لحلقة 12 من رواية #عيلة #ليبية #مختلفة
أسيل\\اضحك زيد
نزار\\ههههه تي هيا نراجو فيك
أسيل\\حاضر خلي نقول لي ماما وانجي
نزار\\اوكي
امشت أسيل لي نورس
أسيل\\احم احم
نورس فهمتها\\أسيل قولي الي عندك
أسيل\\مامي حبيبتي
نورس\\خيرك
أسيل\\صهيب و نسرين و ااا و قزدي نبو نطلعو
نورس\\و
أسيل\\ايه يبو يطلعوني
نورس\\نزار معاهم
أسيل خدودها ولو حمر اول مرة تكذب على امها\\اا لا لا
نورس\\اشبحيلي
أسيل\\ها لا
نورس\\تكذبي عليا
أسيل\\ههههههه ايه معاهم
نورس\\اني بالنخليك تمشي بس قبل الساعة 8:00 تكوني هني مفهوم
وقفت أسيل و لي امها استعداد \\حاااااااضر سيدي
نور\\هههه عليك مهبولة
أسيل\\امشت تجري بدلت كانت لابسة (بنطلون وردي هافت و فوقه كانتيرا زهري هافت و فوقها ماليا فيها الوردي داكن وهافت وشوز وردي واكسسوارات ووشاح وطلعت)
امشت لي السيارة جري ههههههه وركبت طبعا من الوراء وراء نزار
أسيل\\السلام عليكم
الكل\\ وعليكم السلام
أسيل\\كيف حالكم
نسرين\\الحمدالله ولينا تمام بي شوفتك
أسيل\\ههههههه تسلمي كيف حالك صهيب
صهيب\\بيك حلو شن جوك انتي
أسيل\\تمام التمام
طبعا نزار مش عاجبه الوضع لانها مش لابسة لبسة طويلة ورافع حاجب فوق وحاجب لوطا وعينه يقطعو شرارة لانها ماسمعتش كلامه
أسيل\\كيف حالك زيزو
نزار وشاد روحه\\تمام
أسيل خافت من ردة فعله وقعدت اتفكر خيره شن صارله شبحت لي نسرين وقاتلها مانندريش ووبعدين قعدت تشبح لي الروشن اسيل اتحب لما تركب لي السيارة تشبح لي الروشن والطريق و زحمة السيارات والناس لين اتكلم نزار
نزار يبي يعصب أسيل ويشبحلها من المراية\\شن رايكم نمشو لي الاسواق امتع الملابس لانة في وحدة ماتسمعش في الكلمة بكل
أسيل فهماته\\والله الا انسيت الله
نزار\\معليش اهو ابنشرو توا معش في نسيت
أسيل\\باه
نسرين\\خيركم بسم الله
أسيل تحكي لي نسرين بصوت واطي باش مايسمعوهمش
نسرين\\اهااااا هههههه وانتي كيف تنسي
أسيل\\والله نسيت شن بالندير
نسرين\\يالله ههههههه
أسيل قعدت اتراقب في نظرات نزار ليها كانو يطلعو في الشرارة أسيل قعدت اتقول في قلبها (نهاري حرف هدا قاعدة ماتزوجتاش وانسيت مادرتش الي يبيه هكي امالا لما نتزوجو كيف هههههه عليك حظظظ بس يالله المهم انحبو بعض )وقعدت اتفكر لين وصلو لي المحل طبعا نزار مايفهمش في المحلات ارفعهم لي اين محل وخلاص واسيل مش متعودة تمشي لي اين محل تمشي لي محلات تعرفهم هيا و زبونتهم بس
أسيل\\زيزو
نزار\\نعم عيوني
أسيل\\زيزو اني نمشي لي محلات تانية مش هادم شوفهم اخي من برا لبسهم مش حلو
نزار\\باهي وين هما
أسيل\\في جرابة
نزار\\هيا لي جرابة
وامشو كملو رحلتهم لي جرابة
نزلو أسيل و نزار
صهيب و نسرين
وامشو لي محل تعرفه أسيل
أسيل\\سلام عليكممممم
الشاب\\اهلااااا وعليكم السلام كيف الحال
أسيل\\والله الحمدالله
نزار\\احم السلام عليكم
الشاب\\وعليكم السلام ورحمة الله
صهيب و نسرين\\السلام عليكم
الشاب\\وعليكم السلام
أسيل\\نزلتو طرحات جديدة
الشاب\\اممم ايه جبنا الموديلات هدم
نزار مسك يد أسيل (هههههه ياحنة ولعت فيه نار الغيرة)
صهيب و نسرين يضحكو اعليهم
نسرين\\والله الباين أسيل مافي واحد امخلصها من بين يده حي اعليها غبية الي جاباته اهني
صهيب\\هههههه هيا على نياتها
نزار\\امممم هدا القفطان حلو ومعاه هدي الدجاكة حلوو صح
أسيل\\بس
نزار\\هسس الي بالنقوله تاخديه
أسيل\\حاااضر
نزار\\يسلملي الي يقول حاضر
أسيل\\ههههه
نزار\\خلاص عطينا القفطان هدا
الشاب\\اوكي
نزار\\هي اندورو على لبست بنطلون
أسيل\\حاضر
صهيب\\اسمعو احني ابنمشو لي كافي ملينا
نسرين\\ايه
نزار\\اوكي برو
وقعدو أسيل ونزار يطلعو في لبس ويركبو وشرو هلبا و طلعو من محل لي التاني لين أسيل قالت خلاص ههههه
أسيل\\زيزو اني مليت هيا نمشو نتعشو في مطعم وبعدين انروحو لانة ماما قتلي قبل الساعة 8:00 اتكوني في الحوش
نزار\\اوكي حبيبتي
وطلعو مشو لي مطعم
أسيل\\اهما هيا نمشولهم
نزار\\اوكي
امشو لي نسرين و صهيب وطلبو وجبات اتعشو وكملو وروحو
طق طق طق
نورس\\هيا هي
أسيل\\ااااه يديا شدي مني اتقطعو
نورس\\ههههههه هدا كله شريتيه *_* وووك يناري على نزار امشو فلوسه هدا قاعدة ماوصلتيلاش هكي
أسيل\\هههههه ومن قاله يتكلم يجيه على راسه
نورس\\ماتتحشمي خشي خشي
خشت أسيل بدلت ورقدت من التعب وقعدت امها وحناها ايشوفو في اللبس واتعلق فيه نورس لين كملو ورقدو وناضت أسيل الصبح على رنة نزار\\الوو مشاءالله مشاءالله قاعد راقد الحلو
أسيل بصوت ناعس\\هههههه غر صبح ققبل
نزار\\ههههه صباح الورد والفل والياسمين و كل شي هي نوضي حبي
أسيل\\امبه حاضر
نزار\\اااااخ كان جنبك راهو نوضتك بي طريقتي
أسيل تحشمت\\سخييييف ياسر هي
نزار\\ههههه غر توصليلي انوريك السخافة كيف شكلها
أسيل\\اووووف
نزار\\ههههههه خلاص خلاص اسف ياعمري هي نوضي البسي القفطان اليوم ره نبي نشوفك فيه تي نلقى شعرة طالعة نهاااارك
أسيل\\باااااهي
نزار\\ههههههههههه درية هيا نوضي
أسيل\\اهو نضت هوا انت تخلي الواحد يرقد اتقول امي اموصياتك عليا
نزار\\شنو
أسيل\\لا حبي سلاممتك
نزار\\اممم الله يسلمك هي باي
أسيل\\باي
صكرت منه وقعدت تضحك
ناضت غسلت وبدلت وصلت وطلعت كانت لابسة(قفطان اسود و فيه سبتة من الوسط قهوي و مداس قهوي و جاكيت جينز ووشاح و اكسسوارات و شنطة و نظارات ) وخدت مفتاح السيارة وطلعت لي امها
أسيل\\ماما صباح الخيييير اموااااه
نورس\\صباح النور هههههههههههههههههههههه
أسيل\\خيرك بسم الله
نورس\\ههههههه لا لا شي
أسيل\\مامااااا confused رمز تعبيري
نورس\\شي غر اول مرة انشوفك لابسة قفطان طلعك درية هههههههههههههه
أسيل\\راهو نحلف ماني ماشيتها اليوم ره كان ماتبطليش
نورس\\باهي ههههه
أسيل\\حنيناااااااا تعالي لي بنتك
نورس\\ههههههه
جت حناها بالعكوز
حناها\\خيرها بنيتي من كلمها
أسيل\\تعاليلها راهو تعجب وتضحك على خاطر لابسة قفطان
حناها\\وخيرك مشاءالله عليك اتهبلي بري بري بنيتي ماتعدليش اعليها درويشة هدي ره
أسيل\\هههههههه اوكي هيا اني مشيييت
نورس\\سلمي ع نزار وقوليله مسحت ع كبدي
أسيل\\واااااااااااك يوصل
طلعت أسيل ومتعفلقة من امها ومن نزار وصلت لي الجامعة درست سيارتها طق عليها من المرش نزار
أسيل\\وووك خلعتني
نزار\\هههه هيا انزلي
أسيل\\شوية بس
خدت حجاتها ونزلت
نزار شاد ضحكته
أسيل\\خيرك ماشي وراي تعالى جنبي
نزار\\معاش نقدر بصراحة ههههههههههههههههه
أسيل\\مصح وجهك حتى انت تضحك
نزار\\ههههههه والله طالعة درية فيه
أسيل تكنطت منه\\انت هكي باااهي لما انجي غدوا بي سروال الله
نزار\\خلاص حبيبتي انبصر اعليك والله
أسيل\\لا انت تضحك عليا برا امشي
نزار\\خلاص اسف والله اسف
أسيل\\كلهم ضحكو عليا
نزار\\من هما
أسيل\\ماما وانت و حتى حناي شادة ضحكتها غر ماتبيش اتحرجني
نزار\\اسف ياقلبي والله معاد معودها باهي خلاص معاش تلبسيه كان يضايق فيك
أسيل\\بالحقا
نزار\\ايه
أسيل\\هههه توا شوف ابنتلقى التعليقات من لبابة اكتر وحدة
نزار\\خطرها مراد خطب لبابة
أسيل وقفت\\حققق
نزار\\والله
أسيل\\مصدومة اني اكيد فرحة لبابة
نزار\\لا قالي هيا ماتبينيش
أسيل\\تي لا ياودي هيا مرة اعترفتلي
نزار\\لا هيا قتله اني نكرهك
أسيل\\بلكي تتدلع اعليه
نزار\\وين نندري المهم هوا يحبها ويموت فيها ياريت اتقوليلها هكي هوا من يوم شبحها حبها بس دس في سره
أسيل\\تو نشوفها
نزار\\اوكي نتلاقو بعدين
أسيل\\اوكي
امشت القت صحباتها مقعمزات مزالت ساعة على المحاضرة ديمة يجو قبلها بي ساعة باش يقعمزو ويهدرزو ويضحكو
أسيل\\هاااااي
لبابة\\مصدوووومة أسيل لبست قفطان
أسيل\\ااييييي زيدي حتى انتي وحدة منكم تضحك نقتلها في ارضها
أميرة\\الحمدالله الي مانحبش الله قاعدة على حريتي هكي لا البسي لا ديري
أسيل\\هههههه بالعكس الحب شي يخليك كأنك انولدتي من جديد
أية\\والنبي سكرو اعليه الموضوع خلونا في موضوع البلوة هدي ماعرفتها اتحبه ولا تكرهه
أسيل\\اي انتي قالي نزار شن قصتك قلتي مانحباشي ومانبيشي
لبابة\\ابديت نكررهه من نظراته ليا هداك اليوم
أسيل\\معاش يرجع الحب؟؟
لبابة\\مش عارفة اما توا مش متحملة انشوفه
أسيل\\ربي يهدي لاكن هوا يحبك
لبابة\\الا لا لا اني نكرهه معاش نحبه
أسيل\\ياحبيبتي خلاص هوا نصيبك حاولي تتقبليه
لبابة\\ويبيني نتحجب
أسيل\\في هدي عنده حق مفروض تتحجبي
لبابة\\اني تعوضت هكي على الحرية
أسيل\\بس
لبابة\\اهو يأشرلي بي ايده تو انجي اووووف
امشت لبابة شخصيتها قوية ماتحبش من يغصبها على شي هي ماتبيشي وللأسف خوتها وبوها غصبوها بحكم ماتقبلش في الي يجيها ف لما شبحو مراد و سئلو اعليه والقوه نسيب مايتعوضش قبلوه وهيا طبعا مش متحجبة وتحب تلبس وتطرح وجووو
لبابة\\خير شن تبي
مراد\\غر اتكلمي بي اسلوب اولا صباح الخير
لبابة\\صباح النور
مراد\\اني شن قلت على الحجاب
لبابة\\لما تقرى اعليا الفاتحة ابقى احكم فيا
مراد\\شكلك بالتعبيني من غدوا نشوف الحجاب والمنظر هدا غيريه
لبابة\\والله هدا شكلي وهدا منظري عجبك باهي ماعجبكش اضني حيوط الجامعة هلبا
مراد\\معاش تعلي صوتك هدا اول شي تاني شي الي بالنقوله هوا الي بيمشي و تالت شي رابعا اني شرط امتع الحجاب واللبس شرطه من اول ماتقدمتلك ورابعا معاش تدوي بالاسلوب هدا فاااهمة
لبابة\\وخامسا اطلق يدي توجع فيا
مراد\\وسادسا اعطيني رقمك
لبابة\\شنو شنو
مراد\\زي ماسمعتي
لبابة\\مانبيش نعطيهولك سادني نفخ اهني بالتزيدها حتى في الفون
مراد\\شن قلنا
لبابة\\اووووف به به بس مش حانرد اعليك
مراد\\انهاااارك بالتردي
لبابة\\يصير خير سجل عندك 091********
مراد\\اوكي تم
وهيا كيف ابتمشي شدها من يدها
مراد\\انتي بالنسبة ليا حبي الاول خليها في راسك
وطلق يدها وقعدت تشبحله ومصدومة وعلامات الاستفهام فوقها
مراد\\خيرك تشبحي محاضرتك ابدت امشي
لبابة\\سبحان الله انت حبيتني اني كرهتك تي شن هالحياة هدي
مراد\\شن قلتي
لبابة\لا شي بس قتلك مبروك صدفة حلوة هههههه
مراد\\كيف
لبابة\لانة حتى اني انحب روحي ههههههه
مراد\\ااااخ ربي يصبرني اعليك بس
لبابة\\واعليك هههه
وهيا ماشية للمحاضرة عاكسها ولدوطبعا شبحه مراد عطاه طريحة و هيا عجبتها اللقطة ومشت تجري خشت المحاظرة متأخرة وقعمزت بحدا أسيل طول
أسيل\\شن صار
لبابة\\اسكتي تو نحكيلك
أسيل\\راااصي من القراية خلاص والطب يبي قراية وبس
لبابة\\ههه تي اسكتي خير مايطلعنا
كملت محاضرتهم وطلعو و ركبت لبابة سيارتها و أسيل ركبت سيارتها طبعا نزار وراها لا حوشهم وبعدين امشي وحتى لبابة قعد وراها لين وصلت لبابة قعدت تسوق وتبكي ومش عارفة علاش تبكي
#يتبع...
فانز تفاعلكم بدي يضعف بليز لايكات وتعليقات او بتوقف روايه 😔
#LOLI ❤