الحلقة 28 من رواية #عيلة #ليبية #مختلفة
#لايك
+
#كومنت
.
#قراءة_ممتعة
ليان\\استنى مش جيلاطي بس
علاء\\امالا شنو
ليان\\امممم نبي قلنا جيلاطي باهي و نبي شيكولاتة كندر و نيوتيلا اممممم وخاطري في كابتشينو اممممم بس
علاء\\بس
ليان\\بس
علاء\\اااه امري لي الله حاضر نمشي نجيبلك وانجي شن درتي غداء
ليان\\بطاطة مقلية و ارز بلاو وطاجين وبازيليا اي حقا جيب مشروب
علاء\\به
الرجل "تاج "على رأس المرأة ،
والتاج لا تحمله إلا "الملكة" ،
ضعها "ملكة" على قلبك ،
تضعك "تاج" على رأسها !
امشي علاء يشري وهوا مروح لقي رامي مقعمز قدام حوشهم ومهموم جي قعمز جنبه
علاء\\خير ياطير وين اتفكر
رامي\\اااا اه نعم
علاء\\خيرك
رامي\\شي مضايق ومستاحش
علاء\\استاحشتها؟
رامي\\اااااااه وهلباااااااااااااا
علاء\\خلاص انسا لازم تعيش حياتك
رامي\\زعمك لو قلت لي امي تخطبلي تتغير حياتي لي الاحسن ولا الاسوء
علاء\\مش عارف انت وحظك مرات البنت تطلع كويسة واتخليك اتحبها ومرات لا انت خيرك أية صاحبة لبابة قنينة ومشاءالله عليها عيلتها يعني علم وزين وعيلة
رامي\\زعمااا
علاء\\خيرتك فيها توكل عل ربي وشوف
رامي\\ان شاءالله
علاء\\هي نخشو
رامي\\هي
خشو رامي خش لي داره و علاء خش لي حوشه
ليان\\عطلت
علاء\\ماهو كنت نهدرز على رامي
ليان\\خيره حقا الايام هدي مش عاجبني
علاء\\مهموم بس اقنعته انه يتزوج وقال باهي
ليان\\ومن هيا
علاء\\أية صاحبة لبابة
ليان\\امممم ايه مشاءالله عليها عاقلة وقنينة و عيلتها مشاءالله معروفة وتحب تقرا
علاء\\باهي ان شاءالله تكون من نصيبه
ليان\\آميــــــــن
علاء\\هي قعمزي وانتي تتكركبي
ليان\\ياااااااارب جيب طولة البال والله مزال تقولها نزعل ره
علاء\\هههههـ به خلاص
وقعدو يتغدو وعلاء مرة مرة يناشب فيها وهيا تتعصب منه
_____________
عند لبابة في لندن
لبابة\\حبيبي
مراد\\ياعيون حبيبك
لبابة\\نبي نطلع كسدة
مراد\\باهي بعدين شوية والله تعبان امس مشينا هلبا شن انتي ماتتعبيش شكلك
لبابة\\لا نتعب بس مش زيك نتعب هلبا
مراد\\الله غالب
لبابة\\هيا هيا هيا نبي نمشي نطلعو هياااا
وقعدة تنقز ع السرير وهوا متكي يشبحلها كيف فرحانة وتترجى فيه يرفعها
لبابة\\شن عاجبك المنظر انقز تي هيا نوض
مراد\\لوحي معاش تضربي بالمخدة حارة
ظرباته مرة تانية\\ هههههه
مراد\\جنيتي ع روحك
وقعدة تجري لين خشة الحمام حشاكم وسكراته
مراد\\اطلعي
لبابة\\انلااااا عارفاتك مش حاتخليني
مراد\\اهو قاعد قدام الباب هي
لبابة\\اقعد عس
وقعدو ساكتين بعد دقائق
مراد\\مامليتيش
لبابة تكدب\\هئه لا مامليتش
مراد\\امممم باهي
لبابة\\وانت
مراد\\انييييي لالا عادي عاجبتني التقعميزة
لبابة\\هففففف
مراد\\قلتي حاجة
لبابة\\لا سلامتك
وقعدوساكتين ساعة لبابة معاش سمعة صوت فتحة الباب لقة مراد مداير كرسي ومقعمز متكي عليه وراقد (طبعا مش راقد كان دايرهالها خدعة) لبابة\\اااااه الحمدالله
ابدت تمشي بالشوية باش تحول من بحداه وادا بي يدين شدوها
مراد\\شدييييييييتك ههههههه
لبابة\\ااااااا
مراد\\اصصص
لبابة\\باش راقد
مراد\\لاله هههههه
لبابة\\باهي وراص حبيبي وراصك نطلعو قلقة
مراد\\ <3 <3 <3
لبابة\\لا مش توا هيا نطلعو
مراد\\بس مستاحشك اني
لبابة\\هئه مش توا
مراد\\ باه هي وتي روحك
لبابة\\يييييييسسسسس
لبابة:
(لبسة اسكليزا كحلة وفوقها سورية طوووويلة لونها مشماشي هافت ووشاح وسبيدرو وبخت بارفانها وساعة)
مراد:
(لبس شرط ازرق وفوقها تيشرت سماوي فاتح وسبيدرو ازرق ف الرصاصي وساعة زرقاء وبخ بارفانه)
مراد\\اممممم حبيبتي مش كان تلبسي لبسة تانية خير
لبابة\\اممممم حبيبي مش كان تخليني الايام هدي بس في شهر العسل هوا بس ونوعدك نلبس عباية لما نروحو تمام
مراد\\باهي هي اطلعي
لبابة\\امووواه انحبك
مراد\\نموت فيك
طلعو شادين في يدين بعضهم وابدو يتجولو في لندن
___________________
عند أسيل
أسيل\\حبيبي نزار عادي نمشي ي حوش جيرانة ولدهم امدايرينله عزمة تخرجه
نزار\\امممممممم باهي بري غيري جو
أسيل\\يسسسس انحببببببببببك
نزار\\هههههههه ان شاءالله ديمة فرحانة انموت فيك
أسيل\\باهي توا بالنسكر حبيبي باش انبدل
نزار\\اسمعي
أسيل\\عيوني
نزار\\ماديريش لبز اهو قتلك
أسيل\\باه حاضر
نزار\\والبسي عباية
أسيل\\باهي حاضر
نزار\\وبري من حوشكم لي حوش جيرانك بالسيارة
أسيل\\هههه باهي حاضر
نزار\\اممممم و انحبك
أسيل\\هههه انموت فيك هي باي
نزار\\باي
الحب العميق جداً يأتي بلا ترتيب مسبق♥ ويبدأمن صدفة تحمل الاقدار كلهآ
ناضت أسيل تلبس واتكم
لبسة (سروال جينز وتيشرة نص كم رصاصي فيه رسمة ميكي وفوقها مالية ازرق كحلي و سبيدرو ازرق وشنطة ازرق كحلي ووشاح رصاصي وبخت بارفانها ولبسة فوقها عباية )
اما رواند:
لبسة(سروال سماوي وفوقها بدي ابيض ومعاها دجاكة بيضة موردة بالورد سماوي و برتقالي وكندرة كعب لونها فستكي وشنطة قهوي هاااافت وحديدة سماوية و ساعة برتقالية ووشاح قهوي على لون الشنطةولبسة عباية )
اما شهد:
لبسة(قفطان قصير قماشه زي البدي كمامه طوال بيج داكن شوي وشخشير كامل اسود و وبوط مش طويل ومش قصير بيج هافت واكسسوارات ولبسة عباية وطلقة شعرها )طبعا هي مش متحجبة
اما مروة:
لبسة(قونة شيفون بيج هااااافت وفوقها سوري بيضة تحت القونة طبعا وسنسلة ذهب وحديدة ذهب و ساعة ذهبية وكعب رصاصي ووشاح بيج وشنطة كحلة بس )
نرجعو لي قصتنا ههههههـ
أسيل\\ماما كيف طلعة
نورس\\حلووووة خلاص هيا اني واتية
أسيل\\حنينة واتية؟
ح فاطمة\\ايه من بكري هي
عند رواند
رواند\\خالتي خديجة هيا ابتمشي وله
خديجة\\اي شن رايك
رواند\\تهبلي
خديجة\\تسلمي حبيبتي هي نلبس عبايتي بس
رواند\\اوك...شهددد هي واتييية
شهد\\ايه
رواند\\حي على امك اتهبلي
شهد\\حويتة عليا
رواند\\شايفة روحك
شهد\\خرفي لا غدوا الصبح مش حانرد
رواند\\اوووفف مروووة هيااااا
مروة\\اهو طالعة اني
رواند\\ماكش لابسة عباية
مروة\\لا مش محتاجة عباية
رواند\\به هيا
خديجة\\هيا بنيياتي
طلعو كلهم مشو ع رجليهم للحوش لانه قريب اما أسيل مشو بالسيارة
وصلو ونزلو وخشو مع بعضهم
نحو عباياتهم وسلمو وقعمزو
أسيل\\رواند انحس فيك مرتبكة هلبا
رواند\\اه اني
أسيل\\ايه
رواند\\تبي الحق ايه
أسيل\\اتحبيه
رواند\\مسرع اليوم شفته بس
أسيل\\حب من اول نظرة
رواند\\لاااا من تاني نظرة
أسيل\\ههههههههههههـ
شهد\\شن تقولو
أسيل\\عاد خليك انتي التانية منين الطرحات
شهد\\ههههه جابهالي ضياء
أسيل\\ربي يحفظهولك
مروة\\أسيل خيرك لابسة عباية لبستك عادية
أسيل\\اوامر السي السيد
البنات\\هههههههههههههـ
ام مالك\\كيف حالكم يابنياتي
رواند\\احم الحمدالله كيف حالك خالتي
ام مالك\\الحمدالله بخير
وهدرزة بحداهم شوية وناظت هدرزة بحدا النساوين
ام مالك\\يا فاطمة قوليلي
ح فاطمة\\نعم
ام مالك\\بنيت محمد مش مخطوبة
ح فاطمة\\لا له مزال صغيرة
ام مالك\\باهي لو جيت خطبتها لي مالك تقبلو
ح فاطمة\\والله مانعرف الحق ولدك مالك مشاءالله عليه وتو نقول لي بوها
ام مالك\\خلاص امالا قولي لي بوها واسئلوها واتصلو بيا باهي
ح فاطمة\\ان شاءالله بنيتي تو نشوفه وتتصل بيك نورس
ام مالك\\باهي امالا ان شاءالله تبقى من نصيبه مشاءالله عليها
رواند\\زعمك شن يقولو
أسيل\\اتخيلي تخطب فيك ولا وحدة من خواتك
رواند\\فيا اني يااااااارب بس خواتي تفي من فمك الا ماااالك
أسيل\\احم احم قالك ماتحباش
رواند\\وااااك
أسيل\\ههههههه
رواند\\نبي نسئل حناي شن قالتلها
أسيل\\ارزني يارزيني فيك
رواند\\رازنة رازنة اهو سكتت هي
مشت أسيل وقعمزة بحد حناها
أسيل\\حناي شن جوك
ح فاطمة\\عارفاتك تقصقصي وباعتاتك المنجوهة رواند
أسيل\\لااااا اني هههههههه
ح فاطمة\\قوليلها موافقة ؟
أسيل\\ق قصدك جديااااات؟؟؟ ههههه
ح فاطمة\\ايه
أسيل\\به تواني بس
رواند\\خيرك جاية تجري
أسيل\\تي مبروووك
رواند\\بسم الله ع شنو
أسيل\\خالتي مفيدة ام مالك خطباتك
رواند\\تبصري؟
أسيل\\وحق ربي
رواند\\O.M.G مش مصددددددقة
أسيل\\ههههههه فرحتلك ياكلبة
رواند\\هههه بس اني مش حانافق
أسيل\\علاااش؟
رواند\\وقرايتي يافالحة
أسيل\\عادي خطوبة بس
رواند\\وكان يديرلي زي نزار خطيبك في الاول خطبة بس بعدين قالك عرسك الشهر هدا
أسيل\\ماهو اني مش زي انتي اني مزالي 3 سنين وانتي مزااااالك الجامعة
رواند\\يصير خير
أسيل\\انقولك صلي صلاة الاستخارة والي فيه الخير ربي يجيبه
رواند\\هوا هدا بس تعرفي فرحاااانة
أسيل\\ههههههه
____________
عند نسرين ومعتز وصهيب وسمر معاش حكية عليهم ف ابنحكيلكم من وين ماوقفة
طبعا معتز اعترفلها بي حبه
نسرين\\ممكن نمشو لي نخشو
معتز\\باهي قوليلي انتي تحبيني
نسرين\\وانت شن رايك
معتز\\رايي ايه
نسرين\\خلاص
معتز\\يعني تحبيني
نسرين\\ايه هيا نبي نمشي نخش
معتز وبكامل فرحة\\انننححححببببببكككك والله
نسرين\\تي اسكت يسمعك حد
معتز\\ههههههـ باهي..حقا قلتي سمر تدوي مع واحد
نسرين\\اه ايه مبكري شبحتها
معتز\\غريبة مش قايلتلي
نسرين\\ليش تسئل
معتز\\لانة خوك سهيب يحبها
نسرين\\جددد؟؟
معتز\\والله بس وعد ماتقوليش
نسرين\\وعددد
معتز\\امتى ابتتحجبي
نسرين\\اييي علينا حتى انت تبيني نتحجب
معتز\\ماهو فرض
نسرين\\نعرف بس مزال
معتز\\قصدك ابتقعدي هكي تمشي في الشارع وشعرك يشبحو فيه لالالا
نسرين\\وراس عزوو بالله عليك خليني
معتز\\سوسو حبيبتي نبيكش تطلعي هكي اولا حرام وتانيا نغار
نسرين اول ماقاللها حبيبتي و نغار نزلة راسها وتحشمة
معتز\\نجيها الخجولة
نسرين\\ياسر
معتز\\باهي هي شن قلتي
نسرين\\حاضر
معتز\\يعني خلاص ابتتحجبي
نسرين\\ايه بس خلي لين نطلع نشري لبس ووشاحات
معتز\\امممم باهي ههههـ
نسرين\\بس نبيك توعدني انك ماتسيبنيش
معتز\\كيف نسيبك وانتي حب حياتي
نسرين\\هههههـ
معتز\\هاتي رقمك
نسرين\\شنو كيف ؟
معتز\\عطيني رقمك قبل نبيش نقولك نحبك او نكلمك فون بس اليوم باش تصدقيني وتكفي بكاء قلتلك
نسرين\\شن قزدك يعني ننسى الي قلته انت ونفوت كل شي
معتز\\لالالا فهمتيني غلط
نسرين\\شن تبي تفهمني
معتز\\نقصد يا مهبولة يا متسرعة قبل وله مانبيش ندير معاك علاقة لين تكبري فهمتي لانك قاعدة 3 اعدادي وصغيرة ع جو العلاقات وتتسرعي زي توا قهمتيني غلط
نسرين\\اهااااا به والمطلوب
معتز\\المطلوب نبي ديمة وجهك هكي وماتخافيش حانكلمك ديمة ومستحيل نسيبك او نكلم حد غيرك وهاتي فونك نكتب الرقم
نسرين\\اها امم به هاك
معتز\\قولي تفضل
نسرين\\مش ظروري جو الرسميات بيناتنا
معتز شفشفلها شعرها\\ههههههههههههـ بجد تهبلي انتي
نسرين\\تي خيرك شعري واااك اففف
قعدة تساوي في شعرها لانه خبلهولها وهوا كتب رقمه واتصل بيه
وبعدين عطاها الفون وخدي فونه وسجل اسمها #حب_حياتي
نسرين\\شن انسميك اممممم
معتز\\ههههههـ سمي انتي اني سميتك
نسرين\\شن سميتني
معتز\\لا
نسرين\\هي هي هي بالله عليك
معتز\\هاه شوفي
نسرين\\امممم حلوووو
معتز\\انتي احلى ههههه
نسرين\\انسميه زيك
معتز\\به
نسرين\\سميتك خلاااص هي نخشو
خشو وخشة هيا بحدا البنات وقعدو يهدرزو وضحك وجو وباتو عندهم وصهيب عرف ان معتز قال لي أسيل لانة معتز قاله فالاول اضايق بعدين تغير جوه عادي وقال لي صهيب ان سمر اتحب واحد تاني
صهيب\\ومن قالك
معتز\\نسرين قالتلي
صهيب\\امممم فيها خيرة
معتز\\معقولة تقدر تنساها
صهيب\\وهيا تحب واحد تاني تبيني نخش بيناتهم ونخرب عليها
معتز\\والله لو كان نعرفه بس غريبة ماقالتليش
صهيب\\وحتى كان عرفته شن بالديرله
معتز\\نبي نعرف هوا يحبها ولا لا بس
صهيب\\وكان يحبها
معتز\\....
صهيب\\هاااا ريت اصلا اني الغالط حبيتها المفروض عرفة هيا مرتبطة او لا
معتز\\انا الغلطان ماانتي انا الي عشقتك ماعشقتي
صهيب\\ياسر بلا برادة انت التاني من قالك تعترفلها
معتز\\والله وبعدين اضيع من بين يديا
صهيب\\ماهو قتلك اختي تكبر وتزوجها
معتز\\باهي اختك تكبر متلا هي قعدة معتقدة ان اني وسمر واتنحيني من راصها وتنساني وتحب غيري لما تكبر و ونبدا اني ولا شي شنو يعني اختك ابتغصبها عليا طبعا لا فهمت ليش قلتلها
صهيب\\امممممم
معتز\\صحيبي والله كون هاني مش حانخليها تنزل ولو دمعة بسببي ونحافظ عليها ومش حانسيبها انت تعرف اني اللقطات هدي مش ليا بالله عليك خلاص صفي النية
صهيب\\صافية squint رمز تعبيري
معتز\\باهي عادي نكلمها ولا لا
صهيب\\توا لا في النهار بس اما في الليل نلقاك اتكلم فيها او هيا معادش تحلم تكلمها او تشوفها
معتز\\عداب حتى حب مش زي الناس الله غالب نرضو بالامر الواقع وخلاص حاضر
صهيب\\والله شن بالنديرلك انت احمد ربك خليتك اتكلمها
معتز\\الحمدالله ع كل حال
صهيب\\نوض نوض نوض من جنبي وانت تتسهوك نوض
سليم\\اوووووف خلو الواحد يرقد وانتم ون ون ون ون اتقول امرقد جنبي عزايز مش ولاد
معتز+صهيب\\ههههههههههههـ
سليم\\تي ارقد انت وياااااه
محمد\\ياسر بلا صياح خلو الواحد يرقد
سليم\\تي هما قاعدين مارقدوش نايضين مايخلو حدي يرقد تي نوضه هداكا يشخر زاد الطين بلة
محمد معاش قدر يتحمل قعد يضحك ومعتز و صهيب يضحكو
سليم\\وااااك عليك ليلة غبرة نوض انت نووووض
معز\\تي هاااا هااا خيررر.. استغفر الله شن تبي
سليم\\ياسر نفختهم وانت تشخر شن هداااااا ماخليتش الواحد يرقد
معز\\تي ياسر بلا عياط شن تبيني انديرلك صكر ودانك بالقطن حلوووة هدي برا ارقد برا سلم وخيي برا
سليم\\اللهم جيبك ياطولة البال
جي سليم لوح روحه ع المندار ويحاول يرقد وصهيب ومعتز يقرقرو ومحمد ولا رقد وطبعا سامر مايندري عليها منين زارقة راقد واخدها نومة ليييين طلع عليهم الصبح
ناضو كلهم الا سليم لانه مارقدش في الليل
معز خش عليه وبصوت عالي ويقلد في صوت امه\\سليييييم سليييييييم نوووووووض منواااااض ان شاءالله نووووووض غبر فيك قاعد رقاد لااااا توااااا سلييييييم نووووووض سلم ولدي نووووووض
سليم\\معزززز فكني منك خير ما انوضلك حي عليك حي
معز ماباش يعدل عليه\\ياسليمممم نووووض نوووووض باش ترفعنييي نوووووض
سليم ناض يجري ورا معز \\ياكلب يا مسخ ماتتحشم امس مارقدتش بسببك وتوا تبي تنوضني تعالى جاي يا جباااااان
معز\\هههههههههههه وسعوووو هههههههههه تي حولو من قدااامي ههههههههههه يمااااااا تعااااالي لي ولدددك ياااااااام ههههههه وووووه جنابي ياااام
سليم يجري وراه لين وصلو لي امهم\\ياجبان تعالى اهني هارب ورا امك يا جبان
فريدة\\خييرررررك حشمتووووني الله يحشمكم تي خيرك انت ويااااه
سليم\\تي شديه امبارح مخلانيش نرقد وهوا يشخر وتوا جاي ينوض فياااااا والله لما انوريك الله والعالي في سماه الله
البنات يضحكو عليهم والاولاد يضحكو ومعز قاعد يحرقله في دمه ومقعمز بحد امه
معز\\هي تعالى هي ومانديرولك شي هههههه يناااري مايقدرش يمسني ووووه هههههههه
ويجيه شبشب طاير
معز\\يا حمار خيرك
سليم\\مزااااال الخير قدام
امشي سليم وهوا طايرتله
فريدة خدت شبشب وطاحة في معز
فريدة\\توا هكي يامعفن عفلقته حرقتله دمه اااه قووول
معز\\اااه يايام خيرك وووك محررررهااا تي خيرنا يما غر خلاااص وووه عليا شوقني
فريدة\\امشي امشي يامعفن امشييي
معز\\ماشي ماشي يانبع الحنان
نسرين\\هههههـ جو تعرفي جنابي
سمر\\هههههه ايه ههههه ديمة هكي هما يتعاركو قبل معاهم حتى سالم بس توا سالم مسافر
نسرين\\اها عندهم خو تالت
سمر\\هههه ايه هداكا جوه احلى ضحككك بكككل
نسرين\\ههههه ربي يحفظهم
سمر\\اميييين
نسرين\\***
سمر\\اه شنووو
نسرين\\#يتبع........
#LOLO😘