بت عم الشيخ 💖

بارت الثاني والعشرين 💘

شمس : اتصل عليه أسد                                  اتصال. ...                                              أسد : هلو شمس اشلونج                               شمس : هلو تمام انته اشلونك         
أسد : اني زين اذا انتي زينه شخبار رجلج
شمس : زينه شوي احسن اليوم                          أسد : زين لا تمشين عليه ولا توكفين عليه ولا تضلين صاعده ونازلا على الدرج شمس فدوه ديربالج على نفسج                                         شمس : انشالله                                         أسد : يلا راح ادخل للشتماع حبيت اطمن عليج      شمس : تسلم أخذ راحتك باي                      أسد : باي باي                                      شمس : مر اليوم عادي صار اليل نزلت جوه بمساعدت وليد وأنزل بأيه بايه كال بابا باجر بيت عمو أبو أسد مسوين ثواب على روح جدي ويعلنون أسد شيخ العشيرة رسمي للي ما يعرف اتعشينه وكعدت باوعت فلم ويا أهلي بعدين صعدة الغرفتي  أسد : خابرت شمس حتا اطمن عليه بعدين دخلت للشتماع وبعده رجعت للبيت ومر اليوم صار اليل اجتمعنه كلنه على السفرة حجيت اني  بابا باجر اطلب شمس من عمي كدام الكل                     علي(أبو أسد): الله يقدم الي بيه الخير              الحجية : أي يمه بيه الخير انشالله                  أسد : كملنه عشه صعدت للغرفة خابرت شمس         ...اتصال              
أسد : الوو شمس                                         شمس : هلو أسد                                          أسد : اشلونج                                              شمس : تحت رحمته أننا اشلونك                  
أسد : من سمعت صوتج صرت زين                        شمس : (بتلبك ) دومك يا رب                            أسد : اكيد بوجودج اكلج شمس باجر راح تجون للعزيمه مو                                                  شمس : أي انشالله                                        أسد : زين لبسي لبس مستور وعريض مو ضاب على جسمج باجر الولد كلهم موجودين                     شمس : ها أي انشالله                                    أسد : أي اشلونه رجلج                                    شمس : لا زينه واكدر امشي عليه                       أسد : أي الحمدلله  يلا روحي نامي باجر وراج كعده حتا لا تعبين                                      شمس : أي كنت أريد انام                                 أسد : زين يلا تصبحين على خير وأحلام سعيده       شمس : أجمعين سديت التلفون ونمت كعدت الصبح أخذت شاور ولبس هذا

طلعنه البيت عمو كانو الولد بل حديقه واكفين وأسد وياهم اني دخلت وهيا اجتني خزره لا مو خزرني اجتني رصاصة اني دنكت ودخلت جوه سلمت على خاله والبنات وعماتي وبنات عمي كعدنه وضلينه انسوالف اني رحت الغرفه البنات حتا انزع الجنطه واضمه طلعت من الغرفه شفت أسد كان يريد يصعد الغرفته وجه احمرر من العصبيه ربي يستر  
 أسد : خابرت شمس بل اليل حتا اطمن عليه واكلله تلبس لبس مو ضيق ومستور لئن اعرف ولد عمي من اصغيرهم الجبيرهم عينه زايغه بس اجت الصبح لابسه ملابس ضابه على جسمه ومثل ما توقعت الولد ضلو يباوعون اني اشتعلت نار دخلن جوه أهيا وخاله وعمي راح للديوان يم ابوي وعمامي اني تركت الولد ودخلت جانن عماتي وبنات عمامي بل مطبخ سلمت وشفت شمس ماهية كلت اكيد بغرفة البنات وإني ناسي تلفوني فوك شفته طلعت من غرفة البنات اني رحت عليه أخذته من ايده وصعدته وياي للغرفة مالتي                                       شمس : اجه بتجاهي وكض أيدي ويسحبني ليفوك شفت ماما وخاله وكفات باب المطبخ ويضحكن لا يا ربي هسا شيكولن أسد عوف أيدي اشبيك دا توجعني أسد عوفني دا يباوعلنه هسا شيكولون  احجي وهوه ولا يمه كانو ما يسمع وصلنه الغرفته فتح الباب ودفعني على السرير رجع سد الباب اني كمت وكفت أهوه اجه وكف يمي       أسد : شمس شنو هاي شنو هل تصرفات ها احجي                                                
شمس : بس شيخ اني ما سويت شي غلط  (تعمدت احجي ويا برسميه لءن تصرفه ما عجبني )

أسد : ها ما سويتي شي غلط مو  شمس بطلي إعنادج وراسج اليابس تره اندمج                         شمس : (وخانني ادموعي نفس كل مره) ما دا افهمك بس كلي اني شنو سويت شنو الجريمه الي سويته حتا هجي تحاجيني واتعيط عليه                   أسد : يعني ما تعرفين ذنبج مو زين اني اكلج البارحه من خابرتج شنو كتلج مو كتلج لا تلبسين لبس ضاب لابستلي هاذ الي مبين بي كل معالم جسمج هجي أريد احجي بل خط العريض  بس فهمني ابوج ما شأفج ما شاف لبسج بالله وليد غاسل أيدي من العجس منه                             شمس :  (صدك قهرني ليش من هسا يتحكم بلبسي ما اعرف اشلون اجتني الجرءه ورديت بوجه) لا شافني ابوي ما عنده مانع بلبسي وهوه ما منعني منه واخوي هم راضي انتا ما الك الحق تتحكم بيه ليش انتا من.... (بعدني ما مكملة واجاني راشدي من قوته وكعت على السرير أحس ما عندي وجه صفحت اليمنه كله خدرانه لا مشلوله ضلن اموعي ينزلن عشره عشره )                       أسد : هاي اول مره وآخر مره تعلين صوتج عليه تره والله عبرت هاي المره بس على مزاجي بس المره الجايه ادفنج بمكانج وإني منو مو اني اعلمج اني منو                                                شمس : طلع وربد الباب وره اني ضليت ابجي صارت عندي هستريه                             ♡♡♡♡♡♡♡♡♡♡♡♡              حنين : كنه كاعدين بل مطبخ انحضر للغدة شفنه أسد نزل وهوه معصب طلع وركع باب المطبخ وره البيت اهتز الكل سأل اشبي اخذتني خالة على صفحه كالتلي
ماجده (أم وليد ):خاله صعدي شوفي شمس فدوه ضل بالي يمه                                               حنين : ليش خاله أهيا وين                                ماجده : صعدها أسد فوك ويا وشفتي اشلون نزل معصب صعدي شوفيه فدوه                              حنين : أي خاله انشالله راح اصعد صعدت فوك دخلت الغرفة أسد لكيت شمس كاعده على السرير وتبجي رحت حضنته
شمس : طلع أسد من الغرفه وركع باب وره اني ضليت ابجي 😢 بجيت بهستريه تلفت اعصابي ما اعرف أحس اكو شي داخلي انكسر من ضربني اجت حنين حضنتني وإني زدت بجي كانو دا اشكيله        حنيت:شمس حبيبتي اشبيج وجهج اشبي ليش هجي فهمني شنو صار
شمس : اني اكرها اكرها أهوه اشدخله بيه اذا ابوي قابل على لبسي أهوه اشدخله من هسا ويتحكم بيه لو اموت ما اقبل ارتبط بي                 حنين : (عرفت شمس تقصد أسد) اهدي هسا حبيبتي كومي خل ننزل لا ايشكون بشي بس بل بدايه خل احط اكريم على وجهج                          شمس : ما حجيت شي ورحت ويا حنين وهيا اتمشيني جنت منهاره ابوكته حسيت اكو شي انكسر جواي بس ما عرف شنو كرامتي لو ذاتي رحت ويا حنين لغرفة البنات حطت الوجهي كريم راح الثر اشوي أهيا طلعت للمطبخ كالت اخاف يشكون اني ضليت ارتاح اشوي واستجمع نفسي انهاريت بشكل مو طبيعي                                         
♧♧♧♧♧♧♧♧♧♧♧♧                 أسد : طلعت من البيت معصب ما اشوف كدامي اني اتساهلت وياه أزيد من الزوم اكدر أخذه وازوجه قصبن عن الكل واكسر رأسه بس كلت خليه اتحبني بس أهيا الضاهر ما تحترم  اني اعلمج شمس اشلون اترفعين صوتج عليه اني اعلمج اني منو  رحت لكيت عمامي ولد عمامي وابوي كاعدين بل ديوان كعدت يمهم كلت خليه وره الغده افتح الموضوع                                                     ♤♤♤♤♤♤♤♤♤♤♤♤♤             شمس : طلعت للمطبخ يم البنات اشتغلت وياهن والكل سأل اشبيج لئن اتقيرت اول ما دخلت كنت اضحك وسوالف هسا ساكته كتلهم كلشي ما بيه كملنه غداء ضلو الولد ينكلون بل أكل اني صرت على صفحه مالي خلك للمشاكل ايسلمون عليه ولد عمي بس ارد السلام أسد واكف باب المطبخ وبس يتاءمر سوي هجي وأخذ هاذ أي يعمي غير الشيخ وطبعن أجوي رياجيل هم من ولد عمامنه ورياجيل العشيره وغيرهم عمي ما مخلي أحد ما عازمه  جنت واكفه وصافنه حسيت أحد يكرصني ..اخخ           همام : اشبيج من مساع أصيح عليج                       شمس : هلا همام لا ما بيه شي                         همام : أي شلونج شخبارج                                شمس : تمام تحت رحمته أنتا اشلونك  (احجي وباوع على أسد الي واكف وبس يتفف وخوزرلي اني هم ما زودت ويا همام حجي بس على كد السالم )   اني اترخص أريد أساعد البنات    همام : مرخوصه                                   شمس : ضليت أسعد البنات واحد بل مواعين  كملو للرياجيل ضلينه انصب النسوان صبينه وكملنه الكل كعد على الصفره اني رحت أجيب ماي من المطبخ كملت ردت ارجع للصاله سمعت همام ايصيحلي                         همام : شمس أوكفي أريد احجي وياج              شمس : أي اتفضل                                      
همام : شمس اشبيج ليش هجي صايره جافة بتعاملج وين شمس أم الشقة والضحك ليش هجي اتعامليني بس لا ضليتي اتفكرين بكلام أسد تره والله يشمس انتي مثل اختي واعز                       شمس : مشكور وربي انتا مثل وليد واعز بس اشوي اليوم تعبانه مو مال ضحك وشغه واسفه اخاف زعجتك بتصرفاتي                                   همام : عفه ليش اكو اخ يزعل من أخته  أي صدك نسيت عليمن اجيت ايكول حضرو الجاي                   شمس : انشالله راح همام وإني وديت الماي كلولي تعاي اكلي ما ردت البنات رادن يسعدني بتحضير الجاي ما قبلت ضليت احضر الوحدي اشوي وخلصو الرياجيل غدا نكلو الماعين البنات اجن وياي ونكلن اماعين النسوان وضلينه قسم انضف وقسم يصب جاي صبينه جاي واجوي الولد اخذو                           ☆☆☆☆☆☆☆☆☆☆☆☆               أسد : خلصنه غداء وجابو الولد جاي اني فتحت الموضوع ويا عمي عمي أبو وليد اني جايك بطلب واتمنه ما تردني                                               خالد(أبو وليد ):أبشر عفه عليك مو اني الي ارد شيخ عشيرتنه                                                  أسد : تسلم عمي اني أريد اطلب ايد بنتك شمس على سنه الله ورسوله كدام ابوي وعمامي والموجودين                                                    خالد(أبو وليد):كبع وأخذ عمي                                 أسد : انطه عمي موافقته كامو الكل ايباركلي               صار العصر وبدو الضيوف يرحون بقو بس عمامي ولدهم كعدنا وضلينه انسوالف                             ♧♧♧♧♧♧♧♧♧♧♧♧                     حنين : كملنه تنضيف وكعدنا بل صالة نشرب جاي ونسوالف العالم كله بكفه وشمس بكفه ثانيه صفنه اتجر صفنه وجه كلش تعبان مو مثل اول ما اجت وجه مورد وبس تضحك اني كمت للمطبخ اجدد الجاي خلصت دا أريد ارجع للصاله من درت شفت وليد واكف ورأي ومبتسم                                   وليد : سلام                                                   حنين : وعليكم                                                وليد : اشلونج حنونه                                         حنين : (تحجي وهيا مدنكه وتبتسم والخجل واضح على وجه) تمام انتا اشلونك                                وليد : صرت زين من شفتج                                 حنين : من الخجل ما عرفت شجاوب بس كلت محتاج شي                                                            وليد : لا بس كنت واكف بل حديقه وشفتج حبيت أسلم عليج                                                   حنين : تسلم يلا من رخصتك                                وليد : مرخوصه                                              حنين : ما اعرف بس أحس انو وليد يتوددلي ونضراته وكلامه يدل على انو أهوه معجب بيه بس الصراحه اني هم معجبة بي  ومر الوقت دون ما نحس بس تعب اليوم بدو عمامي يرحون بقو بس بيت عمو أبو وليد أجوي كعدو يمنه                      خالد(أبو وليد):اشلونج حجيه                                الحجية : هلا يمه هلا بل غالي اشلونك                                                        خالد : (وهوه يدنك ايبوس ايد أمه وراسه) ابوجودج اني زين
الحجية : دومك يا رب                                      شمس : اني بس دخل بابا وليد وعمو وأسد رحت الغرفه البنات وحنين اجت ورأي                          حنين : ما تضلين اهنه                                     شمس : حنين انتي من صدكج اشكاعد تحجين لج حتا ما محتملة اشوفه لا تزعلين مني مهمه يكون اخوج.         حنين : لا يعمري حاسه بيج براحتج خيه التردينه سوي بس أريد اكلج شغله وحده أهوه سوه هاذ كله من حبه الج وغيرته                                      شمس : أي حب هاذ حنينو خليني ساكته بعد خل يذبحني بيده وخل ايكول أحبه                             حنين : والله خيه ايحبج ومن غيرته واكيد ما سوه هاذ كله اذا ما متترادده ويا بل كلام صح لو لا اتعرفين أهوه كلشي ولا أحد يردده بل كلام وانتي حسب ما كلتي حتا معلي صوتج عليه ومتجاوزه زين ومنه سوه بس هاذ لو ما يحبج جان سوه أكثر شنو تتوقعين منه ايسوي اني كتلج العندي وهوه الصح وبعد بكيفج وآلله يهديكم يلا اني طالعه انتي كملي وتعالي                                                        شمس : طلعت حنين وتركتني أجهز نفسي وافكر يمكن كلامه صحيح ويمكن لا أهيه تحجي هجي لئن أخوه اوف عقلي اتشوش كملت وطلعت لكيت كلهم ايضحكون ومن شافوني اجت خاله باركتلي  انوب ماما وعمو هم وبابا والبنات وبيبي وإني مثل الطرش بل زفه ما مفتهمه شي وما باوعت الأسد برقم حسيته دا يباوعلي ويراقب حركاتي كعدت اشوي ورحنا اني اول ما وصلنه صعدت الغرفتي أخذت شاور ونمت بدون ما أحس كعدت الصبح لكيت 50 مكالمه فاءته من أسد 10 من حنين ياربي دخيلك كنت خايفه بس ما اهتميت غسلت وبدلت ردت أنزل اتريك ودك التلفون. .....يتبع                 🌹 🌹 🌹 🌹 🌹 🌹 🌹 🌹 🌹             هلو نوتلاتي اشلونكم والله ما اعرف شحجي وشنو اكول حتا اعبرلكم عن آسفي عنجد أسفه والله كان عندي ضروف وادري لو أكعد وسوالفلكم راح اتكولون ليش دا اتكتبين روحي ضروفج اتكفيج وربي جنت كل تعليق يوصلني أبجي واكول شنو ذنبهم ينتضرون والله دا اكتب وكوه وربي صابيعي احسهن ميتات وبرقم اختي كلتلي اساعدج بس ما قبلت أحد يكتب القصه غيري احبكم وانشالله البارت يعجبكم تحياتي الكاتبه ZHraa ♡                    1779كلمه