البارت 28
#وكيف_لااكون
#دلال_عبد
حميد :- اي والله هو كلفني وبلغني لحتى اتوسط اله هو من يوم الي شافها وياج وهو حبها ودخلت كلبه وعقله وهو بعد تعرفي ميتفوت
صفاء هذا من كل عقله يحجي شنو عجبته شنو يريدها اني ماازوج بنتي الواحد مثله وحتلو اني اقبل بنتي مامككن توافق عليه ..
_ لالا تخافي البنيه تريده انتي بس اطلعي منهه
_ هو شنو اطلع منه هي شمفهمها هاي وبعدين هذا
دا يريد ينتقم مني ما انسى ذاك اليوم الي اجاني يتواعدلي بالانتقام
((العوده بالذكره ))
صفاء فتحت السياره ودا ترجع للبيت الساعه 12ونص الظهر بهاي الاثناء تقدمله علاء هو لابس اسود وعيونه حمر شعره مخربط
_ مرتاحه احبابج يمج مووو ، متونسه صفاء الرازي
_انت شتريد مني وشكو جاي هنا ؟
_اجيت بس لحتى اكولج والله والي اسمه الله مرح اعوفج ترتاحين ومثل ماحترك كلبي ع امي رح احرك كلبج ع بناتج واني وياج والزمن طويل
_ انت انسان فاشل مدا تعترف بغلطك ، وهاي نتيجه تمردك وانت دفعت ثمن اخطأك فا لاذب الملامه ع غيرك
_ انت السبب والله انت السبب لو مجاي وحاجيتهله جان قبلت اتسوي عمليه وجان هسه عايشه وماعفتني الوحدي
_ بله لاصيح هاي اولا وثانيا مستاهل كل الي ديصير بيك متعجرف
_ وروحه لأمي لدفعج الثمن غالي واذكرج بهاي كلامتج
حميد :- والله بعد انت اعرف بمصلحه بناتج بس ترا الظابط علاء ميتفوت ...
_قاطعته لالالا يتفوت ومايفيدنه ابد هذا يريد يصفي وياي حسابات يروح يأذيها البنتي هذا كوله تمثيل جاي يتمسكن يمك لحتى ينفذ الي اباله ...
______________________________________
كوفي*****
ميس :- اي عمو الظابط كولي شنو الموضوع المهم
علاء :- لحظه خلي اطلبج شي شنو تحبين تشربين
_ جاي
_بس !!
_ بس
_طيب مثل ماتحبي ، كابتن ثنين جاي
_ اي تفضل عمو
_ كم مره اكولج لادكوليلي عمو
_ليش خالي احلى لعد
_يعني لو عمو لو خالو ترا ماكو فرق ابينه انتي صح ناعمه بس هم عمرج مو صغير تمام لو مو تمام
_ لا والله شنو حظرتك نسيت انت مواليد 77
_ يي صحيح بس مامبين علي
_اي من هذا الشيب الواكع صبغه وضحكت
_ بنزعاج عاقد حواجبه ، يعني شلون ميس سبحانه الميكبر وميشيب يعني هسه انتي مايجي اليوم الي تكبرين بي
_ ترا دا اشاقه ماكو داعي تضوج
_ لا شلون ..... (وصل الشاي ) شكراً ، رجع اندار عليها يعني ترديني مااضوج وانتي من اول مكعدتي بديتيها بعمو هاي بدل مدكولي حبيبي حياتي .
_ضحكت لاواااااااااالله
_اي والله شكو بيه لعد شنو مو بعينج لو تلكين احسن مني اشو هيبه تسطر زلمه مشوربه توكف استاعد كدامي اكثر من هيج شتردين
_ تريد.الصدوك بس بدون زعل
_ اي تفضلي
_ ا لي اعرفه يعني نو كل ظابط او شرطي او بالجيش
_يكون متعدد العلاقات
_شلون يعني مفتهمت عليج وضحي اكثر
_يعني يطلع ابوو بنات ومكبل وي الدنيا كوله لذا خلينه اصحاب احسن الي والك
_اولاً اني اقسم بالله وروحه الامي غيرج حالياً ماعرف صح اني ماانكر قبل كنت اعرفه كووومه بنات بس والله من عرفتج اتخليت عنهم وحتى لاتطلع وي وحده ولا اوح الوحده
_ بعصبيه ، وشنو حظرتك اطب وتطلع وي بنات وكول فدمره ابات وياهن
_ اني ماكذب عليج قبل اي اطلع واسهر ماكو شي يمنعني من اي بنيه ، بس هسه لا ابد ختلف الوضع حبيتج وحبج غناني عن كل
_غناني مال غاز يمعوووود
_ ميس خلينه بالمفيد رجأءاً
_ هسه شنو الي تريده مني
_ لزم ايدها وعينه بعيونها :- الي اريده تحسين بيه
_ منو كلك ماحاسه بيك
_لعد ليش مطنشتني
_ مادري احس اني وانت مو مناسبين لبعض
_ غمض عيونه وجر حسره :- ليش يعني لهدرجه الكم.سنه ابينه فرقت عندج
_ لا بس اني ...
_بس انتي شنو ترا والله احبج ونيتي شريفه وياج وجايكم من الباب واني اليون كلفت واحد بخطبج من امج
ميس تحاول تخفي بسمتها ، ش ... ش... شنوو
_يعني رح اصيري مرتي ورح تصيري رياليه وتنسين شي اسمه برشلونه
_ شنو شنوو شنووو ... لاحبيبي تحلم اعوف اغير برشلونيه لنخاع وحتى جهالي هم خليهم يشجعون برشلونه
_ لالا ماكو هيج انتي برشلونه نكول ميخالف بعد عقل مره بس مال الجهال تخليهم يصيرون مثلج لا هاي الي ماقبل بيه ابد
_ والله عاد هذا الموجود يعجبك اهلا وسهلا ميعجبك الله وياك
_الجهال مالج علاقه بيهم هم شنو يعجبهم يشجعون
ماتفرضين رئيج عليهم
_ اي وانت هم لا تكعد ترغبهم بريال ومدري شنو
_ ضحك خرب احنا والله فارغين كاعدين نخطط الجهال واني بوسه مامحصل
_ احم احم ترا دا نطش ولم هاي مو معناها اني موافقه
_ اخذي وقتج وفكري واني مرح اضغط عليج بس خلي ابالج اذا متردين نرتبط اني ماابقى هنا
_ لعد وين تروح
_ اسافر اهج المن باقي اني عندي عمي باليونان صار كم مره يكولي تعال هنا وشتغل وياي شعندك باقي اشو ماعندك احد والحجي ابينه اني علمودج باقي والله بس ترفضين كبل اروح اقدم السيفي انو اني مهدد وعمي مناك يرتبها واخلص اقامه وشغل
_ليش احس راغب لسفر اكثر ، وعرضك هذا من وره خشمك
_ضحك ترا اني دا ابلغج في حال رفضتي عرضي مو معناها اني ماهاوي ازوج اصلا ...(سكت اشوي وعض شفته ) ميت على زواج منج
_ من التوتر بقت تكح
_اسم الله اسم الله هاي شبيج ختنكتي وجهج صار احمر ضحك لك مو فديت اليخجل
_ كافي علاء والله حتى صخنت يلا رح اروح باي
_ضحك خلاص خلاص اكعدي
_ لا حروح تأخرت اصلا
_ماشي اني اوصلج ...
(طلعت كدامه ميس وهو حاسب وطلع وراها هو مبتسم والفرحه باينه عليه )
لحظه لحظه اني افتحلج الباب (فتح الباب وانتظرها تكعد وسده )
_ شنو انت اليوم صاير روميو
_ مو بس اليوم اصيرلج عمر اعيش بحب ورمانسيه وشنو ابالج يصر
_ واذا غدرت بيه
_ الله ياخذني قبل لا افكر بهيج شي
_ اسم الله عليك لاتحجي هيج
_شنو تخافي عليه
_ هااا لاااااا بس ماحلو واحد يدعي على روحه (تحاول تغير الموضوع ) اااا .. ااااا ماعندك شي شغله
_ اي ليش لا اشغلج .... امممم شنو تحبي تسمعي
_مادري بالي يعجبك
_ اني بس مو تضحكي علي اني احب حاتم العراقي
رح اشغل هاي الاغنيه كل مسمعيها ذكريني بيه
غنيه واحد يحب واحد
ميس اول مره اكعد واحس بنفسي مو اني احساس حلو لمن اتحس بشخص يحبك ويحاول يقدملك اي شي يسعدك اول مره احس بحساس الحب بس كولش خايفه علاء واحد صاحب علاقات وسهرات وحيل خايفه لا يقبى مثل قبل مع انو هو اكدلي حاليا ماعند اي شي بس يبقى الشك ميروح .....
______________________________________
بيت هشام
اساور :- عمه يعني شسويله معقوله هذا طبعه بالبيت هم هيج ..
ام هشام :- اي صدكيني هو ميحب يحجي هواي وهاي الايام سوده عليه علمود مستعجل على زواجه يتعب هواي
_مادري عمه احسه ميحبني ومجبور عليه ...
_ياااا ليش هو اكو رجال بهالوكت ينجبر انتي صبري عليه وتحملي حاولي انتي تتقربين منه حببي بيج شبيج يحظي اني اعلمج صيري مثل بنات هالوكت يوكعن اكبر رجال بضحكتهن بدلعهن
_عمه هشام يختلف هو مينطيني مجال احجي ويا ولاحتى يجي يمنا ولانطلع بعد شلون اوكعه مدكوليلي شلون
_ هسه هو شوي ويجيب اخته ويجي انتي صعدي فوك.سوي نفسج نايمه ومن يجي انتي وشطارتج شوفي شلون توكعي
_واذا كلي شعندج هنا شكو نايمه بغرفتي
_ لاميكولج لان هاي هم غرفتج مو بس غرفته لاتخافين مايحجي واذا كال شي كوله عمتي كالت نامي هناك اريد اشغل المكسه الكهربائيه وصوه عالي وسوي روحج راسج يوجعج ومريضه صيري شاطره .....
______________________________________
اماني قبل لاينتهي الدوام اجه علي يوصلني اتفقت ويا هو ياخذني ويرجعني ايمان دكول مالحك فاعلي هو الي طلب مني يتكفل بمشاويري
علي :- ها اليوم ضاربت الدوام وكاعدات هنا
اماني :- هلاو علي اي والله تعبانه وجوعانه اجيت هنا ارتاح عفت المحاظره وكعدت
_ انتي فرح ليش ....
_ ضحكت اني نفس الاسباب يلا عن اذنكم اخويه على جيه باي نلتقي باجر ان شاءالله (اخذت جنطتها وكتبها من على الطاوله وراحت )
اماني الله معاج حبي ،اندرت على علي يلا خلينه انروح
علي :- يلا ماعندي شي امشي
_ اكول علي انت وين هالايام وين دا تروح شومختفي واحسك متغير
_ هااا لا بس اكو شغله دا اشتغل عليه
_وشنو هاي الشغله
_يعني اكو ناس كنت حاب اتعرف عليهم من قرب وبالفعل دا اتقربلهم واجمع معلومات عنهم
_ ومنو هاي الناس
_ بعدين تعرفين ، اكول مو ذاك اخوها الفرح
_ اماني غمض عيوني اخذت نفس حاولت اهدء نفسي وبقى مثل مااني مااريد يشوفني ضعيفه بقيت امشي ومالتفت عليه وجهي على جهه علي :- هااا اي لا شعلينه بي
_لا خلينه نروح انسلم عليه عيب من فرح
لزمته من ايده :- لاعلي حباب خلينه انروح للبيت عوفه
علي ضحك وجرها من ايدها ويمشي كدامها وكأنو ديمشي طفله :- امشي نسلم ونروح قبل شكد رح ياخذ من عدنه وقت
هشام واكف يم السياره يدخن وعينه على اماني
فرح :- ها عينك وين
_هاي متستحي تشاقه وي هذا الاغبر بن خالته
_ شعلينه بيه بكيفها
_شنو شعلينه باجر اتحاجيه كوليله هاي السخافه خلي تبطلها وتمشي عدل بشارع
_ ماشي هسه شلون نروح لا
_ لا منروح هاي جايه علينه خلي اشوفه شيردون من عدنه
_اي اي صحوح نشوفها شتريد.من عدنه
علي اسلام عليكم
هشام يحك بخشمه :- اهلا شلونكم
علي :- اهلا بيك عزيزي شنو هم جاي تاخذ اختك
_اي مثل ماانت جاي تاخذ اختك اماني اني هم جاي اخذ اختي
اماني وهي تحاول تغثه وتقهره :- عللوش ابن خالتي مو خويه
هشام يحجي من بين اسنانه :- اهااا علوش ابن خالتج مو
علي : - ضحك ولكم فدوه رحت البنت خالتي الحلوه
اماني كرصت شفت علي :- لك انت الحلو والله يلا خلينه نروح عافتهم ورحت لسياره
علي مبتسم :- عن اذنكم السياره مقفوله وبارده خطيه تنتظر
هشام شمر الجكاره وبعصبيه :- شفتيها هاي شلون تحجي ويا بسيطه اني اربيها صعدي يلا
فرح :- هشام انت وياها مو فترقتو بعد شعليك بيها انت رجال خاطب وهي بنيه سنكل خليه تسوي الي يريحها
_ انتي اتسكتين لا ومحمد (رفع ايده وقوسها ) هيج على حلكج لا زوديها علي
_ ترا حلوه هاي والله تريد تتحكم بيها حتى من بعد مافترقتو والله عمي خوش
بسيطه اني اعلمه وهذا علي اذا ماخليته يرجع منين مااجه ماكون اني هشام بسيطه ......
اعرف هواي تأخرت عليكم والبارت قصير
تعرفو عيد وخطار وكذا
ان شاءالله باجر مثل هيج وقت اعوضكم ابارت طويل واحدث مشوقه اكثر
تحياتي الكم ❤❤