عيلة_ليبية_مختلفة

23

حلقة 23 من رواية #عيلة #ليبية #مختلفة

علاء\\خيرك

ليان\\ماهو يا علووو اني نتــوحم وجايتني عليك مش بالحب بالكره

علاء\\شن قزدك تكرهيني

ليان\\تي ياحبيبي لا بس اني نشم صنت ك

وامشت تجري تستفرغ

علاء\\ليان ليانووو خيرك افتحي

طلعت ليان

ليان\\لا مافي شي بس استفرغت

علاء\\باهي اهو نقولك تمشي لي حوش اهلك مدامك ماتتحمليش وتستفرغي

ليان\\اسفة حبيبي

علاء\\لا عادي ولا يهمك المهم صحتك وربي يصبرني ع فراقك

ليان\\بالسيف حتى اني ربي يصبرني

علاء\\ابتمشي توا

ليان\\اممممم لا خليها غدوا

علاء\\به ع راحتك

ليان\\اوك

************

عند أسيل

أسيل\\ماما ماما ماما

نورس\\نعم

أسيل\\نبي ندير بروفة في الفيلو ونبيك معاي

نورس\\باهي امتى

أسيل\\اليوم

نورس\\به

ناضو بدلو وطلعو امشو دارت أسيل البروفة

أسيل\\ايهبل يا ماما

نورس\\اي حتى اني عجبني واحلى مافيه انه مش مخمج وووو

أسيل\\اي انحبه بسيط

نورس\\اي خلاص هوا هدا الي نبوه

تررررن ترررن

أسيل\\الو حبيبي

نزار\\اه حبيبتي وينك انتي دوشة جنبك

أسيل\\اني كيف طلعت من المحل

نزار\\اهااا شن شريتي

أسيل\\لا عطيت عربون في الفيلو حجزته بروفة الاخيرة مه

نزار\\اوووو اكيد طلع حلو عليك

أسيل\\هههههه

نزار\\هي امالا مانعطلش اعليك وديري بالك ع روحك وماتعدليش ع المعاكاست حتى لو كان حرقولك دمك فوتيهم ديري وذن طرشة

أسيل\\ووووك فهمنا اصلا ماما معاي

نزار\\اهاا امالا خلاص ههه هي سلامات حبي

أسيل\\سلامات

نورس\\خيره

أسيل\\لا شي

نورس\\اهاا خلي انخشو اهني شكلا عنده لبس حلو

أسيل\\اوك

وقعدو من محل لي محل

*************

عند لبابة

لبابة\\احني جييييينا

سميرة\\وين كنتو العفو

رامي خش لي داره وسكرها ولا كلمة

لبابة حزينة ع حالت خوها\\اااه لا شي ماما طلعنا اتدهورنا وجينا

سميرة\\ربي يستر لبابة و رامي لبابة و رامي قوليلي من امتى وانتم صحاب وانتم ديمة عراك وهزايب

لبابة\\الصبر توا كان عراك و هزايب مانحنوش لي بعضنا

سميرة\\لا قلت بلكي

لبابة\\استغفر الله وخلاص ياماما اني خاشة ابنرتاح من امبكري ماارتحتش

سميرة\\به

خشت لبابة ولوحت روحها ع سريرها وقعدت تشبح لي الصقف و تفكر في حيات خوها الحزينة لين رقدت

************

اما عند نزار روح وباس راس امه

نزار\\السلام عليكم

ام نزار\\وعليكم السلام كيف حالك وليدي

نزار\\ماشية

امه\\خيرك

نزار\\تعبان الحوش درهلي كبدي سنة باش نلقى الحاجة الي نبيها اني وراسمها في راسي اوووووف

امه\\نوض نوض صلي تو يفتحها اعليك ربي وبعدين بلاش دلع شن هوا يعني غر دير توا الازم وبعد العرس تستقر و دير الي تبيه اما توا مزال اعليه شوية عرسك ره

نزار\\اي خلاص تو اندير المهم بس

امه\\به صليت العصر

نزار\\لالا

امه\\هدا فاش فالح واعلاش ماصليتاشي في الجامع

نزار\\كنت لاهي

امه\\تلهى ع كل شي الا ع صلاتك نوض من قدامي صلي بعدين تعالى هدرز معاي قال لاهي قال امشي من وجهي

نزار\\حاضر يايام والله حاضر اسف ومرة تانية انصلي في الجامع

امشي نزار دار دوش و اتضوى و طلع صلى العصر و اتكى ع فراشه لين خداته نومة وارقد مناضش الا ع صوت امه

ام نزار\\مشاااااءالله مشااااااءالله نوووووووض نوضضضض سادك نووووووم

نزار ناض مخلوع\\واااااك خلي الواحد يرقد والله تعبان

امه\\تعبان امك هياااااا نوض من ابيرفعني باش نحجز واندير وبالنديرلك محضر تي نوووووض

نزار\\واااااك باهيييييي بري قولي لي السواق

امه\\انقووول لي عينك نوض هوا عرسك ولا عرس السواق تي نوض منوض

نزار\\به

ناض نزار وهو متعفلق لبس بدلة اتهبــــــــــل بنطلون جينز لونه سماوي وفوقها بدي بيضة ودجاكة جينز و نظارات و مشوكة طبعا و سبيدرو وبخ بارفانه

وطلع هوا وامه لبست سروال ابيض قماش واسع طبعا و فوقها بلوزة مطروزة طرز ووشاح و نظارات و كندرة وشنطة وطلعت

ايلين\\وانييييييي

نزار\\اقعدي شن تبي تطلعي

ايلين\\انلااااا نبي نطلعععع

نزار\\قتلك اقعدي امتحانات انتي مافيش طلوع وانجي نسمع اعليك اهو قتلك

ايلين\\اوووف من ابيقعد معااااي اهئ اهئ ابنقعد ابروحي

نزار\\والخدامة قاعدة

ايلين\\به

وركبت لي دارها تجري

امه\\هيا نطلعو

نزار\\به

طلعو وابدت رحلتهم حجزو في صالة لي المحضر و حجزو في الاكل و الطورطة و الرنزاتة و العبمبر و الشيكولاتة و المشروبات وهلباااااا حاجات

وروحو امخر في الليل

*************

عند منير روح خش لي امه قبل

منير\\السلام عليكم

امه\\وعليكم السلام اهلين وليدي

منير\\اهلا بيك وين اسيل

امه\\طلعت هي وامها يشرو في حاجات لي العرس

منير\\اه باهي كويس شن امالا سهيلة مانزلتش

امه\\لا مانزلتش و احسن

منير\\اعلاش خيرها يمة ضايقاتك بي حاجة

امه\\شن تحسابني مانندري بي معيشتك معاها

منير\\خيرها معيشتي

امه\\وليدي اني نعرفها مرتك كوووويس لا تطيب و لا تكنس و لا تغسل في الحوايج و لا حشاك تغسل من الجانبة

منير\\و و ومنين تندري بي هدا كله

امه\\اني نعرف المهم وليدي انت مش طايحلها والف بنت تتمناك طلقها ولدي راهو حتى القانون يجي معاك

منير\\انتي شن تقووولي مستحيل انطلقها

امه\\وعلاش

منير\\اني انقولك صغاري ونتسبل بيهم ف هدا شي كذب اني نحبها يا يمى حبها عاميلي عيوني مستحيل انطلقها متعوض ع وجودها في الحوش يا يمى ومعاش تجبديلي السيرة طلاق ابدا

امه\\بس

منير\\لا بس ولا شي

امه\\هاه ياوليدي كان مالقيتهاش مع الزمان خايناتك تعال خود الي تبيه

منير\\سهيلة مستحيل اديرها صح بايرة ووو بس انها تخوني لا

امه\\ان كيدهن عظيييييم وقول قالتها امي كان مش واخداتك ع خاطر فلوسك تعال حاسبني

منير\\امي اني راكب تبي شي

امه\\سلامتك ولدي

ركب وكلمت >>خيانة<< قاعدة في ودنه

وفعلا كان كلام امه صح سهيلة اتخون فيه واتكلم في الاولاد و تتفق وتتقابل معاهم ووووو

وطبعا هدا الكلام منير مايعرفش بيه بكل

طق طق

سهيلة في الدار

سهيلة\\باي باي تو نكلمك بعدين

الولد\\تشاووو

سهيلة\\احم احم خش منير

منير\\خيرك مرتبكة

سهيلة\\اااا لا شي

منير\\اممممم

سهيلة تبي تحاول تغريه وتنسيه في الي شاك فيه\\حبيبييي قداش لينا معاش قضينا ليلة حلووووة

وعطت يديها وراء رقبته وباساته من خده

منير\\لي شن تبي توصلي

سهيلة\\ولا شي

وحولت يديها وقعدت تمشي بي دلع وادير في حركات لين قدرت توصل لي شن تبي ورااااحو في خبر كان (الباقي مش شوركم هههههههههههههه ولا شوري شورهم هما بس )

***************

عند صهيب و معتز

نسرين\\صهيب وراس امك طلعني منه الحوش هداااا

صهيب\\خيرك شن فيه

نسرين\\اهئ اهئ بوووك كل يوم يضرب فيا لاني قاعدة انكلم في اسيل اني معاش نقدر نتحمل وخييي تعال ارفعني

صهيب\\باهي وتي روحك اهو جايك

نسرين\\به

وتت روحها نسرين

معتز\\خيركم شن فيه

صهيب\\بوي طايح فيها ضرب المسكينة كل ماتكلم أسيل يضربها بش عارف خيره اتقول مش بنته

معتز وهو حاس بغصة في قلبه\\استغفر الله وخلاص

معتز في قلبه "ياريته مش بوك كنت ضربته كنت قتلته وشربت من دمه نتحملش حد يكشخ اعليك او يظلمك او يضربك نتحملش دمووووعك غالياااااات عليا اااااه ياربي فرجها مستعد نطلع من الحوش هدا باش انتي تسكني اهني و ما تتضايقيش مني مستعد نقعد تعيس طول حياتي ولا انتي تقعدي تعيسة و تنظربي مستعد نطلع من توا باش تاخدي راحتك في الحوش ااااااااااه ياربي"

صهيب\\هيييييه وينك ووووين رحت الووووو

معتز\\هاه

صهيب\\اني ماشي انجيب اختي في الاول ندهور بيها وانغيرلها جوها

معتز\\اسمع اني بالنلم حوايجي وابنمشي نسكن مع اهلي باش اختك تاخد راحتها لانة كان سكنت واني معاك تعرف اني مش حاندير شي لانها شرفك وشرفي بس كلام الناس مش حايرحم

صهيب\\لا مرات مش حاتسكن اهني

معتز\\ولو

صهيب\\ونعم الصحبة سامحني وخيي

معتز\\تي شن تقول عادي اصلا قداش ليا مستاحش اهلي معاش قعدت معاهم نخطم اعليهم خطوم بس

صهيب\\اوك امالا هي سلامات لاكن اقعد اتعشا و بعدين برا

معتز\\يستر الله

امشي صهيب خطم ع اخته و ركبت و كانت بحالة هستيريا اول ماشافاته حضناته وقعدت تبكي

صهيب\\هيييي خيرك هكي خيرهم يديك هكي تي هدااااا شنوووو

نسرين\\اهئ اهئ اهئ ارفعني من اهني اني معاش انبحه المكان هوا معاش نبي نرجع اهني وامي اختارت تقعد معاه ف خلاص اني فديت معاش نقدر انعيش اهني

صهيب\\الله يهديه توا هكي يديرلك خيره هبل و لا شنو

نسرين\\قتلللللللللللك اررررررررفعنيييييييييييييييييييييي

صهيب\\باهي خلاص اهدي سوسو حبيبتي اهدي وخيتي اهدي معاش تعيطي اهو اركبي خلاص باهي

ركبت نسرين و هيا قاعدة تبكي و اقعد يدهور بيها حاول يغيرلها جوها بس للأسف لا!

روح بيها صهيب وخدو وجبات 3 وجبات وروحو

نسرين\\معتز قاعد معاك

صهيب\\ممكن قاعد بس امبكري قال ابيمشي لي حوشهم مدامك انتي بالتجي

نسرين في خاطرها""ههه حتى انت مخاطركش تشوفني انت عندي كل شي وماتبيش تشوفني حتى تسئل علياااااا اووووف وبعدين معاك يا نسرين تي هوا معتبرك زي اخته وخلاص شن تخرفي قال بي يشوفك قال وهو شن دخله باش يشوفك اصلا هوا مايحبكش حتى يشوفك يقولك وخيتي اااااه ياربي""

نزلت نسرين وهيا مطرمة شواربها وركبو

خشو الحوش

صهيب\\السلام عليكم قااعد

معتز\\وعليكم السلام اي قلت نتعشى معاكم ونمشي

خشت نسرين ومابتش تشبحله حتى الشبح بس فرحت في داخلها انه قاعد

معتز\\اهلا نسرين

نسرين ومن غير اهتمام\\اهلين معتز

معتز\\اهلا بيك

صهيب\\خديت وجبات صخان تعرف صنتهم تهبل

معتز\\والله اصلا انت بالك في الماكلة

وغمز لي صهيب

امشي لي صهيب في المطبخ

معتز\\خيره هكي ضاربها

صهيب\\اي تعرف هلبا ضاربها غر جي بوي بس

معتز\\يمهل ولا يهمل

صهيب\\هي حط معانا عندنا ضيفة ره ظروري انقيمو بالواجب

معتز\\اايييي ضيفة اليوم بالنقيموها بيها

خطمت نسرين\\متحاولوش مش حا يصفى جوي مدام اثار الضرب قاعدة و يوجع فيا وصحتين

وخشت لي الدار وسكرتها

صهيب\\نسرين نسرين حبيبتي و خيتي افتحي الباب نسرين

معتز\\ :( اااااخ ترا خليني اني نكلمها بلكي تفتح

معتز\\نسرين سوسو افتحي الباب هيا عاد تخوفيناش عليك افتحي نسرين معاش تخوفيني اعليك نسريييييين

طاف طاف طاف

ونسرين مابتش تفتح

عند نسرين الداخل

نسرين\\اهئ اهئ اهئ علاش ياربي علاش الضرب هدا يوجع فيا ياربي ااااه يدي اهئ اهئ

وقعدت تبكي منهارة لين داخت وهيا في السرير

معتز\\نسريييين افتحييييي

صهيب\\نسرين وخيتي ماتخوفيناش اعليك اتكلمي نسريييين

ويوخرو معتز و صهيب و يفقعو الباب القوها فوق السرير

طلع معتز وخشلها صهيب

صهيب\\نسرين وخيتي نوضي نسرين فيقي نسرين معتزززز جييييب الصنة

جاب معتز صنة و بخوها في يده وابدت تفيق

نسرين\\ص ص صهيب

صهيب\\ااااه ياروحي ها هكي اديري وخيتي نوضي فيقي

نسرين\\احممم نبي نرقد

صهيب\\وانتي مش واكلة شي نوضي كولي قبل

نسرين\\نبي نرقد يا صهيب مانبيش

صهيب\\مش حانخليك نوضي معاي توا

ماضت نسرين معاه وقعمزو على الماكلة

قعد معتز ياكل و صهيب ياكل ونسرين حاطة الصحن قدامها وخلاص

معتز\\نسرين كولي حاجة

نسرين\\مخاطريش

صهيب\\لازم تاكلي كيف هكي

نسرين\\قتلك مخاطريش ماعنديش نية

صهيب وهو متعصب\\لا انتي زودتيها ره ادلعتي هلبا كووولي توا

نسرين\\واني مانبيش ناكل

معتز\\خلاص صهيب خليها نسرين كولي وراس وخيتي

نسرين وخيتك وخيييييييييييييييتك تحررررق فيا الكلمة هيا منك انت تحرق فيا \\وانتتتت شن دخلك ناكل ولا ننحرق

صهيب\\اتحشمي على وجهك وبلاش صياح وردان دوة

خشت نسرين و صلفقت الباب

صهيب\\اليوم نهارها شكلا جسمها يحك فيها

معتز شده من يده\\لا الا انت تمد يدك اعليها تعرف تضربها لا صاحبي ولا نعرفك فاااهم لا صاحبي ولا نعرفك

صهيب\\تي شوفها كيف.. استغفر الله

معتز\\معليشي خليها تفرغ الي في قلبها عادي لانها مضغوط اعليها خليها وراس صهيب هيا عاد حسن معاملتك معاها ورد بالك اعليها وخليني مطمن مش ادير الي في راسك اني ابنمشي

صهيب\\باهي باهي ان شاءالله

معتز\\وربي يعاونك لانها ام راس يابس

صهيب\\تو تشوف به

معتز\\ههههههه هي تشاو

صهيب\\تشاو

وخش صهيب رقد و نسرين حتى هيا رقدت لين جي تاني يوم

#يتبع.......

تفاااااااااعلكم 😕

#LOLO❤