" بقلمي نجم اليل "
#عشقت رجلاً متزوج
#البارت - 35 - الجزء الثاني
.
حنين...عفت عمتي كاعده ع التلفزيون وانه صعدت فوك ضليت اتمشى بسطح
واسمع بالاغاني جان اسمع صوته رحت من الستاره باوعت جوه شفته يحجي ويه عمتي
وعيونه دور هيج وهيج ههههه يدور عليه
جان اقلده من يكول بسبس هههه
هو باوع علي عاد خزرني خطيه مايكدر يصعد هههه ماعنده اي حجه علمود يصعد بيها ..
هو طب ع عمتي واني بقيت ابوع ع الستاره ..
جتني رساله .. فتحت مبايلي شفته هو كاتب ..
محمد... اكولج خربي الواير مال الاشاره ..
حبيت استفزه وكتله
حنين...ليش
محمد...مو شغلج وسوي لا اجي اكسر راسج
حنين...لعد لوش اخرب الاشاره خاب تعال هههههه
محمد...صارت هيج مو بسيطه
دزيتله ضحكه هو مارد علي ..
رحت تمددت بفراشي تمددت ع بطني والعب بالمبايل ..
وحاطه سماعاتي ماخذني الواهس جنت العب بلعبه جانت كلها قطارات والولد يركض والشرطي يركض وراه سميتها شرطي حرامي ..
شويه واستنشق عطره رفعت راسي شفته فزيت عدلت كعدتي ونزلت ثوبي لان جان مرفوع الثوب..
عدلت حجابي تخربطت تخربط وجوده وترني .. وكال ..
محمد...اي وشفكرتي شنو ختاريتي
سكتت عدة ثواني بلعت ريكي وكتله ..
حنين....هااا بعدني مافكرت .
هو رد بنزعاج ..
محمد...شنو مافكرتي
حنين...والله بعدني مافكرت
هو اخذ نفس بعصبيه وكال بصوت ناصي
محمد...اللهم طولج ياروح
ورد على صوته ..
محمد...حنين كافي عاد فكري ترا طكت روحي من هل وضعيه
دنكت وماحجيت شي هو اجه كرفص يمي
ورفع وجهي بأيده
صفنت علي ..
وهو بعد خصلات شعري الي متناثره خلاها ورا اذني ..
بلعت ريكي وبعدت ايده وعدلت حجابي وكتله ..
حنين...عفيه محمد مايصير حرام وخليني افكر ع راحتي
هو حط اصبعه ع شفايفي وكال بصوت خافت ..
محمد....اشششش
بلعت ريكي وسكتت هو قرب وجه وطبع بوسه ع خدي ..
اني بسرعه دفعته وكمت ع حيلي .. وكتله
حنين...محمد عفيه انزل حرام لا تخوفني منك امانه ..
هو كام تنهد مشه خطوتين ورد باسني بخدي .. ونزل ..
ابتسمت وغمضت عيوني وحطيت ايدي فوك عيوني خجلانه وكلت بكلبي.. يخرب بيتك شهل جرأة العندك ..
نعست ورحت لفلفت راسي ونمت كعدت بنص اليل شربت مي ورجعت نمت ..
احس خايفه وراح يصير شي مو زين..
قريت ع حالي المعوذات ونمت بس مو مرتاحه بنوتمي ..
كعدت الصبح ..
وصارت الساعه بال10 ونص هيج ..
ومحمد جان واكف
يم الباب يحجي هو وعمتي كاعده بصفي ..
واني جنت كاعده اراسل بمريم ..
شويه وكف ضل يم الباب رفعت راسي
شفت خالدة يبووو شكد ضجت منها ..
انوب اول ماشفتها باوعت ع محمد تذكرت من حضنتها لا شلون فاتتني هاي
غير من وره محمود الله ياخذه كون ..
نساني كلشي..
حطيت سماعاتي ..
وكمت
فتت من نصهم نطيت ضهري لمحمد هو ضاج وكال ..
محمد...هو هيج تعبرين ..
عوجت حلكي وكتله ..
حنين...والله غير وكفت ولا واحد منكم تحرك ..
خالدة جانت تباوع وتريد تاكلني .. مبين نظرات الكره بادلتها بنفس النظرات ..
وهي حطت ادها ع كتفه وكالتله ..
خالدة...ابوي يريدك
صخاام بوجهي هسا هذا يروح اي اكيد متونس ع هاي الدجاجه السويده ..
هو ضايج واشر الها تسبقه هي مشت وتعيوج بمشيتها هو يريد يروح وراها وهمست اله ..
حنين...والله اذا رحت والله ماحجي وياك والله ..
كتله هيج وكعدت ع المرجوحه هو باوع علي وابتسم وغمز ..
واجه كعد يمي ردت خالدة لتفت وشافته وكالتله..
خالدة....انت شو كعدت مبين حلتلك الكعده مو اكلك ابوي يريدك ..
اني سويت حالي احجي وي مريم وهو جذب.. وكلت بصوت عالي
حنين...اني حذرتج والله وحلفت بعد بكيفج..
هو نفخ نفس وعض شفته بعصبيه وجه الكلام لخالدة...
محمد...ماجي شعندي مصبح بوجه ابوج ..
هي رجعت وكفت بدلع وحطت اديها فوك بعض وعوجت حلكها المتروس حمره حمرا وكالت ..
خالدة...وشبي عيني ابويه ع كيفك يابه ترا يسوة عشيرتكم ..
محمد خزرها وكال الها..
محمد...احترمي حالج وخلينه ساكتين وروحي ولي ماجي وهسا اخبر ع ابوج واشوفه شيريد ..
هو من كال هيج هي رتبكت وكامت تتلعثم بالحجي وكالت..
خالدة....هاا عليش تخابره انت مو بطلت هسا اكوله .. هاي هيه
راحت وهي كالبه الخلقه هو بسرعه ندار علي وكال..
محمد...ليش سويتي هيج
اني لتفتت يمين يسار احاول اتهرب هو كال..
محمد...ثول ترا احجي وياج
حنين...هاا عبالي وي ام الحليبي
لان هي جانت لابسه ذوث حليبي ههه
هو كال وابتسم ..
محمد...اي شنو تغارين
كال هيج وغمز باوعت علي بغيض وكتله..
حنين...لا يابه ع شنو اغار وع منو عليك ههههههههههاي غلطان
محمد...لعد ليش كلتي لا تروح
حنين... انت غلطان مو عليك
هو رفع حواجبه وكال ..
محمد...اوك مدام مو عليه لعد اروح عليهم شعندي هنا ضال..
كال هيج وكام كال يالله يارب عليك ..
اني فهيت باوعت علي اريد اكله اكل وكتله بسرعه ..
حنين...ترا شفتكم من تحاضنتو ..
كلت هيج وكمت رحت ع غير جه ..
هو لحكني وكال..
محمد...وشفتي بعد
حنين...ششوف بعد ثنين متحاضنين ودكولي احبج وانته وي الف وحده .. خاين
محمد...نجبي نجبي شغله متعرفيها لا تجفصين بحجيج ..
كتله بستفزاز ..
حنين...ليشش بالله لو اني مسويه هيح ويه واحد شسوي ..
هو خزرني وجرني من ايدي فوتني ع الديوانيه مجرد مافتنه حط ايده ع فكي
وعصره بيده وكال ..
محمد...لا ضلين تذبين كلام زفر وتعوذي الشيطان شغله ماتعرفيها كتلج اسكتي ..
حنين...لعد شنو حضنتكم هااا ولا تخاف اني ماقرن حالي بحثاله ..
محمد...قصدج انه حثاله
سكتت وماحجيت شي ..
هو دفعني وكال..
محمد...دولي عني
كال هيج وطلع وعافني مبين لحكها عصبت كلش وكمت اغلي من داخل خلي يروح يتونس وياها ..
واني الثوله اضل ابجي علي دخل عيوني يبجن النوب والله لاحط الجطلات بنص عيوني
يبجن ع واحد خاين ..
اووف واني شنو بي جعلج بالموت الكرفج ياخالدة الحقيره النكسه الزماله
اخخخ لو يمي انعل بليسج الله لايجيبج كله من وراها
ماتمالكت حالي فتحت مبايلي ودزيتله ..
حنين...هااا رحت عليها تتونس مو بالعافيه
هو ماشفه شويه وشافها ماكو دقائق واجه ومبين معصب
اجه عمر وكاله بابا ماما تريدك هو عاط بي
وطلع معصب ملحك يكول شي ..
محمد...والله انعل ابوكم كلكم انه شوكت ادوم مدري شوكت اخلص ..
عمتي كالت ..
رنا...خطيه والله يتعب الله يساعده انوب الي يعطل عنده شي بسرعه اجو علي
حسيت بذنب علي صحيح هو يروح ع دوامه 15 يوم واجب وعسكريه وحراسه وريجع 15 يوم
يكضيها شغل ومنه مواضيعنه .. بس ولو ليش يحضنها ماريده بعد ..
كمت وي عمتي ع المطبخ اسعدها وهي طلعت بنتها صاحتها ..
جنت ادندن بس اسمعمني يالي مجنني انه المتعذب وانت المتهني انه المتعذب وانت المتهني اسمع بس اسمع يالعينك تدمع
طنطن طنطن ططوطو
لتفت شفت محمد صافن عليه وحاط ايده ع الحايط ومبتسم يباوع عليه ..
نزلت ثوبي لان جنت متشكله وطلعت وعفته وهو بعد مأجه ..
صارت الساعه بال1 ونص وهو ماكو كل مره هيج وقت يجي ..
دك مبايلي شفت امي حجيتها وكالت ابوج يكول خلي ترجع اليوم
احس كلشي توقف احس خايفه كلش من هل روحه ماريد اروح هناك اختنك اختك والله اختنك ..
وهذا ماجى ..
لا صدك راح ابجي درتاحي عاد يحنين هو انتي هيج تردين بكل روحه لازم اكو عركه
خرب حظي خرب بحظي
صارت بال2 وهذا ماكو لا حس ولا نفس
لا ماكدر والله كلبي راح يطك والله
كمت وكتبتله ..
حنين...يلا كضو وقت زين وابشرك انه اليوم رجعه للبيت
..
كتبت هيج وخليت مبايلي هزاز ثواني وصار الرسائل تركع ع راسي اسمع الهزه وفرحت لان حركته حرك هههه
اريد افتح بس كابرت خلي مع سلامه ..
بس ماكدريت فتحت شفت كاتب..
ترحين مو والله اذا ترحين اكسر راسج لا تفكرين تروحين ردي وين وليتي
والله اذا مارديتي اكسر راسج ترا تفكيرج كله غلط ..
وين وليتي والله انعل الساعه السودة
قريتهن ومارديت شويه واجه ..
هو وندى .. اني كاعده ع اعصابي
وكلت ..
حنين.. عمه اليوم اروح تجين وياي لو لا ..
رنا...وين تروحين ضلي شعندج
هو باوع علي وخزرني واني دنكت راسي و كلت ..
حنين...ابوي خابر وكال ارجعي
رنا....هااا والله ماكدر عمج باجر يرجع
تقصد ع رجلها ..
باوعت علي مبين ضايج ..
ندى شويه وراحت وهو هم
اووووف يربي ..
صارت بال 4 حضرت ملابسي وعمتي نطتني حلويات و15 الف ..
وكالت خومه ابوج عرف كتلها لا ..
كالت خوش ..
عاد كالت خلي اكول لمحمد يوصلج ..
راحت بقيت كاعده اووف يربي هم
نكعد وحدنه شويه وصاحتني رحنه اني وياها عليهم شفت ندى هم لابسها عباتها وماخذه جنطه زغيره صعدت فوك مدري شتنزل وهمست لعمتي
حنين...اشو تصعد فوك هي مو حامل مو مايصير
وعمتي كالت ..
رنا....هه لا بنيتي مو حامل طلعت خطيه طلعت عدها تتخربط خطيه واخذت ادويه منضمه وشوي صاير عدها ضعف
حنين تفأجت كلش واني عبالي حامل ..
كل هل وقت خطيه الله يرزقهم ..
اشوفها دائما تباوع ع البنات خطيه تتمنى بنيه الله يرزقها بنوته حلوة تشبها دعيت الها من كل قلبي الله يرزقها بنوته
نزلت ومحمد صعد ضايج فتحت الباب الجبير اني وندى طلع السياره وصعدنه ثنينه وره وعمر كعد بالصدر ..
يتبع....
وهذا بارت مفأجئ لاحلى نجوووم☆☆☆💜💜💜
وحتمال باجر مانزل لان اليوم نزلت وماخذت ستراحه😓
وغلسو لان بدون مراجعه كتبته بسرعه لخاطركم💜💜
الى القاء نجومي☆💜