مساء الـ🥀ـورد حبايب متابعين الواتباد بلذات
طبعاً بسبب حاله اصابتني وسببت تعب لعيوني مقرأت تعليقات البارت السابق حبيت اريح عيووني حتى اكدر استمر بلكتابه والحمدلله صرت افضل المهم نرجع لموضوعنا لاحظ كميه تهجم على فقره ذكرتها بلبارت وهي جيش المهدي والامريكان والاشتباكات الي بذاك الوقت موجوده وكميه تهجم وتعليقات عجيبه فيما بينكم واكثر البنات طلبو مني مااذكر هيج مواقف
اول شى حابه اوضحه القصه من اول يوم تحكي عن رجل عراقي بسيط وعن كل المعناه الي عاشها في العراق وذكرت بلجزء الاول حرب ايران وحرب الكويت والحصار وكل المواقف الي مر بيها وخاصه هذه المواقف مرت على ملايين العراقيين مو بس عمو طه وحالياً الجزء الثاني يذكر حياه عمو طه وسقوط الحكم ودخول الامريكان وكولشي عاشه العراق من ٢٠٠٣ ولهذا اليوم مع حياه كل غزاله من غزلان الحجي وكولشي عااشوه
لهذا مااحذف اي تفصيله من القصه الشى الي دااذكره مو غريب ولا جديد والكل شافه وعاشه سواء سلبي او ايجابي ولو مو الاسف اغلبها سنوات مريره على العراق وراح تجي مواقف اصعب شنو راح تخلصوها مشاكل وعركات بينكم وناس ادافع وناس تشتم
قصه ابي والغزلان قصه محتواها اجتماعي عاطفي انساني بعيداً عن السياسه لكن مستحيل مااذكر المصائب الكبرى الي تعرض العراق الها وكل حادثه فجعت الالاف البيوت بغض النظر عن الطائفه
ليش نغالط روحنا هذا واقعنا وهذه السنوات فعلاً عشناها ليش هسه تتعاركون على شى صار وراح وانتهى والكل احترك وذاق مرارها واذا اني اذكر هذه المواقف بسبب طبيعه القصه وحياه ابطالي وكيف عاشووو هذه المواقف ومشاعرهم مااذكر هذه السنوات حتى تتعاركون بينكم وناس تغلط على ناس
ارجع واكرر رجاءاً ابتعدوا عن التجاوز واستمتعو بلقصه ومااختصر نهائياً هاي المره الالف اذكرها 😁
وبعدنا بلبارت التاسع وهاي المشاكل من نوصل للطائفيه شلون تصير بلقاذفات والبيكيسي يمكن 🤣🤣
طلب من اختكم ابتعدوا عن الطائفيه والغلط كلنا اخووه وكلنا عراقيين وهي قصه للاستمتاع واخذ العبر منها مو للمشاكل واثبات منو الصح ومنو الغلط
لاتنسون كلنا اخوه وعراقيين رِّبًـــ♡̨ـــٍْيٌٓ يحفظكم جميعاً
احـٍُــبٌــ💘ـٍَــْگُِم