ولاذنبي ...ولاذنبك😖
الذنب بلما قبل نلتم ⁉
وكتب فوك الجفن....يحلم❌
..............................................
رحت للغرفة شفت احمد دازلي رسالة ها عقدتي 😢
_ اي 😣😣
_ (جريت حسرة ) اخخخخخ لو ابوج موافق جنت اني وياج يطشوون علينة الجكليت واباوع بعيوونج واسمع الهلاهل ويطببونة بلغرفة واكمش ايدج وابووسج واحضنج ..بس شيفيد الحجي هسة .... صرتي لغيري بعدد..
_ حبيبي لا تكول هيج والله احبك ومااتخلى عنك ونشالله علي يطلكني .. ومتبقة حجة لبوية وتجي تخطبني .. ونتزوج ونعيش احلى قصة حب ...
_ الحجي حلووو بس واذا هذا جلب بيج وماقبل يهدج شسوين
_ لاتكول هيج ربك يحلها ..
_ لج ياربي وانتي عقدتي علية هاااا..
_ شبيك احمد لاتكفر حكمة ربك هاااي يمكن يصير اي شي ونطلك بس اهدأ لاتصير عصبي..
_ اللة كريم.. اللة كريم
_ احمد حبي شوية واحجيك امي تصيحلي
_ وك حبي باااي
جانت امي تصيحلي سديته ورحتلها ..ها يمة
_ هاا حبيبتي شلونج شلونة علي وياج شفتي شلون مؤدب الولد ومبين شاريج ويحبج
_ يمة مااحبة مااريدة تدرين قبلت بي علمود ابووي لايطلكج ونتي حامل ...
_ يمة انتي شبيج شبي الولد وماتريدي اشو حباب صايم مصلي ماشي بدربة .. شنوها المتردي
_ يمة تدرين بية احب الولد الخطبني مرتين ورجلج الرفضة لان غريب .. وعلي مااريدة
_ ولج يمة عيب هذا ابوج شنو رجلج اسمى حتلو ابوج جبرج ع علي بس عيب احترمي
_ دمعت عيوني وحضنتها.. يمة والله تعباانة ليش هيج..
_ اخخ يا يمة الله يصبرج
_ الله كررريم
____________________________
كمت ورحت لغرفتي شفت علي دازلي رسالة انزرف كلبي
دازلي
_ ها حبي شلونج
غلست ماحجيته حتى مادخلت للرسالة شفتها من برة
حاجيت نورر ..
_ ولج خايبة وجاان اعقد 😣
_ ياا صدك يحياتي نشاللة يوم طلاكج ...
_ نشاللة يسمع من حلكج..
_ وشسوة علي ..
_ ماسوة اشترالي موبايل وعقدنا وهسة دازلي رسالة غلست ماحجيته..
_ اي عفية غلسي صيحي اتأمري جزعي..
_ اي ولج بس شكله هذا صعب مو بسهولة راح يعوفني ...
_ يااا شلون عرفتي ..
_ ولج جنا كاعدين بالاستقبال واتففنا بعدين نحدد الزواج واكمل دراستي .. جان طب أمة واتكولة شهر وتلكاها يمك كووم خلي نروح.. وعلي كالها لا مو هسة من نحدد احنا.. وتكمل دراسة ..
_ يااا هاي شبيها مو هية بكيفها زوجتكم وتريد تحدد الزواج هم بيكيفها شنو السالفة ومن هسة تريد تسووي مصاايب وبعدج ماصرتي يمها ...
_ اييي ولج هاي لو صررت يمها شتسوووي بعد ..
_ يااا ياخية الله يساعدج عليها نشاللة ويصبرج ويخلصج منها قبل لاتصيرين يمها...
_ نشاللة
_ اكلج يلة ادعبلي اريدد احجي ويا حبيبي ...
_ وك حبي باي عود باجر خابريني ..
_ اوك
..................................................
تمددت وخابرت احمد وضليت احجي ويااا بساعتين واشوف علي يدزلي رسائل واني مغلسة
* حبايبي بعضكم راح يحجي ويكول اسمى حرام عليها تحجي وياا ولد وهية عاقدة ع شخص ثاني .. اني حاجيت البطلة وكتلها الناس اكيد حيحجون فجان جوابها هية انجبرت ع علي ومتريدة وتدري حررام بس كلبها مو بيدها ومتكدر اذا ماتحاجي ويااا .. واتمنى محد يتجاوز عليها وهية دتابع التعليقات
كعدت ثاني يوم ب 3 وامي وابوي على جية من الدوام شفت هديل توها كاعدة وتحمي الاكل تريكت وياهاا..
واجو امي و ابوي جاانت امي وجها اصفر وتبجي وابوية ذبها بلبيت وراح بسرعة ..
اسمى يا يمة شبيج شكوو شصاير..
_ ولج يمة اخوجن مسوي حااادث بلدراجة ومااادري شبي اخخ يمة وليدي يمة راح يروح من ايدية بعدة صغيرر ربي...
_ يمة على كيفج شبيج نشاللة مابي شي
هديل ياا عزة نشالله ماكو شي شلون دريتووو
امي: ولج اجينا اني وابوج بلسيارة وصلنا براس الفرع ودك على ابوج رقم غريب شالة وكالولة ابنك مسوي حادث بمستسفى ال.... وذبني وراحلة
اسمى لا نشالله مابي شي
هديل نشالله .. ماما اهدي مو زين الي دتسووي انتي حامل ع كيفج
امي: ولج ياحامل واني ابني بين الحياة والمووت
اسمى: لا صماللة لا تكولين هيج نشاللة مابي شي وبعدين البطنج هم ابنج الثاني لاتنسين ...
هديل : راح ادك ع ابوية اشووف شصاير
اسمى : يلة بسررعة
اني رحت اشوف موبايلي لكيت علي يدك شلتة
علي: هلاوو حبي شلونج
اسمى: موزينة حباب مااكدر هسة احجيك..
علي: ليش شكو شصاير
اسمى: اخوية امير مسووي حادث بدراجة ومادري شصاير هسة وابوية راحلة منعرف شنو سالفة
علي: شنو صدك تحجين .. ماكلتيلي
اسمى: (بصوت عالي) واني ستوني دريت وتجي انتة تكولي ماكتيلي ..
علي: على كيفج حبيبي هسة اجيكم واشووف شصاير..
اسمى: هاا لا لا تجي منريد نتعبك شيجيبك مناك لهنا
علي: لاشنو تعب لاتعب ولاشي هسة ابدل واجي بااي حبي
اسمى : بااي
اخخ ربي ماريدة يجي اريد اصير بعيدة عنة ليش هيج ديصير 😣😣
هديل: وووينج اسمى
_ هاا شصار ولج شكال ابوية شبي امير
_ حمدلله مابي شي بس مكسورة رجلة ..
_ اييه الحمدلله وشلون صار الحادث
_ ماادري بس يكول ابوية فالت البرك معرف شلون وطاب بشجرة ورجلة نكسرت..
_ يالة الحمدلله مابي شي بدراجة ولابي .. وين امي
_ بلحديقة مدري منو دك عليهة
_ هااا
اجت امي للصالة ولجن هاي منو كالت لعمتج ع اخوجن
اسمى : ها يمة خابرني علي وكتلة ويمكن كال لامة
امي: واني اكوول رادت تجي بس كتلها لا تعبين روحج
هديل: ماخليتيها تجي شوية خلي تعب روحها
امي: يمعودة ميتين ع جيتها مانريدها تجي تسووي مشاكل وتروح
هديل: ايي والله مالنا خلك
بيبتي جانت نايمة كعدت واجت يمنة
بيبي: ها شبيكم
امي : وج عمة اميرر سووة حادث بدراجة ومكسورة رجلة
بيبي: ياا شلون وينة هسة
امي: بلمستشفى طاب بشجرة
بيبي جاا ماكعتوني
هديل: يا بيبي شسوين نكعدج شنو راح تعاالجين الكسر..
بيبي: لج هويدل اني اعلمج اعالج رجلة موو
هديل : لا بيبي بس احب احجيح😉
بيبي يمة منج ام لسان محد كادرلج..
صاار المغرب واجة ابووية وعلي كاامش امير
يااا هذا سواها صدك واجة .. ونوبة يبتسملي ...
ابوووية : فوت خالي فوت لا تستحي وكفتك هاااي ماانساها الك
علي: لا شنو السالفة خالي جا اذا مااوكفلكم المن اووكف
ابوووي والله ابن الاصول
علي تسلم خالي
امي شافت امير وشبكتة ودك بووس تكول صار سنة ماشايفتة
رحت سلمت ع امير جان بصفة علي كلي شلوونج سومة
رديت بجمود زينة
ورحت للمطبخ اسوي جاي لان مااريد اشووفة
الكل سلم على امير وتعشينا وعلي شال امير بغرفتة شوية يرتااح وراد يرجع تقريبا ب 9:00
ابوووي : لا يمعود صدك تحجي بهليل تريد ترروح
علي : ماشي خالي راح ابقى (باوعلي وبتسم وهوة عدة شلوون غمازة ) درت وجي وفرشتلة بالاستقبال جان كاعد هوة وابوية ....
طلعت للحديقة ختنكت اني اريد اخلص منة تاليها تصير هاي سالفة ويجي يمنة ...
فززيت ع واحد يدك بجتفي واني افكرر شلون اخلص منه درت وجهي وشفتة كبالي ابتسم
_ شبيج طالعة برة لا تتمرضين
_ ها لا مبية شي بس شوية ختنكت واريد اشم هوة حررام
_ لا مو حرام بس الهوة عالي خااف تتمرضين ...
_ لا لتخاف مابية شي
_ اهااا .. عادي تغمضين عيونج وديرين وجهج
_ ليش شكووو .. لا خاف يجي ابوية
_ ابووج راح نام وبيبي بغرفتهة وهديل هم هسة يصير ديرين وجهج ماسويلج شي
_ ووك 🙄🙄
درت وجهي وجان يشيل شعري من ركبتي يخلي على متني اني فزيت _ هاي شبيك شدسووي شفت بيدة كلادة
_ هااي ليش درتي وجهج مو جاي البسجياها
_ هااا لا شكرا مااريد
_ شنو هية بكيفج ديري وجهج
_ لااستحي مااريد
_ وك انتي لبسيهة..
_ ممم ماشي.. شكرا
_ 😒😒 شكرا
_ لعد شتريدني اكولك..
_ يعني بوسيني بخدي دلالة على شكرج ع الاقل😍😍😍
_ لا وين ما ( طفرت ركض لغرفتي) واسمع ضحكتة وراي
يااا هذا شبي يومية هدية شنو سالفة...
حاجيت أحمد وكتلة على امير وكال خطية ميستاهل حباب وكتلة على علي ضااااج بس شسوي .. ضليت للصبح ونمت كعدت ب 2:35 شفت الكل نايم وعلي ماهوة
رحت لموبايلي شفتة دازلي رسالة ب 8:45 بااي حبي راح ارجع للنجف ..
شفت امير كعد كتلة ها حبيبي اسويلك ريوك كال بكيفج وني كمت سويتلة النا ثنينة وكعدنا نتريك ...
ضلينا ع حالنا قرابة ال6 اشهر امير رجلة صااارت زينة وامي جابت ولد وسميناة غيث والكل فرحااان بي .. وعلي بين فترة وفترة يجيني ويجيب وياا هددايا بس اني كلعادة مامهتمتلة ومرات اصيح علية واتأمر بس اريد اجزعة وصرت بصف ثالث تقريبا بشهر الثاني خابرني علي وكال ...... .....
"إبقَ قويًّا، فقصّتك لم تنتهي بعد 🍂♥️،،
وللحكاية بقية
بقلمي زينب الشمري