ح 280: R★L
هند خرجت م̷ـــِْن عندهم و مشات روحت طول الطريق تمشي و تخض حتى وضلت مشات دخلت لغرفتها و خبطت لباب بقوة و رمات لمفتاح في الارض …و مشات بجيهت الطاولة و رمات كل شي فوقها و صاحت
ااااه اااا جميلة …ياربي شعملت انا فحياتي حتى نتعاقب(لٱ يا حية معملتي شي كونتي تدعي لربي بالخير) يعني بعد مماتت و مزالها واقفتلي في طريقي، و سليمان ختيار الجن. وجعلي راسي كيفااش يحكي معايا و ينبزني اااه اااه، و لٱ بنتي شوشو كيفاااش تحكي معايا بـ ذيك الطريقة، و حبت تصغرني قدام علي …لاكن موش هند ليـّۓ تستسلم و تتكسر شوكتها …راح تعيشو كلكم كيف ما نحب انا …وعد مِڼـّي …و حتى انتي يالين، طول ما كريس وقف فـ وجهي و قلي انك مرتو …موش راح نرحمك، لاكن موش تو موش فاضيتلك لآزٍمٍ نكمل فـ دور الملاك …حتى نربح كل شي و بعدها انتي سهلة
حملت تلفونها و عملت رقم و كلمتو. و بقات تستنا انو يرد عليها
هند: جهاد جهاااد …واش تعمل فهمني، علاش تهدد فـ ميسون علاااااش،
جهاد: شبيك تصرخي و جانة …انا مهددت حتى حد فهمتي، و علاش نهددها باش تهمني هي
هند: يعني موش انت …معنتها شكوووون ليـّۓ يعرف الشي لي صار ،اااااااه
جهاد: لازمك تشوفي روحك، موش انا …لانو الضاهر فما لي يعرف تخبيصك، و معادش تعملي شي يورطك اكثر
هند غلقت الخط و بقات تخمم ،زعما شكونولي هدد ميسون …واش يحب منـِْهـ♡̨̐ـِْا ،زعما يعرف خطتها،نادت للخدامة
هند: وينو جاد …واش عمل ليوم
الخدامة: سي جاد م̷ـــِْن امس غالق علـّۓ. روحو كيف العادة …و دخل لعندو غير سي روني
خرجت الخدامة و هي هند بقات تحرق فـ تخمامها رايح جاي حتى تهد حيلها و تعبت و رقدت م̷ـــِْن وجع راسها
_______
عند اسد
كان قاعد كيف العادة حتى دق لباب قام فتح لقاها ميسون اول مفتح …ترمات فحضنو، حضنها بقوة و دخلها قعدو و هو يحاول يهدي فيها و حتى يفهم شبيها و هي غير حاضنتو و عيونها معبيين دموع ……
راااايككككم 👆👇