الحلقة 21 من رواية #عيلة #ليبية #مختلفة
نزار//جمالك يقتل فيا اتهبلي
أسيل نزلت راسها متحشمة//تسلم
نزار//الي يشوفك يقول حق متحشمة خيرك في الفون عفوية وتوا حشششم هههههه حي اعليك كيف امولية طماطمة تي وين فوني خلي نصورك هههههه
أسيل وقفت//راه نطلع ره
نزار//ههههه اسف خلاص اقعدي اي شن جوك شن امورك
أسيل//تمام ماشية الامور
نزار//امس شن درتي
أسيل لين قعدت ترعش//اممممم شي كلمتك وخلاص يعني زي اي يوم وانت
نزار//اه كويس اني شي خدمة وتعب من الحوش امتى ابيكمل
أسيل//كيف انت باش امكمله البني
نزار//اي باه والاثاث يافالحة
أسيل حكت راسها//اي نسيت
نزار//هههههههههه يا عزوزة ابديتي تنسي
أسيل//تحبك العزوزة هدي و انت ماتقدرش تستغنى اعليها كلامي صح ؟؟
نزار//مية في المية ههههههه
وقعدو يهدرزو
********
عند سهيلة طبعا بايتين عندها كلهم يحبو يباتو عندها وعمكم منير متحملهم
سهيلة//شهاب يا شهاب
شهاب//هاه
سهيلة//برا
قطعت اعليها منال//شن تبيه ينزل ؟
سهيلة//ايه
منال//اقعد تو ننزل اني
سهيلة//وعلاش
منال//هكي نبي نعرف هديكا شن ادير
سهيلة//به بري قولي لي أسيل يبيك خالك مش اتقوليلها بوك
منال//حااااضر
نزلت وطقت ع الباب شبحت كندرة راجل ساوت روحها فيسع فيسع فتحتلها نورس
نورس//خير شن تبي
منال بصوت دلع//والله نبي أسيل يبيها خالها
نورس//بوها قصدك
منال//خالها وهيا نستنى فيها
نورس//أسيل مش فاضية وقوليله ينزل اني حالفتلها معاش تركب
منال//اممم سبيدرو مني هدا
نورس//تعرفي تفلبي وجهك من هني ولا نقلبه بي طريقتي بعدين هدا منظر تنزلي بيه
منال//والله وخيرا بنتك راكبة بي شرط و بديات نص كم وجو
نورس//يكون في علمك بنتي وله هدا حوشها وابتلبس وبالدير كيف ماتبي عجبك باهي ماعجبكش ترا ماما عندي ماندير
طلعت أسيل على صياحهم
أسيل//خيركم شن فيه شن صاير
منال شبحتلها من فوق لا لوطا//مشاءالله مدايرة مقابلة امالا
أسيل//وانتي شن خصك خطيبي وجي يبي يشوفني وعرسي بعد شهر مش زيك من واحد لي التاني ولا تحسابيني مانعرفش بي عمايلك الوسخة و توا حرام حتى نحوي معاك هيا ماما اتفضلي برا
طلعت منال وسكرت أسيل الباب
نورس//خلاص بنيتي بري خشي لي خطيبك اكيد مشغول اعليك حشمتنا مرض
أسيل//به
خشت أسيل والقت نزار يدور في الصالون وخايف عليها اول ماخشت جاها يجري
نزار//خيرك حبيبتي شن صار
أسيل//قعمز نحكيلك
وقعدت تحكي وتبكي وخايفة منه موت موت
نزار شد عصبيته وعظ شاربه//باه خلاص معاش تبكي
أسيل//أسفة والله مانحسابه فوق بالله اهئ اهئ اهئ
نزار وقف وقفت أسيل تحسابه ابيمشي قربها ليه واتغمرها وقعح يمسح على شعرها
نزار//خلاص ياروحي خلاص معاش تبكي يا بيبي منظرك زي البيبي كيف تبكي خلاص اششش
قامت أسيل راسها وشبحتله والدموع ينزلو//اسسفة حبيبي
نزار//خلاص انسي بس اني مش مقايلك معاش تلبسي شورتات
أسيل//اني كنت فيرالحوش وهوا فوقنا يعني حتى ولاد خالي حوشهم بعيد شوية مش فوقنا
نزار//خلاص خلاص فوتي شن اسمه هوا
أسيل//شهاب
نزار//امممم خلاص حبي معاش تبكي ومزال تبكي نهارك
أسيل ابتسمت//حاضر
نزار//ايوه هكي تمام توا ابنمشي حبيبتي باهي
أسيل//مزال بكري
نزار//هههه شن مزال بكري هلاص ليا 3ساعات اهني
أسيل//اممم به
نزار//معاش اديريه السمايل هدا
وشدلها جدوقها قريب قطعهم
أسيل//اي مشناك upset رمز تعبيري
نزار//راهو نقرصك تاني ره
أسيل//لالا شكرا هي باش بالتروح
نزار//اشبح اتلزي فيا
أسيل//لا والله لا
نزار//هههه انبصر هي اتعالي معاي نعطيك هديتك انسيتها في السيارة
أسيل//حاضر
طلع سلم على نورس وحنا أسيل وطلعت وراه
نزار//ينعن.. توا شن طلعك هكي
أسيل//تي خيرك تسب انت خلاص اهو خاشة ومانبيهاش الهدية خليها عندك
نزار//خشي
خشت هيا وهو
نزار//اسف ياعمري بس تعصبت لما لقيتك طالعة هكي والكلب فوق
أسيل//به معاش اتسب
نزار//من عنوني هي خليك اهني فم الباب تو نجي
امشي خدي الهدية وكيف جاي يلقى قدامه شهاب ماعدلش عليه وامشي في طريقه
شهاب//خير خير وين خاش ياهو
نزار...
وماشي ومش معدل
جي شهاب شده من يده//انت من تكون باش ماتردش عليا
نزار//نحي يدك لوطا ياوسخ
نزل شهاب يده
ونزار نفض المكان//مزال تحط يدك عليا نكسرهالك وبعدين انت الي منو داير روحك تتسيطر الحوش هدا حاميينه تريسه ومايبوش نساوين يساعدوهم كانك تفهم ع الطاير اكيد وصلت ومزال نشبحك مقرب على أسيل او دايرلها حاجة والله وربي الكعبة ماتعرف شن انديرلك وتوا برا اقلب وجهك من عليا
شهاب//هههههه
نزار والعصبية باينة على جهه//اللهم طولك ياروح تي برا اقلب وجهك عقاب فرخ تي زيادة اكبر منك هيا خزي
وامشي شهاب يجري من الخوف و نزار امشي لي أسيل
أسيل//خيرك عطلت
نزار//لالا شي كنت ندور فيها
أسيل//اها شكرا حبيبي
نزار//ولو حبيبتي
خشت أسيل وهيا فرحانة قريب بالطير
تاني يوم الصبح ناضت أسيل بدلت وتكمت وطلعت كانت لابسة سروال جينز وبلوزة شيفون لونها زهري طويلة وركبت لي السيارة
اتصل نزار
أسيل//صباح الورد
نزار//اوووو اليوم حبيبتي ناشطة
أسيل//هههه اي فرحانة
نزار//ان شاءالله دوم ياربي
أسيل//ان شاءالله حبيبي شنو انت وين توا
نزار//في شارعكم هيا اطلعي
اسيل//اوكي طالعة اصبر خليك ع الخط
فتحت أسي الروشن //خير شن تبي صبح يافتاح
منال//ممكن اتوصلينا اني وخوي
أسيل//اتضحكي تعرفي ناقص غير انتم انركبكن سيارتي بري حبيلتي بري انتم اصلا متعودين ع الايفيكوات
شهاب//ابترفعينا غصب عنك
نزار ورا شهاب//وكان ماتبيش
اتلفت شهاب وراه هرب يجري ومنال//من انت اصلا
أسيل//حبيبي وخطيبي
منال خافت وامشت
أسيل//ههه احسن مادرت
نزار//هي اني ماشي لي السيارة ودخلي قصتك مع تفنيصة
أسيل//اااا طلعت بروحها تو ندخلها
نزار//اي عارف يناري طلعت بروحها
أسيل//بلا برادة هي برا وقت
نزار//هههه حاضر
#يتبع
#LOLO🌸