البارت 1
#وكيف_لااكون
#دلال_عبد
صفاء شنو هاي الهوسه شنو مفجوره عبوه بالبيت ((بصوت عالي وعصبيه )) :-ايماان اماااني وينكم
صفاء العمر 40 سنه ام ل 3 بنات و ولدين تؤم تشتغل بمول منفصله عن زوجها
اماني :- هاا ماما اجيتي
اماني العمر 23 شخصيه هادئه متدينه نوعآما
صفاء :- ليش هيج البيت موهس اختج وين
_ ماما احجي وي ولدج الميستحون استغلو غيابج اجابو جماعتهم ويشربون بالبيت
ايمان :- هلا هلا وخيرا وصلت ام البيت بعد وكت جان بقيتي بعد فديومين اكثر
ايمان العمر 24عكس اماني متحرره ولسانه طويل ماعندها احترام الحد
صفاء :- ا احترمي نفسج وكلمه مااريد اسمع منج انتي متحاسبيني اني وين جنت مثلا
يعني اني اشتغل واتعب حتى اصرف عليكم تتلاكيني بهذا السانج اشطوله ..
ايمان :- قصدج اصرفين على ولدج مو علينه احنه (تأشر على اماني وعلى نفسها ) وبعدين ياشغل هذا الي يخليج كل وقتج بره البيت بس العتب مو عليج على ولدج العارات الي عايفين امهم تسرح وتمرح بكيفها ومحد يكوله وين رايحه و وين جنتي
صفاء بمجرد ماسمعت كلام ايمان تقربت منه صفعتها كف
عافتها وصعدت الغرفتها اندرت على اماني
نظفي هاي الهوسه واحجي وي اختج خليها تتعلم الأدب اني لحد.هاي الحظه امطوله خلك وياها اذا يبقى لسانه هشكل فتلحك ابوها ....
اماني :- ميصير تحجين هيج هاي ماما مو اي واحد غصب عنج وعني نحترمها حتلو جانت هي على غلط ميصير نتعدى حدودنه..
ايمان خاله ايدها على خدها الي نظربت عليه :- اماني اني مو مثلج غبيه ومافتهم ماما تصرفاتها متعجبني عبالك وحده كح...
اماني فاتحه عيونه بعصبيه :- ايمان لزمي السانج وبلا كلام فاضي لاتجاوزين وحترمي نفسج ماما خلصت عمرها تشتغل وهذا شغلهه وموعيب
مو من الاصول نتهما هيج أتهام اصحي هاي امج موو حي الله وحده لحتى ماخذ راحتج وياها خافي الله بيها
ايمان ((العوده بالذكره))
ميس بفزع ولونه مخطوف : لج ايمان لحكي مصيبه
((ميس تؤم ايمان شخصيه كوميديه مخلصتها ضحك وتحشيش تعشق كره القدم وعشقها الاول ولاخير برشلونه لدرجه استايله رياضي لقبها مسي))
ايمان متمده على قنفه ورجليها على طاوله هتفون باذنه :- همممم شكو شبيج فززتني
- ماعرف منين ابدي هسه ش ..ش...
ايمان وخرت الهتفوت من اذنه وعدلت كعدتها :- شبيك مسي وجهج اصفر صاير شي شكووو
- ا .. ا .... مووووو ...ا ..ا
ايمان بنفاذ صبر :- ميس تحجين لو شنو ترا عصبتيني شبيج متحجين شنو صار
ميس :- اششش صوتج لحد يسمعج
ايمان سمعت ماما تحجي بالتلفون وي واحد
- وشنو يعني اكيد وي تاجر لو واحد من عماله
- اني هم بالاول كولت هيج بس من تقربت يم الباب لكيته مفتوح شوي شفتها فاتحه كامره
وبملابس النوم هي .....
ايمان :- اماني مالومج من تحجين هيج حقج لان متعرفين الي اني اعرفه
((عافتها وراحت متوجهه للغرفتهم))
اماني لزمت اديها :- لحظه ايمان شنو قصدج شنو الي تعرفي عن ماما
ايمان :- بعدج صغيره على هالمواضيع روحي شيلي زبالت اخواتج ورتبي البيت لاتكعد امج اسويلج عرس
ميس ((كاعده وكالعاد متابعه مبارات مندمجه وياهم )):- خرب انه دشوت انطيها يااغبر يابن الغبر مو هذا صعدلك ويأشرب خرب شرفك اذا عندك شرف ولج ايمان شفتي شلون ضاع كول علينه خرب خلص الشوط الاول ونتيجه صفر صفر
ايمان :- شو دسكتي عني انت الثانيه وهذا تلفزيون نصي لا هسه اركعه براسج والله
ميس لزمت راسها :- لا لا كولشي ولاراسي لايروح يطير يمعوده شلون اطلع امشي بدون راس شتكول عليه العالم وين عايفه راسها وطالعه شكلهم كسرته اختي
يمان بعصبيه :- كافي لاصيرين تافهه ترا روحي واصله الهنا ((وتأشر على خشمها ))
ميس :- ديربالج لاتعطسين وتطفر عليه هههههههههههههههههاي
ايمان وهي اتبجي :- طلعي بره اني اعصابي تلفانه وانتي تتمضحكين طلعي عني .
ميس فتحت عيونه ومستغربه لتتحول ملامح الضحك الى حزن واستغراب :- اسفه اسفه تؤمي مو قصدي اضوجج والله
يمان كعدت على طرف الجربايه وتمسح بدموعها
طفي التلفوزيون خليني انام
_ تنامين شنو دحجيلي شبيج عليمن تبجين رجلج مات لو اتشلل
_ امج ضربتني
_ شنوو شوكت وليش ضربتج وعلى شنو تضربج شمسويه
_ ضربتني لان حجيت حجايه الحق ماقبلت عليه عباله من تظربني رح اسكت لو تتغير نظرتي الها
_ ليش شحجيتي وياها لايكون فتحتي وياها موضوع الاتصال الي شفته
_ لابس كوتله ليش تتأخرين برا مالحكت احجي هي سبقتني ضربتني مدري حست عليه مدري ضربتني علمود حجيت على ولدها لان كتله العتب على ولدج عايفيج هيج
_ لا ايمان موهيج الحجي
ولدها اخوانه ذوله هاي اولا
وثانيآ هاي ماما
وثالثآ انتي مو من حقج تحاسبين ماما هي موصغيره
تعرف الصح من الخطأ شعليج بيه عوفيه شسويله مدام مضارتنه بشي خليه براحتها*
_ انتي من كل عقلج تحجين شلون مضارتنه
نسيتي شكد اعمارنا واحنه حمضنه بالبيت اكيد من وره عمايل امج ولا حيوان يجي تقدملنه مو بس بسبب امج لا حتى اخوانج الله يعلم وين مخلصيها منشوفهم بس بالصدفه تلكين سمعتنه بالطين
_لاااا سويها فدمره وبعدين كولشي قسمه ونصيب بعدهي قسمتنه مجايه لانذب الصوج على ماما وخواني
_يمعوده خلي يفيدج هالحجي الي بعمارنه عدهن جهال هاي بنات عمج وبنات خالج خالتج
اكو وحده ابعمرنه مامزوجه
_ شمدريني يمعوده وبعدين شتردينه انسوي هي كلمن وحظها
_اني رح اروح لبابا اعيش يمه وخليج انتي هنا وي امج واخوتج
_شنو شنو ترحين العد لعدنان ليش نسيتي عافنه واحنه جهال وطلك ماما ومسأل عنه هسه تردين ترحيله ومعترف بي اب هذا حرام يتسما بابا
_ والله عمي حقه يطلك امج اذا هو عاش وياها اربع سنوات خلفت خمسه حقه شرد بريشاته
يمكن اذا باقي وياها بعد سنتين اتسوينه درزن
ليث :- الووو ها يوم لحكيني اني متوقف بالمركز يردون يسجنوني
ليث العمر 22سنه تارك الدراسه ومخلصه طلعات وسفرات وي اصدقائه هو واخو التؤم امير
صفاء :- عزه العزاني ولك شمسوي حتى يسجونك
_ يوم والله مامسوي شي فدوه اروحلج تعاي طلعيني ماريد ابقى هنا تعاي لحكيني تعاي
الظابط :- ديلا فضني لاتتبجبج جنك مره سده وكافي يلاااا
صفاء :- يمه ابني سوده عليه واين بيا مركز انت واخوك وين ماخذيكم ليش ياخذوهم الله لايوفقهم شمسوين هالفقره يتبلون عليهم اي اي اني متأكده ولدي فقره مو مال مركز وشرطه يمممممممممه سوده عليه
ليث :- اني بمركز ****** وامير فلت بس اني لزموني يلا فدوه تعاي رح فصل الظابط مايقبل
((نتهى الاتصال ))
صفاء فاتحه الكنتور دا طلع ملابس :- الله يلعن هالحظ المصخم سوده عليه وليدي رح يحبسو وي المجرمين يمه وين يكدر هذا هسه يصير بي شي..
بدلت وراحت لغرفة البنات تركض فتحت الباب بقوه وبسرعه دخلت والبنات متمددات كل وحده على سريرها وبايدهن تلفونه بس ايمان مغطيه راسها نايمه
ولجن لحكني ليث رح يسجنو
اماني :- هاااااا
ميس :- عزه ليش شمسوي
ايمان من جوه الحاف :- اي حيل كون مؤبد
صفاء :- الله لايكوله ليش تحجين على اخوج ربحي بيج اذا انسجن بمكان ماتدعيله دكومين ترحين وياي نطلعه عود هاي انتي اختهم الجبيره
اماني :- خلاص ماما اهدئي هسه اخابر فرح وخلي اخوها هشام محامي يجي يروح نلحكه
صفاء :- اي اي عفيه بسرعه بسرعه خابري ماعندج رقمه خابري عليه هو
ايمان :- تهي بهي دكله ماعندج رقمه لا هواي مطورين وصالين مرحله
ميس :- ولج ايمان سدي حلكج لاتجيج توصلج للمرحله لاخيره من حياتج
اماني :- لا لحظه اسكتو دا يرن بلكي اجاوب هااا الووو
فرح :- الو حبي خير خو ماكو شي
اماني :- اسفه اتصلت بوقت متأخر
صفاء :- هسه وكت اسف يحظي دكوليله خلي يجي اخوها بسرعه يلاا
ايمان :- يومه يومه كاتله روحه هاي لو احنه
جان كالت يطبهن مرض
اماني بعدت التلفون عنه :- اي اي لحظه ماما انطيني مجال ؛ عفيه فرح اخوج هشام موجود
خلي يجي علينه اخويه ليث ماخذته الشرطه ومندري على شنو
فرح :- يا خطيه شوكت ماخذي
_والله مدري شوكت بس هو هسه خابر من المركز وكالنه
_ اهاااا ان شاءالله ماكووشي هسه هسه رح اكعده وخلي يجي عليكم
اماني :- اي فدوه بسرعه رح ننتظره بالشارع
((نهت الاتصال ))
صفاء :- ها رح يجي مو
اماني - : اي رح تكعده وبلكي يجي
ايمان : وبنج ذاك ماشفتي وين ماوين ماخبرتي
شوفي بيامصيبه هم واكع
صفاء :- ايمان احجي عدل وحترمي نفسج ذوله خوتج مو عدونج ماشايفه هيج اخت مايحن كلبه على خوته
اماني :- هسه خلينه انروح رح يجي الولد يبقى منتظر تكملن عرك شلون بله ..
ايمان :- اي اي رحوله بسرعه وطفو الضوء خلوني اكمل نومتي
صفاء واكفه تصفك بأديها :- ولج انتي ماعندج كلب ولو عليمن طالعه على ابيج عدنان الي عافكم عاله عليه وراح ولاسأل ولاكال عايشين ميتين
ايمان :- اي على عدنان ولا على غيره يلا هسه نصو صوتكم خلوني انطمر
صفاء :- اللهم طولج ياروح حايره بالنوم امشي اكعدي روحي وياي انتي مو اختهم ؟
ايمان :- لا اني مو اختهم يلا خلوني انام !
اماني :- ماما مواني راح اروح عوفي ايمان ماله خلك مصخنه
صفاء :- لا والله كولشي مابيها بس خبيثه تكره اخوته لان احسن منها ..
ايمان وخرت الحاف وكعدت شعرها مهوس وعيونه حمر : وتاااااالي شلون اني ابتليت ابولدج خو مو ابتليت ترحين وترجعين تتعاركين وياي لاتخليني اعوفلج المهجوم واطلع مطلعت عيشه هاي ..
صفاء :- ولج ام السان انتي هذا السانج ماتلزمي مابيج خير لانفع ولا دفع بس والسان و اكل ونوم مخلصتها
ميس وكفت على جربايه : ياكماعه صلو على نبي
وهدئو الولد رح ينحكم مؤبد وانتن تتعاركن عبالك شرايج
ايمان رجعت نامت وغطت راسها : هنياالك يعدنان رحت وخلصت
اماني :- ماما اسمع صوت هورن سياره يمكن هشام وصل
ميس :- وشلون عرفتي هورن هشام اخذتيله سونار لو كشفتي عليه
اماني :- لا بس اعرفه لان مرات هو يوصلنه لجامعه
صفاء :- امشي لعد روحي وياي انتي مدام تعرفي
ايمان :- استغفرالله يامحمد مو يطلعن حتى نام
ميس :- نامي نامت عليج وصله من الكاع
صفاء :- يلايلا لعد امشي امشي بسرعه
اماني :- ماما دقيقه خلي اغير ملابسي خو مو اطلع هيج
صفاء : مابيهن شي مابيهن يلايلا خلينه انروح خطيه اخوج مناك
هشام الشعر مكفش وعيونه ذبلانه اثر النعاس
صفاء :- مساء الخير
هشام :- مساء النور تفضلي خاله اصعدي
اماني :- السلام عليكم
هشام رفع حاجبه باوعله صفح :- اهلا
اماني :- عمه حتى عمه ماعاجبه الوضع شلون يباوع امداني من دزيت عليه مان علينه صخونه
صفاء كعدت يمه :- فدوه خاله اخذنه المركز ***** بس استعجل ليوثي خابرني يبجي سوده عليه
هشام : - ماكلج ليش ماخذي شنو صاير من يامكان ماخذي
صفاء :- والله مادري مافتهمت شي منه الظابط يمه اسمعه كله بسرعه سد الخط هو بس كلي اخذوني واني ممسوي شي امير انهزم بس ليث لازمي على شنو مادري
هشام :- سهله سهله ان شاءالله بس انتي خاله شويه ظغطي عليهم راقبيهم ميصير تعوفيهم هيج
صفاء :- لا اني ولدي ثاقه بيهم وميسون الغلط هم وين يرحون بس يم جماعتهم واعرفهم نفر نفر
دقائق معدوده وصلو للمركز الشرطه
هشام :- يلا خاله هذا المركز وصلنه
صفاء :- يمه سوده عليه ليوثي جايبيك لهنا وي المجرمين
اماني :- ماما اهدئي ان شاءالله قضيته سهله ونطلعه هسه ويانه
هشام باوعله هز ايده ومشى كدامهم
اماني خرب هذا شبي والله نرفزني وحركاته حيل مستفزه يلعن يومي اذا اكوله على شي بعد
دخلنه للمركز رحنه لمكتب الظابط دخلت اني وماما وهذا المعاجبه الوضع هشام
هشام :- اسلام عليكم اني المحامي هشام ناصر الدين
الظابط عينه على صفاء واماني وبصوت ناصي :- يااهلآ وسهلا تفضلو تفضلو بشنو اخدمكم ...
يتبع ...
لاتنسو تتفاعلوو ❤❤