغطها وباليل نتراسل بس عفيه لا ترسل شي اله انه اراسلك ..

هو دز انتظرج وحاط قلب كمت حضرت حالي

جانت الدنيا عصر رحنه وجالها شو صاعد..
ونطاها علاج ..

نطته الفوس كال ماعندي صرف امي كعدت ع الكرسي لان تعبانه اجو جماعه ع الصدلي وهو كالي روحي اصرفي بنيتي..

هزيت راسي ونطيت خبر الامي رحت
باوعت شفت ابو البسطيه يباوع وعمه انشاء الله

مارحت علي رحت ع المحلات كلهم كالو ماكو صرف هو جذب عدهم بس يردون الواحد يشتري ياله

اطريت اروح ع صاحب البسطيه كتله من بعيد

حنين...عموو عندك صرف

مر واحد من كدامي وسلم علي كاله شلونك علي .. هو رد

باوع علي من فوك ليجوه وكال ..

-اي عندي تعاي 

بقيت واكفه مافتت هو كال ..

-تعاي شكد تردين

حنين...صرف 5

-اي عندي تعاي هاج

مشيت وانه متردده فتت مديت اله ال5

ماحسيت غي ايدي تنجر .. دفعني ع شي وره الملابس اضلم بي ضوه خافت .. مخزن يمكن

هو طب مبتسم خفت كلش رجعت لوره وكتله

حنين...هاي شسوي 

كلت هيج هو تقرب ونظراته الحقيره جه وكام يحضن بيه

ويريد يبوس وانه احاول ادفعه .. مكدر اصرخ اذا صرخت كل الناس تعرف وانفضح

عبالهم وياه ويمكن يتبلى علي وابوي يذبحني

شفته حط ايده ع الحزام اني تخبلت  ..

وكال هو ويابوع علي

-احبج والله ليش ماشوفين نظراتي الج

حاولت اهدي نفسي وكتله

حنين..اي صح

هو ابتسم وكال

-مو صحيح

هزيت راسي وتقدم علي دفعته وكتله

حنين..عفيه لا تقرب

-احبج ماكدر بس شويه نتونس

حنين...لا بستر عرضك ماعندك خوات لاتسوي شي خلي اطلع امانه بالي يرضى عليك

كلت هيج وكمت ابجي

-نطيني رقمج واخلج تطلعين

حنين...والله والله مو حافظته

-اوك هسا انطيج رقمي بس تتصلين علي خوش

حنين...اي والله اتصل بس خليني اروح هسا تجي امي

وكال

-كولي والله

حنين...والله والله بس خليني اروح

نطاني ورقه وكال ..

-انتظرج اليوم دكين وراح اجيج باليل خوش اذا مادكين اجي والله

حنين...اي اي ادك والله بس وخر

فتح وطلعني واني ارجف من الخوف ..

نطاني الصرف ورحت ركض ع امي نطيته طلعنه وامي سالتني ع شنو تاخرت ..

كتلها محد يصرف لازم اله اشتري كوه لكيت ..

مشينه لتفتت من الخوف شفته يمشي ورانه ...

خررب حسيت رجليه صارن خيوط اريد اسرع اريد اصرخ ماكدر ضليت اتلفت

امي كالت ..

ام حنين...شكو تتلفتين عيب مايصير البنيه تتلفت

كتلها بخوف ..

حنين...يمه هو احنه كوه نطع خليني اباوع

ام حنين...نجبي ماتستحين امشي

مشينه واني كل شويه ابوع وراي واشوفه يلحكنه خفتت كلشش ..

وصلنه للبيت اريد اسد الباب باوعت شفته شافني واشر الي بايده يم اذنه عود خابريني

هزيت راسي وسديت الباب وكلت ..

حنين...لو تموت بحلامك ياحقير حلم ابلس هاي الضلت عليه اخبرك انه ماصدكت اخلص منك ..

رحت ع الحمام والحمام خارجي .. فتت شكدت الرقم وذبيته وحطيت فوكه المي..

..

طلعت شفت ابوي طب ومبين معصب شافني اني خفت بس لا شافه يلحكنه .

مشى رتاحيت اكيد ماشاف الحمدالله ..
رحت يم امي فرشت الها ماتكدر خطيه جبت الها مي ..

وكمت اني وي مرة عمي وعمتي نحظر العشه عمتي تروح وتجي بقيت بس اني بمكان امي ...

لان بالعاده محد يسوي بس اني وامي ومرت عمي ..

تعشينه صارت الساعه بال9 بس متردده اراسل محمد ..

خفت مدري ليش خايفه يارربي وكل شويه ينعاد علي موقف اليوم الحمدالله كدرت اخلص منه

ابوي جان بالدوانيه هو وجدي ..

وامي متمدده تعبانه جدتي هي وعمتي بالغرفه ومره عمي بغرفتها ..

طلعت رحت ع الحمام وهو خارجي ..
طلعت اشوف خيال احد .. يم الحايط مال الدربونه والحمام صاير مقابيلهن

كزت عزززة هذا ابو البسطيه باوع علي واشر الي ..

فتحت عيوني ع وسعهن وكمت اتفحص
ماحسيت غير ايد ع شعري واسمع ابوي يكول ...

ابو حنين...شسوين بنت الكلاب ..

يتبع...

غلسوو بدون مراجعه

وهذا بارت لعيونكم مع انو اليوم ستراحتي
وضل بارت الي هو البارت الاخير راح هل مره جد اتأخر بتنزيله ..

راح انزله بيوم 25 يعني الاربعاء يعني بيوم عيد ميلادي 💕 واذا ماتواجد عندي نت اعذروني ..
شوي البارت الاخير طويل وبي احداث وبي كومه اشياء اريد اركز علي بيهن💔 وحتمال من كوله اقسمه قسمين💔💔 ماعرف كلش متخربط وخايف حتى اكتبه بتعلقاتكم الحلوة اريدكم تشجعوني لانماريد اخطأء اي خطاء بي ...

الى القاء نجومي☆💜

..