#مبرر_خيانة🔥
الكَاتِبة هَامِي 🥀❤
Part16
جريمة
______________________
فتحت عيوني وراسي مصدع حسيت في ايدي شي شفته لقيته مسدس 😳
من خوف طيرتا من ايدي شفت قدامي مهند سايح في دمه 😨
كييييف هكي انا قتلت مهند 😳
لاااااا اكيد نحلم
زحفت لعندا بخوف وعدم فهم قعدت نهز فيه
مهند نوض ...مهند ارجوووك متخوفنش اكيد داير لعبه هذي تعاقب في ...نوض يلا تربح والله ماعاد نجي ناحيتك غير نووووض يلاااا..
لما متحركش انهرت وقعدت نعيييط ونضرب بأيدي على وجه غرقت في دمه صررررخت مهنددددددددددددددددددددددد ..... نوض نكذب عليك مافيك شي نووووووض كنت نخووووف فيك بس مافيك شي والله مافي شي مهنددددددددددددددددددددددد
مقدرتش نصبي نخبط ونعيط لحد ما....
همام خش يجري يرفع في من مهند
همام الحقني انا قتلتتتتتتتتتتته... قوله كنت نكذب عليه قووووله مافيك شي دير تحاليل مافيك شي ......انا كنت بنخوفك بسسس مهنددددد نووووض
همام :: اشششششششششش حبيبي هديلي روحك يلا معي
-لااااااااا همام واعيه دير اي شي انا مش قاتله ..مش قاتله....مشششسشس قاااااااااتله ... أااااااااااااااااااااااااه
حضني وانا نعيط ونخبط بأيدي ورجلي اغمى على ورفعني ........
_____________________
نضت لقيت روحي في جناحي لثواني كنت ناسيه بس ريحة دم واثاره ذكرني بكل شي💔
صبيت من سرير نجري فتحت الباب نزلت نجري ندور ونبرم نسمع في صوت في مكتب
عمر معصب :: متخيلتش وساختك توصل بيك لدرجة هذي حرااااااام عليك ياااااخي ارحمممم
همام يدف في عمر:: وانتتتتتتت شنو دخلك بيهاااااا خلي الكلب يستاهل المووووت وهي غلطت لما خبت على راجلها وهذا جزائها
سمعت كلام وانا واقفه قدام الباب وايدي على فمي من الصدمه😳 .... قدمت ليه بعصبيه نضرب فيه
يااااااحقير انتتتتتتت لي قتلتتتتتته انتتتتتتتتتت ياااااااامجررررررم معشششششششش نبييييييييك ياااحيوووان والله نفضحك نبلغ عليك تنحبس كيف حيواااااان خالد لحط في طريقي ......
مسكلي ايدي وعلى وجهه ابتسامة خبث وعمر يعصر في ايديه وينادي أهدي برررراء
همام:: هششششش ياحلوة شنو دليلك علي؟ يوم السبت بتاريخ 14.10.2017 ساعة 9بالضبط وقت وقوع الجريمة همام الوافي في تركيا وسط إجتماع مهم ؟؟!
ومشى لجيهة المكتب طلع من درج مسدس في كيس نايلوا وهذا دليل اني برئ وانك انتِ لي قتلتي براء ....
طحت على ركبي ظلم ...قسوة...قهر....عدم فهم و مصير مجهول 💔
نزل لعندي وانتِ وين كنتي وقتها ؟
عمر:: همام خلااص زودتها مش شايف حالته قدامك
همام ضرب طاوله برجله اطلع برررررررا عمر اطللللللع
عمر:: مش طااااالع جنيت انت ولا شنووو خلاص معش عندك ماتقضي توا غير انك تلبسها جريمة
عيييييطت ....خلاااااااااااااااااااااص انتوا اثنين ..صبيت لي همام...
الكون كله مايبرمش عليك انت بس ..مصيرك طيح همام مصيررررررك منتهي وعد مني على ايدي وبأيدك ح تكتب نهايتك
همام يصفق في ايديه برود ..برااافواا تخطيتي الصدمه اكثر من ما توقعت طلعتي قويه زي مايقولوا
-الحبس اهووون من عيشه مع مريض زيك خلي نهايتي فيه ولا انها تنكتب معاااك ..وإلا مايكون في دليل يطيحك في شر اعمالك قاتل ومجرم شن دايرلك مهند تقتله وتلبسها لي انت شيطاااااان ...شيطاااااان مصور في انساااان
همام مسح على وجهه بدا يتنرفز ...يدف في عمر طلعه برا وصكر باب وعمر يخبط ... وضع ملخبط ...
مسكني من مرفقي...هذا جزاء لي حط عينه على حاجه ملكي
دفيتا ..شنو لي حط عينه مريض انت مهند......
قاطعني بصوت عاااالي....بطلي كذذذذذذذذذذذب عاااارف انه الخامر الفاسد كان يتحرش بيك وحتى وانتِ متجوزه مزلتي معه....
حطيت ايدي على وذني... اسسس خللاااص ارحمني انت شنو بربك انت شنوووو ...انا ضحيه ليش اتهمتني وحكمت علي بدون مااااتفهم وكيف عرفت ولا تفسر من عندك يا مريييض...
همام يصب في خمر ويشرب.. غمضت عيوني وألم نغزني في قلبي وجف حلقي رغم اني مشهد نشوف فيه كل يوم لكن مزال مش متقبله اني تجوزت راجل بقذاره هذي💔
همام:: يوم لصار بينا ...قعدتي تهلوسي بإسمه بعد يامهند خلاااص ياحقير حسبي الله فيك... شن تبيني نفهم الا انه يتحرش بيك وانتِ ساكته ؟ يعني يبتز فيك ويتصل بيك ومسجات لبينكم ولا تسحبيني راقد على وذني؟
قعدت نبكي.... محكيتش معه انا كنت نبي ننتقم منه على كل لداره في جوزته وكذبت عليه انه فيها مرض نخوف فيه عارفته مستحيل يحلل خواف وموسوس ... منعرفش لي امتا كان ح يعرف بس كنت بنعيشه في جحيم وخلاص وانتتتتتت خربت كل شي وقتلته
عزق كبايه في ساس... قتللللللك هذا جزء ليقرب من شي يخصنييييي يستااااهل ... ودليل حبسك عندي براء لو تفكري تطلعي من مكان هذا ح يكون سابقك لشرطه وتنحبسي طول العمر في جريمه مدرتيهش🤷🏻
طلعت من مكتب بدون مانحكي .... عمر كان واقف برا ... همام طلع لرجاله
همام:: اعزقولي رميمته في اي مكان خلي شرطة تلاقي وتفتح تحقيق
بان علي الخوف قد ماخفيته بان انكساري....
همام:: يلا يا مراتي اطلعي دوشي وجهزيلي روحك😉
-مرررررريض
طلعت نجري لجناح زفرة دم خنقتني وجعت كبدي منظر لي شفته بين عيوني ....
سلحت وخشيت تحت دش سااااخن وكثرت غسول نغسل في جسمي بالقوة ونببببببكي مغمضه عيوني ومتذكره كل شي من اول مامشينا لي امي في العيد كيف سلم علي وانا عمري 7سنوات طفله مافي جواتي غير ضحكه طفولية خالية من شياطين افكارهم وافعالهم .... سلمت عليه بكل براءه وقتله زي كبر خوي خالد وضحكت نلعب مع صغار ينادي في تعالي لدار يتحسسني وانا مافاهمه شي ...كل مره تنعاد مع اني طفله لكن جواتي شي يقولي لا براء في شي غلط منعرفش شنو هو ...
حكيت لي امي ضربتني وماخلت ماقالت علي اللوم كله حطاته في واني نتبلا عليه ....تذكري براء في كل مشيه لي امي وكل سنه نكبر فيها يزيد يتمادى معي نبكي نترجى نقوول متصدقنش كرهت روحي واني بنت وعيلتي وكل شي في جسمي كرهته صارلي عدم تصالح مع ذاااتي... كل مافي مسلوب مني ....
خلاااااص براء اليوم مات مهند خذا جزاته ...لكن ياربي زعما هذا ينضاف لذنوبي ؟ يعني حقي في الأخره ضاااع ؟
انا تسببت في قتل روح اليوم مهما كان هو من بس انا بأيدي هذن شاركت في جريمه ومجبوره نتستر عليها عشان نحمي نفسي ... برفوا براء في يوم واحد خسرتي شغلك لي انذليتي وتعبتي وانهنتي واااجد عشان توصليله ...وخسرتي إنسانيتك لكان ينضرب بيها المثل ....
من انا توا ...انا قعدت خايفه من نفسي..شن مزال بنخسر أخره ؟؟
❤❤❤الكَاتِبة هَامِي ❤❤❤
طلعت من دش ونتحسس في رأسي يوجع في كأنه مضروب ؟ ...اهااا صح انا خشيت لي حاويه وبعدها طحت من ضربه على راسي 😳
الحقيييييير همام مخطط لكل شي .........كيف يعني هكي زعما هو لبعتلي انه لازم نجي في حاويه ؟ يعني هو لجرني لي مهند وقتله!! ...بس نبي دليل ياااربي سااااعدني على اناااا فيه ....راسي بينفجر من تفكير ....
طلعت بجامه ولبست ...خبط الباب فكرته شغاله ...
تفضلي...
فتح الباب وخش
عمر:: حبيت نطمن عليك
بان علي دهشه وقت شفته😳
شن جيبك عمر ..همام توا يجي يدير مشكله ساااد لصارلي اليوم ولي مات بسببي...
عمر:: متخفش طلع مع جماعته... فهميني شنو صار وخلاك تمشي لمكان حذرتك منه
قعدت على كرسي وخذيت ميه نشرب
انتا كيف عرفت بلي صااار ..وقت لي مشيت ماكان في حد
عمر:: وانا مروح شفت همام رافعك وانتِ دايخه وكلك دم خفت معش عرفت شنو لصار .. شفت كيف حط مسدس عرفت انه تسببلك في شي بس معرفتش من هذا وشنو قصته...
دموعي نزلوا-مهند ولد زوج امي ... كان يظايق في وحبيت ننتقم منه زوجته بي وحده من بنات الليل وكذبت عليه قتله فيها مرض قعد يهدد في يبي يعرف شنو ...عجبني ذله تماديت معها وفتت ... بس اليوم بعتلي مسجات يبي يشوفني في حاويه والا يجي لي همام وممكن يتبلى علي عندا ...خفت منه وطلعت لمكانه .....
"زدت بكا وايدي يرجفوا..."" عمر نزل لعندي ومسكهم
كملي شنو صار
-حسيت بشي ضرب راسي طحت ولما صحيت في ايدي مسدس ومهند غارق في دمه قدامي معش عرفت شنو صار وكيف هكي انا قتلتتتته ياااعمر قتلتتتتته كنت سبب في كل شي
عمر:: لاااا غير اهدي بس ...توا تنحل الا مايكون في دليل
-مفش عمر ..همام لعبها صح هو الطرف الأقوى انا خلاص بنكون اسيرته طول العمر...
عمر:: متقولش هك استهدي بالله .. خلي عندك ثقه متخفش مش ح نخلي يأذيك طول مااانا جنبك..
-مشكلتي شعور باالخوف مستحيل يطلع مني بسهولة انا تربيت عليه وتغلغل في... تعرف شنو ليضحك في زمان ..
عمر:: شنو براء احكي تعرفي فضولي اتجاهك مايتمش
-يضحكني وينزل دمعه من عيني وقت لنذكر اني كنت نستنى بفارغ الصبر اني نكبر وانه حياتي ح تكون أحسن ...كان جواتي امل وطمووح كبييير انه المستقبل زاهر هههه ونعد بالايام والشهور والسنين هيا براء كبرتي سنه اخره هانت معش تنضربي... معش تنظلمي ....معش حد يهينك...
معش في تحرش ح تكوني حرة نفسك ... لكن تنزل الدمعه متأسفه على المستقبل لي خيب جميع الأمال .💔..
في أبشع من انك معش تعرف روحك !!...
انا ياااعمر معش عرفت روحي ... مع كل موقف يصير يتجرد مني شي ينتشلوا مني في التزامي، ومبادئ ،وافكاري، واحلامي، وبرائتي ...حتى شغف الحياة ضاااع مني .... معش عندي رغبة لبكرة لأنه اكيد مش ح يكون أحسن من اليوم ، عمر هو في ناس عايشه بِ الهموم هذي وقدرت تتغلب عليهن ؟
عمر كان يسمع بإهتمام مخلش ايدي ولا رمش عينه وهو يشوفني نحكي..
في واااجد براء الهم مقسم على خلق الله ...لكن لي مفش زيه هو انتِ وكيف قاومتي وتجبرتي على لصارلك ..
-شنو بأيدي ندير يعني؟ اكيد بنرضى بنصيبي ولكاتبه ربي لي ... حتى دنيا معش تهمني هههه
عمر:: لااا براء متزعلنش منك ... تفألي ومفش حاجه تقعد على وضعها ممكن بكره يصير شي يغير كل حياتك للأحسن
-ان شاء لله ياريت انا بس لو نلقى نفسي لضاعت مني وانا لاهيه في غيري نبي شغفي وطموحي ولهفتي وكل شعور الحياه نبي ياعمر خاطري بأني نعيش انه قلبي يضحك ويفرح بجد مش يجامل
عمر:: حلو كلامك اكيد مع كل صدمه تضيع منه شي من روحنا في الحياه بس مع الوقت يرجع وانتِ ح ترجعي...
-شكرا عمر على كل شي كنت محتاجه لحد نحكيله ونشكي بدون قيود
عمر:: مديرش بجو رسميات انا في اي وقت معاك
توا تغطي وحاولي ترقدي ممكن بكره احلى❤
-يارب... تصبح على خير
عمر ابتسم وطلع...
_________________
درت زي ماقالي خشيت سريري تغطيت وانا كل لنشوف فيه جثه دم عياط ريحه دم ...
سمعت صوت مسج خذيت فوني وفتحته..
كان من هديل... براء طمنيني عليك مقدرتش نتصل خفت همام يدير مشكله
مكنش عندي رغبه نرد على حد قفلته .....
مرقدتش الكوابيس مطاردتني ومن امتا القاتل يرقد ليلة جريمته؟؟!
طلعت شمس وانا في مكاني ... في جواتي عدم راحه من كل شئ..
خش همام 6الصبح
همام عزق جاكته وعزق روحه على سرير
شن لي مسهرك ولا مقدرتش ترقدي بدوني 😉❤
تقززت منه ومن ريحته...
وكيف يغمضلي عين بعد لصار في روح انسان انا تسببت بموتها ...
همام:: اوووووف علينا يبدا نكد قلنا يستاهل الكلب من امتا قعد انسان... ريحيلي روحك انتِ هي بس عشان اول مره قاعده ضمير وجو ..بكره تعودي ويموت الضمير
-شنو تقول انت ..بالك تسحابني كيفك ولا من طينتك ...نبي نفهم اناااا شنو لتبي مني وانت حياتك معبيا بنات اشكال الوان ياااخي طلقني وريحني
همام:: هي صح حياتي معبيه جميع شكلات بنات ..بس مفش ولا وحده عندها نظرة البرائه لي في عيونك ولا نعومتك ومقاومتك كل شي فيك غريب جديد علي
-هو ليقول هكي ينفع يشوه نظرتي ينفع تنجسني معاك وتخششني في الحرام
همام:: بِ أوامري انا ينفع كل شي ... وتوا انتِ من ممتلكاتي ندير فيك لي نبيه قاعده تحت امري في كل شي
-لأنك مريض نجوم سماء اقربلك مني واحد عيشته خمر ونسوان مش حايأخذ مني شي بإرادتي كل لي ح تاخذه ح يكون بلغصب عني
مسكني من رقبتي...
ليش مصره تعصبيني ..معش تزيدي في كلام احسنلك تتأقلمي مع حياتك جديدة وانسي الماضي وإلا نبدا نقتل حد اخره ومره هذي غااالي عندك براء غااالي ووواجد
-من قصدك
همام:: ياسين مثلاً!
قفزت مكاني نفك في ايديه باالقوة-هماااااااام شن علاقتك بخطف يااااسين ياويلك لو تكون دايرله شي اقسم بربي نقتلك ونشررررررب من دمك الاااااااا ياسين
مسك ايدي... طووول ماانتي حلوه وتسمعيلي في كلام هو ولا غيره من عيلتك في سليم ...اما نشوفك تلفي ودوري معي ح تكوني وقعتي شهاده وفاه ليهم
هزيت برأسي بإستسلام... تمام خلااص انا تحت امرك
همام باسني ..ايوااا هكي نبيك حاظر سيدي وبس ... تعالي نبيك
_____________________
بعد يومين من اختفاء مهند لاقوا جثة وفتحوا تحقيق ....
مشيت العزا وشفت امي كيف منهاره عليه لدراتا عليه مدرتش حتى على عبدالسلام !
مقعدش ساعتين خذاني همام لي قال انه مجهز سفرا لي بريطانيا....
طلعنا على القصر نزلت وهو مشى كمل شغله استغليت مشيته بنشوف عمر نقوله يسافر معانه
شفتا مع ابرار كأنه نقاشهم مهم لما جيت سكتوا
طلعت ابرار على غير العاده طافيه ملهش صوت
-شنو صاير معها
عمر:: ولا شي مهم تحكي في مشاكلها مع همام تبيني نصلح بينهم
-اهاا.. خلني نقولك بسرعه قبل مايجي همام
عمر:: شنو صاير شي
-همام قال نهاية الأسبوع ماشيين بريطانيا عندا شغل واخذني بس انا منبش بروحي لو تقدر تمشي معانه نعرف معاك جنسيه وامك غادي ساهل تطلع
عمر:: اوكي عادي توا نظم وقتي ونطلع عذر نقوله لي همام
-شكرررا عمر بجد ديما متعبتك معي
عمر :: مش بينا براء .... اطلعي توا
_______________________
كنت مستغربه من غياب يقين وفريده من يوم الجريمة ميري شغاله قالتلي انه همام بعثهم لي حوش مزرعه هو هك كل بعد فتره يبعثهم ويجيبهم امتا مايبي.....
سافرنا لي بريطانيا ومعانه عمر عذرا كان انه ليه فتره ماشاف أمه مااعتقد انه همام شك!!
وصلنا لي فيله توقعت ناخذوا غرفه في فندق!
من وينله مكان كيف هذا في بريطانيا ...
همام:: هناك الغرفه لنقعدو فيها ح تلقي كل شي يلزمك فيها ....
وعلى عشرة تكوني جاهزه لسهرة عمل
-لمن مكان هذا لكي
همام:: متسألش انا بس لي نسأل...
-وانا منحبش جو سهرات والإجتماعات دور وحده تجرها معاك
همام:: مش بكيفك مخذيتش رأيك انا أمرت ويلا ضيعتي وقت وااجد...
طلعت الغرفه لي قال عليها .... وجهزت روحي
نزلت على الوقت خذاني همام المطعم و عمر معه
كل لكان مصبرني وقتها وجود عمر لو كنت بروحي كنت عادي نتوقع يبيعني همام لي اي حد من ليخدموا معه....
خشينا المطعم كان فخم والحفل مختلط ماسكني من ايدي ماشيين بإتجاه طاوله كبيره عليها عدد من رجال والنساء ضحك رقص شرب كل شي مباح
بدينا نسلموا لعند ما شفت من بينهم اخر حد توقعت نشوفه ......
#يتبع
اعذروني على تقصير في بارت ان شاء الله نعوضكم في البارت الجاي❤